المساعد الشخصي الرقمي

مشاهدة النسخة كاملة : البرنسيسه والبتنجان((المعذبون في الارض))مأســـــــــــــــــــــــــــــاه



برنسيسة مصر
29-07-2006, 06:11 AM
ماهو شعورك يابنتي لما تصحي من النوم تلاقي المطبخ مكركب ومليان كوووووووووووووم مواعين مع العلم انك غسلاها قبل ماتتخمدي؟؟؟:-s
او بلاش
ماهو شعورك لما تصحي من النوم وتلاقي الست الوالده عندك بتقولك جبت 6 كيلوا بتنجان عليكي بيهم؟؟
للاسف الموقف التاني ده طول الصيف بيحصل معايا
وخصوصا ان الست الوالده مافيش مره تروح السوق الا لما تجيب لنا بتنجان ولاسيما جميع انواع والوان البتنجان اللي موجود في السوق وبما اني الوحيده اللي فاضيه طبعا بتدبس فيه وانا يااما بنظفه يااما بحمره يااما بخلله يااما بقوره يااما بحشيه ويالهوي لو البتجنايه وانتي بتقوريها اتخرمت ياخراااااااااااااابي او وانتي بتحشيها وبعد ماخلصتيها لقتيها مليانه من فوق وفاضيه من تحت طبعا لازم تعديها من الاول حاجه :sorry: تجيب الشلل:-s
وياسلام باه لو كان جلدك حساس زيي والمقوره بتعملك حساسيه تقعدي تهرشي في ايدك زي الجربانه بالضبط ولا اسال الوالده هايامامتي ياحبيبتي جيبتيلنا ايه من االسووووووووق؟؟انا طبعا في مخيلتي هاتقول بطيخه لاني بعشق البطيخ او تفاح اواي حاجه تفتح النفس على الحياه
الاقيها بتقول لي
(( تقولي 3 كيوا بتنجان للمحشي و2 كيلوا بتنجان رومي وكيلوا ونص باميه وكيلوا ملوخيه هانقور البتنجان ونقمع الباميه ونقطف الملوخيه سوا انا وانتي يابرنسيستي وعليكي انتي باه تحمري البتنجان اللرومي))ابص لها كانها رمتني بالشبشب اللي في رجليها:nooo:
بذمتك 3 كيلوا بتنجان للمحشي بس؟؟;) تقولي بصراحه بصراحه لاه هما تلاته كيلوا وربع
اسكت
وارجع اقولها طيب وكام كيلوا بتنجان رومي؟؟تقولي اتنين كيلوا ونص او وربع وتضحك وانا طبعا هاافرقع:mad:
وكام كيلوا ملوخيه ياماما؟؟بصراحه كده كيلوا الا ربع اروح اقطفهم الاقيهم اكتر من كيلوا ونص اصلا
اقولها بزمتك ودينك ياماما دول كيلوا الا ربع ؟؟على بنتك الكلام ده؟؟اطلعي من دولة ياشقيه؟؟تشخط فياوتقولي ايه يابت فيها ايه يعني لما اجيبلكم اتنين كيلوا؟؟بتطبق المثل القائل((خدوهم بالصوت قبل مايغلبوكم))لانها عارفه اني هااعمل هوليييييييييييييله:mad:
اقولها والباميه؟؟
تقولي اتنين كيلوا بس:mad: اقولها ايه؟؟:nooo: واتنرفز واطنط قدامها وتقولي ايه بس يابنتي؟هااشيلهالكوا في الفريزر؟
اقولها هاتشيلي اتنين كيلوا باميه في الفريزر؟؟مع العلم اني انا اللي بسلقها:-s
تقولي اه علشان لما احس اني تعبانه ومش قادره اططبخ في يوم اطلع كيس واعمل واحد
طبعا هااطرررررررشق وبسكت علشان ماازعلهاشي:'(
وبضطر اعملهم اسفة:-s
ولما تحب فييوم تخليني اعمل مسقعه باللحمه المفرومه لانها عارفه اني بمووووووووت فيها:eat:
تخيلوا بتخليني احمر اتنين كيلوا بتنجان رومي فما فوووق:'( اقولها يه ياماما؟؟هاناكل اتنين كيلوا بتنجان وكيلوا فلفل؟؟
محدش بيحبها غيري واخواتي بيكلوا منها بس مش قد كده؟؟
تقولي يلا بقى بالهنا والشفا علشان تاكلوا وتشبعوا ياحبيبتي وطبطب عليا وطبعا انا قلبي رهيف وضعيف وبتصعب عليا ومش برضى اتكلم
اقولها في نفسي قصدك علشان تطنقطوا وتشبعوا
دا انا بيتعمل فيا عمايل يالهوووووووووووووووووووووووووووووووووووووووووووووو وووووووي
انا قررت اغير اسمي من برنسيسة مصر الى بتنجانة مصر
الرحممممممممممممممممممه يارب



