المساعد الشخصي الرقمي

مشاهدة النسخة كاملة : علي كيف كيفك بس مفيناش مناااااااااااااااااااااااااااااااااا



ميمة اسلام
18-02-2006, 12:12 AM
دة بقي رخامة رسمي وبعد الشر بعد الشر عليكم يحرق الدم
بس قولولي اية رايكم

_ ليه النمله بتقعد جمب البحر وهي بتقرا؟

-علشان تبل ايدها كل ما تيجي تقلب الصفحه



_وليه مبتاخدش الفيل قدامها على العجله؟

-علشان بيلعب في الجرس



_وليه مبينزلوش البحر في وقت واحد(النمله والفيل)؟

-علشان مفيش معاهم غير مايوه واحد



_ليه الفيل مابيسلمش على النمله بايده؟

-علشان بتضغط على ايده وهي بتسلم عليه فبتوجعه



_وليه النمله مابتنامش جمبه؟

-علشان الشيطان شاطر



_ازاي نحط فيل في ازازه؟

-نزقه وهو بيشرب



_وازاي نحط فيلين في ازازه من غير ما يلمسوا بعض؟

-نحط بينهم فيل تالت



_ازاي نعدي الفيل من خرم ابره؟

-نزحلقه على الفتله بس لازم الاول نفك العقده الي في ديله



_ازاي نصطاد الفيل الاحمر؟

-نصطاده ببندقية الفيل الاحمر



_طب ازاي نصطاد الفيل الاخضر؟

-نستناه لما يستوي وبعدين نصطاده ببندقية الفيل الاحمر



_ازاي نقعَّد 4 فيله في عربيه فولكس؟

-نقعد 2 ورا و2 قدام



_طب ومين الي يسوق فيهم؟

-اللي مهاه رخصة



_طب ازاي نقعَّد 8 فيله في عربيه مرسيدس؟

-نبيع المرسيدس ونشتري عربيتين فولكس ونقعَّد في كل عربيه 2 ورا و2 قدام



_ليه النمله ما بتتجوزش عامود النور؟

-علشان شوراعي



_دكتور اتجوز محاميه وخلفو ولد يسموه ايه؟

-يسموه احمد على اسم جده



_ليه القطنه مش هتدخل النار؟

-علشان مدام نظيفه قالت القطنه ما بتكدبش



_ايه الفرق بين المزرعه والبطاطس النصف مقليه؟

-دي فارم والتانيه فارم فريتس



_ايه الفرق بين القله والزير؟

-في حاجه اسمها فوازير ومافيش فواقله



_ايه الفرق بين الي بتقوله لحبيبتك والي بتقوله على البنسيللين؟

-بتقول لحببتك انتى في القلب وبتقول على البنسللين انتي بَيُوتِك



_ليه الموسه ماراحتش ميعاد الموس؟

-علشان كانت( ناسيت )



_طب ليه ماراحتش الميعاد الي بعده؟

-علشان كانت( ناسيت تو )



_ايه الحاجه الي بتطفو على سطح الميه واول حرف منها (ح)؟

-حته خشبه



_ايه الحاجه الي بتطفو على سطح الميه واول حرف منها (ب)؟

-برضه حتة الخشبة



_طب ايه الحاجه الي بتطفو على سطح الميه واول حرف منها (ن)؟

-نفس حتة الخشبه



_طب ايه بقى الحاجه الي بتطفو على سطح الميه واول حرف منها (ه)؟

-هي هي حتة الخشبه



_ايه الحاجه الي بتطفو على سطح الميه واول حرف منها (إ)؟

-إنت ما بتتعلمش؟ ما قلت لك حته الخشبه

بس مفينيش من ضرب يا جماعة
الموضوع منقول

Meiro
18-02-2006, 12:20 AM
حراااااااااااااااااااااااااااااااااااااااااام يا ميمه كده دا انا بقول عليكى طيبه اهئ اهئ
طيب قول لى : حاجه بيضه طايرة فى الحو تبقى ايه؟
ونقطة سمرة على الحيطة؟
ونقطتين سمر على الحيطة يبقوا ايه؟
تلات نقط سمر على الحيطه يبقوا؟
طيب نقطة زرقه على الحيطه ؟
طيب نقط كتير على الحيطة يبقة ايه؟
واخر حاجه اصلك صعبتى عليه خالص ههههههههههههههههههههههههههه
ليه الفيل بيلبس تيشرت أحمر ؟ وليه مش بيلبس تى شيرت الأزرق؟
وليه لبس دلوقتى التى شيرت الأزرق؟
يا لاه جاوب يا جميل

