المساعد الشخصي الرقمي

مشاهدة النسخة كاملة : يا ترى الحمار بيقول إيه علينا ..؟



Abdou Basha
30-09-2006, 08:29 AM
http://img222.imageshack.us/img222/798/7700vm1.jpg
***
**
*


أول صورة أضعها وتكون من تصويري بالموبايل ...
عندي صور تانية..
لكن أنا اخترته هو بالذات .
خصوصا بعد الكلام اللي اتقال عنه في الصحف الرسمية.
**
العاصمة أيقظت قرار منع الكارو‏..‏ بعد‏20‏ سنة نوم‏!‏ (http://66.102.9.104/search?q=cache:Xn_kXwHuND8J:www.ahram.org.eg/Index.asp%3FCurFN%3Dfron6.htm%26DID%3D8717+%D9%82% D8%B1%D8%A7%D8%B1+%D8%A7%D9%84%D8%B9%D8%B1%D8%A8%D 8%A7%D8%AA+%D8%A7%D9%84%D9%83%D8%A7%D8%B1%D9%88&hl=en&ct=clnk&cd=1)

"حدث هذا بالفعل في العاصمة‏..‏ ولولا اهتمام المحافظ الدكتور عبدالعظيم وزير لاستمر القرار يغط في نوم عميق‏."


يخرب بيت الأسلوب الحكومي في كتابة الأخبار .

"بعض المحافظات سارعت إلي التنفيذ‏,‏ ونجحت في القضاء علي ظاهرة تسيير الكارو في شوارعها‏..‏ وغاب الأمر تماما عن العاصمة‏.‏"

"وقال المحافظ ـ في تصريحات لمندوب الأهرام عبدالهادي تمام ـ إنه سيتم التنسيق مع الصندوق الاجتماعي لطرح نحو‏1000‏ سيارة ربع نقل لمن يرغب من أصحاب العربات الكارو في التعاقد مع الصندوق‏,‏ وبشروط وبأقساط ميسرة لتعويضهم واستمرارهم في العمل نفسه‏,‏ ولكن بصورة حضارية ورعاية للبيئة‏,‏ وعدم المساس بالنظام العام والنظافة‏,‏ ورفع كفاءة حركة المرور‏,‏ وتم تكليف شرطتي المرافق والمرور بضبط المخالفين‏.‏"
**
على فكره مش محتاجة إنه الواحد يكون حمار عشان يعرف الحمار اللي في الصورة كان بيقول إيه في سره بعد ما سمع الخبر ده ..!؟ :stpd:

.

ملحوظة :

* العربة الكارو : عربة يجرها حمار أو بغل أو حصان، وتسبب قرف لكافة المواطنين بما فيهم العربجية سائقي العربات الكارو .

** لمراسلة الحمار : الصورة أخذت الخميس 28 - 9 - 2006 في شارع غرناطة – روكسي – مصر الجديدة

قلب مصر
30-09-2006, 07:02 PM
انا حاولت اراسل الحمار بس للأسف يا عبد الرحمن
صندوق البريد الخاص به كان ممتلئ وردت إلى الرسالة مرة ثانية
أغرب ما فى الموضوع يا عبد الرحمن
ان فى نفس اليوم المذكور فيه ان هذا القرار تم ايقاظه بعد عشرين عاما من العزلة
كنت اقف فى شارع القصر العينى محل سكنى الساعة التاسعة صباحا وإذ بعربة كارو فجاة يقرر صاحبها أن يعبر الطريق بالعرض وأن يسير عكس الاتجاه وليس على الحمار إلا ان يساير صاحبه ويقبل بالأمر والفرمان
ولك أن تتخيل ماذا يعنى الكلام السابق من هرجلة مرورية حدثت فى شارع من أهم شوارع القاهرة يكتظ بالعديد والعديد من الوزارات ويختص بالمحرمات التالية مجلس الشعب - مجلس الشورى - مجلس الوزراء

أيمن جبارة
30-09-2006, 08:16 PM
هناك أنواع وأشكال من الحمير
منها مايضحكنا ومنها ما يضحك علينا

Abdou Basha
01-10-2006, 06:33 AM
قلب مصر...
فعلا شارع القصر العيني يمكن من الشوارع اللي واخده طابع شوارع وسط البلد
لكن رغم كده ممكن ألاقي عربيات كارو ماشية فيها
عشان بيبقوا رايحين مصر القديمة تقريبا .. أو السيدة .
الغريب في القرار اللي افتكروه ده
**
أنا متوقع الحمار اللي في الصورة لو عرف بالموضوع ده، حيقول تعليق مش ظريف :d
***

أستاذ أيمن
الحمار الموجود في الصورة، لو تم إصدار قرار إليه فهو سينفذه على الفور .
ولن ينتظر 20 سنة كي يفكر في تطبيقه .

summar
01-10-2006, 06:35 AM
ههههههههههههههههههه
افرض الحمار رد

موقفى يبقى ايه ساعتها؟؟؟؟


والله ياعبده..البلد دى مابينفعش فيها قرارات
قال يعنى اوى حد هيلتزم.......لو حد التزم يبقى الحمار هيرد....ههههه

شكرا ياعبده باشا

أشرف المجاهد
01-10-2006, 11:06 AM
http://www.syrianstar.com/imagehost1red/uploads/1c99b4a18a.gif
بسم الله الرحمن الرحيم

خبر لذيذ يا عبده

وياترى الحمار بيقول ايه وكمان اللى سايق الحمار بيقول ايه ؟؟

برغم ان الحمار من غير سائق اساسا

وربنا يصلح الأحوال

وربنا يسعد أيامك وايامنا

وينصر المسلمين فى كل مكان

جزاك الله خيرا

ولا تنسى ذكر الله

http://www.syrianstar.com/imagehost1red/uploads/1c99b4a18a.gif

monmon_aso1982
01-10-2006, 07:59 PM
اعتقد ان المشكله مش فى الحمار
المشكله فى اللى سايق الحمار
سورى يعنى
والمشكله فى كبار البلد اللى مش بيهتموا
بنظافتها الا لو كان هناك وزير او مسئول كبير هايعدى من الشارع الفلانى
ساعتها بس الشوارع بتنضف والارصفه بتتغسل وتتلون من اول وجديد
والشجر بيتجز ولو مفيش شجر يتزرع شجر ويتشال لما يعدى والليله تخلص
و بجد بقا الحمار صعبان عليا
هوا اللى غلبان فى الموضوع ده

Abdou Basha
03-10-2006, 10:58 AM
يسرا
اطمني الحمار مش حيرد في الغالب، حيقف كده زي ما هو ويسمع قرارات المحافظ، ويستنى تطبيقها :d

أشرف
اللي سايق الحمار في الغالب مش هيهتم بقرار المحافظ، لإن كتير من الناس معندهاش فكرة عن القرار ده.. بدليل إنه فضل 20 سنة من غير تطبيق .

مونون
الكبار مسئولين والصغيرين كمان مسئولين، كل واحد مسئول في جزئية .

أيمن جبارة
04-10-2006, 02:19 AM
أستاذ أيمن
الحمار الموجود في الصورة، لو تم إصدار قرار إليه فهو سينفذه على الفور .
ولن ينتظر 20 سنة كي يفكر في تطبيقه .
هل تعتقد انه لن يشكل لجان لبحث القرار وامكانية تنفيذه وماهى الاثار المترتبة على تنفيذ القرار من عدمه .......... ام ترى سيدرجه فى خطته طويلة الأجل ام يضع له خطة قصيرة الاجل .................... انا بصراحة احترت فى القرار ............... أسف فى الحمار


Photo Gallery