المساعد الشخصي الرقمي

مشاهدة النسخة كاملة : لـــــــــو فى إيدكـ هتبقه إيه....؟



ألساخر
29-09-2006, 11:17 PM
السلاموا عليكوم

بدون مقدمات وخلافه:hop: ادخل فى الموضوع على طول

من كام يوم كده يجى اسبوع

حصل فى بيتنا حاجه غريبه اوى جميل كده...جميل اوكيه وتمام

ماشى نكمل

المهم وانا نايم فى امان الله لاقيت البيت كله فوق سريرى :'(

وطبعا مش لان الارض مبلوله ميه ولا حاجه :1:

ماما واخواتى البنات واخويا الصغير

وبابا طبعا كان فى الشغل ومتهيئلى كده

لو كان موجود برضه ما كانتش هتفرق كتير

الا ان السرير كان هيبئه عليه6 افراد بدل5:1:

ما علينا

صحيت على كلمه فااااااااااااااااااار فااااااااااااااار يا احمد

وطبعا فى منتهى السذاجه قولتلهم فار فار بس سيبونى انام شويه:eek:

وطبعا ماما قالتلى فار فى البيت يا ابنى فز قوم شوفه

(فار فى البيت!!):

وقوم شوفه وفز

انااااا يتقالى فز

يعنى ما بقاش الا حته فار ده

اللى يئومنى من عز نومى واحلامى البريئه

(على اساس انى طفل يعنى ):$

وطبعا راح النوم وعز النوم علشان حته فار ما لوش لزمه

وايه اللى جابوه عندنا ده؟

بينى وبينكم مع انى فوئت من عز احلامى

وبعد طبعا ما فشلت فشل ذريع فى القبض على الفار

واللى طبعا ما شوفتش خلقته لحد النهارده

او حته اشوف شكله ايه حته البتاع ده

بس حسيت بسعاده غااااااااااااامره

مش هئولوكم اد ايه حسيت انى فعلا راجل يعتمد عليه :2:

(بسبب فار)

واللى كان عاجبنى فى الموضوع

ان اللى انا ما قدرتش اعمله فى البيت ده

حته فار صغير عمله!!!!!!!!!!!!!!!!:'(

انا بجلاله ادرى ما بعرفش ارعب البيت ده بالشكل ده

يجى حته فار من اللى اخرهم يمشوا

على مواسير العماره يربى لعلتى كلها الرعب!!!!!!!!!!!

ساعتها بس صدقونى اتمنيت انى ابئه فار

ولو حته لساعه واحده

بس بينى وبينكم رجعت وفكرت وقولت

طب لو ابويا جابلى مصيده وحطلى فيها حته جبنه رومى؟

(على اساس انى فار بئه) :stpd:

بينى وبينكم لاقيت الفكره بتطير من دماغى

زى ارخمها دبانه رخمه بتختفى اول ما تحس

انك ناويلها على نيه سوده

بس فى الساعه دى تخيلت نفسى

هغير حاجات كتيرررررررررررررررر

ها ها ها ((دى ضحكه شريره)):2:

ولا بابا يئومنى من عز نومى علشان انزل اجيبله حاجه

ولا ماما هتئومنى علشان تنفض الاوضه

ولا اخواتى هيئرفونى فى عيشتى

انا وانا بس اللى فى البيت ليه الكلمه العليا مع صغر حجمى

واااااااااااااااااااااااااااو

احلى دقيقه مرت على بالى لما كنت فار :stpd:

اكيد طبعا دلوئتى بتقولوا الواد ده يا اهبل يا مجنون صح؟

ايوه صح

بس انا مش بكتب قصه حياتى وانا فار ولا حاجه

لأ

دى الفكره الجهنميه اللى جاتلى

ومش عاوزه تسيبنى فى حالى

نروح لموضوعنا بئه وتخيلوا معايا

لو فى ايديك تنفصل عن كينونتك الادميه وتتحول لشئ تانى

(هتحب تبئه ايه)؟

يا ترى عمركم حسيتوا انكوا زهقتوا من فكره

انكوا تكونوا بنى ادمين ونفسكوا تغييروا لحاجه تانيه؟

يعنى مثلا ممكن تبقى نبات ..جماد... حيوان ...فاكهه

اى حاجه تحبها؟

طيب لو فعلا جاتلك الفرصه دى تحب تتحول لايه؟

ايه شايفه اقرب حاجه ليك تتحولها؟

يعنى مثلا لو انت هش وضعيف

وشايف ان مالكش لزمه من اساسو ولا مؤاخذه يعنى

طبعا لما تقرر تنفصل عن ادميتك

اكيد اشبه حاجه لسيادتك ورقه او بقسماطه

ولو انت بارد وتقيل وما عندكش احساس

متهيئلى كده انك هتبقى حلو اوى لما تكون لوح تلج

ومش هتفرق كتير صدقنى ما انت فى الحالتين لوح :1:

ولكن بئه يا سلام لو انت واد صريح مع نفسك وحازم وصارم

ساعتها بس مش هتلاقى قدامك غير انك تكون سكينه

(مش اخت رايه طبعا ):stpd:

اخت الساطور يا بنى ادم

بس الخوف بئه يا حلو انك تطلع سكينه

من النوع الغدار اللى ما بيصدق ان حد يديله ضهره

وانتى يا حلوه تخيلى كده هتكونى ايه؟

يعنى مثلا لو رقيقه ودلوعه

ومن النوع اللى كرامته بتنئح عليه

انا ارشحلك تتحولى لقطه بس تكون شيراز

ولو سمجه ورخمه ودمك تقيل اكيد هتبقى ارخم دبانه فى الدنيا:eek:

........................

