المساعد الشخصي الرقمي

مشاهدة النسخة كاملة : البسبوسة على طريقتي



أنفـــــال
05-07-2006, 01:11 AM
بسم الله الرحمن الرحيم
أحبائي الزباين في قاعة المطبخ ..
السلام عليكم و رحمة الله و بركاته ..
النهاردة حبيت أقدم لكم تجربتي الشخصية في البسبوسة ..
زي ما باعملها بالظبط ..
و هي سهلة و بسيطة جدا جدا و المقادير مظبوطة ان شاء الله
ملحوظة : ياريت نستعمل نفس معيار الكوب في الشيرة او العجينة نفس الكوب.

مقادير الشربات ( العسل أو لقطر أو الشيرة)
دي بالظبط المقادير اللي احنا محتاجينها للصينية دي ..
2 كوب سكر
2 كوب ماء
عصير نصف ليمونة صغيرة
رشة فانيليا

طريقة الشربات :
نضع الماء و السكر في إناء على النار .. و لما يبدأ الغليان نضيف عصير الليمون و رشة الفانيليا ..
و نسيبها على النار حوالي 10 دقايق و نعمله قبل عجينة البسبوسة و نسيبه يبرد

مقادير عجينة البسبوسة :

2 و نصف كوب دقيق البسبوسة ( السميد الناعم )
1 ملعقة كبيرة دقيق أبيض
1 كوب جوز هند
1 كوب سكر
1 و نصف كوب حليب
4 ملاعق سمن أو زبدة طرية
2 ملعقة صغيرة باكينج باودر
طحينة

الطريقة

دقيق البسبوسة + ملعقة الدقيق + جوز هند + كوب السكر +الباكينج باودر
يتم خلطهم جيداً .
نضيف السمن .. و نخلط كل المقادير السابقة ..
نضيف الحليب تدريجياً .. و نخلط ..
نجيب صينية متوسطة و ندهنها طحينة في القاع و الجوانب .. أو سمن أو زبدة.
نضع الخليط و نوزعه في الصينية ..
و نحطها في فرن ساخن حوالي 180ْ نكون مشغلينه قبل وضع الصينية فيه بعشر دقائق
و نسيبها في الفرن من 20-25 دقيقة .. لحد ما نحس الجوانب بدأت في الاحمرار .
و بعدين نسويها من فوق لحد ما وجه الصينية يوصل للون الذهبي المعروف للبسبوسة .
أول ماتطلع من الفرن نسقيها بكمية الشربات اللي حضرناها كلها .. المفروض انها تكون بردت زي ما وضحنا قبل كدة .
و بعدين ندخلها الفرن تاني على نار هادية خمس دقايق بالظبط ..
و نسيبها تبرد ..
و بألف هنا ..
:f2:
مش منقول برضه ..!

milly
05-07-2006, 07:01 AM
انا من زمان بتشهى على البسبوسه ونفسي اجربها
واضح انها وصفه حتكون ولا اطيب
حجربها اكيد
تسلم ايدك يا احلا انفال على الوصفه الروعة :f:

sea horse
05-07-2006, 08:04 AM
تسلم ايدك يا انفال عالوصفه المتجربه دى
بس الجديد فيها هو موضوع الطحينه ....
:notme:
يا صباح البسبوسه
:eat:

أنفـــــال
05-07-2006, 07:49 PM
أهلاً يا ميلي الغالية ..
ان شاء الله تجربيها و تطع حلوة .. و تعجبكم كتير ..
:f2:
سلمت يداكِ مقدماً.

أنفـــــال
05-07-2006, 07:51 PM
سي هورس..
:)
الطحينة بتخلي الجوانب ماتتحرقش و ماتلزقش .. على حسب علمي المتواضع و تجربتي..
مرحباً بك دائماَ..
:f2:

العندليب الأسمر
06-07-2006, 09:02 PM
وكأني أشم رائحتها من بعييييييييييييييييييييييييييييييييييد :d
عارفه يا أنفال ، دي أحلي حاجة حلوة بحبها في الدنيا
مش بحبها ، ده أنا بموت فيها :d
تعمليش خدمة في أخوكي الصغير كده وتبعتيله طبق صغنطط حتي :d

