المساعد الشخصي الرقمي

مشاهدة النسخة كاملة : أحمد ناصر هيجوعنا...هيجوعنا



boukybouky
09-10-2006, 03:31 AM
السلام عليكم و رحمة الله و بركاته

اليوم موعد جديد مع بداية فجر يوم جديد

لإنسان يجمع بين صفات كثيرة تتآلف في شخصية من الزمن الجميل

موعدنا اليوم مع أحمد ناصر الشاعر ..أحمد ناصر الإنسان الذي سيمتنعا

بطبقه الشهي و بكلماته الخفيفة و الجميلة و التي تنم عن روح راقية ....

و لا ننسي أن نشكره علي المقدمة الرائعة التي تفضل بها علينا في مقدمة

موضوع الناس ديه هتجوعنا..هتجوعنا،، و نقتبس منها له هنا

قلبى انا حاسس بيك
حريف فى التسبيك
يا أبو طاقية طويلة
تسلم والله إيديك

تسلم إيديك يا أحمد مقدماً :good:

و الآن فلتستعد لدخول المطبخ و ربنا يستر بقي علي الباقي :d

http://gallery.egyptsons.com/data/media/49/kitc8.jpg (http://gallery.egyptsons.com)

دمتم بكل خير

في رعاية الله ،،،


إلي الغد و مبدع جديد و طبق لذيذ و كلام مفيد :f2:
في رعاية الله ،،،

د. جمال مرسي
09-10-2006, 06:13 AM
سأكون أول المدعوين بإذن الله
و أعلم ستكون عامرة بكل شيء
شكرا لك يا بوكي أنت و أم أحمد
صباحكم جميل

أحمد ناصر
09-10-2006, 09:21 AM
بسم الله الرحمن الرحيم
والصلاة والسلام على أشرف المرسلين
سيدنا محمد خاتم الرسل والنبيين
وعلى آله وصحبه ومن إتبعه بإحسان إلى يوم الدين
أما بعد
إخوانى وأخواتى الأحباء أعضاء منتدى أبناء مصر
السلام عليكم ورحمة الله وبركاته
وكل عام وأنتم بألف خير بمناسبة شهر رمضان الكريم
أعاده الله علينا جميعا وعلى أمتنا الإسلامية بالخير واليمن والبركات

أولا إسمحوا لى أن أتوجه بالشكر إلى الأختين الغاليتين
هناء وشيرين
يوه
أقصد أم أحمد وبوكى بوكى
:d
ماشاء الله لاقوة إلا بالله
نشاط وحيوية وتفاهم وتناغم
أسأل الله أن يحفظ كل منكما للأخرى
وأن يديم عليكما حبه ورضوانه
وأن يحفظكما من كل شر وسوء

ثانيا
أحب أن أسجل مدى فخرى وإعتزازى أن يوضع إسمى مع زمرة الشعراء اللامعين بمنتدى أبناء مصر والحقيقة أننى واحد من تلامذتهم ولا أرقى أبدا لأن أكون واحد منهم
لأننى مازلت هاويا حتى الآن ولا أعد كواحد من الشعراء
خاصة أننى توقفت تقريبا عن كتابة الشعر منذ فترة ليست بالقصيرة
وكل ما كتبته فى الماضى كان مجرد محاولات لا أعتقد أبدا أن تلك القصائد على قلتها يمكن أن تجعلنى أحظى بمثل لقب الشاعر وهو لقب لا يجب أن يمنح إلا لمن يستحقه
والمنتدى والحمد لله عامر بالشعراء الرائعين ويكفينى فخرا أن يكون من هو فى مثل قدر د.جمال مرسى يقرأ سطورى المتواضعة فهذا شرف كبير لى كان من الصعب أن أحصل عليه فى أى مكان آخر سوى فى منتدانا الحبيب

ثالثا
آسف بقى على الإطالة
ورغم أننى أعرف بموعد هذه الحلقة منذ مدة
لكننى للأسف لم أستطع أن أتعلم وصفة جديدة للطبخ أتحفكم بها
فكرت فى أن أنقل لكم وصفة
لكننى آثرت فى النهاية أن أستعير من موضوعى القديم (أكلة والسلام) وصفة الأرز
وسامحونىعلى العك اللى ها أعكه:d

وصفة الأرز
(1) كيف تطبخ الأرز (الرز يعنى)
شوف يا سيدى
أهم حاجة هى النظافة
لذلك لابد من تنقية الأرز
وذلك بأن تتخلص من الحاجات السودة اللى فيه لإن ده تراب أو طين
وياريت أى حاجة تلاقيها مش بيضاء ترميها بره الطبق الذى تم وضع الرز به
يعنى ساعات بيبقى فيه حصى وزلط وأشياء عجيبة
فإذا كنت كسلان ولا تحب تنقية الأرز فإتشاهد على سنة من سنانك أو ضرس من ضروسك
أو الحشو البلاتين اللى الدكتور عمله لسيادتك بسبب عدم غسل الأسنان جيدا قبل الأكل وبعده
المهم بعد تنقية الأرز (فى حالة تنقيته)
يوضع فى طبق أو مصفاة ويتم غسله بالماء
ويجب أن تراعى أن تكون المصفاة ذات خروم أضغر من حبات الأرز وإلا ها تضطر تلم الأرز من الحوض
وبص من غير فزلكة
تغسل الأرز بإنك تفتح الحنفية عليه لمده دقيقتين تلاتة علشان يتخلص قليلا من المادة النشوية لإن ده اللى بيخلى الرز يعجن
بعدين تسيب الأرز يصفى ميته لمدة خمسة دقائق فى المصفاة
وفى هذه الأثناء إختار حلة مناسبة
يعنى تكون متوسطة كده
ضع الحلة على النار
ضع كمية من الزيت فى الحلة (سيبك من السمن وماتدلقش الإزازة كلها) حاجة كده بتاع خمس ست ملاعق من الزيت
وإترك الزيت يسخن لمدة 3 دقائق
وبعدين تمسك بإيدك حبة من الأرز وتروح طاشه فى الزيت
وتفضل تقلب بالملعقة لغاية ما تجد إن الرز لونه أصبح أصفر وداخل على البنى
تروح دالق باقى كمية الأرز فى الحلة
وبعدين تفضل تقلب الأرز مع بعضه لمدة دقيقتين تلاتة
وبعدين أهم خطوة بقى إنك تضع كمية من المياه تكون أعلى من مستوى الأرز بحاجة بسيطة
يعنى ماتزودش عن سنتيمتر تقريبا
وتروح حاطط الملح وإنت وتقديرك بقى
وتروح مقلب تقليبة فى السريع
وبعدين تغطى الحلة كويس
وتخلى النار متوسطة
وبعد شوية صغيرين
أول ما تحس إن الرز ها يشرب الماء تروح موطى على النار
مش إنت اللى توطى
لأ تخللى النار واطية يعنى
ويا سلام لم لو عندك شياطة
ولو ماعندكش ما يهمكش
المهم بعد حوالى ربع ساعة تطفى البوتاجاز وتاكل بالهنا والشفا
وحتى لو الأرز ما طلعش حلو ما يهمكش
يكفيك شرف المحاولة
صدقنى طبخ الرز سهل جدا
بس أنا اللى لتيت وعجنت علشان أعمل فيها أبو العريف

