المساعد الشخصي الرقمي

مشاهدة النسخة كاملة : تعالى احكى قصة اسمك الحقيقى



دعاء ثابت
11-07-2006, 08:50 AM
اية رايكم كل واحد يحكى قصة اسمة او اهلة لما اتولد سموة على اسم مين وبيحب اسمة ولا لا وكان نفسة اسمة يبقى اية
انا عن نفسى قصتى غريبة شوية والدتى قالتلى ان كل اخواتى اتولدوا فى البيت ماعدا انا مع انى اخر العنقود فيهم
على فكرة احنا خمس اخوات وقالولى ان ولادتى كانت صعبة جدا هههههههههه رخمة من يومى والدكتورة قالت لها ان دماغى هتكون ناشفة جدا باين عليا مكنتش عايزة اجى الدنيا دى وفعلا طلعت دماغى نشفة المهم اختى الكبيرة قالتلى ان كل الممرضات وهما بيعيطوا قعدوا يقولوا ادعولها ادعولها طبعا مش انا هههههههههه المهم اختى راحت ماسكة فى الاسم ولما الدكتورة خرجت قالت هتسموها اية قالت دعاء وانا بحب الاسم دة جدا لان انا زى ماقلت قبل كدة ان كل واحد لة نصيب من اسمة وانا فعلا بحب الدعاء قوى ولما بدعى على حد بيروح ورا الشمس ههههههه
بس الغريب عندنا ان ولا واحد من اخواتى اسمة لايق على التانى ولا حتى الولاد بس عادى هو دة التغير
المهم كل واحد يدخل يقول اسمة الحقيقى مين سمهولة ولية وبيحبة ولا لا وكان نفسة اسمة يبقى اية

البحار العاشق
11-07-2006, 10:31 AM
انا بقى كل اللى اعرفه ان والدى كان مختار اسمى واسم اخويا من زمان
المهم انا اسمى عاجبنى جدا لانه على اسم القائد عمرو بن العاص ولما عرفت كده قرات عنه عشان اعرف هو كان ايه
بالفعل كان رجل عظيم وتقى وكان بيحب مصر كتيييير
المهم دى بقى علمنى انى اسمى اولادى على اسماء عظماء الاسلام واخليهم يقروا سيرتهم
واحاول اربيهم على نمط حياتهم عشان يبقوا خلف صالح وولد صالح من بعدى ودى من حقوق الولد على الوالد
عمرو درويش

دعاء ثابت
12-07-2006, 10:40 PM
انا بقى كل اللى اعرفه ان والدى كان مختار اسمى واسم اخويا من زمان
المهم انا اسمى عاجبنى جدا لانه على اسم القائد عمرو بن العاص ولما عرفت كده قرات عنه عشان اعرف هو كان ايه
بالفعل كان رجل عظيم وتقى وكان بيحب مصر كتيييير
المهم دى بقى علمنى انى اسمى اولادى على اسماء عظماء الاسلام واخليهم يقروا سيرتهم
واحاول اربيهم على نمط حياتهم عشان يبقوا خلف صالح وولد صالح من بعدى ودى من حقوق الولد على الوالد
عمرو درويش
شكرا ياعمرو على المرور الجميل وربنا يرزقك بالاولاد الصالحين وتسميهم اسامى جميلة
اختك دعاء

ابن البلد
19-07-2006, 09:11 PM
اسمي كان هيبقي محمد لكن بقه عمتي خلفت قبل ماما ولد وسموه محمد
فراحوا سموني أحمد علي اسم جوز عمتي :d بس عمتي التانيه اللي مخلفتش :d

ღ أيمن خطــاب ღ
21-12-2007, 07:32 AM
http://www.ss9ss.net/up/uploads/05547f04e9.gif

الأخت الفاضلة .. دعاء
http://www.ss9ss.net/up/uploads/38cb88d42b.gif


لا أعلم لماذا وأنا أقرأ هذا الموضوع .. تذكرت الحكمة التي تقول (( ليتنا مثل الأسامي لا يغيرنا الزمن )) فاسم كل منا يرتبط معه منذ ولادته وحتى نهاية أجله في الدنيا ... وليتنا بالفعل لا نتغير ولا يغيرنا الزمن .. فما أجمل أن نبقى على نفس مشاعرنا الأولى التي بدأت شفافه وطاهرة ورقيقه ..

أعتذر عن الخروج عن الموضوع الأصلي .. ولكن تلك الحكمة ألحت عليّ بشدة .. نأتي إلى موضوع ما هو سبب اختيار أهلي لاسمي .. فحقيقة لم أسألهم في حياتي هذا السؤال .. لماذا أنا ( أيمن ) ولست اسماً آخر .. ربما لقناعتي الداخليه بأن هذا قدرنا ولا نستطيع أن نسأل لماذا يا قدر فعلت ذلك أو لم تفعل ذلك .. ولكن على أية حال فأنا مقتنع جداً بأسمي .. وأعتز به جداً .. وأشعر بالفخر أني ( أيمن خطاب ) .. وأتمنى بالفعل أن أكون من أهل اليمين .. وأن أستلم كتابي في الآخرة بيميني .. وأخيراً .. فموضوعك موضوع متميز .. ولقد وجدته بالصدفه أثناء رحلتي بالبحث داخل أروقة المنتدى .. فكل الشكر لقلمك الراقي .. وكل عام وأنتِ بخير ..

http://www.ss9ss.net/up/uploads/2e04e85639.gif

بيكي من غــيرك هاعـيـش
وهدفن حــبـــك في التراب
وكأني حــتــى معرفتكـيش
ولو ظلمك وصل للسحـاب
أنــا أيـمـــن خــطــــــــاب
بحـــر ألــم مـيـنـتـهــــيش
وكـمــــان أمــــير العذاب

