المساعد الشخصي الرقمي

مشاهدة النسخة كاملة : البيض المسلوق



osha
19-03-2006, 07:25 PM
طبعا لما حد يحب يتريق على حد في المطبخ يقوله بمنتهى الشر : ياعم انت اخرك بيض مسلوق:n:

او لما حما تيجي تتريق على زوجة ابنها الغلبانة تقول : دي حتى سليق البيض ما بتعرفش تعمله :xx:
وايضا للإستخفاف من اي امر تجد من يقول: انت فاكر ايه العملية مش سلق بيض

على فكرةسليق البيض مش للدرجة دي سهل وانا وجدت ان من واجبي انسانيا ان ادافع عن البيض المسلوق في كل مكان وفي اي مناسبة :4:

طبعا كتير مننا لما بتسلق البيض تلاقي بيضة انفجرت والسائل دخل في الميه وزفرها وخلى ريحتها أعوذ بالله
وكثير برضه بيطلع منهم البيض يا اما ناقص سوا او أخضر من كتر ما استوى
وبالتالي يتضح الامر ان سلق البيض مش سلق بيض
اولا: يجب غلي الماء قبل وضع البيض فيه مع وضع عصرة ليمونة او شوية ملح لتجنب الانفجار غير الآدمي للبيض
ثانيا :يجب مراعاة اختيار البيض الذي كتب عليه أن يسلق وذلك باختيار البيضة ذات القشرة الناعمة وبدون تشققات او مناطق اغمق قليلا في اللون أو نتوءات
باتباع اولا وثانيا يمكن تقليل انفجار البيض أثناء السلق وياريت نضيف لهم ثالثا وهي اننالما نحط البيض في المية المغلية نسمى وبلاش نرزعه عشان كده ممكن الانفجار يكون بفعل فاعل وبعدين نظلم البيض

رابعا بقى وهي الأهم ان فترة سواء البيض تحسب 15 دقيقة بالتمام والكمال بدون زيادة او نقصان وذلك من بداية غليان الماء مرة أخرى بعد وضع البيض
اخواتي الكرام
هكذا نرى ان العملية مش سلق بيض وياريت اننا كلنا نرفض ان يتم السخرية من سلق البيض باعتباره امر سهل يمكن للجميع عمله :cop:

رشا

zizoYAzizo
19-03-2006, 08:05 PM
ههههههههههههههههههههه بجد انتى مفطسانى من الضحك بالكلام ده
بس والله فيكى الخير يا اوشا بس تجنبا لرزع البيض نجيب الفرخه تبضهالى فى الكسروله :hey: :smart:

عايزينك كمان محاميه عن المتهم كبايه الشاى لانهم بردو بيقولو دى ماتعرفش تعمل كبايه شاى :good:

فى انتظار المحكمه :y:

حنـــــان
19-03-2006, 08:46 PM
طيب أنا حاجرب الطريقة دي بس انتي كده خلقتي مشكلة جديدة.

لو نصرنا البيض وقلنا الذنب مش ذنبة... لما نيجي نوصف حاجة بانها مش بالساهل... بدل ما نقول "الموضوع مش سلق بيض"... حنقول ايه؟

boukybouky
20-03-2006, 12:34 AM
هو طبعاً متشكرين يا أوشا هانم علي النصائح الغالية ديه بس في الآخر هو سلق بيض برده

و بعدين بيض إيه ده اللي مكتوب عليه للسليق !!!

و أنا بقي بطفي علي البيض بعد 5 دقايق من بداية الغليان و بحطه و المية ساقعة

و بيبقي فلة شمعة منورة :y1:

و بعدين انت كده بتحبطيني بجد مع إحترامي لمكانة البيض و كل تلك الخطوات :)

انا خايفة لا المرة الي جاية تحطيلنا خطوات البطاطس المحمرة :rolleyes:
بس علي العموم تسلم الأيادي يا قمر :f2:
في رعاية الله ،،،

osha
20-03-2006, 01:22 AM
ههههههههههههههههههههه بجد انتى مفطسانى من الضحك بالكلام ده
بس والله فيكى الخير يا اوشا بس تجنبا لرزع البيض نجيب الفرخه تبضهالى فى الكسروله :hey: :smart:

عايزينك كمان محاميه عن المتهم كبايه الشاى لانهم بردو بيقولو دى ماتعرفش تعمل كبايه شاى :good:

فى انتظار المحكمه :y:
بافكر جدا يا زيزو في عمل سلسلة من الوجبات الخفيفة وفعلا فكرة حكاية كوباية الشاي دي عشان هو برضه من المضطهدين
شكرا على المرور يا زيزو وان شاء الله اشوفك في كوباية الشاي:no3: ..قصدي في موضوع كوباية الشاي

osha
20-03-2006, 01:24 AM
طيب أنا حاجرب الطريقة دي بس انتي كده خلقتي مشكلة جديدة.

لو نصرنا البيض وقلنا الذنب مش ذنبة... لما نيجي نوصف حاجة بانها مش بالساهل... بدل ما نقول "الموضوع مش سلق بيض"... حنقول ايه؟

جربي وليكي عندي دستة بيض لو فشلت التجربة
وبعدين احنا لازم نقف كلنا وراء المحاولات الشريرة للنيل من سهولة بعض الاكلات ومش لازم نقول امثلة تقلل من قيمتهم
يعني ممكن نقول المسألة مش سواقة عربية او سواقة عجلة ..يالا خلي زيزو يعملها خناقة :evil:

osha
20-03-2006, 01:26 AM
هو طبعاً متشكرين يا أوشا هانم علي النصائح الغالية ديه بس في الآخر هو سلق بيض برده

و بعدين بيض إيه ده اللي مكتوب عليه للسليق !!!

و أنا بقي بطفي علي البيض بعد 5 دقايق من بداية الغليان و بحطه و المية ساقعة

و بيبقي فلة شمعة منورة :y1:

و بعدين انت كده بتحبطيني بجد مع إحترامي لمكانة البيض و كل تلك الخطوات :)

انا خايفة لا المرة الي جاية تحطيلنا خطوات البطاطس المحمرة :rolleyes:
بس علي العموم تسلم الأيادي يا قمر :f2:
في رعاية الله ،،،
تصدقي انك فكرتيني بالحكاية بتاعة المية الساقعة بعد السلق ودا لعدم التصاق القشرة بالبيضة وسهولة التقشير :good:
ولعلمك لو البيض قعد 5 دقائق بس بيطلع مش مستوي كويس وفي الحالة دي بيكون عرضة لومصاب بالسلامونيلا انه ينقلها للإنسان :hop:
اسمعي الكلام يا ريهام يابنتي :cop:
وبعدين خلي بالك البطاطس المحمرة برضه مش اي كلام دي لازمهااعداد وترتيب ولكن هذا امر شرحه يطول وأنا الليلة مشغول :4:

اسكندرانى
20-03-2006, 01:33 AM
البيض يا ام محمد
امتى ان شاء الله حتورينا الملوخية بالارانب ومحشى الكرنب ولا برام بامية باللحمة الضانى
ولا صنية رقاق مع صدر بطه ومعاها صنية بطاطس فى الفرن
ولا اكلة خفيفه اسكندرانيه
استاكوزا مع طاجن جمبرى وسمك مقلى ورز صيديه
طبعا الكرشه والمنبار والعصبان دى طبعا من سابع المستحيلات
امتى ان شاء الله حتقدمى العروض
انا عارف مفيش فايده
اخرتها بيض يا ام محمد

