المساعد الشخصي الرقمي

مشاهدة النسخة كاملة : لو مبارك على فراش الموت .. ماذا يقول؟



الصفحات : [1] 2

خد القمر
03-07-2006, 01:40 AM
التفت الأسرة حول فراش الزعيم وهو يلفظ أنفاسه الأخيرة .... قال الزعيم بصوت ضعيف ولكنه حازم فى نفس الوقت


حسنى: كلكم موجودين

سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين

حسنى: طب إسمعوا اللى حقوله كويس

جمال: سامعينك يابابا ... إتكلم

حسنى: مصر دى كنز ياولاد ... إمكسوا فيها بإيديكم وسنانكم ...
بنسرق فيها بقالنا سنين وسنين ولسه بتدينا

علاء: هيا دى البركة اللى بيقولوا عليها يابابا

حسنى: أيوه يابنى .... ربنا يبارك لكم ولعيالكم فيها ... ودلوقتى

علاء: إنته على الهوى يابابا ... إتكلم

حسنى: أنا مش مديون لحد ياولاد ... يعنى أى واحد يصيع عليكم ويقول لكم أبوكم كان مستلف منى فلوس تفوا فى وشه على طول

علاء: إطمن يابابا ... حرامى على حرامى ما يلعبش

حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض ... فلوس متلتلة متتعدش .... مش حقول لكم حافظوا عليها وبس ...
لآلآلآلآ ... زودوها كمان وكمان لاجل ما روحى ترتاح وأنا فى تربتى

جمال: هيا الفلوس اللى إنتا عملتها يابابا دى بتسميها فلوس .... شفنى أنا وعلاء حنعمل إيه .... ولا صحيح حتشوفنا إزاى .... عموماً ما
تقلقش

حسنى: ودلوقتى إسمعوا وصيتى ..... الحكم لاولاد مبارك ... لازم أول ما جمال يحلف اليمين تغيروا إسم مصر وترجعوه زى ما كان زمان أيام الملك فاروق والملكة نازلى (المملكة المصرية)

جمال: مفهوم يابابا ... خش فى اللى بعده

حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً

علاء: مفهوم برده .. اللى بعده .... ياساتر ده إنته ملل

سوزان:عيب ياعلاء لما تكلم أبوك كده

علاء: بهزر ياماما

حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى

سوزان: هرم !!!!!!! .... هو دى آخرة صبرى !!! ...... وده يسوى كام ده !!!!

علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس

سوزان: مش ح ارضى باأقل من التلات أهرامات وأبو الهول

حسنى: مش خسارة فيكى ياغالية .... أثار النوبة لعلاء .... والأقصر لجمال ... ودلوقتى نيجى للميه .... الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى

سوزان: إنته أكيد مخبول ... مليار ونص دولار صدقة جارية على روحك !!!!

جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا

علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح

حسنى: أوعوا تفرطوا فى حبيب العادلى من بعدى يا ولاد ... حبيب قلبه ميت وإيده طرشه ... وهوه ده اللى ينفع مع الغجر اللى هنا

جمال: بس ما بيعجبنيش شنبه يابابا

حسنى: إنته مالك ومال أم شنبه ..... إحنا بنشترى مجرم

جمال: أعاهدك يابابا إنى حخليه معايا ومش حفرط فيه أبداً

حسنى: الشيخ طنطاوى ياولاد راجل بركة ...... يمين يمين شمال شمال .... أوعوا تفرطوا فيه ..... بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ

علاء: ولا يهمك يابابا .... حاخلى أنكل كمال الشاذلى يصلى عليك

حسنى: والله لو عملتها ياعلاء لكون متبرى منك إلى يوم الدين

علاء: بهزر معاك يابابا ..... أنكل كمال مش حافظ الفاتحة

حسنى: المشير طنطاوى ياولاد ..... مش حوصيكم عليه . . . الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد

سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال

جمال: حاضر ياماما

حسنى: عايز جنازتى ياولاد الناس تحكى وتتحاكى عنها ...... هاتوا المخرج الإيطالى ده اللى إسمه مكافيللى يصورها

علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى
أوروبا وأمريكا

حسنى: عايز أحلى مدفع يشيل النعش يا ولاد

جمال: مدفع رشاش

سوزان: الهزار مش فى الحاجات دى يا جمال

جمال: آسف يا ماما

حسنى: عايز أدفن فى شرم الشيخ ياولاد جنب أولمرت وشارون

علاء: بلاش كفر مصيلحة يعنى ؟

حسنى: لأ كلها براغيت ياعلاء .... وإسم شرم الشيخ كمان أشيك بكتير




تتوقعو هايدفن فين:rolleyes:

