المساعد الشخصي الرقمي

مشاهدة النسخة كاملة : تحت دائرة الضوء ( والضيف سمسمة)



الصفحات : [1] 2

محيي ابراهيم
01-02-2003, 12:00 PM
اعضاء المنتدى الاعزاء
من حسن الطالع ان يكشف لنا هذا اللقاء ( تحت دائرة الضوء ) الجوانب الانسانية في ضمائر الاصلاء الذين نتحاور معهم من خلاله
واسامة يس هذا الصديق الطيب الذي عرفناه عن قرب قد جعلنا نفخر ان يوجد بيننا مثل هذا الشاب الانسان وعليه فنحن نقدم له احر امنياتنا له بالتوفيق وشكرنا العظيم على رحابة صدرة وردودة التي امتعتنا.
اما اليوم فنحن في استضافة شخصية في غاية اللطف والحركة والايجابية، وهي احدى اشهر عضوات المنتدى من ناحية المقالب ايضا وعشان كدة احنا انتصرنا عليها النهاردة وعملنا فيها ( لاول مرة ) مقلب واستضفناها هنا عشان نخلص منها القديم والجديد:D
شخصية النهاردة هي مشرفة قاعة التهاني صاحبة الاسم الحركي سمسمة وانا شايف الكل متحفز للسؤال وعشان كدة ايه رأيكم لو نهاجم سمسمة بالاسئلة الان قبل ماتغير رأيها:D

دموع_مجروحة
01-02-2003, 01:47 PM
أولا أشكرك يا أستاذ محيي على المقلب الجميل اللي عملته في سمسة :D وعلى اختيارك العضوة المرحة والمشاكسة سمسة لنقوم بالهجوم عليها بالأسئلة .. :D بعدما أتحفنا الأخ العزيز أسامة بردوده الجميلة على أعضاء المنتدى الكرام .:)

انا مش عايزة أسأل سمسمة بس حبيت أسلم عليها وأقولها عيشي حياتك :D

اسامة يس
01-02-2003, 01:51 PM
الأستاذة سمسمة .....

انت انسانة لك روح خفيفة وخفة دم ملحوظة ....... فاكهة المنتدى يعني ......


السؤال الاول .......
متى يشتد الغضب بك فتنتقلين من روح الدعابة الى الغضب ..........؟؟؟؟

متى تعترفين انك على خطأ ؟
من هو الشخص الناصح لك والي تقي في كلامه ثقة عمياء ؟

واهلا بك ضيفة عزيزة ..........

وادكول مش معقول
01-02-2003, 01:51 PM
يا أهلا .. يا أهلا ..


سمسمة وقعت تحت المقصلة ولا حدش سمي عليها يا ولاد


أسال بقه الاسئلة اللي طابقه علي نفسي .......


1 - سمسمة الاسم المستعار ده ..ايه الاسم الحقيقي اللي وراه ؟
http://www.egyptsons.com/misr/attachment.php?s=&postid=24775


2 - عمر سمسمة المكتوب في البيانات January 1, 1985 ؟؟ بس اللي وصلي انه غير كده واكبر من كده ؟ ايه مدي صحة الكلام ده ؟
http://www.egyptsons.com/misr/attachment.php?s=&postid=24790

3 - متي سمسمة تتكلم جد ؟
http://www.egyptsons.com/misr/attachment.php?s=&postid=24224

4 - ما الذي يغضب سمسمة ؟ ( علشان اعمله ههههههههه )
http://www.egyptsons.com/misr/attachment.php?s=&postid=24990

5 - هل لدي سمسمة المقدرة علي ان تحلف ان اجابتها علي الاسئلة السابقة صحيحة ؟ ولو كان لديك المقدرة احلفي ...؟ هههههههه

ابن البلد
01-02-2003, 02:13 PM
- ما هو وجهه نظرك لموضوع تحت الضوء ؟؟؟


- ما هي أمنيه حياتك ؟؟؟


- خطوة أخذتيها وندمتي عليها ؟؟؟ ماهي ؟؟؟

خالد بن الوليد
01-02-2003, 02:29 PM
بسم الله الرحمن الرحيم ...
حلال الله أكبر .. :D :D :D
اولاً بشكر استاذ محيي ابراهيم على اختيارو سمسة في الوقت المناسب ;)
و أنوه بس على نقطة صغيرة هوة نسيها ( كدة و كدة يا استاذ محيي ;) )
ان قوانين و قواعد تحت دائرة الضوء غير معمول بها مع سمسمة :p

يعني مفيش 3 أسئلة و الكلام ده .. ومفيش اسئلة اختيارية :p
خدوا راحتكم بقى .. :3:
هههههه :1:

هحضر نفسي .. والف لفيتين حوالين الملعب و ارجع اسئل ;)
:4:

deaa
01-02-2003, 03:04 PM
السلام عليكم ورحمة الله وبركاته .....

اختى الغاليه ...

والله انتى نورتى هنا وفى كل مكان ....ولا يهمك من الفخ وغيره ...دولت هما الى وقعو فى الفخ ....لأنك هتردى عليهم ....

البطاقة الشخصيه ...

خفت الدم دى وراثه ولا اكتساب ...

المنتدى بالنسبة لكى ....اين ..

محمد النادي
01-02-2003, 04:07 PM
السلام عليكم ورحمة الله وبركاته فعلا سعيد أن ينبغ أبناء بلدي مصر في المحافل والميادين بجميع أنواعها و بالأخص بنت مدينتي الجميلة المنصورة الأخت سمسمة (تمييز عنصري) وعلى ما أعتقد كما قلت يا أخ يحي أن سمسمة ليست سهلة فهي حويطة ,ذكية,و.....................,وهذا اسنباط من مجرد الترحيب بي :10: :22:

heba
01-02-2003, 04:21 PM
بسم الله الرحمن الرحيم
سمسومه العسوله و الله العظيم
انا بس عايزه اعرف الشقاوه دى جبتيها منين؟
و شخصيتك المتنوعه دى اتكونت ازاى و مين السبب فيها اكيد ست الحبايب؟
كفايه عليكى كده علشان مقصلة ابو شهد قويه شويه0
تحياتى يا حبيبتى

dodyangel
01-02-2003, 04:23 PM
السلامو عايكم اختى العزيزة
واضح من كلامهم انك هرياهم مقالب
احب اعرف اييييييييييييية 1-اوحش
2-احلى

