المساعد الشخصي الرقمي

مشاهدة النسخة كاملة : ليلة عشق هتجوعنا ... هتجوعنا



أم أحمد
11-10-2006, 12:00 AM
بسم الله الرحمن الرحيم

السلام عليكم ورحمة الله وبركاته


كما تعودنا كل يوم مع مبدع جديد ولقاء جديد

اليوم موعدنا مع همسة المنتدي الدافئة

موعدنا مع صاحبة الاحساس الرقيق

والمشاعر العذبة الراقية

موعدنا مع ليلة عشق

في مطبخ ابناء مصر


http://gallery.egyptsons.com/data/media/49/postmodern.jpg (http://gallery.egyptsons.com)
اتفضلي يا ليلة عشق دخول مطبخ ابناء مصرالي اللقاء في الغد مع مبدع جديد وطبق لذيذ وكلام مفيد :f2:

jemmy
11-10-2006, 12:57 AM
انا اول واحد جاي اشوف ياترى ليله عشق ناويه فعلا تجوعنا

ولا هنقتبس اكله جديده لطبق اليوم

عشان كده بقولك

جبت بصله وطبق ** ومعاهم حلتين

قولت اهه ** يمكن ينفعوا لاكلتين

وماتنسيش الشوربه كمان * * اللى هتعمليها على الفرختين

والحلو ياليله ياريت * * لو تعمله منه صنيتين

وبعد الاكل ماتنسيش * * من قهوتك المحوجه فنجانين

هناكل ونشرب ونقولك * * الله الله ومتشــكرين *174*

أحمد ناصر
11-10-2006, 09:47 AM
أختى الغالية ليلة عشق
كل سنة وإنت طيبة
يالا بقى شدى حيلك
عايزين أكلة هايلة علشان نعوض الناس عن العك اللى أنا عكيته فى الحلقة الماضية
كل سنة وإنت طيبة
ورمضان كريم
:f:

ليلة عشق
11-10-2006, 11:26 AM
بسم الله الرحمن الرحيم

السلام عليكم ورحمة الله وبركاته


كما تعودنا كل يوم مع مبدع جديد ولقاء جديد

اليوم موعدنا مع همسة المنتدي الدافئة

موعدنا مع صاحبة الاحساس الرقيق

والمشاعر العذبة الراقية

موعدنا مع ليلة عشق

في مطبخ ابناء مصر


http://gallery.egyptsons.com/data/media/49/postmodern.jpg (http://gallery.egyptsons.com)
اتفضلي يا ليلة عشق دخول مطبخ ابناء مصرالي اللقاء في الغد مع مبدع جديد وطبق لذيذ وكلام مفيد :f2:



السلام عليكم

والله ماعارفة أنا هأعمل ايه ؟
جت بوكي بوكي ويا أم أحمد......
عملوها فيا وسابوني أغرق......
أعمل ايه أنا ويا كبار.......
وقلمي يادوب في ردود أشعار......
بس هأحاول يمكن أعاون.......
شعرا المطبخ في الأفكار......

تحياتي
ليلة عشق

ليلة عشق
11-10-2006, 11:34 AM
السلام عليكم ورحمة الله وبركاته
كل عام وأبناء مصر والعالم الإسلامي بخير
رمضان كريم علينا وعليكم جميعا بإذن الله

بصراحة مش عارفة كيف وقع عليا الاختيار من الإعلاميتان المتميزتان أم أحمد و بوكي بوكي لزيارة هذه المنطقة التي تخص الشعراء المبدعين والمتميزين فقط .....
نقول إيه الله كريم وسامحوني يمكن قائمة الطعام الي بقدمها اليوم تغفر لي شويه ......

وفعلا كنت أتمني أن تكون الوليمة علي أرض الواقع لأتشرف وأسعد بكل أخواتي وأخواني في منتدي أبناء مصر ...
أدام الله علينا الروح الطيبة في الشهر الكريم وكل عام وأنتم جميعا بخير ....
قائمة طعام اليوم من المأكولات البحرية أتمني أن تعجبكم وتنال استحسانكم ....


القائمة
شوربة مأكولات بحرية ( علي الطريقة الصينية ) – طاجن حبار في الفرن – صينية جمبري بالفرن ـ سمك ( مشوي ) حار في الفرن – سمك مقلي – سلطة بابا غنوج – سلطة فتوش - أرز


الحلويات
كنافة بالجبن – قطايف بالقشطة

ليلة عشق
11-10-2006, 11:44 AM
أولاً الشوربه ( مع الاحتفاظ بحقوق الصنع والطبع والنشر والتوزيع كمان )

المقادير
نص كيلو من كل من الأنواع التالية
( جمبري مقشر- كالاماري- كابوريا - محار - سمك اي نوع فيليه مقطع مكعبات بحجم علبة الكبريت )
4 حبات فلفل أخضر بارد
2 حبة جزر
2 بصلة متوسطة
2 كوب كرفس أمريكي بدون أوراق عروق فقط
ملح ، فلفل اسود
قالب زبد خالي من الملح ( 227 جم )
6 ملعقة دقيق كبيرة
2 كيس أناتو للتلوين ( متوفر بالسوبر ماركت قسم المأكولات الصينية )
ا كيس توست

الطريقة
ننظف جميع أنواع الأسماك أما الكابوريا نشيل الصدفة فقط ونقسمها اتنين ( يعني نخلي رجلها مانقطعهاش ) .
في حلة كبيرة نضع نصفها مية و نقطع الفلفل والجزر والبصل والكرفس مكعبات صغيرة والملح والفلفل حتي الغليان ثم نضيف كل أنواع الأسماك ماعدا السمك الفيليه لمدة نص ساعة وبعدها نحط السمك لمدة 5 دقايق ونطفي النار .
نصفي جميع المكونات في مصفة كبيرة ويتبقي عندنا الشوربة نتوكل علي الله ونبتدي الطريقة ..
في حلة تانية أكبر من الحلة الأولي نجيب قالب الزبدة ونشيل منه الثلث ونحط الثلتن الباقين في الحلة وعلي نار هاديه جدا نحط الدقيق مع التقليب المستمر وياريت بمضرب البيض لغاية الدقيق مايصفر لونة ونحط عليها الشوربة مع التلقيب المستمر لغاية ماتتماسك يعني بتكون في سمك شوربة الكريمة لا هي خفيفة ولا تقيلة ، ندوب كيسين الأناتو في نص كوب مية دافيه ونحطهم عليه ، ونضيف عليهم جميع الأسماك يغلوا علي النار لمدة 10 دقايق .

نجيب الثلت المتبقي من الزبد وندهن بية شرائح التوست ونضعهم في الفرن أو الميكرويف لغاية الزبدة ماتدوب عليهم . لتقدم بجانب الشوربة ...

