المساعد الشخصي الرقمي

مشاهدة النسخة كاملة : نوسة علي كرسي التعارف



الصفحات : [1] 2 3 4

boukybouky
25-01-2006, 04:53 AM
السلام عليكم ورحمة الله وبركاته

اخواني في الله اعضاء ومشرفي ابناء مصر يسرني اليوم ان اعلن عن خبر جميل الا وهو جلوس عضو جديد من أبناء مصر عضو إجتماعي علي صلة بالجميع .. مهتم بكل الأعضاء و يسأل عنهم تقدروا تقولوا كده (شيخ حارة المنتدي ) :4: طبعاً عرفتم و اليوم ستكون لنا الفرصة للتعرف علي نوسة علي كرسي التعارف وهي الحمد لله قد وافقت علي ذلك بكامل اردتها :d يعني مفيش اي ضغط عليها ولا حاجة وده معناه انها ذات صدر رحب وسوف تتقبل جميع الاسئلة التي سوف تعرض عليها من قبل الاعضاء والمشرفين

اخواني ارجو منكم عدم الاكثار من الاسئلة والا يزيد عدد الاسئلة في كل مشاركة عن خمس اسئلة حتي يتسني لنوسة ان تجيب عليها كلها ونعطي لغيرنا ايضا المجال لذلك واطلب منكم ايضل عدم وجود احاديث جانبية في الموضوع بمعني ان يقتصر الموضوع علي توجيه الاسئلة لنوسة وتقوم نوسة بالرد عليها وذلك للحفاظ علي رونق الموضوع وجماله وعدم خروج الموضوع عن الهدف الاساسي له


اتفضلي يا نوسة علي الجلوس علي كرسي التعارف ومده الجلوس هي اسبوع ان شاء الله سوف تبدا من اليوم الي يوم الأربعاء المقبل ان شاء الله ويمكن لك ان تجاوبي علي جميع الاسئلة واللي مش عجبك ما ترديش عليها وتجاهليها تماما بس ما تزودهاش اوي وما ترديش علي كل الاسئلة وتقولي لا تعليق :d

في رعاية الله ،،،

boukybouky
25-01-2006, 04:57 AM
هبدأ بالأسئلة التقليدية و هي البطاقة الشخصية

الإسم:

تاريخ الميلاد:

المهنة:

الجنسية:

محل الإقامة :

فصيلة الدم:

2- بماذا تحلم نوسة لمستقبلها؟

3- ما رأيك في إزدواج المعايير و تطبيقها عند الرجل الشرقي؟

4- تصرف ندمت عليه ما هو ؟ و لماذا؟

كفاية أربعة و المرة القادمة ابقي اخليهم 6 هههههههههههه

منورة يا ناس و وفقك الله

في رعاية الله،،،

snake
25-01-2006, 05:06 AM
يسلام اختيار موفق يابوكي بوكي
نوسه عضوه زي العسل واجتماعية بجد....................وبس
يلا يانوس نوس جاوبي على اسئله الاعضاء
اصل انا جاي اغلس بس :d

عصفور الشعر
25-01-2006, 06:02 AM
نحن السابقون . وانتم اللاحقون يا نوسه:1:

منوره كرسى التعارف .. وربنا يكون فى عونك :2:


وأحب أستثمر الفرصه الجميله دى للتعرف عليكى أكثر واكثر .. واليكى بعض الاسئله



1- ايه الدعاء اللى دايما بتحبى تدعيه فى صلاتك؟


2- هل أنتى سريعة الضحك .. أم سريعة البكاء؟


3- ماهى أكبر النجاحات التى حققتيها فى حياتك حتى الان؟


4- عرفى نفسك من خلال بيت شعر .. او أغنيه ؟
زى مثلا ((أنا بعشق البحر )) وهكذا





وأخيرا السؤال التقليدى الذى أسأله لكل ضيوف كرسى التعارف



املأ الفراغ بالعضو المناسب ((مع مراعاة عدم اختيار المحاور عصفور الشعر.. لملء أى فراغ ))



عضو يعجبك اسمه ..........

عضو تحسه هادىء .........

عضو تتمنى تشوفيه .........

عضو نفسك تهديه باقة ورد

عضو مشااارك وفعال .......

