المساعد الشخصي الرقمي

مشاهدة النسخة كاملة : يحيي زكريا هيجوعنا...هيجوعنا



boukybouky
25-09-2006, 03:43 AM
السلام عليكم ورحمة الله و بركاته

اليوم مع أول مبدع من ابناء مصر ليقدم لنا طبقه المفضل

اخونا الكريم يحيي زكريا سيقدم لنا اليوم اشهي أطباقه

علي مائدة رمضان مزينة بأحلي كلماته ذات المذاق الخاص

بالهنا و الشفا مقدماً لكم و اترككم لنستمتع معاً :eat:

فلتتفضل أخي الكريم لدخول مطبخ ابناء مصر

http://gallery.egyptsons.com/data/media/49/kitc9.jpg (http://gallery.egyptsons.com)

دمتم بكل خير

في رعاية الله ،،،

إلي الغد و مبدع جديد و طبق لذيذ و كلام مفيد :f2:

في رعاية الله ،،،

أم أحمد
25-09-2006, 10:48 AM
اهلا بك استاذ يحيي
في اول افطار
في انتظار ما تقدمه لنا شاعرنا المبدع

و رمضان كريم


:f: :f:

لميس الامام
25-09-2006, 11:50 AM
السلام عليكم وكل سنة وحضرتك طيب

بيقولوا اطايب الاكل تاخدها من أيدي الشعراء..خصوصا الرجال منهم ..هو الطبق للنهاردة؟

بانتظارك يا استاذ يحي ريقي جري والله ..اللهم اني صائم...

الف شكر لحضرتك مقدما..

لميس الامام

د.ابودنيا
25-09-2006, 12:34 PM
هو دا المطبخ
اول ماشفته افتكرتة معمل الكميا عندنا
ماشى .. مطبخكم جميل
يستحق ان الواحد يفطر هنا يوم من رمضان
كل سنه وانتم طيبين

sayedattia
25-09-2006, 12:41 PM
استاذ يحي زكريا ... فينك يارجل ... دا انا دخلت من بدري ... عشان أتعرف علي طبقك المفضل
وعشان نتمتع بشعرك الجميل ... أنا منتظرك لحد قبل المغرب بساعة فقط .. وإلا ساضطر آسفاً
أطلب دليفري ومجبر آخاك لا بطل


عشمت نفسي بأحلي فطار
من إيد شاعرنا يحي زكريا
وقلت ح آكل من إيده ديه اكله هنيه
والصوم تاعبني وبيخايلني طالب صنية
صنية جاية م الفرن حالاً
وفيهافرخه ومستويه
معاها سلطة وخضار سوتيه وألمظية
والحلو حاضر وبعده شاي أحلي تحية

يحيى زكريا
25-09-2006, 12:59 PM
اجوعكم ازاى يا جماعه..دنا فى المطبخ 24 ساعه...عشان اقدم لكم اكله هنيه..طريقه عمايلها

منى ليكم هديه..ودلوقت نبدا المقامه الطبيخيه فى الاكلات اللى هيه ...تقديم يحيى بن زكريا

انا حقدم لكم اليوم..فى تانى ايام شهر الصوم...محشى ورق عنب وبتنجان وكوسه...الاكله اللى

بتخللى الناس من حبها ملحوسه..ومعاها كشك الماظيه..اكلة الباشوات يا افنديه...وكمان فراخ

فيليه..من ام الكيلو باربعتاشر جنيه..وكمان سلاطه خضرا...كل مكوناتها ناضره...والحلو قمر

الدين...عشان عينيكو الحلوين..

الاول نبدأ باالمقادير اصلها ياحبايبى حتبقى كتير...كيلو ورق عنب..اخضر وطازه وعجب...كيلو

بتنجان... ابيض وشكله جنان...م الكوسه برضو كيلو..وياللا بقى شيلوا...نص كيلو بصل...من

غير زعل.. للتسبيكه والسلاطه يا عسل...زيت وقوطه وشبت وبقدونس..من عند الخضرى

الحاج يونس... كزبره وفيجيتار...اللى بخللى الفراخ حراقه نار....

ودلوقتى اقول لكم على الطريقه ...بطريقه سهله ودقيقه...ورق العنب تنضفوه...وبميه سخنه

تسلقوه...ونحط علي الورقه شويه رز ونلفها...وفى حله نضيفه نرصها...ونكون قورنا الكوسه

والبتنجان...عشان نحشيهم هم كمان...ونحطهم على البوتاجاز...ونسقيهم من شوربه الفراخ يا

عزاز ...ولما يستووا يا اصدقاء...نرصهم بشكل جميل فى الاطباق...ودلوقت نتكلم على الكشك

الماظيه...وطريقته سهله جدا اهيه..نجيب شويه رز مع شويه شوربه...ونقلبهم على النار حبه

حبه...ولما يستوى نحط الحليب...مع النشاء ويا التقليب...وبعدين نعمل تقليه ونخلليها تطش...

عشان نرشرها من فوق ع الوش...لما نحطه فى الصحون...بيبقى فتنه للعيون...ودلوقت نعمل

فراخ بانيه..افهمى يا هانم وافهم يا بيه...صدور الدجاج من الجلد نضفوها...وببصله حلوه

ادعكوها..وتدهنوها بيض وفيجيتار...ونكون محضرين الطاسه ع النار...فى الطاسه تحمروها...

ولما تتحمر تشيلوها...وترصوها فى سرفيس كبير...ومن تحتها تفرشوا جرجير...

ودلوقت نعمل السلاطه...اللى بتبقى على السفره اخر الاطه..الخس جاهز متحضر...سرفيسنا

بيه راح متخضر...من فوقه قطع الطماطم..لما تشوفها تروح قاطم..احمر أو أصفر يا جزرنا..

مع السلاطه لاجل نظرنا...وشرايح خضار لو حطيت...حترش عليهم حبة زيت..مع حبة خل ولا

لمونه...من فوق القوطه المجنونه....

ودلوقتى نعمل قمر الدين...نحللى بيه ويا الحلوين..نمقطع القمر الدين فى ميه ونغليه...ونحط

السكر والنشا ونقلب فيه...ولما يستوى نحطه فى اطباق صغيره...مستطيله أو مدوره...ونرش

على الوش مكسرات وزبيب...وما تنساش تهدى طبق للحبيب...

