المساعد الشخصي الرقمي

مشاهدة النسخة كاملة : ادخل و اكتب احسن جملة شفتها مكتوبة علي عربيات النقل و الاجرة ....



رانيا عمر
13-06-2006, 07:44 AM
السلام عليكم و رحمة الله و بركاته

صباح الخيرات يا شباب المنتدي ....:king:

النهاردة بقي و انا رايحة الشغل جاتلي فكرة كويسة طبعا طول ما احنا ماشين في الشارع
او راكبين عربية بنلاقي عربيات الاجرة " التاكسي " او عربيات النقل و مقطورات رايحة جاية
و الطريف في الموضوع الجمل اللي بتكون مكتوبة علي العربيات من الخلف ...
الفكرة دي مقتبسة يا شباب من اذاعة نجوم FM لاني سمعتها قبل كده بس الفرق عايزين الجمل
تنزل زي المطر علينا . و كمان بالكتابة بقي مش عن طريق الاتصال بالرقم كذا او ارسال SMS
علي رقم كذا .... بلاش رغي بقي و ندخل في الموضوع ... ارجو التفاعل يا شباب
خلينا نوضحك ... و كل عضو يكتب جملة واحدة عشان نخلي فرصة للكل يشارك ..

ابتدي انا :
" متبصليش بعين راضية شوف اللي ادفع فيا "

و اترك الميكرفون الان للعضو اللي بعدي ...
اتفضل اتفضل ...

دعاء ثابت
13-06-2006, 07:49 AM
رورو يا قمر فى جمل كتير شفتها وكانت بتعجبنى قوى منها
الحلوة لما تتدلع تخلى الاسمنت يولع
متبصش يا لوح دى جت بطلوع الروح
وكنت فاكرة حاجات تانى بس لما افتكرها هارجع اقولك عليها بس يارب محدش يسبقنى ويقولهم هههههههه كل ماافتكر حاجة هالحق نفسى واقولها

رانيا عمر
13-06-2006, 08:04 AM
ههههههه تمام كده احب التفاعل يا دودو
حبيبتي نورتي و خليكي هنا ديما كل ما تفتكري حاجة تعالي قوليها
علي فكرة جميلة بتاعت اللوح دي هههههه تحفة
تسلم ايديكي يا قمر

رانيا عمر
13-06-2006, 08:05 AM
ارجع و اكتب و اقول : " يقيني بالله يقيني "
بجد احسن جملة بشوفها كتير ....
يالاه يا شباب عايزين نشاط بلاش كسل

خالد الهندسة
13-06-2006, 08:11 AM
***** ماتبصش كدا ياعبيط ، دي جاية بالتقسيط ***** (ههههههههه ، الرجل ماغلطش ، بتبص ليه ؟)

وكمان "الأميرة منة" والناحية التانية "البرنسيسة نهى" (ربنا يخليهملك ياعم)

أبو منار
13-06-2006, 08:28 AM
صامولة ومسمار وربك الستار

رانيا عمر
13-06-2006, 09:33 AM
***** ماتبصش كدا ياعبيط ، دي جاية بالتقسيط ***** (ههههههههه ، الرجل ماغلطش ، بتبص ليه ؟)

وكمان "الأميرة منة" والناحية التانية "البرنسيسة نهى" (ربنا يخليهملك ياعم)


منه و نهي ربنا يخليهملوه يا رب
بس ده بقي سب علني كده عيني عينك

خالد نورت و عايزين اكتر من الجمل في انتظار المزيد ..... :f:

رانيا عمر
13-06-2006, 09:35 AM
صامولة ومسمار وربك الستار


برده جميلة .. استر يا رب
مشكور ابو منار علي المرور و يا رب متكونش الاخيرة

أبو منار
13-06-2006, 09:39 AM
الأسفلت منور ليه .... أبو منار ماشي عليه

أبو منار
13-06-2006, 09:41 AM
ما تبصليش بعين رضية ......... شوف كام اندفع فيا

رانيا عمر
13-06-2006, 09:49 AM
اتابع وياكم :

" يا ناس يا شر كفايكم قر "

:f2: :f2:

رانيا عمر
13-06-2006, 09:51 AM
الأسفلت منور ليه .... أبو منار ماشي عليه


ابو منار ايوة هو ده الكلام
تسلم ايديك :hey:

رانيا عمر
13-06-2006, 09:53 AM
ما تبصليش بعين رضية ......... شوف كام اندفع فيا

لالالا معلش ده مكرر قبل كده انا عايزة جمل لانج جديدة
يالاه ورينا الهمه
:f2:

خالد الهندسة
13-06-2006, 04:45 PM
بيحسدوني عليك وانت سر عذابي .

