المساعد الشخصي الرقمي

مشاهدة النسخة كاملة : amal3 هتجوعنا ... هتجوعنا



أم أحمد
28-09-2006, 01:11 PM
بسم الله الرحمن الرحيم

السلام عليكم ورحمة الله وبركاته

النهاردة موعدنا مع صاحبة الكلمات الرقيقة

صاحبة الاشعار الرومانسية الجميلة

التي تمتعنا بالكلمة الجميلة في العامي والفصحي

حتي كلماتها في الفصحي سهلة سلسلة بسيطة تصل للقلوب مباشرة

موعدنا مع الابداع والتألق

موعدنا مع الغالية amal3


وواثقة ان شاء الله اننا هنستمتع باحلي الاطباق الشهية من ايد الغالية امال وهنستمتع اكثر واكثر باشعارها الجميلة

والان فلتتفضل الغالية امال في دخول مطبخ ابناء مصر

http://gallery.egyptsons.com/data/media/49/kitc11.jpg (http://gallery.egyptsons.com)

وبالهناء والشفاء للجميع مقدما


و إلي اللقاء و مبدع آخر في مطبخ أبناء مصر

أحمد ناصر
28-09-2006, 01:45 PM
يالا يا آمال
إحنا متأكدين من إن نفسك حلو فى الأكل
يارب تكتبي لنا وصفة رائعة كده
وكل سنة وإنت طيبة
ورمضان كريم

sayedattia
28-09-2006, 02:20 PM
الأخت العزيزة والشاعرة الرائعة / آمال

انا في انتظار طبقك المفضل اللي متأكد ح يكون شهي ولذيذ ورائع
وفي إنتظار إبداعك الأكثر من رائع واللي متأكد إنه ح يكون متميز
وكل عام وأنت بخير ويجعل هذا الشهر الكريم كنز تغترفين منه الحسنات

amal3
28-09-2006, 06:54 PM
بسم الله الرحمن الرحيم


السلام عليكم ورحمة الله وبركاته

أعزائى وأخوتى كل عام وأنتم بخير

أنا فعلا سعيدة جدا لأن الفرصة أتيحت لى لألتقى بكم وأعيش معكم رمضان

كان نفسى أن العزومة دى تكون فعلا حقيقية وتكونوا جميعا عندى

يارب تتحقق ويجى اليوم اللى نتجمع فيه كلنا على مائدة رمضان

اسمحولى ياأعز الناس أنى اقدم لكم وجبة رمضانية على أدى

يارب تعجبكم ومكونش سبب فى الصوم المتواصل ههههههه

أخوانى وأخوتى

تعرفو ان المطبخ والطبيخ بالظبط زى تأليف القصيدة

أنا عندى قصايد كتبتها وكانت طعمها حلو أوى عارفين ليه

لأنى كتبتها وخطرت على بالى وأنا فى المطبخ ههههههههههههههه

عارفة انكم هتضحكو بس فعلا لما بتيجى فكرة قصيدة مش بتفرق بين إذا كنت فى المطبخ

ولا فى الانتريه او حتى فى حجرة النوم المهم هو أنى أعيش حالة القصيدة

سمحونى لأنى برضة دخلت الأشعار فى الطبيخ والسبب أنى عاشقة للشعر

ممكن أعيش معاه 24 ساعة فى اليوم


ودلوقت اقدم لكم وجبة أفطار ليوم من أيام رمضان


تتكون الوجبة من

الوجبة الاساسية

وهى ورق عنب محشو - كبدة محمرة - دجاج مع الارز واللحم والخضر

شوربة الشعرية - سلطة خضار منوعة



اولا ورق العنب المحشو
______________
المقادير
_____
ربع كليلو ورق عنب

4 حزمة بقدونس وكزبرة

بصلتان متوسطتان

3 كوب أرز

قليل من النعناع

كيلو طماطم

معلقتان كبيرتان من الزبد

نصف كوب زيت زرة

ملح وفلفل وبهارات


الطريقة
_____

يفرم البصل ويفرك بالملح والفلفل والبهارات والنعناع

تعصر الطماطم وتقطع الخضرة قطع صغيرة وتضاف مع الطماطم الى البصل المفروم

وتضاف اليها الزبدة والزيت

ثم يغسل الارز ويضاف الى الخليط ويقلب جيدا

يسلق ورق العنب سلق خفيف ثم ينزعل العنق وتلف كل ورقة على حدا بالخلطة

وتسقى بالشوربةوتوضع على النار حتى تنضج ( مع ملاحظة ان تكون النار هادئة)



الكبدة المحمرة
________

المقادير
_____


نصف كيلو كبدة ضأن

كوب زيت

نصف كوب بصل حلقات

نصف كوب بقدوس مفروم

ربع كوب دقيق

ملح وفلفل


الطريقة
_____

تقطع الكبدة الى شرائح وتنقع بماء ولح مدة خمس دقائق

نضع شرائح الكبدة فى الدقيق وتحمر بالزيت

ترص فى سرقيس التقديم وتزين بالبقدونس والبصل



ثالثا الدجاج مع الارز بالحم والخضر
_____________________

المقادير
____

دجاجة -ربع لحم مفروم - كوبان من الارز - كوب سمن - بصلة - كوبان من البسلة

ملح - معلقتان صنوبر - معلقتان فستق - نصف كوب لوز مقشر - نصف معلقة بهار

نصف ملعقة قرفة - نصف معلقة زعفران

الطريقة
____

تغسل الدجاجة وتقطع اربع قطع

توضع مع البصلة المقشرة و5 أكواب ماء على النار

تضاف جميع التوابل اليها

بعد النضج ترفع قطع الدجاج من المرقة

توضع السمن على النار وتحمر فيها الصنوبر واللوز والفستق

ثم يحمر اللحم المفروم فى السمن

يغسل الارز ومعه البازلاء ويضاف الى اللحم المحمر ومعهم الفستق ويخلط جيدا

ترص قطع الدجاج فى قعر الطاجن المعد وتغطى بخليط الارز واللحم والبسلة والفستق

وتوضع على نار هادئه ويصب عليها مرق الدجاج بالتدريجويترك حتى ينضج

يقلب فى طبق التقديم ولا نحركها مدة خمس دقائق ويرفع بحرص

وتزين بالصنوبر واللوز والفستق المحمر


رابعا شوربة الشعرية
_____________

المقادير
______

نصف كوب شعرية

2 كوب مرقة

معلقة سمن كبيرة

ملح وفلفل

الطريقة
_____

يحمر الشعرية فى السمن ويضاف إليها المرقة مع التوابل

تترك على نار هادئة حتى تنضج


خامسا السلطة المتنوعة
_______________

المقادير
_____

ربع كيلو خيار وربع كيلو طماطم - خسة - بصلة متوسطة - جرجير وفجل

2 فلفل رومى أخضر وأصفر - 2 فص ثوم - ملعقتان زيت ذرة - ملعقتان خل

عصير ليمونة - ملح وكمون وفلفل

الطريقة
____

يقطع كل الخضار قطع متوسطة

وتتبل بخليط الثوم والخل والليمون والزيت والتوابل

وتزين بالنعناع الاخضر


وبالهناء والشفاء

يارب يكون الأكل عجبكم

ولى عودة مع الحلو


آمال مصطفى

amal3
28-09-2006, 08:09 PM
السلام عليكم

أحبائى دلوقت هقدم لكم مشروب رمضانى محبب إلينا جميعا

شراب قمر الدين
_________


المقادير
_____

نصف لفة قمر الدين

7 أكواب ماء ساخن

كوب سكر

الطريقة
____

يقطع قمر الدين وينقع فى الماء الساخن حتى الزوبان

ثم يضاف إليه السكر ويقلب جيدا

يوضع فى الثلاجة حتى يبرد ويقدم

________________


أقدم لكم حلوى السويسرول بالمربى

وهى أحدى أنواع الجاتوهات وهى مفضلة عند الكثير منا



السويسرول بالمربى
___________

المقادير
____

ثلاث أرباع كوب سكر

أربع بيضات

ملعقة صغيرة فانليا

ثلاث ارباع كوب دقيق

ثلاث ارباع ملعقة صغيرة بكنج بودر

نصف كوب جوز مفروم أو سودانى مفروم أو شيكولاته مبشورة

نصف كوب مربى اى نوع حسب الرغبة


الطريقة
_____

يضرب الاربع بيضات ويضاف السكر إلى البيض على دفعات

يضرب المزيج حتى يصبح لزجا

تضاف الفانيليا إلى المزيج ثم ينخل الدقيق ويضاف البكنج بودر ويضاف الى الخليط ويقلب