برنسيسة مصر
03-07-2006, 02:40 AM
هههههههههههههههههههههههههههههههههههههههههههههههههه هه
حلوه بجد ياخد القمر بس نصيحه خلي بالك من نفسك بدل مايتلاغالك امتحانك زي الاء
شكرا على الموضوع ياسكر

mohamed95
03-07-2006, 03:12 AM
هههههههههههههههههه
حلو الكلام خصوصا الست المستحيه
وبعدين هيا لسه فيها طنطاوي .......
ده يبقى حرام والله ده الواحد حاسس أنهم
حيخللوا ده ذي مايكون عمل أغبر وقاعدلنا
وبيطلعولنا :p وبيقولولنا موتوا بغيظكم
وأحنا قاعدين على قلبكم لما نطلع روحكم
كلكم.......................:evil2:
والله أنا خايف من المثل اللي بقول
شر البليه مايضحك.
مع تحياتي

عصفور الشعر
03-07-2006, 03:18 AM
بجد حوار جااااامد جدااااااا .. انا هلكت من الضحك هههههههههههههههههههههههههه


ولكنه ضحك كالبكاء ...


جبتها منين دى يا خد القمر

حقيقى روعه ..

مع خالص تحيتى وتقديرى

توت

أبو منار
03-07-2006, 03:21 AM
اخي العزيزة / خد القمر
ربنا يستر عليكي
وعلينــــــــــــــــــــا

المحب لدين الله
03-07-2006, 03:27 AM
يالهوي دى ولعت الا بالحق
هو احنا عندنا قائد للجيش زى بائى الدول اه والله كونت نسيت الاخت اقصد الاخ طنطاوى

خد القمر
03-07-2006, 03:56 AM
هههههههههههههههههههههههههههههههههههههههههههههههههه هه
حلوه بجد ياخد القمر بس نصيحه خلي بالك من نفسك بدل مايتلاغالك امتحانك زي الاء
شكرا على الموضوع ياسكر

طبعا هاخلي بالي امال اخلي بالي من مين:'( :'( :'(
اليوزر مسروق ها:mazika2:
نورتي برنسيسه:4:

خد القمر
03-07-2006, 03:59 AM
هههههههههههههههههه
حلو الكلام خصوصا الست المستحيه
وبعدين هيا لسه فيها طنطاوي .......
ده يبقى حرام والله ده الواحد حاسس أنهم
حيخللوا ده ذي مايكون عمل أغبر وقاعدلنا
وبيطلعولنا :p وبيقولولنا موتوا بغيظكم
وأحنا قاعدين على قلبكم لما نطلع روحكم
كلكم.......................:evil2:
والله أنا خايف من المثل اللي بقول
شر البليه مايضحك.
مع تحياتي

الست المستحيه:$ :l:
لالا مش هيخللو ولا حاجه خلاص قربنا:love:
واللي جاي احلى واحلى:uff: :uff:
قول يارب:-s

mohamed95
03-07-2006, 05:11 AM
الست المستحيه:$ :l:
لالا مش هيخللو ولا حاجه خلاص قربنا:love:
واللي جاي احلى واحلى:uff: :uff:
قول يارب:-s
محنا بنقول يارب من زمان وعاملين ذي الولايه أهه
وفعلا قربنا..........نطق!!!!!!!!
واللي جاي أحلى منين!! من حسني لجمال لعلاء ياقلبي
لاتحزن وقال ياقعدين يكفيكوا شر الجايين.........:-s :notme:
ويجعله عامر..........:hey:

موجة دافئة
03-07-2006, 10:07 AM
الله يسامحكم

الحكاية موتتني من الضحك

الف الف شكر على المشاركة الحلوه ديه

الشمسى
03-07-2006, 10:23 AM
هههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههههههههههههه

ايه ده يا عم
ههههههههههههههههههههههههههههههه
ههههههههههههههههههههههههههههههههههههههههههه

الله يجازيك يا عم بطنى وجعتنى من كتر الضحك
جاااااااااااااااااااااااااااااااااااااااامد قووووووووووووووووووووووووووووى
كووووووووووووووووووووووووووووووووووووووووووووووووو وووووووول
ومشششششش معقووووووووووووووووووووووووووووووووووووووووووووووو ووووووووول
ههههههههههههههههههههههههههههههههه

توتو55
03-07-2006, 12:54 PM
الله يسامحكم

الحكاية موتتني من الضحك

الف الف شكر على المشاركة الحلوه ديه

بنت شهريار
03-07-2006, 05:47 PM
ههههههههههه
ههههههههههههه
ههههههههههههههههههه
يلا نلحق نضحك شويتين قبل ما نروح ورا الشمس
الله يجازيكى بكل خير يا خد القمر
حوار اكثر من رااااااااااااائع
ياستى يتوكل على الله ويسيب الباقى على ربنا
عسل يا خد القمر
شكرا لكى
تقبلى تحياتى وتقديرى..