شوربة الفراخ:
سمير غانم قال لشرين فى المسرحية
إيه يا لينا؟
وأنا برضه بأقولكم إيه يا جماعة؟
شوربة الفراخ مش محتاجة فكاكة
نملأ الحلة بالمياه ونرمى فيها الفرخة
ونضع بصلة منزوع منها القشرة الخارجية أو بصلتين لو تحب
ونضع ملح وفلفل أسود وورق لاورى وحبهان وأى (حبشتكنات) تحبوها:d
وبعد الفرخة ما تستوى تتحمر فى السمن أو الزيت
بس خلاص

السلطة الخضراء
المهم نغسل مكوناتها
أجمل سلطة خضراء بأحبها تكون محتوية على
طماطم-خيار-خس-جزر-جرجير-وياسلام لو قطع صغيرة من البصل
يتعصر عليهم كام نقطة ليمون مع وضع كام نقطة زيت +ملح +كمون

البطاطس يا جماعة تتقشر وتتقطع إلى قطع متوسطة الحجم
وبعدين التسبيكة هى المهمة
نضع قليل من السمن أو الزيت فى الحلة
ونضع شرائح من البصل مقطعة إلى قطع صغيرة جدا
وبعد أن يصفر لون البصل نضع الصلصة ونقلب
ثم نضيف القليل من الشوربة
وبعدين نضع البطاطس ونتركها حتى تنضج
بس خلاص
كلوا بقى بالهناء والشفاء
بس أرجوكم ماحدش يدعى علي

القصيدة
يسعدنى أن أقدم لكم عمل من أحب أعمالى إلى قلبى
صورة غنائية بعنوان ليلة الرؤية
كنت سأنشرها فى أول رمضان فى قاعة الشعر العامى
لكن بعد أن أرسلت لى أم أحمد وبوكى عن موضوعنا هذا
قررت أن أنشرها أولا فى هذا الموضوع
ثم سأضعها كمشاركة مستقلة غدا إن شاء الله فى قاعة الشعر العامى

جو المقهى:-
زبون: هات لى يا أخينا شوية شاى
صبى المقهى:أيوة يا أستاذ حاضر جاى

صوت تصفيقة
صبى المقهى لزبون:أيوة يا بيه
تشرب إيه؟
عندى عصير تفاح ولمون
عندى كراوية وفيه ينسون
عندى السحلب بالتحبيشة
وإذا كنت يا بيه عايز شيشة
في معسل تفاح وفراولة
الزبون:إنت يا واد هاتخدنا مقاولة؟
هات لنا إتنين شاى والطاولة
صبى المقهى:طب ما تزقش
جاى علاولة

مين قال عايز شيشة ورص؟
وأنا ألاغيه وأنفخ فى البص

واحد:دى جهار يك
آخر:لا جهار دو
الأول: لا جهار يك
الثانى:لا جهار دو
صبى المقهى: إيه يا إخوانا ما توحدوه

زبون:هى القهوة إتزحمت ليه؟
صبى المقهى:أصل دى ليلة الرؤية يا بيه
الزبون:ياترى هايصبح بكرة صيام؟
صبى المقهى:مش عارف ربك علام

يعلو صوت المذياع:ياحضرات المستمعين
ياحضرات المستمعات
صاحب المقهى:ماتخف الدوشة إنت وهو
على الراديو بسرعة ياواد
المذيع:أعلنت دار الإفتاء
إن اليوم آخر شعبان
من بكرة المولى لو شاء
هايكون أول يوم رمضان

صاحب المقهى:كل سنة وحضراتكو بخير
نزل هنا طلبات ياركابى
علشان رمضان شهر الخير
كل الطلبات دى على حسابى
زبون:تسلم يا معلم عباس
كل سنة وجنابك طيب
صاحب المقهى:تسلم إنت يا سيد الناس
يا عجبان خالص وحبيب

زبون:ماتقوم بينا ياعبد الهادى
علشان نشترى حبة فول
عبدالهادى:طب وياترى هاتجيبلى زبادى؟
صديق عبدالهادى:طبعا راح أجيبه على طول
عبدالهادى:طيب قوم قبل ما نتأخر
علشان نلحق الدكاكين
صديقه:ماتخافش هانلحق نتسحر
عبدالهادى: كده نقدر نصبح صايمين

فى الحارة
واحد:أهلا بك يا عبدالراضى
عبدالراضى:أهلا بك يا حاج عبادة
حاج عبادة:ياترى هاتصوم السنة دى
عبدالراضى بحدة:طبعا راح أصوم زى العادة
حاج عبادة:طب ليه بس يا عبده تكشر
ياراجل دانا كنت بأهزر

يعلو صوت الصبية بالغناء
هيه هيه هيه
إفرحوا يا ولاد
إفرحوا يابنات
رمضان آهو جه
قيدوا الشمعات
هزوا الفوانيس
علقوا فى زينات
نفرح ونهيص
نعمل حركات
قولوا بالنحوى
وحوى يا وحوى
قولوا وعلوا
حالو يا حالو

رجل:ياولاد بس وجعتوا دماغنا
آخر:سيبك منهم مالك بيهم؟
الأول:عاملين غاغة وعاملين زنة
الثانى:خليهم يفرحوا لياليهم
والا خلاص نسانا زماننا
إننا كنا ف يوم قديهم
كنا نقول رمضان آهو جالنا
ونزأطط نعمل زييهم

يعلو صوت الصبية
قولوا بالنحوى
وحوى يا وحوى
قولوا وعلوا
حالو يا حالو

بائع الفول:
الفول الفول
الفول الفول
ياكهرمان عقده موصول
واقف ف مكانى ومش منقول
والقدرة إن فضيت مش مسئول
طفل:خد إملا يا عم الطبق ده
وأبويا بيقوللك إتوصى
بائع الفول:تسلم م الهم يا سى حمادة
ربنا يكفيك شر البصة
وشوية أهم حبة زيادة
وخدلك رغيفين من ع الرصة

واحد:أهلا حليم
حليم:أهلا مكرم
مكرم:رمضان كريم
حليم:الله أكرم
مكرم:ليه الليلة دى إنت مبوز؟
حليم:غلطان بجد اللى إتجوز
مكرم:فيه إيه يا صاحبى كفى الله الشر؟
حليم:مراتى مش هاتجيبها لبر
مكرم:مالها الأصيلة أم العيال؟
حليم:فاكرانى قاعد على تل مال
قالت لى أجيب
قال إيه زبيب
وقالت لى هات
مكسرات
بندق ولوز
فزدق وجوز
وعايزة تين
وقمر الدين
وأنواع ياميش
وأنواع قطايف
وأروح ما أجيش
غير باللفايف
بالذمة ده اسمه كلام عاقلين؟
طب أجيب منين؟
هو أنا وارث؟
مكرم:عايز فلوس
حليم:هو أنا ناقص؟
إلا السلف
آخره تلف
حكمة رمضان
بنصومه عشان
لما تصوم
وتكون محروم
ف عطش وف جوع
تحس على طول بالموجوع
مكرم:كلام سليم
يا سى حليم
عقلك حكيم
ورمضان كريم
حليم:الله أكرم

