المساعد الشخصي الرقمي

مشاهدة النسخة كاملة : فن مخاطبة الاطفال




النمر الاسود
07-06-2006, 04:48 PM
جامعة نيويورك عملت مؤتمر عالمي كبير عشان يناقش فكرة فن مخاطبة الاطفال وهذا الموضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمانالعيال الأيام دى وصلوا والعالم مفتوح على بعضه مش زينا اللى اتربينا على القناة الأولى والتانية بالتيلة


خلاص ماينفعش تقول للعيل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك ؟:good:



وماينفعش تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال




ماينفعش تعاقبه بأنك تأومه من أودام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت ف الشغل ويخليك زي قرطاس الجوافة.:l:
عايز تعاقبه ؟؟:mad:
نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.


لما تعوز تدلعه وتكافؤه على تفوقه
ماينفعش تجيب له بندقية صيد وكورة وكتب من المكتبة الخضراء والجو القديم دهكله
تجيب له( دي اس ال) .... ممكن تظبطه بويب كام جامده ... تدخل علية ( بسكرين):mazika:




ماينفعش لو ابنك سألك عن حاجة منتش عارفها تألفله أى إجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه ع النت ودور معاه ع الأجابة المظبوطة و بلاش قلة قيمة .:uff:



وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبه ريال مدريد والأرسنال وعارف أسعارهم كمان .:no1:



وإذا طلب رأيك ف أكلة دليفرى م اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد .:mazika2:





منقول من الايميل
يارب تعجبكوا

أم أحمد
07-06-2006, 05:34 PM
هههههههههههههه
لا بجد احلي لغة لازم الاباء يستخدموها مع ولادهم
وانا عن نفسي بدأت اطبق فيها من زماااااااان مع احمد
واولهم دي


لما تعوز تدلعه وتكافؤه على تفوقه
ماينفعش تجيب له بندقية صيد وكورة وكتب من المكتبة الخضراء والجو القديم دهكله
تجيب له( دي اس ال) .... ممكن تظبطه بويب كام جامده ... تدخل علية ( بسكرين)

ودي كمان رهيبة




وإذا طلب رأيك ف أكلة دليفرى م اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد .


شكرا عادل علي فن المخاطبة الجديد للتعامل مع الاطفال
واهلا بك معنا في قاعة فك التكشيرة
وفي انتظار المزيد من مواضعيك من الميل بس ما تتاخرش علينا بقي
خالص تقديري

النمر الاسود
07-06-2006, 10:55 PM
اختى الكريمة / ام احمد

اشكرك لمرورك الجميل وتعليقك اللى اسعدنى جدا

وكويس اوى انك بتعملى كدة مع احمد عشان لازم نواكب العصر
مش عارفين الاجيال الجديدة هتوصل لحد فين .... وادينا وراهم وبنحاول نلحق:4:

خالص تقديرى
:f2:

amak_77
08-06-2006, 12:49 AM
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد

هههههههههههههههههههههههههههههههههههههههها
جمبلة يا عاادل

حلوة طحن ياد

النمر الاسود
08-06-2006, 12:59 AM
هههههههههههههههههههههههههههههههههههههههها
جمبلة يا عاادل

حلوة طحن ياد

ههههههههههههههههههه
ياعم احنا بنقول قولها للواد ابنك
تسلم ياباشا على مرورك وتعليقك وكمان خفة دمك
فكرنى لما تنجح السنة دى... ادلعك واجيب لك ويب كام جامدة ;)
تحياتى ومودتى:f: :f: :f:

amak_77
08-06-2006, 01:10 AM
ياعم احنا بنقول قولها للواد ابنك

اوع تكون زعلت هزار و الله

النمر الاسود
08-06-2006, 01:25 AM
ليه كدة بس يا اماك
تصدق كدة زعلتنى؟
ياعم احنا اخوات والله ولا جه فى دماغى زعل اصلا
وبعدين كمان انا اخوك الصغير ....فرق سنة بس انا الصغير بردو
وكمان انت من الناس اللى بحبهم جدا فى المنتدى
هى القافية حكمت بس معايا

ربنا يديم الحب والمودة يارب:bye:
:f2: :f2: :f2:

أم أحمد
03-09-2006, 09:37 PM
للرفع
شكرا ليك النمر الاسود مرة تاني