واكله هنيه ...فى رمضان بالبركه تكفى ميه..بس احنا نخلص عملنا لله...عشان الخير كله نلقاه

وكل سنه وانتم طيبين...يا كل الناس الحلوين...

رمضانٌ أقبَلَ إخوانى...
بالخيرِ يعُمُّ الاكوانِ....
فَلنسعَى فى كلِّ فلاحٍ...
كى نكسبَ حبِّ الرحمنِ..


اقبَلَ رمضانُ ابو الكَرَمِ...
يأتينا دوماً بالنعَمِ...
واليَومَ سَأعزِمَكُم عندى...
فى بَيتى الكَائِنَ بالهَرَمِ...


مائدَتى تَحلو برَمَضانِ...
بالأهلِ وكُلِّ الخِلاَّنِ...
إنطَلَقَ المدفَعُ فلنَصغَى...
ولنَأكُلُ من بَعدِ أذَانِ...


تَمرٌ مَنقوعٌ بحَليبِ...
سُنَتُنا أرساها حبيبِ...
سَنُسمٍّى ونُصَلى عَلَيهِ...
ياربى سميعٌ ومجيبِ...


اليومَ حَفَطركُمْ عِندى..
كى نأكُلُ كِشكاً مع دِندِى...
وحَمَاماً مَحْشُو بِفِريكٍ...
أرسَلهُ لى خالى بَشَندى...


أيضا مكرونه بَشَاميللى...
أعشِقُها وأكُلُها تَمَللى...
ع السُفرهْ تلَعْلَعْ يا خواتى...
وتخللى عقلى تَرَلَلِّى..


مَحشُوه بِلَحمٍ مَفرُومِ...
مَحطُوطِ بقَدْرٍ معلومِ..
بين طَبَقَاتِ المكرونه...
يَرقُدُ كَالدُرٍ المَننظُومِ...


والأُرزُ يا إخوانى مُعِمَّرْ...
إن مَرَّ أمَامى أتَسَمَّرْ...
مَحلاهُ على الوِشِّ القشطَهْ...
والقَعْرُ لذيذٌ وَ مُحَمَّرْ....


عَ السُفرهْ دقِّيَّةِ باميَهْ...
مِنْ صُنعِ قَرينَتُنا ساميهْ...
مطبوخه باللحمِ الضَّانى...
مخلوطَه بِقُرونٍ حَاميَهْ...


ذوقوا يا إخوَانى الملوخيهْ...
خَضراءُ على البطنِ طَرِيَّهْ...
مطبوخه على لحم أرَانب...
أه منها الأكله دا هيَّهْ...


والبطٍ على السُفره تَبَطْبَطْ...
بطٌ بَلَدِىٌ مِتزَغَّطْ...
إن كنتَ عَليلاً خُذْ وِرْكَاً...
تَشفَى فى الحالِ وتِتْنَطَطْ...


وَالوِزٌ يا مَحلاهُ الوِزُّ...
ذَكَّرَنى بِأيَّامِ العِزُّ...
مَشوِىٌ بالفُرنِ أَيا سادَهْ...
فى الأكلِ جَميلٌ ويَلِذُّ...


والمَحشِى مُحَبَّبُ للقَلبِ...
الكُوسَهْ مَعَ وَرَقِ العِنَبِ...
يَرقُدُ وَسَطَهُما بِتِنجانٌ...
أهوَاهُ المَحشِى بِلا سَبَبِ...


والسَّمَكُ المَشوِى مَعَ المَقْلِى...
مَا أحلَى الطَّعمِ مَعَ الشَّكلِ...
بُورِى مَعَ بُلطِى وَمُرجَانٌ...
أذهَلَنى وَأطَارَ العَقْلِ....


والحِلوُ أحبَّائى كُنَافَهْ...
مِن صُنعِ كَريمَتُنا لَطَافَهْ...
محشُوَّه بِبُندُقْ وَ بِلَوْزٍ...
سَتَقولوا عَنهَا دى خُرَافَهْ...


موجودٌ عَ السفرهْ قَطَايفْ...
كالشهدِ عَلى كُل شَفَايف...
نأكُلُهَا هَنِيئاً ومَريئاً...
من أى تَوَابِع مش خايف...


من بعد الأكل أحبائى...
شكرى لله ودعائى...
نتوضأ لنصلى المغرب..
من قبل قدومٍ لعشاءِ....


من أجل عزومه أحبائى...
قد بعتُ هدومى وأشيائى...
وسؤالى الان لحضراتكم...
من أين سأطعم ابنائى...


لا أملك بنكاً أو مصرفْ...
لا أعرفُ كيف سأتصرفْ...
من أجل عزومتكم ديَّهْ...
ماشى موش دارى وبخطرفْ...


فكرت فى حل يا إخواتى...
رح أجر ولادى ومراتى...
وأعسكر فى بيوت حضراتكم...
من بكره لرمضان الأتى....

يحيى زكريا
25-09-2006, 01:10 PM
[QUOTE=boukybouky][CENTER]السلام عليكم ورحمة الله و بركاته

اليوم مع أول مبدع من ابناء مصر ليقدم لنا طبقه المفضل

اخونا الكريم يحيي زكريا سيقدم لنا اليوم اشهي أطباقه

علي مائدة رمضان مزينة بأحلي كلماته ذات المذاق الخاص

بالهنا و الشفا مقدماً لكم و اترككم لنستمتع معاً :eat:

فلتتفضل أخي الكريم لدخول مطبخ ابناء مصر

http://gallery.egyptsons.com/data/media/49/kitc9.jpg (http://gallery.egyptsons.com)

دمتم بكل خير

في رعاية الله ،،،

إلي الغد و مبدع جديد و طبق لذيذ و كلام مفيد :f2:

في رعاية الله ،،


[COLOR="Magenta"]اشكرك استاذه boukybouky

وياربى اكلى يعجبكم وكل عام وانتم بالف خير..

رمضان كريم...

