المساعد الشخصي الرقمي

مشاهدة النسخة كاملة : البطاطس الشويـبـس..!



Abdou Basha
27-05-2006, 07:53 AM
http://photos1.blogger.com/blogger/6547/2843/320/potato-chips-230.1.jpg (http://photos1.blogger.com/blogger/6547/2843/1600/potato-chips-230.1.jpg) http://photos1.blogger.com/blogger/6547/2843/320/schweppes-orange.0.png (http://photos1.blogger.com/blogger/6547/2843/1600/schweppes-orange.0.png)



أتذكر أنني عندما كنت في الصف الخامس الابتدائي، صدر قرار بإلغاء العملات الورقية، فئة الخمسة قروش، والعشرة قروش.. أتذكر وقتها حديثا دار بين جدي رحمه الله، وخالي، ووالدي حول أن مثل تلك القرارات دائما ما تكون في مصلحة أحد الحرامية الكبار الذين (يهلبون) من وراء مثل تلك الأحداث .
***
وأنا في الصف الثالث الثانوي.. وتحديدا في درس الفيزيا (الله يلعنها)، تحدث أحد الزملاء عن أن العملات الورقية، فئة الخمسة قروش، والعشرة قروش ستعود من جديد للتداول.. وقال مدرس الفيزياء نفس ما قاله أفراد عائلتي قديما... "كلها سرقة"
***
وبعد عودة هذه العملات السخيفة، وجدنا – كشعب – أن كافة الهيئات والمصالح الحكومية، والتجار .........يعني كل الدنيا، لا تقبل التعامل بهذه العملات، ومن الواضح أن هذا سبب ارتباكا للحكومة (http://www.akhbarelyom.org.eg/akhersaa/issues/3595/0300.html)، وجاءت بعد ذلك مؤخرا أنباء عن أن الحكومة ستصدر عملات معدنية جديدة فئة الجنية وفئة الخمسون قرشا، إلى جانب الورقية التقليدية... وانه سيتم استبدال العملات الحالية من فئة العشرة والخمسة قروش الورقية بأخرى معدنية (http://www.akhbarelyom.org.eg/akhbarelyom/issues/3160/0400.html)، (!)، وينتظر أن تظهر العملات المعدنية فئة الجنية والنصف جنيه الشهر القادم (http://www.alraialaam.com/05-05-2006/ie5/economics.htm) .
***
منذ أسبوعين أخذت من الكاشير عشرة قروش ورقية (http://www.youregypt.com/eguide/genguide/money/images/10p_a.jpg) كتذكار لحالة نفسية سيئة..

http://www.youregypt.com/eguide/genguide/money/images/10p_a.jpg

أول امس.. مررت على مكتب البريد لأرسل خطابا، دخلت أسأل عن قيمة الطوابع المطلوبة، فلست معتادا أن أرسل خطابات ورقية، أعتقد أنها أصبحت موضة قديمة جدا...
***
دخلت مكتب البريد.. الموظفين يتناولون وجبة الإفطار حوالي الســ 10ـــاعة، (وماله)، سألت.. اشتريت طوابع بريدية بقيمة ستين قرشا، دفعتها كالآتي: خمسون قرشا ورقية، ومعها العشرة قروش الورقية (إياها)، وأنا أهم بالرحيل.. فاجأني الموظف ..

- لو سمحت .. غيرلي العشرة ساغ دي (يقصد العشرة قروش الورقية)
- ليه..؟
- محدش بياخدها مننا ..!
- إنت مش في الآخر بتوردها الخزنة ..؟
- لأ... دي مش بتتورد..!
- شوف... دي.. أنا أخدتها من محل، وأكيد حتلاقي واحد زيي يرضى ياخدها.

وتركت المكان المليء برائحة "البصل" وأنا أتمنى ألا أعود إليه مرة أخرى.
***

أعتقد ان فئات مهمة من الشعب لاتكترث بهذا الحديث، حتى وإن كان يمسهم مباشرة، كأن نتحدث مثلا عن فئة التجار .

مررت بجوار سوق خضار.. وأمام (نصبة) البطاطس.. غلام صغير، كان في غاية السعادة بكثرة الزبائن من حوله، ويبدو انه أراد إغاظة التجار من حوله.. فجاء نداءه كالآتي :
- البطاطس للقلية مش للطبيخ يا بطاطس
- يا بطاطس التحمير يا بطاطس.

ثم قال أيضا.....

- البطاطس الشويبس يا بطاطس..!
- يا بطاطس يا بتاعت الشويبس يا بطاطس .