حسام عمر
03-07-2006, 08:54 PM
هههههههههههههههههههههههههههههههههههههههههههههه


موضوع اكثر من رائع

saladino
03-07-2006, 09:05 PM
ممنوع الضحك
بتضحكوا على اية الراجل بيودع
ههههههههههههههههههههههههههههههههه
لاتعليق

aynad
03-07-2006, 11:05 PM
الله ينور يا قمر
موتيني من الضحك
موضوع تحفة و الله تسلم ايدك
انا مليش دعوة مردتش عليكي هههههههههه ولا اقولك لا رديت انا برة البلد هههههههه

نادر فؤاد
03-07-2006, 11:34 PM
هههههههههههههههههههههههههههههههههههههههههههههههههه ههههههه
بجد خطيرة وخطر فى نفس الوقت عليك
ربنا يستره على الجميع هههههههههههههههه
تحياتى

خد القمر
04-07-2006, 12:49 AM
اسعدتني كثيرا هذا الابتسامات التى رسمتها تلك الهزرة الصغيرة
لن انسى كل من مر هنا وقام بالتعليق كله مدوووووون هع هع هع هع هع


لست وحيدة بمصر المحروسه

ta3mia
04-07-2006, 12:59 AM
خد القمر بلاش اي معلومات شخصيه تبقي ليك على الموقع
احنا مش مستغنين ( ميه ميه )

خد القمر
04-07-2006, 02:31 AM
لا مافيش اي بيانات ولا حاجه بعدين اللي عيزينو بيجيبووووووووووة
وخدي دي عندك بأسمي (http://imbh.net/cms/news.php?newsid=fmbh51151903742)

بقلمي:eek: :eek: حنين علي :eek: :eek:

أمة الله
04-07-2006, 11:30 AM
بسم الله الرحمن الرحيم
السلام عليكم و رحمة الله و بركاته

الحق يا ابن البلد هايقفلوا لك المنتدى :p :shit:
و يلغوا عضويتنا كلنا و هايحطونا فى ابو غريب و اولنا خد القمر :mazika2: :d

بجد حوار مصيبه لأنه بيشرح المصيبه اللى احنا عايشنها *61*

و بعيدا عن التهريج

علاء: هيا دى البركة اللى بيقولوا عليها يابابا
من غضب عليه الله رزقه من حرام و اذا ذاد عليه غضبه بارك له فيه
ربنا يعفينا و اياكم من الحرام و يرحمنا من غضبه و ينعم علينا برحمته

متشكرين يا ست خد القمر و بالمناسبه الحمله الإعلانيه بتاعة نورت مصر من اسوء الحملات الإعلانيه :uff: :uff: و ربنا يرحمنا برحمته

الله يرضى عليك و يرضيك

خد القمر
05-07-2006, 01:18 AM
ابي يريد منعي من المتابعه نهائيا للانترنت:'( :'( :'( :'( :'( :'( :'(

:sad: :sad: :sad: :sad: :sad: :sad:

:uff: :uff: :uff: :uff: :uff: :uff:

:@ :@ :@ :@ :@ :@ :@ :@ :@

mohamed95
05-07-2006, 01:22 AM
ابي يريد منعي من متابعه الانترنت نهائياhttp://www.egyptsons.com/misr/images/smilies/062802jumpie_prv.gifhttp://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]http://www.egyptsons.com/misr/images/smilies/062802jumpie_prv.gif[/IMG]
خايف عليكي وله حق
بس بصراحه أنتي جدعه
ومايتخفش عليكي:y:

خد القمر
05-07-2006, 01:28 AM
ارجو تعديل الاقتباس لاني قمت بتعديلها ايضا
له الحق ولكنه اصبح ادمانhttp://www.egyptsons.com/misr/images/smilies/old/whistling.gif ليس الانترنت ولكن................بعشق مصر المحروسه

mohamed95
05-07-2006, 01:33 AM
مش عارف أعدله حد قلك عدليه أنتي
وبعدين ماكلنا بنحب مصر عملنا أيه
يعني غير الكلام...........:baby:

خد القمر
05-07-2006, 01:44 AM
لك الحق في عدم التغيير ولي الحق في الطلب فنحن في بلد ديمقراطيــــه

mkamal
05-07-2006, 01:48 AM
حرام عليكى يا خد القمر
أنا زعلان منك قوى جداً خالص :good:




وأنتوا يا جماعة كفاية بقى أفترى على الناس الطيبين الشرفاء
المفروض أن أحنا نحمد ربنا عشان هو سيبنــــــا عيشين فــــــى البلاد ديــــــة (ومبيكلمـــــــششششش) وبناكل من خيرها (ومبسئلششششششش) ونشم هواها (ولا يتضيقشششش) وبنشرب من نيلها وهو صابر ومستحملنا ويبقى هو دة جزاته فى الأخر ؟
وبعدين أيه حكاية الهرم دية دى حاجة تزعل قوى ما يوزعة ولا يبيعة ولا حتى يولع فيه بجــــــــــازد وسخ *60* (هو حر)
دة حتى عبارة عن شوية طوب ملهمش لزمة :mazika2:
أن مش موافق
خالص على كل الكلام اللى بيتقال دة

وبسجــــــــــــــــــل أعتراضـــــى رسمـــــــــــــــياً :4:

:uff: وكفاية بقا ضيعتوا البلد :uff:


مع تحياتى د. عزيز
:cop: الحزب الوطنى :cop:



]:'( :'( يا خســـــــــــــــــــارة يا بلـــد :'( :'(
:m2:[/CENTER[/LEFT]]

mohamed95
05-07-2006, 01:52 AM
لك الحق في عدم التغيير ولي الحق في الطلب فنحن في بلد ديمقراطيــــه
أنتي دخلتي الموضوع بتاع تغيير الأقتباس
في السياسه ده يبقا بابا عنده حق يخاف
عليكي ومش معقول حياتك كلها تبقى كده
حتتعبي صحيا وأنا خايف عليكي:xx:

ابتسام22
05-07-2006, 07:55 PM
( اذكرواا محااسن موتااكم ))وانت لاا سبت ميت ولا حى فى حاله

أشجان الليل
06-07-2006, 01:59 AM
خلال نفس الأسبوع قرأت هذا الموضوع بقاعة القضايا السياسيه تحت عنوان آخر
شكرا لمجهودك..
والتكرار... يعلم الـ....
أحم
الشطار

mohamed878
06-07-2006, 07:30 PM
معقوله
حد يتكلم علي بابا حسني كده
ده رد الجميل برضوا
يا عم خاف علي نفسك

الحيطان ليها ودان


فليحيي الزعيم مبارك و اتباعه

SaRuN
06-07-2006, 07:37 PM
ههههههههههههه لا قصصك جامده هههههههههههههههههههههه

انا كده
07-07-2006, 05:37 AM
هههههههههههههههههههه
جميله اوى اوى
تسلمى يا قمر انتى
امتى بقى
ههههههههههه

Meiro
07-07-2006, 12:03 PM
ههههههههههههههههههه

بس يا ترى هيدفن فين؟؟؟؟

مقهور الضمير
07-07-2006, 02:58 PM
يسلموووو على الموضوع

انا كتبت رسالة خاصة ولم اردت ان ابعثها إلى بريدك اتضح لي ان بريدك ممتلاه ولم يتم ارسالها:f2:

فى حب مصر
07-07-2006, 03:36 PM
السلام عليكم

جيت على الوجيعة

كانت لنا اوطان
08-07-2006, 04:27 AM
اخوانى انا جيت ولازم اكتب
واقول

واعبر


بس...كفايه


خلاص

...ايه...ولا ايه

انا اتاخد منى الاكسجين

...ولا من سمع ولا شاف

كلو مع موسيقى واعقاب الاحذيه...الحديديه
الصارخه....يستطيع ان
يدعو

الا

بالشفاء
او بالاصح

لا تعليق

...امضاء

مسجون سياسى

خد القمر
20-07-2006, 01:43 AM
يا عيني علينا يا عرب متقسمين ياترى بمزاجنا ولا مغصوبين غزة تحت الحصار..لبنان تحت النار..وبقية العرب والمسلمين إما تحت السيطرة، أو تحت اللحاف او ادام التكيييف

