المساعد الشخصي الرقمي

مشاهدة النسخة كاملة : يعني ايه ده؟



حنين المصرية
03-09-2006, 03:18 PM
يعنى ايه دة

--------------------------------------------------------------------------------

الموضوع ده شوفته فى منتدى فقولت انقله لكم واشوف رايكم فيه؟؟؟؟؟؟؟؟؟؟؟


المشهد الاول :
دخل الاب على ابنه وقال :
- ازيك يا واد يا معفن.
بصله الواد كدة بلا مبالاه وقاله :
- كويس يا ابو المعفن .
- اتكلم عدل ياد فيه حد يكلم ابوه كدة .
- مش انت اللى بتشتم .
- انا اشتم يا جزمة لكن انت لأ .
-!!!!!!!!!!
****************************** ****
المشهد التانى:
الست بتقول لنفس الولد:
- لو حد اتصل بيا ياد انا نايمة
- بس انتى صاحية يا ماما
- اسمع كلامى ياد
- طيب
يرن جرس التليفون ويرد الولد :
- لأ دى ماما نايمة
الام مبتسمة
****************************** ***
المشهد التالت :
الولد اتأخر يوم عن البيت لغاية الساعة 12 بليل :
استقبلته امه استقبال مرصع بالشتايم وتهزئ :
- كنت فين يا فاشل يا صايع ؟
- كنت عند واحد صاحبى ياماما
- كداب انا اتصلت بكل اصحابك ومكنتش عند حد فيهم
بقولك ايه انا اكتر حاجة اكرههاا الكدب الا الكدب ياد قول كنت فين ؟؟
-!!!!!!!!!!!!!!!!
****************************** ******
نفس الواد بس المرة دى مع خاله :
- يابنى السجاير دى حاجى مضرةجدا بالصحة
اياك فى يوم من الايام اشوفك بتدخن
- حاضر يا خالى
- شاطر يلا بقى عشان تنزل تجبلى حاجة من تحت عشان مش قادر
- من عنيا عايز ايه حضرتك
- علبه سجاير ميرت لو سمحت
-!!!!!!!!!!!!!
****************************** ********
المشهد الاخير :
الواد بتكلم مع صاحبه عن خناقة حصلت بينه وبين اهله :
الواد : ايوة ياعم عليت صوتى على امى
صاحبه :يا نهار الوان عليت صوتك على ماماتك انت مش عارف انك كدة بتغضب ربنا
عيب اوى انك تعلى صوتك على اللى اكبر منك دى اسمها قلة ادب
- ايوة عندك حق
بعد شوية جت ماماة صاحبه عشان تاخده فراح قالها بصوت سمع القارة اللى جبمنا:
- انتى ايه اللى جابك يا وليه
- مش قلتلك ما تجليش المدرسه تانىىىىىىىىى
الواد :!!!!!!!!!( الواد اغمن عليه )
( تسدل الستار )
****************************** ****
حاجة تضحك احيانا الواحد بينصح الناس بالصح ويعمل هو عكسه
والغريبة انه هو بيبقى مقتنع باللى بيعمله
ومقتنع برضة بالصح
طب ليه ؟؟ معرفش
بسم الله الرحمن الرحيم :
" يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ"

ميمو المصرى
03-09-2006, 07:03 PM
حلوه خالص المشاهد دىوالله
وبالذات اللى يقوله التدخين مضر وانزل بق اشتريلى واحده ميريت (( اصفر ولا ازرق ))
شكرااااااا

زهــــراء
03-09-2006, 09:07 PM
المشاهد حلوة اوي تسلمي يا جوجوسام

همســـة حب
03-09-2006, 09:35 PM
ههههههههههههه

تسلم يا جوجو

بجدكتير حلوة ولا ابو المعفن هههههههههههه

خالد الفارس
04-09-2006, 11:56 AM
:2: :2: هه هه هه هه هه حلوة


Photo Gallery