المساعد الشخصي الرقمي

مشاهدة النسخة كاملة : قطيعة تقطع الجواز . . . و سنينه



الصفحات : [1] 2

إسلام شمس الدين
19-02-2003, 09:00 AM
اجتمعت كل الستات
يوم الخميس اللي فات
في بيت صاحبتنا عزيزة
على فتة ولحمة وحاجات لذيذة
وبعد الشاي والحلو الذي منه
قعد كل واحد يشتكي همه
في كلام وحديث وقعده حريمي
عن الرجالة اللي شنباتهم بريمي

***

قالت فيفي بصوت حنون
يا جماعة جوزي راجل مجنون
كل يوم على حال
دا غير دوشة العيال
دايما يزعق ويهاتي
ولا يقول يا حلوة يا مرآتي
وكان زمان يقولي يا حياتي

***

ردت عليها الستات :
مسكينة يا اختنا فتكات
يقطع الجواز وسنينه


***

قالت عيشه بانكسار
جوزي راجل جبار
لا يعجبه العجب
ولا الصيام في رجب
وبأدعي عليه دعوة وليه
من الصبح لغاية العصرية
ما يشوف في يوم ساعة هنيه
بحق كل اللي عامله فيه

***

ردت عليها الستات :
يقطع الجواز وسنينه


***

قامت الست عنايات
تخطب في الستات :
بدون تصفيق وهتافات
لازم نتحد يا بنات
ونتفق عليهم كلهم
نسود عيشتهم ونذلهم
هما سبب همنا
مع أننا ملايكه كلنا
ونعمل مظاهرات ومنشورات
ونحتج ونعمل منظمات
ونجيب محامي معقول
ونشتكي في السيتي هول
والبرلمان والأمم المتحدة
ونبقى دايما أيد واحدة
تدافع عن المظلومين
وتشوف لنا حل معاهم
يخلصنا من آذاهم

***
ردت كل الستات :
يقطع الجواز وسنينه

***


منقول

خالد بن الوليد
19-02-2003, 09:07 AM
:3: :3:

محمد البنيان
19-02-2003, 09:46 AM
المعنى في قلب شمس
بس الاحتاج الوحيد للستات دول
زوج من طراز سي السيد


على هامش الطرح

م/ ع ....ياخالد ابن الوليد
الرد افضل من التعبير ، والاانت ماشي بس كذا ، خلاص تعب الحج وانتهى ، دلع ايه دا


من محب لك

خالد بن الوليد
19-02-2003, 09:49 AM
اخي العزيز محمد ..
انت مش فاهم ..
انا لما بلاقي موضوع فيه ستات .. مبقدرشي افتح بقى ..
دول ماسكين سواطير و مدافع في المنتدي يا عم :o

:3: :3:

بنت النيل
19-02-2003, 05:03 PM
كاتب الرسالة الأصلية : خالد بن الوليد
اخي العزيز محمد ..
انت مش فاهم ..
انا لما بلاقي موضوع فيه ستات .. مبقدرشي افتح بقى ..
دول ماسكين سواطير و مدافع في المنتدي يا عم :o

:3: :3:


هاهاهاهاهاها

حلوة دي

والساطور لك ياجارة

عندنا كافة انواع السكاكين والسواطير واكياس مختلفة الاحجام والالوان والاستخدامات ونوصل الطلبات للمنازل

ونصلح بوابير الجاز :D:D:D

الاخ خالد ايوة كده ياراجل من خاف سلم :4::4::4:

خالد بن الوليد
19-02-2003, 05:08 PM
يا ساتر ..
افترى .. افترى بقى موجود في الدنيا .. :(

:D

ana3sola
19-02-2003, 06:56 PM
رحم امرؤ عرف قدر نفسة
واللة انا من زمان وانا بقول خالد ابن الوليد دة جدع قوى
وكتاباتة بتعجبنى مووووت دة اية العبقرية دى بس
مش كدة يا بنت النيل الراجل بصراحة عداه العيب
بس سكاكين اية وسواطير ومدافع اية :96: :47:
احنا جنس ناعم مش بنشيل الحاجات دى
احنا عندنا اللى يشيلهم يا باشا:53:

خالد بن الوليد
19-02-2003, 07:07 PM
علم يا معلمة :(

الله يكرمك يا فندم و و الله كلك زوق ;)

:3:

بنت النيل
19-02-2003, 11:04 PM
احم احم احم :p

فيه ايه ياأخ خالد
انا بس باعلن عن محل السواطير والاكياس اللى باديره
يعني اكل عيش مش اكتر :p:p

وبعدين هو حد كلمك ولا حد هفك ساطور :3::3:

لو حصل قوللى واجيب لك حقك متعبي :D:D

maistro
19-02-2003, 11:18 PM
المهم ان بعد كل ده
الستــات اللى بيقولوا يقطـع الجواز وسنينـه !!!:D :D :D
طيب ايه رأيك بقـى !1
والكلام ليكو يا جارات !!
يقطـع الجوااااااااز وسنينـــــــــــه !!:D
-----
طبعا أنا بقول كده بقلب جااااااامد وما حدش يعرف السبب غيــــرى !!:D
هاهاهاها

برضه مش هقووووووووووول

المايسترو

أشجان الليل
20-02-2003, 12:04 AM
:D

ودي عاوزه سؤال برضه؟؟

محمد البنيان
20-02-2003, 08:27 AM
مداعية حول الطرح
استاذ شمس
دي اخر مره تطرح موضوع عن الستات
دول معهم سكاكين وسواطير ومدافع وووووووو ..
دا في ناس جبارة وناس خائفة هنا في المنتدى
انا شحصيا امتلك الخصلتين
فالحذر كل الحذر
نحن نحتاج الي من يناصرنا وليس من يذبحنا
اول رد خالد ابن الوليد
خائف وقدامه زواج وتخطيط وله اعتذار غير مقنع
وحتى لانجيب الكلام علينا نبطل فية احسن
اقصد كلام عنهم

ونقدم العذر للجنس اللطيف نيابة عن العزيز شمس


من محب لك

Mrs. Virgo
20-02-2003, 09:17 AM
:D هما على طول الرجاله بيحبوا يلعبوا دور المساكين كده ؟؟؟؟

deaa
20-02-2003, 01:44 PM
السلام عليكم ورحمة الله وبركاته ....

انا عارفه ان مس فرجو هتطردنى من المنتدى ....

بس الموضع ده كان لازم يتسمى ...

قطيعه تقطع الستات وسننهم....

لأن كل مصائب الجواز ...هى من افتراء المرأه ...ولو انها راضيه ...وصابره ...كان الحال مبقاش الحال ...

خالد بن الوليد
20-02-2003, 02:31 PM
الله أكبر

ana3sola
20-02-2003, 02:43 PM
اية الكلام دة مين ضياء دى :15:
تعالى هنا اية الكلام دة جبتى الكلام البشع دة منين
احنا مالناش دعوة اذا كنتى كل اللى صادفوكى وحشين
لكن احنا والحمد للة كل اللى حواليا ستات زى الفل
وبعدين عيب عليكى تبقى بنت وتذمى فى بنات جنسك
اخسى اخسى اخسى اخسى:53:
ماكونتش اتوقع تكونى كدة خالص
البنات دول نسمة ملايكة لاطاف:104:
اما خالد بقى دة حسابة معانا كبير
نحن معشر الستات اعلنا الحرب عليك يا خالد يا ابن الوليد
جاهزين يا جماعة:confused: هجوووووووووووووووووووووووم
:144: :137: :120: :96: :52:

خالد بن الوليد
20-02-2003, 02:51 PM
هوة انا فتحت بقي يا ناس :confused: :eek: :(

:2: :2:

ده ظلممممممممممممممممم .. :3:
فليسقط الاستبداد :mad: :mad:

اذا انها الحرب ... هيا يا رجال .. فلنتبعهم الى يثرب .. لقد دخلوا في الدين الجديد
:mad:
:87: :87: :87:

بنت مصر
20-02-2003, 03:15 PM
ضياء انتي معانا والا معاهم :53:

خالد بن الوليد
20-02-2003, 03:20 PM
بسنتتتتتتتت ..
شوفتي :(


انتى طول عمرك مع الحق .. :cool:

مش هقول اكتر من كدة :rolleyes:

:3:

Eskandarani
20-02-2003, 04:41 PM
يا عم شمس ايه العظمة دي ولكن اين ما يقال في إجتماع الرجال!