يحيى زكريا
25-09-2006, 01:15 PM
اهلا بك استاذ يحيي
في اول افطار
في انتظار ما تقدمه لنا شاعرنا المبدع

و رمضان كريم


:f: :f:


اهلا بكى اختنا ام احمد..

اتمنى افطارى يعجبكم وكل سنه وانتى طيبه...

رمضان كريم..

أحمد ناصر
25-09-2006, 01:42 PM
يا أستاذ يحيى
تسلم إيديك
إنت متأكد من النتيجة؟
أى إنفجارات وخسائر فى المطبخ عليك
أنا بأقولك آهو
تسلم إيديك يا أستاذنا
وكل عام وإنت بخير
ورمضان كريم

يحيى زكريا
25-09-2006, 02:14 PM
السلام عليكم وكل سنة وحضرتك طيب

بيقولوا اطايب الاكل تاخدها من أيدي الشعراء..خصوصا الرجال منهم ..هو الطبق للنهاردة؟

بانتظارك يا استاذ يحي ريقي جري والله ..اللهم اني صائم...

الف شكر لحضرتك مقدما..

لميس الامام


استاذتى لميس ...

الحقيقه انا معرفش اى حاجه فى المطبخ انتم وحظكم بقى فى اللى يطلع منى..

يارب اقدر اقدم حاجه حلوه تستاهل كلامكم الجميل ده...

اشكرك استاذه لميس وكل عام وانتى بالف خير ورمضان كريم..

يحيى زكريا
25-09-2006, 02:19 PM
هو دا المطبخ
اول ماشفته افتكرتة معمل الكميا عندنا
ماشى .. مطبخكم جميل
يستحق ان الواحد يفطر هنا يوم من رمضان
كل سنه وانتم طيبين


اهلا استاذى ابودنيا...

حضرتك افتكرته المعمل...

انا افتكرته قاعة المؤتمرات الكبرى...

عموما اتمنى اللى حقدمه يبقى على مستوى جمال المطبخ ويعجب حضرتك..

كل سنه وانت طيب استاذى ابودنيا ورمضان كريم..

يحيى زكريا
25-09-2006, 02:29 PM
استاذ يحي زكريا ... فينك يارجل ... دا انا دخلت من بدري ... عشان أتعرف علي طبقك المفضل
وعشان نتمتع بشعرك الجميل ... أنا منتظرك لحد قبل المغرب بساعة فقط .. وإلا ساضطر آسفاً
أطلب دليفري ومجبر آخاك لا بطل


عشمت نفسي بأحلي فطار
من إيد شاعرنا يحي زكريا
وقلت ح آكل من إيده ديه اكله هنيه
والصوم تاعبني وبيخايلني طالب صنية
صنية جاية م الفرن حالاً
وفيهافرخه ومستويه
معاها سلطة وخضار سوتيه وألمظية
والحلو حاضر وبعده شاي أحلي تحية



استاذى سيد عطيه...

معلش انا اسف على التاخير انت عارف زحمه رمضان والنت ابن الذين كان بيتدلع شويه لكن

الحمدلله وصل..واهو الاكل وصل ولا دليفرى ولا يحزنون بس يارب يعجب حضرتك...

انما ايه بقى الكلام الحلو الى حضرتك كاتبه ده دنا اللى حاجى افطر عند حضرتك الحاجات

الحلوه اللى حضرتك قلتها...

استاذى سيد عطيه اهلا بك وكل سنه وانت طيب ورمضان كريم..

الدكتورة نسيبة
25-09-2006, 03:04 PM
ما شاء الله الاكل تحفة خاصة وان بيتقال بطريقة لانج جداااااااااااااااااا

انا وعمالة اقرا طريقة شرح حضرتك للاكل مش قادرة ابطل ابتسام بس ايه تسلم ايد حضرتك مجوعتناش ولاحاجة

انت حتى مجهز الحاجة من بدرى عشان نلحق نعمل المحشى

ولو على انك ناوى تجيب المدام والاولاد وتيجوا عندونا فى البيت فتنورا وتانسوا وتاكلوا احلى سمك وسبيط

انا قولت اجارى حضرتك على ادى فى الشعر

تسلم ايد حضرتك ورمضان كريم

يحيى زكريا
25-09-2006, 06:10 PM
يا أستاذ يحيى
تسلم إيديك
إنت متأكد من النتيجة؟
أى إنفجارات وخسائر فى المطبخ عليك
أنا بأقولك آهو
تسلم إيديك يا أستاذنا
وكل عام وإنت بخير
ورمضان كريم



استاذى احمد ناصر...

يا عم رينا مايجيب انفجارات الا فى اسرائيل وامريكا يارب...

اطمن استاذى باذن الله كل حاجه حتبقى تمام وكل سنه وانت طيب ورمضان كريم..

اشكرك استاذى احمد واشكرمرورك الرائع...

يحيى زكريا
25-09-2006, 06:19 PM
ما شاء الله الاكل تحفة خاصة وان بيتقال بطريقة لانج جداااااااااااااااااا

انا وعمالة اقرا طريقة شرح حضرتك للاكل مش قادرة ابطل ابتسام بس ايه تسلم ايد حضرتك مجوعتناش ولاحاجة

انت حتى مجهز الحاجة من بدرى عشان نلحق نعمل المحشى

ولو على انك ناوى تجيب المدام والاولاد وتيجوا عندونا فى البيت فتنورا وتانسوا وتاكلوا احلى سمك وسبيط

انا قولت اجارى حضرتك على ادى فى الشعر

تسلم ايد حضرتك ورمضان كريم



دكتورتنا نسيبه...

يارب تكون الطريقه سهله وعجبت حضرتك ومحصلش اى لخبطه ولا حاجه...

وباين ان حضرتك كريمه ماشاء الله باين من كلامك بس يعنى ناكل احلى سمك وسبيط بس

طب مفيش شويه بكلويز ولا كابوريا اصلى اموت فى البكلويز والكبوريا أعتقد حضرتك من

سكان المدن الساحليه ولا انا علطان...

اشكر ك دكتوره نسيبه واشكر مرورك الرائع..