بهدوء حتى يختفى الدقيق

يدهن قالب خاص بالسويسرول بقليل من السمن

ثم يصب العجينه فى القالب ويوضع فى الفرن مدة ربع ساعة

نقلب االعجينة المخبوزة على ورقة عليها كمية من السكر الناعم

ثم تدهن بالمربى وتلف مثل السيجارة

وتترك لتبرد وممكن أن نضع بدلا من السكر الناعم على الورقة الشيكولاتة المبشورة او جوز

الهند او السودانى المجروش او الفرمسيل كل حسب زوقه

مع مراعاة دهن السويسرول بعد لفها بالمربى او عسل النحل حتى يثبت عليها

ما سنغلفها به

وتقطع حلقات وتقدم


وبالهناء والشفاء

آمال مصطفى

amal3
28-09-2006, 08:58 PM
أصدقائى ................ صديقاتى

يارب يكون أكلى عجبكم

يارب أكون عند حسن ظنكم بيا

يارب أكون مكرهتكوش فى الأكل كله ههههههههههه


ودلوقت أنا مطلوب منى اقدم لكم قصيدة

اوك ..................هقدم مع الاكل قصيدة عامية

بس تعزرونى لو فيها اى حاجة لأنى كتبتها دلوقت مع الأكل


مدفع رمضان

هل هلالك يا رمضان فيك الخير أشكال وألوان
هنا وهناك وف كل مكان نور وسلام وتقى وْ إيمان
وموائد للأكل تملي ممدودة بفضل الرحمن
وشوارع حلوة وجميلة فيها الزينة ف كل مكان
هما يدوبك ثلاثين ليلة بس الليلة بألف كمان
وجوامع ومآذن عاليه نورها بيملا الكون إيمان
واللى خلقنا كمان ويانا بيسلسل عنا الشيطان
لأ واللمة كمان على المدفع كل البيت ملموم فرحان
رز ولحمة وشوربة وسلطة والفلفل جنبه بادنجان
وماتنسوش السمك المقلى ولا المشوى فى الأفران
ولا صلاة العشا يا اخوالنا والتراويح بعدها قرآن
جو إيمانى ملهوش تانى وزيادته بتبقى ف رمضان
وبندعي لك يا اللي خالقنا تجعل كل السنة رمضان

د. حسان الشناوي
28-09-2006, 09:18 PM
الأستاذة الشاعرة
آمال
أحسنت طبيخا وإبداعا شعريا ؛ حتى كاد الشعر يطغى على الشعرية ، ويتحول أطباقا لذيذة تغذي النفوس بالإيمان والمرح والبهجة في وقت واحد.
ومن الواضح أنك طباخة ماهرة و( ست بيت لهلوبة) كما أنك ايضا شاعرة مبدعة ( يعني نقول أروبة) .
اسمحي لمن يدخل مطبخك أن يجمع بين الشعر والطبيخ في خلطة فريدة .
وكل عام والجميه بخير وصحة وسعادة .
د. حسان الشناوي

amal3
28-09-2006, 09:50 PM
[
QUOTE=أحمد ناصر]يالا يا آمال
إحنا متأكدين من إن نفسك حلو فى الأكل
يارب تكتبي لنا وصفة رائعة كده
وكل سنة وإنت طيبة
ورمضان كريم[/QUOTE]



أستاذى العزيز أحمد ناصر

أشكرك على ثقتك فيا

بس يارب يفضل دا رأيك فيا بعد الاكل

هستنى رأيك ياأستاذ أحمد على أحر من الجمر


أختك آمال مصطفى

amal3
28-09-2006, 09:59 PM
[
QUOTE=sayedattia]
الأخت العزيزة والشاعرة الرائعة / آمال

انا في انتظار طبقك المفضل اللي متأكد ح يكون شهي ولذيذ ورائع
وفي إنتظار إبداعك الأكثر من رائع واللي متأكد إنه ح يكون متميز
وكل عام وأنت بخير ويجعل هذا الشهر الكريم كنز تغترفين منه الحسنات[/QUOTE]

أخى العزيز سيد عطية

اشكرك جدا على هذا الرد الذى شجعنى على الابداع فى الوجبة

ومنحنى الثقة لأكتب القصيدة

بس أحب أعرف رأيك ياأستاذى العزيز بعد عرض الوجبة

ربنا يستر وتفضل صامد على رأيك هههههههه

كل عام وانت بخير وربنا يعود عليك الايام بكل خير


أختك آمال مصطفى

amal3
28-09-2006, 10:04 PM
[
QUOTE=د. حسان الشناوي]الأستاذة الشاعرة
آمال
أحسنت طبيخا وإبداعا شعريا ؛ حتى كاد الشعر يطغى على الشعرية ، ويتحول أطباقا لذيذة تغذي النفوس بالإيمان والمرح والبهجة في وقت واحد.
ومن الواضح أنك طباخة ماهرة و( ست بيت لهلوبة) كما أنك ايضا شاعرة مبدعة ( يعني نقول أروبة) .
اسمحي لمن يدخل مطبخك أن يجمع بين الشعر والطبيخ في خلطة فريدة .
وكل عام والجميه بخير وصحة وسعادة .
د. حسان الشناوي[/QUOTE]


أخى العزيز الدكتور حسان الشناوى :f:

أخجلتم تواضعى

الحمد لله ان الوجبة عجبتك بكل مافيها

بأكلها وشعرها وحلويتها

أشكرك على ردك الجميل

وكل عام وانت والاسرة وكل المسلمين بالخير والصحة والعافية

أختك آمال مصطفى

بنت مصر
28-09-2006, 10:26 PM
ريحة أكلك حلوة أوي يا أمال ياترى بتستعملي سمن ايه؟ هههههههه

اكلات جميلة جدا وواضح انك محترفة مطبخ واستاذة في الشعر والطبخ
تسلم ايدك على الوصفات الجميلة دي وان شاء الله هجربها وواثقة انها
هتطلع رائعة ايتها الحبيبة الرائعة .. شكرا جدا على اصنافك الجميلة اللي قدمتيها لنا


بسنت

dodoo_oo
28-09-2006, 11:41 PM
تسلم ايييييييييدك يا amal3
الاكل شكله جناااااااااااااااااااااااااان

amal3
28-09-2006, 11:48 PM
بنت مصر]ريحة أكلك حلوة أوي يا أمال ياترى بتستعملي سمن ايه؟ هههههههه

اكلات جميلة جدا وواضح انك محترفة مطبخ واستاذة في الشعر والطبخ
تسلم ايدك على الوصفات الجميلة دي وان شاء الله هجربها وواثقة انها
هتطلع رائعة ايتها الحبيبة الرائعة .. شكرا جدا على اصنافك الجميلة اللي قدمتيها لنا


بسنت



أختى الغالية وصاحبة الدار بسنت الحبيبة

دا من ذوقك ولسانك المهذب

ياريت العزومة دى كانت حقيقةوكنت شوفتكم كلكم وملّيت عينى بيكم

يارب الأصناف اللى عملتها تكون عجبتك

وبعدين يابسنت أنا فى الغالب بستعمل زيت الذرة عشان الرجيم

بس رمضان بقى ليه وضع خاص

أحنا كمان بنطلع منه ذيدين كام كيلو ونعانى بعد كدا عشان ننزلهم

يلا بقى هو حتة شهر ههههههههههههه

كل سنة وأنت بخير والأسرة وكل أحبابك بخير

أختك آمال مصطفى[/CENTER]

amal3
28-09-2006, 11:59 PM
تسلم ايييييييييدك يا amal3
الاكل شكله جناااااااااااااااااااااااااان