مع تحياتي
http://www.alwanes.com/vb/up/uploads/f7b69be66f.gif
بدون ألقاب .. فقط .. أيمن خطاب
http://glitter.hotfreelayouts.com/glitter/03/034427a0fc0a20fb4a83c35e9d249445.gif

ريـم
06-01-2008, 07:50 PM
انا يا ستي بابا كان عايز يسميني فاطمة
و ماما كانت عايزة تسميني بسنت..
و بصراحة الحمد لله إني ولا اسمي كده
ولا اسمي كده..
جابو ريم منين بقى؟
الله وحده يعلم ..
ههههههههههه
تحياتي :f:

زهــــراء
06-01-2008, 08:07 PM
دعاء الجميلة ..كيفك ياقمر ..
بصي ياستي هو أنا اللي سماني او اللي سمتني بالاصح هي تيتا والدة ماما كانت عاوزة تسميني الاول "ملاك" علشان ياقلبي كانت حاسة فيا لمحة الملايكة من يومي :d
لكن بعدين تراجعت عن الاسم وقررت تسميني زهراء تيمنا بإسم السيدة فاطمة الزهراء رضي الله عنها وأرضاها ..
بس بحب إسمي جداً وعمري مافكرت أتسمى بإسم غيره ..ربنا يرحم تيتا بقى :f:
دعاء موضوع جميل ياقمر فكرني بحاجات جميلة ..
خالص حبي ومودتي ..:girl25:

the_chemist
06-01-2008, 09:02 PM
أنا إسمى فريد
و جدى هو اللي صمم إنه يسمينى بإسم أبى
و قالوا لى أن سنة ميلادى كانت خير علي الأسرة
و فريد من معانيه
التفرد و نوع من أنواع اللؤلؤ الأسود النادر
و علي ما يبدو كان لي نصيب من حظ أبى "رحمه الله" من التعب في الدنيا
و ربنا يستر علي الآخرة
لك التحية يا إبنتى الغالية

tota_9
06-01-2008, 09:24 PM
سلمى وكنزي
موضوع زي العسل بجد:xmas7:
والردود كلها سكر..



اسمي كان هيبقي محمد لكن بقه عمتي خلفت قبل ماما ولد وسموه محمد
فراحوا سموني أحمد علي اسم جوز عمتي :d بس عمتي التانيه اللي مخلفتش :d

ابن البلد ..مش عارفة ليه فكرتني بعواجيز الفرح..ههههههههههههه :xmas10:



انا يا ستي بابا كان عايز يسميني فاطمة
و ماما كانت عايزة تسميني بسنت..
و بصراحة الحمد لله إني ولا اسمي كده ...ولا اسمي كده..

قصدك ايه يا ريم ..ماله اسم فاطمة :xmas32: منا زي الفل اهو..ههههههه... ماشي لما اشوفك يا ريم :xmas32:



علشان ياقلبي كانت حاسة فيا لمحة الملايكة من يومي :d

زهراء ضحكتيني جدا واللهى يا قمر..مش قادرة..ههههههههههه :xmas4: ملاك من يومك يا بنتي طبعا..طيب ليه برضه انتى كمان مش فاطمة؟؟؟؟

انا يا ستي بقى حكايتي حكاية...
وانا لسه في بطن ماما كانوا فاكريني ولد :xmas9:..هههههههههه
اه واللهى وكانوا خلاص متأكدين بقى وبتاع وسموني احمد..كمان......... والعائلة كلها مستنية احمد افندى ..
جتلهم انا .هههههههه
بس لغاية دلوقتى بينادونى بحمادة ..هههههههههههههههه :xmas9::xmas9: فضيحة..
وبعدين لما عرفوا اني بنت بابا سمانى على اسم بنت الرسول عليه الصلاة والسلام ..ستنا فاطمة :xmas29:
وكانوا هيسمونى فاطمة الزهراء بس ساعتها مش رضيوا يكتبوا الاسم مـُركب ..
وانا عن نفسي بحب اسمي ده جدا جدا ...وفرحانة به اوى ..كفايه انه اسم بنت الرسول "عليه الصلاة والسلام"
عارفة وانا صغيرة كان بابا لما يجي يزعقلي او يهزئني.
.كنت بقوله ايه ده انت بتزعق لبنت الرسول :xmas9::xmas9:.. .هههههههههههه عبيطة بقى :xmas10:

فكرتيني بذكريات جميلة اوى واللهى
شكرا على الموضوع الجميل ده...
تسلم ايدك :f2:

شعاع من نور
08-01-2008, 03:18 PM
الله يا دودو..موضوع عسل جداً جداً و المشاركات كمان عسولة موت...:d

أنا و اعوذ بالله من كلمة أنا...اسمي ساره....
بابا كان عاوز يسميني شيماء و خلاص كان هيسجلني شيماء...بس ماما قالت لأ..

احنا كنا مقيمين في السعودية و قتها يا دودو و أنا رجعت على ثانوية عامة....المهم يعني...ماما كانت تعرف زوجة أمير المنطقة اللي كنا فيها_تبوك_...كانت وقتها الأميرة ساره...
راحت ماما خدت الإسم...على أمل إني أبقى في يوم من الأيام أميرة يعني :girl12:

الغريب بقى يا دعاء اني اكتشفت قريب بس...انه في فرق بين سارّه بتشديد الراء و سارَه بتخفيف الراء...ساره بالشدة اسم عربي و يعني السرور و البهجة و هو اسم السيدة سارّه زوج إبراهيم عليه السلام..

