المساعد الشخصي الرقمي

مشاهدة النسخة كاملة : ياجماعة ، خدوا بالكم مين اللي بيكلكمو على النت ؟



خالد الهندسة
30-06-2006, 08:54 AM
ياجماعة ، دا موقف شفته بعيني قلت لازم انقله لكم .

كلنا نعرف ان فيه ناس بتدخل النت ويقدموا نفسهم بمواصفات غير حقيقية فالبعض يغير في عمره والآخر في مهنته بل ان البعض قد يغير من جنسه فيدخل الشاب على انه فتاة لاقامة علاقات مع الفتيات أو لدخول المنتديات الخاصة بالفتيات وهكذا ، وفيه كاريكاتير حلو قوي بيعبر عن الموضوع ده بس مش لاقيه دلوقت .

وبالامس كنت رايح لواحد كهربائي في شارع شعبي جدا وفيه سوق خضار اجيب منه طلبات ، لقيته غير موجود ، فدخلت اسال عنه في السايبر المجاور فوجدت السايبر مزدحم ولقيت على اول كمبيوتر فيه واحدة ست تخينة قوي قاعدة لابسة جلابية بيتي وايشارب وعلى رجلها عيل (عرفت بعد كده انها بائعة في السوق) وقاعدة بتعمل ايه بقى ؟ بتعمل شات .

ماقدرتش امسك نفسي من الابتسام وانا متخيل الست دي وهي بتقدم نفسها باسم "توتي الامورة" أو "بنوتة عكروتة" أو "نانسي من مصر" وحاطة صورة شخصية عبارة عن بنوتة امورة قوي وفي عينيها نظرة بريئة وفي التوقيع صورة زهور وفراشات بتلمع ، والسن طبعا 18 سنة ، وتخيلت لهفة الشباب للرد على مواضيعها (بصراحة ده مابيحصلش هنا في المنتدى) وهما راسمين في ذهنهم صورة جميلة حالمة .

وبالطبع على الجانب الآخر شاهدت ثلاثة شباب مراهقين يجلسون معا على جهاز واحد واكبرهم لايزيد سنه عن 16 سنة وبرضه بيعملوا شات ، وكل واحد منهم بيكتب مرة ، وبالتاكيد مقدمين نفسهم باسم "واد روش" أو "ملك الرومانسية" أو "أحلى عضو" وحاطين الصورة الشخصية صورة عمرو دياب وفي التوقيع لقطة من ماتش كورة ، والسن 22 سنة طبعا .

على فكرة الموضوع لايحمل احتقار لاحد مهما كان وضعه وممكن واحد يكون من افقر الناس بس احسن مننا عند ربنا ، بس مجرد موقف يحمل بعض الطرافة شفته حبيت انقله لكم .

وأنا آسف لو فيه اسم من اللي انا ذكرتهم موجود بالفعل بالتاكيد هتبقى حاجة غير مقصودة .

خالد الهندسة
30-06-2006, 07:43 PM
احم احم ، سلام عليكم ، مساء الخيييييييييييييييير :sad:

قلم مكسور
30-06-2006, 09:14 PM
احم احم احم
مساء النور
شكرااااااااا على الموضوع

رنه خلخال
30-06-2006, 09:22 PM
بسم الله الرحمن الرحيم

اما الست مالها ومال الشات ومعاها ولد
صحيح عاد انا اتخيل كل الي في النتدى حلوووووووووين مرره
يبغالي اعيد النظر

تحياتي لك ياخالد


رنة خلخال

colour
30-06-2006, 10:18 PM
ههههههههه
فعلا بنوتة محصلتش...
بس انت لحقت نفسك ياخالد بالكلمة دى((بصراحة ده مابيحصلش هنا في المنتدى))

خالد الهندسة
01-07-2006, 09:59 AM
احم احم احم
مساء النور
شكرااااااااا على الموضوع

شكرا لك انتي يا crazy cat عشان جبرتي بخاطري ورديتي وفكيتي النحس عن الموضوع ههههههه .

جزاك الله خيرا .

خالد الهندسة
01-07-2006, 10:08 AM
بسم الله الرحمن الرحيم

اما الست مالها ومال الشات ومعاها ولد
صحيح عاد انا اتخيل كل الي في النتدى حلوووووووووين مرره
يبغالي اعيد النظر

تحياتي لك ياخالد


رنة خلخال

شكرا اختي رنة خلخال على ردك الظريف .

من ناحية الست اللي معاها الولد ، اعتقد انها بتحاول تعيش على النت عالم هي بتتمنى تعيشه في الواقع ، اكيد زوجها مطلع عينها .

وبالفعل اختي احنا يبغى لنا اعادة نظر كلنا ولست انت وحدك .

تحياتي لك ولكل اهل الرياض خاصة في البطحاء .

