المساعد الشخصي الرقمي

مشاهدة النسخة كاملة : سؤال صعب جداً يحير الي ميتحيرش



الصفحات : [1] 2 3

حتة سكرة
31-01-2006, 08:42 PM
[CENTER]ياترى عاوز تقول وتهدي لمين كلمــــــــــــــة "أحبـــــــــــــــــــــــــــــــــــــــــــك"؟ ؟

متهيألي السؤال حيكون صعب قوي عند ناس وعند ناس سهل



ها مين أول واحد حيقول أنا بحــــــــــــــــــــــــــــب ...................:l: :y:

LORDKAZA
31-01-2006, 08:52 PM
بتحبي مين حتة سكرة
انتي مش هتردي وعايزة توقعينا في الكلام.......
انا عن نفسي عندك شجاعة
انا بحب ........................
السلام عليكوا

ميمة اسلام
31-01-2006, 11:20 PM
انا شجاعة وحقول
انا بحب
مامي وبابي اوي

saladino
31-01-2006, 11:22 PM
وانا بروضو بحب حاجات كتير

ولاتعليق
حتة سكرة بلاش السؤال السهل الممتنع

badry_1986
01-02-2006, 05:11 AM
انا بحب ربنا وبحب محمد صلى الله عليه وسلم واقوله
اننا كلنا فداك
انى اضحى بعمرى ودمى وحياتى فداه
انى اموت ولا اسمع كلمه من خنزير عليه

حتة سكرة
02-02-2006, 07:52 PM
أكيد كلنا بنحب ماما وبابا وربنا والرسول وأخوتنا وبلدنا

بس انتم فهمني سؤالي

هااااااااااااااااااااا

جوبو بجد

بلاش دلع

عصفور الشعر
03-02-2006, 12:26 AM
لو قصدك الحب العاطفى

يبقى بحب فعلا ... وحبيبتى هى زوجة المستقبل بإذن الله .. وهو دا الحب العاطفى الحقيقى ...والمتكامل .. والشرعى ...حب فى النور .. حب ربنا بيبارك فيه .. وبيظلله بالموده والرحمه ..غير كده من ..وجهة نظرى... بعد تجارب عشتها ..و عايشتها .. بيبقى حب قاصر .. ليس له محل من الاعراب .. مثل ورده ناضره .. قطفناها من البستان ...ووضعناها فى كوب من الماء ..بعيدا عن الشمس والنور .. قد تظل يانعه لفتره ... ولكنها سرعان ما تموت .. لأن ليس لها أصل راسخ

لو الحب بمعناه العام والشامل

أنا بحاول احب كل شئ خلقه ربنا .. لأن الحب... بمثابة غسول ومطهر للقلوب.. من بعض الأسقام التى قد تصيبنا .. والحب فعل .. وليس مجرد معنى يموت على الشفاه .. أو مجرد كلمه نسكبها على الأوراق


يارب أكون وفقت فى اجابتى على سؤالك يا سكره

خوكى

توت

LORDKAZA
03-02-2006, 12:35 AM
قبل اما هي ترد احب اقولك عصفور الشعر ردك جميل جدا جدا
اما انا عن نفسي فبحب هيفاء وهبي
هيفاااااااااااااااااااااااااااا

ميمة اسلام
03-02-2006, 12:35 AM
انا فعلا بخاول اني احب كل شيء حولية لكن معني الحب العاطفي اللي انت بتتكلمي عنه مش عرفة حسة بيقين كامل اني صعب القي واني لو لقيته يبقي حتخدع فية لان مراية الحب عمية زي ما بيقولة وعشان كدة بتمني اني اتجنب وابعد عنه و شيفة ان فعلا الحب الحقيقي حيكون مع الانسان اللي حرتبط بية بس انا كمان شيفة ان من الصعب جدا القية او بجد بجد ما نخضعش فية وكمان دايما بسال نفسي هل صح اني احب انسان و ارتبط بية ولا احب الانسان اللي يعجب بي ويتقدم لي يعني حب قبل الارتباط الرسمي ولا بعدة وهل دة صح ولا غلط بصراحة مش عرفة عشان كدة بقول الافضل اني ما ارتبطش وان كدة مستريحة برضة

badry_1986
03-02-2006, 02:29 PM
رد ميمه صح الصح (من وجهه نظرى الشخصيه):good:

ما دام مش هنلف وندور يا حته سكره وهنجاوب على طول

يبقى لسه سايب الحب ده شويه يمكن لما الواحد يقول يا ارتباط يبقى ساعتها يحب

لكن افضل احب فى واحده لما يجلى العصبى وكده كده مش هرتبط قبل 4 سنين يبقى بعذب نفسي

ولو هى بتحبنى يبقى بنتعذب سوى:hop: :3:

لكن انتى مقولتيش ؟؟ انتى تقوليها لمين الكلمه دى ؟؟؟ ولا هتهربى برضه ؟؟؟؟؟؟؟؟؟؟؟

حتة سكرة
03-02-2006, 05:33 PM
أحلى أجابة وأحلى رد من عصفور الشعر طبعا ااااااا شكرا لمشاركتك معانا

حتة سكرة
03-02-2006, 05:35 PM
وشكرا لأجابتك يا أميمة

ولبدري باشا طبعا

ولأحلى لورد

badry_1986
03-02-2006, 05:42 PM
هربت من الاجابه زى ما كنت متوقع *25*

Basio
05-02-2006, 03:42 AM
ههههههههههههههه هدي نفسك ياحوده :d اعصابك ياسبعى :d
السؤال سهل بس مينفعش الاجابه عليه بس ممكن تهرب منه مع وجود ابتسامه :2:
يعني هي مش هترد عليه عشان نعندهاش الجراءة اللى سالت بيها :)

بس انا هرد عليه عشان عندي الجراءه اللى مش عندك ياحتة سكره :)

انا فاكر اللى حبتهم وحده ورا التانية :d

خمسة ابتدائي : ماما ماما انا عايز اتجوز هبه
ماما : هبه مين ياحبيبي
انا : هبة زميلتي اصلها حلوه اوي وكمان اشطر واحده في الفصل
ماما : طب لو بقيت اشطر منها انا هجوزهالك
وفعلا : طلعت التاني على المدرسة في سبيل اني اتجوز هبه :d
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

الاعدادي : طلعت من المدرسة الخاص عشان اسباب ماليه ساعتها ( الحمد لله)
يعني بعد عن حبيبه القلب هبه
شهر والتاني نسيتها :(
وكان قلبي مقفول ساعتها وبدا مشوار الفشل بعد النجاح اللى كان في ابتدائي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ثانوي :
رجعت تاني المدرسة الخاص :good:
وفي اول يوم اقعد ادور على هبه مفيش هبه فين هبه مفيش هبه
اسال عليها : دي مشيت سافرت مع اهلها الخليج :n: :( :(

في فرح شوفت بنت الخاله اللى مكنتش بشوفها قبل كده ............... بس هي دي :good:

سنة ورا سنة حب من طرف واحد على ما اعتقد روحت في تجرات وقلت لماما انا بحب
ماما : كنت متوقع نفس الرد الحنين اللى قبل كده .............. ولد انت في ثانوية عامه ولازم تذاكر سيبك من شغل العيال الصغيره ده :( طيب طيب وخد دش ساقع اوي اليوم ده :n:

طيب والله منا ماذاكر وده برده مشوار تاني للفشل ودخلني خدمة اجتماعية :sad:

____________________________________________

الكليه : اي يعم الحب ضيعك وبهدلك كده ليه ياعم روميو
انا مش هحب تاني ومن ساعتها عندي عقده نفسية من الحب
وقلبي مقفول لغاية مبنت الحلال هية اللى تخبط عليه

:4: :4: :4: :4: :4:

نوسة
08-02-2006, 02:56 PM
ياسلام اية العقد النفسية اللى انتم فيها دى كلكم بتضحكوا على نفسكم
كلنا بنحب ماما وبابا وربنا والرسول

