المساعد الشخصي الرقمي

مشاهدة النسخة كاملة : مواقف مع التصوير



Abdou Basha
10-10-2006, 07:44 AM
الحقيقة.. أرجو أن تكون هذه هي القاعة الأنسب لهذا الموضوع .
**


أتمنى هنا من هواة التصوير.. ومن لهم أصدقاء أو أقارب لديهم هذه الهواية، أن يدونوا المواقف التي يتعرضون لها بسبب هوايتهم .
أحيانا ما تحدث مواقف طريفة.. مشاكل... مغامرات بسبب هواية التصوير .
من لديه موقف او قصه له أو لغيره أتمنى ان يدونها هنا .

عبدالرحمن
تحياتي
:h:

osha
10-10-2006, 05:31 PM
طيب ايه رأيك يا عبد الرحمن عشان تبقى القاعة مناسبة اكتر ان يكون الموقف مصحوب بصورة إن أمكن من الموقف اللي بيحكوا عليه؟
استنوني أنا جااااااااااية

Abdou Basha
18-10-2006, 08:27 AM
الموقف الأول :

كان يوم الجمعة في جامع عمرو، وكانت الصورة بكاميرا مش موبايل .
وكان الأمن محاصر الجامع والمخبرين عشان كان ساعات حزب العمل المجمد بيحاول يعمل مظاهرات زي بتاعت الأزهر، لكنه كان بيفشل,,

فاكر انه خادم المسجد كان كلم شباب قبل الصلاة، انه بلاش تصوير النهارده، طبعا هما مسمعوش كلامه عشان كانت حاجة ملهاش معنى ..المهم إنه حظي اني كنت بصور المسجد وكده.

وانا بصور الصورة دي، والمخبرين ومندوبين الشرطة في كل حتة، لقيت ناس عماله بتنده عملت منفض، وكملت واخدت صورة تانية.
وبعدين أطلقت قدماي للريح ، ودخلت جوا الاتوبيس .

هي الصورة دي :

حتى الواحد مش عارف يستمتع بأثار بلده :(

http://static.flickr.com/65/203791353_2e8a9430c6.jpg?v=0

osha
19-10-2006, 05:58 AM
الصورة دي كانت ليها حكاية مرعبة
فجأة حصلت عاصفة قوية وصوت الرعد كان يصم الاذان زي الروايات ما بتقول والنور بتاع البرق كان بيخلي الليل نهار
المهم فجأة ومع ضربة رعد قوية انقطع التيار عن البيت
قام زوجي فأشعل شمعة
جلست في ملل اتابع صوت الرعد واتابع ضوء البرق يلقي على الأشجار خارج الشرفة ظلالا مرعبة
قررت أن أبتعد بخيالي الواسع عن أي أفكار مرعبة نتيحة هذا الجو الغريب
مسكت الكاميرا وقررت أن ألتقط صورة للشمعة
طلعت دي
http://www.br2h.com/up/uploads/c2bd74cd86.jpg

حنـــــان
19-10-2006, 06:05 AM
حلو الموضوع ده...
أول ما أتصرف في موضوع الكامير حاجي اشارك ان شاء الله.
شكرا يا عبد الرحمن.
حلوة الصورة يا أم محمد.

fencer
19-10-2006, 08:48 AM
الصورة دي كانت ليها حكاية مرعبة
فجأة حصلت عاصفة قوية وصوت الرعد كان يصم الاذان زي الروايات ما بتقول والنور بتاع البرق كان بيخلي الليل نهار
المهم فجأة ومع ضربة رعد قوية انقطع التيار عن البيت
قام زوجي فأشعل شمعة
جلست في ملل اتابع صوت الرعد واتابع ضوء البرق يلقي على الأشجار خارج الشرفة ظلالا مرعبة
قررت أن أبتعد بخيالي الواسع عن أي أفكار مرعبة نتيحة هذا الجو الغريب
مسكت الكاميرا وقررت أن ألتقط صورة للشمعة
طلعت دي
http://www.br2h.com/up/uploads/c2bd74cd86.jpg
انا فاكر القصة دي فعلا
طبعا الصورة طلعت حلوة لاني انا اللي ولعت الشمعة :2:

fencer
19-10-2006, 08:52 AM
الموقف الأول :

كان يوم الجمعة في جامع عمرو، وكانت الصورة بكاميرا مش موبايل .
وكان الأمن محاصر الجامع والمخبرين عشان كان ساعات حزب العمل المجمد بيحاول يعمل مظاهرات زي بتاعت الأزهر، لكنه كان بيفشل,,

فاكر انه خادم المسجد كان كلم شباب قبل الصلاة، انه بلاش تصوير النهارده، طبعا هما مسمعوش كلامه عشان كانت حاجة ملهاش معنى ..المهم إنه حظي اني كنت بصور المسجد وكده.