أميرة الفتيات
20-07-2006, 02:29 AM
هههههههههههههههه
حلوة اوي

ربنا يحسن خاتمتنا
ويغفرلنا

أبو منار
20-07-2006, 03:50 AM
يا عيني علينا يا عرب متقسمين ياترى بمزاجنا ولا مغصوبين غزة تحت الحصار..لبنان تحت النار..وبقية العرب والمسلمين إما تحت السيطرة، أو تحت اللحاف او ادام التكيييف

صدقتي في قولك اختي العزيزة
ربنا يرحمنا برحمته

ميمو المصرى
20-07-2006, 04:09 AM
جميل خالص الحوار يا خد القمر والله العظيم عندك حق فى معظم الحوار انا معتقد انه حيحصل فعلا
شكرا

الدكتورة نسيبة
20-07-2006, 04:24 AM
ههههههههههههههههههههههههههههههه

حلوة جدا يا خد القمر

هم يضحك وهم يبكى

تسلم ايدك يا جميل

خالد الفارس
20-07-2006, 08:45 AM
موضع جميل يللا بسرعة نلحق نجهز العيش والحلاوة والحقونى على طرة

mshmsh73
20-07-2006, 08:52 AM
حلوة بجد المؤسف فعلا ان حتى الازهر اللى هو المفروض مناره العلم والحق بقى كمان معاكم معاكوا عليكوا عليكوا يا حسرتاه على زمن اشباه الرجال يا ميت خساره على كل اللى حب الكرسى ولا طالشى اخرته متر فى متر بس مين بتعظ ولا حياة لمن تنادى

mkamal
21-07-2006, 12:06 AM
وش وش وش وش



الرئيس مبـارك لقـى فانـوس سحـري قام دعكـه فطلعلـه منـه ابليـس

قاله : شبيـك لبيـك تطلـب ايه؟


قاله الرئيس: بـص بقـى يا عـم ابليـس انا عمـلت فى الشعـب بتاعـي كل حاجـة..قوللي بقى علـى حاجـة جديـدة اعملـها


ابليس قاله: بس كـده..بسيطـة..هـات ودنـك..وش وش وش وش وش


قام الرئيس قاله: ايه ياعـم لعـب العيـال ده..ده كـلام برضـه ؟


قام ابليس قاله: بـلاش دي..هـات ودنـك...وش وش وش وش وش


قام الرئيس قاله: إيه يا عـم ده ...انـت شكـلك ابليـس نص كـمّ ولاّ ايه ؟

ابليس قاله : معقـول الفكـرة دي مـش عاجبـاك؟!..طـب خـد دي بقى..وش وش وش وش


قام الرئيس قاله : ياعم انت شكـلك كـده لا ليـك في العفـرته ولا حاجة..هات ودنـك بقـى أقـولك أنا باعمـل إيه في الشعـب بتاعي....وش وش وش وش وش


قام ابليس وشه إصفرّ و قاله : يا راجـل اتّـقي الله

خد القمر
21-07-2006, 01:31 AM
مشهد خارجي ... ظلام دامس .... أنوار خافتة مُحيطة
بالبيت الأسود .. الفجر بيشقشق .... أصوات خبط ورزع على
البوابة الخارجية للبيت الأبيض :

لورا : يا ساتر يارب .. ده مين السمج اللي بيخبط علينا
الساعة دي ؟ إصحي يا بوشي شوف في إيه

بوش يهب منزعجاً : إيه .. في إيه ؟ أسامه رجع تاني ؟
البرج .. إوعى البُرج .... ناولوني الشبشب ... إستخبي يا
ديك ..

لورا : برج إيه يا راجل ما راح واللي كان كان .. ده باب
البيت البراني بيخبط قوم شوف مين .

بوش : أقوم إزاي وأنا بالبيجاما ... قومي إنتي يمكن
ماحدش غريب ...

لورا : مين .. مين اللي بيخبط ؟

جيمي : أنا جمال يا طنط

لورا : جمال مين ؟

جيمي : جمال إبن مبارك

لورا : إبن سوزان ؟

جيمي : أيوه يا طنط إفتحي أنا أفأفت من البرد .

لورا : خير يا جمال .. ماما جرا لها حاجة ؟

جيمي : لأ .. ماما بخير والحمد لله ولسه ضاربة مكتبتين
الإسبوع اللي فات

لورا : إوعى تكون إتخانقت مع خديجة .. حاكم أنا عارفها
هاتعمل عليها ماري منيب ؟

جيمي : يا طنط مافيش حاجة ... أرحمي أهلي ودخليني الأول
هاموت من البرد .. وبعد كده إن شالله تبعتيني جوانتانمو
يحققوا معايا .

