المساعد الشخصي الرقمي

مشاهدة النسخة كاملة : من الذي حرض أميرة علي ارتكاب هذه الجريمة؟ من الأهرام.. موضوع هام ونرجو المشاركة



bido
08-09-2006, 08:10 PM
يا جماعة ده مقالة من الأهرام بتاع الجمعة بتاريخ اليوم ومن صفحات الرياضة للكاتب محمد سيف الدين تحت بابه الأسبوعي "لحظة من فضلك"
المهم نخش في التفاصيل وشوفو بيقول ايه على حال البلد المايل

*‏ هذه الواقعة لا أعرف لمن أهديها؟
أميرة حسن زكريا‏..‏ فتاة تبلغ من العمر‏16‏ عاما‏,‏ وتلعب كرة يد بنادي سموحة بالإسكندرية‏..‏ أميرة صعب عليها حال كرة اليد النسائية‏,‏ وعدم وجود منتخب آنسات مصري في كرة اليد يمثل مصر في المحافل الدولية مثل باقي الدول العربية والأفريقية‏,‏ في الوقت الذي تعتبر مصر رائدة في الرياضة عامة وكرة اليد خاصة‏,‏ كما أن رئيس الاتحاد الدولي لكرة اليد مصري‏!..‏ أميرة فكرت في أن تؤدي دورها كفتاة وكلاعبة كرة يد في ضرورة الاهتمام بكرة اليد النسائية بشكل أفضل‏..‏ وقررت أن تفعل شيئا‏,‏ أي شيء‏,‏ المهم أن تتحرك‏..‏ ولم تجد أمامها سوي أن ترسل خطابا بهذا المعني إلي السيدة الفاضلة سوزان مبارك حرم رئيس الجمهورية من منطلق أنها تحتضن وترعي وتدعم كل قضايا وهموم المرأة في كل المراحل العمرية وعلي كل الأصعدة والمستويات‏..‏ وأرسلت خطابا مماثلا للمهندس حسن صقر باعتباره المسئول الأول عن الرياضة‏!..‏ بس‏..‏ لم تفعل أميرة أكثر من ذلك‏!..‏ لم تقم بمظاهرة‏..‏ لم تحرض زميلاتها علي الاعتصام‏..‏ لم تنضم إلي حركات‏'‏ كفاية وحرام وبلاش و‏..'!‏

ماذا كانت النتيجة؟
ذهب إليها اثنتان من سيدات مديرية الشباب والرياضة بالإسكندرية‏,‏ وقامتا بالتحقيق معها في مكتب مدير عام نادي سموحة‏..‏ وهات يا أسئلة‏!‏

هل كانت الأسئلة خاصة بمشكلات كرة اليد‏..‏ وماذا ينقصها‏..‏ وما هي مقترحات الفتاة لحلها؟
بالطبع لا‏!..‏ أمال إيه؟
أسئلة تذكرك بمراكز القوي في الأفلام المصرية‏..‏ من وراءك؟‏..‏ من الشخص الذي نصحك بالكتابة إلي السيدة سوزان مبارك؟‏..‏ لماذا اخترت السيدة سوزان مبارك لترسلي لها هذا الخطاب؟‏..‏ من الذي كتب لك صيغة الخطاب؟‏..‏ كيف أرسلت الخطاب؟
اندهشت أميرة من هذه الأسئلة ونوعيتها وسببها‏..‏ وقالت ردا علي كل الأسئلة‏:‏ إنها طالبة بالثانوية العامة وفي مدرسة لغات‏,‏ وبالتالي ليس غريبا أن تكون هي صاحبة الفكرة‏,‏ وهي التي صاغت الخطاب ووضعته في مظروف بريد وأرسلته بالبريد العادي‏!‏
وفي النهاية‏..‏ طلبتا منها أن توقع علي أقوالها‏!‏
ومضت‏'‏ ريا وسكينة‏'‏ وبقيت أنا في حيرة‏..‏أسأل عن جريمة أميرة‏!‏

bido
08-09-2006, 08:34 PM
شوفو ماما سوزان اللي بتقولو عليها سيدة مصر الأولى وهي لا سيدة ولا حاجة
ده بتعمل اللي عليها في التليفزيون بس وتعمل أشكال ومنظر وو وو و و
وهي أصلا ملهاش أي لازمة في البلد ولا عملت حاجة أصلا

