المساعد الشخصي الرقمي

مشاهدة النسخة كاملة : حبة سياسة



حنين المصرية
27-08-2006, 03:18 AM
سيداتى انساتى موززى سادتى ... ننقل لكم اليوم وعلى الهواء مباشرة المبارة اقصد المباحثات العربية
الاسرائيلية بشان القدس و لو انت قاعد فى بيتكو جنب التليفزيون هتشوف الوفد العربي بلونة الابيض ولبسة
الابيض وقلبة الابيض وليلتة البيضا . على اليمين ويمثلوا جميع الدول العربية وعلى رأسهم ابو جاسم
وابو زياد وابو العربي والصحصاح ابن الكحكوح ..

ولو انت قاعد فى جنب السرير هتشوف الملايات .. قصدى الوفد الاسرائيلى بلونة الاحمر عشان مفيش احمر
منه ويمثل اللون الاحمر دم ضاحاياهم ولون جهنم الحمرا اللى هيغوروا فيها .. وكمان .... الحمرا
والحدق يفهم ويمثل الوفد الاسرائيلى شمعون و حاييم وبينجامين وليشع

ويحكم هذا اللقاء.. قصدى ويدير هذه المفاوضات الرئيس الامريكى (ديفيد كلل اول ارب) david kill al arb بلونة السماوى وطبعا واضح جدا نزاهة الرئيس الامريكى وحيادة التام فى المفاوضات
تبدا الان المفاوضات فتحت الجلسة

- نبدأ الان المفاوضات فى اميركا بلد الحرية والنزاهة والروشنة بشأن .....
- اية يا ديفيد يا حبيبى حاسب حاسب فى الاول حاجة مهمة .. لازم نقف 7 ساعات حداد
- سبع ساعات ؟!!!
- سبع ساعات ؟ لية
- عشان امبارح عسكرى اسرائيلى يا كبد امه رموا علية طوبة جت جنب ودنة عملتلة انهيار عصبي ومشكلةنفسية وعصبية وتبول لا ارادى .. ولسة بيتعالج
ويرد الوفد الاسرائيلى على رئيسة

العرب الارهابين.... المخربين .... القتلة ... السفاحين .. البرابرة
المعاديين للساميه

-مين تتطلع مين سامية دى
-هشش .. متعليش صوتك سامية دى خالة رئيس الوفد الاسرائيلى
- ماشى بس بتبقى دقيقة واحدة بس .. لكن
- بقولك اية ؟ لأأاااا من اولها كدة تروق احسن اخد الرجالة وارجع تل ابيب واضربوا راسكم فى راس بعض
- نحن الوفد العربي عم نشجب ونندد ونحتج على هذا الطلب المتعنت الذى بشأنة ....
- بس خلاص انا رئيس الجلسة هنا ..مشوا حالكم بس عشان تخدوا القدس . قررنا نحن رئيس الجلسة
الوقوف حدادا على العسكرى 3 ساعات
-بنقققققول 7 ساعاات
- خـ خـ خلاص 7 ساعات

ويقف الجميع الجميع مدة السبع ساعات والوفد الاسرائيلى تعلو وجهة الابتسامة الخبيثة والوفد العربي مغتاظ بشدة
حتى انتهت السبع ساعات

- والان نبدأ مرة اخرى اجتماعنا بشأن مفاو......
- جرا اية يا ديفيد .. ما تفتح مخك امال .. مفاوضات اية بس النهاردة .. الوفد بتاعنا تعب خالص من الوقفة ومش قادرين نكمل اجلها بكرة

- بكرة ؟؟! لا لا دة ما بيصير هلا .. لا يمك..
- انا هنا رئيس الجلسة وانا شايف اننا تعبنا النهاردة ونكمل بكر ة ... رفعت الجلسة


اليوم التانى
- نبدأ اليوم مرة اخرى اجتماعاتنا ومفاوضاتنا بشأن قضية القدس
- بأسم الوفد العربي نطلب الوقوف دقيقة واحدة فقط على الالاف من شهدائنا الابرياء اسوه بالوفد الاسرائيلى
- اية دة احنا هنهرج ولا اية هنقضيها وقووف ولا اية ..انتوا كدة طلبتكم كتيير
- دقيقة اية يا حبيبى ..ما اللى مات غار فى داهية وعقبال الباقى .. ثم انا والوفد بتاعى تعبانين مش قادرين نقف ولا اية يا رجالة
ويرد الوفد الاسرائيلى