وكلنا حبينا فى ابتدائى واعدادى وثانوى وان كنا مش عارفين فى ابتدائى واعدادىنعبر
فى ثانوى يمكن حبينا نكون اكبر من سننا وكبرنا وكلنا دورناعلى الحب

بتتكلموا كان الحب عيب او حرام

الحب دة اجمل ما فى الوجود الحياة الحب والحب الحياة
ودى مشاعر طبيعية وصحية واللى هيقول محبتش يبقى انسان مش طبيعى انا مثلا كنت بحب بس كنت جبانة وعمر ما حد عرف ولما اتخطبت كان ابن خالى ومكنتش مرتبطة بحد بس كنت بستريح لية ومقتنعة بية هو كان بيحبنى اوى ولما اتجوزنا كنت خلاص بحبة اية العيب اننا نقول بنحب بقى
عمر ما كان الحب عيب او حرام العيب هو العيب ما نفعلة فى الخفاء لكن اى حاجة فى النور مش عيب وكل واحد بقى هيقول شعارات والحب للزواج هيبقى بيكدب على نفسة لان كل مرحلة وليها انتقالة فى الحب الى ان نقابل الحب الحقيقى الذى يكمل با الزواج
ومفيش اى حد فى الدنيا مش محتاج للحب
فى الحب بيتساوى الجميع الفقير والغنى الملك واالصعلوك
مفيش كبير على الحب والا مكناش عرفنا قصص الحب الشهيرة
مش كدة ولا اية

نوسة
08-02-2006, 02:59 PM
مودى انا بحيك على شجاعتك بجد بس هبة راحت فين ههههههههههههههههههه
يلا اكتبلنا بقى اخبار الكلية


على فكرة انا بحب الشيكولاتة
استهبال منى صح ههههههههههههههههههههه

Basio
10-02-2006, 05:33 AM
مودى انا بحيك على شجاعتك بجد بس هبة راحت فين ههههههههههههههههههه
يلا اكتبلنا بقى اخبار الكلية


على فكرة انا بحب الشيكولاتة
استهبال منى صح ههههههههههههههههههههه
اتفضلي يانوسه :d

http://www.heartzine.com/news/chocolate.jpg

بس شوفتي انا شجيع ازاي :4: ياغاليه مفيش لسة حاجة في الكليه دخلت دماغي :d
اصل بيني وبينك الخدمة الاجتماعية مفيهاش حد عدل الا اقليه :(
واول ما يجد حاجة قول على طول مش هخبي :cop:
تسلمي على ردك الجميل :bye: وبالهنا والشفا

Basio
10-02-2006, 05:36 AM
وبالنسبة لهبه سافرت يانوسه حبيبة قلبي راحت خلاص :'( :h: :'(
ومش عارف اوصلها
ياااااااااااااااااا كانت ايام جميله والله الواحد عايز يرجع تاني للايام الحلوه دي

ميمة اسلام
12-02-2006, 04:13 PM
نوسة حبيبة قلبي ان فعلا صريحة اوي ومش لزم ان الانسان يكون مر في حياتي بتجارب ان لا عمري حبية لا في اعدادي ولا في ثانوي وحتي دلوقتي وان في فترة الجامعة مش حسة ان فية حد شددني اوي لدرجة ان يكسب قلبي واحبة والانسان اللي فعلا حسة بية في كدة عند احساس ان ربنا مش حيجمعني انا وهو فلية بقي اعذب قلبي و افضل مستمرة وان عرفة النهاية يبقي الافضل ان الانسان يعيش من غير حب بجد وانا اتمني اني اعيش كدة طول عمري لكن مع الاسف المجتمع مش حينظر علي اني رفض الارتباطة واللي هممني اني اكون معمارية نجحة حيقوالك دة عناسة بس فية مثل بيقول قعدة الخزانة ولا جوزت الندامة
و بيقول اللي بترفض اللي بيقدملة بتعنس ياريت يكون الكلام دة صح وبعدين ان شيفة اني عاطفة الامومة اللي جوية بتكون لولاد اخواتي لاني بصراحة لو ادبيتست في اختيار اهلي مثلا ححس اني وقعت ولحدش سمه علي
تسلمي حنين علي الموضوع ودة ينفع يبقي في قاعات المناقشات عشان يبق الكل صريح فية
وانتي برضة مجوبتيش علي السوال اللي بدبسيني فية

conda
12-02-2006, 09:59 PM
انا عن نفسى بحب ناس كتير لانى مبكرهش حد بس الى انا مقدرش استغنى عنهو هما
1- واحمد صديقى اسمه احمد حمدى
2- برضه واحد صديقى ايمه محمد الامير فوكس
3- ودى بقى الى روحى معاها وهى ............. مش لازم دى
سلاااااااااااااااااااااام