طاجن الحبار

المقادير
حبارة كبيرة ( كيلو ونص او 2 كيلو )
4 فلفل أخضر بارد
4 طماطم وسط
2 بصلة وسط
5 فصوص ثوم
2 ملعقة صلصة كبيرة
ملح ، فلفل ، كمون
نص فنجان زيت ذرة

الطريقة
نغسل الحبار ويقطع شرائح رفيعة زي البطاطس المحمرة ( البوم فريت )
نقطع الفلفل والبصل والطماطم والثوم شرائح مدورة ونخلطهم مع الحبار والملح والفلفل والكمون ونحطهم في طاجن الفرن وندوب الصلصلة في ميه ونغطيهم بيها ،ونضع عليه الزيت وندخلهم الفرن لمدة ساعة ونصف تقريبا ...


صينية الجمبري بالفرن

المقادير
جمبري حجم كبير ( جامبو )
طماطم ، فلفل أخضر بارد وحار ، ثوم مفروم ، ملح ، كمون

الطريقة
نقوم بتنظيف الجمبري من الظهر ( سهل فتحه مع القشر بسكين مشرشر أو مقص ) وطبعا بعد مانشيل كيس الرمي نغسلة بالملح والخل .
نجيب جميع المكونات وفي محضرة الطعام نطحنهم مع مراعاة عدم هرسهم يعني وسط . نحشي الجمبري من الضهر ونرصة في الصينية ونقطع معاه فلفل أخضر بارد شرائح ونغطي الصينية بورق فويل لمدة نص ساعة ونضعة بعدها في الفرن لمدة نص ساعة تقريبا .....


السمكة الحارة

المكونات
سمكة كبيرة ( كيلو ونص او اتنين ) أي نوع لكن يفضل سمك الهامور .
شبت - كزبرة - بقدونس
طماطم
فلفل اخضر واحمر حلو
فلفل اخضر حار
بصل مفروم
ثوم مفروم
ليمون
ملح
بهارات سمك.

الطريقة
ننظف السمكة ونقوم بفتحها من بطنها وفردها في صينية فرن ، ثم نقوم بفرم جميع المقادير فرم ناعم ونخلطهم ونضع البهار والملح والليمون عليهم ونضعهم فوق السمكة ، ونغطيها بورق الفويل ونضعها في فرن ساخن لمدة ساعة ونصف تقريبا ،


السمك المقلي

المقادير
سمك متوسط الحجم
ثوم مهروس ، كمون ، عصير ليمون ، ملح
فلفل أحمر حار ( إختياري )
دقيق
زيت للقلي
شرائح ليمون للتزيين.

الطريقة
ننظف السمك ونقوم بتتبله بعد خلط جميع المكونات أعلاه ماعدا الدقيق والزيت طبعا قبل القلي بنص ساعة .
نسخن زيت غزير .. ونقوم بوضع السمك في الدقيق وقلية من الجهتين حتى ينضج ، نشيل السمك من الزيت ونصفية كويس ونضعه في طبق التقديم ونزينة بشرائح الليمون


سلطة بابا غنوج

المقادير
كيلو باذنجان
ثلث كوب طحينة
ا ملعقة ثوم مهروس
عصير 2 ليمون
ملعقة صغيرة ملح
ربع كوب زيت الزيتون
ماء حسب الحاجة
بقدونس مفروم وزيتون أسود للتزيين

الطريقة
يغسل الباذنجان و يشوى على النار أو داخل فرن نار قوية ، ثم يترك ليبرد ويقشر .
تمزج الطحينة مع قليل من الماء وعصير الليمون يضاف الثوم والملح وتخلط جيداً ثم تصب فوق الباذنجان ويخلط الكل جيداً. ( يفضل خلط المكونات في محضرة الطعام الكهربائية )
يوضع فى طبق التقديم ويوزع عليه زيت الزيتون ويرش على سطحه البقدونس المفروم ويزين بحبات الزيتون الأسود .

سلطة الفتوش
المكونات
خيار، طماطم ، فلفل أخضر بارد ، خس ، نعناع أخضر
زيت زيتون
ملح ، فلفل أسود ، سماق
خبز لبناني ( شامي )
زيت قلي


الطريقة
نقطع جميع الخضار قطع صغيرة ، نضيف زيت الزيتون والملح والفلفل الأسود والسماق .
نقطع الخبر مربعات ثم نقليها في الزيت حتى يصبح لونها ذهبيا نصفيها ونضيفها للخضروات.

وأخيرا الأرز

المقادير
أرز مصري
بصل مفروم
ملح ، كمون
زيت
ماء

الطريقة
نحمر البصل المفروم في الزيت حتي يصير ذهبي اللون ، نضيف الماء والملح والكمون ( مع مراعاة أن يكون الماء زيادة بكوب عن مقدار الرز) ، وبعد الغليان نضيف الرز ، ونهدي النار عليه ، لغاية مايستوي ...

والف هنا وشفا

ليلة عشق
11-10-2006, 11:49 AM
الحلويات

كنافة بالجبن
المكونات
1كيلو كنافه
4كوب جبن عكاوي مقطع ومنقوع طول اليوم
1كوب زبده او سمن سائلة
1ونص كوب دقيق فرخة
2 كوب قطر
فستق مطحون للتزيين

الطريقة
بعد نقع الجبن طول اليوم نصفي الماء عنها ونضعها في صينية وندخلها في الفرن عالي الحرارة في الوسط حتى تذوب الجبنة ، والجبنه في الفرن نحضر الكنافة بفركها مع كوبين الزبده او السمن ونوزعها في صينية قطرها 30 سم ونضغط جيدا ، نضع الصينية على النار من فوق على العين الكبيرة وندورها باستمرار .
اما الجبن نخرجه ونضعه في حله على النار مع طحين الفرخه مع كوب قطر واحد . ونحركها على نار متوسطه حتى يذوب المزيج مع بعضه ويشتد بس مش كثير .
وعندما نلاحظ ان الكنافه اللي على النار تلونت اطرافها نضع عليها الجبن ونوزعها بشكل متساوي...
ونحضر صينية اكبر من اللي عملنا فيها الكنافة ونقلبها ونضعها في الفرن لمدة دقيقتين فقط . نخرجها ونضع القطر البارد على الكنافه الساخنة حتى تتشرب كل القطر ونوزع الفستق الحلبي المطحون وتقدم ساخنة .

قطايف بالقشطة
المقادير
ا كيلو قطايف
نص كيلو قشطة
3 كوب قطر
زيت للتحمير
فستق مفروم للتزيين


الطريقة
نقفل القطايف لغاية نصفها ، ونترك النصف الأخر ( يعني زي مانلف القرطاس ) . تقلي في الزيت ومن ثم في القطر البارد ، تصفي وتترك شوية لتبرد ، ونقوم بحشوها بالقشطة ، ومن ثم نضع عليها الفستق وتقدم ...
وبالهنا والشفا
وكل عام وأنتم طيبين وبخير ، وسفرة أبناء مصرعامرة بأطايب الأكلات دايما يارب ...