لورا : إدخل يا جمال .. أقعد أتلقح في أوضة المسافرين
عبال ما أصحيلك عمك بوش .... فطرت ولا أجيب لك لقمة تشق
بها ريقك .

جيمي : لأ الحمد لله أنا أكلت شاندوتشين سدُق في القطر
وأنا جاي .... صحي لي أونكل قوام الله يخليكي عشان عايزه
في موضع مهم .
يدخل بوش أوضة المسافرين مرتدياً بيجامته الكستور
وزعبوطاً من نفس نوعية قماش البيجاما .. مع شبشب حمام
أزرق اللون ...

بوش : إيه الشوقه الغريبة دي يا جمال يا إبني ؟ ومالك
لابس لبس ولاد الليل ليه كده ومتلثم ؟

جيمي : أسف يا أونكل إني جاي من غير ميعاد .. لكن
الموضوع خطير خطير خطير .

بوش : يا ساتر يارب !!!!!! إيه إوعى تقولي الشعب المصري
صحي وثار عليك وعلى ابوك ؟

جيمي : بعد الشر يا عمو .. دول نايمين بقى لهم 7 آلاف
سنة .. ولا أصحاب الكهف .

بوش : طب حد لغوص لكو في موضوع الإنتخابات وفقس العملية
؟

جيمي: ماحدش يستجرى يا عمو وأديك شايف إحنا بنعمل إيه في
القضاة .

بوش : يابني تعبت قلب اللي خلفوني وأنا مش فاضليك .. خش
في الموضوع

جيمي : في الحكيكة يا أونكل بوش .. بابا صحي من النوم من
إسبوعين كده ووشه كان أصفر وجسمه بينتفض وفضل ينده ويقول
" هاتوا لي جمال .. انا عايز جمال " .. المهم سيبت
خطيبتي وجتله جري لقيته بيقولي :

(مشهد داخلي ... نهار ما طلعلوش شمس ... الكاميرا تقترب
من غرفة النوم الرئيسية في قصر العروبة ... وتحديداً
يتركز المشهد على السرير الملكي )

مبارك : شد لك كرسي و أقعد يا جمال أنا عايزك في موضوع
خطير ... النهاردة إيه ؟

جيمي : 4 مايو يا بابا ..

مبارك : وده معناه إيه ؟

جيمي : معناه إن الموظفين قبضوا مرتباتهم من 3 أيام يا
بابي

مبارك : موظفين .. مرتبات ؟ إنت هاتنضف مخك معايا ولا
أخلى عيشتك سودا ؟

جيمي : بالراحة عليه .... صحتك يا حاج .. حاضر هانضف

مبارك : يابني النهاردة عيد ميلاد اللي جابك .. وأنا
كملت النهاردة 78 سنة .

جيمي : والله ؟ كل سنة وإنت طيب يا حاج ... عن إذنك أوصل
لحد " لا بالما " أضرب دستتين جاتوه على طورطايه و78
شمعه وأجي حمامه .

مبارك : تصدق بالله لو قاطعتني وإتكلمت في الهجايص دي
تاني أنا هاقطع خلفك .... يا جمال يا إبني أنا حاسس إن
يالله حُسن الختام ... وبالمختصر المفيد أنا عايز أقلوظ
لك الكُرسي قبل ما أفلسع .

جيمي : بعد الشر عنك ... ده لو حصل ده أنا أموت نفسي
وراك يا حاج .

مبارك : تموت نفسك ؟ طب ومصر ؟ والمصريين دول مين يشكمهم
يا جمال ؟

جيمي : آه صح ... طب إتكل عالله إنت يا حاج وأنا هابقى
أحصلك ..

مبارك : عشان كده انا عايز تتخفى وتتكتم وفي منتهى
السرية تروح لعمك بوش وتبوس إيده وتقوله " أبويا بيسلم
عليك وبيقولك .. إمتى هايتم المُراد يا جميل .. إحنا
طالبين الرضا والسماح "

جيمي : إيه دا دا يا بابا ؟... بس أنا بأحب خديجة وإنت
عارف .. وهاكتب عليها بعد موسم القُطن اللي جاي ؟

مبارك : اللهم طولك يا روح ... خديجة إيه وقطن إيه يابني
حرام عليك هاتموتني ناقص عمر .. مين جاب سيرة خديجة ولا
الجواز دلوقت ؟

جيمي : مش إنت بتقولي روح أطلب إيد بنت عمك بوش ؟

مبارك : أنا قلت كده يا رئيس المستقبل .. يا فلته عصرك
وآوانك ؟.. يابني أدم أنا بأقولك روح إستسمح عمك وأطلب
منه يساعدك في القعاد على الكُرسي ...

