المساعد الشخصي الرقمي

مشاهدة النسخة كاملة : حوار ساخر بين رجل وحماته ادى الى هتشوفوا بنفسكوا



LORDKAZA
16-02-2006, 10:11 PM
تبقى قاعد في امان الله مع مراتك وقاعدين تهرجوا تقولها بحبك يا توته وتقولك وانا ..... وفجأه يدق الباب
هو : خير الله اما يجعله خير من اللي جاي لنا الساعه ديه
هي: مش عارفه قوم افتح يا حبيبي
هو : ربنا يستر
ويروح يفتح الباب وللاسف ربنا ما استجبش لدعوته يلاقي في وشه حماته
هو: ( في سره اعوذ بالله من الشيطان الرجيم ) حماتي
حماته : ايوه امال عفريتها جاي يطل عليك ايه كل ده علشان تفتحوا الباب انت وقعت على ودنك ولا ايه
هو: في سرك ( يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه افتكرها يا كريم )
حماته : سرحان في ايه بقى يا راجل يا ناقص اكلمك في التليفون وافولك تعالى بتخانق مع المعلم عكوة الجزار تقوم متجييش
هو : طب ما انا افتكرت ان ولادك اكيد هناك يا حماتي
حماته : ليه هو انا مستغنيه عنهم
هو : يعنى ايه مستغنيه عنى انا وبعدين ده راجل مفترى اخر مرة كان اتخانق مع جاركو اسماعيل الله يرحمه وفضل معلقه في المحل تلات ايام
حماته : انت لو اتهببت مت هالاقي بدالك ميت عريس لبنتي اللي اتعمت لما خدتك واقولها يا بنتي بصيله تقولي بحبه ياماما يابنتي بصي كويس تقولي بحبه اقولها دققي في ملامحه تقولي الموكوسه مالها ياماما اجيبلها صورة قرد وقولها بصي للصورة وبصي له ايه يفرقهم ترد عليا تقولي بحبه ياماما وادي النتيجه اتجوزتك وعملت عمليه ليزر في عنيها ورجعت تشوف كويس ولما فاقت شافتك اتخضت واصرت ان الدكتور يرجعلها نظرها زي ما كان .
هو : كتر خيرك يا حماتي ( في سره يارب مش عايز غير الدعوه ديه وبس خدها خليها تبلع لسانها اكيد هتتسم )
حماته: بنتي حبيبتي معلش نسيت اسلم عليكي اما لاقيت الموكوس في وشي
هي : نورتي يا ماما يا حبيبتي عامله ايه
حماته : كويسه بس الراجل اللي اتعميتي واتجوزتيه رفعلي الضغط
هو : معلش يا حماتي معلش
حماته : وبعدين ايه اللي انت لابسه ده شورت وفانله امال فين الكاب انت فاكر نفسم شغال في سيرك ولا كنت بتسليها وبتعملها فقرة المشي على الحبل طب هو انا غريبه اعملنا عجين الفلاحه ادخل غير واتحشم ، وبعدين جيب لي حاجه اشربها يا عديم الذوق يالا .
هو يدخل المطبخ ويعملها شاي ويبص لعلبة سم الفيران ويقول اخلص منها واخلص نفسي بعدين يرجع ويقول حرام هاروح من ربنا فين
يرد على نفسه ويقول اكيد ربنا هيسامحني لأ لأ اعوذ بالله من الشيطان بلاش ) ويخرج
حمانه : كل ده علشان كوباية شاي موكوس ومدهول يا حظك يا بنتي وتدوق الشاي ايه ده الشاي طعهمه زفت ادخل اعملي واحده عدله يالا
هو : من عنيا يا حماتي (وهو يبتسم مش خسارة فيها العلبه كلها )

ديدي
16-02-2006, 10:18 PM
ههههههههههههه
ليه بس كدا يا هانى
اعمل لبكره
بس حقيقى ظريفة تسلم ايدك

LORDKAZA
16-02-2006, 10:21 PM
شكرا ياديدي بس هو اللي الرجاله بتشوفه من الحماه شويه
دول بيقاسوا

زهرة الحنين
16-02-2006, 10:37 PM
http://www.egyptsons.com/misr/images/smilies/080402cool_prv.gifhttp://www.egyptsons.com/misr/images/smilies/080402cool_prv.gifhttp://www.egyptsons.com/misr/images/smilies/080402cool_prv.gif

هههههههههههههههههه ليه بس كيدا ما احنا ممكن مستقبلا نبئا حموات يا مظلوووووومين يا نا

LORDKAZA
16-02-2006, 10:54 PM
ماهي ديه المشكله الزوجه مسيرها تبقى حماه واللي بيشوفه جوزها مسيره يطلععلى جته جوز بنتها
من الحماة شويه ومن مراته شويه
زهرة الحنين هنشوف انتي هتعملي ايه

