المساعد الشخصي الرقمي

مشاهدة النسخة كاملة : بوش عمل عمليه و اتحول الى ..............



kalecoper
11-07-2006, 01:17 PM
ذات يوم....

جلس الرئيس الامريكى جورج بوش داخل حجرته بالبيت الابيض وحيدا شاردا وأخذ يفكر بصوت عالى.................

قائلا: هما العرب دول ايه مبيتهدوش فى الأول حطينالهم اسرائيل مسمار جحا فى المنطقة وبعدين ابتدينا نتدخل فى شئونهم وبعدين ضربنا العراق وبنهدد سوريا وبنخوفهم باللى ممكن يحصل فى ايران ووقعنا بين سوريا ولبنان وبرضه مفيش فايدة تحس انهم ياخويا برضه بيحبو بعض رغم كل الظروووووووف وخصوصا موضوع الدنمارك ده قربهم من بعض اوى

لالالالالا الوضع ده عايز يتظبط احنا لازم نخطو خطوة جديدة لازم نكرهم فى دينهم نفسه لازم نبعدهم عن الدين ده اكتر من كده احنا كنا ماشيين فى اتجاه غلط كنا فاكرين اننا بالقوة والاحتلال هنخليهم يبقو زى ما احنا عايزين.

لالالالا ده اكيد فى قوة احنا مش قدها قوة مهما كانو عاصيين وملهيين وعدمانين ومش لاقيين يكلو قوة عجيبة بتصحيهم وترجعهم للحق تانى ده يا اخويا اول الواحد منهم ما تحصله مصيبة فى حياته الاقيه طلع يجرى على المصلية ويقعد يدعى وبعد خمس دقايق من العياط وخمسة قراية قرآن وخمسة ذكر وتسبيح تلاقيه كأن مفيش حاجة حصلتله

لالالالا دى حاجة ميتسكتش عليها خالص . اه يا واد يا بوشبش بس لو تعرف ازاى تشيل حتة العقيدة اللى جواهم دىوحبهم الغريب لدينهم كنت خلاص ارمى طوبتهم ومعبرهومش فى الشوز بعد كده..........

وبينما هو فى استغراقه فى التفكير دخلت عليه المكتب السيدة المبجلة كوندليزا رايس ولما لقيته بيكلم نفسه قالتله: ايه يا ريس انت بتكلم نفسك ليه؟_قالها: والله يا كوندليزا ياختى انا من كتر الهم قلت اقعد افضفض مع نفسى شوية يمكن استريح –قالتله: يوه هما الجماعة العرب دول لسه محيرينك دول خلاص بقو زى الخاتم فى صباعنا- قالها: خاتم ايه يا اختى متهيألك بس.. هما صحيح فقرا وجهلة وغرقانين فى التخلف لكن جواهم حاجة غريبة حاجة كده مش عارف اوصلها – ردت عليه وقالتله : طيب انت ناوى تعمل ايه يا ريس؟ - رد وقالها:ممممممممم انا بفكر اعمل عملية....

- لطمت على خدها وقالتله عملية ايه كفى الله الشر انت عيان ولاايه يا ريس؟ بعد الشر عليكّ!!!- قالها :لاياستى مش عيان ولاحاجة بس انا كنت شفت فيلم من افلامنا العبيطة اللى بنبعتها للشباب العربى عشان يسمعها ويتأثر بيها المهم انا مش فاكر اسم الفيلم ده لكن المهم ان الواد البطل حطوله فى دماغه جهاز كده زى الكمبيوتر وناويت احط الجهاز ده فدماغى عشان افكر كويس واعرف امخمخلهم واجيب قرارهم من الآخر واشوف ايه الحل اللى هيخلصنى منهم – لمعت عينا كوندليزا رايس وقالت له: يا سلام يا ريس على افكارك!!!

وفى الحال قامت كوندليزا بالاتصال بالسى اى ايه عشان يظبطولهم المسائل وعشان يبقى موضوع العملية ده فى الأمان

وفى حجرة العمليات طلب الدكتور المشرف على العملية الخطيرة من بوش ان يسترخى وبعد 12 ساعات من القص واللزق- اصل باين عليه مخه تخييييين اوى- المهم انتهت العملية وطلع الطبيب المشرف على العملية يهنئ العاملين فى البيت الأبيض بنجاح العملية