والله لك حق ياعمنا خالد وانا سأعلن العصيان من اليوم وليسقط الإستعباد والظلم وعشان خاطري أبقى "شقر" علي كل يوم احسن اموت "فطيس"
ومحدش ياخذ خبر!

الأنسة Deaa شكرا لموقفك المؤيد للغلابة وإن كان "الفأر بيلعب في عبي" ومندهش ليه تكوني "وشهد شاهد من أهلهن" حاسس إنك زي مايكون عامله كمين لضحية جديدة "عريس يعني" لغاية "ما يطب على عينه"

إما بنت مصر وana3sola وMiss. Virgo وأشجان الليل ربنا على المفتري!

وأخيرا لكل العذاب الرجالة "إوعو تتهفوا في عقولكم و تتجوزوا"

والوداع للجميع فربما ستكون هذا أخر ما أسطره! وإبقوا إترحموا عليا

maistro
20-02-2003, 08:23 PM
كاتب الرسالة الأصلية : deaa
السلام عليكم ورحمة الله وبركاته ....

انا عارفه ان مس فرجو هتطردنى من المنتدى ....

بس الموضع ده كان لازم يتسمى ...

قطيعه تقطع الستات وسننهم....

لأن كل مصائب الجواز ...هى من افتراء المرأه ...ولو انها راضيه ...وصابره ...كان الحال مبقاش الحال ...
----------
اشطططططططططة يا ضيا
مراااااااااااحب http://www.egyptsons.com/misr/attachment.php?s=&postid=32425

حمدي
20-02-2003, 09:54 PM
:confused::confused::confused:

بنت النيل
20-02-2003, 09:58 PM
كاتب الرسالة الأصلية : شريف حمدي
:confused::confused::confused:

خير

فيه ايه ؟؟؟

ايه التكشيرة دي :o

أشرف المجاهد
21-02-2003, 12:15 AM
http://www.moonandbackgraphicstwo.com/tigerbywatertop2.jpg
آآآآآآآآآآآآآآآآآآآآآآآآه

منكم يا ستات انتم

ما يعجبكوا العجب ولا الصيام فى رجب

ولكن أنا مقدر مجهودكم الكبير وتعبكم معانا ومع الأولاد

ربنا ما يحرمنا منكم ............. ويهديكم ويهدينا يارب

ميدو مشاكل
21-02-2003, 01:40 AM
وراء كل رجل عظيم امراه .. واقفه له بالشبشب :p:p:p

Mrs. Virgo
21-02-2003, 12:13 PM
:D ضيا ... لأ مش هتطردي من المنتدى ..

بس أبقي خلي الرجاله تنفعك .. دول هما يا بنتي شكين فيكي .. انك نواياك سيئه ..

بس عايزه اقولك حاجه تعليق على كلامك .....

الساكت عن الظلم .. شيطان أخرس ..
فما بالك لما يكون الظلم ده واقع عليكي .. من زوجك "أقرب الناس ليكي" ؟؟

متهيألي لو سكتي .. مش هيبقى هو الظالم ..
بالعكس .. أنت إلي هتتحسبي انك سكتي على الظلم .. ورضيتي بيه.. :rolleyes:

أفكارك بجد غريبه والله ..

بس تعرفي ... ما قدرش ألوم عليكي .. ولا على أي حد ..
يتربى مع مصراوي في بيت واحد .... :D

deaa
23-02-2003, 01:52 AM
السلام عليكم ورحمة الله وبركاته ....

اده اده ...اغيب شويه عن الموضوع ...اجى الاقى نفسى باضرب ....بالبوكسات ...مشكفايه ذبحتو الرجاله ...وحتطوهم فى كياس كمان ...تضربو ضياء ...العسوله ...بالبكس ...

