المساعد الشخصي الرقمي

مشاهدة النسخة كاملة : فضفضة وإقتراحات أبناء مصر الرياضية



الصفحات : [1] 2 3 4 5 6 7 8 9 10 11 12 13 14 15 16 17 18 19 20 21 22 23 24 25

محمود زايد
26-08-2006, 01:11 PM
بسم الله الرحمن الرحيم

الموضوع ده ياجماعه هيكون خاص بأى تعليقات او ردود تحب تقولها على اى مباراة او حدث رياضى

كانه دردشه ومقهى للرياضه خاص برواد قاعه الرياضه الكرام فى منتدى ابناء مصر

وطبعا شعارنا فضفض براحتك من غير ماتزعل الاخرين :good:

طبعا انتم فاهمين الكلام على مين دول برضوا اخواتنا ومش مستحملين خالص :d

يلا اللى نفسه فى حاجه يقولها وعلى راحته :y:

حسام عمر
26-08-2006, 01:19 PM
الموضوع ده

لو خلص زي منا متوقع

حينتهي بشطب كل المشاركين فيه

اولهم انا

وربنا يستر

محمود زايد
26-08-2006, 01:22 PM
هههههههههه
ربنا يستر ياعم

حسام عمر
26-08-2006, 01:47 PM
بأمانه خليك مطرح اي زملكاوي

وبعد المجمالات المهوله من الاهلويه

من نهايه مباره الجيش

هل تحلم بأنك تتمنى الفوز للأهلي

صعب

محمود زايد
26-08-2006, 01:52 PM
والله هى دى كرة القدم ياحسام والزمالك المنافس الدائم للاهلى وطبيعى افرح لما منافس فريقى يتهزم ولا ماتبقاش كرة قدم تبقى اسمها طبطبه
وانا عن نفسى بفرح فى الزمالك لما يتغلب ومن حقى

حسام عمر
26-08-2006, 02:00 PM
انا كان نفسي الاهلي يفوز اليوم

ولكن بما انه اني طلعت غلطان

فخلاص

جمال شحاتة
26-08-2006, 02:25 PM
اخى محمود

مش حتى لو حخسر .....

طالما حابيبنا الحلويين اللى بالى بالك بيخسروا ...

برضو انا كسبان .

تحياتى لكل الاهلاوية

محمود زايد
26-08-2006, 02:40 PM
خلاص ايه اعتزلت التشجيع
الاهلى هيفوز ان شاء الله ياحسومة

محمود زايد
26-08-2006, 02:44 PM
ههههههههه حلوة يا جمال باشا اللى بالى بالك دى
والف تحيه ليك يا برنس منورنا والله

محمود زايد
26-08-2006, 07:07 PM
الف مبروك للاهلى والاهلاويه على الفوز الكبير اليوم الفريق عمل الطاحونه الاهلاويه فى اول 25 دقيقه والفريق كانت شكله ممتاز وتحركاته رائعه وفلافيو كان نجم الحمدلله النحس اتفك واسامه حسنى نقدم له الشكر على مجهوده الكبير وايضا المعلم الكبير ابوتريكه نجم النجوم وافضل لاعب فى مصر امتعنا اليوم
عقبال الفوز على الصفاقسى والشبيبه وتصدر المجموعه ان شاء الله

جمال شحاتة
26-08-2006, 10:47 PM
ههههههههه حلوة يا جمال باشا اللى بالى بالك دى
والف تحيه ليك يا برنس منورنا والله

النور نورك يازعيم ...

تحياتى لكل الاهلاوية ...

وبرضه اللى بالى بالك ............. لا

عصام كابو
27-08-2006, 08:48 AM
موضوع جميل قوى يا محمود و فكرة هايلة

انا يا عم هفضفض و اقول حاجة صغيرة

و الله و الله و الله

انا ما شفتش لاعيب بيمتعنى بكرة القدم بعدك

يا بيبو يا كبير

الا ابو تريكة

ربنا يحميه و يباركله

محمود زايد
27-08-2006, 09:00 AM
الف شكر ياعصام على كلامك
وفعلا تريكه يقترب من بيبو بمهاراته وامكاناته العاليه ومافيش لاعب فى مصر زيه
امبارح فعلا امتعنا وكان السبب فى فوز الاهلى الكبير بعد توفيق ربنا
ربنا يحميه ويبعد عنه شر الاصابات