تيتو الاسكندرية
08-09-2006, 09:22 PM
اولا الموضوع جميل ودي اقل حاجه موجوده عندنا في مصر

يا ريتها تيجي علي قد الحاجه سوزان وخلاص ده عسكري المرور
بقي ليه شخصيه دلوقتي واحنا مالناش اي قيمه

وقال ايه احنا بلد ديموقراطيه وحريه....... ههههههههههه

دي اميره ما عملتش حاجه وعملو معاها كده ... امال ياعيني لو

عملت حاجه كانو حايعملو فيها ايه

sameh atiya
08-09-2006, 09:37 PM
طيب يعنى هما ما عرفوش مين اللى ورا الموضوع ده
ليه يعنى هو التخلف وصل فينا لدرجة
اننا ما نعرفشى نكتب رساله ونحطها فى ظرف ونبعتها فى البريد
وبعدين يعنى ايه هايكون محتواها مش معقول يكون كاتبالها انها لو معملتش فريق يد للسيدات هاتدمر منزل الرياسه كله او هاتقتلها اكيد طبعا مش هاتقول على اسمها

طيب لما الرساله ما فيهاش ده كله
اومال زعلانه ليه ماما سوزان وباعته اتنين من اياهم
ولا هما متغاظين انها تعدتهم وارسلتها مباشرة لماما سوزان مش عارف انا فى حيره بجد
طيب ماما سوزان ليه بتدوشنا دايما بانها بتدافع عن المراه والكلام ده ما تسكت احسن
مش عارف انا برضوا فى حيره من امرى

بنت العروبة
08-09-2006, 09:45 PM
براحة شوية يا بيدو على نفسك انت كدة هتتاخد تحرى و انت لسة صغير يا ابنى على البهدلة
و بعدين انت جاى على الهينة و تتكلم يعنى سايب البلاوى التقيلة و ماسك فى الهوا
على فكرة انا اتخضيت من اسم الموضوع و لما قرأتة اتخضيت اكتر اصلى اسمى اميرة و كنت بالعب كورة يد بس حولت سلة
بس بصراحة اميرة دى اجدع منى بكتير بس على نيتها
ماتعرفش ان البلد دى ماشية كوسة فى كل مكان و كل حاجة
و سألنى انا !!
شكلك كدة هتتاخد امن دولة قريب بس ماتخفش هتلاقينى معاك اهو نونس بعض الوحدة و حشة برضو
بس خليك ذكى خالى مشاركاتك فى القاعات التنية اكتر علشان تقدر تقول ان ردك هنا كان مجرد صدفة و ما هى الحياة غير مجرد صدف و عجبى

x knight
09-09-2006, 03:16 AM
جريمتها بِكُل بساطه أنها بدأت بالتفكير .. وياليتها إقتصرت على ذلك .. ولكنها بدأت أيضاً بالإنتقال الى مرحلة الفعل .
أي أنها فعلت ما لم يحاول فعله أكثر من 2 مليون شاب مصري .. كلام كلام كلام .. فقط كلام .. كلام في المظاهرات .. كلام على المقهى .. وكلام على المنتديات - مع كامل إحترامي لكم - ورغم أهمية كلماتنا إلا أنها ستظل مُجرد كلمات .. لَن تُدرئ الظُلم الواقع علينا مِن أي جهه حكوميه .. كأننا إنتقلنا ثانيةً إلى عصر المماليك .. ولَم نعد أكثر من ذلك ..
حقاً أنا لا أرى - رغم أن رؤيتي لا تهم غيري - أي فارق بين حالنا .. وحال العبيد والمماليك ..

جريمتك يا أميره ربما كونك عربيه .. في زمن إحتضار القوميه ..
كامل شُكري وإحترامي لِكلماتكم .. وآرائكم ..