osha
20-03-2006, 05:45 AM
البيض يا ام محمد
امتى ان شاء الله حتورينا الملوخية بالارانب ومحشى الكرنب ولا برام بامية باللحمة الضانى
ولا صنية رقاق مع صدر بطه ومعاها صنية بطاطس فى الفرن
ولا اكلة خفيفه اسكندرانيه
استاكوزا مع طاجن جمبرى وسمك مقلى ورز صيديه
طبعا الكرشه والمنبار والعصبان دى طبعا من سابع المستحيلات
امتى ان شاء الله حتقدمى العروض
انا عارف مفيش فايده
اخرتها بيض يا ام محمد
الصديق الكريم اسكندراني
أنا قلت آخدها من اول زرع عشان الزباين ما تتخضش
وكله جاي واحدة واحدة
بس انا مش باحب الملوخية بالأرانب ولو تسمح ليا اقدمها بشوربة اللحمة عشان انا باحس مع الارانب اني باكل قطة
وكمان بعد اذنك انا برضه مش باحب البط
الاكل الاسكندراني باحب منه طاجن فواكه البحر وكنت حطيته هنا زمااااااان والسمك المقلي دا مزاج مخصوص والرز.....ياااااااااه داكلام كبير
الممبار بقى دا تخصصي الشديد اوي وخاصة اني مش باعرف اكله الا لو نظفته بنفسي وقعدت اغسل فيه 3 ايام
ماتقولش بقى أخرتها بيض وصدقني شوية شوية حنجيب كل طلبات الزباين
بس انت ماقلتش في النهاية رأيك ايه في الوصف التفصيلي للبيض المسلوق:notme:
وشكرا على مرورك

a_leader
20-03-2006, 02:27 PM
وبعدين خلي بالك البطاطس المحمرة برضه مش اي كلام دي لازمهااعداد وترتيب ولكن هذا امر شرحه يطول وأنا الليلة مشغول
ههههههههههههههههههههههههههههههههههههههههههه
شكرا على الموضوع و فى انتظار باقى الوصفات ,,,,,,,,

اسكندرانى
20-03-2006, 04:03 PM
انا بحب البيض برشت
طيب نبدا ازاى
اشترى البيضه اللى مكتوب عليها سلق برشت
ولا ليها اسم تجارى انا معرفهوش
افيدونا افادكم الله
بما انك طلعتى تعرفى المنبار تعرفى تعملى ام الشلاتيت
وبما انك طلعت لك فى الاكل الاسكندرانى ان شاء الله لما تيجى اسكندريه انا عزمك عزومة سمك وفواكه بحر كبيرة على حساب الاخت المحترمة ام قلب كبير وزعيمة الاسكندرانية بسنت بنت مصر
تحبى تكون فين سى جل ولا قدورة اللى انتى تطلبيه مش حاقول لا ابدا

osha
20-03-2006, 05:06 PM
ههههههههههههههههههههههههههههههههههههههههههه
شكرا على الموضوع و فى انتظار باقى الوصفات ,,,,,,,,
العفو يا صديقي القاتل
بس اوع تفتكران المسألة سلق بيض يعني :notme:
دا الوصفات خاصة اللي زي البطاطس المحمرة دي محتاجة اني اقدح زناد فكري واكتب لمدة يومين ..........اييييييييه ربنا يقدرني بقى :cool:

osha
20-03-2006, 05:13 PM
انا بحب البيض برشت
طيب نبدا ازاى
اشترى البيضه اللى مكتوب عليها سلق برشت
ولا ليها اسم تجارى انا معرفهوش
افيدونا افادكم الله
بما انك طلعتى تعرفى المنبار تعرفى تعملى ام الشلاتيت
وبما انك طلعت لك فى الاكل الاسكندرانى ان شاء الله لما تيجى اسكندريه انا عزمك عزومة سمك وفواكه بحر كبيرة على حساب الاخت المحترمة ام قلب كبير وزعيمة الاسكندرانية بسنت بنت مصر
تحبى تكون فين سى جل ولا قدورة اللى انتى تطلبيه مش حاقول لا ابدا
أمري لله اقولك البيض البرشت ولو اني مش باكله
أي بيض ينفع يا سيدي لييه بقى
عشان انت تستنى لما الميه تغلي وتروح فاتح فيها البيضة وطبعا حتستوي في ثانية واحدة تطلعها وتحط الملح والفلفل والف هنا :smart:
انا جربتها مرة واحدة من زماااااااااان اوي والحقيقة مش حاجربها تاني لان البيض لما الميه بتلمسه الميه بيطلع منه ريحه مش باحبها :-s

اناالحقيقة باحب البيض بطريقة اسمه سكرامبل بس مش عارفة معناه بالعربي - هي مقلية بس مش زي الاومليت :k:

بأعرف اعمل الممبار بس ام الششلاتيت دي بصراحة ما سمعتش عليها
وباحب من الاكل الاسكندراني الكبده طبعا قطعا بدون أدنى شك والطاجن اللي قلت لك عليه
وبعدين العزومة بقى طالما فيها بسنت يبقى اخواتي وحبايبي بتوع المنتدى كله ييجوا معانا والحساب عليك في النهاية وبلاش مسعد الجمل وسي جل - خلنيا في قدروة القديم اللي في بحري على الرصيف:eat:
ويجعله عامر

saladino
20-03-2006, 05:13 PM
ثانيا :يجب مراعاة اختيار البيض الذي كتب عليه أن يسلق وذلك باختيار البيضة ذات القشرة الناعمة وبدون تشققات او مناطق اغمق قليلا في اللون أو نتوءات
باتباع اولا وثانيا يمكن تقليل انفجار البيض أثناء السلق

الكلام دة برة عندكوا ياأم محمد مش فى مصر
فى مصر بيحطوا الفرخة فى الحلة على مش البيضة هههههه

ممكن كمان شوية خلل لسراعة عملية السلق وبيكون جميل جدا

osha
20-03-2006, 08:53 PM
ثانيا :يجب مراعاة اختيار البيض الذي كتب عليه أن يسلق وذلك باختيار البيضة ذات القشرة الناعمة وبدون تشققات او مناطق اغمق قليلا في اللون أو نتوءات
باتباع اولا وثانيا يمكن تقليل انفجار البيض أثناء السلق

الكلام دة برة عندكوا ياأم محمد مش فى مصر
فى مصر بيحطوا الفرخة فى الحلة على مش البيضة هههههه

ممكن كمان شوية خلل لسراعة عملية السلق وبيكون جميل جدا
على فكرة يا صلادينو انا باعمل الخطوات دي من وانا في مصر - اصل يعني البيض هو هو في كل مكان وزمان
هنا بقى الفقعة مش في الشكل العام للبيضة انما تلاقي حاجات تانية زي ان الكرتونة لما بتكون غالية شوية تلاقي مكتوب عليها ان الدجاج حر وليس من مزرعة او ان الدجاج ياكل منتجات طبيعية ليس فيها اي ادوية او هرمونات واهي كلها سبوبة عشان السعر يغلى:hop:
وعلى فكرة الخل زيه زي الليمون في مية السليق
بس انت جرب الطريقة بتاعتي على ضمانتي

حسام عمر
20-03-2006, 08:56 PM
حجرب النهارده

وارد


وشكرا يا اوشا

اسكندرانى
21-03-2006, 01:47 PM
وبلاش مسعد الجمل وسي جل - خلنيا في قدروة القديم اللي في بحري على الرصيف

ايه ده انتى اسكندرانيه يا ام محمد ولا وخدا الجنسية الاسكندرانية ولا حكايتك ايه ده انتى شوية شوية تقولى نتعزم عند العسقلانى
على كل حال اهلا وسهلا بيك فى اى وقت واى مكان انتى وكل حبايبك

osha
22-03-2006, 02:29 AM
حجرب النهارده

وارد


وشكرا يا اوشا
شكلك جربت وفشلت التجربة يا حسام :'(
لو كده قولي عشان نشوف التعويضات والذي منه يعني

osha
22-03-2006, 02:30 AM
ايه ده انتى اسكندرانيه يا ام محمد ولا وخدا الجنسية الاسكندرانية ولا حكايتك ايه ده انتى شوية شوية تقولى نتعزم عند العسقلانى
على كل حال اهلا وسهلا بيك فى اى وقت واى مكان انتى وكل حبايبك

ياريتها كانت بالتمنى كان زماني من زمان اسكندرانية :sorry:
طبعا العزومة مقبولة ومرحب بها للغاية جدا جدا جدا وشكرا مقدما :good:

LORDKAZA
22-03-2006, 02:53 AM
الاخت العزيزة اوشه البيض الواحد بقاله فترة مأكلهوش من ساعة انفلونزا الطيور ما جت مصر
بس انتي لازم تعرفي حاجه الخطوات اللي انتي قلتيها صعبت حكايتة سلق البيض شويه .
بس والنبي علشان خاطري اوعي توصفي لبنات مصر بقيت الاكلات لان لو سلق البيض خد الخطوات ديه كلها يبقى المحشي يتعمل في تلات ايام ولو الموضوع ده انتشر في مصر تبقى مصيبه الواحد هيموت من الجوع .

osha
22-03-2006, 03:01 AM
الاخت العزيزة اوشه البيض الواحد بقاله فترة مأكلهوش من ساعة انفلونزا الطيور ما جت مصر
بس انتي لازم تعرفي حاجه الخطوات اللي انتي قلتيها صعبت حكايتة سلق البيض شويه .
بس والنبي علشان خاطري اوعي توصفي لبنات مصر بقيت الاكلات لان لو سلق البيض خد الخطوات ديه كلها يبقى المحشي يتعمل في تلات ايام ولو الموضوع ده انتشر في مصر تبقى مصيبه الواحد هيموت من الجوع .
تصدق ماكنتش واخدة بالي من حكاية المحشي دي وانها فعلا ممكن بالشكل دا تاخد 3 ايام وتبقى العملية تلكيك بقى ومحدش لا ياكل ولا يطبخ - دلع بنات صحيح :evil2:
معلش حقك عليا
على فكرة كل خبراء التغذية قالوا ان تسوية الدجاج او منتجاته بشكل تام السواء بيلغي تماما احتمالية انتقال العدوى
يعني مثلا فيه ناس بتحب تاكل البيض غير كامل السواء زي زوجي العزيز مثلا ودا خطر بسبب السلامونيلا كمان مش بس انفلونزا الطيور
ربنا يبعد عننا الاذى جميعا ان شاء الله

بسمة أمل
22-03-2006, 11:16 PM
بسم الله الرحمن الرحيم
طب الحمد لله يا اوشا انك نصرتى حاجة من الاكلات المعدودة اللى بعرف اطبخها:d
وماشاء الله نصايح حلوة مع ان الموضوع اتعقد شوية بس من اجل بيض افضل
جزاكِ الله كل خير*8*

osha
24-03-2006, 12:21 AM
بسم الله الرحمن الرحيم
طب الحمد لله يا اوشا انك نصرتى حاجة من الاكلات المعدودة اللى بعرف اطبخها:d
وماشاء الله نصايح حلوة مع ان الموضوع اتعقد شوية بس من اجل بيض افضل
جزاكِ الله كل خير*8*
هاتي قائمة بأسماء باقي الاكلات المعدودة اللي بتعرفيها يا بسمة وانا ادافع عنهم كلهم
وفعلا انا سعيدة انك قلت من اجل بيض افضل - كده انت اوضحت القصد من الموضوع
شكرا لك يا بسمة ومنورة

سـلـوى
24-03-2006, 12:26 AM
هههههههههههه
ربنا يسعدك يا اوشا

انا اصلا بخاف اوى اسلق البيض علشان اللى بيحصل دة

تسلمى على النصائح

osha
24-03-2006, 12:41 AM
هههههههههههه
ربنا يسعدك يا اوشا

انا اصلا بخاف اوى اسلق البيض علشان اللى بيحصل دة

تسلمى على النصائح
ويسعدك يا سلوى يا بنتي
بالنسبة للخوف من سلق البيض هو طبعا من خاف سلم :baby: ولكن ان شاء الله لازم تتعلمي ولا ناوية ان شاء الله تتجوزي وانت خايفة تسلقي البيض وبعدين زوج المستقبل يمسك في رقبتنا احنا بقى !!:xx:
لأ يا ستي روحي جربي وامشي على النصائح والمرة الجاية حاديك درس المكرونة :cool:
بونو بونو
:y1:

سـلـوى
24-03-2006, 12:46 AM
ويسعدك يا سلوى يا بنتي
بالنسبة للخوف من سلق البيض هو طبعا من خاف سلم :baby: ولكن ان شاء الله لازم تتعلمي ولا ناوية ان شاء الله تتجوزي وانت خايفة تسلقي البيض وبعدين زوج المستقبل يمسك في رقبتنا احنا بقى !!:xx:
لأ يا ستي روحي جربي وامشي على النصائح والمرة الجاية حاديك درس المكرونة :cool:
بونو بونو
:y1:


برضو كدة
ولا انتى خايفة اما اعمل البيض لاولاد حضرتك
اما تسيبهوملى


انا مش ناسية و منتظرة اليوم دة
هرجعهملك كدة ههههههههههه:y:

و خاصة بقى بعد انفلونزا الطيور

صحيح دة اثر على البيض ؟؟؟
ولازم نغسلة قبل ما نعملة؟؟

اسكندرانى
24-03-2006, 01:00 AM
وفعلا انا سعيدة انك قلت من اجل بيض افضل

انا اصلا بخاف اوى اسلق البيض علشان اللى بيحصل دة

وانت خايفة تسلقي البيض وبعدين زوج المستقبل يمسك في رقبتنا احنا بقى
لا واضح جدا مستوى بنات المنتدى
فعلا حاجة تشرف وترفع الراس
طبعا طالما ام محمد بتعلمكم البيض وبعدها المكرونه
بس يكون فى علمكم كلكم
احنا معندناش بنات جوزها يضربها وترجع تانى البيت
حتعيشى فى بيت جوزك وتضربى لحد متتعلمى تعملى الكرشه والفشه وام الشلاتيت كمان
يا اما تدخولو الجيش و تتعلموا بقى الطبيخ والتنظيف والغسيل على اصوله

osha
24-03-2006, 01:49 AM
برضو كدة
ولا انتى خايفة اما اعمل البيض لاولاد حضرتك
اما تسيبهوملى


انا مش ناسية و منتظرة اليوم دة
هرجعهملك كدة ههههههههههه:y:

و خاصة بقى بعد انفلونزا الطيور

صحيح دة اثر على البيض ؟؟؟
ولازم نغسلة قبل ما نعملة؟؟
لأ يا سلوى يا بيتي ولادي وصلوا لمرحلة لا يجوز فيها اني اسيبهم عند اي حد عزيز عليا حتى لو فيها سليق بيض :3:
وبعدين يا سلوى بيض ايه اللي حتغسليه ضحكت الناس علينا :baby:
شوفي هو فيه ناس بتقول ان البيض يمكن رش القليل من الماء والصابون عليه ثم شطفه بماء بارد طبعا قبل السلق ودا تحسبا ان لو فيه بيضة اتكسرت والسائل جه على باقي البيض مايحصلش ريحة زفارة في المطبخ ولكن دا مالوش علاقة بعملية السلق نفسها
اما انفلونزا الطيور والسلامونيلا اكتمال سواء البيض يبعد أي احتمالية للإصابة بهما وربنا يستر علينا جميعا ان شاء الله

osha
24-03-2006, 01:54 AM
لا واضح جدا مستوى بنات المنتدى
فعلا حاجة تشرف وترفع الراس
طبعا طالما ام محمد بتعلمكم البيض وبعدها المكرونه
بس يكون فى علمكم كلكم
احنا معندناش بنات جوزها يضربها وترجع تانى البيت
حتعيشى فى بيت جوزك وتضربى لحد متتعلمى تعملى الكرشه والفشه وام الشلاتيت كمان
يا اما تدخولو الجيش و تتعلموا بقى الطبيخ والتنظيف والغسيل على اصوله
لأ طبعا ماعندناش بنات تتضرب من اصله :eek:

حاقولك حاجة
انا لما اتجوزت وكان عندي 23 سنة كنت لا اعلم من المطبخ سوى المكرونة فقط:mazika2:
وربنا يخليه زوجي العزيز ويرزق بنات المنتدى كلهم بأزواج في صبره :no3:
استحملني لغاية لما بقيت اعمل كل حاجة وبمنتهى الاحتراف
ولعلمك بقى حانزل المكرونة للبنات يتعلموها وكمان الرز وحتى الطبيخ
بس ام الشلاتيت دي عليك انت معلش يعني كنوع من مؤازرتك الانسانية لبنات المنتدى الحلوات :1:

أنفـــــال
25-03-2006, 07:11 PM
:sorry:

لأ
لأ
لأ ....
أنا صدمتي كدة ..
كبيييييرة .. كبيييييييييرة .. جداً.. ! :sad:
و خيبتي بقى .. كبيييرة برضه..! :sad:
لأ..
لأ..
أنا أول حاجة اتعلمتها سلق البيض..