عمرو صالح
27-08-2006, 09:22 AM
موضوع جميل يا محمود:y:

اعتقد ان هيبقى في ضرب للصبح هنا

وحسام قال اننا هنتشطب كلنا

ههههههههههههههه

شوفتوا الزمالك حصل فيه ايه

بجد مشجعينه هما اللي صعبانين عليا

الله يكون في عونهم

تفتكروا ايه الحل

محمود زايد
27-08-2006, 09:43 AM
شكرا ياعمرو وربنا يستر
سمعت اخر خبر شعبولا نفسه يدخل الانتخابات ويبقى رئيس الزمالك بما انه زملكاوى ههههههههههه
شعار النادى القادم مكوة رجل ههههههههه

محمود زايد
27-08-2006, 09:26 PM
عمرو ذكى جاله عرض احتراف ب3.5 مليون يورو والزمالك رافض وعمرو صرح انه مستقبله اهم ولازم يحترف طيب هو الاخ عمرو كان جاى الزمالك ليه والزمالك يرفض عرض بمبلغ خيالى زى ده ليه مع انه ماعندوش ازمه مهاجمين 3.5 مليون يورو يعنى حوالى 21 مليون جنيه مصرى فى عرض زى ده يترفض
اتمنى انهم يوافقوا على احترافه زى مااتمنى ان الاهلى يوافق على احتراف وائل جمعه لان دى فرص ولازم نستغلها

عمرو صالح
28-08-2006, 09:04 AM
فرصه الزمالك انه يملا خازنة النادي الفاضية وفي بدل عمرو زكي كتير

amr emam
28-08-2006, 01:15 PM
محمود بقى تعمل الفضفضه ده من ورايا

مش حتى تتصل يا عم وتقول

عموما انا اجيت افضفض فى موضوع الفضفضه

واول حاجه افضفض بيها

طبعا كلنا فاكرين اغنيه الليله الكبيره

الاغنيه ده لما كنت بسمعها وانا صغنن كنت بفتكر ليله العيد

ليله المولد النبوى ليله شعبان اى حاجه مفترجه كده .......

لكن دلوقتى لما بسمعها بفتكر نادى الزمالك وخيبته التقيله ......÷هههههههههه

انا حتى سميتها الخيبه التقيله .........

الخيبه التقيله يا زمالك والهزائم كتيره

تايهين فى الاستاد والحال بقى طينه

ههههههههههههههه

مع احترامى الكبير للاخوه الزملكاويه وعلى راسهم

اخويا الكبير حسام عمر

انا قولت افضفض وبس

عمرو امام

محمود زايد
28-08-2006, 01:47 PM
اهلا ياعمرو نورت الموضوع والله وعاوزينك هنا دائما معانا
هههههههههه هى خيبه واحده دى خيبات يابرنس مش ملاحقين كل يوم خبطه فى الراس
وعلى راى المثل هزائم كتير والعيشه مرة مع الزمالك

حسام عمر
28-08-2006, 02:57 PM
طيب

المهم عوزين حد يعمل موضوع جامد عن المنتخب واستعداداته

ومبارياته وتشكيله وكده

محمود زايد
28-08-2006, 06:33 PM
هو انت على طول عاوز مافيش مرة تقول هعمل انا :p
ايه الاستغلال ده ياجدعان :rolleyes:

حسام عمر
28-08-2006, 11:34 PM
ليك حق يا محمود

محمود زايد
29-08-2006, 08:45 AM
خلاص ياحسومة ربنا يسهل ونعمل الموضوع ده

dodoo_oo
30-08-2006, 01:30 AM
والله انا حاسة يا محمود انك موقف اتنين بودى جارد على الموضوع ده اى واحد زملكاوى يدخل يظبطوووووووه :eek:
ايه ياعم ماتخلى الناس تتكلم انا مش شايفة حد بيتكلم غير الاهلاوية
عايزين نديهم فرصتهم برضة
يعنى لا كورة ولا كلاااااااااااااام:2:

محمود زايد
30-08-2006, 09:26 AM
هههههههههه ايه يادودو انتى جايه تهدى النفوس صح
والله الموضوع مفتوح للجميع بس المشكله مافيش زملكاويه فى القاعه الا حسام وفى المنتدى على بعض يجى 5او6 اعضاء والباقى اكتساح اهلاوى هنعمل ايه بقى نقولهم تعالوا بالعافيه كفايه اللى هما فيه
واهلا بيكى يادودو عاوزينك فى القاعه دائما

dodoo_oo
30-08-2006, 12:40 PM
طبعاااااااااااااااااااااا جاية اهدى النفوووووووووووووس:2:
ههههههههههههه
عموما ده شيء طبيعى ان الزملكاوية اقليييييييية :1:
وربنا يستر ومانضربش النهارده:'(

عصام كابو
31-08-2006, 12:53 PM
http://www3.0zz0.com/2006/08/31/11/967520010.JPG



لا حول و لا قوة الا بالله

و الله انا لسه مش مصدق

الله يرحمك يا محمد عبد الوهاب

الولد فضل متمسك بالاهلى و رافض ان يرتدى اى فانلة الا فانلة الاهلى حتى وفاته

محمد عبد الوهاب................................... لن ننساك



http://www.ahlynews.com/5654677.jpg

محمود زايد
31-08-2006, 01:41 PM
والله انا مصدوم من ساعه لما قرأت الخبر وحاسس ان اللى مات كانه قريبى او صحبى
يااااااه خبر صدمه بشكل ومفاجئ
وعمرننا ماهننسى عبد الوهاب اللى فضل الاهلى وتمسك بيه على غيره من الانديه
ربنا يرحمه ويغفر له ويدخله فسيح جناته

dodoo_oo
31-08-2006, 04:00 PM
انا لله وانا اليه راجعون
فعلا خبر صدمنا كلنااااااااااااااااااااااا

حسام عمر
01-09-2006, 08:59 AM
انا لله وانا اليه راجعون

والبقاء لله

في محمد ورامي واحمد

عمرو صالح
02-09-2006, 07:00 AM
سلام عليكم

عندك حق يا حسام في غير محمد عبد الوهاب لكن احنا اتأثرنا اكتر لأننا نعرفه كويس وشوفناه كتير

ومتابعين موضوعه مع الظفرة

ده سبب اننا اتأثرنا اكتر بمحمد واعتقد ان مصر كلها اتأثرت بدليل انه توفى بعد لاعبي الترسانة بيوم او

اتنين ومع ذلك مكنش في التأثير ده

الله يرحمهم ويصبر اهاليهم

حسام عمر
02-09-2006, 12:10 PM
ذهبنا كرابطه عشاق ومشجعي الزمالك الى العزاء امس

لمحمد عبد الوهاب

وقلنا نروح نعزي في رامي جمعه

ولكن لم نجد اي معلومات تدلنا حتى على مكان دفن ولا عزاء

رامي جمعه

محمود زايد
02-09-2006, 02:09 PM
رامى جمعه تم تشييع جنازته والعزاء فى الاسكندريه لانه من الاسكندريه وكان بيلعب للاولمبى قبل انتقاله للترسانه

سـلـوى
03-09-2006, 02:01 AM
موضوع و فكرة جميلة اوىىىىىىى

تسلم يا محمود

طب ممكن اسأل سؤال
هو محيرنى اوى بصراحة؟

محمود زايد
03-09-2006, 09:28 AM
اهلا ياسلوى منورة الموضوع وشكرا على كلامك
اتفضلى اسالى السؤال اللى محيرك

سـلـوى
03-09-2006, 10:30 AM
ربنا يخليك يا محمود

متشكرة جدا

هو سؤالى رخم شوية

بس و الله انا ما اقصد بيه حد معين من المنتدى
لانة موجود عامة و بشكل غريب

لية التشدد الشديد اللى بيكون
موجود
لدى مشجيعين الأهلى او الزمالك؟

يعنى مثلا اما يجيى حد يقول حاجة او يعارض
فريق معين
المشجع بتاعة
تلاقية وشة احمر :@
و اتنرفز
و هيأكل القدامة

