المساعد الشخصي الرقمي

مشاهدة النسخة كاملة : ألغـــــــــاز . . . ( للأذكياء فقط )



الصفحات : [1] 2 3 4

إسلام شمس الدين
19-02-2003, 07:34 AM
اللغز الأول


إنسان و زوجته . . لا هو من بني آدم و لا هي من بنات حواء ، فمن هما ؟


في انتظار الإجابة الصحيحة قبل طرح اللغز الثاني . .

إذا عرفت الحل اتصل على اربع اصفار زيرو صفرين لتربح 75 قرشاً
سعر المكالمة 2 جنيه ! !

إسلام شمس الدين
20-02-2003, 08:45 AM
هو موضوع ارتفاع نسبة الذكاء في المنتدى دا كان اشاعة و لا ايه ؟

ددا احنا بدأنا بأسهل لغز يا جماعة . . أمال هنعمل ايه بعد كده ؟

كده هتحرجونا قدام ضيوف المنتدى

في انتظار الإجابات عشان نطرح اللغز التاني

خالص تحياتي

Mrs. Virgo
20-02-2003, 08:59 AM
:D هما أدم وحواء .. ;)

deaa
20-02-2003, 01:39 PM
السلام عليكم ورحمة الله وبركاته ....

اده ...اده ...انا رديت امبارح ....وقلت ادام وحواء ....

هى فين مشاركتى

maistro
20-02-2003, 11:22 PM
الأخ العزيز / شمس الدين
تحية طيبة
بصراحة ما رضيتش أجاوب !!
لأن مش معقول أتصل وأعمل مكالمة باتنين جنيه ( 2ج ) علشان أكسب 75قرش
وهو ده سبب احجامى عن الاجابى حتى الآن !!!!
غير أنى أعرف الاجابة ولكن مش هاقول !!!
يا ريت بقى تخفض المكالمة وتخليها بجنيه واحد فقط !!!
أهو الواحد يخسر 25 قرش أحسن ما يخسر جنيه وربع !!!
:D :D :D :D :D :D :D
المايسترو

إسلام شمس الدين
21-02-2003, 12:03 AM
برافو ميس فيرجو . .

ياريت بقى تتفضلي توردي 2 جنيه عند وزيرة مالية المنتدى بنت مصر. .
و تعدي علينا كمان 3 شهور تستلمي ال 75 قرش جايزتك .

------------

ضياء أكيد انتي ما دفعتيش الاتنين جنيه . . فعشان كده المشاركة ما ظهرتش .

----------

مايسترو تم تحويل طلبك لبنت مصر للنظر فيه
وتم الموافقة عل تخفيض قيمة المشاركة إلى جنيه واحد
مع إضافة رسوم بدل تخفيض جنيه و نص
فتصبح قيمةالمشاركة 2 جنيه و نص .

إسلام شمس الدين
21-02-2003, 12:05 AM
اللغز الثاني


ما هي الكلمة التي تتكون من 8 حروف ولكنها تجمع كل الحروف ؟

ميدو مشاكل
21-02-2003, 12:31 AM
الابجديه :1:

انا باخد الجوايز بالدولار :rolleyes::D

maistro
21-02-2003, 02:58 AM
حلووووووووووة يا شمس الدين !!
طبعا كلمة ( كل الحروف )
فهى من 8 كلمات وتجمع كل الحروف !!
ك
ل
ا
ل
ح
ر
و
ف
بس كده يبقى ليا عندكم جنيه ونصف ونطرحهم من 5 جنيه يبقى الباقى !!
لا حلوووة دى !!
بس أنا نسي أقولك يا شمس ان أنا مشترك فى المسابقة دى على حسابك !!
يعنى فى الربح معاك وفى الخسارة تتحملها انت !!
ده اتفاقنا والعقد شريعة المتعاقدين
:D :D :D :D
ال م ا ي س ت ر و

deaa
21-02-2003, 03:10 AM
السلام عليكم ورحمة الله وبركاته ....