طريق السلامة ياسطى شحتة .

عضة أسد ولا نظرة حسد .

مش فاكر حاجة تانية اما نزل اقف في الشارع شوية .

amak_77
13-06-2006, 06:52 PM
هههههههههههههها
رائعه يا رانيا
فيه جملة تانية

الحلوة دي من الوراق

مش عارف احنا مالنا يعني

هيدنينوني
13-06-2006, 06:56 PM
انا هشارك بجملتين تنتين بس
الاولانية
الحسوووووووووود لا يسووووووووووووووووووود
والتانية
يا مييييت ندامة على الي حب ولا طلشي
ههههههههههههههه

رانيا عمر
13-06-2006, 10:31 PM
بيحسدوني عليك وانت سر عذابي .

طريق السلامة ياسطى شحتة .

عضة أسد ولا نظرة حسد .

مش فاكر حاجة تانية اما نزل اقف في الشارع شوية .


يا رب بس الوقفة مطولش
جميلة بس عايزين اكتر
تسلم خالد

رانيا عمر
13-06-2006, 10:41 PM
هههههههههههههها
رائعه يا رانيا
فيه جملة تانية

الحلوة دي من الوراق

مش عارف احنا مالنا يعني


هههه دي السيرة الذاتية للعربية
يعني اوعي تقرب احسن تتعور
مستنية جمل اكتر
تسلم يا احمد لمرورك

رانيا عمر
13-06-2006, 10:49 PM
انا هشارك بجملتين تنتين بس
الاولانية
الحسوووووووووود لا يسووووووووووووووووووود
والتانية
يا مييييت ندامة على الي حب ولا طلشي
ههههههههههههههه


هيدنينوني نورت المنتدي
و مشكور للتواصل و المشاركة
طيب اللي حب و لا طال شيء ده نعمله ايه اكيد كتبها بيشكي حاله
مشكور و نورت مستنية جمل اكتر

kalecoper
13-06-2006, 11:09 PM
شوفى ديه كان مكتوب
( فأغشيناهم فهم لا يبصرون )
طبعا الكلام على رجال المرور:mazika2:

رانيا عمر
13-06-2006, 11:21 PM
شوفى ديه كان مكتوب
( فأغشيناهم فهم لا يبصرون )
طبعا الكلام على رجال المرور:mazika2:


يا وقعة بيضا لو شافوا لجنة مرور
الاعراض
هبوط في الدورة الدموية
سرعة دقات القلب
تهتها قدام سيادة الباشا اللي بيبص من تحت النظارة و بيقول في سره وقعت ولا حدش سما عليك
ههههههه تسلم ايديك يا kalecoper و نورت

/// A M G
14-06-2006, 12:03 AM
"خش فى الأسمنت ولا تهرج مع عفريت الأسفلت"

يمكن يقصد الرصيف بالأسمنت ؟؟؟؟

أبو منار
14-06-2006, 12:57 AM
عفواً السيارة في التليين

أبو منار
14-06-2006, 12:58 AM
ما خطرتش على بالك يوم تركب عندي
على وزن اغنية ام كلثوم

رانيا عمر
14-06-2006, 09:41 AM
"خش فى الأسمنت ولا تهرج مع عفريت الأسفلت"

يمكن يقصد الرصيف بالأسمنت ؟؟؟؟


امممم و الله محدش عارف شكلها كده زي ما قلت
الرصيف ... بس ده تهديد جامد قوي متهزرش يعني ابدا معاه
A M G تسلم ايديك و مشكور لمشاركتك ... مستنية اكتر

رانيا عمر
14-06-2006, 09:47 AM
ما خطرتش على بالك يوم تركب عندي
على وزن اغنية ام كلثوم

و الله ده مش واحد رايق قوي
و لا و ايه بيحب ثومه .. اغنية يا مسهرني
حلوة قوي يا ابو منار ...
تحياتي لك و لتواصلك معنا :f2:

مظلوووم
14-06-2006, 10:08 AM
ههههههههههههههههههههههههههههههههه
مسابقه لذيذه
ومن اطرف العبارات اللى شفتها
بنزين فى التنك ولا دولار فى البنك
والعين صابتنى ورب العرش نجانى
الحلوه اسمها عنايات وليها اربع عجلات
يا تعدى يا تهدى
اوعى الاكس يا بتاع التاكس
لا تقولى صاروخ ولا طياره دى صاحبها الاسطى عماره
وعبارات كتير وان دلت تدل ان الشعب المصرى يتميز فعلا بروح دعابه عاليه وخفه دم منقطعه النظير
وهاجيبلكم تانى واجى
ويجعلوا عاااااااااامر
انوووووووووووبيس

mohamed95
14-06-2006, 10:21 AM
ماتبصليش بعين رضيه بص للمدفوع فيه:nooo:

بنزين في التنك ولا مليون في الينك

رانيا عمر
14-06-2006, 10:32 AM
ههههههههههههههههههههههههههههههههه
مسابقه لذيذه
ومن اطرف العبارات اللى شفتها
بنزين فى التنك ولا دولار فى البنك
والعين صابتنى ورب العرش نجانى
الحلوه اسمها عنايات وليها اربع عجلات
يا تعدى يا تهدى
اوعى الاكس يا بتاع التاكس
لا تقولى صاروخ ولا طياره دى صاحبها الاسطى عماره
وعبارات كتير وان دلت تدل ان الشعب المصرى يتميز فعلا بروح دعابه عاليه وخفه دم منقطعه النظير
وهاجيبلكم تانى واجى
ويجعلوا عاااااااااامر
انوووووووووووبيس

ايوة كده النشاط حلو .. شوية عبارات 10/10
تسلم ايدك يا مظلوووووووووم ... و انا مستنية رجوعك
بس اوعي تكون نازل الشارع تلقط جملتين ولا حاجة
تسلم ايدك

رانيا عمر
14-06-2006, 10:35 AM
ماتبصليش بعين رضيه بص للمدفوع فيه:nooo:

بنزين في التنك ولا مليون في الينك


لالالالا عايزين جمل جديدة لانج او امو او برسيل
يالاه شوية نشاط
تحياتي ليك يا محمد نورت

case
23-06-2006, 03:51 AM
صاج وسرينة وجركن زيت ورا الكابينة

محمدعثمان جبريل
23-06-2006, 04:51 AM
أفضل ما قرأت علي سيارة نقل في الفترة الاخيرة تعبر تعبير عبقري عن الحال .. حال مصر:
ما حدش فاهم حاجه

case
23-06-2006, 11:25 PM
من العبارات ايضا
الحلوه كيداهم وإللي جايباهم واخداهم

case
23-06-2006, 11:30 PM
افتكرت حاجه تانيه
بنزين وطاره والغلطه بخساره

محمد علم الدين
23-06-2006, 11:55 PM
جميل أوى الموضوع دا يارانيا

تسلم ايدك

أنا بتعجبنى جدا الجمل اللى على العربيات

واللى فاكره دلوقتى

(( سوقوا بالراحة يابهايم علشان السواق نايم ))

(( تعمل حسابى أقدرك تهذر معايا أعورك ))

(( حلوة ومتلمعة وعالسكة متشخلعة ))

(( عدى وأجرى على أخرك وعند كمين الرادار هاقبلك ))

(( التنك وعمرناه والموتور دورناه واللى بيجرى على رزقه ربنا مابينساه ))

وأنا كاتب على عربيتى

!!! DON'T TRY

HEADSTRONG

bemoo
24-06-2006, 07:34 AM
" تــــــــــفــــــــــاحـــــــة "

ودى واقعه حقيقه حصلت معايا في تاكسى ,
وسألت السواق بكل إستهتاررر .... اشمعنى تفاحه ؟؟*4*
قـام رد عليا بضرب الناررر ..... مراتى وبلاش قباحه !! *70*

summar
24-06-2006, 07:36 AM
فى كذا جملة...
يقينى بالله يقينى
ياناس ياشر....كفاية قر ياناس سافل الرزق للكل....

كده يعنى

abdo sakr
25-06-2006, 11:30 PM
الحلوة لما بتدلع تخلى الأسفلت يولع & ياناس سيبونى اسدد ديونى & عضة اسد ولا نظرة حسد


هههههههههههههههههههههههههههههههههههههة

lost
26-06-2006, 12:38 AM
هههههههههههههههههههههههههههههه

بجد حلوة اوى