المساعد الشخصي الرقمي

مشاهدة النسخة كاملة : عاشوراء .....كل سنة وانتم طيبين



أم أحمد
09-02-2006, 06:58 PM
كل سنة وانتم طيبين النهاردة عاشوراء
وده تقليد مصري اننا نعمل عاشوراء اليوم
ودي طريقة بسطية اوي لكيفية عملها
يا رب تعجبكم

المقادير

كيلو قمح مقشور
2 معلقة كبيرة نشا
كيلو حليب
نص كيلو سكر
قرفة ناعمة
ماء ورد او فانيليا علي حسب الرغبة
مكسرات مفرومة وزبيب للتجميل


الطريقة
1- ننقع القمح بشوية ماء صغيرين ثم نفركه بين ايدينا لكى نتخلص من القشور.

2- نغسل القمح كويس وبعدين نضعه فى حلة فيها ماء مغطياة على النار.

3- اضافة قليل قليل من الماء كلما احتاج لحد ما يستوى

4- بعد ما يستوى
نتركه حوالى 3 الي 5 ساعات حتلاقيه
نفش وتخن وظهرت النشا فية وحجم القمح زاد


5- نصفى بالمصفاة نص كمية القمح ثم نضعه على
النص التانى الغير مصفى .

6- نضعه على نار هادية ثم نضع عليه الحليب و السكر

7- ندوب النشا فى شوية ماء باردين صغيرين ثم نضعهم فى الحلة

على الخليط
8- نقلب تقريبا حوالى 10 دقائق لحد ما تلاقية تخن

9-نطفى ونغرفه فى الاطباق و نضع على الوش القرفة والمكسرات


وبالهنا والشفا

وكل سنة وانتم طيبين
:f2: :f2:

boukybouky
11-02-2006, 02:50 PM
تسلم إيدك يا قمر

انا عملتها و طلعت زي العسل و اديت منها للجيران كمان ههههههههههه

عارفة مدرسة تدبير منزلي قالت لخالتي أن أصل العاشورا بدون لبن

و جربتها بس ايه طلعت بليلة بنشا ههههههههههههههههههه

طبعاً باللبن احخلي كتير

كل سنة و انت بخير يا رب و تعيشي و تعمليها علي طول

في رعاية الله ،،،

أم أحمد
13-02-2006, 11:03 AM
الف هنا وشفا يا جميل
بس اكيد ما ينفعش نعمل العاشوراء من غير لبن هتبقي صعبة اوي
كل سنة وانت دائما بخير وفي احسن حال

khaled4
13-02-2006, 11:15 AM
تسلم ايدك يا ام احمد

حسام عمر
14-02-2006, 02:27 AM
الف شكر يا ام احمد

واللى عمل ومعزمنيش


ربنا يسمحه

أم أحمد
15-02-2006, 04:35 PM
تسلم ايدك يا ام احمد

الله يسلمك اخي الفاضل





الف شكر يا ام احمد

واللى عمل ومعزمنيش


ربنا يسمحه



لا شكر علي واجب يا افندم
اتفضل والله لسه في اطباق عندي ما خلصتش
جربها دي سهلة اوي

حسام عمر
16-02-2006, 02:34 AM
مين قلك يا ام احمد اني كدبت خبر

عملتها وكلتها

بس والدتى واخوتى رفضوا الاقتراب منها

ولم اعرف السبب

boukybouky
16-02-2006, 02:44 AM
مين قلك يا ام احمد اني كدبت خبر

عملتها وكلتها

الله يسامح اللي بياكل لوحده و مش يعزم

يلا بالهنا و الشفا :)

في رعاية الله ،،،

حسام عمر
16-02-2006, 11:12 AM
كان نفسى حد يدوق معايا


بس بجد كان صعب