يرتفع صوت الصبية
رمضان كريم الله أكرم
رمضان كريم الله أكرم

عصام كابو
09-10-2006, 12:05 PM
اخى احمد ناصر:

كل عام وأنت بألف خير و صحة

جوعتنا يا عم انا فعلا من عشاق الارز و بحب اكله دائماً........ تسلم ايدك

بس عندى سؤال بالنسبة للفراخ.......... انت جبت من اللى تحت الحوض؟؟؟ اوعى تكون جبت من اللى تحت الحوض!!!!!!!!!!!! هههههههههههههه

بصراحة يا احمد انا عندى عيب صغير و هو انى لا اميل الى الشعر كثيرا لكن و الله انا قرأت اشعارك و استمتعت بها جدا لبساطتها و خفة الظل التى تغلفها........ تسلم افكارك يا بوحميد

كل سنه وإنت طيب و رمضان كريم يا ابو لبنى

فاضــل
09-10-2006, 12:30 PM
فعلا البساطة تظل هي الأجمل .. و الأطعم يا بو حميد

ذكرتني بأولى محاولاتي مع الرز .. و الثانية .. و الثالثة :good: حتى نجحت في الرابعة .. و للمصادفة السعيدة فقد كانت في رمضان ايضا

كل عام و انت بكل خير

و تقبل الله الصيام و القيام و صالح الأعمال

و الشكر موصول لأصحاب الدعوة .. بعلم الوصول

أحمد ناصر
09-10-2006, 12:38 PM
السلام عليكم و رحمة الله و بركاته

اليوم موعد جديد مع بداية فجر يوم جديد

لإنسان يجمع بين صفات كثيرة تتآلف في شخصية من الزمن الجميل

موعدنا اليوم مع أحمد ناصر الشاعر ..أحمد ناصر الإنسان الذي سيمتنعا

بطبقه الشهي و بكلماته الخفيفة و الجميلة و التي تنم عن روح راقية ....

و لا ننسي أن نشكره علي المقدمة الرائعة التي تفضل بها علينا في مقدمة

موضوع الناس ديه هتجوعنا..هتجوعنا،، و نقتبس منها له هنا

قلبى انا حاسس بيك
حريف فى التسبيك
يا أبو طاقية طويلة
تسلم والله إيديك

تسلم إيديك يا أحمد مقدماً :good:

و الآن فلتستعد لدخول المطبخ و ربنا يستر بقي علي الباقي :d

http://gallery.egyptsons.com/data/media/49/kitc8.jpg (http://gallery.egyptsons.com)

دمتم بكل خير

في رعاية الله ،،،


،،،
أختى الغالية ريهام
لا أجد كلام أشكرك به على هذا التقديم الرقيق والجميل
أشكرك من كل قلبى
وأتمنى لك كل توفيق وسعادة
ومعلش بقى الأكلة بسيطة
لكن أنا قصدت أكتب حاجة أكون بأعرف أعملها

أحمد ناصر
09-10-2006, 12:52 PM
سأكون أول المدعوين بإذن الله
و أعلم ستكون عامرة بكل شيء
شكرا لك يا بوكي أنت و أم أحمد
صباحكم جميل
أهلا بأستاذى الحبيب ومعلمى الفاضل د.جمال مرسى
إيه الشرف العظيم ده؟
شكرا لك على كل ما تقدمه لنا من حب
وماشاء الله موضوع أبو الأمراس غاية فى الجمال
وكيف لا وهو موضوعك
كل سنة وحضرتك والأسرة الكريمة بألف خير
ورمضان كريم
:f:

أحمد ناصر
09-10-2006, 01:20 PM
اخى احمد ناصر:

كل عام وأنت بألف خير و صحة

جوعتنا يا عم انا فعلا من عشاق الارز و بحب اكله دائماً........ تسلم ايدك

بس عندى سؤال بالنسبة للفراخ.......... انت جبت من اللى تحت الحوض؟؟؟ اوعى تكون جبت من اللى تحت الحوض!!!!!!!!!!!! هههههههههههههه

بصراحة يا احمد انا عندى عيب صغير و هو انى لا اميل الى الشعر كثيرا لكن و الله انا قرأت اشعارك و استمتعت بها جدا لبساطتها و خفة الظل التى تغلفها........ تسلم افكارك يا بوحميد

كل سنه وإنت طيب و رمضان كريم يا ابو لبنى
حبيب قلبى أخى وصديقى الحميم د.عصام كابو
ههههههه
لا مش من اللى تحت الحوض
أنا بأشترى الحاجة طازة على طول من عمو بتاع الحدايد والبويات
:d
أخى عصام
أنا مش مصدق إنك لا تميل إلى الشعر
من واقع خبراتى مع الناس فأغلب الناس أصحاب الأخلاق الحميدة والأذواق الرفيعة والرقة فى التعامل مع الناس يكونون من محبى الشعر
وأنت بك كل هذه الصفات وأكثر
كل الشكر لك يا عصام على كلامك الجميل
واللى فرحنى كتير جدا لإنه منك ودايما أستشعر منك الود والصدق
وإنت إنسان جميل جدا
كل سنة وإنت طيب وبخير وسعادة
:f:

Amira
09-10-2006, 01:20 PM
سيدي يا سيدي علي الطبيخ جوعنا و الحمد لله :d

وصفة الأرز بتاعتك يا احمد فكرتني بالأخطاء الطفيفة الي ارتكبتها بأول مرة عملت فيها أرز قعدت أغسل فيه نص ساعة علشان أوصل لدرجة البياض الشاهق :stpd: لأ و عند أهم خطوة بقى و هي وضع المياه - كان منسوب الفيضان في المياه عندي عالي شويتين تلاتة :stpd: يعنى حوالي 30سنتيمتر تقريبا فوق الأرز و الحمد لله "الفراخ بعتتلي جواب شكر" :d


يعلو صوت الصبية بالغناء
هيه هيه هيه
إفرحوا يا ولاد
إفرحوا يابنات
رمضان آهو جه
قيدوا الشمعات
هزوا الفوانيس
علقوا فى زينات
نفرح ونهيص
نعمل حركات
قولوا بالنحوى
وحوى يا وحوى
قولوا وعلوا
حالو يا حالو


وحوي يا وحوي يا أحمد
دائما و الله تبهجني كلمات الشعر العامي الذي تكتبه سلمت يداك أخي الفاضل :f:
حقا أمتعتنا بمائدتك و كلامتك كل سنة و أنت طيب يا أحمد و يعود عليك الأيام بالخير إن شاء الله :f2:

أحمد ناصر
09-10-2006, 01:39 PM
فعلا البساطة تظل هي الأجمل .. و الأطعم يا بو حميد

ذكرتني بأولى محاولاتي مع الرز .. و الثانية .. و الثالثة :good: حتى نجحت في الرابعة .. و للمصادفة السعيدة فقد كانت في رمضان ايضا

كل عام و انت بكل خير

و تقبل الله الصيام و القيام و صالح الأعمال

و الشكر موصول لأصحاب الدعوة .. بعلم الوصول
أخى وصديقىوحبيبى الغالى فاضل
رؤية جمال البساطة منحة من رب عظيم
فأشكر الله الذى وهبك هذه المنحة
وأنا فاكر من أحد مداخلاتك إنك بتعمل أكل هايل
طبعا ممكن آكل من إيديك وأنا مطمئن
لإن الطبخ فيه جزء فلسفى وطبعا دى هوايتك
ولإن كمان الأكل هايكون صحى وده طبعا له علاقة بتخصصك
كل سنة وإنت طيب يا غالى
ويارب أشوفك دائما فى أحسن الأحوال
:h:

أحمد ناصر
09-10-2006, 01:56 PM
سيدي يا سيدي علي الطبيخ جوعنا و الحمد لله :d

وصفة الأرز بتاعتك يا احمد فكرتني بالأخطاء الطفيفة الي ارتكبتها بأول مرة عملت فيها أرز قعدت أغسل فيه نص ساعة علشان أوصل لدرجة البياض الشاهق :stpd: لأ و عند أهم خطوة بقى و هي وضع المياه - كان منسوب الفيضان في المياه عندي عالي شويتين تلاتة :stpd: يعنى حوالي 30سنتيمتر تقريبا فوق الأرز و الحمد لله "الفراخ بعتتلي جواب شكر" :d



وحوي يا وحوي يا أحمد
دائما و الله تبهجني كلمات الشعر العامي الذي تكتبه سلمت يداك أخي الفاضل :f:
حقا أمتعتنا بمائدتك و كلامتك كل سنة و أنت طيب يا أحمد و يعود عليك الأيام بالخير إن شاء الله :f2:
أهلااااا يا أميرة
كل سنة وإنت طيبة
ربنا يخليك
متشكر جدا على كلماتك الجميلة وتشجيعك لى
ومعاك كل الحق فى إن حاجات بسيطة الواحد ممكن مايخدش باله منها تبوظ الطبخة
ضحكت جدا من حكاية إن الفراخ بعتت لك جواب شكر
أكيد إنت دلوقتى طباخة بريمو
كل سنة وإنت طيبة
ورمضان كريم:f:

الدكتورة نسيبة
09-10-2006, 04:01 PM
ما شاء الله يا استاذ احمد

انا هسبنى من الطبيخ وهركز فى الشعر بتاعك بس لكن الطبيخ هروح لماما لبنى وقولها اكلينا انتى بقى عشان احمد ناصر هيجوعنا وماكلنا رز بس ومش متاكد منه كمان ههههههه

تسلم ايد حضرتك امتعتنى جداااااااااااا بقصيدتك وبساطتها وده العادة بتاعت حضرتك والاكل بقى هاكله عشان احنا صايمين ههههه

تسلم ايدك ورمضان كريم

jemmy
09-10-2006, 04:43 PM
السلام عليكم جميعآ

والله انا عرفت ان هنا اخويا وحبيبى الباشمهندس / احمد ناصر

جيت جري وسبت طبق اليوم على النار وربنا يستر ومايتحرقش منى

لان وقفه المطبخ بتخلى الواحد ماعندوش نفس للاكل عشان كده لما عرفت ان حبيبى واخويا

احمد ناصر هو اللى هياكلنا ومش هيوجعنا جيت جري

على امل ان اجد اكله اسوانيه دسمه

بس الحمد لله وربنا يجعل بيوت الاحباء عمار

تحياتى وتمنياتى للجميع بشهيه مفتوحه والف هنا وشفا

*174*

يحيى زكريا
09-10-2006, 06:03 PM
بسم الله الرحمن الرحيم
والصلاة والسلام على أشرف المرسلين
سيدنا محمد خاتم الرسل والنبيين
وعلى آله وصحبه ومن إتبعه بإحسان إلى يوم الدين
أما بعد
إخوانى وأخواتى الأحباء أعضاء منتدى أبناء مصر
السلام عليكم ورحمة الله وبركاته
وكل عام وأنتم بألف خير بمناسبة شهر رمضان الكريم
أعاده الله علينا جميعا وعلى أمتنا الإسلامية بالخير واليمن والبركات

أولا إسمحوا لى أن أتوجه بالشكر إلى الأختين الغاليتين
هناء وشيرين
يوه
أقصد أم أحمد وبوكى بوكى
:d
ماشاء الله لاقوة إلا بالله
نشاط وحيوية وتفاهم وتناغم
أسأل الله أن يحفظ كل منكما للأخرى
وأن يديم عليكما حبه ورضوانه
وأن يحفظكما من كل شر وسوء

ثانيا
أحب أن أسجل مدى فخرى وإعتزازى أن يوضع إسمى مع زمرة الشعراء اللامعين بمنتدى أبناء مصر والحقيقة أننى واحد من تلامذتهم ولا أرقى أبدا لأن أكون واحد منهم
لأننى مازلت هاويا حتى الآن ولا أعد كواحد من الشعراء
خاصة أننى توقفت تقريبا عن كتابة الشعر منذ فترة ليست بالقصيرة
وكل ما كتبته فى الماضى كان مجرد محاولات لا أعتقد أبدا أن تلك القصائد على قلتها يمكن أن تجعلنى أحظى بمثل لقب الشاعر وهو لقب لا يجب أن يمنح إلا لمن يستحقه
والمنتدى والحمد لله عامر بالشعراء الرائعين ويكفينى فخرا أن يكون من هو فى مثل قدر د.جمال مرسى يقرأ سطورى المتواضعة فهذا شرف كبير لى كان من الصعب أن أحصل عليه فى أى مكان آخر سوى فى منتدانا الحبيب

ثالثا
آسف بقى على الإطالة
ورغم أننى أعرف بموعد هذه الحلقة منذ مدة
لكننى للأسف لم أستطع أن أتعلم وصفة جديدة للطبخ أتحفكم بها
فكرت فى أن أنقل لكم وصفة
لكننى آثرت فى النهاية أن أستعير من موضوعى القديم (أكلة والسلام) وصفة الأرز
وسامحونىعلى العك اللى ها أعكه:d

وصفة الأرز

شوربة الفراخ:
سمير غانم قال لشرين فى المسرحية
إيه يا لينا؟
وأنا برضه بأقولكم إيه يا جماعة؟
شوربة الفراخ مش محتاجة فكاكة
نملأ الحلة بالمياه ونرمى فيها الفرخة
ونضع بصلة منزوع منها القشرة الخارجية أو بصلتين لو تحب
ونضع ملح وفلفل أسود وورق لاورى وحبهان وأى (حبشتكنات) تحبوها:d
وبعد الفرخة ما تستوى تتحمر فى السمن أو الزيت
بس خلاص

السلطة الخضراء
المهم نغسل مكوناتها
أجمل سلطة خضراء بأحبها تكون محتوية على
طماطم-خيار-خس-جزر-جرجير-وياسلام لو قطع صغيرة من البصل
يتعصر عليهم كام نقطة ليمون مع وضع كام نقطة زيت +ملح +كمون

البطاطس يا جماعة تتقشر وتتقطع إلى قطع متوسطة الحجم
وبعدين التسبيكة هى المهمة
نضع قليل من السمن أو الزيت فى الحلة
ونضع شرائح من البصل مقطعة إلى قطع صغيرة جدا
وبعد أن يصفر لون البصل نضع الصلصة ونقلب
ثم نضيف القليل من الشوربة
وبعدين نضع البطاطس ونتركها حتى تنضج
بس خلاص
كلوا بقى بالهناء والشفاء
بس أرجوكم ماحدش يدعى علي

