المساعد الشخصي الرقمي

مشاهدة النسخة كاملة : ~¤§[ يـاريتنى فتحت عـكــا -- فضفضة مع الأكسبلورر ]§¤~



عـزالديـن
15-03-2006, 04:28 AM
عصـر يوم 14 / 3 / 2006

فتح البريد الإلكترونى ( الأيميل )

كم هائل من الرسائل عبارة عن إعلام بريدى عن ردود جديدة فى مواضيع مشترك بها

الموضوع ده انا سجلت فيه رأيى وكاتب الموضوع وضع رده

ياترى كتب ايه

لما افتح وأشوف

إضغط على الرابط

حلو قوى الاكسبلورر استقبل الرابط وبيفتح المنتدى على غير عادته

ايه ده ,,, الاكسبلورر مشعاوز يكمل فتح الصفحة وواقف عند رأس الصفحة فقط

طيب اعمل رفرش

الاكسبلورر لازال واقف عند رأس الصفحة

جايز النت بطئ او توقف

جرب تفتح صفحة أخرى لأى موقع آخر

شغال تمام وسريع على غير عادته

طيب اعمل رفرش تانى لصفحة منتدى ابناء مصر

تمام الاكسبلورر تعدى رأس الصفحة وبدأ يحمل

الاكسبلورر توقف مرة أخرى عند أول مشاركة بالموضوع

طيب اقفل خالص وافتح الرابط مرة أخرى

نفس الحال

الاكسبلورر يحاول ثم يحاول ثم استمر فى المحاولة

الاكسبلورر تصبب عرقاً من المحاولة

اقفل الاكسبلورر بسرعة فقد تغير لونه للون الأحمر ويبدو أنه سينفجر بوجهى

اعادة الضغط على الرابط وأعصابى

الصفحة بدأت تحمل

حلو قوى ،،،، وصلنا للمشاركة الثانية بالموضوع

ياخبر ،،، أفتكرت إن مشاركتى بالموضوع كانت رقم 42

طيب أكيد شدة وتزول

شوية كده وجرب تانى

جرب تانى

الاكسبلورر فتح بسرعة

المشاركة الأولى ظهرت .... الثانية ... الثالثة ... توقف الأكسبلورر وبدأ يحاول ثم كشر عن أنيابه

طيب ارتاح شوية يا أكسبلورر هجرب الأفانت ،،،،

الأفانت أظهر لى رسالة ،،،، إنت مشقادر على الاكسبلورر جاى عليا أنا ،،، أنا تحت أمرك بس شوفلى أى حاجة غير المنتدى أفتحها

طيب بلاش انت يا آفانت خلينا مع الفوكس ،،،،

الفوكس يقول :: مرحباً بك ،، شبيك لبيك الفوكس بين إيديك ،،، أنا ممكن أفتحلك المندل وأضربلك الودع وأفتحلك عكا كمان لو عاوز إلا المنتدى ،،،، إرحمنى يرحمك ربنا

وبعد تفكير عميق وتأملات فى الماضى والحاضر وماذا كنا وماذا أصبحنا ووضع تصور لمستقبل تبادل المعلومات والثورة التكنولوجية فى عالم الاتصالات والأنترنت قررت استخدام الاكسبلورر فى الوضع الآمن
لاصور ولارسومات ولا ايقونات ولاشئ مجرد ان يظهر لى الكلام المكتوب فقط

ولكن دهاء الاكسبلورر جعله يكشف عن الخطة ولهذا تآمر مع قاعدة البيانات

وظهرت لى الرسالة التى تكونت بينى وبينها صداقة حميمة فى المنتدى

خطأ فى قاعدة البيانات - قاعدة البيانات غير متاحة الآن - من فضلك اعمل تحديث ( رفرش )

ولكننى لم أنخدع ككل مرة ولم اعمل رفرش

بل كنت أكثر دهاء منهم وحاولت فتح الرابط مرة أخرى

ويبدو أن الأكسبلورر قد إستسلم أمام إصرارى على فتح الموضوع

وقام على مضض ببدء فتح الموضوع حتى وصل بعد أكثر من ربع ساعة إلى المشاركة 18 بالموضوع

