المساعد الشخصي الرقمي

مشاهدة النسخة كاملة : مسابقة قاعة فك التكشيرة



وادكول مش معقول
30-01-2003, 10:52 AM
مسابقة

http://www.egyptsons.com/misr/images/vBulletin_logo.gif

تحت رعاية قاعة فك التكشيرة

موضوع المسابقة

يبقي انا كداب ..... لألأ ... يبقي انا بلموطي .....لألأ



شروط المسابقة

عدم وضع تعليقات غير مشاركتك في المسابقة لحين عمل التصويت علي الفائز


شرح توضيحي للاشتراك في المسابقة

........ وعنها ورحت ساحب السجادة من تحت رجله علي مقص حرامية راح واقع علي ظهره ...... قوم الاقي 34 واحد علي يميني و 36 علي شمالي ...

يعني ........ عاوزين كدبة كوميدية ......... مصراوية ....



ملاحظة
اخر موعد للاشتراك الاربعاء 12/2/2003 لاعلان النتيجة الخميس

بنت مصر
31-01-2003, 12:23 AM
فكره كده http://www.egyptsons.com/misr/images/icons/icon14.gif يا واد كول


ان شاء الله اشارك فيها بس اوعوا تقولوا عليا كدا ولا بلمووووطي :D



بسنت

دموع_مجروحة
31-01-2003, 01:43 AM
لو سمحت يا واد يا كول يا ريت توضح موضوع المسابقة لأني مش فاهمة وعايزة أشارك ..

tates3000
03-02-2003, 12:30 AM
كلام جميل قوي بس المسابقه ابه

بحر الإسكندرية
03-02-2003, 12:53 AM
لو سمحت يا واد كول توضيح كيفية الاشتراك في المسابقة و ايه هو نوع المسابقة , علشان :rolleyes: انا مش واضح بالنسبالي المطلوب في المسابقة .

شكراً

tannjour
03-02-2003, 01:10 AM
كتير كويس عزيزي ابو شهد :

ياسيدي وأنا علي الهدايا بس ماقلت كم واحد راح يفوز

وادكول مش معقول
03-02-2003, 06:49 AM
ايه يا جماعة مالكم مش فاهمين ليه .....

المسابقة ان كل واحد يحكي قصة صغيرة او موقف ..... من نسج خياله بس تكون حكاية كوميدية كلها كدب في كدب .......
يعني حاجة كده تنفع تبقي كدبة ابريل ......

بس اهم حاجة ان الكدبة تكون مش خبر وتكون حكاية عن نفسه .... بمعني تحسسونا في الحكاية انك شجيع السيما ...... او هولاكو مثلا .....

او حتي يا سيدي فريد شوقي لما بيدخل خناقة ويلاقي فيها 600 علي اليمين و600 علي الشمال وفي ايديه كوباية شاي والايد التانية سيجارة ويقطعهم حتت وكوباية الشاي لا تدلق من ايديه ولا حتي طفية السجارة تقع .....



مفهوم ولا نعيد من تاني ........

مصراوى
03-02-2003, 07:51 AM
طبعا انا كفايه عليا اوراق زوج سعيد جدا
:D:D:D:D:D

heba
03-02-2003, 08:34 AM
بسم الله الرحمن الرحيم

انا بقى حاحكيلك حكايه محصلتش بس ادينى فرصه اوضبها كويس اصل الكدب مالوش رجلين يا بو شهد 0

خالد بن الوليد
03-02-2003, 09:47 AM
فكرة جميلة يا واد كول :)

بس يا رب ماتتحسبشي علينا كدبة :D

saroo02
03-02-2003, 10:00 AM
الكل معجب بالفكرة فين بقي الحكايات

أسف أصلي مش بعرف أجدب :D:D

وادكول مش معقول
03-02-2003, 11:07 AM
مصراوى

كفاية ازاي ؟ ده المسابقة دي عشانك ؟
لا بجد .... يا اما تحط قصة .... يا اما تختار جزء من اوراقك دي وتحطها كمشاركة

heba


وانا مستني بس بسرعة بقه ؟
ها خلصتي ؟ ههههههه

الكدب ملوش رجلين اه .... بس في زمنا ده ليه اجنحة ههههههههه


خالد بن الوليد

لو عليا انا هاحسبهالك هههههههه
بس ما اظنش ان واحد بيقول انا هاكدب وتتحسب عليه ... وانما الاعمال برضه بالنيات ....... وبعدين احنا بنهرج يا عم .... ولا اكمنك رايح تحج

Saroo02

اولا احنا بنهرج مع بعض مش بنكدب علي بعض
ثانيا مفيش حد ما بيعرفش يكدب ...والا يبقي مكنش يبقي فيه دنيا



وبعدين مش احنا قولنا مش عاوز تعليقات غير المشاركة بس بالكدبة

وبعدين .......