غاليتى dodoo_oo

الله يسلمك ياريته كان بجد

ميرسى على ردك الجميل

كل سنة وانت بخير

آمال مصطفى

boukybouky
29-09-2006, 01:05 AM
ايه الروايح اللي جاية لنا من بعيد ديه

يم يم يم كده هنحتار ناكل ايه و الا ايه :d

تسلم إيدك يا أمال أكل شهي و كلام موزون

نورتي مطبخ أبناء مصر

في رعاية الله،،،

amal3
29-09-2006, 01:16 AM
ايه الروايح اللي جاية لنا من بعيد ديه

يم يم يم كده هنحتار ناكل ايه و الا ايه :d

تسلم إيدك يا أمال أكل شهي و كلام موزون

نورتي مطبخ أبناء مصر

في رعاية الله،،،


غاليتى boukybouky :f:

أولا أنا اللى بشكرك على نشاطك أنتى وأم أحمد وعلى عقليتكم وتفكركم

ماشاء الله عليكم شعلة نشاط

وأنا فعلا سعيدة جدا بيكم

ثانيا ميرسى جدا جدا على زوقك و على ردك عليا

يارب تكون الوجبة عجبتك بكل مافيها

ويارب ييجى اليوم اللى فعلا نتجمع فيه على مائدة رمضان

كل سنة وانت بخير والامة الاسلامية كلها بخير

أختك آمال مصطفى

يحيى زكريا
29-09-2006, 02:17 AM
استاذه أمال..

حضرتك اثبتى لى بالدليل القاطع والبرهان الدامغ ان ورق العنب اللى انا قلت على

طريقته للناس الطيبين دول كان عباره عن صوابع ديناميت او جلجنايت لا تمت للاكل بصله

انا دلوقت حاطط ايدى على قلبى ليكون حد اخد بطريقتى المدمره دى وعمل بيها وجرى له حاجه

انا حقوم دلوقت حالا اخد هدمتين واختفى فى اى مكان محدش يعرفنى فيه لاحسن انا حاسس ان

البوليس والانتربول واسكوتلانديارد والبشمرجه بتوع الاكراد والهجانه كلهم بدوروا عليا استر

يارب كان مالى انا ومال الطبيخ والمطبخ وايه اللى خلانى اسمع كلام الاستاذه بوكى بوكى

والاستاذه ام احمد اهه حد منهم حينفعنى دلوقت ولا يدافع عنى ..معلش انا برضو الغلطان

ماكنت جبت علبتين سلمون ولا بلوبيف على حتتين جبنه نستو وانتهى الامر لازم يعنى اتفلحس

واعمل فيها شيف طب استحمل بقى يا سى يحيى اللى حيجرالك اهى الاستاذه امال كشفتك على

حقيقتك يا مزور يا منتحل صفة طباخ وانت ماتعرفش حتى الكوسه من البتنجان الاسود...

استاذه امال حقيقى والله ماشاء الله عليكى فى المطبخ الله اكبر على الطريقه والمقادير ده حتى

القمر الدين من ايد حضرتك ماشاء الله عليه تسلم ايدك...

وتسلم ايدك كمان على القصيده والجو الروحانى اللى عيشتينا فيه وكلنا معاكى بندعى للى خالقنا

ان السنه كلها تبقى رمضان والناس كلها يعيشوا جو رمضان ويارب الغفران فى شهر الغفران

أم أحمد
29-09-2006, 04:09 AM
ما شاء الله ايه الاكلات الجميلة دي
ده انا جيت جري علي الريحة اللي تجنن دي
صحيح ده وقت السحور عندنا بس كله شغال يا فندم ههههههه
تسلم ايدك اختي الحبيبة امال علي مائدة الافطار الشهية جداااا
وعلي القصيدة الاكثر من رائعة اللي طلعت علي ريحة الاكل الجميل هههههه
وعلي قبولك الدعوة برغم ظروفك ومشاغلك
وعلي تعبك معايا في ظهور الموضوع بالصورة الجميلة دي برغم ان المنتدي كان معلق معاكي طول الوقت
ربنا يكرمك يا رب ويجازيكي كل الخير
ويا رب يا رب اشوفك لما انزل مصر
لك مني دائما خالص مودتي
ودمتي دائما بكل الخير

amal3
29-09-2006, 09:03 AM
يحيى زكريا]
استاذه أمال..

حضرتك اثبتى لى بالدليل القاطع والبرهان الدامغ ان ورق العنب اللى انا قلت على

طريقته للناس الطيبين دول كان عباره عن صوابع ديناميت او جلجنايت لا تمت للاكل بصله

انا دلوقت حاطط ايدى على قلبى ليكون حد اخد بطريقتى المدمره دى وعمل بيها وجرى له حاجه

انا حقوم دلوقت حالا اخد هدمتين واختفى فى اى مكان محدش يعرفنى فيه لاحسن انا حاسس ان

البوليس والانتربول واسكوتلانديارد والبشمرجه بتوع الاكراد والهجانه كلهم بدوروا عليا استر

يارب كان مالى انا ومال الطبيخ والمطبخ وايه اللى خلانى اسمع كلام الاستاذه بوكى بوكى

والاستاذه ام احمد اهه حد منهم حينفعنى دلوقت ولا يدافع عنى ..معلش انا برضو الغلطان

ماكنت جبت علبتين سلمون ولا بلوبيف على حتتين جبنه نستو وانتهى الامر لازم يعنى اتفلحس

واعمل فيها شيف طب استحمل بقى يا سى يحيى اللى حيجرالك اهى الاستاذه امال كشفتك على

حقيقتك يا مزور يا منتحل صفة طباخ وانت ماتعرفش حتى الكوسه من البتنجان الاسود...

استاذه امال حقيقى والله ماشاء الله عليكى فى المطبخ الله اكبر على الطريقه والمقادير ده حتى

القمر الدين من ايد حضرتك ماشاء الله عليه تسلم ايدك...

وتسلم ايدك كمان على القصيده والجو الروحانى اللى عيشتينا فيه وكلنا معاكى بندعى للى خالقنا

ان السنه كلها تبقى رمضان والناس كلها يعيشوا جو رمضان ويارب الغفران فى شهر الغفران


سلام عليكم

عزيزى الأستاذ يحيى ذكريا

عيزا أقول لحضرتك أنى قريت ردك أكتر من مرة ومش قادرة أمسك نفسى من الضحك

ماشاء الله عليك دمك زى السكر

أولا أهلا بيك وكل سنة وحضرتك بخير ويارب رمضان ديما يجمعنا على الخير والقلب النقى

حقيقى كان نفسى العزومة تكون حقيقية وأنا برضة متعشمة أننا فى يوم نتجمع بجد

ثانيا بقى ياأستاذى حضرتك الخير والبركة وأنا بجد أسفة لأنى مامرتش على وجبة الأفطار

اللى حضرتك عملتها وده لأن المنتدى مكنش بيفتح معايا خالص لكن دلوقت لازم أمر

لازم أشوف عمايل أيدك أكيد حلوة جدا

أما محشى ورق العنب أكيد أنت بتبالغ أوى ههههههههههههههههههههههه

وقمر الدين هو قمر الدين متغيرش فيه حاجة

بس حضرتك ماقلتليش رأيك فى الدجاج بالخضار واللحمة ربنا يستر ويكون عجبك وبالمرة

تقولى رأيك فى السويسرول

والله ياأستاذ يحيى أنا فعلا سعيدة جدا لأننا خرجنا من إطار التقليدية ومجرد معرفة بعض عن