اخس اخس اخس اخس اخس ...:2:

اختى الحبيبه ...عسوله ...المعسله ..حتى الأمثله الحسنه التى تتحدثى عليها ...(ان مكرهن عظيم )...دى حيله ولا يقدر يحبكها احسن ممثل ...

عامة يعنى عشان نكون صادقين ...فى ستات كويسه برده وعاقله وتتقى الله فى حياتها الزوجيه ...وتراعى زوجها ومشاعره واحاسيسه ...فا تضربه وتصرخ فى وجهه الا من وراء الناس

ههههههههههههههههه
هههههههههههه
هههههه
ههه


لالا بجد والله ...المره دى جد ...فى ستات ربنا يكملهم بعقلهم ....ولكن انا اتكلم عن الغالبيه العظمى منا ...و دى شئ معروف ومش محتاج ان حد يقوله ...هنلاقى فى الكركاتيرات ...والمقالات ...والقصص الأدبيه ...لكن سمعتو عن كاركاتير ...لراجل بيحدف مراته بالبراد !!!!!!!

deaa
23-02-2003, 02:04 AM
السلام عليكم ورحمة الله وبركاته ...

بنت مصر الحبوبه ....

انا معى الحق ...
لأنى اعتقد ان دهاء المرأه وعقلها والحاسه السادسه عندها ...تمكنها من ان تكسب زوجها ويعيشا حياة سعيده بلا مشاكل ...ولا ننسى ان الرجل هو جزء التعب والكدح فى الحياه وهذا يسبب له ضغوط كثيره واطضربات ...ولكن المرأه التى تعيش لخدمة بيتها وعائلاتها يجب ان تتفهم هذا ....;)

فأنا ارى المرأه العامل الأول فى استقرار المنزل ...فى الحالات العاديه ...ولكن هناك حالات اخرى ...يكون فيها الرجل ..هو المشكله ...ولكن هذه تكون اثتثناءات ...قليله ..





الأخ الفاضل ...اسكندرانى ...

اولا دى موقفى من زمان ...وانا من زمان واؤيد قضية الرجل واعمل على استرداد حقوقه وانادى فى كل الندوات للوصول الى المساواه بين الرجل والمرأه ...ونزوله لساحات العمل ...وعدم تسفيه رأيه ...مش عشان حاجه ...ولا جواز ولا مصيده ولا حتى شبكه ...:mad:

عشان الراجل الذى لا يستطيع ان يكون حاكم وظابط بيته ...لن يتسطيع ان يحكم ويظبط بلاده ...واراضيه الأسلاميه وافكاره .....

اما بقى الأخوه الكرام ....

خالد بن الوليد ...مايسترو ....وانت برده ( اسكندرانى )

ايوه انتو دلوقتى وقفين جنبك ...ونحن نؤيدك ...ولكن وقت الجد ...مش هلاقى غير ...الضرب الى بأخذه من عسوله وبنت مصر ...




حبيبة قلبى مس فرجو ....

ما تحاوليش توقعى بينا ......

بس والله دى مش افكار غريبه ولا حاجه ...انا اول حاجه نبذتها فى حياتى التعصب ...ولو تأملنا بصدق الواقع حولنا ...بدون تعصب ...هنلاقى ...ان الستات دولت بلاوىىىىىىىىىىى.........:D

اختى الفاضله ...

انا لا انادى للسكوت عن الظلم ...وبالفعل هناك ازواج لا تطاق بس يكون الى بيعملوه كبير ...مش كشر فى وشى النهارده ...ولا مش راضى يجبلى فستان ...
لا مواضيع كبيره ...ذى مثلا الأزواج التى لا تتقى الله فى زوجاتهم ...والأزواج الذين يلتزمون بعض المعاصى ...

.....مصراوى!!! ...شفتى ....الراجل فى حاله ...وانتى الى غاويه تتخنقى معاه ...
شفتى بقى ...يبقى انا غلطانه ...لما اقول ان 99,9%من النساء يعشقن النكد ...وانا اولهم ..................:1:

deaa
23-02-2003, 02:10 AM
السلام عليكم ورحمة الله وبركاته ...

بنت مصر الحبوبه ....