القصيدة
يسعدنى أن أقدم لكم عمل من أحب أعمالى إلى قلبى
صورة غنائية بعنوان ليلة الرؤية
كنت سأنشرها فى أول رمضان فى قاعة الشعر العامى
لكن بعد أن أرسلت لى أم أحمد وبوكى عن موضوعنا هذا
قررت أن أنشرها أولا فى هذا الموضوع
ثم سأضعها كمشاركة مستقلة غدا إن شاء الله فى قاعة الشعر العامى

جو المقهى:-
زبون: هات لى يا أخينا شوية شاى
صبى المقهى:أيوة يا أستاذ حاضر جاى

صوت تصفيقة
صبى المقهى لزبون:أيوة يا بيه
تشرب إيه؟
عندى عصير تفاح ولمون
عندى كراوية وفيه ينسون
عندى السحلب بالتحبيشة
وإذا كنت يا بيه عايز شيشة
في معسل تفاح وفراولة
الزبون:إنت يا واد هاتخدنا مقاولة؟
هات لنا إتنين شاى والطاولة
صبى المقهى:طب ما تزقش
جاى علاولة

مين قال عايز شيشة ورص؟
وأنا ألاغيه وأنفخ فى البص

واحد:دى جهار يك
آخر:لا جهار دو
الأول: لا جهار يك
الثانى:لا جهار دو
صبى المقهى: إيه يا إخوانا ما توحدوه

زبون:هى القهوة إتزحمت ليه؟
صبى المقهى:أصل دى ليلة الرؤية يا بيه
الزبون:ياترى هايصبح بكرة صيام؟
صبى المقهى:مش عارف ربك علام

يعلو صوت المذياع:ياحضرات المستمعين
ياحضرات المستمعات
صاحب المقهى:ماتخف الدوشة إنت وهو
على الراديو بسرعة ياواد
المذيع:أعلنت دار الإفتاء
إن اليوم آخر شعبان
من بكرة المولى لو شاء
هايكون أول يوم رمضان

صاحب المقهى:كل سنة وحضراتكو بخير
نزل هنا طلبات ياركابى
علشان رمضان شهر الخير
كل الطلبات دى على حسابى
زبون:تسلم يا معلم عباس
كل سنة وجنابك طيب
صاحب المقهى:تسلم إنت يا سيد الناس
يا عجبان خالص وحبيب

زبون:ماتقوم بينا ياعبد الهادى
علشان نشترى حبة فول
عبدالهادى:طب وياترى هاتجيبلى زبادى؟
صديق عبدالهادى:طبعا راح أجيبه على طول
عبدالهادى:طيب قوم قبل ما نتأخر
علشان نلحق الدكاكين
صديقه:ماتخافش هانلحق نتسحر
عبدالهادى: كده نقدر نصبح صايمين

فى الحارة
واحد:أهلا بك يا عبدالراضى
عبدالراضى:أهلا بك يا حاج عبادة
حاج عبادة:ياترى هاتصوم السنة دى
عبدالراضى بحدة:طبعا راح أصوم زى العادة
حاج عبادة:طب ليه بس يا عبده تكشر
ياراجل دانا كنت بأهزر

يعلو صوت الصبية بالغناء
هيه هيه هيه
إفرحوا يا ولاد
إفرحوا يابنات
رمضان آهو جه
قيدوا الشمعات
هزوا الفوانيس
علقوا فى زينات
نفرح ونهيص
نعمل حركات
قولوا بالنحوى
وحوى يا وحوى
قولوا وعلوا
حالو يا حالو

رجل:ياولاد بس وجعتوا دماغنا
آخر:سيبك منهم مالك بيهم؟
الأول:عاملين غاغة وعاملين زنة
الثانى:خليهم يفرحوا لياليهم
والا خلاص نسانا زماننا
إننا كنا ف يوم قديهم
كنا نقول رمضان آهو جالنا
ونزأطط نعمل زييهم

يعلو صوت الصبية
قولوا بالنحوى
وحوى يا وحوى
قولوا وعلوا
حالو يا حالو

بائع الفول:
الفول الفول
الفول الفول
ياكهرمان عقده موصول
واقف ف مكانى ومش منقول
والقدرة إن فضيت مش مسئول
طفل:خد إملا يا عم الطبق ده
وأبويا بيقوللك إتوصى
بائع الفول:تسلم م الهم يا سى حمادة
ربنا يكفيك شر البصة
وشوية أهم حبة زيادة
وخدلك رغيفين من ع الرصة

واحد:أهلا حليم
حليم:أهلا مكرم
مكرم:رمضان كريم
حليم:الله أكرم
مكرم:ليه الليلة دى إنت مبوز؟
حليم:غلطان بجد اللى إتجوز
مكرم:فيه إيه يا صاحبى كفى الله الشر؟
حليم:مراتى مش هاتجيبها لبر
مكرم:مالها الأصيلة أم العيال؟
حليم:فاكرانى قاعد على تل مال
قالت لى أجيب
قال إيه زبيب
وقالت لى هات
مكسرات
بندق ولوز
فزدق وجوز
وعايزة تين
وقمر الدين
وأنواع ياميش
وأنواع قطايف
وأروح ما أجيش
غير باللفايف
بالذمة ده اسمه كلام عاقلين؟
طب أجيب منين؟
هو أنا وارث؟
مكرم:عايز فلوس
حليم:هو أنا ناقص؟
إلا السلف
آخره تلف
حكمة رمضان
بنصومه عشان
لما تصوم
وتكون محروم
ف عطش وف جوع
تحس على طول بالموجوع
مكرم:كلام سليم
يا سى حليم
عقلك حكيم
ورمضان كريم
حليم:الله أكرم

يرتفع صوت الصبية
رمضان كريم الله أكرم
رمضان كريم الله أكرم



استاذى احمد ناصر....

ماشاء الله عليك....

انا مش بتكلم على الاكل لا احنا بناكل كل يوم انا بتكلم عن اللوحه الغنائيه اللى مش بنشوفها كل

يوم اسمح لى استاذ احمد حضرتك نقلت الصوره نقل جيد وكدت ان تقترب من الليله الكبيره لعمنا

جاهين لولا بعض الهنات البسيطه التى لو كنت ركزت اكتر كنت تخطيتها بسهوله انما واضح اننا

امام شاعر عاميه سيكون له شأن كبير باذن الله اخى نقلت لنا صوره جميله من واقع الحاره

المصريه التى اخرجت من قبل النديم والتونسى وحداد وجاهين وباذن الله تخرج لنا احمد ناصر

فعليك اخى بالغوص فيها اكثر واكثر حتى تفيض عليك من بحورها التى لا تنضب ابدا...

بارك الله فيك استاذى احمد وتمنياتى لك دوما بالتوفيق والنجاح...