بينى وبينكم قعدت افكر فى الموضوع ده كتيرررررررر اوى

وتخيلت ان لحظه التحولات بدات وكل شئ حوليا عمال يتحول

والبلد طبعاحصل فيها قلق

وضحكت اوى اوى لما تخيلت

كل واحد بيتحول على اقرب شئ ليه

مثلا واحد صاحبك كنت بتكرهه

ومش طايقه تبص تلاقيه اتحول لحمار :shit:

(يعنى ما لوش لا فى الطور ولا فى الطحين)

ساعتها بس هتعرف اد ايه كنت ظالمه

يوه يوه يوه جميله اوى الفكره دى

تتصل بصاحبك وتيجى تقابله تلاقيه مثلا ديب او تعلب

(على اساس انه كان بيخونك يعنى)


وصاحبتك اللى بتموت فيها تلاقيها اتحولات لحربايه

وحاجات كتير(اسيبكوا لخيالكوا احسن)

.............

بس تعرفوا على اد ما الفكره عاجبنى بس فى مشكله واحده بس


وهيا انى مثلا لو اتحولت لفيل ولا جمل

ولا اى حاجه وما عجبنيش الوضع

يا ترى هتصرف ازاى؟

يا سلام لو الواحد يبئه عنده امكانيه يتحول كذا مره

يعنى يفضل يجرب ويجرب لحد ما يوصل للشئ اللى يناسبه

بس بئه لحد هنا وكفايه

اقوقولكم انا كتبت الوضوع ده ليه يا حلوين

لانى بجد فكرت فى كل الحاجات دى ودى مش مجرد كتابه

بس تصدقوا انى فكرت

فى كل حاجه تتخيلوها او حتى ما تتخيلوهاش

وفى الاخر تعرفوا لاقيت ايه؟

لاقيت ان اجمل حاجه فى الدنيا انك تكون انسان

انسان بلا اسنان(مش اهتم يعنى )

لا اقصد تكون انسان اليف مش متوحش

بجد انا بحمد ربنا انى اتخلقت انسان

وكل الكلام الفاضى ده علشان اوصل لسيادتك

حاجه واحده وبس

تخيلوا كل شئ بتحبوه او بتكرهوه

وتخيلوا انكم هتتحولوا للشئ ده

فى الاخر مش هتلاقوا الا حاجه واحده بس

ان الانسان هو اجمل واعظم شئ ممكن تكونوه

يعنى بسلامتك لو بئيت فار مثلا

هتلاقى قط رزل يغتت عليك فى الرايحه والجايه

ولو بئيت قطه هتلاقى كلب ابن كلب متسول

فى الشوارع ليل ونهار ومالوش اى لازمه

يرخم عليك ويقرف اهلك فى عيشيتهم

وكدا بئه تخيل كل شئ حتى لو هتكون ايه

هتلاقى عيشتك زفت

من الاخر ما فيش غير انى ابئه انسان

ولا احلى ولا اجمل

يلا بئه كلنا مع بعض نقول زى الشاطرين كده

الحمد لله يا رب انك خلقتنى انسان

ليا كرامه وحياه املكها من بعدك

ويا رب وفقنا جميعا

واللى ما عندوش كرامه يتفضل بره من غير مطرود:1:




كونـــــــــ:y: ـــــوا

سى يو

mr_virus
30-09-2006, 12:08 AM
اية ياعم اللى أنت كتبة ده
انت صحيح أسم على مسمى
ساخر ساخر بجد
شكرا ليك وبجد الموضوع حلو تخيل انى فكرت ابقى فهد
متسئلنيش لية ؟؟؟
شكرا على الموضوع التحفة

moura
30-09-2006, 01:51 PM
عارف يا ساخر...انا فكرت فى الموضوع دة قبل كدة...كتير...

واتمنيت اكون حاجات كتير حلوة...عصفورة..وردة...حاجات كدة....

بس فى الاخر عرفت...وتوصلت...لحاجة...

هى....جملتك...وهى احلى جملة انت كتبتها فى الموضوع...

(الانسان احلى واعظم شىء ممكن تكونوه)...

وهاقول وراك...

الحمد لله يارب انك خلقتنى انسانة...

شكرا على موضوعك..المميز...الجميل...التحفة...

ومنتظرة حقيقى باقى موضوعاتك..


:f: :f: :f:


Photo Gallery