المساعد الشخصي الرقمي

مشاهدة النسخة كاملة : قرأت لكم ........................ مذكرات اختي الكبيره :)!!!!



Mrs. Virgo
12-03-2003, 12:13 PM
الإيميل ده وصلني من اختي (طعميه)
بتحكيلي مغامرتها في العطله .. :)
ماحبيتش اضحك لوحدي ....
وجيبتلكم الإيميل علشان الكل يضحك معايا ..
---------------------------------------------------------


حانت الفرصة أن اكتب اليوم لك الحكاية التي كنت أريد أن احكيها لك ...

أنت تعلم بأني سافرت خلال عطلة العيد إلى دبي ...
ما حدث معي في الرحلة هو شي لا يتصوره عقل .......

أولا ارتكب خطاء فظيع و هو أنى اصطحبت أولادي معي .....
وهو أمر انبه الجميع له ... بان الرحلة مع صويت و دوشت العيال ..
عمرها ما ها تبقي للمتعه .. ها تبقي حالها حال أي خروجة تانية ...
يعني بالعربي الدنيا كانت زحمة .......
خصوصا اذا كان المسافر معه طفل صغير ما زال يلبس البامبرز ....
طبعا إجراءات الأمن والسلامة على الطائرات أصبحت عاليه جدا .....
إلا أن ما حدث معي في تلك الرحلة .. لن انساه طوال حياتي ...

اقلعت الطائرة بعد رحلة مخاط .... يعني بعد تسعه محاولات اقلاع فاشلة ...... في كل مرة نربط أحزمة الأمان و نستعد للإقلاع و الأنوار تطفي ...
و تمشي الطائرة مسرعة ... و لكن فجأة تبطئ مرة أخرى ..
و تضاء الأنوار ... ضللنا على تلك الحالة حوالي نصف ساعة او اكثر ...
و لولا اني اعلم بأن الوضع سيصبح خطيرا ... و الله لكنت صرخت ...
و طالبت طاقم الطائرة بفتح الباب لي فورا ... بس كنت ماسكة نفسي ..
لسببن .. الاول زوجي ... يعني مخلنيش اخد رحتي .. و ثانيا ... الاولاد ..
كانوا ها يشتغلو صويت معايا ..
المهم اني فضلت اهدي في نفسي علشان أعصابي كانت بايظة ..
و اقراء قران .. لغايت لما الطيارة قامت بالسلامة .. و بقينا في الجو ......
كنت في حالة ما يعلم بيها الا ربنا .. ودايخه .. من اللي حصل ...
و اللي حصل بعد كدا بقي خلاني مش قادرة اقعد على الكرسي
رغم ان المضيفة كل شوية تشاور لي بالجلوس و ربط حزام الأمان ...
بس اقولك ايه .... انت عارف اسراء الصغيرة ... عمرها بتاع سنه و نصف كده ...
و هي دي سبب المشكلة .... ابوها مش راضي يمسكها
و اخواتها سادين مناخيرهم كانهم ها ينزلوا حمام السباحة ....
الريحة ...........الريحة يا كول قلبت الطيارة .............
و المضيفات بيوزعو الاكل ............. و انا حسيت بالكل ها يرجع بعد شوية .....
حاولت اني انقذ الموقف و اغير ليها البامبر ............ بس الطيارة ضيقة ......
شاورت لجوزي انه ياخذ البت .. استعبط و عمل نفسه مش فاهم انا عايزا ايه ....
و انا في المواقف دي .. ببقي في منتهي العصبية ... فقلت له بصوت عالي ...
تعالي .... و الراجل اتكسف و بقي في نص هدومه ... المهم هو كان في الصف
الشمال و انا و العيال في المقاعد الوسطي ... و قمنا بصعوبة علشان الطيارة
دي كانت ضيقة زي علبه السردين ... و المضيفات و اقفين يوزعو الاكل ... المهم
يا كول وصلنا للحمام .. بعد معناه كل الاشخاص المساكين اللي كانوا فس سكت
البامبر المدمر ... و الريحه ... مش ها قولك ... ضاربه اد ايه ... و حصلت عملية
التنظيف بصعوبة علشان الحمام ضيق ..... والبت العبيطة مش تسكت .... لا ....
ازاي .... لمت علينا الكابتن .. يشوف ايه الناس اللي فاتحه الحمام و واقفين
دول ... و عاملين منع مرور ......... الراجل جه و هو وشه مصفر .. خايف تكون عملية خطف للطياره ... هو شاف الموقف عن قرب و شم عن قرب ... و
استمخ ...... وراح ماشي من سكات ..................... نهاية الموضوع ..........
اني حرمت اسافر مع عيال


