المساعد الشخصي الرقمي

مشاهدة النسخة كاملة : قصــه اشباح حصلتلى انا شخصيــا فى اسكندرية



mr_virus
04-10-2006, 09:19 PM
قصــه اشباح حصلتلى انا شخصيــا فى اسكندرية
من علىلسان صديقى
________________________________________
طبعا اول ما قريتو العنوان قلتو ده اكيد اهبل بس صدقونى الموضوع ده حصلى فعلا
فيوم من الاجازة اتفقت انا و اصحابى اننا نروح نقضيلنا اسبوع فى اسكندرية و فعلا رحنا فى شقه واحد صاحبنا الشقه دى مرمية فى حتة ضالمه اوى المهم عادى قضينا اول 3 ايام عادى جدا اصلا صاحبنا اللى هو صاحب الشقه ده عندو كتب كتير لتحضير الارواح و الجان المهم فى اليوم الرابع كنا سهرانين فى الشارع بعد كدة اتفقنا ان هوة هيعمل جلسه منهم قلتلو يبنى مفيش حاجة اسمها تحضير لا روح ولا جن قالى خلاص يا عم هنشوف و هوريك
عملت فيها عنتــر كبدة قلتلو خلاص ماشى
المهم قالى طيب روح انت وواحد تانى معانا اشترو حاجات وهوة و الباقيين طلعو يجهزو القعدة فوق
المهم كل صحابى بيقلولنا بلاش يا جماعه قلتلهم صدقونى مفيش حاجة اسمها كدة متخافوش
المهم طلعت لاقيتو حاطت ترابيزة جمب كنبتين و حاطت عليها مصحف و شمعه
قلتلو ايه بقه ده قالى اعد ونتا ساكت قعدنا كلنا و قلتلو ها ايه المطلوب مننا
فقالى
مسكنا كلنا ايد بعض وحنا حولين الترابيزة مفيش اى نور غير نور الشمعه الخافت و الفجر فاضل عليه ساعه
فواحد منا سألو قالو يبنى لو عرفت تحضر حاجة هتعرف تصرفها ولا ايه؟!
قلتلو بس يا اهبل ايه اللى انت بتقولو ده يبنى مفيش حاجة اسمها كدة
المهم غمضنا عنينا كلنا و هو اعد يقول كلام غريب كدة تقريبا هو كلام بس بالمقلوب
فجأه و الله سمعنا صوت حاجة وقعت فى المطبخ ففتحنا عينا قلتلهم ايه ده مين اللى عمل كدة؟
على فكرة كلنا كنا قاعدين مع بعض و المطبخ فى اخر الشقه يعنى محدش يقول انهم بيشتغلونى و واحد دخل المطبخ وقع حاجة و جه
المهم صاحب الشقه قالنا غمضو عنيكو و برضو ماسكين ايد بعض كلنا شويه سمعنا صوت كوبايه وقعت اتكسرت فى الصاله
فتحت عينى لقيت فعلا كوبايه وقعت قلتلو لا خلاص اصرف بقه الحاجات دى طبعا ونا برتعش
و العيال صحابى بقه اللى عيط و اللى عايز ياخد شنتطو و ينزل مصر
المهم فجأه لقينا تليفوناتنا كلها بترن فى وقت واحد
ببص على الرقم لقيت مش مكتوب رقم اللى رنلى و بصيت على تليفوناتهم كلها نفس الحوار بعض التليفونات مكتوب UNKNOW و الباقى Private number بصراحه كنت حاسس انى عايز بامبرز انتو فاهمين طبعا
المهم طبعا كلنا عمالين نزعق و اللى بيعيط و حاجة قلق و توتر
انا قلت انا هاخد الشنطه و اروح اللى عايز ييجى معايا ييحى و اللى مش عايز يخليه هنا ونا باخد الشنطه لاحظت حاجة غريبة
...................
......................................
.................................................. ..
.................................................. ..................
الكنبه اللى كان صاحب الشقه قاعد عليها كان تحتيها سلوك
و السلوك دى داخله لحد المطبخ

الواد ال********* كان رابط حلة فى المطبخ بحبل و حاطو تحت الكنبة لما نغمض عنينا يشد الحبل فالحلة تقع
و نفس الحوار فى الكوبايه
فتحت النور و نطيت على الواد و بضرب بقه بغباء كنت خلااااااااااااص اعصابى باظت
لا و ايه طلعو كلهم متفقين عليا انا و اللى بيعيطو كانو بيمثلو عليا
بعض طبعا ما اتخانقت معاهم و كنت هروح و صالحونى و بتاع
قلتلهم طب حوار الموبايلات ده ازااااااااااى؟
واحد صاحبهم عندو سنترال و ارقام خاصه
لما هما طلعو قبليا كلموه و قالولو الحوار و اتفقو معاه على ساعه معينه و ادولو ارقامنا كلنا عشان يكلمنا فى نفس الوقت

طبعا اشتغاله ملهاش حل يلا كل سنه ونتو طيبين و يارب تكون عجبتكو
مستنى ردودكم يا رجاااااااله
بس ياريت متعملوش الحوار ده فى صحابكو عشان ميزعلوش
سلااااااااام