وقد ظهر عليه الاجهاد التام حيث توقف ليستريح , فقمت بتنبيهه ففتح لى أول سطر من المشاركة رقم 19

ولأن التنبيه أتى بفائدة فقد ظللت أنبهه غير مبالياً بمعاناته

ولكن الضغط يولد الإنفجار , فقد ابى الإكسبلورر أن يستمر وطلع لى لسانه ( قليل الأدب ) وقال لى

The page cannot be displayed

ولما سألته طيب انت ليه مشقادر تفتحها

قال لى بصوت غاضب وشديد اللهجة

وأنا مالى ماتروح تسال صاحبها

بحثت عن حلول فى المواقع الخبيرة فى الإنترنت

قال لى أحدهم أن الأوبرا بيفتح الى مبيتفتحش

جربت الأوبرا يمكن يقدر يفتحها

إنسح الرابط والصقه فى الأوبرا

الأوبرا بلهجة هادئة وبمنتهى برود الأعصاب وهو يرقص الباليه على أنغام اوبرا ميتسوبارتانيلى

نظرا لأنك ياعزيزى قد وضعتنى فى هذا الإختبار القاسى فى أول تعامل لى معك فلن أفتحها لك ولن أتعامل معك بعد اليوم ,, وعمل إزالة تلقائية لنفسه بمنتهى الهدوء

عودة مرة أخرى إلى الإكسبلورر

رسالة من ميكروسوفت ،، أهلا ومرحباً بك ،، لفيت لفيت ورجعتلى ... ماكان من الأول

معلش ياسى إكسبلورر إنت عارف بقى طيش الشباب ،،،

طيب بس متبقاش تعملها تانى ........ حاضر

خد عندك ... المشاركة الأولى ، الثانية ، الثالثة ، .............. الأربعين

كفاية عليك كده

ولكن المطلوب المشاركة رقم 43

انت طماع قوى كده ليه ،،، كفاية عليك كده ،،، لولا إن لى خاطر عند قاعدة البيانات ماكنت رأيت المشاركة الخامسة

طيب متزعلش ،،، أنا خلاص نسيت انا كنت بفتح الموضوع ده ليه

ممكن تفتحلى صفحة الرسائل الخاصة بالمنتدى

هجرب بس متروحش بعشمك لبعيد وبلاش يأخدك الأمل

بعد عدة محاولات

الأكسبلورر : أنا شايف إن أفتحلك الموضوع أحسـن

طيب يلا همتك معانا

ودخل الاكسبلورر على الموضوع وفتح الموضوع بكامله فى أقل من ربع ساعة

هذا بعد ان عرفت نقطة ضعفه وهى تهديده بمحاولة فتح الرسائل الخاصة

إكسبلورر يخاف ميختشيش

بعد كل تعبى معاك تقول عليا كده

هو انت سمعتنى

طبعا هو إنت يعنى بتكتب فين , بس عاوز اقولك على حاجة تهمك

قول ياسيدى وهات ماعندك

صديقتى قاعدة البيانات أبلغتنى إن كان فيه تحميل زائد عليها وكانت مكلفة بإرسال أكثر من 16 ألف رسالة للأعضاء وعلشان كده كانت مطنشانى

طيب مقولتش كده من الأول ليه وريحتنى

هى ماقلتليش المعلومة دى إلا بعد ماخلصت ،،، مشقولتلك كانت مطنشانى

طيب ياسيدى معلش ومهما كان انت برده أحسن من غيرك

.

