المساعد الشخصي الرقمي

مشاهدة النسخة كاملة : في بيتنا مظاهرة .



العمدة
26-02-2003, 01:49 PM
في بيتنا مظاهرة .

بينما أشاهد المظاهرات المحرجة لنا في القارات الخمس , وبينما علامات الغضب على وجهي , أنتفض أبني صارخاً .. ليه يا بابا أحنا قاعدين نتفرج ..لم أنتبه إليه , بابا .. فيه إيه يا ولد .. بئولك ليه ما نروحش مع الناس دي ونحرق علم الإسرائيليين والأمريكيين .. أحنا مش بنكرة الناس دول .. هكذا نطق ... لم أجب عليه , فنطقت أخته أم نص لسان ... صح يا بابا .. نروح .
وكأنها نزهة خلوية .. بدأت الفكرة تروق لي , هناك جبهة ضدي .. أتظاهر لهم بأني ديمقراطي .. قلبت الفكرة في أم رأسي .. سألتها ( نفسي ) ماذا لو قمت بعمل مظاهرة في بيتي بين أبنائي . ونسميها مظاهرة صامته .. بدلاً من الكتابة للنت والسلبية , وعامل فيها زعيم على الفاضِ ...اتخذت قرار وندهت على حرمنا المصون .. والتي كانت تعد لنا وجبة الغداء .. لم يمر وقت طويل أتت .. نعم .. أنت مش شايفني مشغولة لشوشتي .. معلهش .. عايز منك خدمة .. خير .. عايز شوية هدوم قديمة , ملابس قديمة .. لم أكمل الجملة .. حتى بدأ الصوت في العلو شيئاً فشيء كام مرة وأنا أنصحك اشتري فوطة وامسح بيها سيارتك .. خلصت كل الهدوم .. هي الهدوم دي ببلاش ؟ يا بنت الحلال مش للسيارة .. أنا عايز حبة ملابس علشان أنا وابنك وبنتك هانعمل مظاهرة .. نعم ..! أيوه زي ما اسمعتي مظاهرة .. يعني إيه ؟ أووووووه .. مظاهرة سلمية هنا مش هانخرج من البيت .. ياسلام ! وده من إيه أنشاء الله ؟ نعبر عن غضبنا .. ونحرق علم شارون وعلم بوش وعلم بلير .. يا راجل سيبني في حالي أنت خلتني أسيب الأكل عشان الكلام الفاضِ ده .. مش كفاية اليوم كله ما فيش ورانا غير السياسة وقناة الجزيرة والعربية اللي طلعت لنا في البخت .. لما بنام ونصحي على السياسة ... العيال جالهم اكتئاب ..! بدأ الكلام يذيد .. كشرت عن انيابي .. بدأ الشرر يتطاير من ( الخوف ) طيب .. هاشوفلك شوية هدوم .. أنت قلت كام علم ؟ ثلاثة .. ولو هاتنضمي لينا .. شوفي رابع نخليه أسترالي .. لا أنا لا عايزه اتظاهر ولا يلزمني .. بدأت تأتي لنا بما تيسر من فانلات وقمصان وغيرها .. والولد والبنت ينتظران بسعادة .. أكملنا عمل الأعلام .. أستعنا بأقلام للتلوين ... ووضع النجوم .. أكملنا المهمة .. أمسكت بعلم أمريكا وأبني بعلم بريطانيا والبنت اختارت علم اليهود .. بصوت لايسمعه إلا الأولاد .. لا للحرب نعم للسلام .. ومن غرفة للأخرى لا للحرب نعم للسلام والولد والبنت صوتهما يعلوا وأنا خائف .. خائف .. وشجعت نفسي إستعداداً لحرق الأعلام وحرمنا تراقب الموقف خشية أن نحرق البيت .. صاحت بأعلى صوت اتحرق .. اتحرق.. استغربت ماذا حل بها أنها ترفض ومن البداية .. لأكتشف بأنها تقول إتحرق .. إتحرق .. مبسوط أهو الأكل اتحرق! ..

خالد بن الوليد
26-02-2003, 03:37 PM
:D
و الله فكرة جميلة :) ربنا يباركلك في أولادك و يخليهملك يا رب :)

و معلش ممكن تعزمهم برة النهاردة بدل الأكل اللى اتحرق ;)

:1:

العمدة
26-02-2003, 05:09 PM
:D

هذا ما حدث استاذ خالد ... والخسارة خسارتين :(

أكل راح بلوشي .... وأكل بره وما أدراك أسعار بره :mad:

أشكر مرورك الطيب أخي الحبيب .

دمت بخير :)

aziza
26-02-2003, 07:49 PM
اخي العزيز العمدة

صوتك وصل لجيل كامل متمثل في احمد ومصر
واجيال ستاتي منهم بعدك وربنا يخليهم لك

احنا لما نتظاهر نقرن المظاهرة بالاضراب عن الطعام ولذلك احترق الاكل عندك متضاما مع المظاهرة
وربنا يعوض عليك

العمدة
26-02-2003, 09:24 PM
أختي العزيزة .. عزيزة .

تقديري وامتناني لشخصكم الغالي ...... الفاهم :)

دمتم بحفظ الله .


Photo Gallery