اة يا ركبى ..اة يا رجلى .. اة يا مفاصلى ..اة يا سيقانى..اة يا حواجبى

- اذن يرفض الطلب العربي .. ونبدأ فورا المفاوضات
- احنا هنطلع رجالة اوى اوى معاكم ونعمل دقة جدعنة يا حبايبى وهنعطيكم القدس .والعوض على الله
- وانا قصاد الجدعنة دى الحكومة الامريكية هتعطيكوا منحة 400 مليار دولار وشوية اسلحة
- هييييية ...قشطة .. عظيم والله عظيم .. امنيح منيح .. باهى والله باهى
وقام الوفد العربي يزغرد ويرقص ويسلم ويحضن بعض
وانا شايف كل الاذاعات والتليفزيونات بدأت فى بث الاغانى الوطنية وطنى حبيبى الوطن الاكبر وامجاد ياعرب امجاد ... الخ

- بس يا حبيبى عشان نعطيكوا القدس لينا 3 شروط .
- شروط ؟؟! احنا العرب الاحرار ما حدا يشرط علينا شرط نحنا ارباب السيوف والخيول ..و.
- خلاص مفيش قدس واضربوا راسكم فى الحيطة
- اية يا عرب انتوا متعبين لية .. باين عليكم فعلا متعصبين ومش كويسين
- الشرط الاول بتاعنا .. مين اللى هيمسك الامن والامان فى القدس لازم تكون اسرائيل طبعا ..عشان الوحدة الوطنية الارض فلسطينية والامن والامان اسرائيلى

- لا .. الكلام دة مستحيل ومرفوض رفضا باتا ولا اية يا اخوة
ويرد الوفد العربي

واللة ما بيصير هللا.. والله ما بيجوز ..مينفعش ..هيدا ما يصح

-هدوء .. بما ان الوفد الاسرائيلى موافق والوفد العربي معارض والوفدين متساويين فى العدد يبقى لازم واحد يكون فاصل ..اللى هو انا .. وانا شايف ان رأى الوفد الاسرائيلى منطقى وسليم مية فى المية اذن قررنا ان ينفذ الشرط الاسرائيلى الاول .. فى تعليق من الوفد العربي

ويرد الوفد العربي فى صوت واحد
يا لهووىىىىىىىىىىىىىىىىىىىىىىىىىىىىىىىىىىىىىىىىىىى

-ههي ههى ههى .. الشرط التانى مين اللى هيرفع علمه على مدينة القدس..احنا ناس بنعرف الاصول وهنرفع العلم الاسرائيلى على سارى طولة 20 والعلم الفلسطينى على سارى طولة عشرين

- لا ... كلة اللى دة مستحيل العلمين يتساووا جنب بعض ابدا ولا ايه يا اخوة
ويرد الوفد العربي

واللة ما بيصير هللا.. والله ما بيجوز ..مينفعش ..هيدا ما يصح

- ومين قاللك انهم بس هيتساووا .. علمنا على سارى 20 متر يا حبيبى وعلم فلسطين على سارى 20 سنتيمتر ودة عشان خاطركوا بس

-هدوء .. بما ان الوفد الاسرائيلى موافق والوفد العربي معارض والوفدين متساويين فى العدد يبقى لازم واحد يكون فاصل ..اللى هو انا .. وانا شايف ان رأى الوفد الاسرائيلى منطقى وسليم مية فى المية اذن قررنا ان ينفذ الشرط الاسرائيلى التانى .. فى تعليق من الوفد العربي

ويرد الوفد العربي فى صوت واحد
يا لهووىىىىىىىىىىىىىىىىىىىىىىىىىىىىىىىىىىىىىىىىىىى

- هاهاهاهاة .. اما الشرط الاخير فهو سهل وبسيط اوى اوى اوى مين اللى هيسكن فى مدينة القدس ..الاسرائليين طبعا .عشان الوحدة الوطنية الارض فلسطينية والسكان اسرائليين