زهرة الحنين
18-02-2006, 12:21 AM
ضغط علي عليا شويه

ليه ميمه دة انا كنت بعزك زي اخواتي يا شيخه

ابن البلد
18-02-2006, 12:22 AM
قريتهم قبل كده يا ميمة :)

ميمة اسلام
18-02-2006, 12:29 AM
قريتهم قبل كده يا ميمة :)
سوري ابن البلد وانا قوالته دة منقول :uff:

ميمة اسلام
18-02-2006, 12:31 AM
ضغط علي عليا شويه

ليه ميمه دة انا كنت بعزك زي اخواتي يا شيخه

معقولة يا حنين وانا لسة عملت حاجة امال لو تكلميلي علي الباقي مع ميرا وبعدين هو انا لوحدي بذمتك يعني
دة انا غلبان

ميمة اسلام
18-02-2006, 12:36 AM
حراااااااااااااااااااااااااااااااااااااااااام يا ميمه كده دا انا بقول عليكى طيبه اهئ اهئ
طيب قول لى : حاجه بيضه طايرة فى الحو تبقى ايه؟
ونقطة سمرة على الحيطة؟
ونقطتين سمر على الحيطة يبقوا ايه؟
تلات نقط سمر على الحيطه يبقوا؟
طيب نقطة زرقه على الحيطه ؟
طيب نقط كتير على الحيطة يبقة ايه؟
واخر حاجه اصلك صعبتى عليه خالص ههههههههههههههههههههههههههه
ليه الفيل بيلبس تيشرت أحمر ؟ وليه مش بيلبس تى شيرت الأزرق؟
وليه لبس دلوقتى التى شيرت الأزرق؟
يا لاه جاوب يا جميل

ماشي ماشي يا ميرا كل اللي قوالته ان منقول بس شكلك بدبسيني اديني فرصة عشان ارد عليكي الاول
ودوال علي الماشي بس باجابتهم كمان

_ليه البيبسي و الهامبرجر بيجروا في الشارع؟
-علشان وجبات سريعه

_قطه دلخت المطبخ من الباب ليه؟
-كان الباب مفتوح

_حاجه صغيره جدا ماشيه على الارض ولونها من فوق اسود ومن تحت ابيض؟
-نمله لابسه بامبرز

_واحد بخيل دخل الحمام ومطلعش لحد دلوقتي ليه؟
-لان مكتوب على الباب ادفع

_واحد اسود خلف 9 اولاد سود والعاشر ابيض ليه؟
-علشان الحبر خلص

_واحد عايش في الدور 13 بيركب الاسانسير لحد الدور العاشر ويكمل الباقي على السلم ليه؟
-علشان قصير ومش بيطول زرار الدور 13

_فرخه معلقه صورة بيضه ليه؟
-صورتها وهي صغيره

حنـــــان
18-02-2006, 06:15 PM
هوه في منها قديم بس في جديد عليا شخصيا ودمه خفيف جدا!
شكرا يا ميمة عالضحكة. كل الشكر.
حنـــــان

زهرة الحنين
18-02-2006, 06:17 PM
ربنا يخليكي لينا يا ميمه
ههههههههههههههههههههههههههه عثثثثثثثثثثثثثثل والله

ميمة اسلام
18-02-2006, 06:27 PM
هوه في منها قديم بس في جديد عليا شخصيا ودمه خفيف جدا!
شكرا يا ميمة عالضحكة. كل الشكر.
حنـــــان
تسلمي يا حنان علي مرورك وسعيدو ان الموضوع عجبتك
واني شفتك متوجدة معي

ميمة اسلام
18-02-2006, 06:55 PM
ربنا يخليكي لينا يا ميمه
ههههههههههههههههههههههههههه عثثثثثثثثثثثثثثل والله
مرسية يا حنين علي مروروك
تحبي تسمعي شوية رخمة كمان اتفضلي