بنت العروبة
09-09-2006, 01:52 PM
حنا يا اخ x knight مش بنتكلم على الفاضى
قبل الثورة كان فى كلام كتير اتقال مش معنى كدة ان فى ثورة جديدة هتقوم بس ما فيش فعل كدة او تصرف كبير بيحصل بين يوم و ليلة لازم يكون فية اسباب و احداث و بعدين نتائج
اهدى شوية لسة البلد ما اضربتش بالرصاص
و الاحتمال دة على فكرة مش بعيد لو كان احتمال ان البلد ما تضربش 50 %فأحتمال البلد تضرب 50 %
ما تستعجلش على الافعال
لما دة يحصل ابقى تعالى قولى انت ناوى تعمل اية لو مش عارف تعالى اقولك تعمل اية يا ابن مصر المحروسة
الموضوع مش مجرد حماس السياسة لعبة اكبر من ان واحد يلعبها لوحدة دى محتاجة مهارة غير عادية اصل السياسة دى حاجة بتيقى فى الدم ماتعرفش كدة انت فهمتها ازاى و اية اللى بيخليك تفكر فيها حاجة مالناش يد فيها
و الاهم الاتحاد الاتحاد يا ولدى
اوعى تخاف على البلد دى البلد دى مليانة رجالةبس بيظهروا بس و قت الشدة
لو ما ظهروش ماتخفش انا موجودة انا بميت راجل يا ابنى
احتمال تلاقينى الجيش و القائد لو كمان العدو ما فيش مانع
هههههههههههههههههه
ليبقى الهدوء سمتنا حتى يحين الوقت كى نعبر عما بداخلنا
اختكم ميمو

ابن طيبة
09-09-2006, 02:07 PM
الاخ الحبيب بيدو مشكلة اميرة انها اميرة طيبة يعني فكرت لما تبعت جواب هيحصل معاها زي ما حصل مع بتاعة موضوع التعبير و ماما سوزان هتبعت لها وفد تكريم كما فعل الريس
عموما مستنيين رد ماما سوزان عشان ماحدش يقول علينا متسرعين
شكرا بيدو

x knight
09-09-2006, 02:10 PM
ياست " ميمو " هانم أعذري لهجتي العصبيه فهي تفلت مني رغم عن أنفي كلما شعرت بالعجز .. وتخيلي معي أنني مُنذ شببت رجلاً وأنا لم يُفارقني ذلك الشعور لحظه واحده .. الثوره ليست بعيده كما تتخيلين ياعزيزتي .. الثوره ترينها صوب عينيك كُل دقيقه تمشي على قدمين .. نحن ثوره ظلت مكبوته كثيراً .. كثيراً جداً يا أختي الفاضله .. ولم تعد هُناك كلمات ولا " حوارات " تستطيع إحتوائها ولن تظل أساليب القمع والإرهاب المُقنن تحمل نفس الرهبه .. ليس طويلاً ..

ودعوتك الخياليه لَن تختلف كثيراً عن الواقع .. كما لَم تختلف قديماً .. ولن ننسى أن " نساء " بور سعيد كُن يسطادن رجال المظلات الفرنسيه الانجليزيه بِـ " غُطيان الحلل " ..

أطيب عبارات الشُكر لِطيبة قلبك صغيرتي ..

sea_wolf
09-09-2006, 02:22 PM
انت تكذب فذلك مسموح
ولكن ان يصدق الاخرين كذبك فذلك غير مسموح