انا معى الحق ...
لأنى اعتقد ان دهاء المرأه وعقلها والحاسه السادسه عندها ...تمكنها من ان تكسب زوجها ويعيشا حياة سعيده بلا مشاكل ...ولا ننسى ان الرجل هو جزء التعب والكدح فى الحياه وهذا يسبب له ضغوط كثيره واطضربات ...ولكن المرأه التى تعيش لخدمة بيتها وعائلاتها يجب ان تتفهم هذا ....

فأنا ارى المرأه العامل الأول فى استقرار المنزل ...فى الحالات العاديه ...ولكن هناك حالات اخرى ...يكون فيها الرجل ..هو المشكله ...ولكن هذه تكون اثتثناءات ...قليله ..





الأخ الفاضل ...اسكندرانى ...

اولا دى موقفى من زمان ...وانا من زمان واؤيد قضية الرجل واعمل على استرداد حقوقه وانادى فى كل الندوات للوصول الى المساواه بين الرجل والمرأه ...ونزوله لساحات العمل ...وعدم تسفيه رأيه ...مش عشان حاجه ...ولا جواز ولا مصيده ولا حتى شبكه ...

عشان الراجل الذى لا يستطيع ان يكون حاكم وظابط بيته ...لن يتسطيع ان يحكم ويظبط بلاده ...واراضيه الأسلاميه وافكاره .....

اما بقى الأخوه الكرام ....

خالد بن الوليد ...مايسترو ....وانت برده ( اسكندرانى )

ايوه انتو دلوقتى وقفين جنبك ...ونحن نؤيدك ...ولكن وقت الجد ...مش هلاقى غير ...الضرب الى بأخذه من عسوله وبنت مصر ...




حبيبة قلبى مس فرجو ....

ما تحاوليش توقعى بينهم ......

بس والله دى مش افكار غريبه ولا حاجه ...انا اول حاجه نبذتها فى حياتى التعصب ...ولو تأملنا بصدق الواقع حولنا ...بدون تعصب ...هنلاقى ...ان الستات دولت بلاوىىىىىىىىىىى

اختى الفاضله ...

انا لا انادى للسكوت عن الظلم ...وبالفعل هناك ازواج لا تطاق بس يكون الى بيعملوه كبير ...مش كشر فى وشى النهارده ...ولا مش راضى يجبلى فستان ...
لا مواضيع كبيره ...ذى مثلا الأزواج التى لا تتقى الله فى زوجاتهم ...والأزواج الذين يلتزمون بعض المعاصى ...

.....مصراوى!!! ...شفتى ....الراجل فى حاله ...وانتى الى غاويه تتخنقى معاه ...
شفتى بقى ...يبقى انا غلطانه ...لما اقول ان 99,9%من النساء يعشقن النكد ...وانا اولهم ....

Mrs. Virgo
23-02-2003, 08:56 AM
:rolleyes:


:confused:


:rolleyes:

خالد بن الوليد
23-02-2003, 09:03 AM
ينصرك يا ضيا و يخليكي يا رب :D






:1: :1: :1:

:3: يحي العدل :3:

بنت النيل
23-02-2003, 03:15 PM
...هنلاقى فى الكركاتيرات ...والمقالات ...والقصص الأدبيه ...لكن سمعتو عن كاركاتير ...لراجل بيحدف مراته بالبراد !!!!!!!

طيب ياضيا يااختي مش تشوفي مين بيرسم الكريكاتيرات دي الاول وبعدين تحكمي

طبعا بيرسمها راجل


على فكرة ياجماعة
ماتنسوش تروحوا عنبر الكسور في القصر العيني علشان تزوروا اخوكم الغلبان اسكندراني
اصله من بعد ماكتب رده السابق حصل له حادث قضاء وقدر وح يغيب عن الردود مدة :p

وده بس علشان يعرف هو بيرد على مين

:D:D:D

خالد بن الوليد
23-02-2003, 03:21 PM
بنت النيل ..
همة طبعاً كلهم رجالة .. علشان البنات مبتعرفشي ترسم :p :D

هية ضياء اقصدها طالما فيه كل الكاريكاتيرات و الكتابات ده .. فا ده معناه انها اكيد ليها أصل يعني هوة اللى خلى الناس تفكر تكتبها .. حتى و لو كانوا بيبالغوا شوية على سبيل الدراما او الكوميديا .. لكن موجود ..