يحيى زكريا

شاعر الرومانسية
09-10-2006, 07:22 PM
اية الجمال دة ياعم أحمد
خايف والله انا أحسد
دة رز دة والا صنوبر
لو حد شاكك .. يجى يتأكد

اما البطاطس .. فمظبوطة
من غير كلام كدة او ظيطة
واللى مش حيجى ياكل
حيقعد يعيط جنب الحيطة

والشوربة برضة ولو سهله
بس المهم انها من ايدك
تعيش وتجمعنا بفرحة
فى كل عيد ... ربى يزيدك


اخى الكريم ...أحمد ناصر
تسلم ايدك .. ووصفاتك
شايف ليكا سوابق مطبخية اهو
رفعت راسنا والله ياباشا

اما عن الملحمة التى قرأتها ..
فلا استطيع الا ان اقول

اننى رايتها ... ولم اقرأها
جسدت كلمات بحق ..
كل مظاهر ليلة الرؤية ..
بافراحها وروحانياتها ..
بكل ما بين السطور من هموم وافراح البشر..

رايت المقهى بكل روادة ..
والصبية تلعب امامه ..
والحارة المصرية بكل مافيه من عبق الماضى


اخى الكريم ..
سلمت يداك .. وبارك الله فى قلمك
كما انعشتنا ... واسعدت قلوبنا بكلماتك


تقبل خالص تحياتى،،، وكل التقدير :f:

ليلة عشق
09-10-2006, 11:19 PM
ونضع ملح وفلفل أسود وورق لاورى وحبهان وأى (حبشتكنات) تحبوها:d



الأخ الفاضل أحمد ناصر

اليوم مائدتك رائعة حقاً .......
ظريفة وخفيفة علي معدة الصائم .....
والحلو قصيدتك المبهرة ذات الطعم الأصلي الجميل بسطورها المتميزة .....
سلمت يداك وسلم قلمك الجميل ......
لك خالص الشكر والتقدير والاحترام .......

لي سؤال لو تفضلت ماهي (حبشتكنات) نوع جديد من التوابل ؟؟؟؟؟؟؟؟


تحياتي
ليلة عشق

لميس الامام
10-10-2006, 01:13 AM
ايه الرز المفلفل ده يا استاذ احمد حاجة روووووووووعة ومن ايديك اروع..الرز ده فن في طبيخه ومش اي اي ولا زي زي يقدر يفلفل كباية رز حتى..انت عارف الرز عندنا طبق اساسي يا اما كبسة يا اما سليق يااما بخاري واحيانا نتفزلك ونعمل الحلو من الرز باللبن ولا قشطلية ...هههههه
اما الفراخ حاكلها يعني حاكلها ولو اني حاسة ان حاكاكي من كتر اكلها ..فأنا بعدت خالص عن اللحمة خوفا من الكوليسترول وتركيزي على الفراخ اكتر... جت الفراخ المحمرة في وقتها وبرضك روعة...ما فيش اجمل من الاكل الخفيف..
اما البطاطس فدي بقى زينة السفرة ..يعني فيه بطاطس تأكد ان السفرة حاتتمسح تماما..
تسلم ايديك على قد بساطتها على قد روعتها خصوصا في اللمة الحلوة دية

نيجي بقى للقصيدة العصماء ..تصدق يا استاذ احمد فكرتني بإيه؟؟؟؟ فكرتني بالليلة الكبيرة للشاعر الكبير صلاح جاهين ..جميلة قوي ياريت مسرح العرايس بتاع زمان يعملوها مسرحية ونرجع لايام الهنا الرمضاية..عاش قلمك واوعك ارجوك تبطل ولا تفكر تبطل كتابة ده حضرتك نابغة في العامية ...
سعدنا بيك جدا وكل سنة وحضرتك طيب.........

لميس الامام

حسام عمر
10-10-2006, 05:11 AM
احلى اختيار

احمد ناصر

:h: :h: :h:

نجم حار

عقلنا فيه احتار

وقلبنا ليه اختار

احمد ناصر

:h: :h: :h:

انسان جبار

قلبه قلب خيار

وبنوته من الاخيار


:download:

مقطوعه من الشعر التأليفي المقفى

للحسام بن عمر

ولو حد فهم حاجه منها

ربنا يكرمه

ولو محدش فهم

ربنا يبركله برضو


اخي الحبيب احمد ناصر

:good: :good: :good:

من اعز الأخوه ليه في المنتدى وبره المنتدى


تسلم ايدك

وكنت ميل عليه وانا ابصيلك كام صنف تمام


وكل عام وانت واسرتك واصدقائك واحبابك وكل من تعرفه

بخير وسلام وسعاده و طمأنينه

أحمد ناصر
10-10-2006, 10:43 AM
ما شاء الله يا استاذ احمد

انا هسبنى من الطبيخ وهركز فى الشعر بتاعك بس لكن الطبيخ هروح لماما لبنى وقولها اكلينا انتى بقى عشان احمد ناصر هيجوعنا وماكلنا رز بس ومش متاكد منه كمان ههههههه

تسلم ايد حضرتك امتعتنى جداااااااااااا بقصيدتك وبساطتها وده العادة بتاعت حضرتك والاكل بقى هاكله عشان احنا صايمين ههههه

تسلم ايدك ورمضان كريم
أختى الغالية د.نسيبة
الله يكون فى عون أم لبنى بصراحة
مش ملاحقة علي وعلى لبنى
وأنا بصراحة نادرا ما بأدخل المطبخ بعد الجواز
لكن هأحاول تانى اليومين الجايين دول لو هى وافقت
شكرا على مشاركتك الجميلة وتشجيعك لى
ربنا يخليك لنا ومايحرمناش من ذوقك ورقتك
وكل سنة وإنت طيبة
ورمضان كريم*168*

boukybouky
10-10-2006, 11:35 AM
أنا جاية علي الريحة بس يارب مش تكون شياط و الرز يتلسع :d

ما احنا شاطرين اهو يا أحمد و بنعمل أرز بالوصفة زي اللي في الكتاب ههههه

تسلم إيدك بجد سفرة هايلة بس انت مجرب الأكل ده و الا بتجرب فينا؟؟:d

مقطوعتك الجميلة يا أحمد فكرتني بأوبريت قديم كنت أسمعه في الإذاعة

عن رمضان و الصيام ..ربنا يبارك لك و يبارك في أسرتك الكريمة يا رب

دمت بكل خير

في رعاية الله ،،،

أحمد ناصر
10-10-2006, 12:11 PM
السلام عليكم جميعآ

والله انا عرفت ان هنا اخويا وحبيبى الباشمهندس / احمد ناصر

جيت جري وسبت طبق اليوم على النار وربنا يستر ومايتحرقش منى

لان وقفه المطبخ بتخلى الواحد ماعندوش نفس للاكل عشان كده لما عرفت ان حبيبى واخويا

احمد ناصر هو اللى هياكلنا ومش هيوجعنا جيت جري

على امل ان اجد اكله اسوانيه دسمه

بس الحمد لله وربنا يجعل بيوت الاحباء عمار

تحياتى وتمنياتى للجميع بشهيه مفتوحه والف هنا وشفا

*174*
أهلا يا جيمى باشا
أخبار الصيام فى ألمانيا إيه؟
هههه
إنت كنت فاكر إنى هأعمل أكلة أسوانية
إنت عارف إيه هى أكلة (الجاكود)؟
اللى هى الملوخية بس بالنوبى
:good:
النوبة وأسوان فيهم مشروب بيتناولوه ساعة الإفطار
المشروب ده مش موجود غير فى أسوان فقط
إسمه الأبريج
عارفه؟
كل سنة وإنت طيب يا جيمى
رمضان كريم

أحمد ناصر
10-10-2006, 12:26 PM
استاذى احمد ناصر....