:2:


انا مضربه

Mrs. Virgo
21-02-2003, 12:17 PM
:D ماشي ..انا بسحب اشتراكي .. وعايزه ال 2 جنيه بتوعي واروح !!

فين اللغز الثالث ؟؟؟

إسلام شمس الدين
22-02-2003, 06:26 PM
ميدو . .
ادفع الاشتراك الأول و بعدين نشوف موضوع الدولار دا .
إجابتك صح . . تسلم

مايسترو . .
( كل الحروف ) دي كلمتين مش كلمة واحدة ، والسؤال كان عن كلمة واحدة .
أما موضوع الاشتراك دا ، فالحساب يوم الحساب و مابين الخيرين حساب .

ضياء . .
مضربة ليه ؟ انتي خايفة ندفعك الاشتراك ؟
طيب عشان خاطرك اشتركي في لغزين ، وتاخدي الاشتراك التالت مجاني


ميس فيرجو . .
سبق السيف العذل . . خلاص طالما شاركتي يبقى هتدفعي يعني هتدفعي


بس هو انا حافضل اطرح ألغاز لوحدي ، ياريت الكل يشارك .
و الا . . جاوبوا على اللغز الجاي
و انتوا اللي جبتوه لنفسكم

إسلام شمس الدين
22-02-2003, 06:31 PM
اللغز الثالث


كم كان عدد سكان القاهرة يوم الجمعة الموافق 23 يوليو سنة 1994م الساعة الثامنة و الدقيقة العاشرة صباحاً ؟

maistro
22-02-2003, 07:37 PM
يا عم شمـس الدين انت ما حددتش السنة !!
عموما نفس السؤال اللى انت قلته ولكن فى سنة 1956 كان عدد سكان مصـر كلها 20 مليون نسمـة !!!
المايستـرو

إسلام شمس الدين
22-02-2003, 08:34 PM
آسف أخي العزيز مايسترو
خطأ مطبعي تم تصحيحه و تحديد السنة . .
بس على فكرة المطلوب تحديد عدد السكان ليس فقط حسب السنة و لكن حسب اليوم و الساعة و الدقيقة . .

خالص تحياتي وآسف للسهو

deaa
23-02-2003, 12:23 AM
السلام عليكم ورحمة الله وبركاته ...

اخى الفاضل ...

هو نفس عدد سكان القاهره كل يوم ...

ولالا اقولك ...هو ...23,8 نسمه ...

ولا اقولك ...بس هو نفس العدد اللى متسجل فى مكتب صحة القاهرة يوم الجمعة ........


شوف اختار الى يعجبك ...سلام ...:3:

بنت مصر
23-02-2003, 12:46 AM
والله يا شمس موضوع زي العسل وخصوصا مسألة التوريد
دي اصلي بحب اشتغل مسئولة استقبال الفلوس اوي :D

إسلام شمس الدين
23-02-2003, 06:41 AM
الاجابات التلاتة للأسف غلط يا ضياء
بس دا ما يمنعش برضه انك هتدفعي


بسنت . .
النص بالنص وماتنسيش نسبة ابن البلد أحسن ييجي يهدلنا المنتدى

Mrs. Virgo
23-02-2003, 08:34 AM
:rolleyes:

60 مليون نسمه ..

اعتقد يعني ..

عابر سبيل
23-02-2003, 11:22 AM
بلغ عدد سكان مدينة القاهرة حسب الاحصاء فى الوقت الذى ذكرته بالتحديد 61 مليون 275.5 نسمة بالضبط

بنت مصر
23-02-2003, 11:25 AM
طيب وماهي اسمائهم ؟؟؟ :D

عابر سبيل
23-02-2003, 11:40 AM
اسمائهم معى فى لسته وهى متوفرة لجميع الأعضاء مقابل خمسين مليون جنيه فقط لا غير ارسلوها لى على عنوانى وستصلكم قريبا انشالله
،،،:3:

HAJHEMO
23-02-2003, 02:59 PM
المطلوب لحل اللغز تحديد عدد السكان في مصر كلها وعددهم في باقي المدن والقرى والنجوع حسب نفس السنة واليوم و الساعة و الدقيقة ، علشان نطرح ده من ده ويبقى الحل صحيح وتخش ع اللغز اللي بعده . واللا إيه يا جماعة ؟ متقولوا حاجة !!