حتة سكرة
13-02-2006, 06:22 PM
شكرا لكل الي شاركو معايا واعذروني على ردي الموجز

وشكرا ليكم

حتة سكرة
28-04-2006, 09:45 PM
عارفين المشكلة فين؟؟؟

المشكلة في الي مش يعرف يعني اية حب ويجي ازاي وممكن يكون ادامة ومش عارف ؟

حد فاهم حاجة ؟

badry_1986
29-04-2006, 06:06 AM
عارفين المشكلة فين؟؟؟

المشكلة في الي مش يعرف يعني اية حب ويجي ازاي وممكن يكون ادامة ومش عارف ؟

حد فاهم حاجة ؟
اه والله عن نفسي فاهم اللى بدور فى بالك كمان *5*

لعلمك حلوه اوى حاله الحب بس اللى فيها حاسس انها عذاب ولما بيفتقدها بشوف اى حد فيها انه ملك زمانه

خالص تحياتى:f:

حتة سكرة
29-04-2006, 04:22 PM
اه والله عن نفسي فاهم اللى بدور فى بالك كمان *5*

لعلمك حلوه اوى حاله الحب بس اللى فيها حاسس انها عذاب ولما بيفتقدها بشوف اى حد فيها انه ملك زمانه

خالص تحياتى:f:



كلامك في علااامات استفهام كتيرة يا بدري ؟؟((لعلمك حلوه اوى حاله الحب بس اللى فيها حاسس انها عذاب ولما بيفتقدها بشوف اى حد فيها انه ملك زمانه)) يعني اية الجملة دي ؟؟

badry_1986
29-04-2006, 04:56 PM
كلامك في علااامات استفهام كتيرة يا بدري ؟؟((لعلمك حلوه اوى حاله الحب بس اللى فيها حاسس انها عذاب ولما بيفتقدها بشوف اى حد فيها انه ملك زمانه)) يعني اية الجملة دي ؟؟
الانسان لو بيحب من طرف واحد بيحس انه متعزب بحبه لانى حبيبه مش واخد باله منه..... ولما بيرتبط به او يسيبه او بمجرد ان تخلص الفتره دى بيحس ان اكتر فتره حس بحب فيها كانت هى الفتره دى
ولما بيشوف حد عايش فى تلك الفتره بيحسله بسعاده وبهجه وبتمنى انه يرجع فى الفتره دى تانى من غير ما يكلم حبيبه ومن غير ما يبعد عنه (يفضل يحبه فى صمت)
حد فاهمنى؟؟؟؟؟؟؟؟؟؟؟؟؟؟

summar
29-04-2006, 05:45 PM
اجمل حاجة فى الحب انه يساعدك......مش يتعبك فى حياتك
الحب اللى ممكن يتعبك .......انهيه
وبرده لازم يكون كله بعقل زى ردى اللى قبل كده

amak_77
29-04-2006, 07:53 PM
انا فاهمك يابدري
انت قاصدك احساس الحب نفسه
و الي ممكن يكون من طرف واحد او من الطرفين
بس حكايه من طرف واحد دي وحشة اوي

اليكترون
08-05-2006, 11:15 AM
من طرف واحد وحشته انك تفضل ايام وليالى تفكر وتحلم ان هى تحبك

بنت شهريار
08-05-2006, 12:03 PM
اه والله عن نفسي فاهم اللى بدور فى بالك كمان *5*

لعلمك حلوه اوى حاله الحب بس اللى فيها حاسس انها عذاب ولما بيفتقدها بشوف اى حد فيها انه ملك زمانه

