المساعد الشخصي الرقمي

مشاهدة النسخة كاملة : ابتسم أنت في كلية الهندسة



حنين المصرية
17-09-2006, 05:30 AM
ابتسم انت فى كليه الهندسه!!!!!!!!!!!!!!!!!!!!!!! !

--------------------------------------------------------------------------------

ابتسم انت فى كلية الهندسه عندما تعلم ان لديك محاضرة الساعة 8 صباحا و جميع الكليات حولك تبدا محاضراتها الساعة 10 او 11 اذن انت فى كلية هندسة

عندما تستيقظ كل يوم و تعلم ان لديك حفنة من السكاشن و المحاضرات و غيرك بياخد 3 ايام اجازة فى الاسبوع غير الجمعة و العطلات الرسمية ابتسم انت فى كلية هندسة


عندما تنتظر كليه علوم إلى الساعه الثانيه عندما تنتهى من محاضراتها وتأخد أنت محاضراتك بها اذن انت فى كلية الحاسبات والمعلومات (ولسه كمان كليات تانيه بناخد فيها بس بلاش)


عندما تأخذ محاضرات فى كلية الطب وترزع المشوار ده على طول كل يوم اذن انت فى كلية الحاسبات والمعلومات

عندما تنتهى من محاضراتك كل يوم الساعه الثامنه مساءا وتكون هتموت من التعب وإنت خارج تقفل الكليه وراك اذن انت فى كلية الحاسبات

عندما لا يكون لك مبنى وباقى الكليات المبنه والثانى والثالث ومشرد بين الكليات وملكش نقابة اذن انت فى كلية الحاسبات والمعلومات



عندما تقول لسائق التاكسى كلية هندسة فينظر لك نظرة حاسد و حاقد ( على ايه يا حسرة ) ثم يو صلك مشوار الاتنين جنيه و يقولك عشرة ( طمعا فى المهندس الصغير ) ابتسم انت فى كلية هندسة

عندما تطلب احد اصدقائك فتجده نائم و انت لا ابتسم انت فى كلية هندسة
ا
عندما تدفع فى الدروس ما يساوى تمن جهاز عروسة ابتسم انت فى كلية هندسة


عندما تحسب بالجمع دون الطرح مدة تعليمك فتجدها تحقق المعادلات التالية:
مدة تعليمى الاجمالية = مدة التعليم الاساسى + التعليم الجامعى + التحابيش -------------- (1)
و علما بان التعلم الاساسى= التعليم الاساسى + التعليم الثانوى
اذن التعليم الاساسى = التعليم الابتدائى + التعليم الاعدادى + الثانوى -------------- (2)
و علما بان التعليم الجامعى = سنوات اكاديمى + سنة امتياز -------------- (3)
و علما بان التحابيش = دبلومة + ماجستير + دكتوراة -------------- (4)
و بالتعويض من 2 و 3 و 4 فى 1
اذن
مدة التعليم الاجمالى = الابتدائى+الاعدادى+الثانوى+اكا ديمى جامعى+الامتياز+دبلومة+ماجستير+ دكتوراة
مدة التعليم الجمالى = 6+3+3+6+1+2+4+4=29 سنة مع الشغل و النفاذ (بفرض عدم الدبلرة[^o)])
اذن
ابتسم انت فى كلية هندسة

مما سبق نستنتج انك سترى اللحظات التالية فى حياتك:
انت بتدرس و صاحبك اللى ف تجارة خلاص بيشتغل ابتسم انت فى كلية
هندسة

... انت فى الجيش و صاحبك بتاع اداب بيتجوز ابتسم انت فى كلية هندسة...

انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر برة يشتغل و رجع بعد طول غربة ابتسم انت فى كلية هندسة.

عندما تحضر كل السكاشن و تذاكر المحاضرات و تاكل الكتب و بعدين تجيب جيد نظرا لدكتور لجنة الشفوى ابتسم انت فى كلية هندسة

عندما يعاملك الدكاترة كانها بتنتقم منك ابتسم انت فى كلية هندسة.

عندما تجد كليتك و سط المصانع بما فيها من آسمنت و تراب و ارف ابتسم انت فى كلية هندسة.