شكراً يا أنفال علي الموضوع اللذيذ أوي ده
لذيذ جداً والله

أنفـــــال
07-07-2006, 11:22 AM
عندليب أهلاً و سهلاً..
زيارة غالية جداً و الله *162*
طبق إيه بس ؟؟
دة انا أجيب ك الصينية لحد عندك ..
هات العنوان بس.. و سيب لنا الدليفري... ;)
مرحباً بك دوماً..
:f2:

Abdou Basha
08-07-2006, 10:51 AM
تسلم إيديكي ....
:)

أنفـــــال
08-07-2006, 01:37 PM
عبده باشا ..
الله يبارك لك :)
و يوفقك دوماً.

أم أحمد
23-08-2006, 08:04 PM
حلوة اوي طريقتك يا انفال
تسلم ايدك
:f2:

khaledshams
26-08-2006, 09:07 PM
انا من زمان بتشهى على البسبوسه ونفسي اجربها
واضح انها جميلة انشاء اللة
حجربها اكيد
تسلم ايدك يا احلا انفال على الوصفه الروعة

khaledshams
26-08-2006, 09:18 PM
:f:
انا من زمان بتشهى على البسبوسه ونفسي اجربها
واضح انها جميلة انشاء اللة
حجربها اكيد
تسلم ايدك يا احلا انفال على الوصفه الروعة
السلام عليكم ورحمة الله وبركاته
تسلم إيدك
طريقه حلوه وسهله
في إنتظار جديدك

nana2006
26-08-2006, 11:08 PM
:y: تسلم ايديك:eat: انفال يا حبيبتى
بس جديدة بعد الشربات اضعها تانى في الفرن
*4* انا عيزة اسال ليه لو ما عندك مانع يا قمر

أنفـــــال
27-08-2006, 07:48 PM
أختي الغالية أم احمد ..
سعدت بك .. و مرحباً بك في اي وقت :)
:f2:

أنفـــــال
27-08-2006, 07:49 PM
مرحباً بك يا استاذ خالد ..
نورت المنتدى و المطبخ و كل حتة . :)

أنفـــــال
27-08-2006, 07:51 PM
مرحباً بك يا نانا .. *162*
موضوع ادخالها في الفرن بعد الشربات ..
بيخلي الشربات يبتشرب بسرعة .. و بيخليها طرية و متماسكة .
دة الفارق :)

أم العلاء
27-08-2006, 08:38 PM
رووووعة .. تسلم الأيادي .. حبيبتي http://www.osrty1.com/vb/images/smilies/0014.gif http://www.osrty1.com/vb/images/smilies/0014.gif

طـــــير في الســـما
31-08-2006, 12:40 AM
شكرا جزيلا

أنفـــــال
31-08-2006, 01:11 PM
الغالية أم العلاء .. مرحباً بكِ ..
سعدت بتواجدك و مشاركتك :)

أنفـــــال
31-08-2006, 01:11 PM
ايمان الشامي .. أهلا و سهلاً..
و العفو يا ستي .. :)

أحلى كلمة
31-08-2006, 01:47 PM
تسلم ايدك يا أنفال على البسبوسة الحلوة دى :good:

الله دى طعمها لذيذ قوى وريحتها تجنن

شماها من عندى هنا :1:

أنا لازم أجربها وهبقى أقولك النتيجة

أنفـــــال
31-08-2006, 05:07 PM
احلى كلمة ..
مرورك جميل و مشجع جداً . :)
جربيها و باذن الله هتطلع حلوة جدا .. ماتقلقيش خدي مني و جربي :)

ورده مصر
29-09-2006, 10:28 PM
مشكوره اختى على هذه الطريقه

osha
16-11-2006, 03:26 AM
بسم الله الرحمن الرحيم
أحبائي الزباين في قاعة المطبخ ..
السلام عليكم و رحمة الله و بركاته ..
النهاردة حبيت أقدم لكم تجربتي الشخصية في البسبوسة ..
زي ما باعملها بالظبط ..
و هي سهلة و بسيطة جدا جدا و المقادير مظبوطة ان شاء الله
ملحوظة : ياريت نستعمل نفس معيار الكوب في الشيرة او العجينة نفس الكوب.

