المساعد الشخصي الرقمي

مشاهدة النسخة كاملة : مغامرت البرنسيسه في ايام الامتحانات العملي((الجزء الثاني))



برنسيسة مصر
03-07-2006, 10:05 PM
اهلا باعضاء المنتدى الجميل
بداية افتكرت حاجه بمناسبة المصاصه عملتها يوم في بابا ولحوست له وشه وعينكم ماتشوف الا النور على التهزيق اللي شفته وهو يشتم وانا اضحك هو يشتم وانا اضحك ومن يوميها كل مااي حد يشوفني سواءا في البيت او الكليه ماسكه مصاصه يبعدوا عني خاااااااالص لحد مااخلصها بس بعوضهها في الاكل ممكن اكون معديه بكيس شيبسي ولما يخلص امسح ايدي في اللي جانبي مش قلة مناديل والله لاه بس رخامه واستمتاع باني اشوف نرفزة اللي قدامي والمصيبه ان هما بيكونوا لابسين ابيض والوان فاتحه بس على مين مابتفرقشي معايا والله:y1:
ماعلينا نكمل الامتحانات العملي باه
اخر حاجه وصلتلها كانت تالت ماده
جات مادة النحت وبرضه ماكنتش مذاكره وكان معايا فلوس الكتاب في يوم وكسلت اشتريه وضاعت الفلوس طبعا على الاكل والادوات والحاجات دية ماعلينا قولت اصوره بقى صورت الكام صفحه اللي الدكتور حددهم وذاكرت نصهم وقريت النص التاني بالمناسبه عدد الصفحات كانوا حوالي 20 صفحه بس شوفوا انا ذكرت قد ايه وسيبت قد ايه قسموها واختاروا وانا موافقه على اللي هاتقولوا عليه:4:
ودخلت الحمد لله حليت النظري كويس وباقي العملي بس وعملت الاساس بتاع التمثال واتبقى اني احط الطين ومش عارفه يادي النيله الوقت بيجري وانا مش عارفه ولازم التمثال يكون متشطب جاهز اعمل ايه ؟؟؟اعمل ايه؟؟؟بدلت التماثيل مع العيال صحابي ودوة ممنوع ولو حد اكتشف ده امتحاني هايتلغي بس على مين بلاش وجع دماغ بقى خلينا نخلص وخليتهم تماثيلهم على سنجة عشره وهما ساعدوني في عمايل بتاعي شويه وانا شطبته وخليته مليون على ميه والحمد لله:y1:
جه الامتحان الخامس تخيلوا الامتحان كان ايه؟؟
اكمل وعرف حاجات عبيطه كده بس الحمد لله حليتها وكانت الماده اشغال فنيه بس الحمد لله قضيت نص الوقت رغي وضحك والباقي جد وبالمناسبه انا عصت هدومي لزق ومش عايز يطلع منها حتى الان بس الحمد لله خلصت المشروع وروحت ساعدت العيال كمان امال ؟؟هو احنا بنلعب؟؟:cop: لاتقولي دكتوره ولا نيله طبقت المثل القائل((ادي ضهرك للترعه)):shit:
والحمد لله اخر يوم في الامتحانات العملي جه وللاسف داخله مااعرفشي في الكتاب ولا كلمه كانت مادة طباعه بس الحمد لله طبعا عملت استشاره لزميلاتي في اللجنه واخدت معلومات صحيحه منهم والحمد لله اختلاف الراي لايفسد للود قضيه زي ماانتم عارفين واحنا كمان صحاب ولازم نخدم بعض لو ماكناش نخدم بعض في الحاجات دية نخدم بعض امتى ولا ايه رايكم؟
وبدا الامتحان العملي بس كان ايه ميه ميه الحمد لله خلصت المشروع وبهزر مع واحده صاحبتي كانت بتشرب حاجه ساقعه فضحكتها وهيا بتشرب وطبعا كل اللي كان في بقها كان على المشروع وفي وشي وفي هدومي طبعا اتنرفزت وزعقت لها بصوت عالي وكان باقي من الزمن نصف ساعه فقط بس الحمد لله ربنا ستر كانت بتشرب ميرندا ولا شويبس باين والله مااعرف اااه اااه افتكرت شويبس وانا كنت بستخدم لون برتقالي فالحمد لله محصلشي حاجه:nooo: هو صحيح بقع شويه بس مش مهم عدت
مــــــــــــلاحظـــــــــه هامـــــــــــــه جدددددددددددددددددا***
ان قبل كل امتحان من الامتحانات دية كنت لازم الم صحباتي ونجيب فطار قبل الامتحان ونفطر ونشرب حاجه ساقعه وقاعدين نضحك ونهزر وهيييييييصه والباقين هايغمى عليهم من كتر الخوف وكانوا ماشاء الله مذاكرين واحنا مش مذاكرين وعمالين نضحك ولما كانوا يقولولي احنا مش جاعنين اقول لهم قسما بالله ماهاادخل امتحن الا لما اكل ياكدا يااما انتوا حرين هاافضحكوا واعملكوا فضيحه في الكليه واقول انكم خطفتوني وانا مش من هنا:cop: يقولولي لالالا خلاص هناكل كلنا وعينيكوا ماتشوف الا النور احنا ناكل من هنا والمعلومات بدل ماتركز في مخنا كانت بتنزل على رجلينا ونقعد نضحك ونضحك واول مانمسك ورقة الاسئله نبص لبعض ونضحك برضه مافيش فايده فينا:4: واحنا مش عارفين حاجه واول مانطلع من الامتحان اقولهم انا جعانه يقولولي الناس تقول ازيك؟عملتي ايه؟وانتي تقولي جعانه !!اقولهم يعني اكدب وادخل النار؟؟وابقى من اصحاب النار وبعدين انا انسانه صريحه واللي بتشعر بيه معدتي بيبقى على لساني يقولولي طيب ماشي ماانتي مروحه كلي في بيتكم اقولهم قسما بالله مش هااتحرك خطوه واحده الا لما تاكلوني هاتاكلوني ولا افضحكوا؟؟يقولولي لالالالا خلالالاص ارحمينا
دوة الجزء التاني من الامتحانات بس كان باقي الامتحان العملي ان شاء الله المره اللي جايه هااقولكم على النظري وابداعاته اللي احسن ميت مره من العملي ودوة مايعتبرشي حاجه من النظري **النظري انا عملت فيه بلاوي بلالالالالالاوي يلا سلام واترككم في حفظ الله:love:

