المساعد الشخصي الرقمي

مشاهدة النسخة كاملة : العسكري بوش يبحث عن أسامة بن لادن ! !



إسلام شمس الدين
19-02-2003, 11:56 AM
-

maistro
19-02-2003, 08:44 PM
مش عارف ليه يا شمس الدين العنوان مش مريحنى أبدا !!!

أولا الملف ما ظهرش عندى ماعرفش ليه !!

ويا ريت لو العنوان بقى الحرامى بوش يبحث عن أسامة بن لادن

لأن بعنوانك يبقى بنقول ان بوش عسكرى وبن لادن حرامى ( على غرار لعبة عسكر وحرامية ) وكده أعتقد غير مستساغ العنوان وغير عاطفى فى نفس الوقت !!
تحياتى
المايسترو

إسلام شمس الدين
20-02-2003, 08:10 AM
أنا مش عارف بجد أعمل ايه معاك يا مايسترو . .

يعني انت افترضت و استنتجت و قررت و بنيت أحكام على قراراتك . .
كل ده و انت أصلاً ما شفتش الموضوع ..
أمال لو شفت الموضوع كان حصل ايه ؟

لا يا مايسترو كل استنتاجاتك و افتراضاتك غلط ، ودا طبيعي لأنك حكمت من خلال عنوان فقط . .
و العسكري مش مقصود بها ان بن لادن حرامي . .
لأن قي حاجة اسمها عسكري جيش . . ومش كل عسكري يبقى عسكري شرطة .

و حتى لو كنت أقصد انه عسكري شرطة فأنا أعتقد أنه من حقي أقول رأيي بحرية بدون ما حد يحجر عليه أو يقرر لي ازاي اختار عناوين موضوعاتي . .

اتمنى يا مايسترو ان احنا نتمهل شوية قبل ما نسارع في فتح جبهات نقاش أشبه بجبهات القتال . .

و ياريت تكون الصورة كده فتحت معاك عشان تقدر بعدها تحدد رأي

maistro
21-02-2003, 03:53 AM
يا عم شمس انت نسيت ان احنا فى قاعة فك التكشيـرة والا ايه !!
لو كنت نسيت أنا بقى ما نسيتش
وصدقنى يا عزيزى أنا وضعت الرد ده ومش متصور أبدا ان هيزعلك لأن قاصد المزح والهزار !! مش أكتر من كده
ولذلك فوجئت بردك وبكلماتك الهجومية دى !!
-------
بصراحة أنا مستغرب فعلا
يا أما انا رديت غلط ولو ان ده مش قصدى أبدا ( وباعتذرلك يا عم على ردى !!
يا اما انت فهمت كلامى غلط !!
---
عزيزى شمس ولا تزعل لو عاوزنى ما أردش على مشاركاتك أنا تحت أمرك
تحياتى
وللمرة الثانية بافكرك بأن أنا مش ناسى ان احنا فى قاعة فك التكشيرة يعنى ما أقصدش من ردى ده أى حاجة تضايقك !!
مع السلامة
وقصدى بكلمة مع السلامة ان مش هتشوف رد لى على مشاركاتك ولا تزعل
أهم حاجة تكون الصداقة بينا سليمة وما فيهاش شرخ
المايسترو

إسلام شمس الدين
21-02-2003, 09:04 AM
أخي العزيز مايسترو . .

أنا ما أقدرش أزعل منك أو من أي أخ لي هنا في المنتدى . .
لأني بصدق أحب الجميع و احترمهم . .

بس أنا فعلا اتمنى ان مناقشتنا تكون أقل حدة و بدون تسرع مهما اختلفت وجهات النظر .

لك مني كل المودة و الاحترام أخي العزيز


Photo Gallery