وانا بصور الصورة دي، والمخبرين ومندوبين الشرطة في كل حتة، لقيت ناس عماله بتنده عملت منفض، وكملت واخدت صورة تانية.
وبعدين أطلقت قدماي للريح ، ودخلت جوا الاتوبيس .


هي الصورة دي :

حتى الواحد مش عارف يستمتع بأثار بلده :(

http://static.flickr.com/65/203791353_2e8a9430c6.jpg?v=0

يا سلام يا عبده باشا يعني الصورة دي من الممنوعات
عموما الجري نص الجدعنة
تحياتي

saladino
20-10-2006, 01:04 PM
حلو الموضوع والطرائف اللى بتحصل دة

انا بقا كنت فى فرح احد الاقارب ابن خالتى قالى صور بكاميرا فديو المهم صورت شوية تمام ونسبت ومقفلتش زر التصوير ونزلت ايدى وماشى هنا وهناك رايح جاى كل ده وانا معرفش ان الكاميرا شغالة وبتصور ههههههه طلع فى الفديو رجلين الناس والاحذية هههههههههههه

قعدوا يضحكوا عليا طبعا قولتهم انا اصلى اللى بيصور كان قزم ودة اخره هههههههه

عاطف بشاى
07-11-2006, 03:45 AM
شكرا على الموضوع

milly
17-11-2006, 03:18 PM
حلوة فكرة الموضوع وقصص حلوة
انا بقى عندي كتير حكايات مع التصوير
في وحدة قريبتنا عزابها بسببي كل لما بشوفها بحب اصورها
المهم في يوم صورتها وهي كانت النتيجة
http://virtuallullaby.jeeran.com/P-93.jpg

ومرة كنت عم صور على كورنيش المنارة ببيروت فلفتني منظر عدد من الرجال اعدين قرب البحر وكل واحد معه اركيله فصورتهم انما بإحراج شديد عشان حسيت اني متطفله:fartnew: بس طلعت صورة حلوة:2:
هي الصورة
http://virtuallullaby.jeeran.com/P-61.jpg
:2: :2: :2:

osha
20-11-2006, 06:48 AM
صورك تحفة ياميلي كالعادة طبعا
حلوة صورة اللي قاعدين على البحر اوي اوي اوي
صورة قريبتك صعبت عليا شكلها ياحرام متعذبة - باين على صوابعها ههههههه

Abdou Basha
29-11-2006, 07:23 AM
يا ميلي
انتي فنانة واستاذة
واضح في تصويرك واختياراتك
انا سعيد انك شاركتي هنا في الموضوع ده..

على سيرة الشيشة /الارجيلة لقيت ظابط في كمين من كام يوم - من الظباط اللي بيلبسوا مدني - حاطط جنبيه شيشة ولا كإنه معلم في سوق الخضار، الصراحة مكانش ينفع أصوره، كانت حتبقى فكرة غبية قوي خصوصا إني حكون واقف قدامه كده..

ناقص أقوله قول : "تشييييييييييز"
هههههه

وطبعا هو هيصادر اداة الجريمة ومش بعيد يلبسنى تهمة ...

osha
05-12-2006, 03:43 AM
السلام عليكم ورحمة الله وبركاته

الصورة بتاعة النهارده ليها حكاية حصلت النهارده
اصلا من يوم الخميس ومنطقة الولايات الوسطى كلها تحت سيطرة عاصفة شتوية عنيفة جدا وفي بعض مناطق وصلت التلج فيها ارتفاع 18 بوصة
عندنا في سانت لويس درجة الحرارة كانت تحت الصفر بحوالي 9 درجات والتلج وصل حوالي 8 بوصة
المهم اننا كان لازم نسافر شيكاجو يوم الجمعة في عز العاصفة - الحمد لله وصلنا هناك ورجعنا النهارده الاثنين بالسلامة
واحنا جايين - المسافة حوالي 300 ميل - التقطت الصورة دي
http://up.haridy.org/storage/Picture 170.jpg (http://upload.haridy.org)