زومبة و مقلب خلصالوليك فى حياتك ;):D:rolleyes:

MAZLOOM
01-02-2003, 07:09 PM
اول علقة فى حياتك كان مدى تاسيرها عليكى اية؟؟
ثانيا مظنيش انيك سعيدة دايما يقولوا اللى بيضحك كتير دة وارة بلاوى:Dاية هى باءة؟؟
ثالثا ودة الاهم انتى











انتى غيورة من اصحابك ولا لاء؟؟؟



شكاكة؟؟



بس كفايا كيدةان قولت اللى عندى الباقى عليكى:D

سمسمة
01-02-2003, 07:20 PM
محيى ابراهيم

اولا تحت دائرة الضوء والضيف سمسمة
خطا شنيع ولا يغتفر عليه ابدا
اسمه تحت دائرة الضوء والضيفة الاستاذة سمسمة
ولا عشان يعنى خليت ابن البلد يغير اسمى يقوم الكل ينسى ان انا كنت استاذة
والله عجايب

والهاء المؤنثة!!!!!!

وكمان تقول مشرفة قاعة التعارف
نسيتم؟؟؟
خلاص عجزت عشان تنسوا ان كنت مشرفة المناقشات
الله يسامحك
عايزين تطلوعنى ع المعاش من بدرى
-----------------------

وانا يالا ها تحت امركم فى مقلبكم فيا وانا مستعدة وتحت امركم ومش هاهرب من اى سؤال

سمسمة
01-02-2003, 07:21 PM
دموع مجروحة

فرحانة فيا ياختى انتى كمان؟؟؟؟

جايلك يوم ان شاء الله

وتسلمى ليا على سؤالك عنى


ماسالتش عشان مابقاش اوريها
انتى حرة كدة كدة لوشوفت موضوعك مش هاسيبك:D

سمسمة
01-02-2003, 07:22 PM
اسامة يس

متى يشتد الغضب بك فتنتقلين من روح الدعابة الى الغضب ؟
اذا حد غلط فى المصريين او جاب سيرتهم فى حاجة وحشة..مصر ام الدنيا
بحبها كتييييييير
بس للعلم انا بتضايق بسرعة اوى على اد ساعات تانية تلاقينى ولا كانى هنا




متى تعترفين انك على خطأ ؟
طبعا مفيش انسان معصوم من الغلط ومش عيب ان احنا نغلط بس العيب ان احنا نتمادى فى الخطا دة ونكرره ومانتعلمشى من اخطائنا السابقة
بس انا من اول مرة بعترف انى على غلط بروح اتكلم مع اللى غلط فيه وانا مكسوفة اوى عشان اصالحه بمعنى اذا حسيت انى انا استاهل اللى جرى لى من اللى انا عملته



من هو الشخص الناصح لك والي تقثين في كلامه ثقة عمياء ؟
اختى الكبيرة

سمسمة
01-02-2003, 07:23 PM
واد كول مش معقول

سمسمة وقعت تحت المقصلة ولا حدش سمي عليها يا ولاد

متخافش جايلك يوم

والاسئلة طابقة على نفسك اوى
ليه يعنى؟؟؟ها؟؟؟عشان مش طايقنى:p

اسمى الحقيقى
سمووووووووووووووووووووووووووووحة
اسمى سماح


عمر سمسمة المكتوب في البيانات January 1, 1985 ؟؟ بس اللي وصلي انه غير كده واكبر من كده ؟ ايه مدي صحة الكلام ده ؟

استنوا استنوا بقى خلى الفيلسوفة سمسمة تحلل وتقول اللى هى عايزاه

مش مصدق ان انا عندى 18 سنة وشهر ليه لان حد وصله الكلام دة

وهو صدق ان انا مثلا عندى 25 سنة ومش عندى 18 سنة

معنى كدة ان دة اعتراف منك بان كتاباتى اكبر من سنى وكتاباتى روعة ومتميزة دايما
شكرا شكرا:D والله احرجتنى اوى اوى:p:p:p




وانا فعلا عندى 25 سنة



















الا ست سنين و11 وشهر

يعنى 18 سنة:D


متي سمسمة تتكلم جد ؟
عندما اتكلم جد بتكلم جد خخخخخخخ

اما بتكلم جد يااما ببقى متضايقة يااما الموضوع لايحتمل الهزار
لان الحياة كلها مش هزار ولازم ان احنا ماناخدش الحياة كلها هزار

وببقى جد اوى اوى فى الشارع
ولا كانى سمسمة اللى بتبقى فى البيت وعلى المضايقات اللى بعملها انا واختى فى بعض

ببقى شكل المحاميين ووكلاء النيابة:D



ما الذي يغضب سمسمة ؟
اقولك ولا بيهمنى

بجد اللى بيزعلنى انى اكون كاتبة مشاركة جد ويترد عليها بهزار
ببقى هاتخنق وعايزة اضربكم:p

هل لدي سمسمة المقدرة علي ان تحلف ان اجابتها علي الاسئلة السابقة صحيحة ؟ ولو كان لديك المقدرة احلفي ...؟

طبعا
احلف بالله ان كلامى صح اسمى سماح وعندى 18 سنة وشهر;)

سمسمة
01-02-2003, 07:24 PM
ابن البلد
يااهلا يااهلا بمشرفنا الغالى

وجهة نظرى لموضوع تحت دائرة الضوء؟؟؟

اقول بجد ولا هزار
عامل زى برامج قناة الجزيرة لما بيجيبوا حد ويغسلوه ويسموا عليه زى ماسميتوا على كدة

او برنامج زاهى وهبى بتاع المستقبل..خليك بالبيت عشان هيستضيفوا سمسمة الاسبوع الجاى:p

بس بصراحة برنامج حلو قصدى موضوع وفكرة لذيذة اوى
ان يكون فيه مابينا تقارب كدة وكلنا نعرف شخصيات بعض ونعرف كل حاجة عن بعض كاننا فى عيلة واحدة وفى مكان واحد بيجمعنا كلنا