كدة .. عملتي زعزعة في أساسياتي.. :p

تسلم إيدييييييكي .. و عنييييييييييكي.. :y1:

osha
26-03-2006, 08:12 AM
اعتبريها تأصيل للأساسيات وليس زعزعة
اصلا انا كنت حزينة من اجل البيض المعذب المظلوم في كل مكان
وبلاش تتصدمي يا انفال - خلي الصدمة لما اقول المكرونة والا كوباية الشاي مثلا
الجايات اكتر من الرايحات

تسلمي على المرور

اسكندرانى
26-03-2006, 02:04 PM
لأ طبعا ماعندناش بنات تتضرب من اصله
بنات تضرب ؟؟
ربنا يكفينا شركم
هو مين اللى اخترع السكاكين والسواطير والكياس النايلون ربنا يجعل كلامنا خفيف عليكم

وربنا يخليه زوجي العزيز ويرزق بنات المنتدى كلهم بأزواج في صبره
ربنا يبارك لك فيه ويبارك له فيك ويجمع بينكم دائما على خير وحب وعطف وموده ورحمه ويجعلكم ازواج فى الدنيا ويجمعكم فى الجنة يارب

بس ام الشلاتيت دي عليك انت معلش يعني كنوع من مؤازرتك الانسانية لبنات المنتدى الحلوات
متعرفيش تعملى الكرشه
ام الشلاتيت هى الكرشه تعرفى تعمليها ولا اقول لكم على الطريقه
مع انى محبهاش ولا اطيقها
واليوم اللى تتعمل فيه فى البيت اسيب البيت واهرب !!!!!
حجه يعنى

أمة الله
26-03-2006, 02:34 PM
بسم الله الرحمن الرحيم
السلام عليكم و رحمة الله و بركاته

تسلمى يا رشروش على المعلومات القيمه و فعلا انا باسمى ع البيض و انا بحطه
هههههههههههه و الله انت عسل

ديدي
26-03-2006, 03:00 PM
ايه الحاجات الحلوة دى يا اوشا
نورتى المحكمة يا جميل
مش تريقة والله بس اشمعنا البيض اللى قررتى تدافعى عنه بشدة كدا
تسلم ايدك على الموضوع

ابن البلد
26-03-2006, 03:38 PM
الله
طيب ونظام البيض المقلي أيه بقه ؟؟

osha
26-03-2006, 06:06 PM
بنات تضرب ؟؟
ربنا يكفينا شركم
هو مين اللى اخترع السكاكين والسواطير والكياس النايلون ربنا يجعل كلامنا خفيف عليكم

ربنا يبارك لك فيه ويبارك له فيك ويجمع بينكم دائما على خير وحب وعطف وموده ورحمه ويجعلكم ازواج فى الدنيا ويجمعكم فى الجنة يارب

متعرفيش تعملى الكرشه
ام الشلاتيت هى الكرشه تعرفى تعمليها ولا اقول لكم على الطريقه
مع انى محبهاش ولا اطيقها
واليوم اللى تتعمل فيه فى البيت اسيب البيت واهرب !!!!!
حجه يعنى
طيب من خاف سلم وكويس انك راجل عاقل وربنا يحميك:no1:

بالنسبة الكرشة انا اسمع ان اسمها ام التلافيف وفي قول آخر "مطلقة السبع ضراير"
في كناية عن زوج تزوج سبع مرات وكل مرة يطلق زوجته لفشلها في تنظيف الكرشة كما ينبغي وكل دا للتدليل على صعوبة تنظيفها :shit:
وبصراحة انا رأيي فيها انها لا تستحق كل هذا العناء لان شكلها مقرف وعامل زي الموكيت :mazika2:
ثم ان الهرب من البيت يمكن ايجاد حجج كثيرة له اكثر براءة من الكرشة:1:
صباح الفل:stpd:

osha
26-03-2006, 06:08 PM
بسم الله الرحمن الرحيم
السلام عليكم و رحمة الله و بركاته