سارَه بقى بتخفيف الراء اسم عبري معناه الأميرة...:girl12:و بيكتب بالإنجليزي Sarah

أنا بقى مبحبش ساره بالشدة على الراء و بحب ساره بالراء المخففة و طول عمري لو حد قالي سارّه أصححله و أقوله لأ سارَه :girl12:..بحسه أخف على اللسان..

يعني المفروض اللي يسمي ساره يكون واضح هو عاوز أنهي ساره....:girl12:


وبعدين لما عرفوا اني بنت بابا سمانى على اسم بنت الرسول عليه الصلاة والسلام ..ستنا فاطمة
توتاااااااا اسمك حلو موووووت يا توتااااا..و بجد كنت عاوزة أعرفه :$

موضوع عسوووووووول جداً جداً يا دودو تسلم ايدك...:f:

ودي و احترامي...
:f2::f2::f2:

دعاء ثابت
08-01-2008, 06:21 PM
اسمي كان هيبقي محمد لكن بقه عمتي خلفت قبل ماما ولد وسموه محمد
فراحوا سموني أحمد علي اسم جوز عمتي :d بس عمتي التانيه اللي مخلفتش :d
ياعينى يااحمد هما لازم يسموك على اسم حد من العيلة ههههههههههههههههه ابن عمتك خطفت الاسم يبقى انت تخطف اسم جوز عمتك هههههههههههههههههههههههههه
شكرا على مرورك الجميل وعلى فكرة اسم احمد من الاسماء الجميلة جدا
تحياتى
دعاء

دعاء ثابت
08-01-2008, 07:56 PM
شكرا ياايمن على مرورك الجميل ونورت الموضوع
تقبل تحياتى
دعاء

دعاء ثابت
08-01-2008, 08:24 PM
انا يا ستي بابا كان عايز يسميني فاطمة
و ماما كانت عايزة تسميني بسنت..
و بصراحة الحمد لله إني ولا اسمي كده
ولا اسمي كده..
جابو ريم منين بقى؟
الله وحده يعلم ..
ههههههههههه
تحياتي :f:
رمرومتى
كنا هنقولك يابطة هههههههههههههههههههههههههههههههههههه والله كان هيبقى عسل
طب ريم بقى جابوة منين
بصى انا هاقولك ريم اختصار فاطمة وبسنت هههههههههههههههههه عشان محدش يزعل
ريم مرورك منور الموضوع وسعيدة بمشاركتك اللى زى السكر
تقبلى حبى
دعاء

دعاء ثابت
08-01-2008, 08:57 PM
دعاء الجميلة ..كيفك ياقمر ..
بصي ياستي هو أنا اللي سماني او اللي سمتني بالاصح هي تيتا والدة ماما كانت عاوزة تسميني الاول "ملاك" علشان ياقلبي كانت حاسة فيا لمحة الملايكة من يومي :d
لكن بعدين تراجعت عن الاسم وقررت تسميني زهراء تيمنا بإسم السيدة فاطمة الزهراء رضي الله عنها وأرضاها ..
بس بحب إسمي جداً وعمري مافكرت أتسمى بإسم غيره ..ربنا يرحم تيتا بقى :f:
دعاء موضوع جميل ياقمر فكرني بحاجات جميلة ..
خالص حبي ومودتي ..:girl25:
ايشى خيال يااااااااااااااااااااا نااااااااااااااس ملاك يا زوزو من يومك :xmas34:
بس حقيقى اسمك جميل يا زوزو ويارب يكرمك حبيبتى
( يابنتى روحى ذاكرى ) يا عموووووووووووووووووو ابو ملاك هههههههههههههههههههههههه
رحم الله تيتك يا زوزو هى وموتى المسلمين وجعلها من رفقاء السيدة فاطمة الزهراء رضى الله عنها
تقبلى حبى ومرورك بيسعدنى جدا يا زوزتى
دعاء

دعاء ثابت
08-01-2008, 09:07 PM
أنا إسمى فريد
و جدى هو اللي صمم إنه يسمينى بإسم أبى
و قالوا لى أن سنة ميلادى كانت خير علي الأسرة
و فريد من معانيه
التفرد و نوع من أنواع اللؤلؤ الأسود النادر
و علي ما يبدو كان لي نصيب من حظ أبى "رحمه الله" من التعب في الدنيا
و ربنا يستر علي الآخرة
لك التحية يا إبنتى الغالية
استاذى الغالى
شكرا على مرورك الرائع وقصة اسم حضرتك رغم انها قصة حدثت للكثير الا انها مست قلبى
رحم الله والدك وجدك وموتى المسلميين جميعا
ومعنى الاسم جميل جدا على فكرة ووفقك الله وربنا يستر اخرتنا جميعا
تقبل ودى واحترامى
دعاء

زوزو عادل
09-01-2008, 10:29 AM
السلام عليكم

موضوع جميل جدااااااا يادعاء ربنا يبارك فيكى

والله انا اسمى زوزو

بس انا ماما سمتنى ريهام اول ما اتولدت ولمدة 6 شهور
هى كانت مسميانى على اسم واحده جارتنا فى الجيزه كانت هى بتحبها اووووى
كانت بنت صغير بس البنت دى توفت ربنا يرحمها
هى كانت بنت اموره ومتفوقه
ماما كانت عاوزانى اكون زيها
ولما ماتت بابا اتشائم بصراحه

فغير اسمى الى زوزو على اسم اخته الكبيره
كانت اسمها زينب وبيدلعوها زوزو
بس هو كتبنى زوزو