تحياتي
ليلة عشق

ليلة عشق
11-10-2006, 12:00 PM
انا اول واحد جاي اشوف ياترى ليله عشق ناويه فعلا تجوعنا

ولا هنقتبس اكله جديده لطبق اليوم

عشان كده بقولك

جبت بصله وطبق ** ومعاهم حلتين

قولت اهه ** يمكن ينفعوا لاكلتين

وماتنسيش الشوربه كمان * * اللى هتعمليها على الفرختين

والحلو ياليله ياريت * * لو تعمله منه صنيتين

وبعد الاكل ماتنسيش * * من قهوتك المحوجه فنجانين

هناكل ونشرب ونقولك * * الله الله ومتشــكرين *174*

معقولة ياجيمي برضة
من أكون أنا جنب مطبخك الشيك والراقي جدا جدا جدا......
وكمان جايب حلتين لا بقي أنت كده جاي علي طمع ......
عموما يارب تعجبك عمايلي والقهوة علي النار يافندم .....
خلص انت فطار وهتكون موجودة حالا .....
كل الشكر لك ياجيمي علي مرورك الكريم ......
والكلام الجميل الي انت كتبته هنا .....
وكدة بقي الحق ام احمد وبوكي بوكي هيقبضوا عليك ....
دا انت طلعت كاتب عظيم أهو .....
كل سنة وأنت طيب ....
ورمضان كريم .....

تحياتي
ليلة عشق

ليلة عشق
11-10-2006, 12:07 PM
أختى الغالية ليلة عشق
كل سنة وإنت طيبة
يالا بقى شدى حيلك
عايزين أكلة هايلة علشان نعوض الناس عن العك اللى أنا عكيته فى الحلقة الماضية
كل سنة وإنت طيبة
ورمضان كريم
:f:

لالا ياأحمد متقولش كدة ....
أنت ماشاء الله عليك أسعدتنا بسفرتك الجميلة من ايدك المتميزة .....
وعايزاك تقولي رأيك بصراحة بس دوق الأول وبعدين قول ......
كل الشكر لك علي كلامك الجميل الطيب .....
كل سنة وانت طيب ورمضان كريم عليك وعلي الأمة الإسلامية جميعا بخير يارب ....

تحياتي
ليلة عشق

شاعر الرومانسية
11-10-2006, 03:04 PM
الله الله الله
يا صباح الفسفور ...:good:
انا حاسس ان الاعضاء حينوروا والله بعد الاكله دى...:2:

بس والله انتى اللى منورانا يا ليلة عشق ...
وسفرتك انهاردة لا يعلا عليها ....
من اول السلطات .. وحتى الحلوياااات



اكلنا والمعدة تعبانة من اكل اللحوم
وقلنا كفاية من دة الاكل .. ونكملها صوم
زهقنا من البفتيك .. ومالمحشى
وعاوزين حاجة تنفعنا.. ويبقى ليها لزوم

سمك .. جمبرى .. وكلمارى
جعان انا والله مالصبح وبدارى
لكن قدام الاكلة ديا
بقول سلمت ياخونا .. مش باختيارى

وصفات تزغلل عينيكوا وعنيا
ومش عارفين حنبدأ بدية او دية
ولو خلصت انا على السفرة
دة غصب عنى والله ومش باديا

ضعفت امام الجمبرى وقلبى دق
وبعد ماكنت متنرفز .. بدأت ارق
عشان السفرة يا اخوانا..
دى بايديها عاملاها.. ليلة عشق

دى عضوة عزيزة .. بس ووخدانا رايح جى
مابين اكلات مع مسابقات.. ماليها زى
سهرت فى يوم ..
وقلت الحق اجاوب مرة قبليها
لقيت اجابتها قبل الفجر ..
بتلالى زى الضى


كل عام وانتى بخير اختنا العزيزة ..
وتسلم ايدك .. ومنتظرين نحلى باجمل قصيدة:good:

تقبلى منى خالص تحياتى .. وأطيب امنياتى،،،:f:

حسام عمر
11-10-2006, 04:04 PM
تسلم ايدك

اكله هنيه

بس الصنين وصلوا كمان للسمك


وكل عام وانتي بخير

boukybouky
11-10-2006, 05:20 PM
لالا مش اقدر انا علي كده يا ليلة عشق

ايه يا قمر الجمال و الروعة ديه الأكلة ريحتها نطت من الكمبيوتر

بس ايه أكله و الواحد ينام بعدها أسبوع :d

تسلم إيدك يا قمر و منورانا بس فين بقي الحلو؟؟ مش الحلو القشطة و الكنافة

لالا انت هتضحكي علينا بهم و الا إيه!!! إحنا عايزين الحلو التاني و احنا بنشرب الشاي

نتمزج كده و نعدل راسنا و نوزنها بعد أكله فواكه البحر ديه ..حتي نهضم :d

في إنتظارك يا جميل و راجعة انا تاني اشوف ان شاء الله

في رعاية الله ،،،

أم أحمد
11-10-2006, 09:40 PM
يا محاسن الصدف
انا النهاردة اكلت سمك وجمبري وكاليماري
واجي هنا الاقي نفس الاكل
احمدك يا رب
ايه يا ليلة القائمة اللي تجنن دي
لا بجد تسلم ايدك
انتي جوعتيني وانا لسه يدوب مخلصة فطار من ساعتين
اعمل فيكي ايه بس
لن اتنازل عن الوجبة دي لما اجي مصر
وخصوصا الشوربة ههههههههه
تسلم ايدك يا جميل
اروح اشرب شوية شاي اهضم بيهم الاكل اللي يجنن ده كله

amal3
12-10-2006, 12:50 AM
الأخت العزيزة ليلة عشق

حقيقى أكلة جنان

ومنورة المكان

بجد كنا محتاجين نفس أنثى عشان أحنا تعبنا أوى من أكل الرجالة

هما آه أخوتنا وأصدقائنا ونستحملهم فى كل حاجة لكن بصراحة لحد كدا وحرام

أحنا برضة فى صيام ورمضان كريم

كل سنة وأنت طيبة ياليلة وربنا يعود عليكى الأيام بخير أنتى وكل أحبابك

عيزا اقولك أن الأكل يجنن وريحته مهفهفه ومليا الدنيا كلها

وبعدين أنت عملة شوية أصناف ملهمش حل

تسلم أيدك ياأحلى ليلة


أختك آمال مصطفى

Abdou Basha
12-10-2006, 05:31 AM
حاجة آخر احتراف...
تعقد يعني
:)