خالد الهندسة
01-07-2006, 10:16 AM
ههههههههه
فعلا بنوتة محصلتش...
بس انت لحقت نفسك ياخالد بالكلمة دى((بصراحة ده مابيحصلش هنا في المنتدى))

شكرا جزيلا على الرد ، ايه رايك بقى في البنوتة العسولة ؟؟؟

وعلى فكرة انا ماقلتش الكلمة دي ((بصراحة ده مابيحصلش هنا في المنتدى)) مجاملة ، لان ده بيحصل في منتديات تانية ، تلاقي الواحدة من دول لو كتبت شوية شغبطة او كام نكتة قديمة بقالها ميت سنة ، ياسلام على الردود اللي تنزل ترف ، بينما الواحد مننا لو كتب موضوع قيم بجد ، فين وفين لما ييجي رد .

شكرا لك ياعزيزتي .


:f2:

بوناسيرا
01-07-2006, 10:26 AM
شكرا لك يا خالد على الموضوع الجميل ده
و فعلا في ناس بتستخدم النت بأسلوب مش صحيح
بس لو كل واحد قبل ما يفكر يكدب على غيره يفتكر ان ده بيقلل منه
حتى امام نفسه أكيد كانت هتفرق كتير
بس المهم زى ما انت قولت
إن فعلا منتدانا جميل جداا بكل الأعضاء اللى فيه
و فعلا أنا مبسوطة انهم بيمثلوا الشباب المصرى بجد
و أول شيئ لفت انتباهى في المنتدى الاحترام المتبادل و كمان الكلام في موضوعات مفيدة بجد

بنت شهريار
01-07-2006, 05:24 PM
هههههههههه
انا قعدت اتخيل المنظر دا
ومت على نفسى من الضحك
معك كل الحق خالد
تسلم ايدك
تقبل تحياتى وتقديرى..

الشيمـــاء
01-07-2006, 07:23 PM
السلام عليكم
مشكور اخ خالد علي الموضوع
انا شخصيا ححكي عن تجربة ليا مع احد الاشخاص هو كان صديق زميلي في العمل و شافني في العمل بس بدون انا ماخد بالي و كنت بعدها تركت العمل في هذا المكان و بعد سفرة لاحد الدول ارسل لي انه عاوز يتعرف عليا و قاللي انه يعرفني و بعتلة السي في بتاعتة فيها كل المعلومات عنة منها اسمة بالكامل و عملة و مكان عملة و اشياء كثيرة من هذا القبيل طبعا هذا التصرف منه اعطاني الي حد ما احساس بالامان للتعامل مع هذا الشخص و خاصة انه عارفني و انه صديق زميلي و لكني و بعد فترة ليست بقصيرة اكتشفت ان في معلومات كتير هو خباها عني و اكتشفت انة ايضا كدب عليا في امور مصيرية رغم اني كنت واضحة جدا و صريحة معاه و علي الرغم من انه نال جزاءة من ربنا و اتصدم صدمة كبيرة جدا كفيلة بانها تفوقة الا انه استمر علي نفس المنوال يكدب و يخدع و شايف انة صح طبعا بعدها فضلت اني اقطع علاقتي بهذا المخادع نهائيا و اني اكون حريصة اكثر في تعاملاتي علي الانترنت و اني افضل ان صدقاتي كلها تكون بنات و اتاكد من شخصيتهم من خلال التليفون و الحمد لله صار لي صديقات مخلصات جدا و غالين جدا عليا.
هذه تجربة لي للاستفادة
و اشكركم

أمير المصرى
01-07-2006, 07:45 PM
انا اغرب موقف شفته فى موضوع الشات ده

مرة كنت داخل سايبر لقيت طفل من اللى بيمسحوا العربيات فى الشارع قاعد بيعمل شات

احنا فى عصر القرية الذكية

ربنا يخليلنا الدتور نظيف و مدام نظيفة كمان

برنسيسة مصر
02-07-2006, 01:58 AM
ايه ده ياباش مهندس ماتخليناش نشك في الناس اللي بتكتب المواضيع باه؟؟:nono: تؤتؤ يووووووووه
شككتني في الدنيا بحاله ياباش مهندس مع العلم انك واحد من الناس دية:p
شكرا على التنبيه ياباش مهندس

خالد الهندسة
02-07-2006, 03:36 PM
شكرا لك يا خالد على الموضوع الجميل ده
و فعلا في ناس بتستخدم النت بأسلوب مش صحيح
بس لو كل واحد قبل ما يفكر يكدب على غيره يفتكر ان ده بيقلل منه
حتى امام نفسه أكيد كانت هتفرق كتير


العفو يابوناسيرا ، انت المشكورة على الرد .

وبعدين هو مين من دول اللي بيفكر انه لما يكدب هيقلل منه قدام نفسه ؟ الحس المرهف الموجود عندك ده مش موجود عند ناس كتير ، هو اهم حاجة يتسلى وينبسط ومش مهم بقى الناس ، ربنا يهدي .