زهــــراء
04-10-2006, 09:31 PM
ههههههههههههههههههههههه
المقلب دا اتعمل فينا انا واهلي
اخويا عمله فينا من زماااااااااااان شبهه اوي
حاجات توقع القلب بصحيح ...
تسلم ايدك

mr_virus
04-10-2006, 09:56 PM
اى خدمة

جوليت
05-10-2006, 12:43 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه

الموقف صعب معلش بقى تعيش وتاخد غيرها

عبده الدرملى
05-10-2006, 01:10 PM
هههههههههههههههه
تعيش وتاخد غيرها
عشان متقاوحش بعد كده

mr_virus
05-10-2006, 05:21 PM
مش كده برضوا

moura
05-10-2006, 05:52 PM
غريبة جدا....يعنى المرة دى مش يغم عليك ليه؟؟؟؟؟

هههههههههههههههههههه

بس عارف لو حصلتلى ...انا ممكن اروح فيها حقيقى..



:helpsmilie2: :helpsmilie2:

mr_virus
05-10-2006, 05:55 PM
نسيت أكتب الدباجة

_snoo000oopy_
06-10-2006, 07:53 PM
اذا كنت انا قاعده فى البيت والنور منور واترعبت *96* امال لو كنت مكانك كنت عملت ايه !!!ههههههههه

كويس ان انت لسه عايش ...ههههههههه

خالد الهندسة
06-10-2006, 08:16 PM
ياسلام ، اصدقاء اوفياء بصحيح ، تعيش وتاخد غيرها .

mido elmasry
06-10-2006, 10:19 PM
بس على فكره حكايات الاشباح ديه مش تخاريف يعنى...
يعنى انا كان واحد صاحبى بيحكيلى وبيحلف
هو فى هندسة بترول جامعة السويس وقاعد فى المدينه
وفى يوم كل الناس اللى معاه فى نفس الدور سافروا بس هو لا
عشان كان عنده امتحان المهم كان قاعد فى الدور كله لواحده
وكان الدور اللى فوقيه فاضى وكذلك اللى تحتيه بيقولى والله
كان بيعدى عليا خيالات رايحه جايه بيجروا ورا بعض ويسلموا عليه وكده يعنى
وكمان واحد زميلى تانى كان بيحكيلى ان اخوه فى الجيش
وهما نايمين بالليل بيدخل عليهم ناس بالليل ميعرفوهمش بيسلموا عليهم
ويخرجوا تانى...

عارفين ياجماعه لما بسمع الحكايات ديه
مبحسش بخوف قد ما بيبقى جوايا شعور غريب وعايز أبكى

mr_virus
06-10-2006, 10:54 PM
شكرا ليكم على ردودكم

monmon_aso1982
07-10-2006, 07:00 PM
طي انتا ليه بتقول ان مفيش عفاريت ومفيش تحضير جان
هوا انتا كنت عفريت قبل كدا
انا بقا بقولك ان الحاجات ديه موجوده فعلا بس ليها ناسها
يلا سلام بقا
على فكرة انا مخفتش خااااااااااااااااااااااااااااااااااااااالص

mr_virus
07-10-2006, 07:54 PM
طب بتترعشى لية

ندى الايام
07-10-2006, 07:57 PM
ههههههههههههههههههههههههههههههههه
هههههههههههههههههههههههههههههههه
احسن والله تستاهل علشان ديما بتيجى على
البنات وتفضل تتهمهم بحاجات مش صحيحه
شوفت بقى ربنا عمل فيك ايه
من اعملكم صولت عليكم

mr_virus
07-10-2006, 07:59 PM
هههههههههههههههههههه
ماشى

ندى الايام
07-10-2006, 08:04 PM
ماشى ليه خليك قاعد
واديك بترخم علينا
مفيهاش حاجه يعنى

ندى الايام
07-10-2006, 08:07 PM
على فكره انا ديما بتابع مواضيعك
وديما بتعجبنى وكتير منها دمها خفيف
رجاء المزيد

mr_virus
07-10-2006, 08:13 PM
أى خدمة

somaaaa
07-10-2006, 08:15 PM
اية الرعب دة
حرام عليك هى ناقصة
بس انا لو كان حصلى كدة
كنت روحت فيها على طول
وكان زمبى فى رقابتهم بقى

mr_virus
08-10-2006, 09:55 PM
ههههههههههههههههههههههههه

شهودة
10-10-2006, 07:42 AM
ههههههههههههههههههههههههههههههههههه
بصراحة عندك شوية اصحاب ملهو مش حل
يلا تعيش وتاخد غيرها يا معلم

Abdou Basha
10-10-2006, 07:54 AM
موضوع حلو يا فيروس

mr_virus
10-10-2006, 11:59 AM
ههههههههههههههههههههههههههههههههههه
بصراحة عندك شوية اصحاب ملهو مش حل
يلا تعيش وتاخد غيرها يا معلم
لو عايزة اجبلك منهم

اهلا بيكى وسط اهلك

mr_virus
10-10-2006, 12:02 PM
موضوع حلو يا فيروس
اى خدمة
شكرا على التقيم

شهودة
10-10-2006, 02:00 PM
متشكرة جدا متحرمش
المشكلة ان عندى منهم

mr_virus
10-10-2006, 02:55 PM
ربنا يعينك عليهم


Photo Gallery