عصام علم الدين
12-10-2006, 10:31 AM
الأخت الفاضله ليلة عشق
سلام الله عليكم ورحمته وبركاته
رائحة السمك وصلت لغاية فيينا وريقي جري وكان نفسي بجد ألاقي الأكل واقع ملموس
بجد حاجه تخلي الواحد يسأل نفسه إن كانت الحاجات اللي بياكلها هنا دي ليها علاقه بالأكل ولا
ده مجرد تشابه أسماء
يعني مش معقوله أبداً إن أننا لو قلت عندنا أكلة سمك يبقى قصدي كيده بجد
أصلي إكتشفت أن السمك اللي أنا أعرفه مالوش أي علاقه بالسمك اللي أنا كلته في صفحتك هنا
بصراحه حاجه تعل وتخلي الواحد يعرف إنه بالفعل مابياكلش
وكمان الحلويات إبداع حقيقي تخلي الواحد ياكل منها ولا يهمه قطر ولا غيره
يعني أنا مخفتش أبداً من معلقتين القطر اللي في الوصفه إذ أني أعتقد أنه قطر مالوش علاقه بسكة حضيض مصر
وأخيراً لك الحق في التأكيد على حقوقك الأدبيه والغذائيه
بس ياريتك تبعتيلي شندوتش

أخوك
عصام علم الدين

أحمد ناصر
12-10-2006, 10:37 AM
حاجة آخر احتراف...
تعقد يعني
:)
فعلا زى ماقال عبدالرحمن كده
أنا إتعقدت
:2:
تسلم إيديك بصراحة
حاجة هايلة
*128*

Amira
12-10-2006, 11:00 AM
بسم الله ماشاء الله يا ليلة - أيه يا جميل الأبداع دا كله في الطبيخ تسلم أيدك بجد:f:

عزومة تجنن أحنا كده الحمد لله ضمنا أنك مش هتجوعينا .. مش هتجوعينا

بالأكلة دي هاتنورينا .. هاتنورينا :d

و دايما عامر يا جميل :f2:

ليلة عشق
12-10-2006, 11:34 PM
الله الله الله
يا صباح الفسفور ...:good:
انا حاسس ان الاعضاء حينوروا والله بعد الاكله دى...:2:

بس والله انتى اللى منورانا يا ليلة عشق ...
وسفرتك انهاردة لا يعلا عليها ....
من اول السلطات .. وحتى الحلوياااات



اكلنا والمعدة تعبانة من اكل اللحوم
وقلنا كفاية من دة الاكل .. ونكملها صوم
زهقنا من البفتيك .. ومالمحشى
وعاوزين حاجة تنفعنا.. ويبقى ليها لزوم

سمك .. جمبرى .. وكلمارى
جعان انا والله مالصبح وبدارى
لكن قدام الاكلة ديا
بقول سلمت ياخونا .. مش باختيارى

وصفات تزغلل عينيكوا وعنيا
ومش عارفين حنبدأ بدية او دية
ولو خلصت انا على السفرة
دة غصب عنى والله ومش باديا

ضعفت امام الجمبرى وقلبى دق
وبعد ماكنت متنرفز .. بدأت ارق
عشان السفرة يا اخوانا..
دى بايديها عاملاها.. ليلة عشق

دى عضوة عزيزة .. بس ووخدانا رايح جى
مابين اكلات مع مسابقات.. ماليها زى
سهرت فى يوم ..
وقلت الحق اجاوب مرة قبليها
لقيت اجابتها قبل الفجر ..
بتلالى زى الضى


كل عام وانتى بخير اختنا العزيزة ..
وتسلم ايدك .. ومنتظرين نحلى باجمل قصيدة:good:

تقبلى منى خالص تحياتى .. وأطيب امنياتى،،،:f:

أخي الفاضل شاعر الرومانسية

الله عليك وعلي الكلام الطيب والجميل .....
بس كدة نقول يامساء الفسفور لأن الأكلة هتكون علي الفطار ......
الحمد لله أن الأطباق نالت أستحسانك .....
والف الف شكر علي كلماتك الرائعة .....
سلمت وسلم قلمك ........
وكل عام وأنت بخير أعاد الله عليك رمضان وعلي الأسرة الكريمة بألف خير .....

تحياتي
ليلة عشق

ليلة عشق
13-10-2006, 03:25 PM
تسلم ايدك

اكله هنيه

بس الصنين وصلوا كمان للسمك


وكل عام وانتي بخير

الأخ الفاضل حسام عمر

سلمك الله من كل سؤء يارب ......
والحمد لله أن الأكلة عجبتك وبالهنا والشفا أن شاء الله ......
وطبعا بالنسبة للصينين لا يعلي عليهم في أطباق الأسماك .....
طرق تفننهم في المأكولات الصينية لا توصف بطريقة تقديمها وتصنيعها فعلا جميلة .....
كل الشكر لمرورك الكريم......
وكل عام وأنت بخير أعاد الله عليك رمضان دائما بالخير واليمن والدرجات .....

تحياتي
ليلة عشق

ليلة عشق
13-10-2006, 05:40 PM
لالا مش اقدر انا علي كده يا ليلة عشق

ايه يا قمر الجمال و الروعة ديه الأكلة ريحتها نطت من الكمبيوتر

بس ايه أكله و الواحد ينام بعدها أسبوع :d

تسلم إيدك يا قمر و منورانا بس فين بقي الحلو؟؟ مش الحلو القشطة و الكنافة

لالا انت هتضحكي علينا بهم و الا إيه!!! إحنا عايزين الحلو التاني و احنا بنشرب الشاي

نتمزج كده و نعدل راسنا و نوزنها بعد أكله فواكه البحر ديه ..حتي نهضم :d

في إنتظارك يا جميل و راجعة انا تاني اشوف ان شاء الله

في رعاية الله ،،،

الأخت الغالية العزيزة بوكي بوكي

سلمك الله ياجميلة والفضل يرجع لك ويرجع للغالية أم أحمد علي لمواضيعكم الجميلة الجديدة والمميزة ....
وبعدين كمبيوتر ايه ياجميلة أنت أن شاء الله تشرفيني وتنوريني ......
ومائدتي الحقيقية تزدان بيكي والحلو يكون بيني وبينك .....
وأعدلك مزاجك بأحلي شاي وأحلي قهوه عربي كمان .....
مرورك أسعدني عزيزتي لك كل الشكر .....

تحياتي
ليلة عشق

ليلة عشق
13-10-2006, 08:45 PM
يا محاسن الصدف
انا النهاردة اكلت سمك وجمبري وكاليماري
واجي هنا الاقي نفس الاكل
احمدك يا رب
ايه يا ليلة القائمة اللي تجنن دي
لا بجد تسلم ايدك
انتي جوعتيني وانا لسه يدوب مخلصة فطار من ساعتين
اعمل فيكي ايه بس
لن اتنازل عن الوجبة دي لما اجي مصر
وخصوصا الشوربة ههههههههه
تسلم ايدك يا جميل
اروح اشرب شوية شاي اهضم بيهم الاكل اللي يجنن ده كله

الأخت الغالية والعزيزة أم أحمد

تسلميلي حبيبتي علي اعجابك بالأكل أنتي بس تنوري مصر ......
وأنا التي لن تتنازل علي تشريفك ليا .....
وبعدين شوربه بس ده جميع المأكولات البحرية والبرية هتكون جاهزة وفي أستقبالك ياجميلة .....
وهتشوفي أن أختك ليله شاطرة كمان في حاجات تانية كتير ......
تيجي بالسلامة عيني تنوري بلدك وكلنا في أنتظارك .......
كل سنة وأنتِ طيبة وأسرتك الكريمة في أسعد حال ......