وانا بحب اسمى جداااااااااااا لان مافيش حد اسمه الحقيقى كده
بس انا بتحط فى مواقف كتيييييييير رخمه بسبب اسمى ده
يعنى انا ماشيه بالبطاقه كل ماحد يقابلنى يقولى اسمك اقوله
اول حاجه يقولى الحقيقى؟! سؤال بدهشه
اعد احلف ومايصدقش
لحد ماطلع البطاقه

ومره دكتور الجامعه ادانى اعمال السنه كامله عشان اسمى
كان بينادى الاسماء ويعطى درجات
فنده اسمى كل الشباب اعدت تتريق عليا
الدكتور لاحظ انى زعلت من الموقف
قالى انا بحب الاسم ده جداااااا لانه اسم مامتى هههههههههه
وعطانى درجتى كامله

انا بصراحه بحب اسمى مووووووووووت وكان نفسى اسمى يكون كده
بس انا بفضل الاسماء الدينيه على اسماء امهات المسلمين
لان الانسان بياخد حسنات على اسمه

انا اسفه انى طولت عليكى

the_chemist
09-01-2008, 12:15 PM
السلام عليكم

ومره دكتور الجامعه ادانى اعمال السنه كامله عشان اسمى
كان بينادى الاسماء ويعطى درجات
فنده اسمى كل الشباب اعدت تتريق عليا
الدكتور لاحظ انى زعلت من الموقف
قالى انا بحب الاسم ده جداااااا لانه اسم مامتى هههههههههه
وعطانى درجتى كامله

انا بصراحه بحب اسمى مووووووووووت وكان نفسى اسمى يكون كده
بس انا بفضل الاسماء الدينيه على اسماء امهات المسلمين
لان الانسان بياخد حسنات على اسمه

انا اسفه انى طولت عليكى


استغلال

ايه يا زوزو حتى الاسم بتستغلوه

للأسف ملقتش دكتور اسمه زى اسمى أبدا

و يا دوب هو الجيد و دمتم بخير

ههههههههههههههههه
صباحك فل

دعاء ثابت
11-01-2008, 04:14 PM
سلمى وكنزي
موضوع زي العسل بجد:xmas7:
والردود كلها سكر..



ابن البلد ..مش عارفة ليه فكرتني بعواجيز الفرح..ههههههههههههه :xmas10:


قصدك ايه يا ريم ..ماله اسم فاطمة :xmas32: منا زي الفل اهو..ههههههه... ماشي لما اشوفك يا ريم :xmas32:


زهراء ضحكتيني جدا واللهى يا قمر..مش قادرة..ههههههههههه :xmas4: ملاك من يومك يا بنتي طبعا..طيب ليه برضه انتى كمان مش فاطمة؟؟؟؟

انا يا ستي بقى حكايتي حكاية...
وانا لسه في بطن ماما كانوا فاكريني ولد :xmas9:..هههههههههه
اه واللهى وكانوا خلاص متأكدين بقى وبتاع وسموني احمد..كمان......... والعائلة كلها مستنية احمد افندى ..
جتلهم انا .هههههههه
بس لغاية دلوقتى بينادونى بحمادة ..هههههههههههههههه :xmas9::xmas9: فضيحة..
وبعدين لما عرفوا اني بنت بابا سمانى على اسم بنت الرسول عليه الصلاة والسلام ..ستنا فاطمة :xmas29:
وكانوا هيسمونى فاطمة الزهراء بس ساعتها مش رضيوا يكتبوا الاسم مـُركب ..
وانا عن نفسي بحب اسمي ده جدا جدا ...وفرحانة به اوى ..كفايه انه اسم بنت الرسول "عليه الصلاة والسلام"
عارفة وانا صغيرة كان بابا لما يجي يزعقلي او يهزئني.
.كنت بقوله ايه ده انت بتزعق لبنت الرسول :xmas9::xmas9:.. .هههههههههههه عبيطة بقى :xmas10:

فكرتيني بذكريات جميلة اوى واللهى
شكرا على الموضوع الجميل ده...
تسلم ايدك :f2:
احمد حمادة الغالى
هههههههههههههههههههههههههههههههههههههههههههههههههه هههههه
قصدى توتا منورانى ياقمر والله انتى حكايتك حكاية ههههههههههههههههههه زى العسل والله ياحمادة:xmas3:
والله انتى مش عارفة انا قعدت اضحك ازاى اصل متخيلة منظرك المشكلة فعلا لما حد بيكون متوقع ولد او بنت ويجيلة حاجة عكس التوقع بتبقى صدمة ههههههههههههههههه يعنى انتى صدمة العمر يا حمادة
يارب يخليكى يا طماطم على الضحكة السكر دى وعلى فكرة فاطمة من الاسماء الجميلة جدا
وعارفة يا فاطمة معنى اسمك اية ........ اسم فاطمة ابنة افضل خلق الله وقد سميت بذلك لان الله قد فطم من احبها من النار ومعنى الفطم اى الفصل اى ان يفطم الطفل من امة وجاءت التسمية من الله عز وجل
جعلنا الله من فطماء السيدة فاطمة الزهراء ااااااااااااااامين
اسمحيلى بقى اقولك يا فاطمة
سعدت بمرورك جدا وتقبلى حبى
دعاء

دعاء ثابت
11-01-2008, 04:23 PM
الله يا دودو..موضوع عسل جداً جداً و المشاركات كمان عسولة موت...:d

أنا و اعوذ بالله من كلمة أنا...اسمي ساره....
بابا كان عاوز يسميني شيماء و خلاص كان هيسجلني شيماء...بس ماما قالت لأ..