مقادير الشربات ( العسل أو لقطر أو الشيرة)
دي بالظبط المقادير اللي احنا محتاجينها للصينية دي ..
2 كوب سكر
2 كوب ماء
عصير نصف ليمونة صغيرة
رشة فانيليا

طريقة الشربات :
نضع الماء و السكر في إناء على النار .. و لما يبدأ الغليان نضيف عصير الليمون و رشة الفانيليا ..
و نسيبها على النار حوالي 10 دقايق و نعمله قبل عجينة البسبوسة و نسيبه يبرد

مقادير عجينة البسبوسة :

2 و نصف كوب دقيق البسبوسة ( السميد الناعم )
1 ملعقة كبيرة دقيق أبيض
1 كوب جوز هند
1 كوب سكر
1 و نصف كوب حليب
4 ملاعق سمن أو زبدة طرية
2 ملعقة صغيرة باكينج باودر
طحينة

الطريقة

دقيق البسبوسة + ملعقة الدقيق + جوز هند + كوب السكر +الباكينج باودر
يتم خلطهم جيداً .
نضيف السمن .. و نخلط كل المقادير السابقة ..
نضيف الحليب تدريجياً .. و نخلط ..
نجيب صينية متوسطة و ندهنها طحينة في القاع و الجوانب .. أو سمن أو زبدة.
نضع الخليط و نوزعه في الصينية ..
و نحطها في فرن ساخن حوالي 180ْ نكون مشغلينه قبل وضع الصينية فيه بعشر دقائق
و نسيبها في الفرن من 20-25 دقيقة .. لحد ما نحس الجوانب بدأت في الاحمرار .
و بعدين نسويها من فوق لحد ما وجه الصينية يوصل للون الذهبي المعروف للبسبوسة .
أول ماتطلع من الفرن نسقيها بكمية الشربات اللي حضرناها كلها .. المفروض انها تكون بردت زي ما وضحنا قبل كدة .
و بعدين ندخلها الفرن تاني على نار هادية خمس دقايق بالظبط ..
و نسيبها تبرد ..
و بألف هنا ..
:f2:
مش منقول برضه ..!


والآن يكرم المرء أو يهان :huh:
كنت جايبة معايا من مصر خلطة البسبوسة الجاهزة وقد حل عليها ما يحل على كل شئ وآلت إلى نهاية محتومة بالنفاذ:2: :2:
وعليه
المهم يعني اني اشتريت سميد القمح وقلت هنا بقى الامور تبان على حقيقتها
إما ............أو
عجبتني طريقتك ودخلت دماغي:beer:
لولا جوز الهند فأنا لا أحبه ولا أحب هند هي الأخرى
فما هو البديل لجوز الهند
وشكرا مقدما :good:

أنفـــــال
16-11-2006, 04:23 PM
والآن يكرم المرء أو يهان :huh:
كنت جايبة معايا من مصر خلطة البسبوسة الجاهزة وقد حل عليها ما يحل على كل شئ وآلت إلى نهاية محتومة بالنفاذ:2: :2:
وعليه
المهم يعني اني اشتريت سميد القمح وقلت هنا بقى الامور تبان على حقيقتها
إما ............أو
عجبتني طريقتك ودخلت دماغي:beer:
لولا جوز الهند فأنا لا أحبه ولا أحب هند هي الأخرى
فما هو البديل لجوز الهند
وشكرا مقدما :good:

جربي و على ضمانتي :)
كنت عاوزة اقول .. ان كل البسبوسة الجاهزة الاكياس و العلب و كدة بيكون فيها جوزهند .. :huh:
مش عاوزة تحطي جوزهند يا ستي اعمليها من غيره بس كدة بقت هريسة مش بسبوسة حسب علمي :)
سلمت يداكِ مقدماً .
:f2:

شاعر الرومانسية
16-11-2006, 10:59 PM
تسلم الايادى يا انفال...
انا بحب الابتكارات الجديدة والاضافات الغير تقليدية
زى موضوع الطحينة دة وكمان ادخالها الفرن بعد الشربات


تعرفى
كل وصفة بيبقى ليها تركة كدة او سر ....
انا بفكر اعمل موضوع عن سر اى طبخة او وصفة:2:
ربنا يسهل...