بجد برنامج بيقربنا لبعض اكتر قصدى موضوع:p
فكرة رائعة من افكار مشرفنا الغالى محيى ابراهيم

ماهى امنية حياتك؟

انى اكون وكيلة نيابة اد الدنيا واقبض على المجرمين وبالذات بتوع المخدارات
ان شاء الله يارب ياخدهم كلهم

خطوة أخذتيها وندمتي عليها ؟؟؟ ماهي ؟؟؟

ليه مين قالك ان سمسمة بتغلط
دة انا استاذة ودكتورة وعبقرية وفيلسوفة
انا...انا...انا كدابة

اقولك واحدة من اصدقائى قالت لى حاجة تخصها وقلت لواحدة صاحبيتى عليه
بالاصح يعنى فتنت عليها
دى اكتر حاجة ندمت عليها فى حياتى مهما ان كان الكلام اللى قالته

سمسمة
01-02-2003, 07:26 PM
خالد بن الوليد

بص انا هاقولك على حاجة انا هاديلك شلن اقولك خليهم بريزة

وسيبنى فى حالى
هو انا كنت عملت فيك حاجة
دة انا سمسمة الغلبانة

ياعم خلاص خليهم ربع جنيه

سمسمة
01-02-2003, 07:26 PM
ضياء

البطاقة الشخصية

اسمى سماح
18 سنة سنة
تانية حقوق
جامعة المنصورة

وبالنسبة لخفة الدم هى اصلها مضايقات:p مش خفة دم
بس هى وراثة عن خالى


المنتدى
صدقينى المنتدى دة بحبه جدا جدا جدا
والله كل اعضاؤه ناس ظريفة وزى العسل
وناس طيبين كدة بيدولى شلن كل يوم:D

لولا الشلن اللى باخده......:D

المنتدى اول حاجة بدخل عليها فى النت
كنت ناوية اتعلم على البرامج وكدة بس سايبهم يعنى والله بيندهوا على بيقولوا لى تعالى تعالى بعد سنة مش قبل سنة

سمسمة
01-02-2003, 07:29 PM
محمد النادى

اهلا اهلا باللى واكل عيشى اليومين دول
ان مااخدت زباينك منك واكلت عيشك

بس قولى هاكله بايه؟:p


وشرفت معانا فى موضوع
غسيل سمسمة مع همهمة تحت المعمعة

سمسمة
01-02-2003, 07:30 PM
هبة الغالية العسولة

صدقينى انا هادية جدا اليومين دول وزى ماانتى شايفة اصبحت وراء الستار:2:

بس انا ياهبة مش شقية دة انا عسولة بالسكر المقرمش مع الشاى والبسكوت

بس يعنى هو انا طيبة مابعملش فى حد مقالب خالص

اقولك على اصعب مقلب عملته فى واحدة من اصدقائى

احنا تلات اصدقاء فالسنة اللى فاتت واحدة مننا غابت بدون ماتتصل وتقول لنا
فاضايقت انا والتانية واتفقنا عليها
كنا ايامها على وشك ظهور النتيجة
روحت اليبت اتصلت بيها الو..ازايك..قالت:فيه ايه؟..النتيجة ظهرت..قلت لها حاجة زى كدة..البت اتخضت واحمرت واصفرت..قالت لى طيب وانا عملت ايه؟
قلت لها انا جبت جيد وزميلتى التناية جابت جيد وانتى شايلة مادة

:rolleyes::rolleyes::rolleyes:
اتلاقيت البت مابتردش وقالت لى باى

جيت تانى يوم رايحة الكلية روحت وماشية وقعدت جنبها ولا كأن حصل حاجة والتانية كانت قالت لها وانا اجى ابص لها تقوم باصة ليا وعايزة تاكلنى
المهم يعنى كانت عيطت امبارح وعملت عمايل ودعت على المهم بقى صالحتها والموضوع انتهى بس بعد ماخربت مالطة
بس حقيقى زعلت عشانها اوى

سمسمة
01-02-2003, 07:30 PM
dodyangel

اهلا اهلا فراشة بنت ام دودى:p

احلى مقلب
المقلب اللى انا واقعة فيه دلوقتى
كلهم مستفرضين بيا وقاعدين يهرونى اسئلة
بكرة ابقى وكيلة نيابة ولا محامية اد الدنيا وهاوريهم
كل دة يعنى عشان انا لسة طالبة ومش قادرة عليهم












:p



















:p



















:p






اوحش مقلب
مقلب الذبالة اللى على اول الناصية نياهههههههههههههههههها


بصراحة مش فاكرة دلوقتى باليل جايز افتكر وابقى اجى اقولك:D


------------

ادعى عليكم ولا اعمل فيكم ايه بس مشكلتى انى بحبكم
زهقوتنى وطهقتونى من الكتابة والرد

البروف سمسم..:140:

سمسمة
01-02-2003, 07:46 PM
MAZLOOM


اول علقة؟؟؟
انت بتقول ايه ان شاء الله كدة؟
انت متعرفش مين العبقرية الفيلسوفة سمسمة

انت ماتعرفش انى وكيلة نيابة اد الدنيا

مين دة اللى يقدر يضربنى

فشر
فشر
فشر

بس اول علقة كان بصراحة تاثيرها وحش اوى
بس الحاجات دى كانت زمان بقى واحنا صغيرين
احنا دلوقتى عجزنا
انا بقيت طوله هيضرب طوله


غيورة من اصحابى؟؟؟
طبعا وهى دى محتاجة شك
اذا ماكنتش هاغير منهم يبقى مش هاطلع لقدام
بمعنى اصح لازم انه يكون فيه غيرة عشان الواحد يقدر يتقدم بمستواه وبمذاكرته

طبعا لازم اغير مش هاقولك مابغيرش ولا حاجة

شكاكة؟؟

ليه هو انا دبوس:p

ع العموم هاريحك
شكاكة جدا جدا جدا

البروف سمسم..:140:

عبدالحكيم
01-02-2003, 11:38 PM
[/COLORمرحبا اخت سمسمة هو سؤال واحد وارجو ان تتقبليه بروح رياضيه

