المساعد الشخصي الرقمي

مشاهدة النسخة كاملة : أزاى تنتقمى من أخوكى اللى كابس على نفسك



elharty
20-02-2006, 11:53 PM
أخواتى البنات أنا النهارده جايه وجايبه معايا
شويه دروس لأى بنت مقهوره
وعايزةتنتقم من
أخوها وترفع
ضغطه
وربنا معانا ومعاكم
ويقوينا على فعل الخير


**لو فى مباره فى التلفزيون**
لو فى مباراه والأخ متحمس أقطعى الحماس ده
ازاى
أناأقولك
استنى لحد ما يندمج اوى مع المباراه
وهتعرفى أنه أندمج لما تلاقى عنيه مفتوحين على
الأاااخر ومش هامه حد يعنى ممكن تجيبى صاروخ تفجريه
جنبه ولا يلتفت



هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنامش فاضيالك أنا بنضف وبمسح
وبعدين روحى جيبى المكنسه واكنسى المكان اللى
هوفيه وحاولى كل شويه تكنسى قدام التلفزيون
يعنى لا صوت ولا صوره
وغطى عليه ولا يهمك
ولوقال ابعدى وحسيتى أنه هايحدفك بحاجه
قولى يعنى اسيب البيت كده والضيوف جايه فى الطريق
وبعدكده اعملى أنك نسيتى الكيك فى الفرن
ودوسى على رجليه واجرىوماتبصيش وراكى


*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران اننشاله ابن البواب
ودخليه يلعب فى غرفته فوق راسه
وقوليله الأطفال احباب الله



اوتعالى وهوفى سابع نومه وارجفيه
الرجفه اللى يصحى مايحسش
بنفسه الا وهو قاعد
وبكل برود قولى (عايزين نخرج)



ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح غرفتك علشان هاتحتاجيه
واضحكى على شكله وعلى جلسته
وعلى ملابسه
واذا قال ابعدى علشان أنا مش رايق
زودى العيار حبتين
ولو حسيتى باى غدر
استعملى مفتاح غرفتك واقفلى على نفسك



*وقت المعركه*
ولو طقت فى دماغك وحبيتى انك تقومى
بمعركه انتى وهو
لازم تجهزى نفسك من كل ناحيه
1/اللبس:لازم تلبسى ترنج علشان يسهل الجرى
2/الشوشه لازم تلميها وتعملى حفله ايشاربات فى راسك
وانتبهى ولا خصله تنزل من شعرك
واليوم ده ياريت تكونى حاطه حنه على راسك
علشان مايتجرئش يلمس شعرك
3/مفتاح الغرفه لأن الأحتياط واجب



1ذا بدئت المعركه اوعى تبينى انك خايفه
وأول ما ايده تطول
اوعى تستسلمى واديله
طراااااااااااااااااخ
بالبوكس فى عينه علشان مايشفش ادامه
وحطى رجلك ادامه



وعلى طووووووووول
لغرفتك اللى مجهزه مفتاحه قبل كده
بس نصيحه اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الضهر




بس خلاص كده
جربوا وقلولى

هانى أحمد
21-02-2006, 09:11 PM
الله يكون في عون اخوكي انتي باين عليكي اخوكي موريكي النجوم في عز الضهرية:f: :h: :f: :f:

malkro7y
21-02-2006, 09:37 PM
:d :d :d انا بضحك علي حاجتين اولا الكلام كده الواحده ضمنت علي الطوارئ عدل

تاني حاجه علي ان اخوكي مطهقك ياحارتي :d :d :d

بس انا ماليش اخ ممكن ابقي اجرب في جوزي انشاء الله لما اتجوز :) :)

ضابط شرطة
21-02-2006, 09:43 PM
انا بضحك برضه على حاجتين
اولا الموضوع ده كده بقى مفقوس ؛) :y:
ثانيا ان ده الحارتي ... مش دي!!!

بس انت اللي غلطان يا حارتي المفروض تعدل اول الموضوع ؛)

a_leader
21-02-2006, 09:55 PM
انا برضه استغربت
فركت عنيا لقيت الصورة اللى عند تاريخ التسجيل بنطلون
جبت التلسكوب لقيت الاسم حارتى و قناص كمان
بس اول الموضوع حيرنى ولما خلصت لقيت التوقيع قدامى ( محمد )
شكرا اخى على النقل و انت كده ح تخلينا نموّتوا أختاتنا ,,,

ميمة اسلام
21-02-2006, 10:50 PM
تسلم يا قناص علي الموضوع الجميل اوي واللي عجبني اوي اوي
وعلي فكرة انا بعملة منغير عكننة اقربها النهاردة اخر رخامه
ودة برضة فايدة للي عايزة تعكنن علي اخوة
وهو قاعد علي الكمبيوتر مثلا يحللك تلامعي الشاشة اصل وانا قعدة قبليك مكنتش عجباني وخصوصا لو كان بيكتب حيكون عايز يمسكك يحدفك من اقربها بلكونة
تسلمممممممممممممممممممممممممممممممممم

أبو منار
22-02-2006, 05:44 AM
الله يكون في عوننا أحنا من اخواتنا

ويجعلة عامر


Photo Gallery