لميس الامام
25-09-2006, 06:28 PM
أستاذ يحي زكريا

انا كلامي صح مية مية ..يا سلام ياسلام كده التذوق ولا بلاش..
آطايب الاكل من ايدك عجب .. دخلت المطبخ عملتها بسرعة وبدون تعب...بسرعة بسرعة لان للاسف لما جت الوصفة ..كان باقي على المدفع حبة ..هي اكيد حاتطلع وجبة جميلة ..بعد الفطار ومش ح يكون لي حيلة
قمر الدين ده طعمه جنان..ولا السلطة والباتنجان..ايه الجمال ده يا فنان؟؟؟؟ تسلم ايدك كمان وكمان:good: :good: :no1:

كل سنة وحضرتك طيب

osha
25-09-2006, 08:16 PM
الحقيقة انا استمتعت مرتين
مرة بالوصفة
والمرة الثانية بالزجل والسجع اللي فيها
حقيقي تحفة وتستاهل عليها كل خير

شكــــــرا جزيـــــلا لك (http://www.egyptsons.com/misr/showthread.php?t=60807&page=5)

boukybouky
25-09-2006, 09:22 PM
ما شاء الله ايه الأكلات الحلوة ديه مش عارفة بجد هلحق اجرب ايه و الا ايه

بجد بجد أمتعتنا بشكل كبير جداً طريقة العرض و الأكل حاجة تفتح النفس علي الآخر

و مش بس تفتح النفس :eat: و تجوع و أضفت مش بس إبتسامة لالا ضحكات حقاً :)

طريقتك مشوقة و ممتعة جداً جداً ربنا يكرمك ..و مش تقلق بقية الشهر انت و العائلة

معزوم عند بقية المبدعين ....

بقلب جامد البداية قوية و ان شاء الله نجد أكلات تكفي ميه :d

كل الشكر لك أخي الكريم يحيي زكريا و دمت بكل خير

في رعاية الله ،،،

ليلة عشق
25-09-2006, 10:22 PM
الأستاذ الفاضل يحيي زكريا

الله عليك ....
كل ده ومش بتعرف تطبخ ....
أمال لو عرفت هاتعمل فينا ايه .....
تسلم ايدك ويسلم قلمك المبدع .....
بأحلي قائمة أفطار لشهر الخير والغفران .....
كل سنة وحضرتك طيب وبخير ....
لك خالص الشكر والتقدير والاحترام .....

تحياتي
ليلة عشق

د. حسان الشناوي
26-09-2006, 12:14 AM
بسم الله الرحمن الرحيم
المبدع طبيخا وشعرا
أخي الكريم
أ. يحيى زكريا
كل عام وأنت بألف خير ورمضان كريم
اسمح لي أن اكلمك بالعامية في مطبخك العامر.
حقيقي إنت فعلا طباخ ماهر متنوع بارع ، وكمان كريم جدا لدرجة إنك تقريبا مخلتشي ولا أكلة إلا ذكرتها وده دليل كرمك وأصالة معدنك .
بس قول لي الواحد ياكل إيه ولا إيه ؟
ياخوفي لأغني الأغنية المشهورة : " الراجل ده حيجنني حيجنني ..." بس جنانك هنا أعقل جنان وخصوصا إنك مخليتش حاجة إلا وريق الواحد جري عليها.
إذا كنت قررت إنك تعزمنا كلنا في بيتك العامر فحييجي لك جيش مالوش أول ولا آخر ، استعد بقى يا بطل ، وزود المقادير ، يمكن يتسحؤوا عندك بعد العوزمة الحلوة دي ويشوفوا انت حتعمل لهم إيه في السحور .
ولا حتكتفي بالشعر اللي انت كتبته هنا براعة وكل واحد يصرف نفسه في سحوره ؟؟؟؟؟
بجد انت ممتع ورائع ، ولو ترضى انك تروح تفطر عند أي حد مقابل العومة الكبيرة دي لإاهلا بيك مش يوم واحد وبس ، لا باقي أيام رمضان بش بشرط إنك تجيب كل حاجة جديدة غير اللي قلته هنا ، أقصد إنك تكون جاهز للمطبخ اللي شكلك لو شرفتنا مش حتسبه إلا للصلاة .
تحياتي لك وتقديري.
وكل عام وأنت بألف خير

قلب مصر
26-09-2006, 12:28 AM
دى وصفة سهلة

دى وسفة هايلة

لا بجد فعلا الوصفات جميلة جدا جدا ربنا يكرمك يارب
والأجمل منها حقيقى الشعر الموزون بالكيلو والسجع المتنقى تمام

فعلا امتعتنا يا أستاذ يحيى بالشعر والأكل مع بعض

الف شكر ليك وعلى تميزك الرائع

شاعر الرومانسية
26-09-2006, 02:40 AM
استاذنا الهمام ... شاعر بنى خزام

الاستاذ " يحى زكريا "
تسلم ايدك والله بجد ... وتسلم افكارك

بس كدة يا استاذنا ماخلتناش حاجة ناكلها لبقية رمضان ..
عديت بينا على جميع الاصناف الشهية .. والمفترية
ومحسناش باى تخمة او تلعبكات معوية


من اعماق معاميق معدتنا ... نشكرك ..
ونتمنى لك مزيدا من التوفيق ...
مع الاكلات الشعرية..


وربنا يجعله عاامر ،،، :f:

أم أحمد
26-09-2006, 08:57 AM
ما شاء الله

ايه الحاجات الجميلة دى :good:

ده انا جيت على الريحة

تخيل بقى حضرتك

من جمالها جت هولندا :y:


بجد تسلم ايدك

استمتعت بالطريقة المطبوخه

على الاوزان الشعريه

جزاك الله كل الخير
وحضرتك ماتقلقش احنا معزومين بقيه الشهر مع مبدعينا الكرام :1:

يحيى زكريا
26-09-2006, 06:34 PM
أستاذ يحي زكريا

انا كلامي صح مية مية ..يا سلام ياسلام كده التذوق ولا بلاش..
آطايب الاكل من ايدك عجب .. دخلت المطبخ عملتها بسرعة وبدون تعب...بسرعة بسرعة لان للاسف لما جت الوصفة ..كان باقي على المدفع حبة ..هي اكيد حاتطلع وجبة جميلة ..بعد الفطار ومش ح يكون لي حيلة
قمر الدين ده طعمه جنان..ولا السلطة والباتنجان..ايه الجمال ده يا فنان؟؟؟؟ تسلم ايدك كمان وكمان:good: :good: :no1:

كل سنة وحضرتك طيب


استاذه لميس ...رائعة الاحاسيس ...شكرا على الاحرف الرقيقه...والتواصلات الرشيقه....