[COLOR=firebrick]
هل تحبين الصراحة اكثر ام المجاملة]

سمسمة
02-02-2003, 12:03 AM
عبد الحكيم

اوى اوى
تحت امرك ياعم عبد الحكيم
ايوة بحب الصراحة جدا لكن فيه بعض الاوقات دايما الواحد يحتاج انه يجامل اللى قدامه عشان مايضطرش انه يجرحه لو قال على الصراحة

فلازم ان الواحد زى مابيكون صريح بس الصراحة دى ماتكونش سبب فى انى ازعل اللى قدامى منى واتسبب فى جرحه

يعنى زى مااكون صريحة زى مااكون فشاشة برضو

بس ايه لازمته السؤال بقى؟؟؟؟؟
عشان انى دايما بقول لهبة وبسنت انى بحبهم
صدقنى والله بحبهم فعلا
وفيه ناس كتير غالية على فى المنتدى جدا وبحترمهم جدا
وبحب المنتدى اوى اوى اوى برضو:D:D:D

البروف سمسم..:140:

master_of_hell
02-02-2003, 12:03 AM
سمسمة
مترددة امتى
وثقتها فى نفسها لحد فين وامتى الثقة دى تتهز
مغرورة لحد فين

دموع_مجروحة
02-02-2003, 12:36 AM
:eek: :2: :D

ta3mia
02-02-2003, 12:46 PM
انا عايز اسئلك سوال غلس بس بحاول امسك نفسي
علشان كده ها اسئلك سوال مش غلس

يعني البطاقة الشخصية بتاعتك بتقول ايه
عمرك و الحاجات دي ............. و طبعا انا احب اعرف رئيك حول الاحوال السياسية للامة العربية
مشاعرك ............... و توقعاتك

محمد النادي
02-02-2003, 01:57 PM
:1:سمسة الشقية :1: يا بنتي أنا عجوز و مكحكح وشاكلي مش هاعرف أخذ منك حق ولا باطل بلملضتك دهية :53: عالعموم ففيفتي ففيفتي وربنا عالظالم:2:

tannjour
02-02-2003, 02:02 PM
مرحباً أنسة سماح
أولاً أنا بعرف طبعاً من قبل انك من المنصورة ، لذلك اولاً تحية كثير كبيرة لأهالي المنصورة

ثانياً :
أنا هالق كثير منزعج ومعصب من أمر صار معي دلوقتي ، لذلك أنا بدي روح هالق وأرجع بعدين أسألك كم سؤالك وبالمرة بتكوني حضرتي حالك للإجابة على الأسئلة


التوقيع :
رمضان

سمسمة
02-02-2003, 08:32 PM
master of hell

مترددة؟
عندما اواجه مشكلة فى الاختيار بين مدخلات ومخرجات عناصر الانتاج:p
اقصد عندما اواجه مشكلة فى الاختيار بين امرين كلا منهما بين الشنطة البنى والشنطة السودة:p
الصراحة معرفش:D

حدود ثقتى بنفسى كبيرة ولكن هذه الثقة قد يهزها فى بعض الاحيان ماهو اكبر من اراداتى وقدراتى
وبالنسبة للغرور لست مغرورة
مش عشان بكتب احلى مشرفة او انى استاذة ودكتورة!!!!
اعتبره نوع من التشجيع

البروف سمسم..:140:

سمسمة
02-02-2003, 08:35 PM
دموع مجروحة

لا احم ولادستور ولاقانون:p

داخلة حاطة تلات تعبيرات
كل تعبير مختلف تمام الاختلاف عن غيره
فالاول متفاجىء!!
والثانى بيصرخ!!
والثالث يضحك ضحكة عريضة!!

هؤلاء الثلاث تعبيرات يختلف كل منهما اختلافا جوهريا عن الاخر

كيف؟؟

اريد ان افهم مامعنى هذا؟؟؟؟؟

البروف سمسم..:140:

سمسمة
02-02-2003, 08:36 PM
طعمية

سؤال ايه الغلس اللى عايزة تساليه؟؟
اذا كان هيضايقينى خلاص ابعتيه فى رسالة خاصة وساعتها اقرر اذا حيبت ارد عليه ولا لا؟
بصراحة فضول:p

ثانيا بالنسبة للاحداث السياسة انا بقحمش نفسى فيها اوى ومش على اهتمام كبير بيها لكن بقولك هارد برضو
اولا بالنسبة للعدوان على العراق من قبل امريكا فهو مرفوض من كل الجوانب وعلى كل الدول العربية ان تساعد العراق فى قمع هذا العدوان وصده فيجب على كل الدول العربية ان تتحد لان من الواضح ان هذا العدوان غير مختص بالعراق فحسب بل يختص بالدول العربية جميعا ولو لم نقف ضد هذا العدوان وقفة رجل واحد فسوف يشملنا جمعيا فالبداية بالعراق ومن ثم دول الشام ومن ثم فنحن والدول العربية
فكل هدف هؤلاء القضاء على الدول العربية وعلى الاسلام


ثانيا بالنسبة لفلسطين
شعب فلسطينى مهضوم من كل جانب يتحمل كل انواع الظلم والقهر والقسر الذى يصل الى حد التصفية الجسدية لقادة الشعب وذلك تتولاه السلطة الا سرائيلية على مراى ومسمع العالم اجمع ورغم احتجاج هذا العالم.. وثورته وتعتدى اسرائيل على مقدسات المسلمين

ويمكن حل ذلك عن طريق الضغط الاقتصادى مثلما حدث قبل ذلك فهو لايقل خطورة عن الضغط العسكرى وذلك فى اكتوبر 73 وذلك من خلال منظمة الاوبك حيث ستتحول هذه الدول الى حديد صامت

وايضا لاسرائيل عنصر دينى وتاريخى ويتمسك به اذ يرون انهم الشعب المختار من الله سبحانه وتعالى للارض المقدسة بالذات وانهم استعمروها واقاموا فيها مملكتهم قبل الميلاد بالف عام وان لهم فيها مقدسات خاصة
وبذلك ضمت القدس واقامت مستوطنات فى الضفة الغربية

