المساعد الشخصي الرقمي

مشاهدة النسخة كاملة : لازم يزودوا الناس اللي بتدينا على قفانا!!!!!!!!"



mshmsh73
18-07-2006, 08:45 AM
مرة الريس عايز يزود شعبيته فقال لرئيس الوزراء يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص،

الريس استغرب قوي، وقاله: طب خلي الضرايب على المرتبات خمسين للمية. زود رئيس الوزراء الضرايب خمسين فى المية، الناس هزت دماغها وسكتت.

الريس اتجنن وقال لرئيس الوزرا بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف ودفعوا،

فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية، الناس قالت اللهم طولك يا روح و أمرنا لله و دفعوا.
رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه، و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي،



شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا!!!!!!!!"

من ايميلى بردو ههههه

kaboka
18-07-2006, 05:05 PM
لا طبعا لازم يزودوا الناس اللي بيدونا علي قفانا....هو كده ينفع برضه....ادي عندك المترو بقي ب جنيه حد اتكلم....ابقي قابلني عل رأي الست المحترمة مربية الاجيال روبي....غطيني وصوتي عليه ياماااااااااااا:'( *22*

أشجان الليل
20-07-2006, 12:46 AM
هههههههههههههههههه
أكتر حاجه ضحكتنى النهارده!!!!!!!
هم يضحك وهم يبكي!!

mshmsh73
20-07-2006, 07:46 AM
كابوكا شفت بقى ازاى البلد الجميله دى بتحبنا خلت المترو بجنيه بس الحمد لله هههههههههههههه حسبى الله ونعم الوكيل

اشجان فعلا والله هم يضحك وهم يبكى واحنا دايما همومنا بتبكى

شكرا على مروركم الكريم

حنين المصرية
02-09-2006, 09:59 AM
والله الواحد يضحك ولا يبكى على كل حال
حسبنا ونعم الوكيل


Photo Gallery