يلا مين اول الكدابين اللي هيشارك

ابن البلد
03-02-2003, 11:37 AM
مين فين انا مش فاهم حاجه

:7:
:3:

deaa
03-02-2003, 12:00 PM
السلام عليكم ورحمة الله وبركاته ....

اخى الفاضل .....واد كول ....

انا نفسى اشترك ...

بس انا مبحبش الكدب ....

واكره كدبة ابريل ...

لأن الرسول صلى الله عليه وسلم ...(قال : انا زعيم بيت فى وسط الجنه لمن ترك الكذب ولو مازحا ).....

انا ممكن اءلف قصه ...

هادفه ...

مضحكه جدا ..

ليها نيه فى قلبى
ممكن كده ينفع ...




:)

جزاك الله خيرا ........

Mrs. Virgo
03-02-2003, 12:14 PM
:2: المشكله أني مش مش بعرف اكذب ..
:2: لأ .. انا بش مش بعرف اعبر ..... :D

saroo02
03-02-2003, 12:14 PM
بجد انا مش بعرف أجدب :D

وادكول مش معقول
03-02-2003, 12:40 PM
deaa


طبعا ينفع ........................ كفاية انها هتبقي منك

tannjour
03-02-2003, 01:01 PM
ياسيد اسمع هالقصة وانت احكم إذا كانت كذب أو حقيقة :
أنا تنكرت بزي يهودي ورحت على قلب اسرائيل وبعد ما وثقوا فيني رحت خاطف دبابة ووجهت مدفعها إلى معسكر يهودي وبدأت بإطلاق قذائف الدبابة على العساكر اليهود وبعدين رجعت لسوريا وماحدا من اليهود استرجى حتى يلحقني
المهم أني أخذت بثأر الفسلطينين والعرب والمسلمين لأن دمرت المعسكر اليهودي بكامله


شورأيك

أول الكذابين :
رمضان

بنت مصر
03-02-2003, 03:38 PM
على فكرة دي قصة واقعية بس محدش
يضحك عليا احسن انده لكم الساحرة الشريرة

مرة وانا صغيرة وعندي 5 سنين
ماما نيمتني وراحت عند جارتنا
وسابت التليفزيون مفتوح عشان يسليني
وبالصدفة قمت من النوم مالقيتش ماما قعدت ادور
عليها مالقيتهاش في البيت وفجأة ببص على التليفزيون
لقيت صورة واحدة تخوف جدا وقاعدة تغني وتقول انا حجي لك انا
وانا اعيط واقول تعالي يا ماما الساحرة الشريرة جاية تاكلني

المهم بعد شوية ماما دخلت تشوفني لقيني متجمدة في مكاني بلا حراك

وقالتلي ما تخفيش يا حبيبتي دي اغنية بس


الله يرحكمك يافايزة احمد :2:

tannjour
03-02-2003, 03:46 PM
:mad:انا مسحت المشاركة .....
اسف .............. لا تعليقات بعد بدأ وضع مشاركات المسابقة



ملاحظة
اخر موعد للاشتراك الاربعاء 12/2/2003 لاعلان النتيجة الخميس

yahoo.com
03-02-2003, 07:23 PM
:mad:انا مسحت المشاركة .....
اسف .............. لا تعليقات بعد بدأ وضع مشاركات المسابقة



ملاحظة
اخر موعد للاشتراك الاربعاء 12/2/2003 لاعلان النتيجة الخميس

saroo02
04-02-2003, 09:32 AM
:mad:انا مسحت المشاركة .....
اسف .............. لا تعليقات بعد بدأ وضع مشاركات المسابقة



ملاحظة
اخر موعد للاشتراك الاربعاء 12/2/2003 لاعلان النتيجة الخميس

ta3mia
04-02-2003, 12:31 PM
:mad:
اسف .............. لا تعليقات بعد بدأ وضع مشاركات المسابقة



ملاحظة
اخر موعد للاشتراك الاربعاء 12/2/2003 لاعلان النتيجة الخميس






خير اللهم اجعله خير
انت بتعمل ايه يا كول
طيب

انا مالي


طيب
انا طبعا ها قول زي الكل اني مش بعرف اكدب ......... خالص ........ انا مش كده
انت فاكرني ايه ... اه اه ... انت واخد عني فكرة وحشة خالص ... ده انا بنت ناس ... اه اه
انت بتعاملني كده ليه يا كول

المهم دول الشوية مقدمةالكذبة اللي ها قولها ولا الحكاية اللي ها قولها
و طبعا مش ها قولها دلوقتي
علشان ها روح البيت دلوقتي وانا دلوقتي صايمة و لما الواحد بيكون صايم
ما بيفكرشي غير في الاكل
على العموم بكره بأذن واحد احد

اقول لكم عن حكاية حصلت معايا ...........................