-وتعالت الهتافات الف مبرووووووك يا ريس-

وبعد ما تم شفاء بوش على خير قعد بقى يظبط فى الكمبيوتر اللى جوه و يقدح زنات افكاره وعمال يقرا فى الاحاديث بتاعت الرسول وتفسير القرآن الكريم –ماهو عايز يحارب عن علم بقى عشان يعرف يدخل منين- ويقول ها تعمل ايه ياواد يا بوش تعمل ايه يا واد يا بوش لحد ماوصل عند الآية اللى بتقول وان تجتنبو كبائر ماتنهون عنه.... الى اخر الآية قال:مممممممم طيب ايه هى الكبائر دى بقى؟؟؟؟ اه الشرك وعقوق الوالدين والزنا و......... وقعد بقى اشتغل فى الموضوع ده وجاب الأحاديث ...ممم ايه هو بقى الموضوع ده؟ ممممممممم ده العين تزنى وزناهما النظر واليد تزنى وزناهما اللمس والأذن تزنى وزناهم السمع كمان لا ده الموضوع إحلو اوى اوى طيب خلينا بقى فى العين والأذن دلوقت مفيش غيرها هى الأفلام الاباحية اللى مش قد كده والفيديو كليب اياه اللى هتخليهم يتلهوويريحونى منهم بقى خلاص ههه هههههه هههههههههه ههههههههههههههههه وبسرعة راح متصل بالسنيورا كوندليزا وقالها انا عايز أعمل عملية حالا قالتله : عمليةايه؟ قالها هتعرفى بعدين وفى سرية تامة تمت العملية بنجاح ايضا وتحول الرئيس بوش الابن الى ........



الفنانة فجلا ...(.ولازم النسخة تبقى لبانى برضه عشان المنظر العام ) وبقى اكبر نجمة برونو كليب ووصل صيته فى العالم كله وطبعا القاءات الصحفية والتلفزيونية انهالت عليه من كل مكان –اصل احنا اعلامنا بيموت فى الحاجات دى-وفى احدى هذه اللقاءات تستقبل المذيعة الفنانة فجلاوتقول المذيعة: يسعدنا أن نستقبل الفنانة فجلا ولكن انتى مش شايفة انك بتزودى العيار شوية فى الكليبات بتاعتك ؟-ترد فجلا وعلى وجهها علامات الدهشة انا والله موبعرف ليش كل الناس بدهم يقللو منى ومن مستوايا وناطرين انهم يتخلصو منى فى أقرب وقت ليش بس ما تنظروا الالثيابى وحركاتى انظروا لتسريحاتى.... احم احم اقصد انضروا لمعانى الكلمات واختيارالالفاظ والموسيقى الساحرة .المديعة:أيوه بس انتى كده بتدمرى الشباب العربى ولا انتى شايفة ايه؟- فجلا:انا كيف تقول عنى هيك لالالا أنا هدفى اسعاد الشباب ثم كيف يعنى بدك أغنى بالنقاب ولا ايش؟ يا جماعة والله هيك ثيابى من وأنا صغيرة ثم أنا أخاف الله وبدى أن ربنا يكون راضى عنى وبس أنا بلشت حجيت العام الماضى ولسه راجعة من العمرة من اسبوعين فأنا أخاف الله واتقيه فى عملى والفن هو الحضارة والتقدم وانا بدعو الجميع لمشاهدة كليباتى فى كل مكان عشان يحكمو براحتهن...

لكن برضه اللى هو عايزه محصلش واللى تأثر بالحاجات دى الخيبانين اللى هما أساسا مفيش منهم خوف وخصوصا إن فى بلد زى مصر مثلا ظهرت جماعات وشيوخ بدأت تنبه النا س الغفلانة لموضوع حرمانية الأغانى من أساسهامش بس مشاهدتها فيديو كليب

قال لنفسه:مممممم وبعدين الموضوع كده مش حلو انا الناس دى شكلها هتتعبنى ممممممم ويكلم نفسه :طب ايه رأيك يا واد يا بوش تشتغلهم فى الأزرق يعنى حبة ثقافة كده هيبقو عال العال يا كوندلييييييييييييييييزاااااااااااااااااااااااااااا ااتأتى مسرعة كالعادة ايوه يا ريس؟- اندهيلى الدكتور- تسأله عملية تانية؟ يرد عليها ويقولها: ايوه بس بسررررررررعة وايضا وكالعادة تتم العملية بنجاح ويصبح الريس بوش هو..........





السيدة سعال النوداوى ......ويظبط البروجرام بتاعه على اللغة العربية وعلى الصوت الحريمى ويبتدى يشتغل وفى اليوم التالى لوصوله للقاهرة نلاقيه على شاشات التليفزيون- طبعا ماهو اللى بيستضيف صفوة القوم- المهم شغال برضه على برنامج ما وعمال بيتكلم :طبعا احنا لازم نتكلم عن المرأة والحضارة وطبعا زى ماانتو عارفين الدين الاسلامى كرم المرأة وان كان ظلمها فى بعض الأشياء زى الميراث والعمل والزى ولكن هو اتاحلها برضه حاجات حلوة اوى زى الخلع مثلا وطبعا انا بدعو كل امرأة مؤمنة انها تنفذ موضوع الخلع ده عشان دينها يكتمل (تصفيق حاد من المدعويين)ولعلمكم انا كنت من أول الناس اللى طبقت الدين فى الموضوع ده امال نبقى بقى مسلمين ازاى؟؟؟ وبدعو كل الستات الحاضرات انهم يتمسكو بحقهم الكامل فى الميراث مش نصه بس زى ما بيحصل وبالنسبة للاقتصاد يا جماعة بطلو مواضيع الحج والعمرة اللى هتخرب البلد دى انا عن نفسى بعتبرها وثنية.. الاسلام مقالش كده احنا المفروض نتمتع بفلوسنا احسن ونصرفها على الاكسسوارات والفسح والذى منه ومنعقدش نفسنا بحاجات ملهاش لازمة ولاقيمة وبكده المجتمع هينتقل نقلة جامدة اوى ...