وتلك هى عقيدتهم وهى مصدر كل تصرفاتهم ومرجع كل نواياهم
ومثلما يقولون او بمعنى اخر مثلما هو واقع حقيقة اسرائيل هى احدى ولايات الولايات المتحدة فى الشرق

وشعارهم الذى يتشدقون فى كل مكان به دائما هو الارهاب
ويكفى ماحدث لهم بالامس لكى يدل على غضب الله عليهم وايضا اسلم عدد كبير من الامريكان من بعد احداث 11 سبتمر

وشعورى هو ككل مواطن يحب وطنه واخوانه ويحب لهم الخير وككل العالم نتمنى ان نعيش فى سلام وليس فى حالة حرب وايضا ان ياخذ روح الاسرائيلون ومن قبلهم امريكا:D

tannjour
03-02-2003, 03:53 AM
أبو صيام جا عالشان يشكر الإستاذ محي على هذه المقابلة مع الأنسة سماح
الشهيرة باسم سمسة ويسألها كما سؤال على رواق وان شاء ترد على الأسئلة
برواق برضو



أنسة واسمحي اقول لك سمسمة مش سماح مع انو اسم سماح حلو برضو بس انا اتعودت على اسم سمسمة

أول سؤال وأظن أنو أحد الأعضاء المحترمين سألوه ليك بس انت ماردتيش وانا عاوز الرد حالاً وسريعاً لو سمحت من غير تملص من الإجابة ، السؤال كان :
أيه هي أمنية حياتك التي تتمنيها

السؤال الثاني :
بعد ماتتخرجي ان شاء الله وتبقي وكلية نيابة أد الدنيا ، وكان فيه متهم قدام يستاهل الإعدام قام دفع للقاضي كم قرش يعني والقاضي دفع لك برضو عالشان يحكموا على المجرم براءة ولنفترض ان المتهم كان قاتل وكان التهمة لابسها مئة بالمئية في الحالة دي وفي الزمن المادي البغيض هذا هل تاخدي ال كم قرش دول وتسيبي القاضي يحكم على القاتل بالبراءة ولا تاخدي بالقيم الإنسانية التي تربيتي عليها وماتسمحيش أنو رجل قاتل يبقى طليقاً في المجتمع ويبقى خطر على المجتمع كله

السؤال الثالث :
لو لم تكوني تدرسي حقوق فماذا كنت تودين أن تدرسي

ربنا ينجحك في دراستك وتبقي وكيلة نيابة اد الدنيا وسلام كبير أوي لكل أهالي المنصورة ابقى سلمي عليهم فرداً فرداً

خالد بن الوليد
03-02-2003, 07:27 AM
سمسة !! فين الربع جنيه :mad:

طيب مش مشكلة .. ازيك الاول :)

س1 : انتى اختارتي الحقوق .. ولا التنسيق ;) ؟
س2: تقبلي تتجوزي براجل متجوز .. و ليه ؟
س3 : لو زوجك (ان شاء الله ) :)قالك مفيش شغل ولا نيابة ولا محاماه و تقعدي في البيت .. هتعملي ايه ؟ ;)

يجعله عامر :3:

بنت مصر
03-02-2003, 01:08 PM
سمسمة ازيك وعاملة ايه تحت دايرة الضوء
انا بصراحة بحب اجي متأخر عشان اكون قريت كل الاسئلة


وكمان ماتخافيش يا حبيبتي مش حكتب لك اسئلة صعبة



السؤال الاول
صفة اخدتيها من والدك وفخورة بيها
وصفة من والدتك وفخورها بيها ايضا


السؤال التاني
ماذا تحبي في صديقتك
وماهي العيوب التي يمكن لك التغاضي عنها
ومتى تري انك لا تستطيعي مواصلة صداقتك معها



السؤال التالت
لو طلبت منك ان تصفي لنا شخصيتك فماذا ستخبرينا


وبالهنا والشفا


بسنت

سمسمة
03-02-2003, 09:46 PM
تنجور

امنية حياتى؟؟
انا قلت عايزة ابقى وكيلة نيابة وانى اتخرج من كليتى
ايه العيب فى كدة او ايه النقص فى كدة؟؟؟؟


بالنسبة للمجرم؟؟

مش عارفة..لسة ماقررتش اذا ادالى ربع جنيه هاسكت وهاوافق

طبعا لا وابدا
ازاى اسيب واحد خرق القانون وتعدى على حقوق الاخرين وانتهاكها واسيبه طليق حر يشرب الماء
مش ممكن حتى ولو رشوا القاضى هاعمل باكتر مافى عشان تظهر الحقيقة

===>مثالية اوى

لو مادرستش حقوق كنت هادرس هندسة

البروف سمسم..:140:

سمسمة
03-02-2003, 09:48 PM
خالد بن الوليد


انت لسة فاكر؟؟


بص هابعت الربع جنيه من هنا لحد اول الشارع ومن بعد اول الشارع هاخدتاكسى لحد اول المنصورة وبعدها اخد عربية من هنا لحد المطار هاقابل هناك مضيفة لابسة تمنتنا(دة لون هدودمها)وهى واقفة هتاخد الربع جنيه وتروح على مكتبها وبعدها تركب طايرة تسافر بيها على الامارات تروح تطبخ جزر لمامتها وترجع ومن بعدها تاخد بعضها على الكويت تروح لبابا تاخد منه فلوس وترجع عشان تروح على عمان ومن هناك هتدخل على موزمبيق وهناك هتلاقى عود قصب اسود هتاخده معاها وبعدها تاخد بعضها وتطلع على زبمابوى عدل وتروح تفصل جزمة خضرا على الموضة وترجع وبعدها تروح على السعودية تدخل على الرياض باول مطعم يقابلها تاكل فيه نص فرخة وتمشى تروح على مكة وتاخد لها اتنين كيلو توم عشان مامتها عايزاه وبعدها تطلع على المدينة تستناك هناك
هتلاقى معاها الربع جنيه