عضو مجنون شويتين .......


عضو رقيق جدا ..............

عضو يستاهل الضرب .......

عضو تحسه مرتب جدا في مواضيعه

عضو بسرعة يغضب ........

عضو تحب تتابع مواضيعه...

عضو ما بتشوفوش بالمنتدى الا نادرا ونفسك يشارك على طول

عضو يحب الخير لاخوانه بالمنتدى

عضو يحب يجادل كثير

عضو تحب تغير اسمه


مع تحياتى وتقديرى


خوكى


توت :f:

مظلوووم
25-01-2006, 06:40 AM
يا ميت اهلا وسهلا بالباشا ام ميرو *8* *8* *8*
داخل بس اهنى الباشا بمناسبه دخوله على كرسى التعارف *9*
وان شاء الله تبقى فتره جميله ووقت سعيد لشيخ حاره المنتدى والمنظم الرسمى لاحتفالات المنتدى العميد نوسه :good:
يالا يا باشا جاوب على الاسئله وانا ماعنديش اسئله دلوقتى بس حبيت اخش اشمت :d يووووووه قصدى اتفرج :)
ويجعلوا عاااااامر بيكى دايما يا نوسه باشا *8*
اخووووووووكى
مظلووووووووم

الصعيدي
25-01-2006, 10:05 AM
نوسة أخت فاضلة وكريمة .. حبيت أدخل أحييها على تواجدها الجميل والطيب في منتدى أبناء مصر .. وممكن أقول لها ألف مبروك مرور سنتين في المنتدى *8*
ياترى بعد مرور سنتين بين أبناء مصر .. إيه أكبر استفادة شايفة انك استفدتيها من المنتدى .. ده كده سؤال مؤقت .. وراجع تاني ان شاء الله *8*

نوسة
25-01-2006, 01:30 PM
السلام عليكم ورحمة الله وبركاته

اخواني في الله اعضاء ومشرفي ابناء مصر يسرني اليوم ان اعلن عن خبر جميل الا وهو جلوس عضو جديد من أبناء مصر عضو إجتماعي علي صلة بالجميع .. مهتم بكل الأعضاء و يسأل عنهم تقدروا تقولوا كده (شيخ حارة المنتدي ) :4: طبعاً عرفتم و اليوم ستكون لنا الفرصة للتعرف علي نوسة علي كرسي التعارف وهي الحمد لله قد وافقت علي ذلك بكامل اردتها :d يعني مفيش اي ضغط عليها ولا حاجة وده معناه انها ذات صدر رحب وسوف تتقبل جميع الاسئلة التي سوف تعرض عليها من قبل الاعضاء والمشرفين

اخواني ارجو منكم عدم الاكثار من الاسئلة والا يزيد عدد الاسئلة في كل مشاركة عن خمس اسئلة حتي يتسني لنوسة ان تجيب عليها كلها ونعطي لغيرنا ايضا المجال لذلك واطلب منكم ايضل عدم وجود احاديث جانبية في الموضوع بمعني ان يقتصر الموضوع علي توجيه الاسئلة لنوسة وتقوم نوسة بالرد عليها وذلك للحفاظ علي رونق الموضوع وجماله وعدم خروج الموضوع عن الهدف الاساسي له


اتفضلي يا نوسة علي الجلوس علي كرسي التعارف ومده الجلوس هي اسبوع ان شاء الله سوف تبدا من اليوم الي يوم الأربعاء المقبل ان شاء الله ويمكن لك ان تجاوبي علي جميع الاسئلة واللي مش عجبك ما ترديش عليها وتجاهليها تماما بس ما تزودهاش اوي وما ترديش علي كل الاسئلة وتقولي لا تعليق :d

في رعاية الله ،،،


اهلا يا بوكى
شكرا على الدعوة الكريمة والثقة التى اوليتمونى بها انتى واختى الجميلة ام احمد لانها بعتتلى الدعوة من شهر تقريبا قبل وصولها مصر بس كان عندى ظروف تمنع ذلك
اشكركم كثيرا على هذة الدعوة وارجوا ان اوفق وان اكون عند حسن ظن الجميع
تحياتى اليكم