__________________

deaa
04-02-2003, 05:56 PM
السلام عليكم ورحمة الله وبركاته ....

اختى الفاضله ..بنت مصر ....ايه العسل ده ....

طب اقولك انا بقى ...

انا كنت صغيره ...وكان الدنيا تمطر كثيرا ...

فماما كانت ودتنى محل عشان تشتريلى بوت وانا اعيط واعيط واعيط .....

عشان بقولها البوت هيدخل فى رجلى ومش هعرف اطلعه ...

مصراوى
05-02-2003, 07:29 AM
:D:D:Dمره دخلت منتدى جميل وحبيته جدا
كتبت كام موضوع عجبوا الناس
بعدين كتبت موضوع من اوراق زوج سعيد جدا
نزلوا سيدات المنتدى خناق فيه وهاتك كلمات من عينات
عدو المراه .... سى السيد ...... تلاقيك بكرش واصلع ..... اكيد إنت من الرجاله اللى لابسه بنطلون بيجامه زرايره مقطعه وفانله حمالات مخرمه

كل دا طبيعى جدا

لكن المفاجأه ان كل واحده من دول بعتت لى رسائل خاصه تؤكد انها بتموت فى خفه دمى
وانها تتمنى الارتباط بيه علشان تغير فكرتى عن الستات


ملحوظه : الرسائل موجوده وانا محتفظ بها
علشان لو حد قل عقله وكذبنى
;);););)

ta3mia
06-02-2003, 12:34 PM
حلوه قوي و مقبولة منك بقي كل الستات بعتو لك رسايل
طب .................. و النبي محدش يمسكني ....................
على العموم يا كول انا زي ما وعتك ها اكتب طبعا الحكايات بتاعتي عندك هنا بس مش ها كون بكذ ب

بس اول ما ارجع من دبي

انا ها سافر وانتم لالالالالا

dodyangel
07-02-2003, 06:56 PM
كلو بقى ملاك دلوقتى :p
انا بعرف بس ممكن اكتبها انجليزى عربى
علشان ما اتعزبشى فى الكتابة و الموضوع يطلع حلو ؟
لو سمحتم يعنى :cool:

خالد بن الوليد
22-02-2003, 09:57 AM
هييييييييييي ..
فين الحكاويييييييييييييييييييي ؟!!

فين الوعود ...... ؟؟؟ :mad:

ana3sola
22-02-2003, 04:32 PM
مين اللى بعتولك بقى يا مصراوى رسايل خاصة:confused:
طيب والنبى لو كنت بعتلك رسالة وانا مش واخدة بالى يبقى وريهالى هنا اتفرج بس على الكلام اللى ما قلتوش :97:
بس بجد بجد دى احلى كدبة ومفروض تطلع الاول
يلا نديلو جايزة اكبر كداب فى المنتدى :1:
ههههههههههههههههههههههههههههههههههههههههههههه