نجاوب بقى على الاسئلة

بانسبة لاخيار الحقوق
انا كنت علمى رياضة وجبت 92% فى تانية وكنت ناوية ادخل هندسة ولكن بقى ماذكرتش الفيزياء جبت فى تالتة 85 و3 من عشرة اهم حاجة التلاتة من عشرة وكان ليا ادخل اداب او تجارة بس فضلت حقوق
ولو قالوا لى مجموعك دلوقتى ممكن يدخلك هندسة مش هادخلها


اتجوز راجل متجوز..وليه؟؟؟
لا طبعامع لسلامة مايلزمنيش
هى اولا موجود له اربع شرعا وانا ست العارفين بكدة ولكن ماارضاش ابدا حتى ولو كان زوجته التانية فيها عيب
لان اللى ماقبلوش على نفسى ماقبلوش على غيرى

اه متفقة معاك ان لايجوز الرفض
بس تقريبا عرفنا فى مصر ان الرجالة اللى بتتجوز علىمراتاتهم مابنحترمهمشى ولا الست اللى بتاخد واحد من مراته

وانا بقول اهوه من دلوقتى عشان محدش يدخل فيا شمال الرجل محلل له اربع نساء وانا ماليش الحق انى اعترض على كدة

بس زى ماتقولوا كدة ان المصري بيراعى شعور زوجته حتى لو كان فيها عيب وانه لو حتى عايز اولاد بيفضل انه يعيش معاها ولاانه يتجوز عليها ودى حقائق موجودة عندنا فى الشارع ومش واحد بس

بس برضو لا وستين لا كمان

بالنسبة للسؤال التالت؟؟
هاخلعه..اعمل فيه ايه يعنى؟؟..دة انا محامية

بس والله حرام مش بعد ماالواحد يكون تعب فى المذاكرة واسيب الكمبيوتر وانا قاعدة فى الاودة بذاكر ومتغاظة انى مش قادرة افتحه وهما قاعدين بارة يتفرجوا على التلفزيون وانا اللى قاعدة مقهورة فى المذاكرة
وفى الاخر بعد دة كله اقعد فى البيت..يالهوى

بس على فكرة انا مقتنعة جدا بانى لازم انا اللى اربى ولادى بنفسى
لانى بشوف حالات الناس اللى بتشتغل قدامى وقافلة على عيالها ورايحة كل يوم تتمختر على الشغل وولادها قاعدين لوحدهم ومنظرهم فى البلكونة ومقفول عليه الباب بالمفتاح
بالذمة دى تربية وتسيب لهم المصروف اد كدة عشان يبعدوا عن دماغها

بصراحة مش قادرة اخد قرار حاسم فى الموضوع
لان انا نفسى اشتغل محامية اه ونفسى انى اكون وكيلة نيابة بس اذا كان دة ممكن ياثر على مستقبل اولادى....
بس لا برضو انا مش ابقى جاية ادخل المنتدى اقعد ساعة بالعافية وبعدها اروح اذاكر ومش عارف ايه وفى الاخر مااعملش حاجة باللى عملته دة

البروف سمسم..:140:

سمسمة
03-02-2003, 09:49 PM
بسنت


اهلا بيكى تيجى متاخر تيجى بدرى احنا تحت امرك فى اى وقت

صفة من والدى؟؟؟
الجدية
جايز انها تكون غريبة على شوية بس انا برضو مش هايفة فى كل الاوقات

صفة من والدتى؟؟؟
الموازنة فى الراى
بس مش فى كل الحالات دايما بكون موزانة فى راى بس يعنى لما بيتجى حالات الاتزان دى

ياواد ياواد
ولا حد يعرف يكلمنى

اللى بحبه فى صديقتى؟؟
الهزار والمشاكسة
ماجمع الا اما وفق يعنى

العيوب؟؟؟
صراحة مااقدرش اقول ..حاسة انها لو حتى مش شايفانى ولا هتشوف كلامى انها ممكن تزعل
او انى باجرحها او كدة

بس فيها عيب بقى اللى لازم اقوله
ساعة المحاضرة تتكلم وتهزر كتير ..يابنتى اسمعى..يعنى دقيقة مع الحاضرة ودقيقة كلام
ببقى عايزة اخنقها بس اللى ورايا بيسكتوها

امتى مااقدرشى انى اواصل صداقتى معاها؟؟
اذا اتغيرت اخلاقها الكويسة لان الصديق ماهو الا مريا لصديقه واذا كانت هى اخلاقها وحشة هيتقال على نفس الكلام حتى لو انا مش زيها بس اكيد هتاثر بيها بعد كدة واقلدها

اقولك على حاجة تعرفى انا صاحبت كم واحدة قبلها 4 وسيبتهم
فيه منهم اللى تكلمنى عشان مصلحتها وبس وماتعرفنيش الا وقت ماتكون عايزة حاجة ومنهم اللى اخلاقها مش كويسة
بس كان صعب اوى الموقف دة على جدا انى اسيب صديقتى
بس ايه اللى فى ايدى اعمله..

وصف شخصيتى؟؟
صعب اوى الموضوع دة
يعنى اقولك انا طبعا لازم هاقعد اتكلم عن مميزاتى وهاقول بعض العيوب
سؤال صعب حرام عليكى
اللى يرد عليه هما اصدقائى..باعتبره نوع من التفاخر تقريبا
بس انا بقى هاقولك على عيوبى
مابعرفش اطبخ..عنادية..رخمة..بحب اضايق اللى قدامى..بحب الهزار اوى وانى اكون دايما مبسوطة ومش عايزة حاجة تضايقنى..ساعات مابسمعشى كلام بابا وماما

البروف سمسم..:140:

MAZLOOM
05-02-2003, 11:12 AM
dfsdfsdsd

MAZLOOM
05-02-2003, 11:16 AM
بس بيقولو كتير من الاوقات الجنون بيحل مشاكل بتخدى بالمنطق دة
اصرف مافى الجيب ياتيك مافى الغيب اية رايك فى المثل دة
لو مكنتيش من جنس البشر تحبى تكونى اية ؟:D:D:Dسؤال مهم جدااااااا

ta3mia
05-02-2003, 12:16 PM
يا استاذه سمسمة
احتكرتي الجمال لوحدك ............. و بقيتي انتي اجمل مشرفة
انا ما عنديش اعتراض .... بس بجد يا سمسة انتي حكايتك ايه