أحمد ناصر
25-01-2006, 02:34 PM
نوسة على كرسى التعارف؟‍‍
ومن لا يعرف نوسة؟؟
أختى الغالية نوسة عشرية بطبعها
كل أعضاء المنتدى تقريبا أصدقاء لها
فهى دائما مرحة ومجاملة
ودائما موضوعاتها جميلة وتتلقى التفاعل من باقى الأعضاء
أتذكرين يا نوسة منذ سنتين تقريبا؟
كنا دفعة واحدة تقريبا
حيث سجلنا فى المنتدى على فترات متقاربة
وكان معنا أيضا محمد فاروق ووليد والكينج أبو وليد
وكنا بنهزر دايما مع محمد شحاتة
وكانت لنا مشاركات تفطس من الضحك فى فك التكشيرة
أيام فعلا جميلة ونفتقد محمد شحاتة ومحمد فاروق بشدة
ووليد وحتى عمرو إمام بيشارك على فترات متباعدة
لكن عزائنا إن المنتدى ملىء بالأصدقاء الرائعين

أسئلتى :
1-ما هو أكثر موضوع أعجبك فى المنتدى حتى الآن؟
2-ما هى أكثر القاعات التى تفضلينها بالترتيب؟
3-ما هى الأمنية التى تتمنى أن تتحقق ولم تتحقق حتى الآن؟
4-نفسك أمير ميرو يطلع إيه لما يكبر؟
5-بتحوشى مهر لبنى ولا لأ؟

نوسة
25-01-2006, 08:41 PM
هبدأ بالأسئلة التقليدية و هي البطاقة الشخصية


الإسم:
اسمى نهى



تاريخ الميلاد:
22يناير 1980


المهنة:
حاصلة على ليسانس الاداب جامعة القاهرة
ولا اعمل

الجنسية:
مصرية انا مولودة هنا

محل الإقامة :
حاليا مقيمة فى السويس يعنى تقدرى تقولى ما بين القاهرة والسويس


فصيلة الدم:
للاسف فصيلتى o -
ودى فصيلة صعبة ونادرة وتقريبا 5% فى العالم كلة من يحملون هذة الفصيلة

2- بماذا تحلم نوسة لمستقبلها؟
الحقيقة يا بوكى معنديش احلام محددة لمستقبلى لكن بحلم بمستقبل مشرق لمصر
بحلم ان كل الناس تكون سعيدة وان محدش يكون عندة اى احتياج سواء مادى او معنوى

3- ما رأيك في إزدواج المعايير و تطبيقها عند الرجل الشرقي؟

بصراحة يا ريهام انا بستغرب جدا من هذة الازدواجية الموجودة فى بعض الرجال
ومش عارفة لية بيحللوا كل حاجة لانفسهم ويحرموها على ذويهم
ازدواجية غريبة فنجد الرجل الشرقي يتعامل مع من حوله من الجنس الآخر من منطلق يرفضه هو نفسه علي أخته و لا أفهم ما تفسيره لذلك

وابسط كلمة ممكن تسمعيها انا راجل
يعنى مش عايزة اعلق دلوقت لكن ممكن اعتبر السؤال مفتوح

4- تصرف ندمت عليه ما هو ؟ و لماذا؟
اكيد فى تصرفات كتير ندمت عليها يمكن مش حاضرنى موقف حاليا
لكن اكتر تصرف بندم علية التسرع احيانا ما اكون متسرعة وارجع اندم على تسرعى

كفاية أربعة و المرة القادمة ابقي اخليهم 6 هههههههههههه
حتى 66 ولا يهمك هههههههههههههههههه

منورة يا ناس و وفقك الله
دة نورك يا بوكى وربنا يوفقنا اجمعين
في رعاية الله،،،

تعرفى انة من اسبوع فقدركزت على توقيعك فى رعاية الله
وعجبتنى جدا فما اجمل ان نكون فى رعاية الله
دمتى فى رعاية الله

saladino
25-01-2006, 08:45 PM
اهلا يااهلا يانوسة
منورة الكرسى

معنديش اسئلة علشان مش محاور
تمنياتى بالمررو من الاعترافات الجبارة المنتظرة

نوسة
25-01-2006, 08:49 PM
يسلام اختيار موفق يابوكي بوكي
نوسه عضوه زي العسل واجتماعية بجد....................وبس
يلا يانوس نوس جاوبي على اسئله الاعضاء
اصل انا جاي اغلس بس :d