]_ليه ملخفن بيدهن شقته باللبن؟

-علشان تبقى الشقه مِلك



_ليه ملخبط بيلبس عِمَّه؟

-علشان يعرف راسه من رجليه



_ليه ملخفن بياخد معاه شومه وهو طالع الجبل؟

-علشان لو الشمس ضربتو يضربها



_ليه ملخبط بياخد شمسيه معاه وهو بيعوم؟

-علشان لو الدنيا مطرِت



_ليه الدُّغُف قتل ابوه؟

-علشان يطلع رحله للايتام



_طب ليه قتل عمه؟

-علشان ابن عمه يطلع معاه الرحله؟



_طب ليه قتل خاله؟

- علشان الاجرام بقى في دمه



_طب ليه انتحر بعد كده؟

-علشان رحلة الايتام اتلغت



_ليه ملخفن بيحط رجله على الشباك وهو نايم؟

-علشان يكعبل الناموس وهو داخل



_وليه بيخلي ملخبط ينام تحت الشباك؟

-علشان يخط الناموس وهو خارج



_ليه ملخبط بيحط جمبه دوده لما نايم؟

-علشان الدكتور قالو لازم تنام سبع ساعات معدوده



_ليه ملخبط بيقعد في حفره؟

-علشان يفكر في عمق



_طب ليه ملخفن بيفتح عليه باب الحمام وهو بيستحمى؟

- علشان محدش يبص عليه من خرم الباب



_ليه ملخفن مبيشتريش صابون؟

-علشان ملخبط بيعمله سندوتشات



_ليه ملخفن مبيشتريش مسحوق غسيل؟

-علشان ملخبط بيعمله فوار



_ليه ملخفن مبيشتريش بومب؟

-علشان ملخبط بيقزقزه



_ليه الخشب ياتيم؟

-علشان مقطوع من شجره



_ايه الفرق بين الطفل والسيد قشطه؟

-سيد قشطه بركه الميه بتبقى فرشته وبرضو الطفل بتبقى فرشته بركه ميه



_ايه الفرق بين الى بيقع من الدور الاول والي بيقع من الدور العاشر؟

-الي بيقع من الدور العاشر (آآآآآآآآآآآآآآه,بوم) اما الي بيقع من الاول(بوم,آآآآآآآآآآآآآآآآآآه)



_ازاي نفصل مخلوط رز في زلط؟

-نضرب المخلوط في(1/ زلط) هيفضل الرز بس[/COLOR]

white clouds
18-02-2006, 07:06 PM
ايه الجمال دا يا ميمه

white clouds
18-02-2006, 07:14 PM
ايه الجمال ده يا ميمه الاسلام
على فكره انا مره ايام ثانويه عامه وانت عارفه بقى الضغط العصبى فى الايام دى
قابليتنى فوازير زى دى المهم قررت اقولها لواحده صديقتى عل وعسى نقدر نخرج من جو الامتحانات والخوف
مسكتهالى من ساعتها

ميمة اسلام
18-02-2006, 07:53 PM
ايه الجمال ده يا ميمه الاسلام
على فكره انا مره ايام ثانويه عامه وانت عارفه بقى الضغط العصبى فى الايام دى
قابليتنى فوازير زى دى المهم قررت اقولها لواحده صديقتى عل وعسى نقدر نخرج من جو الامتحانات والخوف
مسكتهالى من ساعتها
انتي اجمل يا وايت كلود
وبعدين انتي كدة بطمنين يعني كل الاعضاء حيمسكه لي الفوازير دة
اية السعادة دة كله
تسلمي علي المرورو

Meiro
19-02-2006, 07:21 PM
ماشي ماشي يا ميرا كل اللي قوالته ان منقول بس شكلك بدبسيني اديني فرصة عشان ارد عليكي الاول
ودوال علي الماشي بس باجابتهم كمان



لا ميمة الاسلام مش بدبس ولا حاجه وبعدين شوفى شويه من اللى عملتيه فينا :mad:
يا لا فرصه أخيرة على ما أخلص امتحانات :o :mazika:

ميمة اسلام
20-02-2006, 11:34 PM
وانا حستناكي يا ميرا لحد ما تخلصي دراستك وتيجي تنوري الموضوع وتحلي الاسئلة
يا سيتي فشلت انا فية


Photo Gallery