بنت مصر
23-02-2003, 06:15 PM
نقولوا حاجة طبعا وهي

أهلا وسهلا بيك عابر سبيل وأهلا وسهلا بيك HAJHEMO

نورتوا المنتدى وشرفتوه وان شاء الله تعجبكم الاقامة معنا



بسنت

deaa
24-02-2003, 11:12 AM
السلام عليكم ورحمة الله وبركاته ...

ادفع ايه ما كفايه هو النت ببلاش ..

وبعدين ..فين الأجابه الصح ....خلاص ...غلب حم......

إسلام شمس الدين
24-02-2003, 11:36 AM
عابر سبيل و HAJHEMO . .
أهلا بيكم بين إخوانكم في المنتدى ونتمنى استمرار تواجدكم .
بس المطلوب عدد سكان مدينة القاهرة مش مصر .

بصي يا ضياء . .
انا قلتلكم فين ألغازكم و ماحدش شارك . .
يبقى تستحملوا بقى اللغز دا . .
عقاباً ليكم :D:D

deaa
24-02-2003, 11:40 AM
:mad:

HAJHEMO
24-02-2003, 04:15 PM
شكرا لك يا بنت مصر
وشكرا لك يا شمس الدين

لكن زي ما سبق وقلت
المطلوب لحل اللغز:
تحديد عدد السكان في مصر كلها حسب نفس السنة واليوم و الساعة و الدقيقة
وتحديدعددالسكان في باقي المدن والقرى والنجوع حسب نفس السنة واليوم و الساعة و الدقيقة
ونطرح ده من ده
يبقى باقي الطرح يطلع عدد سكان القاهرة لوحدها حسب نفس السنة واليوم و الساعة و الدقيقة
والعملية زي ما انتوا شايفين سهلة خالص

maistro
24-02-2003, 05:11 PM
:Dبجد يا شمس الدين وبدون تهريج !! هاقول الإجابة !! :D :D :D
بعد فحص وتمحيص ومشاوير من الجهاز المركزى للاحصاء بمدينة نصـر وبعد اللفة والدوخة ع المكاتب واطلع الدور الخامس وأنزل للدور التالت وهكذا للدور السابع ثم السادس توصلت الى الآتى :
ان عدد سكان القاهرة كان فى الوقت اللى طلبته كان حوالى 8مليون نسمة هذا بدون العشوائيات اللى موجودة وبدون المتهربين من الجيش وبدون الناس اللى مش مطاعة بطايق وبدون الوافدين والزوار وغير اللى ليهم قضايا وحالات بالمستشفيات وغيره يعنى كل الموجودين يقدروا بحوالى 12 مليون نسمة !!:D

يا شمس ده اتضح ان الجهاز المركزى للاحصاء نفسه مش عارف الاحصائية وكل الاجابات حوالى وتقريبا واعتقد والذى منه !! :D :mad: :mad:
المايسترو

Mrs. Virgo
02-03-2003, 10:50 AM
:D أقولكم لغز عجبني ..

مر جماعة على امرأة تكلم رجلا..فسألوها:من يكون هذا؟ فأجابتهم: مالكم و مالي، أخو زوجته يكون خالي..فمن هو؟
... مين هيحلوا ؟؟؟

إسلام شمس الدين
02-03-2003, 02:33 PM
يكون أبوها يا فيرجو


و على فكرة حل اللغز اللي قلته بتاع عدد سكان القاهرة حله :
إن يوم 23 يوليو 1994 كان يوم سبت مش يوم جمعة :D:D

فين اللغز اللي بعده ؟؟؟

Mrs. Virgo
03-03-2003, 10:47 AM
:eek: شمس ده انت بتقرطسنا بقى .. :D

طيب .. انا هوريك .. إجابتك الأول كانت صح ..
بس حل اللغز الثاني ..