تسلمى يا رشروش على المعلومات القيمه و فعلا انا باسمى ع البيض و انا بحطه
هههههههههههه و الله انت عسل
منورة يا ام نهال:h:
وتسلمي يارب على المرور وطبعا التسمية على اي شئ بيحفظه بأمر الله
وسلمي على نهال وبوسيها كمان :f:

osha
26-03-2006, 06:12 PM
ايه الحاجات الحلوة دى يا اوشا
نورتى المحكمة يا جميل
مش تريقة والله بس اشمعنا البيض اللى قررتى تدافعى عنه بشدة كدا
تسلم ايدك على الموضوع
المحكمة منورة بنورك يا ديدي
شوفي يا ستي اقولك ايه حكاية البيض المسلوق
بقى انا دورت في المطبخ هنا وفي منتديات تانية لقيت الاكلات كلها للمحترفات فقط واكتشفت اني لما اتجوزت كنت باحتاس في ابسط الاشياء ولم اكن افكر في الاكلات الصعبة والصواني :eat:
يعني بجد ومن غير هزار ماكنتش باعرف اعمل البامية مثلا ولا اي نوع من الخضار ولا اسلق لحمة ولا فراخ ولا اي حاجة خالص :l:
وبالتالي قررت مساعدة كل من هن في موقفي بشرح شوية اكلات سهلة لغاية لما ايديهم تمشي في المطبخ ..:love:
ايه رأيك

osha
26-03-2006, 06:13 PM
الله
طيب ونظام البيض المقلي أيه بقه ؟؟
صباح الفل
لازم تحدد اي نوع من البيض المقلي لانها تفرق وانا تحت امرك ياباشا :y1:

ديدي
26-03-2006, 07:08 PM
المحكمة منورة بنورك يا ديدي
شوفي يا ستي اقولك ايه حكاية البيض المسلوق
بقى انا دورت في المطبخ هنا وفي منتديات تانية لقيت الاكلات كلها للمحترفات فقط واكتشفت اني لما اتجوزت كنت باحتاس في ابسط الاشياء ولم اكن افكر في الاكلات الصعبة والصواني :eat:
يعني بجد ومن غير هزار ماكنتش باعرف اعمل البامية مثلا ولا اي نوع من الخضار ولا اسلق لحمة ولا فراخ ولا اي حاجة خالص :l:
وبالتالي قررت مساعدة كل من هن في موقفي بشرح شوية اكلات سهلة لغاية لما ايديهم تمشي في المطبخ ..:love:
ايه رأيك
:good: :good: :good:
لا انتى كدا 100 %

ابن البلد
27-03-2006, 01:48 AM
صباح الفل
لازم تحدد اي نوع من البيض المقلي لانها تفرق وانا تحت امرك ياباشا :y1:
اي نوع ازاي يعني

غربان وتماسيح :d
؟؟؟

اسكندرانى
27-03-2006, 10:15 AM
بالنسبة الكرشة انا اسمع ان اسمها ام التلافيف وفي قول آخر "مطلقة السبع ضراير"
صباح الفل عليك وعلى كل اسرتك الكريمة
واضح ان معلوماتك المصرية عظيمة وضاربة فى جذور التاريخ

ثم ان الهرب من البيت يمكن ايجاد حجج كثيرة له اكثر براءة من الكرشة
مبعرفش يا اختى العزيزة
علشان تعرفى ان اخوك مكسور الجناح من البيت للشغل ومن الشغل للبيت
مواعيد الشغل من 10 صباحا حتى 12 مساء
نفسى فى حجه اهرب بيها من البيت ؟

bedo_ic
04-04-2006, 07:40 PM
طيب ايه رايك فى قلى البيض انا اعتقد انه بيعانى من مشاكل نفسية
ممكن نلاقى لها حل
تحياتى