كررها عدة مرات.. حتى تأكدت .
تأكدت أنه يقصد أن النوع الذي يبيعه هو الخاص بالقلي.. أي أنها البطاطس "الشيبس"
***
مش مهم... أهه كله بطاطس
يا ترى بتحبوا البطاطس الشويبس..؟!!

عبدالرحمن مصطفى

أنفـــــال
27-05-2006, 08:33 AM
عبدالرحمن ..

وأنا في الصف الثالث الثانوي.. وتحديدا في درس الفيزيا (الله يلعنها)، تحدث أحد الزملاء عن أن العملات الورقية، فئة الخمسة قروش، والعشرة قروش ستعود من جديد للتداول.. وقال مدرس الفيزياء نفس ما قاله أفراد عائلتي قديما... "كلها سرقة"
أنا الفيزياء كنت باحبها ..
لكن بعدين .. وجدت أن آينشتاين و نيوتن و فلمنج .. ليسوا إلا مجموعة من النصابين .. المنكوشين .
فكرهتهم و كرهت الفيزياء ..
و بالنسبة للعملات الورقية .. تغييرها أو تركها كما هي مش هيفرق..
بس هيأثر على نفسيتي جداً.. :sorry: لما ألاقي الجنيه اللي كنت باجيب بيه زمان نص الكشك اللي جنب بيت جدو بقى عملة معدنية .. كمان الجنيه و هو ورق.. عوموه .. مش يمكن لما يبقى معدن يغطس .. و مايقبش ؟ أو يمكن يبقى تقيل كدة .. و مايعومش ؟؟
بص .. احنا نفترض في الحكومة حسن النية ..
يعني تكونش الحكاية دي مثلا اتعملت عشان نكسر النحس عن الجنيه ؟؟
مش يمكن الجنيه يرتفع كدة و يبقى الواحد مرتبه في الشهر 2 جنيه زي زمان ؟
الحكومة دايما بتفكر فينا .. :y1:

على فكرة موضوع الخمس قروش الورقية .. اتكرر مرة معايا و خدتها و مشيت و خلاص ..
لكن لما اتعملت مع اخي احمد و الراجل رفض ياخدها .. أحمد أقنع الرجل إنه لازم ياخدها ..بطريقته :)
أنا مش باحب البطاطس الشويبس .. لأنها مقلية بالزيت .. و المقليات تصيبني بالغثيان إذا كانت شاربة زيت كتير .. :)
و البطاطس عادة بتشرب زيت و طعمها بيبقى فيه زيت ..
تسلم إيديك يا عبد الرحمن ..
الموضوع تمت قراءته مع قهوة الصباح .. :)
بارك الله بك .
خالص دعائي بالتوفيق و السداد .

Abdou Basha
27-05-2006, 09:34 AM
أنفال ...
منذ مدة وأنا أفتقد مداخلاتك الذكية، مرحبا بكِ
الحكومة..
هيييه
الحكومة مننا وعلينا
إحنا منها وهي منا .
أكيد هي عارفة المصلحة فين وبتعملها .:stpd:
لسه مش متخيل الجنيه المعدن ده ...:2:
***
أغلى التحيات لكِ
:f:

أنفـــــال
27-05-2006, 10:42 AM
على فكرة .. أنا هتصدم بجد .. لوطلع قطر الجنيه المعدن أقل من 5 سم :)

سمـاء
28-05-2006, 04:46 PM
عبد الرحمن

أعتقد إن السبب فى إلغاء الجنيه الورق وتحويله إلى عملة معدنية هو محاولة تقليد اليورو..... احتمال إذا أصبح له نفس الشكل (واللونين الفضى والذهبى) أن تصبح له نفس القيمة...!!!؟؟؟

المشكلة مع العملات المعدنية ان معظمنا لن يحب أن يمشى و(بخشخش) بالجنيهات... وعندما كانت تقتصر على الخمسة قروش أو العشرة أو حتى ربع الجنيه المخروم، كان من الممكن اهمال هذه الفكة فى درج المكتب مثلا ونسيانها تماما، أما مع الجنيه....................

وبالنسبة للتعامل بهذه الفكة فكما ذكرت صعب جدا خاصة أن معظم المحلات استبدلتها بعملة خاصة جدا هى اللبان والكبريت، او الاسبرين فى الصيدليات، حتى اننى أصبحت اتعامل مع السوبر ماركت القريب بنفس عملاته من اللبان والكبريت............

ومع ذلك فللجنيه المعدنى ميزة هامة جدا، وهى استحالة كتابة الاهداءات والتهانى عليه، عندها ستكون العيدية (الرمزية) على الاقل ورقة بخمسة جنيه.... وفى الغالب سيتم الاكتفاء بـ"كل سنة وانت طيب" وتحتفظ العملات الورقية بنظافتها...

