المساعد الشخصي الرقمي

مشاهدة النسخة كاملة : الله يرحم سى السيد(ممنوع دخول البنات)



mr_virus
01-10-2006, 04:19 PM
الله يرحم سى السيد

ان 99,9% من شعب مصر شاف ثلاثية نجيب محفوظ الشهيرة ويحفظ عن ظهر قلب شخصية سى السيد الذى بيضرب زوجته بالشوز ويروح ينضرب هو بره بنفس الشوز ولكن هل تخيل حد فيكم الوضع اذا كان سى السيد راجل حنون,, رقيق،، شهم مع زوجته واولاده..


انا تخيلت:


سى السيد:

مساء الخير يا امينة من فضلك تحضريلى الاكل عشان جاى تعبان من الشغل .

امينة:

اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

سى السيد:

خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى.

امينة:

عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

سى السيد(والدمعة هتفر من عينه) :

لا يا قويه يا مفتريه اهئ اهئ والله لابعتك عند ماما .هه بس

امينة:

يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم



فى اليوم التالى:

سى السيد ينتظر فى الشباك امينة لما ترجع من مسرحيه(كشكش بيه)
ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

امينة:

ايه اللى مسهرك يا سوسو انا مش قلتلك تنام انت عشان انا هتاخر.

سى السيد:

معلش يا ست امينة انا قلت برضه يمكن تحتاجى حاجة كده ولا كده

امينة:

تيب .. تيب مش عايزة ابوظ الليلة بئى متوجعش دماغى ياسوسو
وانا الصبح حكيلك المسرحيه كلها..اوكـــ


سى السيد:

ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.

امينة تضحك ثم تدخل لتنام وتصفق الباب فى وجهه


فى اليوم اللى بعد التالى:


امينة فى فترة المساء والسهرة مخاطبة سى السيد:


اعمل حسابك ياسى سى,ان فى عريس جاى لعائشه بكره

سى السيد:

مين ياترى..لو كان يعنى من حقى اسال

امينة:

الواد الظابط ده اللى كانت بتعاكسه من الشباك مش فاكره يا سى

سى السيد:

الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة:

خلاص نتكل على الله ونخلى الفرح فى نفس يوم فرح خديجة

سى السيد:

ايه ده!هى خديجة بنتى هتتجوز مبروك الف مبروك

امينه:عقبال ولادك يا ساسو


يوم الفرح:


امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا:

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:


اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
علشان تبئى تقول بيتى دى تانى..رجاله اخر زمن..


وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..


اه لا مؤاخذه ...بيتها. ملطوشة

stopp
01-10-2006, 06:48 PM
ده سى السيد بتاع النادى
مشكووووووووور

moura
01-10-2006, 06:59 PM
هههههههههههههههههههههههههههه

هههههههههههههههههههههههههههههههه

وممنوع دخول البنات كمان......هههههههه

دة انتم يا رجالة بقت فضيحتكم بجلاجل..:1:

شوفت بقى الدبح عمل ايه يامستر فيروس

قولتلك....هامحى عدو المراة من الوجود....ادينى محيته..:good:

ههههههههههههههههههههههههههههههههه (دى ضحكة شررة حبة...مع شوية شماتة)

ابن البلد
01-10-2006, 07:45 PM
ههههههههههههههههههههههه حلوة يا فيرس

mr_virus
01-10-2006, 07:49 PM
ده سى السيد بتاع النادى
ياريت

هههههههههههههههههههههههههههه

هههههههههههههههههههههههههههههههه

وممنوع دخول البنات كمان......هههههههه

دة انتم يا رجالة بقت فضيحتكم بجلاجل..

شوفت بقى الدبح عمل ايه يامستر فيروس

قولتلك....هامحى عدو المراة من الوجود....ادينى محيته..

ههههههههههههههههههههههههههههههههه (دى ضحكة شررة حبة...مع شوية شماتة)
انا مش قولت ممنوع دخول البنات
_________________________________________
ابن البلد شخصيا
يامرحبا يا مرحبا

ههههههههههههههههههههههه حلوة يا فيرس
مرورك هو اللى أحلى

بنت العروبة
01-10-2006, 07:56 PM
ههههههههههههههههههههه
و انت مطلع امينة طيبة اوى كدة لية يا مستر فايرس دى بس كانت هتاكل سى السيد لو نطق تانى
على فكرة انت واخد فكرة غلط على البنات دول طيبين جدااااااااااا
و لطاف خالص اوى يعنى
و بالراحة على نفسك اعصابك اوعى تنهار من كتر حبك فى امينة الطيبة دى
ههههههههههههههههههههههه
بس بجد حلو الموضوع و دمة خفيف

mr_virus
01-10-2006, 07:59 PM
ههههههههههههههههههههه
و انت مطلع امينة طيبة اوى كدة لية يا مستر فايرس دى بس كانت هتاكل سى السيد لو نطق تانى
على فكرة انت واخد فكرة غلط على البنات دول طيبين جدااااااااااا
و لطاف خالص اوى يعنى
و بالراحة على نفسك اعصابك اوعى تنهار من كتر حبك فى امينة الطيبة دى
ههههههههههههههههههههههه
بس بجد حلو الموضوع و دمة خفيف
شكرا يا ميمو
بس فى حاجة انا عايز أقولها
انا مش قايل ممنوع البنات (بصوت عالى)

ايهاب احمد75
02-10-2006, 01:01 AM
انت معانا ولا مع الناس التانيين

mr_virus
02-10-2006, 04:12 PM
معاكم
بس الموضوع بيبين جبروت الستات بتاعت دلوقتى

konouz
03-10-2006, 12:25 AM
هههههههههههههه
جميله جدا مستر فيروس
عارف لو اتعملت مسلسل بجد هتبقى هايله سي السيد حاليا لا لاْ نيو لوك سي السيد
ودةحال الرجال اليومين دول يا عينى مغلوب على امرهم

أم أحمد
03-10-2006, 10:14 AM
ههههههههه
حلوة يا فيرس
تسلم ايدك علي النقل
لك مني خالص التقدير

mr_virus
03-10-2006, 02:58 PM
أى خدمة أنا موجود

جوليت
03-10-2006, 08:52 PM
ههههههههههههههههههههههههه

حلوة اوى شكراااااااااااااااااا

mr_virus
03-10-2006, 08:54 PM
اى خدمة

florensa
05-10-2006, 07:23 PM
السلام عليكم ورحمة الله وبركاتة
اية دا الجمال دا ههههههههههههههههههههههههه جميلة جدا اعزرنى انت قولت بنات لا بس هاعمل اية بقا مضطرة ارد انت فاهم البنات غلط اوى واللى انت بتحكية دا ميحصلش غير فى الخيال حلو اوى سى السيد هيا خديجة بنتى هاتتجوز الف مبروك والله هههههههههههههههههههههههههههههههههههههههههههههههههه هههههههههههههه
عجبانى اوى الفقرة دى وروح وابقى ابعتلك العيال هههههههههههههههههههههههههههههه عيالة بردة منة وعلية كويس انها مش هاتطلبة فى بيت الطاعة
بس حلوة بصراحة مواضيعك كلها حلوة بس لو نعرف مين اللى عقدتك دة كان هايبقى فيها كلام تانى

mr_virus
05-10-2006, 09:41 PM
ماشىىىىىىىىىىىىىىىىىىىىىىىى


Photo Gallery