المساعد الشخصي الرقمي

مشاهدة النسخة كاملة : والله والله نكت جميلة جدا ياريت تعجبكم



خالد الفارس
12-07-2006, 10:13 AM
واحد صعيدي وقع في حفره جم يخرجوه حدفوله حبل طلع مشنوق
مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم

مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك

احد غبى قوى حكموا عليه بالاعدام.عشان مش رادى يعترف. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟

مجموعة صعايدة عملوا عصابه و قرروا يسرقوا بنك زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف بعد كده نخش كلنا من فتحة التكييف و نكسر الخزنه و ناخد الفلوس لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش رئيس العصابه : مافيش فايدة يا رجالة يلا نرجع الفلوس الخزنه الخطة فشلت

صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف . الصعيدى : و لو الضيف مات من أول طلقة نكمل برضه ؟؟!!
مرة أربعة بلدياتنا راحوا فرح ..الأول:نقط بخمسة جنيه و ضرب طلقة رصاص..الثانى: نقط بعشرة جنيه و ضرب طلقتين الثالث:- نقط بخمستاشر جنيه و ضرب تلت طلقات..أبوهم الراجل الكبير بقى عايز يعمل منظر راح منقط بـ ميه و رمي قنبلة
صعيدي : دش ، صعيدي تاني : جهار يك ، الأول : دش و الله ، التاني : لأ , علي الطلاق جهار يك ، صاحب المقهى لصبيه : يووه , شيل الشطرنج من قدامهم يابني
واحد معدى لقى ناس بتهيص قوى قالوهم فية اية.. قالوله فى واحد بلدياتناعايز ينط من سطح العمارة..هم خلاص انا طالعلة... طلعلة وقاله عايز تنتحر لية... بلدياتنا قاله اصل انا غبى وكل الناس بتقول علي غبى .. راح الراجل قايله هاقولك فزوره لو حلتها ماتبقاش غبى .. حاجة اسمها زى شكلها .. بلدياتنا : ماخبرش .. الراجل:البيضة اقولك واحدة تانية .. حاجتين اسمهم زى شكلهم .. بلدياتنا :ماخبرش .. الراجل: بيضتين اقولك واحدة تانية بسيطه و سهله .. حاجة كبيرة وسودة وبتجيب لبن واسمها جموسة .. بلدياتنا 3 بيضات

صعايده عايزين يحكمو مباراه واحد منهم قال انا الحكم وانتم الاتنين رجال خطوط ومسك كل واحد منهم علم فقال لهم اذا كان هناك خطا او فاول ارفعوا العلم وبعد ربع ساعة رفع واحد منهم العلم فجاء الحكم فقال له عايز ايه قال هناك خناق فوق المدرجات فقال له ملكش صالح بيهم انت ليك اللي في الملعب وبس متحطش خشمك في حاجه تانيه وبعد ربع ساعة رفع الصعيدي التاني العلم رحله الحكم فقال عايز ايه ..قاله: قلك ايه صاحبي في الناحيه التانيه
على فكره انا اصلا صعيدى

TonA
14-07-2006, 02:16 PM
مرسي جدا جدا ع النكت الحلوة دي بس اللي صعبان عليا الصعايده لأنهم مش اغبيا ولا حاجه دي اشاعه

نوسة
18-07-2006, 11:34 AM
هههههههههههههههههههههههههههههههه
نكد لذيذة يا خالد تسلم ايدك

ميمو المصرى
18-07-2006, 07:55 PM
حلوين يا خالد
دى عجبتنى اوى


مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك

شكرا


Photo Gallery