خلليتى للموضوع معنى...لما على الحب اتجمعنا...فى شهر الحب والخيرات...والتقوى

والرحمات كل سنه والجميع طيبين...عقبال كل سنه يا حلوين...

أستاذه لميس كل سنه وحضرتك طيبه اشكر لك احرفك الجميله ومرورك الرائع..

يحيى زكريا
26-09-2006, 06:40 PM
الحقيقة انا استمتعت مرتين
مرة بالوصفة
والمرة الثانية بالزجل والسجع اللي فيها
حقيقي تحفة وتستاهل عليها كل خير

شكــــــرا جزيـــــلا لك (http://www.egyptsons.com/misr/showthread.php?t=60807&page=5)


استاذتى ام احمد...

الحمدلله انى قدرت ارسم ولو بسمه صغيره على وجوه الاحباب فى هذا الشهر الكريم

ويارب تكون الاكلات عجبتكم وكل سنه وانتم بالف خير...

اشكرك استاذتى ام احمد واشكر مرورك الرائع..

osha
26-09-2006, 06:50 PM
استاذتى ام احمد...

الحمدلله انى قدرت ارسم ولو بسمه صغيره على وجوه الاحباب فى هذا الشهر الكريم

ويارب تكون الاكلات عجبتكم وكل سنه وانتم بالف خير...

اشكرك استاذتى ام احمد واشكر مرورك الرائع..
عفوا والشكر لك
بس انا ام محمد :hop:

يحيى زكريا
26-09-2006, 06:51 PM
ما شاء الله ايه الأكلات الحلوة ديه مش عارفة بجد هلحق اجرب ايه و الا ايه

بجد بجد أمتعتنا بشكل كبير جداً طريقة العرض و الأكل حاجة تفتح النفس علي الآخر

و مش بس تفتح النفس :eat: و تجوع و أضفت مش بس إبتسامة لالا ضحكات حقاً :)

طريقتك مشوقة و ممتعة جداً جداً ربنا يكرمك ..و مش تقلق بقية الشهر انت و العائلة

معزوم عند بقية المبدعين ....

بقلب جامد البداية قوية و ان شاء الله نجد أكلات تكفي ميه :


كل الشكر لك أخي الكريم يحيي زكريا و دمت بكل خير

في رعاية الله ،،،



استاذه بوكى بوكى....

الحمدلله ان الاكل عجب الضيوف الكرام وربنا اكرمنا وما كسفناش قدام الناس...

ويارب يكون الاكل عجبكم وتكون ضيافتنا ليكم لاقت الاستحسان وكل سنه وانتم طيبين

ورمضان كريم ...

اشكرك استاذه بوكى بوكى وتشكر مرورك الرائع..

يحيى زكريا
26-09-2006, 06:59 PM
الأستاذ الفاضل يحيي زكريا

الله عليك ....
كل ده ومش بتعرف تطبخ ....
أمال لو عرفت هاتعمل فينا ايه .....
تسلم ايدك ويسلم قلمك المبدع .....
بأحلي قائمة أفطار لشهر الخير والغفران .....
كل سنة وحضرتك طيب وبخير ....
لك خالص الشكر والتقدير والاحترام .....

تحياتي
ليلة عشق


استاذتى ليلة عشق..

انا حقيقى مش بعرف اطبخ على الاطلاق ...

اكتر حاجه ممكن اعملها كباية شاى...

لكن لما وصلتنى دعوة الاستاذه بوكى بوكى سالت الحاجات دى بتتعمل ازاى واخدت الطريقه

وحاولت اقدمها بطريقه ظريفه وحاولت ارسم بسمه على الوجوه واتمنى انى اكون وفقنى الله

اشكر استاذتى ليله عشق واشكر مرورك الرائع..

يحيى زكريا
26-09-2006, 07:03 PM
عفوا والشكر لك
بس انا ام محمد :hop:


هههههههههههههههههههههه

معلش استاذه ام محمد...

احمد ومحمد الاتنين واحد....

على اللى اتسموا على اسمه الف صلاه وسلام...

سمـاء
26-09-2006, 07:11 PM
أعتقد إن الوصفات دى هتكفى كل رمضان.. وبعد رمضان كمان...:good:

يسلم اللى وصف... ويسلم اللى كتب.....:y:

وكل سنة والجميع بخير

يحيى زكريا
26-09-2006, 07:17 PM
بسم الله الرحمن الرحيم
المبدع طبيخا وشعرا
أخي الكريم
أ. يحيى زكريا
كل عام وأنت بألف خير ورمضان كريم
اسمح لي أن اكلمك بالعامية في مطبخك العامر.
حقيقي إنت فعلا طباخ ماهر متنوع بارع ، وكمان كريم جدا لدرجة إنك تقريبا مخلتشي ولا أكلة إلا ذكرتها وده دليل كرمك وأصالة معدنك .
بس قول لي الواحد ياكل إيه ولا إيه ؟
ياخوفي لأغني الأغنية المشهورة : " الراجل ده حيجنني حيجنني ..." بس جنانك هنا أعقل جنان وخصوصا إنك مخليتش حاجة إلا وريق الواحد جري عليها.
إذا كنت قررت إنك تعزمنا كلنا في بيتك العامر فحييجي لك جيش مالوش أول ولا آخر ، استعد بقى يا بطل ، وزود المقادير ، يمكن يتسحؤوا عندك بعد العوزمة الحلوة دي ويشوفوا انت حتعمل لهم إيه في السحور .
ولا حتكتفي بالشعر اللي انت كتبته هنا براعة وكل واحد يصرف نفسه في سحوره ؟؟؟؟؟
بجد انت ممتع ورائع ، ولو ترضى انك تروح تفطر عند أي حد مقابل العومة الكبيرة دي لإاهلا بيك مش يوم واحد وبس ، لا باقي أيام رمضان بش بشرط إنك تجيب كل حاجة جديدة غير اللي قلته هنا ، أقصد إنك تكون جاهز للمطبخ اللي شكلك لو شرفتنا مش حتسبه إلا للصلاة .
تحياتي لك وتقديري.
وكل عام وأنت بألف خير


استاذى الغالى حسان الشناوى....