تحياتي
ليلة عشق

ليلة عشق
13-10-2006, 08:56 PM
الأخت العزيزة ليلة عشق

حقيقى أكلة جنان

ومنورة المكان

بجد كنا محتاجين نفس أنثى عشان أحنا تعبنا أوى من أكل الرجالة

هما آه أخوتنا وأصدقائنا ونستحملهم فى كل حاجة لكن بصراحة لحد كدا وحرام

أحنا برضة فى صيام ورمضان كريم

كل سنة وأنت طيبة ياليلة وربنا يعود عليكى الأيام بخير أنتى وكل أحبابك

عيزا اقولك أن الأكل يجنن وريحته مهفهفه ومليا الدنيا كلها

وبعدين أنت عملة شوية أصناف ملهمش حل

تسلم أيدك ياأحلى ليلة


أختك آمال مصطفى

الشاعرة الرائعة أمال مصطفي

مش ممكن الأكل يكون له طعم من غير وجودك معانا عزيزتي ......
نورتي السفرة بكلماتك المضيئة وحضورك المشرق المحمل بأكاليل الزهور ....
وعلي رأيك فعلا أحنا تعبنا من أكل الرجالة بس برضة علي قدهم .....
كتر خيرهم برضة نفسهم جنبا واحنا واقفين في المطبخ .....
أي نعم نفسنا أحنا الي بيظهر بس ياله ماعلينا .....
طبعا تسلم اياديهم جميعا ويجعله دايما عامر بوقفتهم جنبا ومساعدتهم ( دة طبعا الي بيساعدوا ) .....
والحمد لله أن أصناف أختك ليله عجبتك ......
كل سنة وأنتِ طيبة وأسرتك الكريمة بأسعد حال .....
أعاد الله علينا رمضان بصحبتنا الجميلة ولمتنا الحلوة علي مائدة أبناء مصر .....
بالخير واليمن والبركات .......

تحياتي
ليلة عشق

يحيى زكريا
13-10-2006, 09:09 PM
شوفى بقى يا ست الكل...

انا حكلمك بصراحه ...

انا ياست ليلة عشق كنت قاعد ابص على الاصناف الجميله بس ماكنتش عارف آكل بعد حالة

الرعب اللى حصلت لى كنت عمال آكل الجمبرى بس ومش قادر امد ايدى على الاصناف التانيه

اصلى ماتعودتش آكل حاجه معرفهاش وكنت عمال ابص لك وانا قاعد مع الجماعه وعاوز

اسالك بس كنت خايف الاخوه يبصوا لى ويقولوا لى اتلهى على عينك يا جاهل ياللى مابتفهمش

فى الاكلات البحريه عشان كده قعدت آكل جمبرى لحد ما اتجمبرت وقلت فى عقل بالى كُل واعمل

نفسك عارف كل حاجه احسن مالناس يعرفوا خيبتك التقيله يا جاهل الاكلات البحريه لان معلش

متآخذينيش يعنى انا كل معلوماتى عن الاكلات البحريه تنحصر فى السمك المقلى والمشوى

والكزبريه اللى امى الله يرحمها كانت بتعملها بس ايه تخللى العقل يتهبل ودلوقت والنبى انا

عاوز تقوليلى ايه هى الحاجات اللى انا مش عارفها دى بس على جنب ومن غير فضايح الله

لا يسيئك واذا حد من اخواننا المعزومين قال لك هو يحيى كان بيسالك على ايه ابقى قولى له

دا كان بيسال على عيل تايه او حضرتك اتصرفى وقولى اى حاجه ...

اولا يا استاذه مش مهم طريقة الطهى اذا كانت صينيه ولا يابانيه ولا حتى من كوالالمبور المهم

الاصناف دى تطلع ايه...

1-الحبار 2- كالامارى والنبى وانا بكتبها جه على بالى اغنية عبدالمطلب بتاعت وانا مالى وانا

مالى وانا مالى يا بوى وانا مالى وقعدت اغنى كالا مارى كالامارى كالامارى يابوى كالامارى

3- سمك الهامور يا سنه سوخه دا اسمه لوحده حط الرعب فى قلبى يبقى اكله ازاى

4- جبن عكاوى هى الجبنه كمان بقت عكاوى يا سنه سوخه يبقى عمرنا ماحناكلها ده كيلو

العكاوى بالشيئ الفلانى يبقى الجبنه حنجيبها بكام ومين اللى قال لهم يعملوها عكاوى بس..

5- كوب قطر ..يا مثبت العقل يارب ..طيب اجيب القطر وافرمه ولا اكسره واحطه فى كبايات

ازاى ويا ترى قطر قطر ركاب ولا بضاعه ووجه قبلى ولا بحرى.....

استاذتى ليلة عشق ...

حقيقى استمتعت بعزومتك الرائعه مالكيش دعوه بالكلام التانى انا بضحك رغم انى حقيقى

معرفش الاصناف اللى انا اتكلمت عنها انما برضو تسلم ايدك ورمضان كريم..

ليلة عشق
15-10-2006, 05:08 AM
حاجة آخر احتراف...
تعقد يعني
:)

الأخ الفاضل Abdou Basha

الله يخليك أستاذ عبد الرحمن ......
والحمد لله أن الأطباق عجبت حضرتك ......
دة شيء يشرفني ويسعدني ......
ودايما كدة منور سفرتنا المتواضعة .....
كل سنة وأنت طيب أعاد الله عليك رمضان كل عام بالخير واليمن والبركات .....