بدليل اللى حصل للمسكين اسكندراني :2: ..
و اللى هيحصلي بعديه تقريباً ..
و ربنا على الظالم و المفتري :2:

بنت النيل
23-02-2003, 03:37 PM
ياللا ياجماعة كل واحد يطلع بمبلغ كده على قد مايقدر علشان نجيب ورد وشوية فاكهة لاخوكم الغلبان خالد بن الوليد

مسكين

كان ماشي في امان الله

هوووووووووووووب

اتزحلق في قشرة موز

مسكين

مش عارفين يجبسوا ايه ولا ايه

هييييييييييييييه دنييييييييييا

الواحد يبقى ماشي ف امان الله يلاقي قشر الموز مش عارفة بيجي منين :D:D:D

deaa
24-02-2003, 10:36 AM
السلام عليكم ورحمة الله وبركاته....

يا عينى ...اثنين ضحايا فى عنبر الكسور ...وتقوليلى غلابه ..

ana3sola
24-02-2003, 02:09 PM
اية دة والله النملة بقت لها لسان يا جماعة
اغيب يومين تلاتة الاقى الكلام الوحش دة
اية يا بنت النيل انتى فين ! ميس فيراج! سمسة المسمسة !
هاتسيبوا الواد خالد كدة دة انا كنت سايباة مابيقدرش يتكلم بيشاور بس ويحط رسومات
اية اللى جراءه علينا كدة :confused:
وانتى يا ضيا هانم فية مثل بيقول ( انا واختى على ابن عمى ) المواضيع دى نتكلم فيها بينا وبين بعض بس فاهمة:o
ويا بنت النيل حفرة ايه اللى نوقع فيها خالد دة مقامة اكبر من كدة بكتير صبرك بس عليا
وبعدين دهاء ايه وحاسه سادسه ايه... هي الرجاله بتفهم غير في الاكل؟!!1كل اللي يهمها الغدا.. وهي بتتغدا بتفكر حيكون العشا ايه
وهات يااوامر انا نفسى فى ملوخية زى ملوخية مامتى انا نفسى اكل مسقعة مش عارفة ازاى :11:
وبعدين انا بشك فى ضيا بصراحه انتو متأكدين انها ست بجد؟؟

خالد بن الوليد
24-02-2003, 03:13 PM
البنوتة العسولة .. انتي عسولة .. :)
حمد لله على السلامة الاول .. ;) خير ان شاء الله ؟ كننتى فين ؟ :p

" اية دة والله النملة بقت لها لسان يا جماعة " ...>><<< ميصحش تقولي على بنات المنتى الامامير .. :rolleyes:
"هاتسيبوا الواد خالد كدة " الواد :eek:!! الواد خالد !! دنا بنتى عطيات ما شاء الله في خامسة ابتدائي دلوقتي !! عموماً انا مقدر ظروفك و نعديهاا لمرة ده :p

""اية اللى جراءه علينا كدة "" <<< من عمايلكم .. :mad: :3:

(((ويا بنت النيل حفرة ايه اللى نوقع فيها خالد دة مقامة اكبر من كدة بكتير صبرك بس عليا ))) طبعاً طبعاً .. مقامي اعلى بكتير :p :D

((هي الرجاله بتفهم غير في الاكل؟)) الحمد لله انك اعترفتي اننا بنفهم في حاجة .. الدور و الباقي على اللى مبتعرفشي تعمل ملوخية ولا مسقعة :p :p
:D