اشكر لك هذه الاحرف الرائعه والعبارات الرقيقه التى اتمنى ان اكون قد استحققتها

فعبارات حضرتك وكلامك الجميل جعلنى عاجزا عن ايجاد اى رد يرقى الى مستواها الكريم

فاعذرنى اخى ان خانتنى حروفى ولم توفك قدرك من التقدير والحب...

وانشاء الله البيت مفتوح للسحور كمان بس تعالوا وانا متاكد من كرم كل الاخوه والاصدقاء

ربنا يجعل بيوتكم دايما عامره بالخيرات فى رمضان وبعد رمضان وان يجعلكم الله من الذين

يكرمون ضيوفهم ويؤثرون على انفسهم ولو كان بهم خصاصه...

اشكرك استاذى حسان واشكر مرورك الرائع

يحيى زكريا
26-09-2006, 07:26 PM
دى وصفة سهلة

دى وسفة هايلة

لا بجد فعلا الوصفات جميلة جدا جدا ربنا يكرمك يارب
والأجمل منها حقيقى الشعر الموزون بالكيلو والسجع المتنقى تمام

فعلا امتعتنا يا أستاذ يحيى بالشعر والأكل مع بعض

الف شكر ليك وعلى تميزك الرائع


استاذتى قلب مصر...

الحمد لله انك وقفتى عند وصفه سهله ووصفه هايله...

كنت خايف فى الاخر تقوليلى

مع السلامه...

مع السلامه ...

مع السلامه يابو طبخه مايله...

واعرق بانى سقط فى الامتحان الطبيخى ومستقبلى ضاع...

انما الحمد لله اللجنه طلعت بنت حلال وربنا ستر...

اشكرك استاذتى قلب مصر واشكر مرورك الجميل..

يحيى زكريا
26-09-2006, 07:43 PM
استاذنا الهمام ... شاعر بنى خزام

الاستاذ " يحى زكريا "
تسلم ايدك والله بجد ... وتسلم افكارك

بس كدة يا استاذنا ماخلتناش حاجة ناكلها لبقية رمضان ..
عديت بينا على جميع الاصناف الشهية .. والمفترية
ومحسناش باى تخمة او تلعبكات معوية


من اعماق معاميق معدتنا ... نشكرك ..
ونتمنى لك مزيدا من التوفيق ...
مع الاكلات الشعرية..


وربنا يجعله عاامر ،،، :f:


استاذى شاعر الرومانسيه....

التلبكات المعويه...جت لك من الطريقه الجهنميه...اللى كنت بتاكل يبها الاصناف... من اول

المحشى لحد الخشاف...فقد رايتك وسط الزحمه..وانت بتهبر فى اللحمه...السفره كانت منك

بتلالى...وحتى الفيليه جه واشتكالى...وقاللى ده خلص علينا...وحيكمل على بقية اهالينا

استاذى شاعر الرومانسيه مداعبه بسيطه اوعى تزعل من اخوك يحيى زكريا...

حلوه حكايه شاعر بنى خزام دى يعنى يبقى اسمى يحيى الخزامى ؟؟لا يا عم يحيى زكريا اجدع

اشكرك اخى شاعر الرومانسيه واشكر مرورك الرائع....

يحيى زكريا
26-09-2006, 07:53 PM
ما شاء الله

ايه الحاجات الجميلة دى :good:

ده انا جيت على الريحة

تخيل بقى حضرتك

من جمالها جت هولندا :y:


بجد تسلم ايدك

استمتعت بالطريقة المطبوخه

على الاوزان الشعريه

جزاك الله كل الخير
وحضرتك ماتقلقش احنا معزومين بقيه الشهر مع مبدعينا الكرام :1:



استاذتى ام احمد

الله اكبر..

هى الريحه وصلت هولندا...

ربنا يستر واوربا كلها ماتشمش وتهجم علينا وتبقى الحرب الطبيخيه الاولى...

اشكرك جدا استاذتى ام احمد على حروفك الرقيقه ويارب اكون دايما عند حسن الظن

ورمضان كريم وربنا يعيده على الجميع بكل الخير يارب..

اشكرك استاذتى ان احمد واشكر مرورك لرائع...

osha
26-09-2006, 08:29 PM
هههههههههههههههههههههه

معلش استاذه ام محمد...

احمد ومحمد الاتنين واحد....

على اللى اتسموا على اسمه الف صلاه وسلام...
اللهم صلي وسلم وبارك على سيدنا محمد

أنفـــــال
26-09-2006, 08:52 PM
يحيى زكريا :)
سلمت يداك ألف مرة .. و لا خليهم ألفين :)
ألف عشان الافطار.. و ألف عشان الكلام الجميل..
مرحباً بك .. سعدت بتواجدك كثيراً.
:f2:

Amira
27-09-2006, 09:36 AM
أنا بحياتي ما أستمتعت بعزومة زي عزومة حضرتك يا أستاذ يحيي :d
بصراحة عزومة عامرة بالخيرات ، تسلم أيدك :f:
و شكر من الصميم علي أستقبالك الرائع لينا و كلامتك الجميلة الي تفتح النفس كمان و كمان :eat:
و كل عام و حضرتك و الأسرة طيبين و بخير :f2:
رمضان كريم :f:

يحيى زكريا
27-09-2006, 02:12 PM
يحيى زكريا :)
سلمت يداك ألف مرة .. و لا خليهم ألفين :)
ألف عشان الافطار.. و ألف عشان الكلام الجميل..
مرحباً بك .. سعدت بتواجدك كثيراً.
:f2:


استاذتى انفال...

اتنين مليون متشكر عشان حضرتك وعشان حروفك الجميله...

كل سنه وانتى طيبه استاذتى انفال ورمضان كريم..

اشكرك استاذتى واشكر مرورك الرائع..