بكرة عيد ميلاد ابننا نور ... وحجربها جنب التورتة :clown:
واقولك على راى السادة الضيوف:beer:


تقبلى خالص تحياتى .. وأطيب امنياتى،،،:f:

osha
17-11-2006, 05:35 AM
جربت ياانفال وطلعت حلوة ومحستش بطعم جوز الهند ولا هند كمان :d
بس شكلي حطيت سكر اقل مع اني استخدمت نفس عيار الكوباية

المهم انها حلوة وحتتجرب تاني ان شاء الله
ربنا ما يوقع لك صينية يا انفال يابنتي


حسن
كل سنة ونور طيب وعقبال ميت سنة ماتنساناش في الجاتوه او على الاقل حقي يتشال ناشف - فلوس يعني :stpd:

سلوى سالم
17-11-2006, 07:24 AM
يا ترى يا أختى انفال بيكون الحليب بودرة ولا سائل اصل أنا بعملها بالحليب سائل


تسلم الأيادى

شاعر الرومانسية
18-11-2006, 01:22 AM
اهلا اوشا والله ليكى وحشة

وانتى طيبة...
وعلم يافندم .. وحقك محفوظ

معلش يا انفال استخدمنا موضوعك ...

بس كله بقى بسبب بسبوسة سيادتك الرائعة
جربناه فى عيد الميلاد وكانت هايلة فعلا
والكل اتبسط منها

شاكريين مهللين... :2:
تقبى ارق تحياتى :f:

الطير الغريب
09-01-2007, 10:00 PM
بسم الاله الرحمن الرحيم
والله انا جربت اعمل البسبوسة اكتر من مرة
لكن فشلت
هجرب الطريقة دى واكيد هتطلع حلوة
ان شاء الله

aynad
30-01-2007, 01:58 PM
تسلم ايدك يا انفال
انا دايما بعملها كدة بالظبط وبالطحينة بردوا اللي في ناس مستغربينها
بس في حاجتين جاد علية
موضوع الشربات لما يبرد احطها عليها
انا اعرف ان المفروض يكونوا الاتنين سخنين
وموضوع بعد الشربات لما يتحط يدخل الفرن تاني

فتحتي نفسي اعملها
تسلم ايدك تاني يا انفال يا قمر

أنفـــــال
09-02-2007, 02:46 PM
نورتونا و الله يا جماعة الخير ..:)

شاعر الرومانسية
نحمد الله انها طلعت حلوة .. و لو اني عارفة انها هتبقى حلوة .. عشان كدة حطيتهالكم هنا :2:

osha
مرحباً بك ألف مرة .. *162*

سلوى سالم
حليب سائل يا حبيبتي :)

الطير الغريب
خدي مني و جربي.. و ماتقلقيش خاااالص .. :2:

aynad
ايناد .. :) واحشاني و الله ..
اللي اعرفه ان لازم يكون واحد سخن و واحد بارد ..
لكن الاتنين سخنين يبقى الشربات مش هيتشرب.

و مرحبا بكم في كل وقت و حين .. :f2:

نهر الحياة
18-04-2007, 04:41 PM
تسلم ايدك انا بعمل الشراب 2كوب سكر و1ماء وبحط الشراب والبسبوسة سخنة والشراب برضة سخن والنتيجة بتكون حلوة اية رأيك ولا دا غلط تسلميلى يا اختى

abw nada
20-04-2007, 02:10 AM
بسم الله الرحمن الرحيم


أشكر الأخت على هذا الموضوع وان كنت اطلعت عليه متأخرويا ريت شفته قبل كده مكنتش خسرت كل الخساير دى اصل انا مدمن بسبوسه ولازم اعملها انا بس للأسف مصيرها بيكون معروف رغم انى كنت استاذ قبل الزواج فى عملها لكن انا بأصر على عملها وعدم ترك الامور لاصحابها ويمكن وانا بكتب الرد هناك صينيه بسبوسه مازالت قيد الصينيه ولم تأكل لانى اضررت للتوجه للشراء بعد عملها كالمعتاد ومصيرها معلوم .
سوف اقوم بعمل الوصفه دى بس يا رب تطلع حلوه ومايشمت فى اللى فى بالى ههههههههه.شكرا لك واسف على الاطاله