احنا كنا مقيمين في السعودية و قتها يا دودو و أنا رجعت على ثانوية عامة....المهم يعني...ماما كانت تعرف زوجة أمير المنطقة اللي كنا فيها_تبوك_...كانت وقتها الأميرة ساره...
راحت ماما خدت الإسم...على أمل إني أبقى في يوم من الأيام أميرة يعني :girl12:

الغريب بقى يا دعاء اني اكتشفت قريب بس...انه في فرق بين سارّه بتشديد الراء و سارَه بتخفيف الراء...ساره بالشدة اسم عربي و يعني السرور و البهجة و هو اسم السيدة سارّه زوج إبراهيم عليه السلام..

سارَه بقى بتخفيف الراء اسم عبري معناه الأميرة...:girl12:و بيكتب بالإنجليزي Sarah

أنا بقى مبحبش ساره بالشدة على الراء و بحب ساره بالراء المخففة و طول عمري لو حد قالي سارّه أصححله و أقوله لأ سارَه :girl12:..بحسه أخف على اللسان..

يعني المفروض اللي يسمي ساره يكون واضح هو عاوز أنهي ساره....:girl12:


توتاااااااا اسمك حلو موووووت يا توتااااا..و بجد كنت عاوزة أعرفه :$

موضوع عسوووووووول جداً جداً يا دودو تسلم ايدك...:f:

ودي و احترامي...
:f2::f2::f2:


سااااااااااااارة حبيبة قلبى منورة ياقمر
حكايتك جميلة موت ياقمر استمتعت جدا وانا بقراها واسمك جميل جدا ومن الاسماء اللى دايما بقابلها فى شخصيات جميلة
اميرة بقى هنعمل اية ومنطقة تبوك مرة واحدة اية دة يا بنتى احنا مش هنعرف نتكلم معاكى تانى
شكرا يا سرسورتى على توضيح الفرق بين الاسميين اة عشان لما نيجى ننادى عليكى نبقى واضحيين عايزيين سارة مين ومحدش تانى يبص من الشباك
سعيدة جدااااااااا بمرورك وانتى عارفة انتى من الشخصيات اللى بحبها جدا وبحسها قريبة قوى
تقبلى حبى
دعاء

دعاء ثابت
11-01-2008, 04:29 PM
السلام عليكم

موضوع جميل جدااااااا يادعاء ربنا يبارك فيكى

والله انا اسمى زوزو

بس انا ماما سمتنى ريهام اول ما اتولدت ولمدة 6 شهور
هى كانت مسميانى على اسم واحده جارتنا فى الجيزه كانت هى بتحبها اووووى
كانت بنت صغير بس البنت دى توفت ربنا يرحمها
هى كانت بنت اموره ومتفوقه
ماما كانت عاوزانى اكون زيها
ولما ماتت بابا اتشائم بصراحه

فغير اسمى الى زوزو على اسم اخته الكبيره
كانت اسمها زينب وبيدلعوها زوزو
بس هو كتبنى زوزو

وانا بحب اسمى جداااااااااااا لان مافيش حد اسمه الحقيقى كده
بس انا بتحط فى مواقف كتيييييييير رخمه بسبب اسمى ده
يعنى انا ماشيه بالبطاقه كل ماحد يقابلنى يقولى اسمك اقوله
اول حاجه يقولى الحقيقى؟! سؤال بدهشه
اعد احلف ومايصدقش
لحد ماطلع البطاقه

ومره دكتور الجامعه ادانى اعمال السنه كامله عشان اسمى
كان بينادى الاسماء ويعطى درجات
فنده اسمى كل الشباب اعدت تتريق عليا
الدكتور لاحظ انى زعلت من الموقف
قالى انا بحب الاسم ده جداااااا لانه اسم مامتى هههههههههه
وعطانى درجتى كامله

انا بصراحه بحب اسمى مووووووووووت وكان نفسى اسمى يكون كده
بس انا بفضل الاسماء الدينيه على اسماء امهات المسلمين
لان الانسان بياخد حسنات على اسمه

انا اسفه انى طولت عليكى
بنت
اسمك الحقيقى اية ......... زوزو ........... كداااااااااااابة طلعى البطاقة
هههههههههههههههههههههههههههههههههههههههههههههههههه ههههههه
لا بجد يا زوزو انتى كمان قصتك حكاية والله الموضوع دة طلع تحفة جدا بجد حسيت انى قريبة منكم جدا واسمك والله جميل جدا يا زوزو ومن هنا ورايح ( خلى بالك من زوزو ) اى حد يكلمك قوليلى علطول
واية المصالح دى اخدتى الدرجة كاملة ياريتنى كنت زوزو
على فكرة انا كمان بحب اسم ريهام بس سبحان الله كل واحد لية اسمة ونصيبة فية زى ما قلتى
زوزتى تقبلى حبى واتمنى نكون اصحاب اكتر
دعاء

الدكتورة نسيبة
11-01-2008, 05:25 PM
ما شاء الله موضوع عسول خالص يا دعاء وردود كله تموت من الضحك ما شاء الله

انا يا استى اسمى الحقيقى ميرا واتسميت الاسم ده على اسم واحدة تركية كانت صاحبة واحدة صاحبة ماما وكانت بالصدفة صاحبة ماما بتزور ماما وكانوا لسه مش اختاروا اسمى وماما بقى كانت عاوزة اسم يكون غريب مش منتشر يعنى وفى نفس الوقت يكون سهل عشان مش اتعبها لما اجى اذاكر وانا فى الحضانة (بتبص لقدام اوى ماما)بس هى دى حكاية اسمى

بس للاسف بيعملى ازمة جدا زى زوزو بالظبط كتير بيفتكروا انه مش حقيقى وناس بتحسه صعب عليهم وينادوا باميرة اسهل وفيه ناس بتفكرنى بديانة مختلفة