طريق القصايد إلى البساطة والتعامل البسيط وكأننا كلنا عرفين بعض بجد ودى أحلى سمات

رمضان ديما بيجمع .........ويارب ديما يجمعنا على خير

وأشكرك جدا جدا لكلامك على القصيدة الحمد لله أنها عجبتك

وبالهنا والشفا وكل سنة وحضرتك بألف خير

أختك آمال مصطفى[/CENTER]

amal3
29-09-2006, 09:20 AM
[
QUOTE=أم أحمد]ما شاء الله ايه الاكلات الجميلة دي
ده انا جيت جري علي الريحة اللي تجنن دي
صحيح ده وقت السحور عندنا بس كله شغال يا فندم ههههههه
تسلم ايدك اختي الحبيبة امال علي مائدة الافطار الشهية جداااا
وعلي القصيدة الاكثر من رائعة اللي طلعت علي ريحة الاكل الجميل هههههه
وعلي قبولك الدعوة برغم ظروفك ومشاغلك
وعلي تعبك معايا في ظهور الموضوع بالصورة الجميلة دي برغم ان المنتدي كان معلق معاكي طول الوقت
ربنا يكرمك يا رب ويجازيكي كل الخير
ويا رب يا رب اشوفك لما انزل مصر
لك مني دائما خالص مودتي
ودمتي دائما بكل الخير[/QUOTE]


حبيبتى وملازمتى أم أحمد

أنا عارفة أنك هتسألينى يعنى أيه ملازمتى ..........يعنى ديما معايا ومنتدى مصر ميكونشى

منتدى مصر غير بأم أحمد

أنا أتعودت عليه كدا ومقدرش أتخيله غير بيكى

بجد ياأسماء أنا سعيدة بيكى أوى لخفة دمك وروحك الحلوة ونشاطك الدؤوب

أنا فعلا أتخيلتك وأتخيلت شكلك وحركتك كلها نشاط وخفة ظل

وبعدين أنا لازم أشوفك لما تنزلى مصر لأنى فعلا نفسى أشوفك

ميرسى أوى أوى على تعبك معايا لغاية ماطلع اللقاء بهذه الصورة وأشكرك على مساعدتى

فى تمكنى من دخول المنتدى

أهم من كل ده أن الأكل يكون عجبك وأكون قدرت أسد فى الموقف

والحمد لله أن القصيدة عجبتك

يارب ديما متجمعيين وربنا مايفرقش حد منا

كل سنة وأنت بألف خير والأسرة وكل المسلمين بألف خير

أختك آمال مصطفى

ليلة عشق
29-09-2006, 10:15 AM
الشاعرة الرائعة أمال

الله عليكي ......
سلمت يداكِ عزيزتي ....
ابداع في المطبخ لايضاهيه ابداع ......
لا شك ان شاعره فى رُقيك وجمال حرفك أن تبدع أناملك أطايب الأطباق .....
لن اصف اعجابي بما ابدعتي في وصفة لاني قد اخطىء في التعبير ....
سلمت يداك ِ....
وسلم قلمك وفكرك ....
لكِ خالص تقديري واحترامي .....

تحياتي
ليلة عشق

أحلى كلمة
29-09-2006, 10:43 AM
أيه الجمال ده :good:

أكل لذيذ وشعر كمان

أحمدك يا رب

شاعرتنا الجميلة أمال :h:

تسلم ايدك على كل ما قدمتيه لنا :y:

وصفات رأئعة مبدعة وكلمات لذيذة شهية :no1:

amal3
29-09-2006, 11:46 AM
ليلة عشق]الشاعرة الرائعة أمال

الله عليكي ......
سلمت يداكِ عزيزتي ....
ابداع في المطبخ لايضاهيه ابداع ......
لا شك ان شاعره فى رُقيك وجمال حرفك أن تبدع أناملك أطايب الأطباق .....
لن اصف اعجابي بما ابدعتي في وصفة لاني قد اخطىء في التعبير ....
سلمت يداك ِ....
وسلم قلمك وفكرك ....
لكِ خالص تقديري واحترامي .....

تحياتي
ليلة عشق


الأخت الغالية ...........ليلة عشق

لا أجد مايناسبك لأرد به على تعليقك

فقد اسبغتى علىّ من الكلمات ماأقف أمامه ساكنة اللسان

أشكرك عزيزتى الغالية وأتمنى أن أكون عند حسن ظنك بى

كل عام وأنت بخير أعاده الله عليك بالخير واليمن والبركات

أختك آمال مصطفى[/CENTER]

amal3
29-09-2006, 11:53 AM
أحلى كلمة]أيه الجمال ده :good:

أكل لذيذ وشعر كمان

أحمدك يا رب

شاعرتنا الجميلة أمال :h:

تسلم ايدك على كل ما قدمتيه لنا :y:

وصفات رأئعة مبدعة وكلمات لذيذة شهية :no1:


عزيزتى أحلى كلمة

حقا أسم على مسمى

فكلماتك وردك بالنسبة لى أحلى كلمة

أتمنى أن تكون وجبة الأفطار قد أعجبتك كذلك ما صاحبها من شعر

أشكرك وكل عام وأنت بخير وسائر الأمة الأسلامية بخير

أختك آمال مصطفى[/CENTER]

العنيـــــــــد
29-09-2006, 01:06 PM
اختى العزيزة الغالية امال مصطفى

كل عام وحضرتك بخير

بالرغم من انى بعيد عن المنتدى من فترة طويلة

الا انى سمعت انك عاملة عزومة هنا للجميع

والالذ من كدة ان الاكل بايدك انتى قولت والله فرصة

خصوصا انى عرفك ست بيت ماهرة

وشاعرة قادرة ومحترفة

حقيقى قمة ياامال سوء فى مطبخك

او حتى فى احساسك الرقيق

دومتى لى بكل ود

sayedattia
29-09-2006, 01:36 PM
[
QUOTE=sayedattia]
الأخت العزيزة والشاعرة الرائعة / آمال

انا في انتظار طبقك المفضل اللي متأكد ح يكون شهي ولذيذ ورائع
وفي إنتظار إبداعك الأكثر من رائع واللي متأكد إنه ح يكون متميز
وكل عام وأنت بخير ويجعل هذا الشهر الكريم كنز تغترفين منه الحسنات

أخى العزيز سيد عطية

اشكرك جدا على هذا الرد الذى شجعنى على الابداع فى الوجبة

ومنحنى الثقة لأكتب القصيدة

بس أحب أعرف رأيك ياأستاذى العزيز بعد عرض الوجبة

ربنا يستر وتفضل صامد على رأيك هههههههه

كل عام وانت بخير وربنا يعود عليك الايام بكل خير


أختك آمال مصطفى[/QUOTE]

الأخت العزيزة والشاعرة المبدعه / آمال

كما توقعت وجبة رائعة .. شهيه .. لذيذة وريحتها مهفهفه في كل المنتدي
وكمان طباخه ماهرة وما تقولوليش عن النفس ... نفسك في الأكل زي الفل
والأروع القصيدة الجميلة التي تحمل روحانيات رمضان ويشع منها نور الإيمان
دمت ياعزيزتي ست بيت ماهره وشاعرة ملهمة وأولا وأخيرا منوره المنتدي ...

يحيى زكريا
29-09-2006, 02:46 PM
سلام عليكم

عزيزى الأستاذ يحيى ذكريا

عيزا أقول لحضرتك أنى قريت ردك أكتر من مرة ومش قادرة أمسك نفسى من الضحك

ماشاء الله عليك دمك زى السكر

أولا أهلا بيك وكل سنة وحضرتك بخير ويارب رمضان ديما يجمعنا على الخير والقلب النقى

حقيقى كان نفسى العزومة تكون حقيقية وأنا برضة متعشمة أننا فى يوم نتجمع بجد

ثانيا بقى ياأستاذى حضرتك الخير والبركة وأنا بجد أسفة لأنى مامرتش على وجبة الأفطار

اللى حضرتك عملتها وده لأن المنتدى مكنش بيفتح معايا خالص لكن دلوقت لازم أمر

لازم أشوف عمايل أيدك أكيد حلوة جدا

أما محشى ورق العنب أكيد أنت بتبالغ أوى ههههههههههههههههههههههه

وقمر الدين هو قمر الدين متغيرش فيه حاجة

بس حضرتك ماقلتليش رأيك فى الدجاج بالخضار واللحمة ربنا يستر ويكون عجبك وبالمرة

تقولى رأيك فى السويسرول

والله ياأستاذ يحيى أنا فعلا سعيدة جدا لأننا خرجنا من إطار التقليدية ومجرد معرفة بعض عن

طريق القصايد إلى البساطة والتعامل البسيط وكأننا كلنا عرفين بعض بجد ودى أحلى سمات

رمضان ديما بيجمع .........ويارب ديما يجمعنا على خير

وأشكرك جدا جدا لكلامك على القصيدة الحمد لله أنها عجبتك

وبالهنا والشفا وكل سنة وحضرتك بألف خير

أختك آمال مصطفى[/SIZE][/COLOR][/B][/CENTER]



استاذه امال...