برنسيسة مصر
06-07-2006, 04:54 PM
ايه؟؟
ماعجبتكوشي المغامرات ولا ايه؟؟فقررتوا انكم ماتردوش عليها؟؟:'( :'(

محمد نديم
06-07-2006, 07:21 PM
ايه؟؟
ماعجبتكوشي المغامرات ولا ايه؟؟فقررتوا انكم ماتردوش عليها؟؟:'( :'(

جميلة

من اهل مصر
06-07-2006, 09:49 PM
هاي يا برنسيسه
انا قريت مغامراتك في الحلقه الاولي وكانتعجباني جدا ورجعتيني لايام الكليه وحلاوه ايام الكليه وحاسس انك قريبه من كليتي
علي فكره انا كنت في فنون جميله انتي بقه كليتك ايه؟
عموما شكلك ظريفه وعسوله بس انا حاسس انك مش زي ما انتي بتحكي وحاسس انك شاطره مش زي ما انتي بتحكي

طوق الياسمين
06-07-2006, 10:02 PM
و الله يا برنسيسه مغامراتك حلوه قوى:no3:
و الله انا كنت نفسى ابقى زيك لكن هتعملى ايه بقى
فو واحده خوافه ههههههههه
و الله انا كنت بروح الامتحانات كل يوم مش شايفه قدامى من كتر الخوف:1:
لكن الحمد لله كنت بطلع من الأوائل بعد كل ده و دلوقتى ما استفدتش اى حاجه
لانى قاعده فى البيت و ما اتعينتش لحد دلوقت:nooo:
شوفتى بقى ان الانسان لازم يديها مغامرات و يفرح نفسه قبل ما يعجز:-s
هيييييييييييه دنيا
بس انتى :y: لكن لازم برضه تذاكرى شويه .. اتفقنا:1:
باى يا قمر

عاشق اصالة
06-07-2006, 10:37 PM
ههههههههههههههههههههه


بجد حلوة فكرتينا بايام ما تتنسي

وكمان بلطجة الامتحانات دي والله جميله وما هتتعوض برنسيسه

تسلم ايدك على المهمة الانتحارية دي

برنسيسة مصر
06-07-2006, 10:45 PM
جميلة
شكرا يامستر محمد نديم على المرور الجميل
تقبل مني خالص تحياتي:4:

برنسيسة مصر
06-07-2006, 10:52 PM
هاي يا برنسيسه
انا قريت مغامراتك في الحلقه الاولي وكانتعجباني جدا ورجعتيني لايام الكليه وحلاوه ايام الكليه وحاسس انك قريبه من كليتي
علي فكره انا كنت في فنون جميله انتي بقه كليتك ايه؟
عموما شكلك ظريفه وعسوله بس انا حاسس انك مش زي ما انتي بتحكي وحاسس انك شاطره مش زي ما انتي بتحكي
اه والله مافيش احسن من الكليه وايامها المزعجه وعلى فكره تقدر تقول اني نفس التخصص تقريبا بس على اصغر شويه فكر وشوف انت بقى انا في كلية ايه؟؟
ووالله انا لو شاطره ببقى شاطره في المشاريع والعملي انما النظري مش قوي لان ماعنديش وقت اذاكر الكلام الاهبل بتاعهم
تسلم على المرور الجميل في الجزئين :4:

برنسيسة مصر
06-07-2006, 11:03 PM
و الله يا برنسيسه مغامراتك حلوه قوى:no3:
و الله انا كنت نفسى ابقى زيك لكن هتعملى ايه بقى
فو واحده خوافه ههههههههه
و الله انا كنت بروح الامتحانات كل يوم مش شايفه قدامى من كتر الخوف:1:
لكن الحمد لله كنت بطلع من الأوائل بعد كل ده و دلوقتى ما استفدتش اى حاجه
لانى قاعده فى البيت و ما اتعينتش لحد دلوقت:nooo:
شوفتى بقى ان الانسان لازم يديها مغامرات و يفرح نفسه قبل ما يعجز:-s
هيييييييييييه دنيا
بس انتى :y: لكن لازم برضه تذاكرى شويه .. اتفقنا:1:
باى يا قمر
معلشي ياياسمينه ياحبيبتي انا عندي ليكي اقتراح عيدي ثانويه عامه وتعالي معايا الكليه وهاارووووووووووقك وان شاء الله تتعيني على طول باذن الله وان شاء الله هااحاول اذاكر السنه اللي جايه باذن الله:good:
تسلمي ياطوق الياسمين ياسكر

برنسيسة مصر
06-07-2006, 11:06 PM
ههههههههههههههههههههه


بجد حلوة فكرتينا بايام ما تتنسي

وكمان بلطجة الامتحانات دي والله جميله وما هتتعوض برنسيسه

تسلم ايدك على المهمة الانتحارية دي
ههههههههههههههههه
تسلم ياعاشق اصاله على المرور الجميل واهو الواحد بيسلي نفسه شويه:f2: بدل ماهو قاعد زهقان كده
الحياه ممله جدددددددددددددا

عاشق اصالة
06-07-2006, 11:11 PM
برنسيسه دي ايام وبنعيشها
ممله مش ممله سعيده ومش سعيده كل دا مش بإردتنا والحمد لله على كل شيء وشكرا على ذوقك

عاشق اصالة
06-07-2006, 11:15 PM
برنسيسه دي ايام وبنعيشها
ممله مش ممله سعيده ومش سعيده كل دا مش بإردتنا والحمد لله على كل شيء وشكرا على ذوقك

برنسيسة مصر
06-07-2006, 11:16 PM
برنسيسه دي ايام وبنعيشها
ممله مش ممله سعيده ومش سعيده كل دا مش بإردتنا والحمد لله على كل شيء وشكرا على ذوقك
f2
طبعا طبعا
كل شيء بارادة ربنا سبحانه وتعالى والحمد لله على كل حال ونعوذ بالله من حال اهل النار
تسلم على المرور الجميل اخي الفاضل عاشق اصاله:f2:

من اهل مصر
07-07-2006, 11:29 AM
الزميله البرنسيسه
اعتقد انك في تربيه فنيه صح؟

برنسيسة مصر
07-07-2006, 09:29 PM
الزميله البرنسيسه
اعتقد انك في تربيه فنيه صح؟
تقدر تقول كده بس انا ماسمعتش عن كليه اسمها تربيه فنيه؟؟
قربت قوي من الاجابه حاول:cool:
تسلم على المحاوله اخي الفاضل:bye:

طوق الياسمين
09-07-2006, 05:59 PM
ازيك يا برنسيسه:f2:
ممكن ادخل المسابقه بقى بتاعه الكليه دى
بس لو اجابتى صح لا اخد الجايزه ....اتفقنا:king:
بسم الله الرحمن الرحيم ........ الاجابه
تربيه نوعيه ... قسم فنون
هاااااااااا ... صح كده
يارب تكون صح و ما اكونش بتخيل كده يعنى:cool:
مستنيه نتيجة المسابقه:bye:

برنسيسة مصر
09-07-2006, 10:20 PM
ازيك يا برنسيسه:f2:
ممكن ادخل المسابقه بقى بتاعه الكليه دى
بس لو اجابتى صح لا اخد الجايزه ....اتفقنا:king:
بسم الله الرحمن الرحيم ........ الاجابه
تربيه نوعيه ... قسم فنون
هاااااااااا ... صح كده
يارب تكون صح و ما اكونش بتخيل كده يعنى:cool:
مستنيه نتيجة المسابقه:bye:
اهلا اهلا بست الكل طوق الياسمين
اجابتك.......



اجابتك......



اجابتك..........



للاسف
خاطئه
بس مش مهم تكسبي اكبر بوسه مني في التاريخ يلا يااعضاء المنتدى كلكم تصقفوا معايا لطوق الياسمين واهديكي الاغنيه بتاعت
((لوشفتم عنيه....وحشين قد ايه))

هههههههههههههههههههههههههههه
:no3: :no3: :no3:
شكرا على المحاوله ياسكر


Photo Gallery