المساعد الشخصي الرقمي

مشاهدة النسخة كاملة : ايه .بتقول ايه مش سامعه



حنين المصرية
13-09-2006, 05:33 PM
حوار بين اتنين سمعهم تقيييييييل

--------------------------------------------------------------------------------

اثنين سمعهم ثقيل جداً واقفين على محطة الاتوبيس ودار بينهم الحوار التالي:::::----






الأول : الاتوبيس ده بيروح مــصر الجديدة؟

الثاني : على الحديدة !!... ليه انتطالب احسان ؟

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لاوالله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب
ههههههههههههههههههههههههه

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟ هههههههههههههههه

الأول : عاوزاسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت .!؟

الثاني : لاوالله ..مامعييش.. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني : يقبضوا عليا !! ليه !؟

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي...

الثاني : أنتاج محلي !!!! ده مستوردههههههههههههههههههه

يمر شاويش ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة
هههههههههههههههههههههههههههه

mr_virus
13-09-2006, 05:50 PM
للاسف الموضوع مكرر
هناhttp://www.egyptsons.com/misr/showthread.php?t=59859
وهنا http://www.egyptsons.com/misr/showthread.php?t=7726&highlight=%E3%D4+%E1%E3%C7+% C7%E1%C3%E6%E1+%ED%CA%CC%E6%D2%E4%EC+%E6%C8%DA%CF% ED%E4+%ED%CA%DF%E1%E3+%C8%C7%E1%D8%E1%C7%DE
معلش المرة الجاية تكون احسن

ahmed_salamaa
13-09-2006, 06:00 PM
جميله جداااااااااااااا
شكرا حنين