ولاء نور الدين
28-05-2006, 09:45 PM
انا بشوف حكاية الخمس قروش والعشر قروش الورق دي نموذج او مثال بسيط للتضارب العجيب ايل بيحصل في كتير اوي من القرارات ..
طيب طالما هما موش عاوزين تزوير وخلاص كانت اتلغت .. ليه ترجع تاني بقى ..!! اكيد زي ما قلت يا عبدالرحمن عاوزنا نحتفظ بيها كذكرى .. انا كتير كنت باخد العملة الورق دي واسكت .. يعني ممكن نقول عندي شوية ذكريات موش بطاله ..

اما عن البطاطس فبجد القصة كل اما افتكرها بضحك .. هو صحيح في نداءات غريبه كلنا ممكن نسمعها في السوق بس النداء ده يمكن احدثهم .. اه على فكرة انا من محبي البطاطس جدا جدا .. وخصوصا بقى لو كانت شويبس ..
كل الشكر ليك .. ولموضوعاتك الجميلة
:f2:

Abdou Basha
29-05-2006, 11:05 AM
أنفال.. أنا بستعمل فكة كتير في مواصلاتي، يعني حبقى ماشي بشخلل في الشارع :no1:

سماء.. مرحبا بك
فكرة نظافة الجنيه المعدني تستحق التقدير فعلا، لكن ما أخشاه أن تزيد الأسعار - على حس - إن الجنيه أصبح مثل البريزة .:'(

ولاء.. كان نداء هذا البائع الصغير من أغرب ما سمعت، وأعترف انه اضحكني انا ايضا :f: .

ميمو المصرى
29-05-2006, 11:29 AM
اخى عبد الرحمن
طبعا انا حصل معايا مواقف كتير جدا من ناحيه الفلوس الورق فئه 10 قروش و5 قروش
كان موقف غريب فعلا
ومش لاقى تفسير له لحد دلوقتى
كنت راكب ترام المدينه فى اسكندريه عندنا
ومش فى مكان علشان اقعد وشاء القدر انى اكون واقف جمب (( الكمسرى ))
دخل شاب حوالى 30 سنه ودفع للكمسرى (( ربع جنيه )) طبعا كانت التذكره بــ 20 قرش
راح الكمسرى اخد الربع جنيه واعطى للشاب 5 قروش من الفئه الورقيه
والشاب اخدها ومشى عادى جدا
ركبت امراءه كبيره فى السن وفتحت (( بوكها )) واعطت للكمسرى 10 قروش معدن و10 قروش ورقيه
كان رد الكمسرى كالاتى....
لا يا حاجه احنا مش بناخد الفلوس الورق دى عاوزين معدن
طبعا انا اتغاظت من الموضوع تدخلت فى الحوار
قولته مش انتا يا عم لسه مدى للشاب الباقى عمله ورقيه
قالى اه انا ادفعها باقى فقط لكن مش اخدها لانها مش بتنفع معانا
قولتله ازاى يعنى بالعقل كده... قالى هوه كده فى الهيئه عندنا مش بياخدوا مننا العمله الورقيه لكن بيحرصوا اننا نديها للشعب علشان الهيئه عاوزه تخلص منها.....
طبعا انا نزلت مطرح ما كنت رايح وماشى فى ذهوووووووووول تام تام تام بجد ومش قادر استوعب اللى حصل لحد دلوقتى


اه من ناحيه البطاطس المقليه انا بحبها مووووووووووت
وعلى فكره بينادوا عندنا على البطاطس ويقولوا
...للقلى والطبيخ **ووتتاكل مع اللحمه والفراخ والبلوبيف ...
مش فاهم انا موضوع البلوبيف ده ازاى بس اهوه شويه مجانين ههههههه

Hesham Nassar
29-05-2006, 09:26 PM
أنا كنت معاك في المشوار ده بس مخدتش بالي من حكاية الشويبس دي ..http://www.egyptsons.com/misr/images/smilies/080402cool_prv.gif

Abdou Basha
31-05-2006, 02:36 PM
* ميمو ..
انت بحكايتك دي، وضحت أهم مشكلة عند جهازنا الحكومي (المعفن) .
نفس هذا الكومساري قد يواجه نفس الموقف في مكان آخر عندما يكون زائر أو عميل .

نفسي احنا كمصريين نحب للناس ما نحب لأنفسنا .


* هشام ..
أيوه كنت معايا فعلا .. في شارع طومان باي كمان، بس انت كنت في العربية :)

Abdou Basha
02-06-2006, 05:17 PM
http://upload.haridy.org/storage/43641_1000m.jpg

الجنية المعدن الجديد .... :)


Photo Gallery