تحياتي
ليلة عشق

ليلة عشق
15-10-2006, 05:20 AM
الأخت الفاضله ليلة عشق
سلام الله عليكم ورحمته وبركاته
رائحة السمك وصلت لغاية فيينا وريقي جري وكان نفسي بجد ألاقي الأكل واقع ملموس
بجد حاجه تخلي الواحد يسأل نفسه إن كانت الحاجات اللي بياكلها هنا دي ليها علاقه بالأكل ولا
ده مجرد تشابه أسماء
يعني مش معقوله أبداً إن أننا لو قلت عندنا أكلة سمك يبقى قصدي كيده بجد
أصلي إكتشفت أن السمك اللي أنا أعرفه مالوش أي علاقه بالسمك اللي أنا كلته في صفحتك هنا
بصراحه حاجه تعل وتخلي الواحد يعرف إنه بالفعل مابياكلش
وكمان الحلويات إبداع حقيقي تخلي الواحد ياكل منها ولا يهمه قطر ولا غيره
يعني أنا مخفتش أبداً من معلقتين القطر اللي في الوصفه إذ أني أعتقد أنه قطر مالوش علاقه بسكة حضيض مصر
وأخيراً لك الحق في التأكيد على حقوقك الأدبيه والغذائيه
بس ياريتك تبعتيلي شندوتش

أخوك
عصام علم الدين

الشاعر المبدع عصام علم الدين

معقولة برضة ياأستاذ عصام شندوتش اية دة بس الي ابعتهولك ودة يبقي فطار برضة ......
لا مينفعش كدة مش معقولة بعد وقفتي في المطبخ علشان اجهز الأسماك واحضرها تقولي شندوتش .....
أما بقي حكاية القطر دي .....
بما أن حوادث القطارات اليومين دول كتروا فمن الممكن أستبداله بالشربات .......
واعتقد الشربات مافيش منة خوف يعني مالناش دعوة بسكك حضيض مصر ولا هنقرب ناحيتها .....
بس ياريت مش يكون شربات مانجه ولا فراوله لاتبقي كارثة ......
الحمد لله أن الأطباق نالت استحسانك وعجبتك .....
وكل سنة وحضرتك طيب والأسرة الكريمة في أسعد حال .....
أعاد الله عليك رمضان كل عام بالخير واليمن والبركات ......

تحياتي
ليلة عشق

osha
15-10-2006, 06:29 AM
صباح الافترا يا جميل
ايه الشغل الجامد دا
كلام ميه ميه بصراحة
بس ياخوفي تلاقي واحد جاي يقولك قاطعوا ليلة عشق عشان حاطة كرفس امريكاني فاسق
ههههه
نورت المطبخ بالفسفور ...قصدي بالوصفات الجميلة

ليلة عشق
16-10-2006, 07:55 AM
فعلا زى ماقال عبدالرحمن كده
أنا إتعقدت
:2:
تسلم إيديك بصراحة
حاجة هايلة
*128*

الأخ الفاضل أحمد ناصر

اتعقدت ايه بس ياأستاذ أحمد بعيد الشر عليك.......
دة حضرتك عملت لنا أخف أكلة وبيحبوها الكبار والصغار و جميلة جدا ......
سلمت يداك وسلمك الله من كل سوء باذن الله .......
والحمد لله ان الاطباق عجبتك ونالت استحسانك ......
كل عام وأنت بخير أعاد الله عليك رمضان كل عام بالخير والبركات .....

تحياتي
ليلة عشق

ليلة عشق
16-10-2006, 08:05 AM
بسم الله ماشاء الله يا ليلة - أيه يا جميل الأبداع دا كله في الطبيخ تسلم أيدك بجد:f:

عزومة تجنن أحنا كده الحمد لله ضمنا أنك مش هتجوعينا .. مش هتجوعينا

بالأكلة دي هاتنورينا .. هاتنورينا :d

و دايما عامر يا جميل :f2:


حبيبتي الغالية أميرة

انتي الي نورتينا نورتينا ياجميلة ......
الحمد لله ان الأصناف والأطباق عجبتك .......
وكل عام وأنتِ بألف الف خير .......
أعاد الله عليكِ رمضان كل عام وأنتِ في صحة وسعادة يارب ......

تحياتي
ليلة عشق

ليلة عشق
16-10-2006, 08:34 AM
شوفى بقى يا ست الكل...

انا حكلمك بصراحه ...

انا ياست ليلة عشق كنت قاعد ابص على الاصناف الجميله بس ماكنتش عارف آكل بعد حالة

الرعب اللى حصلت لى كنت عمال آكل الجمبرى بس ومش قادر امد ايدى على الاصناف التانيه

اصلى ماتعودتش آكل حاجه معرفهاش وكنت عمال ابص لك وانا قاعد مع الجماعه وعاوز

اسالك بس كنت خايف الاخوه يبصوا لى ويقولوا لى اتلهى على عينك يا جاهل ياللى مابتفهمش

فى الاكلات البحريه عشان كده قعدت آكل جمبرى لحد ما اتجمبرت وقلت فى عقل بالى كُل واعمل

نفسك عارف كل حاجه احسن مالناس يعرفوا خيبتك التقيله يا جاهل الاكلات البحريه لان معلش

متآخذينيش يعنى انا كل معلوماتى عن الاكلات البحريه تنحصر فى السمك المقلى والمشوى

والكزبريه اللى امى الله يرحمها كانت بتعملها بس ايه تخللى العقل يتهبل ودلوقت والنبى انا

عاوز تقوليلى ايه هى الحاجات اللى انا مش عارفها دى بس على جنب ومن غير فضايح الله

لا يسيئك واذا حد من اخواننا المعزومين قال لك هو يحيى كان بيسالك على ايه ابقى قولى له

دا كان بيسال على عيل تايه او حضرتك اتصرفى وقولى اى حاجه ...

اولا يا استاذه مش مهم طريقة الطهى اذا كانت صينيه ولا يابانيه ولا حتى من كوالالمبور المهم

الاصناف دى تطلع ايه...

1-الحبار 2- كالامارى والنبى وانا بكتبها جه على بالى اغنية عبدالمطلب بتاعت وانا مالى وانا

مالى وانا مالى يا بوى وانا مالى وقعدت اغنى كالا مارى كالامارى كالامارى يابوى كالامارى

3- سمك الهامور يا سنه سوخه دا اسمه لوحده حط الرعب فى قلبى يبقى اكله ازاى

4- جبن عكاوى هى الجبنه كمان بقت عكاوى يا سنه سوخه يبقى عمرنا ماحناكلها ده كيلو

العكاوى بالشيئ الفلانى يبقى الجبنه حنجيبها بكام ومين اللى قال لهم يعملوها عكاوى بس..

5- كوب قطر ..يا مثبت العقل يارب ..طيب اجيب القطر وافرمه ولا اكسره واحطه فى كبايات

ازاى ويا ترى قطر قطر ركاب ولا بضاعه ووجه قبلى ولا بحرى.....

استاذتى ليلة عشق ...

حقيقى استمتعت بعزومتك الرائعه مالكيش دعوه بالكلام التانى انا بضحك رغم انى حقيقى

معرفش الاصناف اللى انا اتكلمت عنها انما برضو تسلم ايدك ورمضان كريم..