فعلينا ان نسمع ولا نتكلم او نفعل اى شئ نصدق به هذة الكذبة

بنت العروبة
09-09-2006, 03:47 PM
قلت فى الاول ست و بعدين هانم و بعدين صغيرتى اية اللغبطة دة بقى ما علينا
يا x knight انا مش متضايقة ولا حاجة من اسلوبك
بس كنت عايزة اقولك انك مش لوحدك الى حاسس الاحساس دة
لو انت عايز تحارب النهاردة انا نفسى احارب من سنين
الصبر مفتاح الفرج اقولها لك ثانية ليس بلسان الضعف و لكن بلسان الحكمة
ان كانت سنوات عمرى صغيرة لكن قلبى و عقلى كبيرين اعى كل ما يحدث على الساحة السياسية بكل بساطة
السياسة مش حاجة بتتعلم السياسة شىء مغروز جو بعض الناس
ايها الفارس النبيل لتجمع جماح نفسك حتى يحين الوقت و هو ليس بعيد كماقلت و لكن استعد فقط
مثلى الاعلى خالد بن الوليد
اتمنى ان اكون مثلة و اموت شهيدة و اتمنى الشهادة قريبا كى لا تطول سنوات عمرى
فانا لا اريد سوى ان اقاتل و اشتشهد اذا اصبح لى دور بعد ذلك سأقوم بيةحتى يحينة و قت الرحيل
لتكن اقوالك فانية و ليكن شعورك فانى و لكن لكى لا يبقى فعلك فانى لتكن حكيما قدر المستطاع و لتكن صبور
لا تفقد شعاع الامل اذا انتفأ مصباحك فلتضيأة ثانية
ابتسم ابتسام كلمة اولها اب و اخرها ام
تحياتى للجميع و عذرنا للأطالة


ياريت يا x knight تقولنا اسم نناديك بية

اختكم ميمو
مش هانم و لاحاجة يعنى
ههههههههههه

monmon_aso1982
09-09-2006, 09:38 PM
اخى بيدو
هما كلمتين اللى هاقولهم
عيب نشتكى هوا احنا نكرين الجميل ليه كدا
وعيب نقول احنا عايزين هما اللى يتكرموا علينا ويعطونا
وعيب نبعت جواب لماما سوزان هيه فاضيه يعنى دى وراها
هم متلتل عيب قوى اللى بيحصل ده
خلينا ماشبن جنب الحيط لحد ماتزهق مننا وتوقع علينا
اشكرك على الموضوع الجميل

بنت العروبة
09-09-2006, 11:11 PM
اية يا مون مون اليأس دة
و بعدين هو بيدو كتب الموضوع و جرى و لااية
ولا يكونوا خدوة انا حزرتة من الاول هو مش بيسمع الكلام
و واضح ان x knight اتاخد معاة ربنا يسر علينا بقى
انا النهاردة خبط كتير فى المواضيع السياسية ربنا يسهل بقى

تيتو الاسكندرية
10-09-2006, 12:08 AM
والله يا بنت العروبه انا خايف انتي اللي تروحي في داهيه

بلاش الكلام اللي انتي بتقوليه ده

احسن بيدو يبلغ عنك

بنت العروبة
10-09-2006, 12:11 AM
يا تيتو تفتكر ان بيدو عملنا دة فخ يعنى
بس ما اعتقدش دة طيب خالص بيتهيقلى يعنى بس هو اصلا يظهر
و يرد علينا

bido
10-09-2006, 09:53 AM
حنا يا اخ x knight مش بنتكلم على الفاضى
قبل الثورة كان فى كلام كتير اتقال مش معنى كدة ان فى ثورة جديدة هتقوم بس ما فيش فعل كدة او تصرف كبير بيحصل بين يوم و ليلة لازم يكون فية اسباب و احداث و بعدين نتائج
اهدى شوية لسة البلد ما اضربتش بالرصاص
و الاحتمال دة على فكرة مش بعيد لو كان احتمال ان البلد ما تضربش 50 %فأحتمال البلد تضرب 50 %
ما تستعجلش على الافعال
لما دة يحصل ابقى تعالى قولى انت ناوى تعمل اية لو مش عارف تعالى اقولك تعمل اية يا ابن مصر المحروسة
الموضوع مش مجرد حماس السياسة لعبة اكبر من ان واحد يلعبها لوحدة دى محتاجة مهارة غير عادية اصل السياسة دى حاجة بتيقى فى الدم ماتعرفش كدة انت فهمتها ازاى و اية اللى بيخليك تفكر فيها حاجة مالناش يد فيها
و الاهم الاتحاد الاتحاد يا ولدى
اوعى تخاف على البلد دى البلد دى مليانة رجالةبس بيظهروا بس و قت الشدة
لو ما ظهروش ماتخفش انا موجودة انا بميت راجل يا ابنى
احتمال تلاقينى الجيش و القائد لو كمان العدو ما فيش مانع
هههههههههههههههههه
ليبقى الهدوء سمتنا حتى يحين الوقت كى نعبر عما بداخلنا
اختكم ميمو


