المساعد الشخصي الرقمي

مشاهدة النسخة كاملة : طريقة عمل الدونااااات



aynad
20-04-2006, 07:54 PM
الدونات :
المقادير:
ملعقة خميرة بيرة
فانيليا
1/2ملعقة قرفة
2 ملعقة عسل نحل
1/3كوب لبن
بيضة
زيت ذرة
2كوب دقيق
الطريقة:

توضع الخميرة مع العسل والبيض واللبن مع ملعقة زيت ويضرب ثم يضاف الدقيق ويعجن ويفرد بالنشابة علي دقيق ويقطع ثم يحمر في الزيت ويرش عليه سكر بودرة وقرفة وقد يحشي بالكريمة او الشيكولاتة او بالمربي .....

الدوائر المحمرة بالسكر ( الدونتس )
المقادير:
2كوب دقيق
+ ذرة ملح
2ملعقة كبيرة سكر بودرة
بيضة مضروبة
4ملعقة كبيرة لبن
خميرة بيرة
ملعقة كبيرة
زبد زيت للتحمير
سكر للتجميل

الطريقة:
تدعك الخميرة مع السكر حتى تسيل ويضاف اللبن الدافئ وتترك لتخمر ثم يوضع الدقيق مع الملح والسكر وتضاف الخميرة والبيضة ويعجن الجميع جيدا وتترك حتى يتضاعف حجمها وتشكل دوائر وتترك نصف ساعة وتحمر في الزيت الغزير ثم تنشل ويرش عليها السكر البودرة وتقدم وقد يرش مكسرات مفرية ...
و بالهنا و الشفا

boukybouky
21-04-2006, 04:30 PM
كل الشكر لك aynad انا كنت فاكرة الدونات بتخبز في الفرن

مش بتتحمر ....بس في أول وصفة هل لا أترك الخميرة تخمر خالص؟؟؟

و هل يقطع قطع سميكة أم لا؟؟؟

منتظرة تعرفيني خلينا نجرب بقلب جامد :)

دمتِ بكل خير

في رعاية الله ،،،

aynad
22-04-2006, 12:11 AM
اهلا يا بوكي بوكي عاملة ايه
اكيد ما دام في خميرة يبقي لازم يخمر ..
و بالنسبة لسمك العجينة لاهي سميكة ولا هي رقيقة خليها متوسطة السمك
وعرفيني ايه اللي حصل معااااكي
ماهو انا لازم اجرب في حد الاول ههههههه
نورتي الموضووووع يا حبيبتي

بنت مصر
22-04-2006, 12:20 AM
تسلم ايدك يا ايناد
هجربها يا حبيبتي واقول لك على النتيجة
اسمك منور صفحات المنتدى يا أم دودي وبودي

بسنت

aynad
22-04-2006, 12:45 AM
تسلم ايدك يا ايناد
هجربها يا حبيبتي واقول لك على النتيجة
اسمك منور صفحات المنتدى يا أم دودي وبودي

بسنت
و الله يا بووسي منور بيكي انتي .
وتبقي تجربيهااا وقوليلي حتتحرق ولا لا هههه
ربنا يخليكي حبيبتي

sea horse
22-04-2006, 08:20 AM
العزيزه ايناد
طريقه سهله وواضحه للدونتس
تسلم ايدك
مع تحياتى لاى رجيم
صباح الفل
:eat:

osha
22-04-2006, 03:02 PM
طريقة شكلها حلو يا ايناد
تفتكري اجرب والا اتريث
اقولك حاجرب عشان الاقي رقبة امسك فيها لو العيال مسكوا في رقبتي

aynad
22-04-2006, 10:18 PM
العزيزه ايناد
طريقه سهله وواضحه للدونتس
تسلم ايدك
مع تحياتى لاى رجيم
صباح الفل
ميرسي يا سي هووورس انا كدة اتأكدت ان الطريقة مظبووووطة
يبقي حجرب و اعملها
انا كنت عايزة اجرب فيكوا الاول هههههه
بس مادام انت معلقتش علي حاجة في المقادير او الطريقة تبقي الطريقة مظبووطة
تسلم يا رب


طريقة شكلها حلو يا ايناد
تفتكري اجرب والا اتريث
اقولك حاجرب عشان الاقي رقبة امسك فيها لو العيال مسكوا في رقبتي
رقبتي تحت امرك يا اوشا هههههههه
نورتي يا اوشتي

بوناسيرا
24-04-2006, 09:34 AM
شكرا على الوصفه

و انا فعلا كان نفسى اعرف طريقة عملها

انا هجربها ان شاء الله و هقولك على النتيجه

بارك الله لك

aynad
24-04-2006, 11:34 PM
بس اتشاااهد الاول يا بوناسير
نورت الدونتس

بوناسيرا
25-04-2006, 04:42 AM
أشهد أن لا اله إلا الله و أشهد أن محمد رسول الله

milly
24-06-2006, 04:13 PM
من زمان نفسي اجرب اعمل الدوناتس اخذت المكونات وان شاء الله حاعملها واقول لك النتيجه

تسلم ايدك ايناد :f:

omferas
24-06-2006, 04:24 PM
شكرا لك اختي العزيزة

aynad
25-06-2006, 12:42 AM
من زمان نفسي اجرب اعمل الدوناتس اخذت المكونات وان شاء الله حاعملها واقول لك النتيجه

تسلم ايدك ايناد
اهلا ازيك يا ميلي يا حبيبتي
ادي المكونات عندك يلا جربهالنا اخر الاسبوع زي ما انتي متعودة
وعايزينها بالصوت و الصورة المرادي هههههههه
وبالف هنا و شفا

aynad
25-06-2006, 12:43 AM
شكرا لك اختي العزيزة
العفو يا ام فراس
نورتينا حبيبتي

أنفـــــال
28-06-2006, 07:12 PM
إيناد ...
الناس اللي جربتها راحت فين ؟؟
إيناد ... !
الناس راحت فين يا ايناد ..!
يا خوفي يا بدران ...!
طيب انتي جربتيها ؟
مش هاعملها الا لما تبقي انتي مجرباها .. :)

aynad
04-07-2006, 01:51 PM
إيناد ...
الناس اللي جربتها راحت فين ؟؟
إيناد ... !
الناس راحت فين يا ايناد ..!
يا خوفي يا بدران ...!
طيب انتي جربتيها ؟
مش هاعملها الا لما تبقي انتي مجرباها ..
هههههههههههههههههه ازيك يا انفال
عايزة تعرفي الناس راحت فين


البوتاجاز فرقع في وشهم

أمة الله
04-07-2006, 01:59 PM
بسم الله الرحمن الرحيم
السلام عليكم و رحمة الله وبركاته

يا سلام ايوه كده عايزين نتخن البنت شوية
يسلموا ايديك يا ندى يا قمر و جعله الله فى ميزان حسناتك ان شاء الرحمن

بوسى بودى و دودى و ربنا يجميهم لك و يجعلهم من الصالحين

aynad
04-07-2006, 02:14 PM
بسم الله الرحمن الرحيم
السلام عليكم و رحمة الله وبركاته

يا سلام ايوه كده عايزين نتخن البنت شوية
يسلموا ايديك يا ندى يا قمر و جعله الله فى ميزان حسناتك ان شاء الرحمن

بوسى بودى و دودى و ربنا يجميهم لك و يجعلهم من الصالحين
اهلا ازيك يا دوللي
وحشاااانثي مووووت
مش باينة بقالك مدة فينك ؟؟؟
والف شكر علي الدعوة الجميلة دي ربنا يستجيب منك يا رب