المعذب في الارض بتنجانة مصر قصدي برنسيسة مصر

summar
29-07-2006, 07:55 AM
ادخلى نامى ويابنتى واصحى بالليل زيي
او اعملى اتفاقية مع ماما....وقسمى الحاجات...(وطبعا المواعين والبتنجان من اختصاصها)
ربنا معاكى يارب والبتنجان يغلى سعره علشان يتجاب كل سنة مرة
قولى امين

برنسيسة مصر
29-07-2006, 08:00 AM
اللهم امييييييييييييييييييييييييين
ربنا يسمع منك يارب وتكون ابواب السما مفتوحه

عصام كابو
29-07-2006, 08:58 AM
الحمد لله احنا الرجالة ملناش دعوة الاكل بيتعمل ازاى
بناكل و خلاص
ههههههههههه

شكرا يا بودنج مصر
قصدى يا بودنجانة مصر

برنسيسة مصر
30-07-2006, 12:42 AM
الحمد لله احنا الرجالة ملناش دعوة الاكل بيتعمل ازاى
بناكل و خلاص
ههههههههههه

شكرا يا بودنج مصر
قصدى يا بودنجانة مصر
هههههههههههههههههههههههههههههههههههههههههههههههههه ههههههههههه
مش بقولك شكلك اكيل يامستر عصام
ياعيني عليا :(
ياشماتة كل:( البتنجان فيا
شكرا على المرور ياحضرة الناظر:cop:

البحار العاشق
30-07-2006, 01:32 AM
انت عارفه لما الدنيا تبقى مسقعه
بتشتى بدنجان

amak_77
30-07-2006, 11:32 AM
لا تصدقي حلوة بتنجانه مصر دي
بس الحمد لله مش بنشوف العذاب بتاع الطبخ دي
احنا لينا في الأخر الطبق فيه اكل
اتعمل ازاي مالناش دعوه
بس صراحة لايق عليكي اسم بتنجانه

برنسيسة مصر
30-07-2006, 10:53 PM
انت عارفه لما الدنيا تبقى مسقعه
بتشتى بدنجان
هههههههههههههههههههههه
طبعا انت عارف
البتنجان وماادراك ماالبتنجان تقوير وحشو :sorry:
تسلم على المرور حضرة البحار:f2:

برنسيسة مصر
30-07-2006, 10:55 PM
لا تصدقي حلوة بتنجانه مصر دي
بس الحمد لله مش بنشوف العذاب بتاع الطبخ دي
احنا لينا في الأخر الطبق فيه اكل
اتعمل ازاي مالناش دعوه
بس صراحة لايق عليكي اسم بتنجانه
هههههههههههههههههههههههه
ماشي شكلك عايز جنازه وتشبع فيها لطططططططططططططططم:hop:
ماشي يااماك مردودالك ان شاء الله

برنسيسة مصر
30-07-2006, 11:04 PM
لا تصدقي حلوة بتنجانه مصر دي
بس الحمد لله مش بنشوف العذاب بتاع الطبخ دي
احنا لينا في الأخر الطبق فيه اكل
اتعمل ازاي مالناش دعوه
بس صراحة لايق عليكي اسم بتنجانه
هههههههههههههههههههههههه
ماشي شكلك عايز جنازه وتشبع فيها لطططططططططططططططم:hop:
ماشي يااماك مردودالك ان شاء الله

أشجان الليل
31-07-2006, 12:52 AM
والله يا برنسيسه انتى خلتيني أكتشف اكتشاف رهيب!!!
إن الرجاله دول وحشين أوى :(:(
وأنا اللى كنت فاكراهم بيبقوا متعاطفين معانا طلعوا ولا على بالهم وكل واحد يقول وانا مالى انا ليا الأكل يجيلي وأكله!!!
معلش يابنتى أهو تدريب للمستقبل :)
ومتاخفيش..
الموضوع ده هايعمل لك دعايه كويسه
ههههه