- لاااااا لا يمكن الكلام دة اسمة تضليل و خداع ومينفعش كدة ولا اية يا اخوة
ويرد الوفد العربي واللة ما بيصير هللا.. والله ما بيجوز ..مينفعش ..هيدا ما يصح

- بس خلاص مش بحب الكلام الكتير بما ان الوفد الاسرائيلى موافق والوفد العربي معارض والوفدين متساويين فى العدد يبقى لازم واحد يكون فاصل ..اللى هو انا .. وانا شايف ان رأى الوفد الاسرائيلى منطقى وسليم مية فى المية اذن قررنا ان ينفذ الشرط الاسرائيلى التالت .. فى تعليق من الوفد العربي

ويرد الوفد العربي فى صوت واحد
يا لهووىىىىىىىىىىىىىىىىىىىىىىىىىىىىىىىىىىىىىىىىىىى

- اذن تمت الموافقة النهائية على المفاوضات والشروط وسيعم السلام اخيرا الشرق الاو...

ايها السادة ..جاءنا الان ما يلى
ذكر متحدث رسمى بأن جندى اسرائيلى اخر قد اصيب بحالة نفسية اخرى من جراء مرور حجر صغير بجوار اذنه القاة عليه احد الاطفال .. وقد ردت المدفعية الاسرائلية على الفور على هذا الحادث الاليم بقصف سبعة قرى وقتلت ما لايقل عن 800 شخص واصابت مئات اخرين

- شاهدين يا عالم .. شاهدين يا هووه ..شاهدين يا نااااس ... شاهدين يا خلق
بيضربوا عسكرنا واحد ورا واحد .. عايزين يصفوونا .. لكن لاااااا
ويصيح الوفد الاسرائيلى وراء رئيسة
العرب الارهابين.... المخربين .... القتلة ... السفاحين .. البرابرة.. الهمج

-مين فينا اللى سفاحين يا مفترى يا ظالم عسكرىنفسيتة تعبت تموت كل دوول ؟؟!!
- لا لا لا بس اسكتوا خالص .. انتوا ليكوا عيين تتكلموا .. مش انتوا اللى ابتديتوا ؟؟ والواد الصغير حدف على العسكرى طوبة .. انتوا فعلا سفاحين وبرابرة

- يعلن الوفد الاسرائيلى بالاجماع عن الغاء جميع المفاوضات وابقاء الوضع على ماهو علية وابقوا قابلونى لو طولتوا حاجة ...

- الراجل عندة حق .. وانا هبعتلة مساعدات واغاثات انسانية بــ 150 مليار دولار
- و اتوصى بالـ اف16
- عنية
وقف الوفد العربي مش مصدق اللى جرا وكلة بيبص لبعضة وهو مدهوش ومش لاقى حاجة يقولها
وبدأ بعد ذلك بالهتاف

الجماعى مفاوضات اونطة .. هاتوا فلوسنا
مفاوضات اونطة .. هاتوا فلوسنا
- وعلى فكرة ياديفيد ياخويا العرب برضة ما خسروش حاجة ..جم المؤتمر ببلاش واتفسحوا فى امريكا ببلاش وشافوا المزز الامريكانى الاصلى ببلاش وكفاية انهم كلوا هامبرجر وكنتاكى .. اية هما هينهبوا ؟؟


كان معكم على الهواء مباشرة لحد ما جالة نزلة برد مجنووون ابو العافية - موفد قطاع الاخبار -مجانيين

summar
27-08-2006, 03:45 AM
هههههههههه
لالالا هيدا مايصير
دمك شو خفيف


بجد يانونة جميل جدا.....تسلم ايديكى...انتى اللى مألفاه؟

خالد الفارس
27-08-2006, 07:50 AM
:@ :@ :@ :@

حنين المصرية
27-08-2006, 08:08 AM
المهم يا يسرا انه يعجبكم

حنين المصرية
16-09-2006, 03:13 PM
تصدقوا بالله مكنتش أتصور ان أتعب في موضوع زي ده
ومحدش يرد علي يسرا وخالد شكرا ليكم


Photo Gallery