بس انا بحب اسمى جدااااا عشان فعلا غريب ومش منتشر بس بحب اسم نسيبة اكتر

تسلمى يا دعاء على موضوعك اللذيذ

سوما
13-01-2008, 11:57 AM
دعاء.. موضوعك زى العسل بجد......
انا برضه قصة اسمى يعنى ممكن تكون عادية بس اللى مش عادى هى ظروف ولادتى........
اصلا الدكتور كنت مطلعة عينه فى تحديد نوعى واقعد من حد الكشف اللى قبل الولادة على طول مش عارف بنت ولا ولد.. بس خمن انى بنت عشان الجنين خجول.....:xmas9: وطلعت بنت فى الأخر....
وكمان كنت مطلعة عين الدكتور وكمان ماما فى حاجة تانية .. من المعروف ان فترة الحمل لاى واحدة 9 شهور بالتمام والكمال ودا الطبيعى
بس حالتى كانت غريبة المفروض ان اخريوم فى اسبوع الاخيرفى الشهر التاسع لماما كان فى 24 اكتوبر... والغريب انى طلعت عينهم عشان انزل وجييت بعدها ب 10 ايام.. يعنى تقريبا ماما دخلت فى الاسبوع التانى من الشهر العاشر من الحمل :xmas3:
ويوم لما جييت بجد ماما حصل لها نزيف جامد ومحدش كان متوقع انى هعيش او ماما كمان وللاسف خيبيت الظنون وجييت سليمة والحمدلله وماما اتحسنت حالتها والحمدلله.....
تخيلى بقى كل ده حصل فى حمل ماما ولادتها للطفلة دى ..تفتكرى ممكن حد ساعتها يفكر فى اسم اللى عملت المشكلة دى كلها..:xmas34:
اسمى الحقيقى: وسام.. وبجد بحب الاسم ده جدااااااااااااااااااا.. وده اللى خلانى احب اسم سوما عشان لو تخدوا بالكم نفس حروف اسمى الحقيقى..:xmas7:
ومع ان ماما كانت عايزة اسم تانى بس بابا قالها اسم وعجبها اوى عشان ساعتها كان مش منتشر وبابا اللى اختار الاسم ده-وسام-.. لانه وهو فى الجيش جاء ليه وقت وزهق اوى عشان مدة جيشه طويلة شوية- دخل بعد النكسة وطبعا شارك فى حرب اكتوبر وخرج بعدها- اى حوالى 6 سنين.. وكان فى فترة الجيش بيسمع الراديو احيانا يعنى وكان فى مسلسل اذاعى البطلة بتاعته اسمها وسام.. وكانت بنت جدعة جدا وفيها صفات كتيرة جميلة .. بابا ساعتها اتمنى ان يجيب بنت فيها الصفات دى وتكون فعلا وسام بيفخر بيه.. وحب معنى الأسم اوى وكمان لاقى ان اسم وسام مع اسمه عامل نغمة حلوة فحبه اكتر.. فسماانى وسام.. وفعلا وانا فى دراستى كتير بيفكروا ان اسمى مركب -اسمى مع اسم بابا- عشان كمان معناهم حلو مع بعض......عشان كده بابا نوى يسمى الاسم ده لو ربنا رزقه بالبنت..
وبس معلش يا دعاء انا رغيت جداااااا وطولت عليكى معلش استحملى اختك الصغيرة بس مش الصغيرة اوى يعنى :xmas4:

دعاء ثابت
13-01-2008, 02:49 PM
ما شاء الله موضوع عسول خالص يا دعاء وردود كله تموت من الضحك ما شاء الله

انا يا استى اسمى الحقيقى ميرا واتسميت الاسم ده على اسم واحدة تركية كانت صاحبة واحدة صاحبة ماما وكانت بالصدفة صاحبة ماما بتزور ماما وكانوا لسه مش اختاروا اسمى وماما بقى كانت عاوزة اسم يكون غريب مش منتشر يعنى وفى نفس الوقت يكون سهل عشان مش اتعبها لما اجى اذاكر وانا فى الحضانة (بتبص لقدام اوى ماما)بس هى دى حكاية اسمى

بس للاسف بيعملى ازمة جدا زى زوزو بالظبط كتير بيفتكروا انه مش حقيقى وناس بتحسه صعب عليهم وينادوا باميرة اسهل وفيه ناس بتفكرنى بديانة مختلفة

بس انا بحب اسمى جدااااا عشان فعلا غريب ومش منتشر بس بحب اسم نسيبة اكتر

تسلمى يا دعاء على موضوعك اللذيذ
ميرااااااااااا
تعرفى انا من زمان نفسى نتواصل انا وانتى فى موضوع لانك من الشخصيات اللى سمعت عنها كتير وناس كتير حكولى عنك
شكرا يا قمر على مرورك الجميل والموضوع دمة خفيف بيكم يا ميرتى
على فكرة اسمك بجد تحفة تخيلى انا لما كنت بشوف الردود عليكى فى مواضيعك كنت بفتكرهم بيدلعوكى دلع اميرة يعنى مكنتش متخيلة ان دة اسمك الحقيقى بس سبحان الله زى ما قلنا ان كل واحد بيجى باسمة اللى مكتوب عند ربنا وكويس ان صاحبة مامتك كانت عندكم عشان موضوع الحضانة دة ههههههههههههههههههههههههه
على فكرة ياميرا الاسماء التركية فيها شوية حلويين قوى بينفعوا معانا غير بعض الاسماء التانية وبالنسبة لاسم نسيبة هو انا مكنتش اعرفة بس لما لاقيتك كتباة سالت زيزو عليكى فحكالى قصة الاسم وهى فعلا من الشخصيات الجميلة
ميرا حبيبتى ربنا يوفقك يا دكتورتنا الجميلة ومبروك على الاوسكار واتمنى نكون اصحاب ياقمر دة يشرفنى
تقبلى حبى
دعااااااااء