أنا دلوقت بكلمك من احدى المغارات اللى مش حقول على مكانها ابدا انا الان مختبئ والدبان

الازرق مش حيعرف لى طريق جُرَّه ولو سمحتى ما تساليش يعنى ايه جَُّرَّه لانى والختمه

الشريفه ما اعرف ولا ايه هو الدبان الازرق لانى ومقام سيدى الدكرورى ما اعرفه ولا شفته

عموما أكل حضرتك فى منتهى الجمال وخصوصا الفراخ باللحمه المفرومه والجوز واللوز

ياريت ينوبك ثواب تبعتى لى رغيف فيه حتتين على شوية رز على حتتين لحمه اهم ينفعونى

فى الشِده اللى انا فيها وحقول لحضرتك تجيبيهم فين وحاخدهم إمتى مانا خلاص بقيت من

المطاريد اللى مستخبيين فى الجبل وما بيظهروش الا بالليل وكله من الاستاذه بوكى بوكى

والاستاذه أم أحمد ربنا يسامحهم بقى ..اما عن رأيى فى السويسرول فهو جدع وابن حلال

وخدوم وكله مروءه وشهامه ..بتضحكى ليه ...إيه ؟؟ السويسرول بيتاكل..طب وأيمانات

المصحف الشريف ما كنت اعرف انا اعرف سويسرا اللى ع الخريطه ونفسى ازورها وان

معرفتش ازورها ابقى اهرب فلوسى عليها وخلاص حتى لو ماعرفتش اخدها تانى مش مهم

المهم انهم يكتبوا فى الجورنان انى هربت فلوسى لسويسرا وكفايه عليا كده واهو الصيت ولا

الغنى أما الحاجه التانيه اللى اعرفها فهى سويس إير ودى بقولوا عليها مجموعة مطاعم من

اللى هيا يعنى بتاعة الناس الالافرنكه وانا والحمدلله لا الافرانكا ولا احمل درهما أو ماركا

بس حقول لحضرتك سر مره وحياة كتاب الله المجيد واذا كنت بكدب قادر ربنا يخرسنى

والله أنا مره عديت من قدام المطعم ده لا وايه من قدامه على طول مش من بعيد يا سلام

شفتى الامله اللى انا كنت فيها ولما رجعت حكيت لاهلى ابويا الله يرحمه ندر بان اول ما تجيله

فلوس حيعمل ليله لاهل الله اومال ده كان يوم عيد عندنا بس انا ليا طلب عند حضرتك ياريت

برضو ينوبك ثواب تبقى تبعتى لى صباعين من السويسرول ده عشان بس اشوفك عرفتى

تعمليه ولا لاء اه حاكم السويسرول ده له طريقه معينه وعاوز اطمن انك عرفتى تعمليه...

استاذه أمال...

ازاى حضرتك تسالينى عن رايى فى اكل حضرتك يا استاذه ده الكلام والمقادير وطريقة التحضير

يفطروا اكبر زاهد متعبد فى رمضان من حلاوتهم وجمال الاصناف اللى حضرتك قدمتيها أتمنى

والله يكون فيه تعارف بين الجميع وماتكونش علاقتنا مجرد حروف على شاشه كمبيوتر وده

اللى عملته أو الظروف سمحت بانى اقابل بعض شخصيات النت على ارض الواقع والحمدلله

كان اللقاء رائع وأثمر صداقات لا اعتقد انها حتنتهى فى يوم من الايام...

استاذتى أمال ارجو لحضرتك دوام الخير والسعاده وكل عام وانتى بالف خير..

يحيى زكريا

amal3
29-09-2006, 04:33 PM
اختى العزيزة الغالية امال مصطفى

كل عام وحضرتك بخير

بالرغم من انى بعيد عن المنتدى من فترة طويلة

الا انى سمعت انك عاملة عزومة هنا للجميع

والالذ من كدة ان الاكل بايدك انتى قولت والله فرصة

خصوصا انى عرفك ست بيت ماهرة

وشاعرة قادرة ومحترفة

حقيقى قمة ياامال سوء فى مطبخك

او حتى فى احساسك الرقيق

دومتى لى بكل ود


الأخ العزيز العنــــــــــــــــيد

أهلا بك فى المنتدى من جديد

وأهلا بك على مائدة رمضان معنا

وأشكرك جدا على رأيك فىّ وفى وجبة أفطارى وفى شعرى

وأشكرك على ردك الرقيق

وكل عام وأنت بخير ورمضان كريم

أختك آمال مصطفى

amal3
29-09-2006, 05:22 PM
[
QUOTE=sayedattia][B][CENTER][FONT="Arial Black"]

[CENTER][B][COLOR="DarkGreen"][SIZE="5"]أخى العزيز سيد عطية

اشكرك جدا على هذا الرد الذى شجعنى على الابداع فى الوجبة

ومنحنى الثقة لأكتب القصيدة

بس أحب أعرف رأيك ياأستاذى العزيز بعد عرض الوجبة

ربنا يستر وتفضل صامد على رأيك هههههههه

كل عام وانت بخير وربنا يعود عليك الايام بكل خير


أختك آمال مصطفى



[الأخت العزيزة والشاعرة المبدعه / آمال
كما توقعت وجبة رائعة .. شهيه .. لذيذة وريحتها مهفهفه في كل المنتدي
وكمان طباخه ماهرة وما تقولوليش عن النفس ... نفسك في الأكل زي الفل
والأروع القصيدة الجميلة التي تحمل روحانيات رمضان ويشع منها نور الإيمان
دمت ياعزيزتي ست بيت ماهره وشاعرة ملهمة وأولا وأخيرا منوره المنتدي ..




أستاذى العزيز ســــــــــــــيد عطية

أهلا بيك مرة ثانية ونور المنتدى مستمد منك ومن كل أعضاء المنتدى الكرام

وشكرا جدا ياأستاذى العزيز على رأيك الغالى فيا وفى أكلى وشعرى

فأنا فخورة بهذا الرأى وسبكون دافع لى دائما لأستمر وأتقدم

ويارب رمضان القادم تكون العزومة حقيقة وليست فقط على الورق

كل عام وحضرتك بألف خير

أختك آمال مصطفى

amal3
29-09-2006, 07:07 PM
[
QUOTE=يحيى زكريا]
استاذه امال...