ليه كدة؟؟؟؟

محمود زايد
03-09-2006, 10:48 AM
سؤال جميل منك ياسلوى
وطبعا انتى كده تقصدى حسام لانه بيحصل له نفس الكلام اللى بتقولى عليه ولو انه مش ناقص كفايه الزمالك عليه :d :p

بصى ياسلوى دى كرة قدم ومنافسه وعمر ابدا ماهفضل فريق اخر على فريقى زى ما فريقى فيه عيوب برضه الفريق المنافس فى عيوب يعنى لما اجى انتقد لازم ابص لفريقى واشوف هو فيه نفس العيب ولالاء وللاسف ده مش موجود فى مصر اللى موجود فى مصر ان فى فريق واحد هو اللى بيظلم الفرق الاخرى وهو اللى مستحوذ على كل حاجه والعقد والاضطهاد بقى بتاعت الفرق الثانيه بتطلع لما تيجى تكلمى اى حد
رغم ان الطبيعى فى كرة القدم اصلا فى كل بلد فى العالم فريقين كبيران وبعد كده فرق صغير منافسه بدرجه وفى تشدد وصراع بين الفرق دى بس عمرنا ماسمعنا عن الكلام اللى بنسمعه فى مصر لافى عقد اضطهاد ولا مجاملات مش هتسمعى الكلام ده الا فى مصر علشان الفرق مش هتلاقى حجج تعلق عليه فشلها الا اتهام الاخرين زى مابيحصل من الجماهير المنافسه للاهلى يطلعوا فشل فرقهم وعقدهم على اتهام الاهلى باى اتهام المهم انه يطلع غلطان بالعافيه او بالذوق الاهلى على طوله الكل متحيز له حتى مجلس الامن اهلاوى :1:
وكرة القدم بطبيعتها هتفقد حلاوتها ومتعتها لو قل فيها المنافسه والصراع بين الجماهير والانديه والا نقعد بقى نطبطب على بعض وتبقى الكرة فيها مثاليه زيادة عن اللازوم

بس هو ده كل الموضوع
وشكرا على سؤالك ياسلوى

حسام عمر
04-09-2006, 07:23 AM
عوده للفضفضه

خير فيه ايه

محمود زايد
04-09-2006, 08:47 AM
ايه ياعم حسام مالك داخل علينا بصدرك ليه كده :hop:
بالراحه شويه الله يخليك احنا مش قدك هتاكلنا ولاايه :p
بس سؤال لسلوى وبنوضح لها المعلومة عندك مانع :xx:

عمرو صالح
07-09-2006, 08:40 AM
ايه رأيكم يا شباب في موضوع ميثاق الشرف بين الأهلي والزمالك

هل تعتقدوا ان الموضوع هيستمر كتير؟؟

طب هل لاحظتوا مين حضر من مجلس ادارة نادي الزمالك

ومين حضر من مجلس ادارة النادي الأهلي

يالا نشوف ارائكم

حسام عمر
07-09-2006, 10:30 AM
لا اتوقع الاستمرار

مع جلوس القيعي مع طارق السيد امس

وعادي

محمود زايد
07-09-2006, 11:11 AM
الميثاق كان موجود لكن الزمالك هو اللى اخل بالاتفاق باللعب مع الاهلى بعد تعاقده مع ابراهيم سعيد متمثلا فى نائب الزمالك مرتضى منصور فكان القلم من الاهلى باسلام الشاطر http://forum.kooora.com/icon.aspx?i=icon_smile_tongue
على العموم ننتظر ونشوف ولو انى متوقع اى شئ من مجلس الزمالك زى ماعملوا اول مامسكوا نادى الزمالك وفاوضوا اسلام الشاطر وشادى محمد بس رد اسلام الشاطر كان فى الجون وقالهم دكه احتياطى الاهلى ولا اللعب اساسى فى الزمالك الله عليك ياشاطر http://forum.kooora.com/icon.aspx?i=icon_smile_eyebrows

حسام عمر
07-09-2006, 01:45 PM
على رئي قريته في منتدى اخر

كلنا مشتركين فيه

السنه اللي فاتت كان فيه اتفاق ودي بين عطا الله وحسن حمدي

خلصت بالأتفاق من قبل عوده مرتضى بشهريين مع محمد ابو العلا وطارق السعيد ومحمد صديق