عوداً حميداً الاخت ( انتي عسولة ) .. و جهزي اسلحتك .. و لو عندكم حد مستغنيين عنو او مش محتاجينو .. هاتيه معاكي الحرب .. انا منتظر :3:

ana3sola
24-02-2003, 03:38 PM
انت كدة بتتحدانى علنى طيب اوكى وانا قبلت التحدى
وعلى رائيك كويس ان الرجالة طلعوا بيفهموا فى حاجة ياعينى مساكين قوى وانت واحد منهم قليل قوى اللى بيفهموا فى حاجة;)
بنتك اسمها عطيات :confused: تصدق انت مستفذ جدا
تسمى بنت صغيرة عطيات دة اية الجبروت دة يا شيخ
وزعلان انى بقول عليك واد دة انت ليك الشرف علشان انا مش باخد على حد بالسهولة دى وكونى انى اديتك لقب واد يعنى انت بقيت قريب على قلبى لو مش عايز اللقب دة خلاص نمشيها استاذ اية رائيك يا استاذ خالد:cool:
وانا ما كونتش مسافرة ولا حاجة انا كنت بس عندى شوية ملل حبتين من كلامك الدبش ده:4:
وياريت تقول الكلمتين اللى فاتو دول منك لام عطيات علشان نرتاح منك وهى بقى اللى هاتوقعك فى حفرتها يا قمررررررررررررر

خالد بن الوليد
24-02-2003, 04:00 PM
هههههه .. انتى صدقتي اني عندي عطيات !! :D

و بعدين مالو اسم عطيات .. و بعدين مهي الضغيرة بكرة تكبر ..
ولا صحيح نسيت .. البنات ما بتكبرشي :p ;)

شوف البراءة .. انا كلامي بقى دبش لمجرد اني رديت على كلام سيادتك اللى بينقط عسل .. :rolleyes:

حلوة انا بقيت قريب على قلبك ده .. لو ام عطيات سمعتها هتموتك :D هههههه

ده لينا الشرف يا فندم ;) ..

بس على فكرة ام عطيات بقى .. ملاك .. الرقة ماشية على الارض ..
فا مقدرشي اقولها الكلام ده ;) :p

يجعله عامر .. بالملوخية :3:

ana3sola
24-02-2003, 05:12 PM
يعنى ربنا كرمك ومعاك ام عطيات ملاك وجاى تذم فى الستات ;)
دة انت مستفذ جدا :eek:
وبعدين انا بصدق على طول يعنى مادمت قلت عندك بنت اسمها عطيات يبقى اصدقك على طول
علشان تعرف ان الستات ملايكه:78:
انا بقول نخلينا اصحاب احسن :47: ها :169:

maistro
24-02-2003, 05:17 PM
يا ابن الوليـــــــــد
شكلك هتسلم للعســــــــولة !!
مع ان انا متضامن معاك من البداية ، لكن لو نهاينها انك تخلع وتسيبنى فأنا مضطر ان أقف فى صف بنات جنس زوجتى الحبيبة وابنتى الأمورة .
يا عم الجواز ده أجدع حاجة ويقطع العزوبية وسنينها .
المايسترو

خالد بن الوليد
24-02-2003, 05:34 PM
الله يكرمك .. :)

همممم . ايه ..؟؟ هدنة ؟!! :confused:

طيب اديني امارة :rolleyes:

عموماً انا مبذمش في الستات ولا حاجة .. انا كنت بدافع عن نفسي من جوة الحفرة .. :cool: ;)

و طالما مديتي ايدك بالسلام .. فيحي السلام .. و هدنة غير محددة المدة ..

و ربنا يخليها آخر الحرروب :cool:

:D

خالد بن الوليد
24-02-2003, 05:36 PM
مايستر .. ده مش تسليم ..
الناس طلبوا هدنة .. و انت عارف الرجالة ملايكة ... ما يبتدوش بالحرب ابداً ;)

و بعدين هما فعلاً مليكة هما كمان ..
دنا مقدرشي اعيش من غير ام عطيات :o

:D

Al Umdah
24-02-2003, 05:46 PM
جري أيه ياجماعه مزعلبن الستات ليه ؟؟:(

ده الستات نصنا الحلو. :D أيوه صحيح ساعات حلوتهم زايده تموع النفس ;) بس ده قدر

وتخيلوا ازاي نعيش من غيرهم, فمثلا الواحد منا أول ما يرجع البيت بعد شغل و شقي

طول اليوم وشايل علي قلبه البطيخه و الجرتان :D يسمع الترحيب الجميل ده

"علي ما جيت يا افندي :mad:و افتكرت ات لك بيت :mad:. عديت علي مدرسه الواد :mad:"