خالص تحياتى:f:

برافو عليك يا بدرى

وكلامك واضح ومفهوم يا سكرة
تسلمى حبيبتى على موضوعك الجميل

انا عن نفسى متوقفة عن كل شىء حاليا
ولكنى لست متوقفة عن الحياة الجميله

تقبلوا تحياتى وتقديرى

ميمو المصرى
09-05-2006, 09:04 AM
انا بحب كل الناس
بس من الناحيه الشخصيه متوقف نهائى بجد
ومرتاح كده مش ناقصيين عذاب
شكرا على السؤال

summar
09-05-2006, 09:08 AM
الحب هبل ووهم ياجماعة صدقونى

مالوش لازمة خالص

اليكترون
09-05-2006, 10:47 AM
بالعكس الانسان مايعرفش يعيش من غير حب

summar
09-05-2006, 11:39 AM
انا بقا اقدر

بأذن الله وعونه

white clouds
09-05-2006, 04:57 PM
الحب هبل ووهم ياجماعة صدقونى

مالوش لازمة خالص
عندك حق يا سمر.........ابعد عن الشر وغنيله

العندليب الأسمر
09-05-2006, 11:37 PM
اجمل حاجة فى الحب انه يساعدك......مش يتعبك فى حياتك
الحب اللى ممكن يتعبك .......انهيه



بصراحة ومن غير زعل ، ده أغرب رد شوفته لحد دلوقتي
مفيش حب مش بيتعب يا سمر
وقد قيل : الحب يولد من لا شئ
يعني الحب جالنا مش بمزاجنا ، بالتأكيد مش هنفرط فيه بسهولة حتي لو كان متعب لدرجة الجنون

ده من رأيي الشخصي
ولو قعدت أتكلم عن الموضوع ده من هنا لبكرة أنا بالذات مش هيخلص كلامي

البحار المصري
12-05-2006, 01:50 AM
يصراحة الحب ده احساس جميل بس زي ما قال عبد الحليم

الرفاق حائرون يتسألون حبيبتي من تكون

بس انا بحب حبيبتي

حتة سكرة
14-05-2006, 11:45 AM
كلااام جميل

بس عاوز تفكير

badry_1986
14-05-2006, 04:53 PM
عندك حق يا سمر.........ابعد عن الشر وغنيله
لو كان الحب شر ما خلدت زكرى قيس ولا عنتر ولا روميو:f2:
وكنا رسمنا بدخل رسمه القلب شيطان
ولكن سبحان من جعلنا اذا راينا رسمه القلب شعرنا بالهدوء والراحه

badry_1986
14-05-2006, 04:57 PM
انا بقا اقدر

بأذن الله وعونه
باذن الله تقدرى على كل شئ
ولكن مع انك قادره على حد زعمك ايه لزمه القلبين المتقاطعين اللى فى التعليقك ؟؟؟
وكلمه sea من رائيك ترمز لايه ؟؟؟؟؟

summar
15-05-2006, 07:03 AM
باذن الله تقدرى على كل شئ
ولكن مع انك قادره على حد زعمك ايه لزمه القلبين المتقاطعين اللى فى التعليقك ؟؟؟
وكلمه sea من رائيك ترمز لايه ؟؟؟؟؟

القلبين المتقاطعين لونهم بمبى لايق مع الصورة بتاعة البنت
بس والله علشان كده اخترتهم

وsea
ده رمز اسمى
سمر....أ.....ع

:y: :y:

summar
15-05-2006, 07:15 AM
بصراحة ومن غير زعل ، ده أغرب رد شوفته لحد دلوقتي
مفيش حب مش بيتعب يا سمر
وقد قيل : الحب يولد من لا شئ
يعني الحب جالنا مش بمزاجنا ، بالتأكيد مش هنفرط فيه بسهولة حتي لو كان متعب لدرجة الجنون

ده من رأيي الشخصي
ولو قعدت أتكلم عن الموضوع ده من هنا لبكرة أنا بالذات مش هيخلص كلامي