سمسمة
05-02-2003, 03:00 PM
ta3mia


اسمحى لى اقولك ياطنط طعمية:p..توا توا..اقولك ياحاجة..لابرضو..اقولك يانينة:p:p:p:p:p

احتكرت الجمال لوحدى

انا ماعملتش احتكار اقتصادى على حد ان من مش فوزية البوراجزية
انا مابستغلش عوامل الانتاج فى المجتمع

وبقيت اجمل مشرفة
ليه؟؟لو عايزة تكتبى انتى كمان انك اجمل مشرفة انا ماحوشتكيش
اكتبى ياستى

انا ماعنديش اعتراض

زى اللى بتقول انا عندى اعتراض بس مش بتقولها بوضوح
يعنى عندك اعتراض..ليه بقى؟؟...مش مصدقة انى احلى مشرفة فى المنتدى
دة انتى لو شافتونى

هتلاقينى عسل



















خلصت صلاحيته:p


بس بجد انتى حكاية ايه؟؟
اى حكاية؟؟..انا ماليش حكاية..دة انا سكر نبات

قول لى بقى تقصدى من كدة ان انا بتقنعر عليكم
لا انا مابتقنعرش



















انا بتفاخر بس:p


وكمان فيه حاجة انا مش كاتبة ان انا اجمل مشرفة انا كاتبة انى احلى مشرفة

فيه فرق بين الجمال والحلاوة

الجمال دى جمع جمل اللى هو الابل:p

اما الحلاوة دى الحلاوة الطحينية
وانا بقى حلاوة طحينية:p
مش جمل..انا جمل..ليه؟..قالوا لك على من الصحرا

طيب انا هاريحك ياطنط واغيرها



بدل مااكتب احلى مشرفة فى المنتدى


















هاكتب



















هاكتب



















اعسل مشرفة فى المنتدى
اعسل دى اسم التفضيل من عسل
بس عسل مالهاش اسم تفضيل
يعنى اسم التفضيل الاصح يكون الاكثر عسولية
بس اختصار للوقت والمكلن والمجهود هاكتبها اعسل

قولى لى بقى عايزة تقول ايه ياطنط؟؟؟؟؟؟

البروف سمسم..:140:

سمسمة
05-02-2003, 03:04 PM
MAZLOOM

المشاركة الاولى
مالها يعنى؟؟ها؟؟كتبت بالانجليزى وبعدين ماعرفتش تمسحه:p

وكمان التلات ايام مش خلصوا لسة جاى تسال ليه؟؟

بس عموما هاحل

الجنون يحل مشاكل
لا طبعا مابيحلش مشاكل لانه ممكن يحل مشكلة ويعقدها من الناحية التانية

اصرف مافى الجيب ياتيك مافى الغيب؟؟
مثل كداب
لان دلوقتى معايا فلوس واصرفه واقول ربنا هايدينى

بتشوفنى يعنى بخيلة ولا لا؟؟
بس احنا نحسب لبعد كدة

صحيح مش ماشية بالمثل دة مع بابا
ماليش دعوة لما بكون عايزة حاجة باجيبها
بس انا عارفة كويسة ان بعض الطلبات دى ملهاش لازمة وان اللى هاحافظ عليه دلوقتى هيكون بتاعى بعد كدة
بس برضو

لو ماكنتيش من جنس البشر احب اكون ايه؟؟
احب اكون زى ماانا من جنس البشر ومااعترضش على الخلقة اللى ربنا خلقنى بيها

البروف سمسم..:140:

maistro
16-02-2003, 04:30 PM
سمسمة
فعلا انتى حتة سكـرة
ولا نقول حتة مارون جلاسيه
المهم
انتى ليه سمسمة مع ان مشاركاتك كلها نصف سمسمة !! :D
بهزر طبعا وـوعى تزعلى منى واعتذارى يسبق ردك !!
---
1-لو كان معاكى 3 رصاصات على من من الأعضاء تطلقيهم بالمنتدى ؟!!
2- ولو كان معاكى وردة حمراء هتهديها لمين ؟!!
3- ولو معاكى 3 حقائب وزارية ( الاعلام - المواصلات - الخارجية ) يا ترى مين من الأعضاء فى نظرك يقدر يقوم بهذه المهمة الوطنية ؟!!
4- ترشحى مين من الأعضاء أن يكون أخصائى اجتماعى للمنتدىة؟!!
--------
المايستـرو

سمسمة
16-02-2003, 08:37 PM
maistro
انتوا كلكم بتقولوا لى ان انا سكر عشان عايزين تشربوا الشاى


برضو مش هاعمل شاى

3 رصاصات على مين اطلقهم
اقولك مين اول واحد عارف نفسه فجر فيا تلات قنابل قبل كدة
تلاتة؟ لا ..دول كانوا اربعة وادكول مش معقول
تانى واحد..اقول...هيضربنى...شمس الدين..عشان اخد منى المناقشات:p

تالت واحد ابن البلد عشانه المشرف العام وعملنا انتخابات عشان انا اللى اخد الاشراف العام من زمان بس هو اللى كسبنى ومازلت عند وعدى وهاكسب الانتخابات يعنى هاكسبها(واجيب جهازى منين..ماعندك عبد الرحيم عمرو)


لالالالالالالالا
كلكم غاليين على اوى وانتوا عارفين ان انا بهزر ماشى؟؟

هو مش هزار اوى..مش هزار اوى اوى يعنى:p
لا اوعوا تزعلوا

الوردة الحمراء
فيه وردة حمرا ووردة بيضا لو خلطناهم على بيض هيديلنا بمبمى
ههههههههههههه
نكتة بس بايخة :D
ولو جبنا اللون الاخضر وخلطناه على الاحمر هيديلنا بنفسجى
ههههههههههه
نكتة بايخة رقم 2
ولو جبنا اللون الاصفر وخلطناه على الاحمر هيديلنا برتقالى
دى بقى مش نكتة دى حقيقة
المهم ان لو معايا وردة حمرا اعطيها لبابا حبيبى بحبه اوى بابا
كل يوم بيجيبلى موز وفراخ(مع انى مابحبش الفراخ)
شايفنى يابابا بقولك اهوه لو معايا وردة حمرا هدهيالك
سيبنى بقى اقعد قدام الكميبوتر على طول:2:

لو معايا تلات حقائب(يعنى شنط ولا ايه يعنى)هى الوزارة بتتحط فى شنط اليومين دول:p
انا عن نفسى ممنوع هاخلى حد يفتح الحقيبة بتاعتى او ياخد منها اى حاجة
اما بقى عن الوزارات
يعنى السؤال دة ماكنش له لازمة
لانه انا اجدر واحدة تقوم بالمهمة دى طبعا
ولا عندك راى تانى:mad:

وزارة الاعلام
اقولك مين ميس فيرجو
عشان هى مشرفة قاعة الفن ههههههههههه
لا اقولك مين واد كول مش معقول بيتهقلى(مش بيتهئلى)لانه بشوفه انه بيكتب عن الفن دايما

المواصلات
اقولكم مين خالد بن الوليد
عشان يسمى على الفراخ جنب اشارة المرور هههههههههههه
بايخة بايخة

وزارة الخارجية
لشمس الدين طول النهار باين قاعد قدام الجزيرة ل cnn ومنها على قناة ann للمنار مابيسبش ولا موضوع فى السياسة
انا مابقرش انا بحسد بس:p

ارشح مين للمنتدى؟
بسنت وهبة والله برضو بحبهم وهارشحهم هما

البروف سمسم..:140:

ملاك الحب
02-08-2003, 08:21 PM
مساء الحب:)
باين إني جييت متأخر أوي...
لكن ملحوقة...أنا عايز من بعد إذن الأستاذة سمسة أسألها كم سؤال...:5:
س 1 : أكثر شيء تحبينه في الحياة؟
س 2 : أكثر شيء يخجلك؟
س 3 : أكثر شيء يبكيك لا سمح الله؟
س 4 : أكثر شيء يضايقك و يزعجك؟
س 5 : أكثر صديقة تحبينها في المنتدى؟
س 6 : أكثر عضو تعتتبرينه قدوة لك؟
س 7 : أكثر عضوة أو عضو ترينه غير معجب بشخصيتك؟
س 8 : أجمل صفة فيك حسب ظنك؟
س 9 : أسوأ صفة فيك باعتقادك؟
س 10 : متى تصابين بخيبة أمل كبيرة؟
س 11 : هل شعرت مرة أنك كنت أنانية في تصرف ما؟
س 12 : السؤال المهم جدا: لماذا تفكرين في ترك المنتدى عن قريب؟أرجوا وجود أسباب مقنعة..:2:
و دمت في أمان الله وحفظه وشكرا على الإجابة مسبقا..
بالحب نلتقي بالحب نفترق:)
سمسم

سمسمة
18-09-2003, 02:04 AM
ملاك الحب

طبعا بتأسف جدا على التأخير فى الرد

بس بصراحة نسيت:D

بس اسئلتك كتيرة اوى

وكمان حاسة انه مش من حقى الرد

عشان الباقيين:o

بس يالا

وكمان انت مش موجود من زمان ليه..ان شاء الله خير

بسم الله والله اكبر

نبتدى

س 1 : أكثر شيء تحبينه في الحياة؟

الافلام الهندية:D

س 2 : أكثر شيء يخجلك؟

اسئلتك صعبة اوى:2:

درجات السنة دى

س 3 : أكثر شيء يبكيك لا سمح الله؟

حاجات كتير..يعنى بزعل على طول

س 4 : أكثر شيء يضايقك و يزعجك؟

لما الانترنت يتشال عنى خخخخخخخخخخخ

س 5 : أكثر صديقة تحبينها في المنتدى؟
هبة وبسنت واشجان وجنان الفردوس ولينا

س 6 : أكثر عضو تعتتبرينه قدوة لك؟
فيه اعضاء متميزين كتير فى المنتدى

بسنت

س 7 : أكثر عضوة أو عضو ترينه غير معجب بشخصيتك؟

نهارك ابيض عايز توقعنى فى اعضاء المنتدى ولا ايه

زى مافيه ناس كتير بيحبونى اكيد فيهناس مش طايقنى بس بصراحة مااقدرش احدد مين

لان اكيد اللى مش طايقنى دة مش هيرد عليا

س 8 : أجمل صفة فيك حسب ظنك؟

مرحة

ياخرابى انت جايب الاسئلة دى منين

س 9 : أسوأ صفة فيك باعتقادك؟

طولة البال مع انه مش دايما خخخخخخخ

س 10 : متى تصابين بخيبة أمل كبيرة؟

عندما يخزلنى صديق عزيز

س 11 : هل شعرت مرة أنك كنت أنانية في تصرف ما؟

اه:o

السؤال الاخير
خلاص اتحل من بدرى:D


البروف سمسم..:112:

lina
18-09-2003, 03:11 AM
سمسومه القمر زعيمة بنات المنتدى والمنتديات المجاوره

مش عارفه اقولك ايه بجد انا اول مره اشوف موضوعك ده

راااااااااااااااااااااااائع
رااااااااااااااااااااااااااااائع
راااااااااااااااااااااااااااااااااااائع
(3 رائع) خخخخخخخخخخخخخخخ

وعد مني هرجع تاني بس اصل الوقت متأخر عندي دلوقتي

الف شكر ليكي على ردودك العسل يا عسلللللللللل

سلام يا ست البنات
لينا :)

عبدالحكيم
18-09-2003, 06:15 PM
بسم الله الرحمن الرحيم
في البديه اود ان اشكر اخي محيي على هذا الاخيار الرائع
سمسمه :)
من اي مدينه من مصر انت وبس
ولك كل الاحترام والتقدير

lina
18-09-2003, 07:15 PM
سمسومه حبيبتي

1- اي اكتر لون بتحبيه

2- 3 اسماء بنات بتحبيها و 3 للصبيان

3-اكلتك المفضلة

4- ايه احب غرف البيت لنفسك

5-ابرز هوايه ليكي

6-مطربك ومطربتك المفضلين

7-ايه رأيك في بنات الايام دي وبكل صراحه

يا رب تكون الاسئلة خفيفه

باي باي يا سماسم
لولو :)