لا الشغل كان كتير النهارده.:(

"شغل أيه يا أبو شغل :mad:, هو الشغل أهم من مصلحه الواد :mad:, وبعدين شغل ايه اللي بتكلم

عليه , أنت مش شايف الست فتحيه جارتي ازاي جوزها مهنيها هيا و عيالها"

االمثل ده ما ياخذ ش أكثر من دقيقه في اليوم , و اسيب باقي ال24 ساعه لكم

:2::2:
Alumdah

ana3sola
24-02-2003, 05:54 PM
الرجالة دول ملايكة زى ما بيقول العمدة اول ما الواحد منهم يرجع البيت متلهف يشوف حبيبتة ام اولادة يا عينى يدخل من برة واول ما يبص فى وشها الملائكى يقولها جعااااااان جعاااااان :eek: هاموت من الجوع طبخالنا اية النهاردة
تقولة : عملالك كشرى يا حياتى
اية كشرى امال فين الزفر ؟؟ :confused:
اطبخى يا جارية كلف يا سيد منين يا حبيب قلبى مش كفاية مجوعنا طول الشهر ومهيتك رايحة على فاتورة تليفون النت( يقطع النت وسنينة) خليه بقى المنتدى يأكلك زفر يا عنية ;)

خالد بن الوليد
24-02-2003, 06:15 PM
و بعدين بقى ..
يا جماعة احنا ما صدقنا الحرب وقفت ..

و جايين نهدي النفوس .. حقك عليا انا يا عم عمدة :)

و ماشي يا ست عسولة العسولة .. :) هنبقى نشوف موضوع النت ده ;)

Al Umdah
24-02-2003, 07:40 PM
حاضر ياعم خالد حقك علي راسي

بس أنا مفروس ومش عارف ارد بأيه علي أمي لو سألتني أخوك أسكندراتي مش بتصل ليه:confused:

Alumdah

بنت النيل
24-02-2003, 11:58 PM
كاتب الرسالة الأصلية : Al Umdah
حاضر ياعم خالد حقك علي راسي

بس أنا مفروس ومش عارف ارد بأيه علي أمي لو سألتني أخوك أسكندراتي مش بتصل ليه:confused:

Alumdah

بسيطة

قول لها اتزحلق في نفس قشرة الموز اللى زحلقت خالد بن الوليد وراقد في عنبر الكسور بالقصر العيني في السرير اللى جنب خالد :D:D:D

Eskandarani
25-02-2003, 05:05 PM
رسالة من مستشفى العظام (الطلياني) بالإسكندرية

إخواني الرجالة إستسلموا تسلموا !!!!!!؟؟؟؟؟؟

نصيحة اخوكم الإسكندراني ان تعلنوا الإستسلام وكفاية بهدلة و قلة قيمة و أخوكم أهو متكوم في مستشفى العظام بالإسكندرية (عنبر 3 للحالات الميؤس منها) بعد ان تحويلي من القصر العيني بالقاهرة بعد عمل اللازم من تركيب صفائح و مسامير والذي منه!. وقال ايه قضاء وقدر وتقرير المباحث يؤكد ذلك!

دلوقتي انا بدور على كوسه علشان اسافر للعلاج على نفقة الدولة لأن الأطباء هنا عجزوا عن علاجي! ولو ما لقيتش كوسه حا ااتلهي على عيني و ادور أشحت عند سيدي جابر و المرسي أبو العباس ! ومن يريد الثواب يبقى يزورني و يدييني حسنة!

التوقيع إسكندراني أول ضحايا المنتدى!

خالد بن الوليد
25-02-2003, 05:15 PM
:2: :2: :2:

لا حول ولا قوة الا بالله العلي العظيم ..

كل ده بيحصل فينا واحنا في الهدنة !! امال لو في الحرب هتعملوا فينا ايه :2:

ربنا معاك يا خويا .. و متخافشي .. ولادك هما ولادي .. العمر واحد و الرب واحد :(


Photo Gallery