المساعد الشخصي الرقمي

مشاهدة النسخة كاملة : شيطان مالوش لزمه بصحيح



ألساخر
19-09-2006, 01:13 AM
السلاموا عليكوا يا حلوين:2:

هاو ار يو :stpd:

طبعا اتمناكم بخير وصحه وعافيه

ـ امبارح وانا راجع من الشغل وش الفجر

قولت ادخل اصلى الفجر جماعه

ولو انى كنت عيااااااااان وتعبان وحالتى مش ولا بود

وبعدين يا سيدى انت وهيا فوجئت :eek:

ان الجامع ما شاء الله كله شباب بتصلى

طبعا مش هقولوكم اد ايه كنت فرحان جدا جدا .....

حلو لحد كده؟

حلو اوى

ــ النهارده بئه وانا راجع وبرضه من الشغل

ما كانش فى مواصلات فى الحته اللى انا فيها:'(

اوكيشن...اوكيه

المهم لاقيت توك توك :stpd: قولت حلو اوى اجربه

وركبت التوك توك *138*

طبعا هتسئلونى *=ايه البتاع ده

هقولوكم :518: وانا متضايق بس ما حدش يئول عليه بتاع

التوك توك ده يا اخونا شئ هايل .شئ روعه اختراع جميل*224*

تقدروا تقولوا كده انه صندوق ماشى على تلات رجول

او علشان تفهموا اكتر هو عباره عن وسيله نقل (صينيه كالعاده)

والحمد لله اصبح منتشر جدا فى انحاء الجمهوريه

وهو عباره عن:moped: فيسبا (حاجه كده شبه الموتوسيكل بس اصغر)

المهم هو فيسبا حطوها فى صندوق وركبولوه عجلتين ورا بدال واحده

(ولو مش فاهمين بئه دى مش مشكلتى بصراحه) :203:

من الاخر هو اخر بقايا السيارات وحفيد الاتوبيسات وبس ماشى؟

ماشى اوى وجميل وتمام

نرجع لموضوعنا<<<<<

وانا راكب التوك توك يا اخونا:56:

كان راكب جنبى شاب فى سنى تقريبا

وبعد ما التوك توك ما اتحرك بدقيقتين بس

اذن اذان العشا!!

ومره واحده لاقيت اللى جنبى بيصرخ:eek:

اوقف يا اسطى اوقف يا اسطااااااااا

طبعا انا قولت التوك توك هيولع:1:

او احتمال يكون فيه بمبه صغيره(بديل للقنبله يعنى)

(على اد حجمه) *157*

المهم السواق فرمل فرمله مفاجاه

وقبل ما يفتح بوئوه ويتكلم لاقيت الشاب اياه طلع الربع جنيه

واداهولوه وقالوه الحق الصلاه انا

(وسلاموا عليكوم وعليكوم السلام)

ساعتها بس رجعت شريط اربع خمس شهور ورا

وابتديت احسب المواقف دى بتحصل اد ايه؟

(يااااااااااه اد ايه فى شباب كتير ابتدت ترجع لربنا)

اد ايه جميل قوافل العائدين والعادئات

وهنا بس عقلى راح لحاجه تانيه خالص

هو الشيطان بئه بسلامته هيشتغل ايه بعد كده؟؟ :1:

ما اظنش طبعا انى ممكن اركب توك توك واسال السواق اسمك ايه

يقولى الشيطان والدلع شوشو *156*

فى اللحظه دى بس حسيت ان الشيطان ظلم نفسه ظلم بين كمان .

بصراحه صعبان عليا:'(

قولوا ليه يا عم كده

هقولوكوم يا اخونا

الشيطان دلوقتى مزنوق وما تفهموش غلط اوكيه....اوكيه

مش مزنوق الزنقه اللى فى بالكم

مزنوق يعنى الشيطان دلوقتى بين حدين

الحد الاول شوفناه مع بعض

(الناس بترجع لدينها)

هتقولولى طب ايه الحد التانى واخلص

هقولوكوا اهوه بس بالراحه :@

الحد الاول هو الناس اللى نفضتله تنفيض تمام واتجهت لربنا

اما بئه الحد التانى يا عينى

هما شويه الناس اللى مش مكفيها انها تنفضله و تتجه لربنا وبس

لأ دى كمان نازله فيه اشتغلات ليل ونهار:1:

لدرجه انه قرب يوسوس للناس وهو على كرسى بعجل

(هيتشل يعنى)

وده طبعآ من كتر الاشتغالات

..................