هههههههههههههههههههه:good:
والله أنا مش فارقة معايا أنا أصلاً بشوف مواضيع كثيرة.. وبصراحة أنا مش خايف منهم خالص طالما أنا عندي حق.. هههههه
سبحان الله.. البلد ماشية بالمقلوب زي ما يكون الحمار هو اللي ماسك البلد والكلب رئيس الوزراء والبشر هو الذين يتم فيهم التجارب عليهم

bido
10-09-2006, 09:56 AM
بجد بجد بجد أنا لو لقيت أي فرصة برة هاهرب علطوللللللللل من غير تفكييييير :):):):)

زهــــراء
10-09-2006, 01:20 PM
ايه الموضوع الجميل دة
لالالالالابس اميرة هي الغلطانة ازاي تعمل كدة ملهاش حق
هي السيدة الاولى بتبقى فاضية لحاجة دي ياعيني ما بتنامش الليل وهي بتحلم بمستقبل البلد وازاي تطوره والله مسكينة الاميرة دي وكمان انا شايفة ان بيدو وبنت العروبة راحوا فيها همة التانيين ربنا يعينكوا بس على فكرة مش بس مامتكم بتعمل كدة دي مامتنا كانت بتعمل اكتر من كدة واهو ربنا طيرها ربنا يسهل ويطير اللي عندكوا كمان اصلي مخنوقة منها اوي
لو حد سالكوا عني انا متولدتش اصلا اوك يلا سلام

x knight
10-09-2006, 08:55 PM
قلت فى الاول ست و بعدين هانم و بعدين صغيرتى اية اللغبطة دة بقى ما علينا
يا x knight انا مش متضايقة ولا حاجة من اسلوبك
بس كنت عايزة اقولك انك مش لوحدك الى حاسس الاحساس دة
لو انت عايز تحارب النهاردة انا نفسى احارب من سنين
الصبر مفتاح الفرج اقولها لك ثانية ليس بلسان الضعف و لكن بلسان الحكمة
ان كانت سنوات عمرى صغيرة لكن قلبى و عقلى كبيرين اعى كل ما يحدث على الساحة السياسية بكل بساطة
السياسة مش حاجة بتتعلم السياسة شىء مغروز جو بعض الناس
ايها الفارس النبيل لتجمع جماح نفسك حتى يحين الوقت و هو ليس بعيد كماقلت و لكن استعد فقط
مثلى الاعلى خالد بن الوليد
اتمنى ان اكون مثلة و اموت شهيدة و اتمنى الشهادة قريبا كى لا تطول سنوات عمرى
فانا لا اريد سوى ان اقاتل و اشتشهد اذا اصبح لى دور بعد ذلك سأقوم بيةحتى يحينة و قت الرحيل
لتكن اقوالك فانية و ليكن شعورك فانى و لكن لكى لا يبقى فعلك فانى لتكن حكيما قدر المستطاع و لتكن صبور
لا تفقد شعاع الامل اذا انتفأ مصباحك فلتضيأة ثانية
ابتسم ابتسام كلمة اولها اب و اخرها ام
تحياتى للجميع و عذرنا للأطالة


ياريت يا x knight تقولنا اسم نناديك بية

اختكم ميمو
مش هانم و لاحاجة يعنى
ههههههههههه


أختي العزيزه ميمو ..