ماشاء الله عليك....

انا مش بتكلم على الاكل لا احنا بناكل كل يوم انا بتكلم عن اللوحه الغنائيه اللى مش بنشوفها كل

يوم اسمح لى استاذ احمد حضرتك نقلت الصوره نقل جيد وكدت ان تقترب من الليله الكبيره لعمنا

جاهين لولا بعض الهنات البسيطه التى لو كنت ركزت اكتر كنت تخطيتها بسهوله انما واضح اننا

امام شاعر عاميه سيكون له شأن كبير باذن الله اخى نقلت لنا صوره جميله من واقع الحاره

المصريه التى اخرجت من قبل النديم والتونسى وحداد وجاهين وباذن الله تخرج لنا احمد ناصر

فعليك اخى بالغوص فيها اكثر واكثر حتى تفيض عليك من بحورها التى لا تنضب ابدا...

بارك الله فيك استاذى احمد وتمنياتى لك دوما بالتوفيق والنجاح...

يحيى زكريا
أستاذى الحبيب أ.يحيى زكريا
لا أعرف حقيقة كيف أرد على كل هذا الكلام الجميل
لقد غمرتنى بفيض عطفك وكرمك
صلاح جاهين هرم شامخ فى شعر العامية
وهو شاعرى المفضل فى العامية
عندما يتطرق الحديث عنه تجدنى دائما ما أقول أنه كتلة من المشاعر مشت على قدمين
ودائما ما كان يقول عن بيرم التونسى (عمنا) فقد كان يحبه كثيرا ويبجله كثيرا
إن شاء الله سأقوم بإعادة نشر هذه الصورة كموضوع مستقل فى قاعة الشعر
وأتمنى منك أن تبين لى ما هى الهنات التى شابت الصورة حتى أحاول تنقيحها
وكل الشكر لحضرتك
ورمضان كريم*168*

أحمد ناصر
10-10-2006, 12:37 PM
اية الجمال دة ياعم أحمد
خايف والله انا أحسد
دة رز دة والا صنوبر
لو حد شاكك .. يجى يتأكد

اما البطاطس .. فمظبوطة
من غير كلام كدة او ظيطة
واللى مش حيجى ياكل
حيقعد يعيط جنب الحيطة

والشوربة برضة ولو سهله
بس المهم انها من ايدك
تعيش وتجمعنا بفرحة
فى كل عيد ... ربى يزيدك


اخى الكريم ...أحمد ناصر
تسلم ايدك .. ووصفاتك
شايف ليكا سوابق مطبخية اهو
رفعت راسنا والله ياباشا

اما عن الملحمة التى قرأتها ..
فلا استطيع الا ان اقول

اننى رايتها ... ولم اقرأها
جسدت كلمات بحق ..
كل مظاهر ليلة الرؤية ..
بافراحها وروحانياتها ..
بكل ما بين السطور من هموم وافراح البشر..

رايت المقهى بكل روادة ..
والصبية تلعب امامه ..
والحارة المصرية بكل مافيه من عبق الماضى


اخى الكريم ..
سلمت يداك .. وبارك الله فى قلمك
كما انعشتنا ... واسعدت قلوبنا بكلماتك


تقبل خالص تحياتى،،، وكل التقدير :f:
أخى الحبيب شاعر الرومانسية
والله ما عراف أقولك إيه
أشكرك على الشعر الجميل
أم أشكرك على الإطراء الذى أسرنى بحق
أسأل الله العظيم رب العرش العظيم ورب السماوات والأرض وخالق الشمس والقمر أن يدخل على قلبك السرور كما أدخلته على قلبى
أصافحك بيد الشاكر الممتن
وكل عام وأنت بخير وسعادة
ورمضان كريم
:f:

أحمد ناصر
10-10-2006, 01:00 PM
الأخ الفاضل أحمد ناصر

اليوم مائدتك رائعة حقاً .......
ظريفة وخفيفة علي معدة الصائم .....
والحلو قصيدتك المبهرة ذات الطعم الأصلي الجميل بسطورها المتميزة .....
سلمت يداك وسلم قلمك الجميل ......
لك خالص الشكر والتقدير والاحترام .......

لي سؤال لو تفضلت ماهي (حبشتكنات) نوع جديد من التوابل ؟؟؟؟؟؟؟؟


تحياتي
ليلة عشق
أختى الغالية ليلة عشق
كل سنة وإنت طيبة ورمضان كريم
شكرا لك على مشاركتك وكلماتك الرائعة التى جعلتنى فى منتهى السعادة
ربنا يوفقك ويسعدك ويحقق لك كل ما تتمنيه إن شاء الله

ملحوظة:حبشتكنات جمع
والمفرد حبشتكة
وهى كل ما يمكن وضعه من زيادات حسب الرغبة برغم أنها لا تدخل فى المقومات الأساسية للشيء الأصلى الذى يمكن عمله من مكوناته الأساسية بغض النظر عن وجود الحبشتكنات من عدمه ..ويقول الزمخشرى....
هأدور فى الزمخشرى وأقولك إن كان كاتب حاجة عن الحبشتكنات ولا لأ
*109*
كل سنة وإنت طيبة يا أختى الغالية
*168*

أحمد ناصر
10-10-2006, 01:13 PM
ايه الرز المفلفل ده يا استاذ احمد حاجة روووووووووعة ومن ايديك اروع..الرز ده فن في طبيخه ومش اي اي ولا زي زي يقدر يفلفل كباية رز حتى..انت عارف الرز عندنا طبق اساسي يا اما كبسة يا اما سليق يااما بخاري واحيانا نتفزلك ونعمل الحلو من الرز باللبن ولا قشطلية ...هههههه
اما الفراخ حاكلها يعني حاكلها ولو اني حاسة ان حاكاكي من كتر اكلها ..فأنا بعدت خالص عن اللحمة خوفا من الكوليسترول وتركيزي على الفراخ اكتر... جت الفراخ المحمرة في وقتها وبرضك روعة...ما فيش اجمل من الاكل الخفيف..
اما البطاطس فدي بقى زينة السفرة ..يعني فيه بطاطس تأكد ان السفرة حاتتمسح تماما..
تسلم ايديك على قد بساطتها على قد روعتها خصوصا في اللمة الحلوة دية

نيجي بقى للقصيدة العصماء ..تصدق يا استاذ احمد فكرتني بإيه؟؟؟؟ فكرتني بالليلة الكبيرة للشاعر الكبير صلاح جاهين ..جميلة قوي ياريت مسرح العرايس بتاع زمان يعملوها مسرحية ونرجع لايام الهنا الرمضاية..عاش قلمك واوعك ارجوك تبطل ولا تفكر تبطل كتابة ده حضرتك نابغة في العامية ...
سعدنا بيك جدا وكل سنة وحضرتك طيب.........