يحيى زكريا
27-09-2006, 02:19 PM
أنا بحياتي ما أستمتعت بعزومة زي عزومة حضرتك يا أستاذ يحيي :d
بصراحة عزومة عامرة بالخيرات ، تسلم أيدك :f:
و شكر من الصميم علي أستقبالك الرائع لينا و كلامتك الجميلة الي تفتح النفس كمان و كمان :eat:
و كل عام و حضرتك و الأسرة طيبين و بخير :f2:
رمضان كريم :f:


استاذتى اميره..

الحمدلله ان العزومه عجبت حضرتك وبالف هناوشفا..

وطبعا انتم اصحاب البيت وانا تحت امركم دايما...

اشكرك استاذتى اميره وكل سنه وانتى طيبه ورمضان كريم ...

صفحات العمر
29-09-2006, 08:35 PM
اجوعكم ازاى يا جماعه..دنا فى المطبخ 24 ساعه...عشان اقدم لكم اكله هنيه..طريقه عمايلها

منى ليكم هديه..ودلوقت نبدا المقامه الطبيخيه فى الاكلات اللى هيه ...تقديم يحيى بن زكريا

انا حقدم لكم اليوم..فى تانى ايام شهر الصوم...محشى ورق عنب وبتنجان وكوسه...الاكله اللى

بتخللى الناس من حبها ملحوسه..ومعاها كشك الماظيه..اكلة الباشوات يا افنديه...وكمان فراخ

فيليه..من ام الكيلو باربعتاشر جنيه..وكمان سلاطه خضرا...كل مكوناتها ناضره...والحلو قمر

الدين...عشان عينيكو الحلوين..

الاول نبدأ باالمقادير اصلها ياحبايبى حتبقى كتير...كيلو ورق عنب..اخضر وطازه وعجب...كيلو

بتنجان... ابيض وشكله جنان...م الكوسه برضو كيلو..وياللا بقى شيلوا...نص كيلو بصل...من

غير زعل.. للتسبيكه والسلاطه يا عسل...زيت وقوطه وشبت وبقدونس..من عند الخضرى

الحاج يونس... كزبره وفيجيتار...اللى بخللى الفراخ حراقه نار....

ودلوقتى اقول لكم على الطريقه ...بطريقه سهله ودقيقه...ورق العنب تنضفوه...وبميه سخنه

تسلقوه...ونحط علي الورقه شويه رز ونلفها...وفى حله نضيفه نرصها...ونكون قورنا الكوسه

والبتنجان...عشان نحشيهم هم كمان...ونحطهم على البوتاجاز...ونسقيهم من شوربه الفراخ يا

عزاز ...ولما يستووا يا اصدقاء...نرصهم بشكل جميل فى الاطباق...ودلوقت نتكلم على الكشك

الماظيه...وطريقته سهله جدا اهيه..نجيب شويه رز مع شويه شوربه...ونقلبهم على النار حبه

حبه...ولما يستوى نحط الحليب...مع النشاء ويا التقليب...وبعدين نعمل تقليه ونخلليها تطش...

عشان نرشرها من فوق ع الوش...لما نحطه فى الصحون...بيبقى فتنه للعيون...ودلوقت نعمل

فراخ بانيه..افهمى يا هانم وافهم يا بيه...صدور الدجاج من الجلد نضفوها...وببصله حلوه

ادعكوها..وتدهنوها بيض وفيجيتار...ونكون محضرين الطاسه ع النار...فى الطاسه تحمروها...

ولما تتحمر تشيلوها...وترصوها فى سرفيس كبير...ومن تحتها تفرشوا جرجير...

ودلوقت نعمل السلاطه...اللى بتبقى على السفره اخر الاطه..الخس جاهز متحضر...سرفيسنا

بيه راح متخضر...من فوقه قطع الطماطم..لما تشوفها تروح قاطم..احمر أو أصفر يا جزرنا..

مع السلاطه لاجل نظرنا...وشرايح خضار لو حطيت...حترش عليهم حبة زيت..مع حبة خل ولا

لمونه...من فوق القوطه المجنونه....

ودلوقتى نعمل قمر الدين...نحللى بيه ويا الحلوين..نمقطع القمر الدين فى ميه ونغليه...ونحط

السكر والنشا ونقلب فيه...ولما يستوى نحطه فى اطباق صغيره...مستطيله أو مدوره...ونرش

على الوش مكسرات وزبيب...وما تنساش تهدى طبق للحبيب...

واكله هنيه ...فى رمضان بالبركه تكفى ميه..بس احنا نخلص عملنا لله...عشان الخير كله نلقاه

وكل سنه وانتم طيبين...يا كل الناس الحلوين...

رمضانٌ أقبَلَ إخوانى...
بالخيرِ يعُمُّ الاكوانِ....
فَلنسعَى فى كلِّ فلاحٍ...
كى نكسبَ حبِّ الرحمنِ..


اقبَلَ رمضانُ ابو الكَرَمِ...
يأتينا دوماً بالنعَمِ...
واليَومَ سَأعزِمَكُم عندى...
فى بَيتى الكَائِنَ بالهَرَمِ...


مائدَتى تَحلو برَمَضانِ...
بالأهلِ وكُلِّ الخِلاَّنِ...
إنطَلَقَ المدفَعُ فلنَصغَى...
ولنَأكُلُ من بَعدِ أذَانِ...


تَمرٌ مَنقوعٌ بحَليبِ...
سُنَتُنا أرساها حبيبِ...
سَنُسمٍّى ونُصَلى عَلَيهِ...
ياربى سميعٌ ومجيبِ...


اليومَ حَفَطركُمْ عِندى..
كى نأكُلُ كِشكاً مع دِندِى...
وحَمَاماً مَحْشُو بِفِريكٍ...
أرسَلهُ لى خالى بَشَندى...


أيضا مكرونه بَشَاميللى...
أعشِقُها وأكُلُها تَمَللى...
ع السُفرهْ تلَعْلَعْ يا خواتى...
وتخللى عقلى تَرَلَلِّى..


مَحشُوه بِلَحمٍ مَفرُومِ...
مَحطُوطِ بقَدْرٍ معلومِ..
بين طَبَقَاتِ المكرونه...
يَرقُدُ كَالدُرٍ المَننظُومِ...