أنا دلوقت بكلمك من احدى المغارات اللى مش حقول على مكانها ابدا انا الان مختبئ والدبان

الازرق مش حيعرف لى طريق جُرَّه ولو سمحتى ما تساليش يعنى ايه جَُّرَّه لانى والختمه

الشريفه ما اعرف ولا ايه هو الدبان الازرق لانى ومقام سيدى الدكرورى ما اعرفه ولا شفته

عموما أكل حضرتك فى منتهى الجمال وخصوصا الفراخ باللحمه المفرومه والجوز واللوز

ياريت ينوبك ثواب تبعتى لى رغيف فيه حتتين على شوية رز على حتتين لحمه اهم ينفعونى

فى الشِده اللى انا فيها وحقول لحضرتك تجيبيهم فين وحاخدهم إمتى مانا خلاص بقيت من

المطاريد اللى مستخبيين فى الجبل وما بيظهروش الا بالليل وكله من الاستاذه بوكى بوكى

والاستاذه أم أحمد ربنا يسامحهم بقى ..اما عن رأيى فى السويسرول فهو جدع وابن حلال

وخدوم وكله مروءه وشهامه ..بتضحكى ليه ...إيه ؟؟ السويسرول بيتاكل..طب وأيمانات

المصحف الشريف ما كنت اعرف انا اعرف سويسرا اللى ع الخريطه ونفسى ازورها وان

معرفتش ازورها ابقى اهرب فلوسى عليها وخلاص حتى لو ماعرفتش اخدها تانى مش مهم

المهم انهم يكتبوا فى الجورنان انى هربت فلوسى لسويسرا وكفايه عليا كده واهو الصيت ولا

الغنى أما الحاجه التانيه اللى اعرفها فهى سويس إير ودى بقولوا عليها مجموعة مطاعم من

اللى هيا يعنى بتاعة الناس الالافرنكه وانا والحمدلله لا الافرانكا ولا احمل درهما أو ماركا

بس حقول لحضرتك سر مره وحياة كتاب الله المجيد واذا كنت بكدب قادر ربنا يخرسنى

والله أنا مره عديت من قدام المطعم ده لا وايه من قدامه على طول مش من بعيد يا سلام

شفتى الامله اللى انا كنت فيها ولما رجعت حكيت لاهلى ابويا الله يرحمه ندر بان اول ما تجيله

فلوس حيعمل ليله لاهل الله اومال ده كان يوم عيد عندنا بس انا ليا طلب عند حضرتك ياريت

برضو ينوبك ثواب تبقى تبعتى لى صباعين من السويسرول ده عشان بس اشوفك عرفتى

تعمليه ولا لاء اه حاكم السويسرول ده له طريقه معينه وعاوز اطمن انك عرفتى تعمليه...

استاذه أمال...

ازاى حضرتك تسالينى عن رايى فى اكل حضرتك يا استاذه ده الكلام والمقادير وطريقة التحضير

يفطروا اكبر زاهد متعبد فى رمضان من حلاوتهم وجمال الاصناف اللى حضرتك قدمتيها أتمنى

والله يكون فيه تعارف بين الجميع وماتكونش علاقتنا مجرد حروف على شاشه كمبيوتر وده

اللى عملته أو الظروف سمحت بانى اقابل بعض شخصيات النت على ارض الواقع والحمدلله

كان اللقاء رائع وأثمر صداقات لا اعتقد انها حتنتهى فى يوم من الايام...

استاذتى أمال ارجو لحضرتك دوام الخير والسعاده وكل عام وانتى بالف خير..

يحيى زكريا[/QUOTE]



أستاذى العزيز يحيى زكريا

حقيقى بجد أنت صعبت عليا أوى

كل ده عشان عملت محشى ورق عنب

ولايهمك ياأستاذ يحيى ...حليك شجاع ويهمكش من حد

يعنى تفتكر هيعملولك أيه...العمر واحد والرب واحد

هههههههههههههههههههههههههههههههههههههه

ماشاء الله عليك بجد ..عليك خفة ظل اول مرة أقابلها فى حياتى

أدام الله عليك خفة روحك وأكرمك وجعله خير شهر عليك و على كل أحبائك

ياريت كان بأيدى وأنا كنت جبتلك كل الوجبة لحد عندك

رمضان كريم وكل عام وأنت بخير

أختك آمال مصطفى

صفحات العمر
29-09-2006, 08:18 PM
بسم الله الرحمن الرحيم


السلام عليكم ورحمة الله وبركاته

أعزائى وأخوتى كل عام وأنتم بخير

أنا فعلا سعيدة جدا لأن الفرصة أتيحت لى لألتقى بكم وأعيش معكم رمضان

كان نفسى أن العزومة دى تكون فعلا حقيقية وتكونوا جميعا عندى

يارب تتحقق ويجى اليوم اللى نتجمع فيه كلنا على مائدة رمضان

اسمحولى ياأعز الناس أنى اقدم لكم وجبة رمضانية على أدى

يارب تعجبكم ومكونش سبب فى الصوم المتواصل ههههههه

أخوانى وأخوتى

تعرفو ان المطبخ والطبيخ بالظبط زى تأليف القصيدة

أنا عندى قصايد كتبتها وكانت طعمها حلو أوى عارفين ليه

لأنى كتبتها وخطرت على بالى وأنا فى المطبخ ههههههههههههههه

عارفة انكم هتضحكو بس فعلا لما بتيجى فكرة قصيدة مش بتفرق بين إذا كنت فى المطبخ

ولا فى الانتريه او حتى فى حجرة النوم المهم هو أنى أعيش حالة القصيدة

سمحونى لأنى برضة دخلت الأشعار فى الطبيخ والسبب أنى عاشقة للشعر

ممكن أعيش معاه 24 ساعة فى اليوم


ودلوقت اقدم لكم وجبة أفطار ليوم من أيام رمضان


تتكون الوجبة من

الوجبة الاساسية

وهى ورق عنب محشو - كبدة محمرة - دجاج مع الارز واللحم والخضر

شوربة الشعرية - سلطة خضار منوعة



اولا ورق العنب المحشو
______________
المقادير
_____
ربع كليلو ورق عنب

4 حزمة بقدونس وكزبرة

بصلتان متوسطتان

3 كوب أرز

قليل من النعناع

كيلو طماطم

معلقتان كبيرتان من الزبد

نصف كوب زيت زرة

ملح وفلفل وبهارات


الطريقة
_____

يفرم البصل ويفرك بالملح والفلفل والبهارات والنعناع

تعصر الطماطم وتقطع الخضرة قطع صغيرة وتضاف مع الطماطم الى البصل المفروم

وتضاف اليها الزبدة والزيت

ثم يغسل الارز ويضاف الى الخليط ويقلب جيدا

يسلق ورق العنب سلق خفيف ثم ينزعل العنق وتلف كل ورقة على حدا بالخلطة

وتسقى بالشوربةوتوضع على النار حتى تنضج ( مع ملاحظة ان تكون النار هادئة)



الكبدة المحمرة
________

المقادير
_____


نصف كيلو كبدة ضأن

كوب زيت

نصف كوب بصل حلقات

نصف كوب بقدوس مفروم

ربع كوب دقيق

ملح وفلفل


الطريقة
_____

تقطع الكبدة الى شرائح وتنقع بماء ولح مدة خمس دقائق

نضع شرائح الكبدة فى الدقيق وتحمر بالزيت

ترص فى سرقيس التقديم وتزين بالبقدونس والبصل



ثالثا الدجاج مع الارز بالحم والخضر
_____________________

المقادير
____

دجاجة -ربع لحم مفروم - كوبان من الارز - كوب سمن - بصلة - كوبان من البسلة

ملح - معلقتان صنوبر - معلقتان فستق - نصف كوب لوز مقشر - نصف معلقة بهار

نصف ملعقة قرفة - نصف معلقة زعفران

الطريقة
____

تغسل الدجاجة وتقطع اربع قطع

توضع مع البصلة المقشرة و5 أكواب ماء على النار

تضاف جميع التوابل اليها

بعد النضج ترفع قطع الدجاج من المرقة

توضع السمن على النار وتحمر فيها الصنوبر واللوز والفستق

ثم يحمر اللحم المفروم فى السمن

يغسل الارز ومعه البازلاء ويضاف الى اللحم المحمر ومعهم الفستق ويخلط جيدا

ترص قطع الدجاج فى قعر الطاجن المعد وتغطى بخليط الارز واللحم والبسلة والفستق

وتوضع على نار هادئه ويصب عليها مرق الدجاج بالتدريجويترك حتى ينضج

يقلب فى طبق التقديم ولا نحركها مدة خمس دقائق ويرفع بحرص

وتزين بالصنوبر واللوز والفستق المحمر


رابعا شوربة الشعرية
_____________

المقادير
______

نصف كوب شعرية

2 كوب مرقة

معلقة سمن كبيرة

ملح وفلفل

الطريقة
_____

يحمر الشعرية فى السمن ويضاف إليها المرقة مع التوابل

تترك على نار هادئة حتى تنضج


خامسا السلطة المتنوعة
_______________

المقادير
_____

ربع كيلو خيار وربع كيلو طماطم - خسة - بصلة متوسطة - جرجير وفجل

2 فلفل رومى أخضر وأصفر - 2 فص ثوم - ملعقتان زيت ذرة - ملعقتان خل

عصير ليمونة - ملح وكمون وفلفل

الطريقة
____

يقطع كل الخضار قطع متوسطة

وتتبل بخليط الثوم والخل والليمون والزيت والتوابل

وتزين بالنعناع الاخضر


وبالهناء والشفاء

يارب يكون الأكل عجبكم

ولى عودة مع الحلو


آمال مصطفى

السلام عليكم ورحمة الله وبركاته

مبدعتنا الرائعه امال مصطفى

صدقتى تماما ان المطبخ مناخ جيد للابداع

والطعام يحتاج مزيدا من اللمسات الجماليه

والنفس الطيب ليصبح الطعام اشهى واشهى:good:

اشكرك على هذا الافطار الشهى

واسأل الله عز وجل ان يجمعنا دائما على الاخوه الخالصه

واى اكل بقى يبقى لذيذ جدااااااا

كل عام وانت بخير وسعاده ورضا من الله عز وجل

وكل الشكر للاعزاء ام احمد وريهام على ان فتحوا للمبدعين المطبخ على مصرعيه

وطبعا هما ما جوعوناش خالص

ولا ايه ؟؟؟؟؟؟؟؟؟؟؟؟؟؟؟:1:

اسعد الله قلوبكم جميعا ودمتم بموده

محمد سعيد

amal3
29-09-2006, 09:34 PM
[
QUOTE=صفحات العمر]السلام عليكم ورحمة الله وبركاته

مبدعتنا الرائعه امال مصطفى

صدقتى تماما ان المطبخ مناخ جيد للابداع

والطعام يحتاج مزيدا من اللمسات الجماليه

والنفس الطيب ليصبح الطعام اشهى واشهى:good:

اشكرك على هذا الافطار الشهى

واسأل الله عز وجل ان يجمعنا دائما على الاخوه الخالصه

واى اكل بقى يبقى لذيذ جدااااااا

كل عام وانت بخير وسعاده ورضا من الله عز وجل

وكل الشكر للاعزاء ام احمد وريهام على ان فتحوا للمبدعين المطبخ على مصرعيه

وطبعا هما ما جوعوناش خالص

ولا ايه ؟؟؟؟؟؟؟؟؟؟؟؟؟؟؟:1:

اسعد الله قلوبكم جميعا ودمتم بموده

محمد سعيد[/QUOTE]


أخى العزيز محمد سعيد :f: :f:

أهلا بيك على مائدة أفطار رمضان

فعلا ياعزيزى إن القصيدة فى كتابتها تشبه كثيرا الطبخة

فلها تجهيز وحبكة ووزن وقافية وبحر ...................الخ

أما الفكرة فمن الممكن أن تأتى فى أى وقت وأى مكان

أجمل مافى هذا الموضوع هو لمتنا جميعا على مائدة رمضان

فأتاح هذا أن نتعرف إلى بعضنا البعض أكثر وأكثر وبصورة أوضح من قبل

جمعنا الله دائما على الخير والحب والأخوة الصادقة

اتمنى ياأخى أن يكون الأفطار نال أعجابك

وأتمنى أن تكون القصيدة قد أعجبتك

وكل عام وانت بخير وصحة وعافيه أنت وسائر الأمة الأسلامية

أختك آمال مصطفى

لميس الامام
29-09-2006, 10:59 PM
أمولة الغالية

والله كان نفسي اكون اول المتذوقين لوجبتك الفاخرة ..شكلك يا أمولة طباخة عجب... في الشعر بريمو وفي الاكل بريمو..لكن ربنا يسامح السريفر كان واقع عندي لمدة ثلاثة ايام وكنت حاتجنن وارسلت للادارة رسالة اطلب منها العون وجاني مشكورين ..ما تتصوريش فرحت قد ايه وانا بقرا الوصفات حاجة تجري الريق بجد ..حاعملها يعني ح اعملها باذن الله دي ولا مطعم فندق سبع نجوم ..تسلم ايديكي وعنيكي يا امولة
وكل سنة وانت والاسرة الكريمة بخير يارب ومصر كلها بالف خير ..

لميس الامام

شاعر الرومانسية
30-09-2006, 05:36 AM
معلش انا جيت متأخر ... وطبعا الاكل كله خلص وانتهى
بس انا واثق ان اختنا الكريمة الشاعرة " امال "
مش حتبخل علينا بوصفاتها الهايلة.. وحتشرفنا كتير
فى مطبخنا العامر ..اثناء وبعد شهر رمضان

تسلم ايدك بجد يا استاذة ... على غذاء البطون
ومن بعدة غذاء العقول ... فكما لكى يد عليا فى المطبخ
كانت لك يد اعلى فى فن الكتابة والاشعار


كل عام وانتى بخير...
وعقبال كل عزومة


تقبلى كلا الود ... واسمى ايات التقدير،،، :f2:

amal3
30-09-2006, 08:55 AM
=لميس الامام]

أمولة الغالية

والله كان نفسي اكون اول المتذوقين لوجبتك الفاخرة ..شكلك يا أمولة طباخة عجب... في الشعر بريمو وفي الاكل بريمو..لكن ربنا يسامح السريفر كان واقع عندي لمدة ثلاثة ايام وكنت حاتجنن وارسلت للادارة رسالة اطلب منها العون وجاني مشكورين ..ما تتصوريش فرحت قد ايه وانا بقرا الوصفات حاجة تجري الريق بجد ..حاعملها يعني ح اعملها باذن الله دي ولا مطعم فندق سبع نجوم ..تسلم ايديكي وعنيكي يا امولة
وكل سنة وانت والاسرة الكريمة بخير يارب ومصر كلها بالف خير ..

لميس الامام



الاخت الغالية جدا جدا لميس الأمام

وحشتينى جدا جدا

أحلى حاجة فى الموضوع ده أنه لم كل أحبابى وجمع الكل هنا

أيه رأيك يالميس يارب يكون الأكل عجبك

وميرسى ياحبيبة قلبى على ردك الرقيق الجميل ده ربنا مايحرمنيش منك

كل سنة وأنت والعائلة وكل المسلمين بخير

فى حفظ الله

أختك آمال مصطفى[/CENTER]

سمـاء
30-09-2006, 09:03 AM
العزيزة آمال

كل سنة وانت طيبة... وكل عزومة وانت طيبة

واضح إنك تعبتى معانا فى تحضيرها

تسلم ايدك :y:


ولا صلاة العشا يا اخوالنا والتراويح بعدها قرآن
جو إيمانى ملهوش تانى وزيادته بتبقى ف رمضان
وبندعي لك يا اللي خالقنا تجعل كل السنة رمضان

وأنا كمان بدعى ان السنة كلها تكون رمضان.......

amal3
30-09-2006, 09:08 AM
[
QUOTE=شاعر الرومانسية]
معلش انا جيت متأخر ... وطبعا الاكل كله خلص وانتهى
بس انا واثق ان اختنا الكريمة الشاعرة " امال "
مش حتبخل علينا بوصفاتها الهايلة.. وحتشرفنا كتير
فى مطبخنا العامر ..اثناء وبعد شهر رمضان

تسلم ايدك بجد يا استاذة ... على غذاء البطون
ومن بعدة غذاء العقول ... فكما لكى يد عليا فى المطبخ
كانت لك يد اعلى فى فن الكتابة والاشعار


كل عام وانتى بخير...
وعقبال كل عزومة


تقبلى كلا الود ... واسمى ايات التقدير،،، :f2: [/QUOTE]


أخى العزيز شاعر الرومانسية

أهلا بيك فى أى وقت فأنت لم تتأخر لأن مكانك موجود لم يمتلىء إلا بقدومك

ونصيبك فى الوجبة لايزال ينتظرك

وأنا سعيدة لأنه أعجبك

وطبعا أنا تحت أمرك فى أى وصفة تحتاجها منى أو أى مساعدة

كل سنة وأنت بخير وكل الأمة الأسلامية بخير

فى أنتظار أبداعك اليوم فى الوجبة الخاصة بك ربنا معاك

أختك آمال مصطفى

amal3
30-09-2006, 10:14 PM
[
QUOTE=سمـاء]

العزيزة آمال

كل سنة وانت طيبة... وكل عزومة وانت طيبة

واضح إنك تعبتى معانا فى تحضيرها

تسلم ايدك :y:


ولا صلاة العشا يا اخوالنا والتراويح بعدها قرآن
جو إيمانى ملهوش تانى وزيادته بتبقى ف رمضان
وبندعي لك يا اللي خالقنا تجعل كل السنة رمضان

وأنا كمان بدعى ان السنة كلها تكون رمضان.......

