المساعد الشخصي الرقمي

مشاهدة النسخة كاملة : هلوسة تاريخ



حنين المصرية
01-09-2006, 09:48 PM
طبعا كلنا عارفين القصة دي..بس لما نيجي نلعب ف التاريخ اكيد هتتغير!!
********
الهكسوس دخلوا مصر علشان احمد عرابي معندوش رصيد!!
اها..متتصدمش كدا..انا هحكيلك الحكاية كلها00اول ما سعد زغلول عرف الهكسوس ناويين يهاجموا مصر من الشرق-و علي فكرة القناة الاولي مقلتش كدا..هوا كان بيتفرج علي السي ان ان!!-..جمع كل الناس و خد رأيهم..ووصلوا لحل..جابوا احمد عرابي و قالولة لما تلاقي الهكسوس داخلين و معاهم الحملة الفرنسية..ابعت مسج لسعد و هيكون جاهز بجيشة..من قناة السويس..
و طبعا كنوع م الاحتياط..جاب موبايل 6680 علشان الشحن..
و يتعنطظ بية قدام الجيش اللي كان معاه 3310 بس!!
و المهم الحج عرابي دا..كان ديما يصوت لهاني ف ستار اكاديمي..
..و كان بيشيت ف ميلودي..و كان ديما بيشترك ف مسابقات التلفزيون..
فالرصيد بتاعة اتدمر..
المهم..الجنود كرهوا الموبايلات بسببة و رموهم ف بير مسعود!!
و بعد كدا...جية عمك عرابي شاف الهكسوس بيجروا و ف ايدهم مسدسات خرز و فلين..اتخض ف البداية..
بس مسك نفسة..و جية بيبعت الرسالة دي:
" من عرابي لسعد زغلول..
جيش الهكسوس جي بقيادة القائد عرق سوس
و معاه عمنا مبارك..ماسك سلسلة فضة..و عمال يلوح بيها..
و عتاد الجيش كالاتي:
- امواس-مطاوي-سيوف-بنادق خرز-و مسدسات خرز برضة-
اعمل اية بس؟تعالي يا نجم بسرعة..انا معييش غير 200 جندي مبيعرفوش غير يلعبوا بالجيم بوي!!"
***********************
عمك عرابي جية يبعت الرسالة..
لقي مكتوب
"عفوا لقد نفذ رصيدكم يرجي اعادة شحن البطاقة.."

طبعا لهكسوس اقتحموا مصر و اغتالوا الريس رمسيس الاول..بعد عمر يناهز ال 14 سنة كدا..
و علي فكرة:
- لازم نتعلم حاجة مهمة..شحن البطاقة واجب وطني!!

مغترب
02-09-2006, 07:15 AM
حلوة قوي

" لازم نتعلم حاجة مهمة..شحن البطاقة واجب وطني!! "

شكراااااااااااااااااااااااا

خالد الهندسة
02-09-2006, 07:43 AM
ههههههههههه ، شكر لك يا جوجوسام

زهــــراء
02-09-2006, 02:25 PM
شكرا يا ام دم عسل


Photo Gallery