متى يتوقف السمك عن النمو؟
:D حل بقى يا سي شمس .. :D

إسلام شمس الدين
03-03-2003, 11:21 AM
:D

ليه كده بس يا فيرجو ؟ ؟
ما احنا كنا كويسين . .

طيب استني اروح ادور على سمكة اسألها و ارجع أجاوب . .

Mrs. Virgo
04-03-2003, 10:07 AM
:D السمك لما استوى قال للخضار يا مش عارفه ايه .. :D

قصدي اقولك اني مستنيه الحل... :D

إسلام شمس الدين
04-03-2003, 11:27 AM
:D:D

طيب خليك مستنية . .
أوعي تتحركي من هنا

Mrs. Virgo
05-03-2003, 03:15 PM
:confused: طيب حاضر ..

ربنا يسهل يا إبني وترجع بالسلامه .. :rolleyes:

ana3sola
06-03-2003, 05:19 PM
السمك بتوقف نموة لما نصطاده وناكله
ههههههههههههههههههههههههههههههههه:D

إسلام شمس الدين
07-03-2003, 10:59 AM
أنا جيت يا فيرجو

بس مالقتش سمكة اسألها

فرجعت اقولك مش عارف

شوفلنا لغز على قدنا الله يخليكي

تامر
07-03-2003, 02:44 PM
عدد سكان القهاهره يوم الجمعه 23 يوليو سنه 1994 الساعه الثامنه وعشر دقائق يساوي صفر










لان










يوم 23 يوليو 1994






كان اسبت مش الجمعه





ملحوظه




انا من مواليد 23 يوليو علشان كده حاشترك المره دي مجاناً

ولا ايه؟؟؟

تامر
07-03-2003, 02:54 PM
اصل انا جديد هنا في المنتدى وده اول يوم ليا واريت اول صفحه بس وحليت اللغز بدون ما اشوف الصفحات الي بعد كده وبعدين لقيت الحل مكتوب
بس يا شمس المفروض الي يقول لغز يستنى لغيه لما الكل يقول غلب حمارنا

Mrs. Virgo
09-03-2003, 08:47 AM
:D برافووووووووووووو عسوله ..
ما شاء الله عليكي ..

يتوقف نمو السمك (اخر يوم في عمره)
يعني لما نصيده :D

انا قلت باردوا ما يجبها إلا بنات المنتدى ;)

أشجان الليل
11-03-2003, 03:21 PM
إيه ده...هو خلاص كده؟؟؟




أنا عاوزه سؤال جديد علشان أجرب أحله
:(
:(



حد يسأل بقى...



أنا عاوزه لغز جديد

:2:

ماليش دعوه

:2:

إسلام شمس الدين
12-03-2003, 09:48 PM
نعملك ايه يا أشجان ؟
انتي اللي جيتي متأخرة

عموما ولا يهمك ، نطرح كمان لغز . . بس ياريت اللي يجاوب عليه إجابة صحيحة يضيف لغز آخر


تحياتي للجميع

إسلام شمس الدين
12-03-2003, 09:52 PM
اللغز الخامس


كم مرة يمكن تكرار طرح العدد 10 من العدد 100 ؟

Mrs. Virgo
12-03-2003, 10:07 PM
:confused: كووووووووووووول .. إلحقني .... لغز محاسبي :D

تامر
13-03-2003, 03:00 AM
الاخ العزيز شمس الدين
الاجابه هيه مره واحده بس طبعاً
لان لما نطرح العدد 10 من العدد 100 مره حايبقى العدد الي باقي 90

لو صح إجابتي
يبقى اللغز بتاعي هوه

سلة بيض عملاقه يتضاعف عدد البيض فيها كل ثانيه وبعد مليون ثانيه امتلئت السله عن اخرها تماماً فمتى بالضبط كانت السلة ممتلئه حتى نصفها تماماً؟

وادكول مش معقول
13-03-2003, 08:56 AM
لا انا شايف ان اللغز حله زي ما قال تامر ....... وكمان ليه حل تاني

ان ممكن الرقم 10 يطرح من الرقم 100 ......... كتير قوي ...

