المساعد الشخصي الرقمي

مشاهدة النسخة كاملة : بنجور عليكم



دكتور مهندس جمال الشربينى
21-04-2006, 09:57 AM
:hey: :hey: :hey: :hey: :hey:

http://www.ahram.org.eg/archive/2006/4/21/43600_31m.jpg (http://spaces.msn.com/mmm2006-03-23_17.22/Index.asp?CurFN=fron1.htm&DID=8828)
أنهم يتحدثون الفرنسية
بنجور مبارك
بنجور يا خواجه
بعد إفتتاح الجامعة الفرنسية فى مصر
بقرار جمهورى رئاسى تصبح اللغة الفرنساوية
هى اللغة الثانية بعد اللغة العربية
و بدل السلاموعليكم
من الآن فصاعدا
حنقول
بنجور عليكم
و مبروك من كل قلبى لخريجات
مدارس الراعى الصالح فى شبرا و كل فروعها
فى جمهورية مصر العربية
أتحلت مشاكل خريجاتها هى
و كل خريجات المدارس الفرنسية
فى مصر المحروسة
أخيرا
حتكملوا دراساتكم فى الجامعة الجديدة
كأنكم فى باريس عاصمة النور
قولوا معايا بصوت عالى
مرسيه يا خواجه مسيو جاك
و متنسوش تقولوا مرسيه
لجدو حسنى قدر ينفذ
أول حته من برنامجه الإنتخابى
للقضاء على الأمية فى مصر
و لكن للأسف
على الأمية الفرنساوية فقط
عقبال ما يقضى
على بقية الأميات الأخرى
و بنجور عليكم
منقول من فضائى الخاص:
http://spaces.msn.com/gmsherbini/

amak_77
21-04-2006, 03:23 PM
طب الحمد لله انهم ما فتحوش الجامعه اليابانيه
و الا الحكايه حتبقى معقدة اوي

دكتور مهندس جمال الشربينى
21-04-2006, 08:20 PM
لا و أنت الصادق الجامعة اليابانية حالفه لاتفتح جامعتها و تلم فيها كل اللى مجبوش مجموع فى الثانوية العامة و كمان ببلاش و شرطها الوحيد هو روح الفريق أى التيم ورك
TEAM WORK و ده اللى رافضاهحكومتنا الرشيدة النظيفة من كله بشدة بخلاف رفضها لحكاية البلاش ديت هو يعنى إحنا لا مؤاخذة بنشحت ...بحجة أن الشعب المصرى شعب غنى جدا و يفهمها و هى طايرة و مينفعش معاه حكاية الــــــــ TEAM WORK قال TEAM WORK قال عشنا و شفنا حنشتغل كمان TEAM WORK و أحنا اللى دهنا الهوا دوكو و عبينا الهوا فى قزايز من غير مانقفل القزايز بفله!

رانيا عمر
21-04-2006, 10:04 PM
بنجور يا دكتور
و ميرسي علي الموضوع
و اتوتا لير

دكتور مهندس جمال الشربينى
22-04-2006, 07:16 PM
:f2:
بنسوار مون شيرى رانيا
جيمابل جمال
كمون سافا
جيسوى تيم لاكوتون إيجبشيان
كومسى كومسا
بون نوى
مون شيرى رانيا
:f2:

رانيا عمر
26-04-2006, 02:38 PM
لالالا انا مش قد حضرتك هما بس كلمتين كده حفظاهم من الافلام
و علي كل حال ... اشكرك يا دكتور

amr emam
26-04-2006, 03:13 PM
بونجورنوا سنيور جمال الشربينى

عقبال يارب الجامعه الايطاليه


عمرو امام

ضابط شرطة
26-04-2006, 09:08 PM
طب مش كان اولى يعملوا جامعه عربية وبعدين يدوروا على الفرنسية ولا اليابانية بعدين ؟؟

ميرسي دكتورنا

رانيا عمر
26-04-2006, 10:38 PM
بنسوار ضابط شرطة
طيب ما الجامعات العربية موجودة بكثرة في 6 اكتوبر و في اماكن تانية و طبعااااااا خاصة
و كمان سمعت ان في 4 جامعات عربية هتفتح قريب

دكتور مهندس جمال الشربينى
27-04-2006, 08:58 AM
:hey: هاكم خطة مبارك 2011 و مبارك القرن كله:
لما مبارك 2005 فشل فى أن تكون واحدة من جامعات مصر من أحسن 500 جامعة :smart: فى العالم لذا قررت الحكومات المصرية الحالية و اللى جاية و اللى راحت أنها ستنشأ يجى كده 500 جامعة:smart: أجنبية و عربية و مصرية فى مصر... حاجة تشكيلة مفيش زيها و بكده تضمن مصر 100% أنها تحصل على ترتيب أحسن 500 جامعة:smart: و لكن الفرق الواضح بين الترتيب المحلى و الترتيب العالمى...زى ماتقولوا كده ترتيب منه فيه! ...مع الأعتذار للشراب الأستك اللى منه فيه!

ضابط شرطة
28-04-2006, 08:22 PM
بنسوار ضابط شرطة
طيب ما الجامعات العربية موجودة بكثرة في 6 اكتوبر و في اماكن تانية و طبعااااااا خاصة
و كمان سمعت ان في 4 جامعات عربية هتفتح قريب


عمتي مساءا اختي رانيا :f:

مش لما تبقى جامعات اصلا علشان نقول عليها عربية :3:

د. حسان الشناوي
29-04-2006, 02:33 AM
سيدي الدكتور المهندس

السلام عليكم ورحمة الله وبركاته

ممكن بس أسأل سعادتك سؤال محيرني حبتين:

هو احنا لو قلنا ( بنجور عليكم ) مكان (السلام عليكم ) ينفع نكمل ونقول : بنجور عليكم ورحمة الله

وبركاته ؟

طب ولو نفع حنقول بنجور ولا البنجور؟

مش عارف الواحد يقولها ازاي لأن فيه واحد قال لفلاح زي حالاتي مرة : بنجور فرد الفلاح على طول

وقال له : بنجرك الله...
طيب واللي بيتفذلك بإن ثقافته انجليزي حيقول إيه : جود مور؟

ولا هو الموضوع خاص بالبنجور وبس؟

خايف لنبقى زي المثل ما ممكن يقول : من بنجور لجودمور ياقلبي لاتحزن...

أفيدونا ولكم الأجر والثواب.

ولكم محبتي ومودتي.

د.حسان

دكتور مهندس جمال الشربينى
29-04-2006, 12:55 PM
أفيدونا ولكم الأجر والثواب.
ولكم محبتي ومودتي.
د.حسان
:good: الصراحة مفيش أحسن منا أنا كنت مجرد وصلة خير بينكم و بين الريس حسنى و ضيفه الخواجه الفرنساوى مسيو جاك شيراكو انا حيدوبك جبت فى أمتحان الثانوية العامه 11 من 20 فى الفرنساوى...و لكن ريسنا مبارك 2005 :no1: واخد دروس تقوية فى الفرنساوى و بيكلم الخواجه الفرنساوى:mad: كالبلب!...فعليك بقصر القبة و سيد قصر القبة قد يفيدك اكثر منى!:uff: :uff: :uff:


Photo Gallery