------------- :D ---------------------
حلوه صح ؟؟؟؟؟

مصراوى
12-03-2003, 12:17 PM
هههههههههههههههههههههههههههههههههه

يادى الفضايح

انا متصور حال الزوج المسكين

لا وبيقولواا سى السيد

:D:D:D

Mrs. Virgo
12-03-2003, 12:54 PM
:confused: صعبان عليك قوي !!!!!!!!!

ده اصلا ماعملش أي حاجه .. يا دوب مسك الباب !!!!!:mad:

NADEEN
12-03-2003, 01:38 PM
هي يعني كل حاجه علي دماغ الستات بس

ta3mia
12-03-2003, 06:54 PM
يا دي الفضايح والحق علي اللي بعت ليكي الكلام ده
المره التانيه ها ابقي اخلي بالي
:p

خالد بن الوليد
12-03-2003, 07:17 PM
بخرب بيت الفضول و سنينه :D

Mrs. Virgo
12-03-2003, 07:22 PM
عصام ... كنت فكراك هتقول ............























يخرب بيت الفضول ............





















ورحته :D :D :D

العمدة
13-03-2003, 06:56 AM
أبداً .



جيت اشد السيفون

الله يعينك أيها الزوج المسكين :D

Mrs. Virgo
13-03-2003, 08:05 AM
:confused: علشان مسكلها الباب كلكم متعاطفين معاه !!!!
إمال هي المسكينه تعمل إيه !!!!!! :rolleyes:

ta3mia
13-03-2003, 11:54 AM
شوفتي بقي تعصب الرجالة
كل بيبــــــــــــــــــــــــــــــــان

NADEEN
13-03-2003, 12:08 PM
ما انا قولتلكوا من الاول

ta3mia
13-03-2003, 12:12 PM
عندك حق نادين
قطيعه تقطع الجواز واللي عايزين يتجوزو

العمدة
13-03-2003, 12:17 PM
مساء الف يا طعمية أولاً .

رابعاً ... قطيعة تقطع الجواز وسنينة دلؤتي :)

قبل كده ... أشوفه :D

هو فين الجواز يا بنات :)

صج :D

NADEEN
13-03-2003, 12:17 PM
لا يا طعميه نتجوز و كل حاجه

بس تبقي الشوره شورتنا

و نمشيهم علي العجين ما يخلبطهوش من الاول

الواحده مننا تروح الشغل و تيجي يشترك معاها جوزها في كل حاجه

امال الحياه مشاركه ازاي

العمدة
13-03-2003, 12:22 PM
مشاركة ..

إيه التفاؤل ده :)

نحن أبناء السيد عبد الجواد نشارك :(

ليه , هي فوضى :)

العمدة , عضو مجلس إدارة يا أزواج العالم اتحدوا :D

Mrs. Virgo
15-03-2003, 07:31 AM
:) ولاد عبد الجواد !!! ومش عايز يشارك مع مراته ...
سبحان الله .. أزواج أسامي وبس .. :)
يعني اكل ومرعى .. وقلة صنعه .. :)

ta3mia
15-03-2003, 08:04 AM
بلا خيبة
دول رجالة ورق
مناظر و بس
عايزين المشاركة في حاجات و حاجات
يعني الل يعلى هواهم بس و اللي فيه غازات ملهمشي دعوه بيه


Photo Gallery