جيمي : يا حبيبي يا بابي ... والله هاتوحشني لما تروح ..
وهاتوحشني أفكارك البرلنتية ... وتفتكر يا بابا أونكل
بوش هايوافق ؟

مبارك : ربنا يهدية .. إحنا بس نرمي بياضنا ونشوف طلباته
إيه ؟

-------

جيمي : عشان كده يا عمو أنا جيت لك النهاردة وطالب الرضا
والسماح

بوش : في الحقيقة إنت فاجئتني بطلبك ده .. وبعدين " جينا
" لسه صغيرة وما بتفكرش في الجواز دلوقت ..

جيمي : الحمد لله .. يعني مش أنا بس اللي بأفهم بالشقلوب
..

بوش : قصدك إيه ؟

جيمي : لأ ما فيش حاجة .. ده أنا فتكرت موقف كده حصل
بيني وبين بابي ... يا عمي أنا مش قصدي الجواز من سليلة
الحسب والنسب .. أنا بأقصد إني طالب الرضا والسماح عشان
أقعد وأترستق على الكُرسي وأدلدل رجلي ؟

بوش : آه قلت لي ... طب إستناني أما أضرب واحد كابتشينو
عشان أفوقلك إنت وابوك ..
بوش : قلت لي بقى أبوك بعتك ليه ؟

جيمي : بابي بيسلم عليك وبيقولك قلوظ لي الكُرسي .

بوش : لأ إستأنا عليه أما أندهلك خالتك أم سلحول ..

جيمي : طب وإيه لزمة طنط لورا في الموضوع الرجالي ده ؟

بوش : لورا مين .. يخرب بيت عقلك وطي صوتك أحسن تسمعك من
المطبخ ... أم سحلول ده الإسم الحركي لخالتك كوندي .

جيمي : آه .. وماله بس بسرعة يا أونكل أحسن عايز اروح
قبل الدُنيا ما تضلم وكمان عشان سايب خديجة في جنينة
المريلاند لوحدها .

بوش : يامايكل .. يا مايكل ...

مايكل : أوامرك يا افندينا .

بوش : إدي ميسد كوول لكوندليزا خليها تيجي بالعجل .

مايكل : بس يا أفندينا الدنيا لسه الفجر وممكن تكون نايمه
.. وحتى لو صحيت وجت بسرعة فمش هاتلحق تغسل وشها .. وده
في خطر علينا .

بوش : يا سيدي ما بتفرقش كثير .. إندها وخليها تيجي
والسلام .

-----

وتأتي كوندي مهرولةً وتدخل أوضة المسافرين على بوش وجيمي
..

كوندليزا وهي تتثاءب : صباح الخير يا مستر بريزيدانت
.... مين جيمي إبن سوزان ... إزيك يا ولا وإزي أمك ؟

جيمي : كويس .. وماما بتسلم عليكي يا طنط وبعته لك معايا
حتة قماش قطيفة تنفع ميكروجيب .

كوندي : ميرسي خالص يا جيمي ماكنش له لزوم .. وإبقى سلم
على ماما .

بوش : جيمي يا ستي جاي وجايب معاه رسالة من والده بيقولي
فيها أقلوظ له الكرسي

كوندي : وماله يا مستر بريزيدانت .. بس كله بثمنه

جيمي : وأنا رقبتي سداده يا طنط كوندي .. ومستعد دلوقت
أكتب لكو أي حتة في مصر بيع وشرا .. من أول توشكى لحد
شرم الشيخ .



بقلم مصطفى ................بلاها ايه

بنت شهريار
21-07-2006, 03:35 PM
وش وش وش وش



الرئيس مبـارك لقـى فانـوس سحـري قام دعكـه فطلعلـه منـه ابليـس

قاله : شبيـك لبيـك تطلـب ايه؟


قاله الرئيس: بـص بقـى يا عـم ابليـس انا عمـلت فى الشعـب بتاعـي كل حاجـة..قوللي بقى علـى حاجـة جديـدة اعملـها


ابليس قاله: بس كـده..بسيطـة..هـات ودنـك..وش وش وش وش وش


قام الرئيس قاله: ايه ياعـم لعـب العيـال ده..ده كـلام برضـه ؟


قام ابليس قاله: بـلاش دي..هـات ودنـك...وش وش وش وش وش


قام الرئيس قاله: إيه يا عـم ده ...انـت شكـلك ابليـس نص كـمّ ولاّ ايه ؟

ابليس قاله : معقـول الفكـرة دي مـش عاجبـاك؟!..طـب خـد دي بقى..وش وش وش وش


قام الرئيس قاله : ياعم انت شكـلك كـده لا ليـك في العفـرته ولا حاجة..هات ودنـك بقـى أقـولك أنا باعمـل إيه في الشعـب بتاعي....وش وش وش وش وش