عندما تجد كليتك معزولة عن باقى الكليات خوفا من انتقال الامراض الى طلبة الكليات الاخرى ابتسم انت فى كليةهندسة.

عندما لا تجد فى كليتك كافتريا عدلة ابتسم انت فى كلية هندسة.

عندما تكون حفلة الاستقبال فى الكليات الاخرى على انغام الموسيقى و انت فى حفلتك قاعد جوة المدرج سامع خطبة عريضة لعميد الكلية ابتسم انت فى كلية هندسة


عندما يصاب الشباب بالصلع فى سنة 3 و البنات بالتجاعيد ابتسم انت فى كلية هندسة
عندما تستيقظ كل يوم و تعلم ان لديك حفنة من السكاشن و المحاضرات و غيرك بياخد 3 ايام اجازة فى الاسبوع غير الجمعة و العطلات الرسمية ابتسم انت فى كليةالحاسبات

summar
17-09-2006, 05:47 AM
عندما تخرج صيفا وشتاء للكلية (محاضرات وتدريب صيفى.........انت فى كلية الهندسة)


شكرا ياحنين ياقمر

sameh atiya
17-09-2006, 06:36 AM
والله انا ما شايف مكانها هنا خالص

الموضوع ده بجد بقى وحش قوى قوى

وبالذات كليات الازهر يعنى انا كليتى مش عارف اقولكم ايه فى الصحرا فى اخر اسيوط

يعنى اقتل صاحبك وانت مطمن ما فيش حد هايسمعك

وكمان يا سيتى ما فيش كافتيريا مش انتوا بس

وكمان وانتى داخله من الباب الرئيسى علشان توصلى كليتك تمشيلك 3 او 4 كيلو

وانتى ماشيه بقى تلاقى واحد ماشى بحماره لاننا وسط زرع

واحد ماشى بجاموسه تصدقى بالله انا بخاف اروحها قاعد فى سوهاج احسن انا لغاية

دلوقتى ادينى ليا سنه فيها ما شفتش دكتور ليا


انا بذاكر هنا فى سوهاج ومش محتاج اروح البلد الزباله دى
الحمد الله
بس انا مش عارف انتوا مستحملين لييييييييه ده كله

وكمان يا ريت الموضوع ده يتنقل لانى ده مش مكانه بجد
شكرا يا حنين

زهــــراء
17-09-2006, 12:29 PM
ايه يا حنين دة انتي قرفانة بجد من الكلية....
دة انتوا زهقانين اوي ...خلوا املكوا بربنا كبير...
عالعموم كلها كم اسبوع واجرب بنفسي واجي اقولكوا...
ربنا يوفقكوا جميعا وتتخرجوا وتجيبوا امتياز وتبقوا اعظم مهندسين ودكاترة في العالم..

زهراء

بنت العروبة
17-09-2006, 12:39 PM
لالالالالا
شايفة يأس فى كلامك يا بشمهندسة
امال فين عزيمة الابطال
امال لو جيتى جامهة الازهر اللى فى القاهرة بلاش الاقاليم يا سامح علشان هم بيهتموا بالقاهرة اكتر
دة انتى هتشوفى بجد المناظر على حق
دة رحتها قبل كدة زيارة خلتنى ما ارحش النهاردة علشان اشوف شكل المبنى بتاع كليتى تصورى بقى
صحيح
اللى يشوف بلاوى الناس تهون علية بلوتة
ربنا يصبرنا جميعا

thereallove
17-09-2006, 02:14 PM
لما يكون كل الطلبه اللي في الكليات التانيه مشيين في اديهم الشيبسي والكانز وانت ماسك في ايدك المسطره والبرجل فابتسم فانت في كلية الهندسه

sameh atiya
17-09-2006, 02:47 PM
لما يكون كل الطلبه اللي في الكليات التانيه مشيين في اديهم الشيبسي والكانز وانت ماسك في ايدك المسطره والبرجل فابتسم فانت في كلية الهندسه
ههههههههههههههههههههههههههه
اهى دى اللى بجد اللى ضحكتنى
لا فى دى كتر خيرك:d