برنسيسة مصر
31-07-2006, 01:53 AM
والله يا برنسيسه انتى خلتيني أكتشف اكتشاف رهيب!!!
إن الرجاله دول وحشين أوى :(:(
وأنا اللى كنت فاكراهم بيبقوا متعاطفين معانا طلعوا ولا على بالهم وكل واحد يقول وانا مالى انا ليا الأكل يجيلي وأكله!!!
معلش يابنتى أهو تدريب للمستقبل :)
ومتاخفيش..
الموضوع ده هايعمل لك دعايه كويسه
ههههه
ههههههههههههههههههههههه
عسل يااشجان الليل
تسلمي على احلى مرور ياسكر
ويلا هانعمل ايه الجنه تحت اقدام الامهات:l2:

همســـة حب
01-08-2006, 06:09 PM
حقيقى ضحكت بجد طلعتى احلا باذنجايه شفتها حقيقى
انا نزلت الجزء التانى حيعجبك كتير
ويارب يبعدك عن كل بازنجايه ويغلى الباميه واقلقاش ويبعد عنك الموخيه بالفراخ

mido elmasry
01-08-2006, 09:51 PM
على فكرة انا بعرف اقور البتنجان بسرعة بتنجانة/الدقيقة وبيطلع زى الفل..
كمان المقورة بتعملى حساسية ده غير اللون اللى بيعمله البتنجان فى الايد..
وانا عندى حل ليكوا كلكوا يا بنات يتجوزوا شيف او واحد اجنبى ميعرفش البتنجان..

يارب يعينك يا برنسيسة على بتنجان الدنيا ..

برنسيسة مصر
03-08-2006, 10:43 AM
حقيقى ضحكت بجد طلعتى احلا باذنجايه شفتها حقيقى
انا نزلت الجزء التانى حيعجبك كتير
ويارب يبعدك عن كل بازنجايه ويغلى الباميه واقلقاش ويبعد عنك الموخيه بالفراخ
هههههههههههههههههههههههههههههههههههههههههه
اللهم امين ربنا يسمع منكوا ياولاد وتكون ابواب السما مفتوحه ياااااااااااارب:evil:
تسلمي ع المرور يااحلى همسه:l2:

برنسيسة مصر
03-08-2006, 10:46 AM
على فكرة انا بعرف اقور البتنجان بسرعة بتنجانة/الدقيقة وبيطلع زى الفل..
كمان المقورة بتعملى حساسية ده غير اللون اللى بيعمله البتنجان فى الايد..
وانا عندى حل ليكوا كلكوا يا بنات يتجوزوا شيف او واحد اجنبى ميعرفش البتنجان..

يارب يعينك يا برنسيسة على بتنجان الدنيا ..
هههههههههههههههههههههههه
الحمد لله وشهد شاهد من اهلها:sorry:
مش انا لوحدي اللي معجونه في البتنجان
بقولك ايه ياميدو
مافيهاش حاجه لو اديتك كيلوا بتنجان وتقورهولي بسرعه على ماانزل اتفسح شويه ماشي؟
موافق ربنا يخليك يارب انت ذوق والله
يلا سلام بقى الحق اخرج
وتسلللللللللم على المرور الجميل:bye:

moura
30-08-2006, 09:53 PM
يا حرااااااااااااااااااااااااااااااااااااااااااام

انت صعبانة عليا اوى اوى

لازم اعملك حاجة عشان ما تزعليش

اممممممم اممممممممم*14* *14* *14*

ايوة..................:hey: :hey:

منى ليكى.......................



















تلاتة كيلو بتنحان من الكبير اوى

ههههههههههههههههههههههههههههههههه

سلميلى على الوالدة موت

(هدهد)
30-08-2006, 10:00 PM
ايه جو المطبخ الى انا دخلت فيه ده
تصدقى جوعتينى
رغم انى مش باكل البدنجان والحمد لله
بس ممكن اكله عشان خاطرك
يالله كله ثواب
طيران انا بقى
وررررررررررررررررررررررررررر

تمرحنة
30-08-2006, 10:19 PM
هههههههههههههههه
ضحكتينى يابذنجانة والله قلبى معاكى
انا بقى حكيتى مش مع البذنجان لا حاجه تنيه
بس انا مستعجله دلوقتى
ربنا يغليه من السوق ويرحمنا

camella
30-08-2006, 10:27 PM
ياااااااااااااااااااة تصدقي قاعدة بفكر هاطبخ اية بكرة :1:


خلاص الصبح هانزل اجيب بتنجان وابقى اندة عليكي تساعديني :stpd: انا ما صدقت لفيت حد بيعرف يقور :2:

اصلي بصراحة الكل في البيت بيقولي اينعم طعمة بتنجان :hop:
بس مش شكله خالص :'(

ربنا يطولك بعمر الوالدة ويجي ابن الحلال ويكون ما يحبش البتنجان :good:


Photo Gallery