ta3mia
23-02-2003, 09:53 AM
بما اني قد و عدتك من فترة ان اكتب لك موضوع مخصوص

فأنا بصراحة يا كول اشعر باني مقصرة .. المهم حانت الفرصة أن اكتب اليوم لك الحكاية التي كنت أريد أن احكيها لك ... أنت تعلم بأني سافرت خلال عطلة العيد إلى دبي ... ما حدث معي في الرحلة هو شي لا يتصوره عقل .......
أولا ارتكب خطاء فظيع و هو أنى اصطحبت أولادي معي ..... وهو أمر انبه الجميع له ... بان الرحلة مع صويت و دوشت العيال .. عمرها ما ها تبقي للمتعه .. ها تبقي حالها حال أي خروجة تانية ... يعني بالعربي الدنيا كانت زحمة ....... خصوصا اذا كان المسافر معه طفل صغير ما زال يلبس البامبرز .... طبعا اجراءت الأمن والسلامة على الطائرات أصبحت عاليه جدا ..... الا ان ما حدث معي في تلك الرحلة .. لن انساه طوال حياتي ...
اقلعت الطائرة بعد رحلة مغاط .... يعني بعد تسعه محاولات اقلاع فاشلة ...... في كل مرة نربط احزمة الامن و نستعد للاقلاع و الانوار تنطفي ... و تمشي الطائرة مسرعة ... و لكن فجئة تبطي مرة اخري .. و تضاء الانوار ... ضللنا على تلك الحالة حوالي نصف ساعة او اكثر ... و لولا اني اعلم بأن الوضع سيصبح خطيرا ... و الله لكنت صرخت ... و طالبت طاقم الطائرة بفتح الباب لي فورا ... بس كنت ماسكة نفسي .. لسببن .. الاول زوجي ... يعني مخلنيش اخد رحتي .. و ثانيا ... الاولاد .. كانوا ها يشتغلو صويت معايا .. المهم اني فضلت اهدي في نفسي علشان اعصابي كانت بايظة .. و اقراء قران .. لغايت لما الطيارة قامت بالسلامة .. و بقينا في الجو ...... كنت في حالة ما يعلم بيها الا ربنا .. ودايخه .. من اللي حصل ... و اللي حصل بعد كدا بقي خلاني مش قادرة اقعد على الكرسي رغم ان المضيفة كل شوية تشاور لي بالجلوس و ربط حزام الامان ... بس اقولك ايه .... انت عارف اسراء الصغيرة ... عمرها بتاع سنه و نصف كده ... و هي دي سبب المشكلة .... ابوها مش راضي يمسكها و اخواتها سادين مناخيرهم كانهم ها ينزلوا حمام السباحة .... الريحة ...........الريحة يا كول قلبت الطيارة ............. و المضيفات بيوزعو الاكل ............. و انا حسيت بالكل ها يرجع بعد شوية ..... حاولت اني انقذ الموقف و اغير ليها البامبر ............ بس الطيارة ضيقة ...... شاورت لجوزي انه ياخذ البت .. استعبط و عمل نفسه مش فاهم انا عايزا ايه .... و انا في المواقف دي .. ببقي في منتهي العصبية ... فقلت له بصوت عالي ... تعالي .... و الراجل اتكسف و بقي في نص هدومه ... المهم هو كان في الصف الشمال و انا و العيال في المقاعد الوسطي ... و قمنا بصعوبة علشان الطيارة دي كانت ضيقة زي علبه السردين ... و المضيفات و اقفين يوزعو الاكل ... المهم يا كول وصلنا للحمام .. بعد معناه كل الاشخاص المساكين اللي كانوا فس سكت البامبر المدمر ... و الريحه ... مش ها قولك ... ضاربه اد ايه ... و حصلت عملية التنظيف بصعوبة علشان الحمام ضيق ..... والبت العبيطة مش تسكت .... لا .... ازاي .... لمت علينا الكابتن .. يشوف ايه الناس اللي فاتحه الحمام و واقفين دول ... و عاملين منع مرور ......... الراجل جه و هو وشه مصفر .. خايف تكون عملية خطف للطياره ... هو شاف الموقف عن قرب و شم عن قرب ... و استمخ ...... وراح ماشي من سكات ..................... نهاية الموضوع .......... اني حرمت اسافر مع عيال

محمد على محمد
28-02-2003, 02:09 PM
بص يا سيدى .. وما سيدك الا انا ... :p
مرة كنت ماشى فى الشارع بليل ... والدنيا ضلمة كحل ....
لقيت يا سيدى وما سيدك الا انا اتنين بلطجية ... واحد جاى من اليمين والتانى جاى من الشمال ...
طبعا صاحبكم بقى مشى وهو بيقول فى نفسه :
- هما شوية الرعاع دولت حيقدروا يعملوا لى حاجة !!!!
عملوا الحاجة بقى .......
ده شالنى من اليمين وده شالنى من الشمال وهما بيقولوا :
- هو ده اللى المعلم كرشة قال عليه ..
التانى رد عليه بلهجة الحمير :
- ايوة هو ده .. مش قال انه عيل صغير ماشى فى الشارع بيقرا قصة من قصص الخيال الهبلى ...
- ايوة .. هى دى القصة .. قصة الخيال الهبلى ... ياسلااااام ... دى عليها رسومات ...
- رسومات ... والله ؟؟؟
اه والله ... حتى شوف ...
اخذوا فى التفرج على الصور الموجودة فى الغلاف وفى داخل الكتاب ايضا ...
وبينما انا احاول الهرب اذا ببحر من الطين يلتهمنى ... بلا رحمة ...
ترى ماذا حدث بعد ذلك ؟؟؟
عارفين حصل ايه ؟؟؟
صحيت من النوم !!!!!!!!!!!!!!!!
:D:D:D:D:D:D
حلوة القصة دى بقى ؟؟؟؟؟؟؟؟؟؟؟
:D:D:D:D:D