دعاء ثابت
13-01-2008, 10:43 PM
دعاء.. موضوعك زى العسل بجد......
انا برضه قصة اسمى يعنى ممكن تكون عادية بس اللى مش عادى هى ظروف ولادتى........
اصلا الدكتور كنت مطلعة عينه فى تحديد نوعى واقعد من حد الكشف اللى قبل الولادة على طول مش عارف بنت ولا ولد.. بس خمن انى بنت عشان الجنين خجول.....:xmas9: وطلعت بنت فى الأخر....
وكمان كنت مطلعة عين الدكتور وكمان ماما فى حاجة تانية .. من المعروف ان فترة الحمل لاى واحدة 9 شهور بالتمام والكمال ودا الطبيعى
بس حالتى كانت غريبة المفروض ان اخريوم فى اسبوع الاخيرفى الشهر التاسع لماما كان فى 24 اكتوبر... والغريب انى طلعت عينهم عشان انزل وجييت بعدها ب 10 ايام.. يعنى تقريبا ماما دخلت فى الاسبوع التانى من الشهر العاشر من الحمل :xmas3:
ويوم لما جييت بجد ماما حصل لها نزيف جامد ومحدش كان متوقع انى هعيش او ماما كمان وللاسف خيبيت الظنون وجييت سليمة والحمدلله وماما اتحسنت حالتها والحمدلله.....
تخيلى بقى كل ده حصل فى حمل ماما ولادتها للطفلة دى ..تفتكرى ممكن حد ساعتها يفكر فى اسم اللى عملت المشكلة دى كلها..:xmas34:
اسمى الحقيقى: وسام.. وبجد بحب الاسم ده جدااااااااااااااااااا.. وده اللى خلانى احب اسم سوما عشان لو تخدوا بالكم نفس حروف اسمى الحقيقى..:xmas7:
ومع ان ماما كانت عايزة اسم تانى بس بابا قالها اسم وعجبها اوى عشان ساعتها كان مش منتشر وبابا اللى اختار الاسم ده-وسام-.. لانه وهو فى الجيش جاء ليه وقت وزهق اوى عشان مدة جيشه طويلة شوية- دخل بعد النكسة وطبعا شارك فى حرب اكتوبر وخرج بعدها- اى حوالى 6 سنين.. وكان فى فترة الجيش بيسمع الراديو احيانا يعنى وكان فى مسلسل اذاعى البطلة بتاعته اسمها وسام.. وكانت بنت جدعة جدا وفيها صفات كتيرة جميلة .. بابا ساعتها اتمنى ان يجيب بنت فيها الصفات دى وتكون فعلا وسام بيفخر بيه.. وحب معنى الأسم اوى وكمان لاقى ان اسم وسام مع اسمه عامل نغمة حلوة فحبه اكتر.. فسماانى وسام.. وفعلا وانا فى دراستى كتير بيفكروا ان اسمى مركب -اسمى مع اسم بابا- عشان كمان معناهم حلو مع بعض......عشان كده بابا نوى يسمى الاسم ده لو ربنا رزقه بالبنت..
وبس معلش يا دعاء انا رغيت جداااااا وطولت عليكى معلش استحملى اختك الصغيرة بس مش الصغيرة اوى يعنى :xmas4:
سوماااااااا حبيبة قلبى منورة الموضوع والله
انا راضية زمتك بقى انت قصتك عادية يا شيخة حرام عليكى دة انتى تعبتى الدكتور اللى مش عارف انتى ولد ولا بنت وتعبتى مامتك ياعينى عشر شهور يامفترية هههههههههههههههههههههههه حرام اية دة مفترية من يومك هههههههههههههههههههه بس والله قصة اسمك حلوة موت وباباكى اختار اسم جميل ومعناة اجمل ربنا يخليهولك وسلميلى علية جدا دة وانا بحب قوى الناس اللى شاركوا فى حرب اكتوبر وبفتخر بيهم قوى
وبعديين انتى شوقتينى جدا اعرف اسم باباكى عشان قلتى ان الناس بتفتكرة اسم مركب هستناكى تيجى تقولى علية متتاخريش
وسام حبيبتى انا بفرح بمرورك جدا ونورتينى وانتى تطولى براحتك وتحكى كل اللى عايزاة هو انا عندى كام اخت صغيرة اسمها وسام يعنى ربنا يخليكى ليا ياقمر
تقبلى حبى
دعاء

مصريه وكلى فخر
14-01-2008, 06:25 AM
انا باة اسمى على اسم بشرى فى فيلم وش اجرام

والى سمتنى اختى الى اكبر منتى بثلاث سنين وساعه لما بابا راح يسجلنى نطقت اسمى وصممت على الاسم

وماما كانت متفقه تسمينى امانى ولا رشا والحمدلله انهم معملوش الى هى عايزاة لان بحب اسمى اوى وبيعجبنى جداااااااا

دعاء ثابت
16-01-2008, 04:21 PM
انا باة اسمى على اسم بشرى فى فيلم وش اجرام

والى سمتنى اختى الى اكبر منتى بثلاث سنين وساعه لما بابا راح يسجلنى نطقت اسمى وصممت على الاسم