واسمهم الاتنين شغلين في مكان واحد

بس قعقع ( كلام كتير)

امين يارب

محمود زايد
07-09-2006, 11:35 PM
ولا كان فى اتفاق ودى بين مرسى وحسن حمدى ولايحزنون كانت العلاقه كويسه علشان هما زملاء فى الشغل انما ماحصلش اى كلام بينهم على اتفاق لعدم خطف اللاعبين
وطارق السعيد ومحمد صديق لما لقوا تجاهل من الزمالك وعدم تجديد عقودهم والاهلى عرض عليهم الانضمام وافقوا لانهم لقوا ناس تقدرهم مش يرموهم

حسام عمر
08-09-2006, 02:35 PM
ولا كان فى اتفاق ودى بين مرسى وحسن حمدى ولايحزنون كانت العلاقه كويسه علشان هما زملاء فى الشغل انما ماحصلش اى كلام بينهم على اتفاق لعدم خطف اللاعبين
وطارق السعيد ومحمد صديق لما لقوا تجاهل من الزمالك وعدم تجديد عقودهم والاهلى عرض عليهم الانضمام وافقوا لانهم لقوا ناس تقدرهم مش يرموهم


اعترف اهوه

والحمد لله

مجبتش حاجه من عندي

المفكر
08-09-2006, 04:23 PM
السلام عليكم ورحمة الله وبركاته
أنا دخلت الموضوع قبل ما أبص على أسمه لأني لقيت حبيب قلبي حوده هوا اللي كاتبه
أزيك يا راجل
أنا عارف إني مبدخلش خالص بس أديني دخلت
بما إن الموضوع فضفضة
أنا نفسي أقول حاجه
لا ليها علاقة بالأهلي ولا الزمالك ولا الاسماعيلي ولا المنتخب
أنتوا مش ملاحظين إن لعيبة الكورة أغلبهم عايشين في دنيا مختلفة
يعني لما واحد منهم والله أم لا حسد بيقبض في السنة 450 ألف جنيه غير مكافئلت الفور والبطولة الفلانية ومنح رجال الأعمال
كل ده وتلاقيه زعلان جدا ومتضايق؟؟؟؟؟؟؟؟؟؟؟؟؟؟؟؟؟؟؟
لأ ويقولك مش عاجبني وعايز أكتر
يا سلام
الناس دي نسيت نفسها ونسيت إنهم كانوا ناس عاديين جدا
زينا زيهم بس ربنا اداهم موهبه
وبقينا بمنسمع أخبار بفلوس في دولتنا اللي الشاب بيعمل كل مجهوده وأهله يساعدوه عشان يعمل بتاع 45 ألف ويدوبك يتجوز
مش 450 ألف ومش عاجبه
وأهي فلوس بتترمي تحت رجلين اللعيبه
والمهم إن كتير منهم بيبقوا ميستحقوش أو منفعوش النادي بجنيه واحد
مش بمليون زي سماكه وأكوتي وعادل فتحي وإبراهيم سعيد وبيبو في المصري

محمود زايد
08-09-2006, 07:28 PM
السلام عليكم ورحمة الله وبركاته
أنا دخلت الموضوع قبل ما أبص على أسمه لأني لقيت حبيب قلبي حوده هوا اللي كاتبه
أزيك يا راجل
أنا عارف إني مبدخلش خالص بس أديني دخلت
بما إن الموضوع فضفضة
أنا نفسي أقول حاجه
لا ليها علاقة بالأهلي ولا الزمالك ولا الاسماعيلي ولا المنتخب
أنتوا مش ملاحظين إن لعيبة الكورة أغلبهم عايشين في دنيا مختلفة
يعني لما واحد منهم والله أم لا حسد بيقبض في السنة 450 ألف جنيه غير مكافئلت الفور والبطولة الفلانية ومنح رجال الأعمال
كل ده وتلاقيه زعلان جدا ومتضايق؟؟؟؟؟؟؟؟؟؟؟؟؟؟؟؟؟؟؟
لأ ويقولك مش عاجبني وعايز أكتر
يا سلام
الناس دي نسيت نفسها ونسيت إنهم كانوا ناس عاديين جدا
زينا زيهم بس ربنا اداهم موهبه
وبقينا بمنسمع أخبار بفلوس في دولتنا اللي الشاب بيعمل كل مجهوده وأهله يساعدوه عشان يعمل بتاع 45 ألف ويدوبك يتجوز
مش 450 ألف ومش عاجبه
وأهي فلوس بتترمي تحت رجلين اللعيبه
والمهم إن كتير منهم بيبقوا ميستحقوش أو منفعوش النادي بجنيه واحد
مش بمليون زي سماكه وأكوتي وعادل فتحي وإبراهيم سعيد وبيبو في المصري