لميس الامام
أختى الغالية وأديبتنا الرائعة والمبدعة لميس الإمام
إيه النور ده كله؟
كده الموضوع أصبح له قيمة كبيرة جدا عندى
كل الشكر لك يا أختى الغالية على مشاركتك التى أسعدتنى كثيرا
أنا بأحب صلاح جاهين جدا وأرجو إنى ما أكونش بأقلده
فالأصل دائما أجمل من الظلال

معلش بقى الأكلة متواضعة جنب سفرتك العامرة
ولقد أتحفتينا بالجمبرى
وطعم القشطلية لسه حاسين به لحد دلوقتى
على فكرة الفراخ مفيدة لكل أصحاب فصيلة الدم A
المفروض إنهم لا يأكلوا اللحم الأحمر
أما أصحاب فصيلة الدم O
فهم الذين يجب أن يأكلوا اللحوم حتى يتمتعون بصحة جيدة
هذا ما سمعته فى عدد من البرامج التليفزيونية

نابغة مرة واحدة
كتير علي جدا يا لميس والله
ربنا يخليك لنا ولايحرمناش أبدا من وجودك الرائع والجميل
وسلامى لكل أفراد الأسرة الكريمة وربنا يعيد عليكم الأيام بكل فرح وهناء وسعادة:f:

أحمد ناصر
10-10-2006, 01:27 PM
احلى اختيار

احمد ناصر

:h: :h: :h:

نجم حار

عقلنا فيه احتار

وقلبنا ليه اختار

احمد ناصر

:h: :h: :h:

انسان جبار

قلبه قلب خيار

وبنوته من الاخيار


:download:

مقطوعه من الشعر التأليفي المقفى

للحسام بن عمر

ولو حد فهم حاجه منها

ربنا يكرمه

ولو محدش فهم

ربنا يبركله برضو


اخي الحبيب احمد ناصر

:good: :good: :good:

من اعز الأخوه ليه في المنتدى وبره المنتدى


تسلم ايدك

وكنت ميل عليه وانا ابصيلك كام صنف تمام


وكل عام وانت واسرتك واصدقائك واحبابك وكل من تعرفه

بخير وسلام وسعاده و طمأنينه
*128*
إيه يا حسام المواهب دى كلها؟‍
أنا عارف إنك طباخ بريمو
بس معلش بقى
بصلة المحب خروف
شكر لك على المشاركة
وعلى شعرك الحلمنتيشى ده
ربنا ما يحرمنيش منك يا حسوم
كل سنة وإنت طيب
وإن شاء الله السنة الجاية تكون معاك العروسة
*168*

أحمد ناصر
10-10-2006, 01:37 PM
أنا جاية علي الريحة بس يارب مش تكون شياط و الرز يتلسع :d

ما احنا شاطرين اهو يا أحمد و بنعمل أرز بالوصفة زي اللي في الكتاب ههههه

تسلم إيدك بجد سفرة هايلة بس انت مجرب الأكل ده و الا بتجرب فينا؟؟:d

مقطوعتك الجميلة يا أحمد فكرتني بأوبريت قديم كنت أسمعه في الإذاعة

عن رمضان و الصيام ..ربنا يبارك لك و يبارك في أسرتك الكريمة يا رب

دمت بكل خير

في رعاية الله ،،،
ههههههههه
الله يبارك لك يا بوكى
ضحكتينى من قلبى
ودى مش محتاجة سؤال
بأجرب فيكم الأول
متشكر جدا إنك وأم أحمد أعطيتيانى هذه الفرصة الجميلة
والتى شرفت بها كثيرا
وكل عام وإنتم بخير وسعادة*168*

أم أحمد
10-10-2006, 04:52 PM
ما شاء الله عليك يا احمد
ايه الاكل اللي يجنن ده كله
الرز ده عرفينه من زمان هههه
والسلطة جميلة
ولا البطاطس بقي روعة

سيبك انت المهم النفس في الاكل

بس انا جيت متاخرة شوية
يا تري لسه في شوية اكل ولا كله تم تدميره هههههه


استمتعت حقا بافطارك الشهي
واستمتعت اكثر واكثر بالقصيدة الجميلة
واسعدني ان اول عرض لها يكون في موضوعنا هنا وفي احلي ايامفي السنة في شهر رمضان الكريم

دمت بكل الخير ابو لبني
وكل عام وانت بكل خير انت واسرتك الجميلة

osha
10-10-2006, 08:35 PM
بما ان بصلة المحب خروف يا سيدي حنرضى بالرز والسلطة وشوربة الفراخ
بس مايكونش دقيق الغسيل من اللي تحت الحوض
:d
لم يسعفني الوقت لأقرأ كل الشعر ولكن لي عودة ان شاء الله
انا بس قلت الحق أرد قبل ما الرز يبرد

mazika_song2000
10-10-2006, 08:42 PM
شكرا علي هذا

amal3
11-10-2006, 04:17 AM
السلام عليكم

أخى العزيز الأستاذ أحمد ناصر :good: :good: :good:


تصدق ياأستاذ أحمد أن أنا أحلى أكلة بحبها هى الأرز والبطاطس والفراخ والسلطة

والله أكلة جميلة وتأكل

تسلم أيدك ياأستاذنا العزيز يسلم نفسك

كفايا أنى شميت ريحت الأكل بجد

ولا الزجلية الحلوة دى عبارة عن لوحة مرسومة بالكلمات

لدرجة أنى سمعت الدوشة والهيصة بتاعة الأولاد

الله عليك ........تسلم أيدك ودماغك وأبداعك

كل سنة وأنت طيب وكل الأسرة بخير

رمضان كريم

أختك آمال مصطفى

عصام علم الدين
12-10-2006, 11:06 AM
الأخ الحبيب أحمد ناصر
سلام الله عليكم ورحمته وبركاته

إنت طلعت صعيدي صُح
حاجه تشرف بصحيح
إن كان على مستوى الطبيخ والأكل أو على مستوى الكلام
يعني أكلت الفطار عادي معاك على السفره وخصوصاً وأنا من محبي البطاطس
زمان لله في لله ودلوقتي علشان البطاطس هنا أمر إلزامي
يعني لو معنديش بطاطس في البيت ممكن أموت من الجوع
وبفرح قوي لما ألاقي فيه بطاطس مستورده من مصر
وبعد مافطرت نزلت بقى الحاره وشفت دوشة العيال اللي في ملحمتك الجميله
فحسيت برمضان ومتعته وإنت وسط الناس
شكراً لك وكل سنه وإنت بألف خير

أخوك الصعيدي صـُح برضه
عصام علم الدين

نوسة
14-10-2006, 03:06 AM
اية الجمال دة يا ناصر

واية الشطارة دى بجد اكلتك جميلة وانا لازم عندى يوم فية بطاطس ورز وسلطة وفراخ

بس من ايدك يا ناصر ليها طعم تانى احلى

اما بقى حلو الكلام بتاعك وليلة الرؤية يجننوا عايشتنا فعلا جوها حقيقى وكان الواحد بيشوفها

فعلا بعينة وبيسمعها فعلا

شكرا ليك يا ناصر وتسلم ايدك فيما ابعدعت من وجبة متكاملة

كل عام وانت بخير انت واسرتك الكريمة والورد ليك والدبدوب للبنى

http://www.br2h.com/up/uploads/81905915bc.jpg

ادامك الله اخا عزيزا

محمد غباشى
18-03-2008, 06:22 PM
الف شكر على الكلام الجميل والاكل الهايل ربنا يكرمك