طبعا الشيطان ايام زمان ما كانش عامل حسابه

على الناس الفيرجن الجديد بتاع دلوقتى :eek:

ولا عمل حساب الشياطين اقصد(الاطفال)*143* بتاعه اليومين

واللى نازله فى اشتغالات على اخر الزمن*156*

وكل حركاته القرعه ولا واكله معاهم

ولا واخد معاهم ولا حق ولا باطل

فمثلا بعد ما يادن الادان تلاقيه ماسك العيل من دول

ونازل فيه وسوسه

(ولسه الوقت بدرى)

وطبعا الولد (ياخده على قد عقله)

ويقولوه بكل بساطه اه عندك حق

ويفرح شوشو ويبتسم ابتسامه النصر

وهوب تلاقى الواد مره واحده

ويوقولوا انت صدقت يا مان(ألشيطان يعنى )

ده انا كنت بشتغلك عليك واحد :1: *156*

ويقوم جرى على الصلاه

وطبعا الشيطان بقى منظره وحشششششششش

وساعات برضوه لما يكون شوشو ثاث اتنين

ويفضل يوسوس لهم وهما ولا هنا

وهو ياعينى عمال ياكل فى نفسه ويجيب اخره معاهم

وهما برضوه ولا هنا وعاملين يتكلموا فى امور الدنيا

والاخره وازاى يرجعوا الحق لاصحابه

(اخيييييييييييه شكله وحش اوى)

بس فجأه تلاقى واحد من الاتنين اياهم طلع افيه أبيح:eek:

فيجى سعادته وتدب فيه روح الامل ويفرح اوى

ويقعد يوسوس تانى

لكنه ما كانش عامل حسابه ان الاذان هياذن دلوقتى

(معلش بئه يا شوشو خيرها فى غيرها)

وفى الاخر تلاقيه يا عينى قاعد جنب الحيطه يؤ واء *161*

وعمال يسب وياخد فى سيئات ويقول اعمل ايه دلوقتى بس

ايه الناس دى.ما بيحسوش :'(

ويفضل يا عينى مستمر فى معاناته مع فيرجن البشر الجديد

واللى عمال يسمع منهم شويه كلام زى السم

مثال( ايه يا عم الافكار التعبانه دى) *156*

(دا انت قديم اوووووى)

(:eek: ايه يا عم الافكار البيئه دى)

(لا لا لا يا شوشو ده انت و خيالك قاصر جدا بصراحه)

(ايه يا عم ده . دا انت شيطان من العصر الحجرى صحيح)

والمصيبه الكبيره اللى داخل عليها العم شوشو

هيا شهر رمضان الكريم

يعنى ما عرفش يعمل حاجه طول السنه هيعمل ايه يعنى

انا لو مكانه بصراحه اشوفلى توك توك اشتغل عليه:1:


وكل سنه وانتوا طبيبين وبصحه وسلامه
,
,
,
ألساخر

pickyaaa
19-09-2006, 01:24 AM
و انت طيب يا حماده

حنين المصرية
19-09-2006, 02:06 PM
هههههههههههههههههههههه

موضوعك عسل

انت عرضت الموضوع بطريقم مضحكة ومسلية جدا

وطريقة الكلام عجبتني قوي خصوصا انها لايقة جدا علي اسمك ( الساخر)