قام ابليس وشه إصفرّ و قاله : يا راجـل اتّـقي الله


حلووووووووووووووووة
تسلم ايدك يارب
ارحمنا من اللى بيجرالنا يا رررررررررررب
تقبل تحياتى

بنت شهريار
21-07-2006, 03:39 PM
هههههههههههه
هههههههههههههه
ههههههههههههههههههه
يعنى كله فى ايد ام سحلول بردوووو
ربنا يسامحك يا ام سحلول

عسسسسسسسسسسسسل يا خد الامر
انتى مش ممكن
وفى الاخر هانروح ورا الشمس جمعااااااااااااااااء
ههههههههههههههههههه
تقبلى تحياتى وتفديرى عزيزتى..

خد القمر
21-07-2006, 04:35 PM
من زمن ونحن خلف الشمس

mkamal
21-07-2006, 09:19 PM
حلووووووووووووووووة
تسلم ايدك يارب
ارحمنا من اللى بيجرالنا يا رررررررررررب
تقبل تحياتى


ـــــــــــــ


الحمد لله يا ينت شهريار أن أنتى ضحكتى (أنا سعيد جداً بدة)
وفرصة سعيدة وإنشاء الله يكون بداية تعارف ما بنا....:1:

ولونى بصراحة أن عاوز أقول كلمتين فى نفسى لخد القمر ......

يا أختى يا خد القمر أنتى ناوية تودينا لحد فين بالضبط .....

بصراحة قصصك جميلة ولطيفة جداً وكمان جادة جداً وأنا معجب بشجعتك، لكن
أحب أعرفك أن أنا بعد أول تعليق ليه على الموضوع الأول (مبارك على فراش الموت) من يومها بدأت أجهز نفسى وشنطتى علشان متفجأش (وقلت فى عقل بالى وفيه أيه يعنى، حيكون أخرتها أيه) أهو حنروح كلنا أمن الدولة ويحققوا معانا شهر ولا أثنين وخلاص ويسبونا بعد كدة نشوف حالنا...... و فى أسوء الظروف حيأخذ كل واحد من المشاركين سنه ولا أتنين (وطبعاً فترة الحبس حسب فاعلية التعليق) وكمان (قلت فى عقل بالى) والله دة تبقا فرصة جميلة جداً الواحد يأخذ أجازة من الشغل شوية ويروح أمن الدولة يقعد هناك فى التكييف وكمان نتعرف ببعض أكثر وأشوف أعضاء المنتدى (الفدائيين) اللى بحبهم فى الله ومين عارف يمكن نعمل منتدى فرعى من أبناء مصر (ونسمية إتحاد أبناء أبوزعبل والقناطر) طبعاً لأن دة سجن غير مشترك ...:shit:

لكن اللى أنا مكنتش عامل حسابة أن أنتى بعد مشاركتيك الثانية (وكلام على أونكل بوش وطنط أم سحلول) خلاص الموازين هنا أتغيرت 100 % ...... بس المرا دية حيبقى إعتقال مدى الحياة ، وممكن كمان يطلعونا رحلة جميلة برة البلد وميرجعوناش خالص..... وأعتقد أنها حتكون أمريكا (ونروح نعيش فى جونتانمو) على طول :no3: مين عارف يمكن تبقى فرصة واله علشان نشوف أمريكا وكمان نغير جو ويمكن كمان نلقا المعاملة هناك أحسن من المعالة فى بلادنا لأن فيها فعلاً نسبة من الديموقراطية العالية حستى فى سجونها ومعتقلاتها.....وسعتها يمكن نطلب عدم رجوعنا ........... والله أعلم .....

تحياتى لكل من بيحب مصر وخاصة فدائيى أبناء مصر المحروسة

(وبنا يرحمنا برحمتة)
وأحب أن أذكركم بقول الله تبارك وتعالى ....
أعوذ بالله من الشيطان الرجيم (ويمكرون ويمكر الله والله خير الماكرين) صدق الله العظيم

أو كما المصطفى علية أفضل الصلاة والسلام (اللهم أنا نجعلك فى نحورهم ونعوذ بك من شرورهم) صدق رسول الله صلى الله عليه وسلم


Photo Gallery