الأستاذ الفاضل يحيي زكريا

بص بقي ياسيدي ......
أنا رديت علي الناس كلهم خلاص وهما دلوقتي بيشربوا الشاي ومش واخدين بالهم احنا بنقول اية .....
مع حضرتك أنا واحدة واحدة علشان هقولك انا كمان علي سر ......
ولو سمحت برضة لو حد سألك كانت بتقولك اية ....
اتصرف حضرتك وقولهم اي حاجة .....
شوف حضرتك أصل أنا أتخرجت من الجامعة ولسة يادوب ماما هتبتدي تعلمني الطبخ لأني مش كنت أعرف أعمل حاجة في المطبخ ولا ليا علاقة بية حصلت لي حادثة أو بمعني أصح عاهة مستديمة ( إتجوزت ) ....
المهم قدر الله وماشاء فعل وسافرت بقي علي طول الخليج......
يعني تجاربي ومعلوماتي الأكلية كلها كانت من مقتبسة من البيئة الخليجية ....
كدة أكيد حضرتك مقدر موقفي المطبخي !!!!
نيجي بقي لتفسير بعض المصطلاحات الأكلية في البيئة المطبخية .....
سيدي الفاضل الكالاماري هو الحبار الصغير ....
ايه هو بقي الحبار ....بيقولوا علية في مصر (سبيط ) سبطوه لية أنا مش عارفه مع ان أسمة الصح الحبار لان بداخله كيس مليان حبر بيستعملة للدفاع عن نفسة .....
بيبخ الحبر لو قابل أي عدوان خارجي مثلا زي سمك الهامور المتوحش .....
نيجي بقي للهامور ....من أجمل الأسماك الي ممكن حضرتك تاكلها طبعا هو متوفر في الخليج ومعروف هناك باسم الهامور ....
بس أنا لقيتة في مصر وبيسموه (وقار ) وبرضة مش عارفة من الي وقرة وعظمة بصراحة !! بس هو يستاهل يعني أنة يبقي وقور بين باقي الأسماك ......
أتمني كدة نكون خلصنا علي القائمة الرئيسية نروح بقي علي الحلويات ....
الجبنة العكاوي أستاذي الفاضل هي نوع جبنة مفيهاش ملح كتير ولما بتدخل النار بتسيح وبتبقي عاملة زي الجبنة الموتزريلا واسمها عكاوي لانها دسمة شوية وموجودة برضة في مصر بعد بحث عنها لقيتها في ( سوبر ماركت مترو) وكارفور كمان وبرضة اسمها عكاوي ......
اما بالنسبة للقطر ولا يهمك سيبك منة قطر اية وكلام اية مالة الشربات بتاعنا شوية مية عليهم شوية سكر وعلي النار ونص فص لمونة وخلاص بقي شربات يتحط علي الحلويات ....
ولا قطر بضايع ولا ركاب ولا قبلي ولا بحري ....
أستاذي الفاضل
أستمتعت جدا جدا بوجود حضرتك وسطنا بطلتك البهية وبالحوار الجميل معك ......
كل عام وأنت بخير ......
أعاد الله عليك رمضان كل عام بالصحة والخير واليمن والبركات .....

تحياتي
ليلة عشق

ليلة عشق
16-10-2006, 08:47 AM
صباح الافترا يا جميل
ايه الشغل الجامد دا
كلام ميه ميه بصراحة
بس ياخوفي تلاقي واحد جاي يقولك قاطعوا ليلة عشق عشان حاطة كرفس امريكاني فاسق
ههههه
نورت المطبخ بالفسفور ...قصدي بالوصفات الجميلة

حبيبتي الغالية أوشا

نورتينا ياقمر وكويس انك جيتي معانا في اللمة الجميلة دي علي الأفطار ......
الحمد لله ان الأطباق عجبتك .....
ومتخافيش باذن الله مافيش مقاطعة ولا حاجة لأني أكتشفت أنة أسمة بس كرفس أمريكي .....
لكنة بيتزرع وموجود في مصر وبوفرة بس أخضر قوي عن الأمريكي المهم أنة موجود ومزروع هنا علشان مفيش حد يقلق....
كل سنة وأنتِ بخير أعاد الله عليكِ رمضان كل عام بالخير واليمن والبركات أنتِ وأسرتك الكريمة .....

تحياتي
ليلة عشق

د. جمال مرسي
16-10-2006, 08:57 AM
بصراحة البريد لم يصلني بالأمس لأعرف أن ليلة عشق هي الشيف بالأمس
و بالتالي ضاعت عليّ هذه الأكلات البحرية الرائعة
لكن عموما سأحتفظ بها في سجلاتي و لا سيما الكنافة بالقشطة التي أعشقها
صباحك رائع أختنا الكريمة ليلة عشق
و تقبلي مودتي و تقديري
د. جمال

يحيى زكريا
16-10-2006, 11:56 PM
الأستاذ الفاضل يحيي زكريا

بص بقي ياسيدي ......
أنا رديت علي الناس كلهم خلاص وهما دلوقتي بيشربوا الشاي ومش واخدين بالهم احنا بنقول اية .....
مع حضرتك أنا واحدة واحدة علشان هقولك انا كمان علي سر ......
ولو سمحت برضة لو حد سألك كانت بتقولك اية ....
اتصرف حضرتك وقولهم اي حاجة .....
شوف حضرتك أصل أنا أتخرجت من الجامعة ولسة يادوب ماما هتبتدي تعلمني الطبخ لأني مش كنت أعرف أعمل حاجة في المطبخ ولا ليا علاقة بية حصلت لي حادثة أو بمعني أصح عاهة مستديمة ( إتجوزت ) ....
المهم قدر الله وماشاء فعل وسافرت بقي علي طول الخليج......
يعني تجاربي ومعلوماتي الأكلية كلها كانت من مقتبسة من البيئة الخليجية ....
كدة أكيد حضرتك مقدر موقفي المطبخي !!!!
نيجي بقي لتفسير بعض المصطلاحات الأكلية في البيئة المطبخية .....
سيدي الفاضل الكالاماري هو الحبار الصغير ....
ايه هو بقي الحبار ....بيقولوا علية في مصر (سبيط ) سبطوه لية أنا مش عارفه مع ان أسمة الصح الحبار لان بداخله كيس مليان حبر بيستعملة للدفاع عن نفسة .....
بيبخ الحبر لو قابل أي عدوان خارجي مثلا زي سمك الهامور المتوحش .....
نيجي بقي للهامور ....من أجمل الأسماك الي ممكن حضرتك تاكلها طبعا هو متوفر في الخليج ومعروف هناك باسم الهامور ....
بس أنا لقيتة في مصر وبيسموه (وقار ) وبرضة مش عارفة من الي وقرة وعظمة بصراحة !! بس هو يستاهل يعني أنة يبقي وقور بين باقي الأسماك ......
أتمني كدة نكون خلصنا علي القائمة الرئيسية نروح بقي علي الحلويات ....
الجبنة العكاوي أستاذي الفاضل هي نوع جبنة مفيهاش ملح كتير ولما بتدخل النار بتسيح وبتبقي عاملة زي الجبنة الموتزريلا واسمها عكاوي لانها دسمة شوية وموجودة برضة في مصر بعد بحث عنها لقيتها في ( سوبر ماركت مترو) وكارفور كمان وبرضة اسمها عكاوي ......
اما بالنسبة للقطر ولا يهمك سيبك منة قطر اية وكلام اية مالة الشربات بتاعنا شوية مية عليهم شوية سكر وعلي النار ونص فص لمونة وخلاص بقي شربات يتحط علي الحلويات ....
ولا قطر بضايع ولا ركاب ولا قبلي ولا بحري ....
أستاذي الفاضل
أستمتعت جدا جدا بوجود حضرتك وسطنا بطلتك البهية وبالحوار الجميل معك ......
كل عام وأنت بخير ......
أعاد الله عليك رمضان كل عام بالصحة والخير واليمن والبركات .....