حبيب قلبى ابراهيم منور والله
وانت واحشنى جدا فينك ياراجل والحمدلله انك بخير

كلامك صح ياابراهيم وفعلا لعيبه الكرة نسوا نفسهم والغريب بقى ان اغلبهم معاهم دبلومات يعنى لو قعد طول عمره بدون لعب الكرة كان زمانه ميكانيكى او عجلاتى مع احترامى لهم بس فعلا نسوا نفسهم والفلوس عمت بصيرتهم وكل شويه واحد يطلع يغنى علينا انه عاوز يأمن مستقبله ده الواحد لما يكون معاه 10الاف فى البنك بيحس انه عنده ثروة ودول بالملايين ومش راضيين دلوقتى مافيش حد عاجبه حاله خالص ومهما اديت لهم بيحبوا الزياده زى البحر

عاوزينك دائما فى الفضفضه يا ابوخليل :f:

المفكر
08-09-2006, 09:23 PM
طبعا لسه ماتش الزمالك خلصان
أنا مندهش من مستوى الأولمبي الرائع

سـلـوى
09-09-2006, 12:50 AM
سؤال جميل منك ياسلوى
وطبعا انتى كده تقصدى حسام لانه بيحصل له نفس الكلام اللى بتقولى عليه ولو انه مش ناقص كفايه الزمالك عليه :d :p

بصى ياسلوى دى كرة قدم ومنافسه وعمر ابدا ماهفضل فريق اخر على فريقى زى ما فريقى فيه عيوب برضه الفريق المنافس فى عيوب يعنى لما اجى انتقد لازم ابص لفريقى واشوف هو فيه نفس العيب ولالاء وللاسف ده مش موجود فى مصر اللى موجود فى مصر ان فى فريق واحد هو اللى بيظلم الفرق الاخرى وهو اللى مستحوذ على كل حاجه والعقد والاضطهاد بقى بتاعت الفرق الثانيه بتطلع لما تيجى تكلمى اى حد
رغم ان الطبيعى فى كرة القدم اصلا فى كل بلد فى العالم فريقين كبيران وبعد كده فرق صغير منافسه بدرجه وفى تشدد وصراع بين الفرق دى بس عمرنا ماسمعنا عن الكلام اللى بنسمعه فى مصر لافى عقد اضطهاد ولا مجاملات مش هتسمعى الكلام ده الا فى مصر علشان الفرق مش هتلاقى حجج تعلق عليه فشلها الا اتهام الاخرين زى مابيحصل من الجماهير المنافسه للاهلى يطلعوا فشل فرقهم وعقدهم على اتهام الاهلى باى اتهام المهم انه يطلع غلطان بالعافيه او بالذوق الاهلى على طوله الكل متحيز له حتى مجلس الامن اهلاوى :1:
وكرة القدم بطبيعتها هتفقد حلاوتها ومتعتها لو قل فيها المنافسه والصراع بين الجماهير والانديه والا نقعد بقى نطبطب على بعض وتبقى الكرة فيها مثاليه زيادة عن اللازوم

بس هو ده كل الموضوع
وشكرا على سؤالك ياسلوى



شكرا لردك جدا يا محمود
و اهتمامك
و اسفة على ردى المتاخر
بس مكنتش بدخل و الله

و طبعا مش قصدى حسام و الله

ههههههههههههه

سـلـوى
09-09-2006, 12:51 AM
عوده للفضفضه

خير فيه ايه



:eek:
انا مليش دعوة

انا قلت فى الاول مش قصدى حد و الله
معين

:'(


Photo Gallery