المساعد الشخصي الرقمي

مشاهدة النسخة كاملة : نموذج طبيعي للحياة الزوجية



حنين المصرية
12-09-2006, 02:25 PM
مقتطفات من حياة زوجين.......................

--------------------------------------------------------------------------------

اول يوم فى الحياة الزوجية.... الصبحية
الزوجة:صباح الخير يا حبيبى
الزوج:صباح الخير يا حياتى
الزوجة:ثوانى احضر الفطار
الزوج:استنى يا حياتى خدينى معاكى اساعدك
وبعد ما جهز الزوج اغلب انواع الفطار وكان عيش فاخر كرواسون وجبن وعصائر وفاكهة
ثم بدا الحديث عن الجواز......يا ليلة سودة
الواحد حاسس كانة فى الجنة وما لذ وطاب وست الحسن والجمال
الزوجة : مكسوفة : انت اجمل زوج فى الدنيا
الزوج:ربنا يخليكى ليا واسعدك طول العمر


بعد ست شهور من الجواز............تيرارارارارا ر متتعشموش اوى لسة هنشوف حصل اية
الزوجة:صباح الخير
الزوج: صباح الخير
الزوجة:دقايق الفطار يكون جاهز
الزوج:متتاخريش عندى شغل
بعد الفطار ما خلص وكان عيش ومربى وجبنة وشاى
الزوجة بتتكلم دلوقتى:ما تتاخرش عشان رايحة لماما
الزوج:هية مش كانت عندنا امبارح
الزوجة : قصدك اية؟ مش عايزنى اشوف ماما
الزوج: لا طبعا
الزوجة: بتقول اية!!!

الزوج بسرعة عاوز يلحق نفسة لا يا حبيبتى نفسى اشوفها كل يوم بس عشان متقلش بنردلها العزومة
الزوجة: ماما تفكيرها مش عبيط زيك
الزوج: عبيط؟ ربنا يكرمك ويديكى على قد نية امك
الزوجة: انت بتغلط فى ماما طيب...
الاطباق اتكسرت والصينى والكوبيات


وبعد سنة من الجواز.............انا هعيط كدة اعذروا اختكوا بقة صعبوا عليا

الزوج: بيصحى زوجتة اصحى ...:'( :'( اصحى اصحى انتى نومك تقيل لية كدة

الزوجة بدات تفوق من النوم عايز اية.............
الزوج:قومى حضرى الفطار انا اتاخرت
الزوجة:ما تفطر فى الشغل ولا انت لازم تقلقنى كدة
الزوج: انتى عارفة مبحبش اكل برة

الزوجة:اتعود يخويا
وبعد المحاولات قامت حضرت الفطار وكانت عيش وفول

الزوجة: قبل متنزل تسيب فلوس
الزوج:علشان اية انت مش بتاخدى فلوس كل اسبوع والنهاردة الاتنين لسة
الزوجة:اصلى امبارح اشتريت فستان وشنطة وعديت على الكوافير

الزوج:يعنى اية الكلام دة
الزوجة: يعنى تسيب فلوس
الزوج:انتى معندكيش دم ما بتحسيش بالمسؤلية
الزوجة:مش عايزة اغلط فيك احترم نفسك احسن.............
الزوج:حرام عليكى انا بلعن اليوم اللى شفت وشك فية
الزوجة: يعنى انت اللى وشك قمر 14 ياريتنى سمعت كلام ماما واتجوزت بن خالتى
الزوج:.............
الزوجة:
...............
والنتهى المطاف عند الماذون.................

انا خفت بصراحة ربنا ميحكمش علينا يارب
ههههههههههههههه

mr_virus
13-09-2006, 07:42 AM
بس مش كلهم كدة
حلوة..............

زهــــراء
13-09-2006, 03:33 PM
حلوة ياحنين
بس مش كل صوابعك زي بعضها
تسلم ايدك


Photo Gallery