الثلج كان على مرمى البصر في كل الاتجاهات لدرجة اني اضطررت اني البس النظارة الشمس عشان احمى عنيا من انعكاس الضوء على التلج - الحمد لله عدت على خير
بس قلت اصورها عشان تتفرجوا على التلج لما بيكون مغطي الدنيا كلها

Abdou Basha
05-12-2006, 07:55 AM
تعرفي منظر مخيف
أو مهيب بمعنى أدق
:)

الدكتورة نسيبة
08-12-2006, 10:54 AM
حلو اوى الموضوع ده يا عبده باشا

وحلوة صوركم كلكم اووووووووى

صورة ميلى بتاعة قريبتك تحفة جدااااااااا بجد ما شاء الله عليكى

صوة التلج يا اوشا شكلها حلو اوى التلج مع السحاب بنفس البياض ده على رغم انها ممكن تكون بتخوف لو كنت شايفها حقيقة

تسلم ايديكم

ضابط شرطة
29-12-2006, 09:06 PM
جميلة جدا الفكره استاذ عبده :y:

بس أخلص امتحانات و تلاقيني لازق لكم هنا إن شاء الله :huh:

**********

http://virtuallullaby.jeeran.com/P-61.jpg

بتعجبني كتييييييير الصورة دي يا ميلي ... فعلا فنانة :y:


شكرا على الموضوع الجميل :f:

ضابط شرطة
30-12-2006, 04:50 PM
جميلة جدا الفكره استاذ عبده :y:

بس أخلص امتحانات و تلاقيني لازق لكم هنا إن شاء الله :huh:


ما قدرتش استني :d

كانت رحلة صيد انا و ابن عمتي اللي مش فاضي يصورني ...
قلت اعمل اي منظر قمت مصور ظلي .. و زي مانتم شايفين طلعت جامده ;)

http://www.arb-msn.com/up/uploads/d7ff8a1b1a.jpg

.... للمرة التانية اشكرك استاذي عبد الرحمن
و كل سنة وانتم طيبين :f:

حنـــــان
31-12-2006, 02:20 AM
الصورة دي صورتها الصيف اللي فات واحنا في الطريق من اسكندرية للعجمي... دايما في المكس تلاقي الصيادين واقفين بيبيعوا سمك... والسمك كان شكله حلو قوي! (اضغط على الصورة للتكبير)


http://img1.putfile.com/thumb/12/36320183267.jpg (http://www.putfile.com/pic.php?img=4378682)

osha
01-01-2007, 09:00 PM
ضابط شرطة
صورتك زي العسل بجد خاصة شكل الطاقية فوق راسك وظلها بس ماقلتش كام سمكة كانت في الطلعة دي؟

حنان
صورة السمك جميلة اوي اوي وضحكة الراجل صافية وكلها امل وثقة في رزق ربنا يبعته له

osha
01-01-2007, 09:08 PM
وانا كمان جيت ومعايا صورة اشمعنى انا يعني :d
http://up.haridy.org/storage/Picture 129.jpg (http://upload.haridy.org)

الصورة دي كانت في حفلة شواء كنا معزومين عليها في حديقة منزل احدى الصديقات والدنيا كانت برررررررررررررررد بطريقة غير محتملة
كنت قاعدة لازقة في النار عشان اتدفى لاني كنت قربت اتجمد
وقلت اخد الصورة دي عشان افضل فاكرة الليلة دي
كفانا الله جميعا نار جهنم وجعل مثوانا الجنة بإذن الله

ضابط شرطة
08-01-2007, 02:24 PM
ضابط شرطة
صورتك زي العسل بجد خاصة شكل الطاقية فوق راسك وظلها بس ماقلتش كام سمكة كانت في الطلعة دي؟