والأُرزُ يا إخوانى مُعِمَّرْ...
إن مَرَّ أمَامى أتَسَمَّرْ...
مَحلاهُ على الوِشِّ القشطَهْ...
والقَعْرُ لذيذٌ وَ مُحَمَّرْ....


عَ السُفرهْ دقِّيَّةِ باميَهْ...
مِنْ صُنعِ قَرينَتُنا ساميهْ...
مطبوخه باللحمِ الضَّانى...
مخلوطَه بِقُرونٍ حَاميَهْ...


ذوقوا يا إخوَانى الملوخيهْ...
خَضراءُ على البطنِ طَرِيَّهْ...
مطبوخه على لحم أرَانب...
أه منها الأكله دا هيَّهْ...


والبطٍ على السُفره تَبَطْبَطْ...
بطٌ بَلَدِىٌ مِتزَغَّطْ...
إن كنتَ عَليلاً خُذْ وِرْكَاً...
تَشفَى فى الحالِ وتِتْنَطَطْ...


وَالوِزٌ يا مَحلاهُ الوِزُّ...
ذَكَّرَنى بِأيَّامِ العِزُّ...
مَشوِىٌ بالفُرنِ أَيا سادَهْ...
فى الأكلِ جَميلٌ ويَلِذُّ...


والمَحشِى مُحَبَّبُ للقَلبِ...
الكُوسَهْ مَعَ وَرَقِ العِنَبِ...
يَرقُدُ وَسَطَهُما بِتِنجانٌ...
أهوَاهُ المَحشِى بِلا سَبَبِ...


والسَّمَكُ المَشوِى مَعَ المَقْلِى...
مَا أحلَى الطَّعمِ مَعَ الشَّكلِ...
بُورِى مَعَ بُلطِى وَمُرجَانٌ...
أذهَلَنى وَأطَارَ العَقْلِ....


والحِلوُ أحبَّائى كُنَافَهْ...
مِن صُنعِ كَريمَتُنا لَطَافَهْ...
محشُوَّه بِبُندُقْ وَ بِلَوْزٍ...
سَتَقولوا عَنهَا دى خُرَافَهْ...


موجودٌ عَ السفرهْ قَطَايفْ...
كالشهدِ عَلى كُل شَفَايف...
نأكُلُهَا هَنِيئاً ومَريئاً...
من أى تَوَابِع مش خايف...


من بعد الأكل أحبائى...
شكرى لله ودعائى...
نتوضأ لنصلى المغرب..
من قبل قدومٍ لعشاءِ....


من أجل عزومه أحبائى...
قد بعتُ هدومى وأشيائى...
وسؤالى الان لحضراتكم...
من أين سأطعم ابنائى...


لا أملك بنكاً أو مصرفْ...
لا أعرفُ كيف سأتصرفْ...
من أجل عزومتكم ديَّهْ...
ماشى موش دارى وبخطرفْ...


فكرت فى حل يا إخواتى...
رح أجر ولادى ومراتى...
وأعسكر فى بيوت حضراتكم...
من بكره لرمضان الأتى....

















السلام عليكم ورحمةى الله وبركاته

الحبيب : ابا حسام

لم استغرب من هذا الكم الجميل من خفة الدم

فنحن كنا فى ضيافة احد الشعراء

الذى عرف بالروح الطيبه وخفة الدم الواضحه:good:

ناهيك عن الحضور الذى لا يمكن لاحد ان يضاههيه


كل عام وانت صديقى الذى احبه:f:

محمد سعيد

يحيى زكريا
29-09-2006, 11:26 PM
السلام عليكم ورحمةى الله وبركاته

الحبيب : ابا حسام

لم استغرب من هذا الكم الجميل من خفة الدم

فنحن كنا فى ضيافة احد الشعراء

الذى عرف بالروح الطيبه وخفة الدم الواضحه:good:

ناهيك عن الحضور الذى لا يمكن لاحد ان يضاههيه


كل عام وانت صديقى الذى احبه:f:

محمد سعيد



الغالى محمد سعيد...

كل سنه وانت طيب يا عمنا فينك وفين اراضيك...

لازم يعنى اعمل عزومه عشان اشوفك ....

الله يرحم الحاجه الوالده واكلها الرائع...

على فكره اخوك احمد اتصل بيا النهارده من بره والله فرحت جدا ربنا يرجعه بالسلامه

كل سنه وانت طيب يا محمد وسلامى لكل العيله ..

عصام علم الدين
01-10-2006, 11:07 AM
الأخ الحبيب يحيى زكريا
سلام الله عليكم ورحمته وبركاته

صحيح أنا جاي متأخر قوي على العزومه الجميله دي
بس واضح إن الأكل بسم الله ماشاء الله كان كتير وكمان المعازيم كانوا كتير
فكل سنه وأنت وهم بألف خير وسلام
وأعذرني لعدم تمكني من التواجد في الوقت المناسب

أخوك
عصام علم الدين

يحيى زكريا
01-10-2006, 03:07 PM
الأخ الحبيب يحيى زكريا
سلام الله عليكم ورحمته وبركاته

صحيح أنا جاي متأخر قوي على العزومه الجميله دي
بس واضح إن الأكل بسم الله ماشاء الله كان كتير وكمان المعازيم كانوا كتير
فكل سنه وأنت وهم بألف خير وسلام
وأعذرني لعدم تمكني من التواجد في الوقت المناسب

أخوك
عصام علم الدين



اخى الغالى عصام...

الحمدلله الاكل كان كتير بس كل الحبايب شطبوا عليه بس ولا يهمك والله اعمل لك عزومه تانيه

اكبر من دى كمان يا سلام هو احنا عندنا كام عصام علم الدين...

اخى الغالى عصام...

كل سنه وحضرتك طيب ورمضان كريم..

بنت مصر
06-10-2006, 01:24 PM
على فكرة أنا مش مفروض اقرا الموضوع دا قبل المدفع
لانه بيتعب البطن هههههههههههههههه

بصراحة الرجالة غلبوا الستات في المطبخ
وصفات هايلة واكلات روعة وحضور جميل جدا يا استاذ يحيي

كل عام وانت بكل خير


بسنت