سـلـوى
17-09-2006, 02:53 PM
هههههههههههههههههه
ههههههههههههههههه
هههههههههههه
هههههه

دة انا فرحانة جدااااا
و مبتسمة جدا جدا
يا سلااااااااام :stpd: :stpd:

هو فية احلى من كليه هندسة
و اريح من كليه هندسة

هههههههههههه

و اما تكون هندسة المنصورة
بالدكاترة الطيبين
اللى بيعزوا الطلبه
و مش بيحبوا يعقدوهم ابدا
ابدا

اهئ اهئ عااااااااع
قلبتى المواجع

ربنا يستر و نقدر نحافظ على
اللى باقى من عقلنا
على ما نتخرج
هههههههههه


موضوع عسل اوى
ربنا يسعدك

mohamednabil555
17-09-2006, 04:04 PM
ههههههههههههههه
الحمد لله ادبي

stopp
18-09-2006, 08:02 AM
ولما تروح الكلية ثانى يوم دراسة فى معاد اول محاضرة رسم ويقولك الدكتور روح البيت هات المسطرة و حاجات الرسم علشان هترسموا دلوقتى
اذن ابتسم انت فى كلية الهلوسة
ولما يكون عندك محاضرة الساعة 2.5 ويجيلك الدكتور "او ما يجيش" الساعة 4.25 ويديلك المحاضرة ويقعدك للساعة 6.5 و يديلك امتحان ويقعدك ساعتين كمان
اذن ابتسم انت فى كلية الهلوسة

"انا فى اولى ميكانيكا هندسة طنطا "
مشكوره يا حنين على الموضوع

حنين المصرية
18-09-2006, 08:34 AM
شكرا لمروركم أصدقائي

mido elmasry
18-09-2006, 10:07 AM
لما تلاقى الطلبة بيجلهم هبووووووط حاد فى الدورة الدمويه من الاجهاد (خاصة البنات)

لما تلاقى معمل الكيمياء فى مواد خطر (غاز البروم المسرطن والسلفوريك الكاوى والصوديوم القنبله الصغيره و H2S افففففففففففف)

لما تخرج من الكليه تلاقى ابواب الجامعه اتقفلت والباب الرئيسى بس اللى مفتوح تقول هنام فى الكليه النهارده احسن وتعرف ان كان فيه مظاهرات فى الجامعه بس انتوا كنتوا نايمين جوه

لما تكون بتشرح الضفدعه وتلاقى حاجه غريبة فى جهازها العصبى وتقول للدكتور ايه ده يا دكتور يقولك ديه خلايا سرطانيه اوعى تكون لمستها!! لمستها ههههههههه

لما تقعد تبص فى ميكروسكوبات لحد ميجيلك شد فى عضلات وشك ههههههههه

لما تروح اول يوم الكليه وتلاقى كل الناس اللى حوليك دبلرز (بس انا نجحت الحمد لله)


اذن انت فى كلية علوووووووووووووم

حنين المصرية
18-09-2006, 10:21 AM
شكرا لمروركم

ضابط شرطة
18-09-2006, 06:53 PM
طيب اشطه أوي *39*

كده ظبطت 3 طلبة هندسة "او مشروع مهندسين" *118*

بيتمردوا على نظام الحكم عفوا نظام التعليم *143* *106*

اللي هاعمله هاطبع الصفحة كاملة و اشوف البيانات لجميع المتهمين *119*

و ارووووووووح جري على عميد كليتكم :56: :m19:


يا عمييييييييييييييييييد :m:

هههههههههههههههههههههههه

وبعدين كل الحكاية 100 متر و ابقى ف قلب مكتبه

يللا اشوفكم عند الحرس بقى ;)

وما نجيلكمش ف هندسة *118*


طالب تجارة :evil:

n3na3aah
18-09-2006, 07:23 PM
:hop: ههههههههههههههههه ولله ضحكتوني طيب الحمد لله اني كنت في كليه تجاره و خلصنا منها بقي خلاص و حاليا في تعداد العاطلين هههههههه

ضابط شرطة
21-09-2006, 12:57 PM
شكلهم ما صدقوا الموضوع رجع لورا :d

بس جاري عمل اللازم برضه :p


Photo Gallery