بس المهم زى ما انت قولت
إن فعلا منتدانا جميل جداا بكل الأعضاء اللى فيه
و فعلا أنا مبسوطة انهم بيمثلوا الشباب المصرى بجد
و أول شيئ لفت انتباهى في المنتدى الاحترام المتبادل و كمان الكلام في موضوعات مفيدة بجد
بالفعل المنتدى من اجمل المنتديات ومش بيقدم الشباب وبس لا ، كل الاعمار موجودة ، وده مطلوب لاثراء المناقشات وتعدد الآراء .

شكرا جزيلا لك .

خالد الهندسة
02-07-2006, 03:47 PM
هههههههههه
انا قعدت اتخيل المنظر دا
ومت على نفسى من الضحك
معك كل الحق خالد
تسلم ايدك
تقبل تحياتى وتقديرى..

طب انتي اتخيلتي المنظر ومتي من الضحك انا بقى شفته بعيني ، اعمل ايه ؟

شكرا الف شكر على الرد .

خالد الهندسة
02-07-2006, 03:56 PM
السلام عليكم
مشكور اخ خالد علي الموضوع
انا شخصيا ححكي عن تجربة ليا مع احد الاشخاص هو كان صديق زميلي في العمل و شافني في العمل بس بدون انا ماخد بالي و كنت بعدها تركت العمل في هذا المكان و بعد سفرة لاحد الدول ارسل لي انه عاوز يتعرف عليا و قاللي انه يعرفني و بعتلة السي في بتاعتة فيها كل المعلومات عنة منها اسمة بالكامل و عملة و مكان عملة و اشياء كثيرة من هذا القبيل طبعا هذا التصرف منه اعطاني الي حد ما احساس بالامان للتعامل مع هذا الشخص و خاصة انه عارفني و انه صديق زميلي و لكني و بعد فترة ليست بقصيرة اكتشفت ان في معلومات كتير هو خباها عني و اكتشفت انة ايضا كدب عليا في امور مصيرية رغم اني كنت واضحة جدا و صريحة معاه و علي الرغم من انه نال جزاءة من ربنا و اتصدم صدمة كبيرة جدا كفيلة بانها تفوقة الا انه استمر علي نفس المنوال يكدب و يخدع و شايف انة صح طبعا بعدها فضلت اني اقطع علاقتي بهذا المخادع نهائيا و اني اكون حريصة اكثر في تعاملاتي علي الانترنت و اني افضل ان صدقاتي كلها تكون بنات و اتاكد من شخصيتهم من خلال التليفون و الحمد لله صار لي صديقات مخلصات جدا و غالين جدا عليا.
هذه تجربة لي للاستفادة
و اشكركم

لاحول ولاقوة الا بالله !!! معلش ، ماهو ماحدش بيتعلم ببلاش ، ويمكن لو كل الناس كان نصحتك ماكانش النصيحة يبقى لها نفس التأثير زي ماتشوفي بنفسك ، ولعلمك هذا الشخص المخادع ربنا بيوقعه مع واحدة من نفس العينة ويتجوزها عشان تضبّطه كويس .

وشكرا على التجربة المفيدة .

خالد الهندسة
02-07-2006, 04:02 PM
انا اغرب موقف شفته فى موضوع الشات ده

مرة كنت داخل سايبر لقيت طفل من اللى بيمسحوا العربيات فى الشارع قاعد بيعمل شات

احنا فى عصر القرية الذكية

ربنا يخليلنا الدتور نظيف و مدام نظيفة كمان

هههههههههههههههههههههه

ماهو من افتكاسات حكومتنا الذكية ، ان الدخول للنت بقى ارخص من ساندوتش الفول والناس مش لاقية تاكل ، وميزانية وزارة الاعلام بتاعة "حزمني يا" قد ميزانية وزارة الصحة مش عارف كام مرة ، وقد ميزانية وزارة التعليم مش عارف كام مرتين ، فعلا ربنا يخلي لنا مدام نظيفة .

شكرا اخي على الرد .

خالد الهندسة
02-07-2006, 04:13 PM
ايه ده ياباش مهندس ماتخليناش نشك في الناس اللي بتكتب المواضيع باه؟؟:nono: تؤتؤ يووووووووه
شككتني في الدنيا بحاله ياباش مهندس مع العلم انك واحد من الناس دية:p
شكرا على التنبيه ياباش مهندس

آه ، يعني الموضوع جه على دماغي وانكشفت على حقيقتي ، يادي الكسوف ، خلاص ياجماعة ، انا هعترف ، انا قاعد قدام الكمبيوتر بالبيجامة ، ايوه بالبيجامة ، والشبشب كمان ، وجنبي ولاد صغيرين ، بس عادي ، مانا قاعد في بيتنا ، حد شريكي ، ههههههههههه .

بقولك ايه مش انا ونتي كنا "عضو سوبر" ، ايه اللي خلانا "عضو فعال" ، ولا الفعال احسن من السوبر ؟ أنا اعرف ان السجاير الكيلوباترة السوبر احسن حاجة ، ومافيش كيلوباترة فعال اصلا ، ايه الحكاية ؟


Photo Gallery