ربنا يخليك يا استاذه اووووشا :2: ... بس فعلا اللعبة كلها ف الطاقية:007: ....
كام سمكة؟؟ :huh: .. اه .. احنا اخدنا عربيتين البيت *73* .. و الباقي للحبايب *66*
لو كنتي قلتي كنت صدرت عربيتين تلاته مخصوص لامريكا *109* *109*
****
بالنسبة للصورة بتاعتك ... بجد حسستني جدا بالبرد :cold:
بس جوها لذيذ أوي .. يااااااه .. فكرتني بايام حلوة :$

شكرا ليك استاذتي وفنانتنا الغاليه *8*

osha
19-01-2007, 05:19 AM
ازيك يا عم ضابط
بقى حمولة عربيتين ؟ طيب فين صورةالسمك عشان اصدق :d
انا في انتظار حمولة العربيتين تلاتة على الدي اتش ال لو سمحت

الصورة بقى اللي معايا المرة دي كافحت كفاح مرير عشان اصورها
الدنيا كانت مطرت قبلها بيوم مطرة شديدة جدا
وبعدين اليوم دا درجة الحرارة انخفضت جدا وبطريقة مستفزة حوالي 7 تحت الصفر
المهم ان الميه جمدت على اغصان الشجيرات الصغيرة بشكل جميل جدا
الكفاح فين بقى بتاعي؟
اصلا مكنتش لابسة جوانتي وفضلت اصور الشجيرة من عدة زوايا لغاية لما حصلت على اللقطة اللي ترضيني وبالتالي على ما خلصت كانت صوابعي جمدت من البرررررررررد
http://up.haridy.org/storage/ice.bmp

اتفضلوا الصورة اهي - هي مش واضحة عشان صورة من الموبايل

أبو مازن
28-01-2007, 09:58 AM
استنوني
أنا جاي

osha
06-02-2007, 05:44 AM
ابومازن استنينا ماجتش
لعل المانع خير

الصورة دي بقى كنا معزومين في مطعم ياباني واحلى ما فيه كان ان الشيف بيعمل الاكل على جريل كبير ملاصق لمائدة الطعام
كان بيعمل زي اكروبات بالاكل وبيطلع نار وانا خفت وكنت حاصرخ واعمل لهم فضيحة بس ربنا ستر :d
http://up.haridy.org/storage/Japanese.JPG (http://upload.haridy.org)

حنـــــان
06-02-2007, 05:57 AM
الصيف اللي فات كنا في العجمي وكنا معجبني قوي بالفيلل هناك قلنا نصورهم
وأدي اتنين منهم... الأولانية عجباني أكتر


http://img1.putfile.com/thumb/2/3523530285.jpg (http://www.putfile.com/pic.php?img=4698467)

http://img1.putfile.com/thumb/2/3523530226.jpg (http://www.putfile.com/pic.php?img=4698466)

أبو مازن
06-02-2007, 09:13 AM
في مهرجان الجالية المصرية بالسعودية
كنت أقوم بالتغطية الإعلامية
وكان فيه من مضمن فعاليات اليوم سباق مارثون
المهم بدأت مع بداية المارثون .. وركبت عربية علشان أسبقهم وأستقبل اللى هيدخلوا ويفوزوا
المهم
وصلنا بالعربية لمكان وصول المتسابقين
صاحبي اللى بيسوق العربية وقف علشان يكلم واحد صاحبه
شوية .. لقيت واحد بيقول ... المتسابقين وصلوا
وبالفعل بأبص جنبي
لقيت واحد ماشي طياره
قعدت أكلم صاحبي علشان يمشي بالعربية علشان الحقه .. وهو مشغول
قلت أكيد المتسبق ده تعب من المارثون .. ألحقه
وجريت وراه ومعايا الكاميرا ( كاميرا فيديو إحترافيه)
ولما قربت أوصل له ... لقيته بيبص لي ... وفتح على الرابع .. خاف لأكون من المتسابقين
وأنا أجرى وراه .. وأقول له استنى .. عاوز أصورك وإنت بتدخل وتفوز .. وهو يجري ...
أنا أجرى .. وهو يجري
قطع نفسي .. لحد ما فهم
والحمد لله هدى السرعة شوية
ودخلت صورته .. وهو داخل


http://www.egyptian-online.net/Sefara/board/index.php?act=Attach&type=post&id=15



http://www.egyptian-online.net/Sefara/board/index.php?act=Attach&type=post&id=16