[/QUOTE]


الأخت العزيزة سمـــــــــــــــــــــــــاء

أهلا بك على مائدة أفطار رمضان

ويارب يكون الوجبة عجبتك

حبيبتى سماء تعبك راحة وكل أعضاء المنتدى هو أخوة وأخوات

ياريت العزومة كانت بجد

كل عام وأنت بخير وبصحة وعافية والأمة الاسلامية جميعها بخير

أختك آمال مصطفى

عصام علم الدين
01-10-2006, 11:29 AM
الأخت الفاضله أمال
سلام الله عليكم ورحمته وبركاته

كان عندي حق لما مصدقتش إن إنت ممكن تجوعينا تجوعينا
ده بسم الله ماشاء الله
الأكل كان من أولاً لغاية خامساً
وكمان قمر الدين
ده غير الحاجات الخفيفه اللي ماجبتيش سيرتها
وكمان قصيده
كيده إنت أثبتي بالدليل القاطع إن الأخت بوكي بوكي بتروج إشاعات
وآدينا ولا جوعنا ولا حاجه بالعكس كلنا وشربنا وإستمتعنا بكرم الضيافه
كل سنه وأنت بألف خير

أخوك
عصام علم الدين

د. جمال مرسي
01-10-2006, 02:37 PM
دي تاني مرة أدخل فيها المطبخ في رمضان ده
لكن بصراحة يا آمال باين عليا هدخله كل يوم عشان اتذوق مثل هذه الأصناف البهيجة
جميلة جدا تلك الأصناف المشهية و لا سيما قبل الافطار
أما بعده .. فالله أعلم بها
لكن الأجمل كان نفحاتك الشعرية
دمت بخير أختي الكريمة
و كل عام و أنت و الأسرة بخير

amal3
01-10-2006, 08:02 PM
الأخت الفاضله أمال
سلام الله عليكم ورحمته وبركاته

كان عندي حق لما مصدقتش إن إنت ممكن تجوعينا تجوعينا
ده بسم الله ماشاء الله
الأكل كان من أولاً لغاية خامساً
وكمان قمر الدين
ده غير الحاجات الخفيفه اللي ماجبتيش سيرتها
وكمان قصيده
كيده إنت أثبتي بالدليل القاطع إن الأخت بوكي بوكي بتروج إشاعات
وآدينا ولا جوعنا ولا حاجه بالعكس كلنا وشربنا وإستمتعنا بكرم الضيافه
كل سنه وأنت بألف خير

أخوك
عصام علم الدين


أخى العزيز والشاعر الجميل

ألأستاذ عصام علم الدين :f: :f: :f:

لماذا تأخرت كل هذا التأخير :hop:

كان نفسنا تكون موجود معانا أثناء الأكل

بس معلش الأخير ربه كريم

وإن شاء الله مفيش تجويع أبدا

وبعدين ياعزيزى أختنا بوكى بوكى كانت بتجس النبض

بس خلاص أتأكدت إن الشعراء شطرين فى كل حاجة

بصراحة هى وأم أحمد خلونا نحس بجو رمضان

ربنا يزيدهم خير وذكاء ونشاط كمان وكمان

وكل سنة وأنت بألف خير وسعادة وهناء

أختك آمال مصطفى

amal3
01-10-2006, 08:20 PM
دي تاني مرة أدخل فيها المطبخ في رمضان ده
لكن بصراحة يا آمال باين عليا هدخله كل يوم عشان اتذوق مثل هذه الأصناف البهيجة
جميلة جدا تلك الأصناف المشهية و لا سيما قبل الافطار
أما بعده .. فالله أعلم بها
لكن الأجمل كان نفحاتك الشعرية
دمت بخير أختي الكريمة
و كل عام و أنت و الأسرة بخير


الأخ العزيز .. والشاعر الرقيق الحنون :f: :f: :f:

أستاذنا جميعا الدكتور جمال مرسى

أهلا بيك نورت مطبخ مصر

أنا سعيدة جدا يادكتور أنك شرفت يومى وعزومتى

وكمان الأكل يعجبك دا شرف كبير أوى :1:

أكيد أنا حظى حلو لأنك دخلت قاعة المطبخ على حظى

وأشكرك أخى العزيز على رأيك فى القصيدة

بس بصراحة بقى يادكتور نفسى أشوف مواهبك فى الطهى

أكيد هيكون يوم غير عادى

أنا فى أنتظاره

كل عام وأنت والأسرة وسائر الأمة الأسلامية بكل خير

أختك آمال مصطفى

قلب مصر
04-10-2006, 01:06 AM
تسلم ايدك يا استاذتنا الفاضلة
على الوصفات الجميلة والقصيدة الأجمل
ربنا يباركلنا فيك

amal3
06-10-2006, 06:51 PM
تسلم ايدك يا استاذتنا الفاضلة
على الوصفات الجميلة والقصيدة الأجمل
ربنا يباركلنا فيك


الأخت الحبيبة قلب مصر

الله يسلمك بس ليه أتأخرتى ...اللمة كانت جميلة وكنا عيزينك معانا

عموما برضو لحقتينا ونورتينا

يارب الأكل يكون عجبك

وكل سنة وأنت طيبة وبخير

أختك آمال مصطفى

الدكتورة نسيبة
09-10-2006, 03:05 PM
ما شاء الله ايه الحاجات الحلوة دى

انا بموت فى ورق العنب والكبده تسلم ايديكى

ويسلم كمان قلمك على القصيدة الحلوة البسيطة دى

كل سنة وانتى طيبة ورمضان كريم

amal3
09-10-2006, 05:58 PM
[
QUOTE=الدكتورة نسيبة]ما شاء الله ايه الحاجات الحلوة دى

انا بموت فى ورق العنب والكبده تسلم ايديكى

ويسلم كمان قلمك على القصيدة الحلوة البسيطة دى

كل سنة وانتى طيبة ورمضان كريم[/QUOTE]


الأخت العزيزة ...الدكتورة نسيبة

أهلا بيك ....شرفتى مائدة رمضان العامرة

الحمد لله إن الأكل نال أعجابك ولو أنك أتأخرتى على اللمة

لكن برضو حقك محفوظ

نورتينى وبالهناء والشفاء

كل سنة وانت طيبة وكل الأهل والأحباب بخير

وأشكر لك مرورك وردك الكريم

أختك آمال مصطفى

amal3
21-10-2006, 06:00 AM
أختى العزيزتان ..الغاليتان جدا جدا

أم أحمد :h: :h: :h: :h: بوكى بوكى


أريد أن أقدم لكم كل الشكر على أجمل حلقات قدمت فى رمضان الحالى

حلقات جمعت بالود والحب والتآخى بين كل أعضاء المنتدى

حتى الأعضاء الذين لم يكن لهم أى سابقة دخول فى أى موضوع او مشاركة

وبصراحة شديدة أحق من يستحق جائزة هما

أم أحمد:good: :good: :good: بوكى بوكى

لهم منى كل تقدير وأعتزار

ولكل أعضاء المنتدى خالص حبى وتقديرى

وكل عام وهم جميعا بخير وعافية وحب

عيد سعيد على الجميع

أشكركم جميعا

آمال مصطفى