انا قصدى يتعبك بمعنى يتعبك فى حياتك
ويخليها اصعب
ويكون مشكلة عندك
ده من وجهة نظرى ماينفعش يكون
طبيعى لو حبيت حد بتتشغل بيه
لكن مش لدرجة انك توقف حياتك
وصدقنى والله
مافيش حاجة اسمها غصب عنى..والحب مالوش كبير وكده
لو عايز ماتحبش مش هتحب
ولو عايز تنهى....هتنهى
المهم تقرر انت عايز ايه

ميمة اسلام
15-05-2006, 08:37 AM
اختلاف معاكي يا سمر
انك كل الناس ممكن تقدر علي الحب
بس مع الاسف
الحب في البداية بيكون شعور جميل
وبعد كدة بيقلب بغم
وبرضة مش حتقدر ترجع فية
طالما انت بتحب بجد
بس حتستحمل
لو اللي قدامك شخص يستهل
لكن الكارثة لما يبقي انسان سيء وعشان بتحبة تفضل مسك فية
ووقتها حتي لو اتقدملك احسن انسان في الدنيا ختقولي لا انا وفية في حبي
وممكن هو نفسة ميكونش وفي
ويبقي خد اكبر مقلب في حياتك بس اديكي بتتعلمي
وبكل اللي بقولة بتمني اني ابعد عن الحب ومرحلة
خليني في دراستي احسن دة هم ما يتلم

محمد علم الدين
15-05-2006, 08:49 AM
أيه ياجماعة كله متعقد من الحب ليه؟؟

ميمة اسلام
15-05-2006, 09:10 AM
هو الواحد مش متعقد من الحب ولا حاجة
بس دة نتيجة تراكمات المشاكل اللي في المجتمع
واللي بتوصل في النهاية لحالة ماسأوية
يبقي الواحد يجيب من الاخر
ويشيل دماغة منها
اصل وجع قلب واللهي
ولان ببساطة مبقتش شايفة ان فية حب اصلا في الزمن دة
ومفيش حد وفي ومش قصدي عشان ان بنت يبقي بقول ان كل الرجال معندهمش وفاء
مع الاسف النادر اللي وفي سواء بنت سواء ولد

محمد علم الدين
15-05-2006, 09:24 AM
عارفة أجمل حاجة فى الحب أيه؟؟

أن الواحد ينسى كل هموم الدنيا أول مايفتكر حبيبته

ويبتسم وجهه أو ماسمع صوتها

وتحلو الدنيا فى عنيه أول مايشفها

مش تقولولى حالة مأساويه وكلام من ده ؟؟

ماسمعتيش عن جنون الحب؟

summar
15-05-2006, 09:14 PM
ايه الرومانسية دى كلها
علشان كده بقول ان الحب وهم
علشان بتعيش وبتصدق حاجات مش صح
زى المخدرات اللى بتاخدها تخليك طاير
وبعدين تكتشف ان دماغك ادمر
طبعا مش كله
بس لازم يتعاش بحرص علشان احنا مش حقول تجارب هنجرب فى نفسنا

ومن وجهة نظرى...الصداقة اغلى واجمل بكتير من الحب ده
ممكن تكون بتحس انك بتحب حد....تكتشف انه جواك صديق

Saipem
17-05-2006, 08:48 AM
صدقنى يا سمر لو اديتى لنفسك فرصة
هيجى فى يوم اللى يسهر الليل ويخليكى تعدى نجومه
اعتقد الحب موجود (( ولا انتى مش بتحبى مامتك وباباكى ))
ورغم قلت الحب الحقيقى الان بس والله موجود وانا مصر انى ادور عليه
وان شاء الله هلاقيه عشان عاوز اعيش سعيد بعد كده

summar
17-05-2006, 08:50 AM
انا بحب بابا وماما بس مابسهرش الليل اعدلهم النجوم!!!

وصدقنى .......انا عارفة نفسي

محمد علم الدين
17-05-2006, 09:21 AM
سؤال جديد

ليه الولاد بيحبه الحب والبنات بتخاف منه؟؟

summar
17-05-2006, 09:26 AM
علشان الولاد بيحبو يعيشو فى الوهم والبنات واقعيين