تحياتي
ليلة عشق


استاذتى ليلة عشق...

ماشاء الله عليكى وعلى خقة دمك ....

انااحب جدا الكتابات الفكاهيه والساخره وباذن الله ممكن نعمل مع بعض حاجات جميله...

بس بعد العيد لاحسن انا دلوقت مزنوق زنقة الالمان فى العلمين وماسك منقاش وعمال انقش

فى الكحك عقبال عندك والحمدلله على ما اتعلمت كنت بوظت لهم نص العجين واكيد حبوظ النص

التانى عشان يحرموا يعملوا كحك فى البيت بس صبرك على..اصلى انا برضو من مده حصلت

لى حادثه اه صدمنى بلدوزر ولما خرجت من الانعاش لقيتنى متجوز وادينى قاعد انقش كحك

المهم انا شاكر جداعلى توضيحاتك الرائعه وكل سنه وحضرتك طيبه...

اسكندرانى
17-10-2006, 03:57 AM
يالهووووووووووووووووووووووووووووووووووووووووووووى
يالهووووووووووووووووووووووووووووووووووووووووووووى
على الاكله ديه
ليلة عشق
ده انتى اجدع من اجدع اسكندرانيه
هى الاكله خلصت ولا لسه فى حاجة فى الحلل اللى فى المطبخ
ولا اقولك
سيبينى انا امصمص فى البواقى
وحاغسلك الاطباق والحلل
خليك انتى مع ضيوفك

ليلة عشق
17-10-2006, 06:22 PM
يالهووووووووووووووووووووووووووووووووووووووووووووى
يالهووووووووووووووووووووووووووووووووووووووووووووى
على الاكله ديه
ليلة عشق
ده انتى اجدع من اجدع اسكندرانيه
هى الاكله خلصت ولا لسه فى حاجة فى الحلل اللى فى المطبخ
ولا اقولك
سيبينى انا امصمص فى البواقى
وحاغسلك الاطباق والحلل
خليك انتى مع ضيوفك

الأخ الفاضل اسكندراني

أهلا بيك معانا نورتنا اليوم .....
وبعدين ولا يهمك حتي لو خلص الأكل نعمل غيره مرة تانية .....
ونلم الناس الجميلة تاني معانا وانت منورنا ......
وبعدين أطباق وحلل ايه الي تغسلهم ......
انت تفطر بالهنا والشفا وتقعد بعدها ويجيلك الشاي مع الحلو لغاية عندك......
كل عام وأنت بألف خير أعاد الله عليك رمضان كل عام بالخير واليمن والبركات .....

تحياتي
ليلة عشق

ليلة عشق
17-10-2006, 06:27 PM
بصراحة البريد لم يصلني بالأمس لأعرف أن ليلة عشق هي الشيف بالأمس
و بالتالي ضاعت عليّ هذه الأكلات البحرية الرائعة
لكن عموما سأحتفظ بها في سجلاتي و لا سيما الكنافة بالقشطة التي أعشقها
صباحك رائع أختنا الكريمة ليلة عشق
و تقبلي مودتي و تقديري
د. جمال

أستاذى الفاضل د جمال مرسي

اهلا وسهلا بحضرتك ......
اكيد الأكلة مش ممكن تكون جميلة الا وحضرتك معانا ......
وان شاء الله تتكرر اللمة مرة تانية .....
وأعمل لحضرتك صينية كنافة خاصة دوبل بس كده من عيوني والله .....
شرفتنا ونورتنا يادكتور .....
وكل عام وأنت بخير أعاد الله عليك رمضان كل عام بالخير واليمن والبركات .....

تحياتي
ليلة عشق

ليلة عشق
18-10-2006, 01:07 AM
استاذتى ليلة عشق...

ماشاء الله عليكى وعلى خقة دمك ....

انااحب جدا الكتابات الفكاهيه والساخره وباذن الله ممكن نعمل مع بعض حاجات جميله...

بس بعد العيد لاحسن انا دلوقت مزنوق زنقة الالمان فى العلمين وماسك منقاش وعمال انقش

فى الكحك عقبال عندك والحمدلله على ما اتعلمت كنت بوظت لهم نص العجين واكيد حبوظ النص

التانى عشان يحرموا يعملوا كحك فى البيت بس صبرك على..اصلى انا برضو من مده حصلت

لى حادثه اه صدمنى بلدوزر ولما خرجت من الانعاش لقيتنى متجوز وادينى قاعد انقش كحك

المهم انا شاكر جداعلى توضيحاتك الرائعه وكل سنه وحضرتك طيبه...

الأخ الفاضل يحيي زكريا

كل سنة وحضرتك طيب .....
العيد علي الأبواب والكحك أكيد للأحباب .......
وان شاء الله بعد العيد نلتقي في أعمال جميلة من ايدك بعد ماتخلص علي البقية الباقية من عجين الكحك.....
ومش عايزة أحكيلك أنا أول مرة عملت الكحك حصل معايا ايه لان ده عايز موضوع لوحده.....
ولو اتكلمت ممكن حد من الأخوة الأعداء يقول لجوزي ولا حاجة وأنا مخبية عليه من 12 سنة .....
ونضطر نفتح الدفاتر القديمة والعملية تكبر ولا نعيد ولا غيره .....
لكن كدة خلاص أنا عرفت أنك هتخلص علي الكحك وتبعت لي منه لأنة أكيد هيكون حاجة غير متوقعة ....
مبدئيا تسلم ايدك وكل سنة وأنت بألف خير .....

تحياتي
ليلة عشق

سمـاء
19-10-2006, 04:28 AM
للبحر رحت اصطاد وأنا راضى

لقيته م السمك والجمبرى فاضى

سألت رد الرمل قاللى ليلة عشق

عملتهم فطار بس مش عادى

ليلة عشق
20-10-2006, 02:26 AM
للبحر رحت اصطاد وأنا راضى

لقيته م السمك والجمبرى فاضى

سألت رد الرمل قاللى ليلة عشق

عملتهم فطار بس مش عادى



الأخت الغالية سماء

الله عليكي وعلي جمال كلماتك .....
سلمتِ وسلمت يداك ......
لك الشكر عزيزتي علي طلتك البهية معنا اليوم .....
لكِ خالص تقديري واحترامي .....

تحياتي
ليلة عشق