لَن أختلف معكِ في أن كلماتُكِ تمتلئ حكمه .. صدقاًَ ..
ولكن ألا ترين أن التصرف بِحكمه وسط جنون غابات الجحيم التي نعيشها شئ بعيد عن الحكمه .. ورغم ذلك لا نملك إلا التصرف بِها - أى بِحكمه - أو ما نسميه بالحكمه ...
ياعزيزتي نحن نتصرف بِكُل ما نسميه " حكمه .. وتروى وتعقل " رغماً عنا .. لِأننا لا نستطيع إلا ذلك .. لا نملك إلا الصمت على أمل حدوث مُعجزة ما .. وإذا حاولنا .. مُجرد مُحاوله للِإصلاح .. حتى ولو بِطريق غير مُباشره - كما فعلت " اميره " - نجد أننا قد تخطينا خطاً أحمر دام و نستحق عليه ما يفعلون ..
ياعزيزتي أنا لستُ مجنون .. أو إعتبريني كذلك ولكن فلتصدقي أنني فقط .. مُحب يعجز عَن حماية حبيبة ..
وربما أكون مُجرد " كلمنجي " آخر ..

مصطفى ..

بنت العروبة
10-09-2006, 09:06 PM
لا يا مصطفى انت مش كلمنجى ولا مجنون
بس انا بحاول زرع الامل فى النفوس بدل اليأس اللى ملا الكون
انا زيك حاسة بخنقة و ضيق بس انت قلت اللى فيها ما باليد حيلة
بس هنضعف لا مستحيل مش هيحصل مش هيكون
( احنا المصرين) دة مش شعار دة شعور
سعيدة ان فى مصرى غيور على بلدة مثلك
سعيدة ان شاب من جيلى انى مش لوحدى احنا مش لوحدنا
ليبقى السلام تحيتنا
سلام

x knight
10-09-2006, 10:03 PM
سلام ياميمو ..
سلام :f:

summar
11-09-2006, 10:19 AM
اميرة عايشة فى الوهم

x knight
11-09-2006, 11:22 AM
اميرة عايشة فى الوهم


على الاقل عايشه .. :sh:

somaaaa
11-09-2006, 02:07 PM
لا يا يسرا هى عايشة فى حلم مش و هم
تفرق كتير وهم عن حلم
الوهم مش حيتحقق
بس الحلم ممكن
و دة حلم ممكن يتحقق
الامل كبير ماتخلوش اليأس يكون اقوى منكم
ما تدفنوش رأسكم فى الارض زى النعام



يا جماعة امال فين بيدو هو كتب الموضوع و جرى و لا اتعرض للتهديد
ههههههههههههههه

بنت العروبة
11-09-2006, 02:09 PM
[QUOTE=somaaaa]لا يا يسرا هى عايشة فى حلم مش و هم
تفرق كتير وهم عن حلم
الوهم مش حيتحقق
بس الحلم ممكن
و دة حلم ممكن يتحقق
الامل كبير ماتخلوش اليأس يكون اقوى منكم
ما تدفنوش رأسكم فى الارض زى النعام



يا جماعة امال فين بيدو هو كتب الموضوع و جرى و لا اتعرض للتهديد
ههههههههههههههه[/QUOTE

معلش يا جماعة نسيت اعمل لسومة تسجيل الخروج اصل احنا اخوات
هاخد بالى بعد كدة
هههههههههههههه

bido
14-09-2006, 09:39 AM
يا تيتو تفتكر ان بيدو عملنا دة فخ يعنى
بس ما اعتقدش دة طيب خالص بيتهيقلى يعنى بس هو اصلا يظهر
و يرد علينا

الحقيقة أنا مش بدخل كثير بس يا جماعة والله
ومشغول جدا جدا جدا

أمة الله
14-09-2006, 10:07 AM
بسم الله الرحمن الرحيم
السلام عليكم و رحمة الله و بركاته

انا من رأى معتز احنا نستنى نشوف رأى الست سوزان ايه و بعدين انا مش معاكم فى ان الست ما عملتش حاجه لمصر ة لا لأولادها كفاية ان مصر اعتبرت بلد خالى من شلل الأطفال عن طريقها و الفضل لله سبحانه و تعالى من قبل و من بعد و بعدين مشروعات رعاية الصحة للأطفال
و المدارس اللى هى عملاها صحيح ليهم طلبات غالية شوية بس يعنى مقارنة بامكانيتهم يعتبروا ارخص من مدارس اللغات اللى ما فيهاش اللى عندهم
فبلاش نظلم الست كده و خلاص

و احنا فى انتظار رد مام سوزان


Photo Gallery