وماما كانت متفقه تسمينى امانى ولا رشا والحمدلله انهم معملوش الى هى عايزاة لان بحب اسمى اوى وبيعجبنى جداااااااا
يا رحاااااااااااااااااااااااااااااااب
دبدوب وجبت . سندوتشات وجبت . وفى الترام دفعت هههههههههههههههههههههههههههههههههههه
لسة كنت بتفرج على الفيلم امبارح فى التلفزيون وبموت فى الاغنية دى :xmas3::xmas3:
واسمك جميل يا رحاب انا عارفة معناة كويس عشان واحدة صاحبتى اسمها رحاب
هو جاى من الرحبة وهى الارض الواسعة والجمع رحااااااااب
وكويس ان اختك نطقت الاسم الجميل دة منطقتش حاجة تانى وسمعوا كلامها
رحوبة سعدت بمرورك وشرفتى الموضوع
تقبلى تحياتى
دعاء

نشــــوى
16-01-2008, 04:42 PM
دودووووووووو
ايه الموضوع السكر ده
بجد لذيذ اوووووووووووووووووووي
وردود الاعضاء فظيعه خصوصا رد ابن البلد وزهراء
بجد موتوني على نفسي من الضحك

بصي يا ستي اسمي الحقيقي طبعا انتى عارفة .. نشوى .. واتقلب بعد ما دخلت المنتدى بقى نوشا ههههههههه
كل الحكاية ان بابا بيحب الشعر وكده وكان بيكتب شعر .. وعاجبه الاسم ده راح مسميني نشوى..
فكنت دايما وانا صغيرة اقوله ايه نشوى ده يا بابا مافيش حاجة تانية
يقول لى يا بابا ده نشوى ده اسم نادر وجميل ..
وطبعا اختك كانت لسة عيلة ولا فاهمة يعني ايه نادر دي اصلا ..
فبقيت كل ما اشوف حد اسمه نادر .. احس ان فى رابط بيني وبينه :d
اما عن اسمي فانا مش كنت بحبه بس.. من اول ما دخلت الجامعه فجأة كده حبيييييييييييته ومش عندي استعداد اغيره ابدا
حتى لما جيت اسجل فى المنتدى كتبت نشوى لقيته مستخدم قبل كده فروحت كاتبة ارتحال..

دعاء ثابت
16-03-2008, 12:34 AM
دودووووووووو
ايه الموضوع السكر ده
بجد لذيذ اوووووووووووووووووووي
وردود الاعضاء فظيعه خصوصا رد ابن البلد وزهراء
بجد موتوني على نفسي من الضحك

بصي يا ستي اسمي الحقيقي طبعا انتى عارفة .. نشوى .. واتقلب بعد ما دخلت المنتدى بقى نوشا ههههههههه
كل الحكاية ان بابا بيحب الشعر وكده وكان بيكتب شعر .. وعاجبه الاسم ده راح مسميني نشوى..
فكنت دايما وانا صغيرة اقوله ايه نشوى ده يا بابا مافيش حاجة تانية
يقول لى يا بابا ده نشوى ده اسم نادر وجميل ..
وطبعا اختك كانت لسة عيلة ولا فاهمة يعني ايه نادر دي اصلا ..
فبقيت كل ما اشوف حد اسمه نادر .. احس ان فى رابط بيني وبينه :d
اما عن اسمي فانا مش كنت بحبه بس.. من اول ما دخلت الجامعه فجأة كده حبيييييييييييته ومش عندي استعداد اغيره ابدا
حتى لما جيت اسجل فى المنتدى كتبت نشوى لقيته مستخدم قبل كده فروحت كاتبة ارتحال..
انوشااااااااا نوشاااااااااااااااا
اخويا نادر الغالى
بقالى ساعة عمالة اضحك طب اية جاب الشعر لنشوى ههههههههههههههههههههههههههههههههههه
الحمد لله مفيش حد اسمة نادر فى المنتدى ههههههههههههههههههههه
تعالى بقى قوليلى اشمعنى لما دخلتى الجامعة حبتية اية السر يعنى :shit::shit:
هستناااااااااااااكى

حنين مصر
16-03-2008, 07:46 PM
انا باءه اسمى امممممممممممم

اه افتكرت لمياء ليه سمونى لمياء كانوا فاكرين انى جميله ولان اختى كان ليها صاحبه حلوه واسمها لمياء سمونى لمياء وبعدين لما اتسميت لمياء بقيت لمياء اصلى انا لمياء عشان انا لمياء فهمتى حاجه


موضوعك حاو اوى واوحاااااااالى بفكره موضوووووووووع


اه
انا لمياااااااء اوعى تنسى هههههههههه

سيمفونية كاتبه
06-12-2008, 08:42 PM
موضوع حلو أوى يادودى .. :f:

بصى ياستى أنا على حسب ما حكولى

إن بابا كان عايز يسمينى على إسم مامته (أمينه) لأنه الكبير

لكن شاء القدر إن ماما كانت فى مدارس أجنبيه

وكان ليها صحبه إسمها هايدى فالاسم كان عجبها

وفضل معلق معاها ... لحد ما إتجوزت بابا

ساعت ما إتولدت كنت فى شبرا فى بيت العائله

وبابا كان فى البحر الاحمر لإنه مهندس بترول فكان فى شغل

ماما بقى إنتهزت الفرصه وسمتنى هايدى

وبقيت هايدى

رغم أنف كل العائله

ماعلينا أنا رغيت كتير

بس بجد موضوع حلو أوى

تسلم إيدك :f:

كاميليا
06-12-2008, 10:48 PM
اما انا فاسمى كاميليا
وبابا وماما اتفقوا على هذا الاسم ده
الله يرحمهم
وهو عجبنى اوى
وشكرآ على الموضوع الجميل ده

*شهد*
30-01-2009, 11:47 PM
أنا بقى ماما كان نفسها تسمينى أميره
بس بابا سمانى على إسم تيته ((مامته))
هو حلو جدا
بس أكتر حاجه مضايقانى إنه مركب

بس

موضوع جميل


Photo Gallery