لو عندنا كذا 100 يبقي هنطرح منه كذا 10 ههههههههه
ومثلا كمان لو عندنا عشر ميات يبقي هنطرح 10 من كل 100 (عشر مرات)
يفضل عندنا 9 ميات هنطرح منهم رقم 10 من كل 100(تسع مرات )
هيفضل 8 ميات و 10 هنطرح منهم رقم 10 من كل 100 ( ثمان مرات )
هيفضل 7 ميات و 30 هنطرح منهم رقم 10 من كل 100 ( سبع مرات )
هيفضل 6 ميات و 60 هنطرح منهم رقم 10 من كل 100 ( سته مرات )
هيفضل 6 ميات هنطرح منهم رقم 10 من كل 100 ( سته مرات )
هيفضل 5 ميات و 40 هنطرح منهم رقم 10 من كل 100 ( خمس مرات )
هيفضل 4 ميات و 90 هنطرح منهم رقم 10 من كل 100 ( اربع مرات )
هيفضل 4 ميات و 50 هنطرح منهم رقم 10 من كل 100 ( اربع مرات )
هيفضل 4 ميات و 10 هنطرح منهم رقم 10 من كل 100 ( اربع مرات )
هيفضل 3ميات و 70هنطرح منهم رقم 10 من كل 100 ( ثلاث مرات )
هيفضل 3ميات و 40 هنطرح منهم رقم 10 من كل 100 (ثلاث مرات )
هيفضل 3ميات و 10 هنطرح منهم رقم 10 من كل 100 ( ثلاث مرات )
هيفضل 2 ميه و 80 هنطرح منهم رقم 10 من كل 100 ( مرتين )
هيفضل 2 ميه و 40 هنطرح منهم رقم 10 من كل 100 ( مرتين )
هيفضل 2 ميه و 20هنطرح منهم رقم 10 من كل 100 ( مرتين )
هيفضل 2 ميه هنطرح منهم رقم 10 من كل 100 ( مرتين )
هيفضل 1ميه و 80 هنطرح منهم رقم 10 من كل 100 ( مره )
هيفضل 1ميه و 60هنطرح منهم رقم 10 من كل 100 ( مره )
هيفضل 1ميه و 40هنطرح منهم رقم 10 من كل 100 ( مره )
هيفضل 1ميه و 20هنطرح منهم رقم 10 من كل 100 ( مره )
هيفضل 1ميه هنطرح منهم رقم 10 من كل 100 ( مره )

ههههههههههههههه يبقي كده طرحنا الرقم 10 تقريبا 86 مره هههههههه

وبرضه فضل عندنا في الاخر ال 90 اللي تامر قال عليهم .......



تحرموا تقولوا الغاز فيها ارقام ولا لسه .......:1::D:1:

إسلام شمس الدين
13-03-2003, 11:38 AM
طيب أنا حرمت أقول ألغاز فيها أرقام يا كول

بس حل بقى اللغز اللي قاله تامر

وانت يا عم تامر بالراحة علينا

أشجان الليل
13-03-2003, 06:31 PM
حل لغز تامر..

999999

أي مليون إلا واحد

:D

لو الحل صح يبقى لغزي هو...




























للأسف مش عندي ألغاز:2:

تامر
14-03-2003, 05:38 AM
الاخت العزيزه اشجان الليل
الحل صح وتحياتي لكِ
اللغز الي بعده وصل..............
من الذي ولد قبل ان تولد امه؟