تسلم ايديك

ولا تحرمنا من جديدك من المواضيع

stopp
19-09-2006, 04:28 PM
مشكووووووووووووووور

mr_virus
19-09-2006, 07:20 PM
الموضوع ذى العسل

ميمو المصرى
19-09-2006, 07:33 PM
وماله
وانتا طيب يا سيدى

بنت شهريار
21-09-2006, 03:32 PM
عسسسسسسسسسسسسسسسل
مش ممكن تسلم ايدك يا ساخر
سرد اكثر من رااااائع
اسلوب مميز ساخر جميل
الف الف الف مبروك انك ركبت التوك توك
ادعيلنا بس ننول الشرف ونركب الصندوق ابو تلات عجلات دا
ونيجى نبص نلاقى شوشو بيسوق ونضحك عليه ومندفعش
هههههههههههههههههه
ياعينى عليك يا شوشو وعلى اللى هايجرالك
بجد تسلم ايدك على الموضوع الجميل
ونتمنى زيادة الالتزام والتدين باذن الله
وفعلا ناس كتير اتجهت الى الطريق المستقيم وماشاء الله فى زيادة دايما
اللهم ثبتنا على ديننا وعلى الطريق المستقيم يارب العالمين
نورت منتدانا يا ساخر
ونتمنى وجودك دايما بينا
تقبل تحياتى وتقديرى

ألساخر
29-09-2006, 10:59 PM
:2:
حنين المصرية

الله يعسلك يا شيخه

شوفتى بقه عرضت الموضوع ازاى ...؟

ايه رأيك .:stpd:

مرسى حنين ومبسوط اوى انه عجبك

إللى بعده:1:


stopp

استوب انت يا عم

هو انا كاتب الموضوع ده كله وعامل حركات علشان تخش تقولى مشكور وتخرج

طب معفوء يا عم

هو مش مشكور = معفوء

على اساس شكرا والعفو يعنى

خخخخخخخخخخخخخخ بايخه ما حدش يضحك:stpd:

اللى وراه


mr_virus

وانت طيب يا حج وما نجلكش فى حاجه وحشه:h:


ميمو المصرى

مالوا ده..؟:stpd:

ماشى يا عم الله يطيبك وثانك يو على الياس دوت

واخيرآ


بنت شهريار

والله العظيم اول مره اعرف ان شهريار عملها

بينى وبينك على ايامى قتل شهرزاد فى الحلقه الاخيره

لكن بجد انا مبسوط انه عملها واتجوز واهلا بيكى

نخش فى موضوعنا

هو ايه ده اللى عسسسسسسسسسسسسل


انتى السين واقعه عندك مثلا وعاوزه توضحيها

هههههههههههههههاااااااااااااى

دى حلوه اضحكوا:good:


ادعيلنا بس ننول الشرف ونركب الصندوق ابو تلات عجلات دا

:eek: حاسس بنريقه هنا

وبعدين يا هانم التوكتوك ما يتقالش عليه دا

دا اختراع هايل رائع خطير:1:

شكرا ليكى بنت سنه يار وشكرا للجميع

يلا يا ستى سنه بحالها مش شهر واحد بس

علشان تظبطينى وتردى على كل مواضيعى هااااااااا

ثانك يو ايفرى بادى

وشكرا للرد الجميل والتواجد الرائع

تحياتى لكم اينما كنتم

amak_77
30-09-2006, 02:33 PM
مش عارف ليه انا حاسس ان انت مش عاجبك ولا رد من الردود حتى بنت شهريار كان احلا رد برضه لم يسلم من سخريتك
طب ارد اقول يعني
حلو اوي موضوع الشيطان ده هوه انت بقى تعرف واحد شيطان قالك الكلام ده كلة
بس واضح ان انت تعرف شيطان خايب اوي و بيقعد يعيط جنب الحيطان و العيال بتهزاة
و متعرفش الشياطين التانيه الي بتخلي الناس ما يصلوش ولا يصوموا و يسيبوا الفروض عشان التلفزيون و لا يصلوا حتى التراويح عشان المسلسلات
زي ما في الجانب المضئ الي انت جبته ده
للأسف في جانب مظلم يجب تنبيهه و تحذيرة
شكرا لك على العرض الرائع


Photo Gallery