نوسة
17-02-2006, 11:57 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههه
مش ممكن يا هانى جميلة
الحمد لله معنديش بنات للجواز هههههههههههههههههههههههههه

LORDKAZA
18-02-2006, 12:00 AM
الحمد لله انها عجبتك يا نوسه بس على فكره مسيرك هيبقى عندك بنات وساعتها وانتي بتعذبي جوز بنتك هتفتكري كل الكلام ده

LORDKAZA
18-02-2006, 12:45 PM
شكرا تاني ديدي شكرا جزيلا

مصطفى عصام
19-02-2006, 05:07 AM
هههههههههههههههههههههههههههههههههههههههههههههههههه هههههههههههههههههههههههه
جبت الكلام ده منين وخصوصا
يا رب الناس كبيره وصغيره بتموت وحماتي اللي خلاص العنكبوت عشش في مناخيرها لسه عايشه افتكرها يا كريم )
جبتها منين انت بجد بتعرف تكتب كوميدي كويس جدا جدا

LORDKAZA
19-02-2006, 06:10 AM
شكرا اخي العزيز مصطفى الكلام ده بيطلع كده شكرا على مجاملتك اخي العزيز

NOOR G
19-02-2006, 11:22 AM
فكرتني بماري منيب
لما اسمع كلمة حماتي على طول افتكر ماري منيب

بنت مصر
19-02-2006, 02:39 PM
يا نهار اسود !!!!!!
سمها بجد؟؟
ههههههههههه بجد لذيذة جدا
بس ان جيت للحق تستاهل عليها لسان صحيح تسمم لوحده :d


تسلم ايدك أخي لورد كازا


بسنت

LORDKAZA
19-02-2006, 07:02 PM
اختي بنت مصر كم دائما يسرني مجرد وجودك وردك على اي موضوع اكتبه شكرا جزيلا
ما هو لو سابها تبلع لسانها

شادو
01-03-2006, 12:43 AM
تبقى قاعد في امان الله مع مراتك وقاعدين تهرجوا تقولها بحبك يا توته وتقولك وانا ..... وفجأه يدق الباب
من عنيا يا حماتي (وهو يبتسم مش خسارة فيها العلبه كلها )

مش خسارة فيها كل انواع السموم

تحياتى

دلوعة مصر
03-03-2006, 10:22 AM
هههههههههههههههههههههههههههه

ميرسي الصراحه

روووووووووووووووووووووووووعه

تسلم أديدك

LORDKAZA
16-04-2007, 04:44 PM
ان شاء بكرة بقية الاجزاء لاني اتأخرت قوي عليكوا

بوكا بوكا
17-04-2007, 08:50 AM
ههههههههههههههههههههههه اما انتوا عليكوا حاجات يارجالة مالها الست يعني مش احسن ما تقوله انا مجهزة بنتي احسن جهاز اغلي سكاكين واحسن سواطير في السوق وأمتن اكياس ممكن تشوفها في حياتك بس لما البنت بس تفوق من عملية تصحيح النظر اللي عملتها وهي تبدأ تشتغل وتستعمل الحاجات دي علي طووووووووول
شكرا شكرا علي انك ضحكتني بالطريقة دي

حبك خيال
17-04-2007, 03:53 PM
هاهاهاهاهاهاهاهاهاها
موضوع زي العسل تسلم ايديك يا هاني
تحياتي لك

سبحان الله
18-04-2007, 04:42 PM
حوار غايه فى الروعه

على فكرة انا عندى علبه سم فئران زيادة ..حد محتاجها؟

اوزير
18-04-2007, 06:51 PM
تسلم ايدك
بس على فكرة مش كل الحماوات كدة

سموره
19-04-2007, 11:14 AM
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه هه
تسلم ايدك يا هاني بس لازم تكتب واحده عن اللي بيحصل من الحموات الستات برضه:d
مش انتوا لوحدكوا اللي مظلومين من الحموات الفاتنات:m19:
هههههههههههههههههههههههههههههههههههههههههههههههههه هههههه
ههههههههههههههههههههههههههههه

LORDKAZA
01-05-2007, 02:54 AM
شكرا لكم جميعا على زيارتكم ويارب بجد تكون عجبنكم

the_chemist
24-04-2008, 08:04 PM
ايه يا عم هانى ده كله

دى حاجة جامدة قوى

فكرتنى بمارى منيب و هى بتقول

صدقينى أنا أمك مدوباهم اتنين

mohamed salama
28-04-2008, 06:24 PM
هههههههههههههههههههههههههههههههههه
فعلا مش خساره 100علبه فيهم

LORDKAZA
17-05-2008, 12:03 AM
اسف في تأخري على الردود وذلك لقرب الانتهاء من كامل الأجزاء ويا ريت تعجبكوا


Photo Gallery