ورغم كل جهوده المستميته لنشر وعيه الا انها جميعا باءت بالفشل حيث أن سيدات مصر معظمهم على درجة ايمانية عالية جدا وعارفين كويس أوى الآية "وما كان لمؤمن ولا مؤمنة اذاقضى الله ورسوله امرا أن يكون لهم الخيرة " صدق الله العظيم





وقعد يفكر ممممممم مممممممممممم ممممممممممممممممم خلاص مفيش بقى غير انى ادخلهم من السكة دى...... ونده بعلو صوته: يا كوندليييييييييييييييييييييييييييييييييييييييييييزا ااااااااااااااااااااااا

تأتى كوندليزا مسرعة وهى فى حالة فزع من الطريقة التى ينادى بها الرئيس عليها: ايوه يا ريس اوامرك !!!- كلميلى الدكتور بسرعة ...- ترد: وهى فى قمة الاستغراااااااب والدهشة: عملية تانى برضه؟ يرد عليها ويقولها : اه بس المرة دى مش زى أى مرة. تندهش كوندليزا اكتر وتقوله عملية ايه بس ؟ يرد عليها هتعرفى بعدين وايضا تتم العملية بنجاح باهر

ويبتدى الرئيس بوش رحلته الخطيرة لبلاد الشرق متنكرا فى زى رجل دين مسلم ويظبط الكمبيوتر اللى فدماغه على اللغة العربية ويقعد يوعظ فى الناس الاسلام ده احسن دين فى العالم وهو دين يدعو الى التسامح الى الحرية يعنى لما اى دولة تتعدى على حدودكم لازم تتسامحوو مستواكم يبقى ارقى منهم والجهاد هو جهاد النفس انت مش مطلوب منك ابداانك تدافع عن أرضك لأن الأرض أرض الله وإنت زيك زيهم ولما اخوك البنى آدم يبقى عايز الأرض بتاعتك تديهاله وتروح إنت تدورلك على حتة تانية تعيش فيها المهم اخوك الانسان يكون سعيد هو ده التسامح اما الحرية أن لما الحكومة بتاعتك تديك على قفاك فمن حقك فى الحرية انك تقول أيييييييي مش زى الجاهلية زمان كانو ينضربو ويسكتو ..لأن زى الحكومة ما لها حرية انها تضربكم انتو برضه من حريتكم انكم تقولوا ايى واللى ميقولش أيى يبقى بيتنازل عن حقه فى الحرية والحرية كمان انك تسيب مراتك تخرج من البيت زى ما هى عايزة وبنت تتأخر بره براحتها و...و...و...ياجماعة. انا جاى هنا مخصوص عشان أعرفكم دينكم كويس الدين اللى الناس افترت عليه وانك متوعدش حد ولو وعدت تخلف براحتك عشان ربنا هو اللى بيسامح والدين ده دين الحرية واللى يكلمك قوله أنا حر وبطلو جهل بالدين وافتراء عليه بقى هو انتو هتعرفو اكتر منى لحد امتى هوعظكم....

ولكن هذه المرة لم تتم العملية كما كان يتوقع بوش فالناس كانت زهقانة وطفحانة وروحها فى مناخيرها ومصدقو لاقو حد يفشو فيه غلهم وقام عليه جماعة من اللى كانو قاعدين سففوه التراب وادوله علقة مخدهاش حراااااامى فى سوق وهو يقول حرمت حرمت وهما يردو عليه بقى تسامح قال طب خد شوية تسامح بقى على حبة حرية من بتوعك وبرضه من حقك تقول أييييييييييييى

ومن كتر الضرب بعيد عنكم الكمبيوتر اللى فدماغه ضرب وحوله ل...............



وللحديث بقية .. انتظرونا

kaboka
11-07-2006, 02:39 PM
mawdooo3 gameel awe ya kalecoper..bs dna et7awlt wana b2rah ya a7'e 7aseet ene b2ra qest 7yate....bs thnx ya man 3la el mwdoo3 el 7elw dh

kalecoper
13-07-2006, 12:42 AM
mawdooo3 gameel awe ya kalecoper..bs dna et7awlt wana b2rah ya a7'e 7aseet ene b2ra qest 7yate....bs thnx ya man 3la el mwdoo3 el 7elw dh
العفو يا kabboka
نورت


Photo Gallery