نظر لى الأكسبلورر بعين الرضا وفتحلى موضوعين هدية

-----------------

نصحنى الطبيب أثناء زيارته لى مساء ذاك اليوم
بأن اتناول بعض المشروبات الطبيعية المهدئة والتى تخفض الضغط
أثناء محاولتى تصفح المنتدى


وسوف احكى لكم إن شاء الله عن تجربتى مع إضافة رد

دمتم جميعاً بخير

:f2:

:f: :f: :f:

nour2005
15-03-2006, 05:22 AM
:d :d
فضفضة جميلة عالصبح
كتبتها استاذ عز الدين
تحكي فيها عن لسان حالي
والمعاناة التي اشهدها لما بدخل عالمنتدى احيانا
انا بقا باخد دواء للضغط علشان ما يرتفعش
وبكده لما تفتح الصفحات وبعد جهد بكون مهيئة للاطلاع عليها
والمشاركة والرد
موضوع واقعي مية المية وجميل جدا
دمت بخير
تحيتي لك
*8*

R17E
15-03-2006, 05:23 AM
لم يعجبني موضوعك .. أردت فقط أن أمارس الشللية :evil:


أخوك الصعيدي:hey:

osha
15-03-2006, 06:29 AM
ايه دا انت كنت معايا امبارح والا ايه
بس انا ماعنديش اوبرا
انا عندي نسخة غريبة وعجيبة وغامضة من الاكسبلورر جاية من الشركة بتاعة الدي اس ال وربنا مايوريك يفضل يطلب باسورد ومش عارف ايه وبعدين في الاخر برضه نفس النتيجة مافيش فروق جوهرية
بس اقولك فضفضة جت على الجرح - انا لما بتطلع لي صفحة خطأ قاعدة البيانات بيحصلي حالة كمد وغيظ والحمد لله وجدت من يتحدث بلسان حالي
شكرا يا عز الدين على الفضفة الجميلة - شكلك مفروس

Kind Hand
15-03-2006, 06:52 AM
صباح الفل يا استاذ عز الدين

يعجبني قوي الاكسبلورارات البلطجية دي بس الداتا بيز بتاعتنا ولا بيهمها ولا افانت ولا اوبرا ولا غيره

حوار جميل في صباح جميل

حنـــــان
15-03-2006, 08:35 PM
:d
يبقى المشكلة في الاكسبلورر بقى؟
الله يجازيه... وأنا فاكرة المنتدى هوه السبب... ظلمته!
معلش يا منتدى حقك عليا...

شكرا يا عز عالضحكة :)

daria
16-03-2006, 04:30 PM
ههههههههههه
لذيذة جدا

انا الاول ما بتطلع الرسالة دي بابص للكمبيوتر كدة واقوله شكراااا

واخد بعضي واشوف لو في حاجة عايزة اعملها

ولو انا على المسانجر وجالى إعلام ان في رسالة من المنتدى
باعمل نفسي مش شايفاها :mazika2:
لغاية ما حد يقولي ان المنتدى رجع:y1:

بس فضفتك لذيذة جدا
منتظرين تجربتك مع اضافة رد
إيمان

أنفـــــال
18-03-2006, 10:27 PM
يااااه
يا صبرك يا عز الدين .. :y1:
أنا ماباحاولش كتير .. فتح معايا .. باكمل ..
مافتحش معايا .. باحاول تاني يوم ..
كتبت رد هنا قبل كدة لكنه طار ..
يجعل كلامنا خفيف على السيرفر.. :p
سلمت يداك ..
ضحكت من قلبي فعلا..
شكرا .. جزيلا..
:f2:

سمسمة
18-03-2006, 10:44 PM
الدروس المستفادة من هذا الموضوع::mazika2:
انى مااستخدمتش متصفح قبل كدة غير بتاع مايكروسوفت يبقة لازم اجرب الباقيين كلهم :d

بالمناسبة وانا برد على الموضوع حصل نفس الشىء:uff:

ابن البلد
18-03-2006, 11:00 PM
العيب يا أستاذ من جهازك :p
:d

أحمد ناصر
19-03-2006, 07:36 AM
:d
شدة وتزول إن شاء الله يا عز

بنت مصر
19-03-2006, 12:37 PM
العيب هنا يا عز :(





http://www.wyomingwebdesign.com/files/free/arrows/42a.gif





http://www.wyomingwebdesign.com/files/free/arrows/42a.gif






http://www.wyomingwebdesign.com/files/free/arrows/42a.gif












http://www.wyomingwebdesign.com/files/free/arrows/42a.gif













http://www.wyomingwebdesign.com/files/free/arrows/42a.gif














http://www.wyomingwebdesign.com/files/free/arrows/42a.gif












http://www.wyomingwebdesign.com/files/free/arrows/42a.gif








http://www.wyomingwebdesign.com/files/free/arrows/42a.gif








http://www.wyomingwebdesign.com/files/free/arrows/42a.gif










http://www.wyomingwebdesign.com/files/free/arrows/42a.gif













http://www.wyomingwebdesign.com/files/free/arrows/42a.gif











http://www.wyomingwebdesign.com/files/free/arrows/42a.gif








http://www.wyomingwebdesign.com/files/free/arrows/42a.gif




















http://www.wyomingwebdesign.com/files/free/arrows/42a.gif











http://www.wyomingwebdesign.com/files/free/arrows/42a.gif











http://www.wyomingwebdesign.com/files/free/arrows/42a.gif


































http://www.wyomingwebdesign.com/files/free/arrows/42a.gif

















































































http://www.wyomingwebdesign.com/files/free/arrows/42a.gif










http://www.newcybertech.com/images/sick_computer%5B1%5D.gif

http://www.umt.edu/SA/images/fromWeb/DCO1377.gif

http://www.grolen.com/images/comp_sick.GIF


http://mip.typepad.com/photos/uncategorized/sick2.jpg

ديدي
19-03-2006, 02:23 PM
نهار ابيض ياعز الدين:eek:
ادى حال الدنيا اوعى تزعل نفسك:d :d
لا حقيقى جميلة جدااا تسلم ايدك
منتظرين مغامراتك مع اضافة الرد

العندليب الأسمر
19-03-2006, 03:30 PM
الاكسبلورر تصبب عرقاً من المحاولة

:d:d:d:d

لذيذة أوي يا أستاذ عز الدين
تسلم إيدك ياباشا

boukybouky
20-03-2006, 01:44 AM
أنا شايفة انك أخدت خبرة كافية في الموضوع ده تحسباً لتكراره لا قدر الله

ما شاء الله برده التجارب مفيدة و حتي لو مش وصلت اهو شرف التجربة يكفيك :)

ربنا يديك و يدينا الصبر

في رعاية الله ،،،

zizoYAzizo
10-05-2006, 12:36 AM
تسلم ايدك يا استاذ عز ده فعلا الى بيحصل معايا ده بيخنقنى بجد وساعات كتير اقوم ومبعرفش ادخل على المنتدى علشان خاطر عيون الاكسبلورر
نسلم ايدك يا على الموضوع

بنت شهريار
10-05-2006, 10:56 AM
عسل يا عز الدين
دا حال الدنيا مع اعضاء المنتدى
طيب كويس ان بيجيلك رسايل
انا بقى ولاااااااااا الهواااااااااااااا
تقبل تحياتى

ميمو المصرى
11-05-2006, 07:14 AM
ما شاء الله اكسبلورر مالهوش حق يعمل معاك كده
وانتا برده غلطان
ليه بتزعله وتروح تجرب متصفحات تانيه مش عيب
شكرا يا باشا وبجد جمييه مووووت

سـيف الديـن
23-12-2006, 04:44 AM
جميل جداً يا استاذ عـزالديـن :f:
المشكلة الحالية رسالة السرفر ( السرفر مزدحم حالياً - حاول فى وقت آخر ) بتفكرنى بشبكة الموبايل ليلة العيد :1:
بس حضرتك مجبتش سيرة الـ FireFox يمكن كان عمل شغل مع قاعدة البيانات :d
تسلم إيدك
:f2:

ايهاب احمد75
25-12-2006, 02:28 AM
شكرا جزيلا انا كنت فاكر المشكله عندى فقط لكن مفيش مشكله علشان خاطر الناس الحلوه اللى فى ابناء مصر نستحمل لى اكسبلورر


Photo Gallery