ميرسى يا سناك على كلامك الجميل
انت كمان صديق زى العسل
وادينى هجاوب اهو وربنا يستر
انت بس تعال وغلس زى ما انت عايز ان اخواتك متحملوش غلاستك مين هيتحملها
ههههههههههههههههههههه
منتظرة اسئلتك

bedo_ic
25-01-2006, 08:59 PM
اهلا نوسة موفقة باذن الله وانتى على كرسى الاعتراف
بصراحة انا معنديش اسئلة انا حتفرج على المشاركات وكده حعرفك اكتر
تحياتى لكى ولبوكى الغالية

عمرو صالح
25-01-2006, 10:06 PM
قطة المنتدى وشيخة الحارة كمان :f2:
احب اهنيكي على الجلوس على كرسي التعارف واحيي ريهام وام احمد على الاختيار الرائع
اختي الغالية نوسة*3*
مشكلتي اني اعرف كتير عن شخصيتك الجميلة الرائعة اللي كلها تسامح وحب للناس*8*
واعتقد انك من الناس اللي ابتسامتهم مش بتفارقهم ابدا
بحاول ادور على سؤال اسأله بس استني كده
لقيت سؤالين
هل حسيتي في يوم انك عاوزة تبدأي حياتك من جديد او اتمنيتي انك تكوني انسانه غير نهى او نوسة ؟؟
طيب كمان سؤال
ايه امنيتك اللي لسه متحققتش ونفسك تتحقق*12*

يالا ردي يا نوسه ومعش عارف ان وراكي كتابة كتير *111*
ربنا معاكي:hey:


عمرو صالح :f2:

LORDKAZA
25-01-2006, 11:54 PM
نوسه خلصي الرد على الاسئله ديه علشان اسأل أنا
سلام مؤقت

ديدي
25-01-2006, 11:57 PM
منورة الكرسى يا نوسة
تسجيل حضور ولى عودة مرة اخرى لطرح الاسئلة ياقمر

وردة النيل
25-01-2006, 11:59 PM
منورة الكرسى فعلا انت مش الشخصيات اللى الواحد بيحبهم وبيقدرهم اوى اوى ربنا يكرمك يوفقك انا دخله اباركلك على الكرسى واشكر بوكى وام احمد على حسن الا ختيار ولى عودة اصلى عندى امتحان بكرة ونفسى ارتب دماغى عشان اسالك اسئله تليق بيكى نورتى الكرسى وانتظرى عودتى ان شاء الله من اختك وردة النيل انى احبك فى الله

Dragon Shadow
26-01-2006, 01:11 AM
السلام عليكم ورحمة الله ,,,
كنت جاى أقول كلمتين في حقك ولقيت إللى قبلي خلصوا كل الكلام ... بس أقدر أقول أني بأحس في نوسه بكل اللى قاله عنك اللى سبقوني برغم إن أحنا ماتقابلناش في مواضيع كتير ...
وبعدين بأحس دايماً بالأخوة معاكي والدليل على كده إن فصيلة الدم واحدة وربنا مايجيب وحش أبداً ...
لو لقيت نفسي عايز أسال عن حاجه هأسال بس عموماً أنا متابع الموضوع عشان أتعرف عليك أكتر وربنا معاكي ...
لك مني أصدق أماني الدنيا الحلوة
:f2:

أم أحمد
26-01-2006, 01:22 AM
نوسة الجميلة الغالية دائما
منورة الكرسي يا جميل طبعا مش عارفة ااقول عنك حاجة لان كل الي سبقني قال كل الكلام الحلو فيكي بس هاقول انك صديقة جميلة جدا واخت جدعة اوي ربنا يكرمك و يجازيكي كل الخير

سؤالين بقي علي الماشي

ازاي عرفتي طريق المنتدي هنا وماذا يمثل لك المنتدي؟

هل ليكي صداقات قوية مع اشخاص من المنتدي هنا ؟مين هما؟

هل قابلتي حد من المنتدي؟ مين؟

سلمي بقي علي امير سلام كبير اوي ويا رب تفرحي به

ان شاء الله هاتابع الموضوع عشان اعرفك اكتر

زهرة الحنين
26-01-2006, 01:29 AM
بسم الله الرحمن الرحيم

منورة والله واسعدني تواجدك علي الكرسي
واسألتي خفيففففففففففففه اوي عليكي بما اننا حبايب:2:

1- ماذا يعني لك كل من ((الفجر،،،، البحر ،،،،،الليل ))

2-وضع الأمه مامدى أثره عليكي ؟

3-ما هو الشيء الذي يشغل فكرك كثيرا ؟

4-ما هو الكتاب الذي تحسي أنك استفدتِ من معلوماته كثيرااا؟ http://al3sjad.com/vb/images/smilies/mf_bookread.gif

وافر تقديريhttp://al3sjad.com/vb/images/smilies/s23.gif

وفي حفظ الله

:h: حنين:h:

Dragon Shadow
26-01-2006, 01:44 AM
بمناسبة عيد ميلادك وكرسي التعارف عملتلك الملف ده وممكن تخليه يعيد نفسه بدل ماأعمله وحجمه يكون كبير ...
كل سنة هوأنت طيبة
الملف بالمرفقات

حنـــــان
26-01-2006, 08:38 PM
ازيك يا نوسة
كالعادة بافضل أتابع عن اني أسأل
وأحب أسلم...
وكل سنة وانتي دايما بخير
حنـــــان

Bloody Tears
26-01-2006, 08:38 PM
اولا السلام عليكم ورحمه الله وبركاته
بجد بجد انا مش عارف اقول ايه
لان كل الي قالوه اخواني بالمنتدي دليل علي مدي معزيتك عند الجميع
الي قال والي ما قال
والي في قلبي ما اقدر اعبر عنه بالكلمات ابدا
كل الي انا عايز اقوله
ان

للاسف فصيلتى o -
ودى فصيلة صعبة ونادرة وتقريبا 5% فى العالم كلة من يحملون هذة الفصيلة
ده لسبب بسيط انك نادره جدا يا نوسه في زمن زي النهارده
مرحه وذكيه و متعاونه واجتماعيه


واسال سؤالين
الاول :
ايه اكتر موضوع شدك في منتدانا؟
تكمله/
مين اكتر عضو عجبك اسلوبه في المنتدي ؟
الثاني :
رايك في توقيعي :sorry:

يا ريت يكون الرد دقيق مع انه صعب شويه بس اتمني
وبحمد ربنا اني اخدت بالي من الموضوع قبل انتهاء المده المحدده له
yours
رسول غرام alex

سومه
27-01-2006, 11:35 AM
نوسه قطه المنتدى:hey:
ربنا معاكى فى الاسئله وتجوبى عليها
انا مش هسأل دلوقتى بس هتابع الاسئله علشان اعرفك عن قرب لانك شخصيه جميله جدا
كل الشكر لبوكى وام احمد على اختيارك
:f2:

n3na3aah
27-01-2006, 02:41 PM
هييييييييييييييييييييييه نوسه علي كرسي التعارف انا الحق اسال قبل ما يجو الاعضاء علشان اكيد لو جيت بعد كده مش حلاقي سؤال اساله اساسا

انا كنت عايزه اسال سؤال غلبان واحد بس

عبريلي عن نوسه في رايك؟ :f2:

Hesham Nassar
27-01-2006, 02:41 PM
إيه ده ..http://www.egyptsons.com/misr/images/smilies/050103big_prv.gif
بقى تبقوا عاملين المفاجأه دي و أنا آخر من يعلم ..

منورانا يا نوسه و متألقه كالعاده سواء في كرسي التعارف أو في أي موضوع .

و بمناسبة و جودك بقى فأنا هنتهزها فرصه و اسألك كام سؤال خفيف كده ع الماشي :http://members.lycos.co.uk/el7orria/____/161.gif

1- أول مره اتعاملتي فيها مع الكومبيوتر ، و أول مره اتعاملتي فيها مع الإنترنت كانت إمتى ؟http://members.lycos.co.uk/el7orria/____/getsmile.tmp000488021.gif

2- أكتر أكله بتحبيها إيه ؟

3- أكتر حاجه عاجباكي في منتدى أبناء مصر إيه ؟http://smilies.sofrayt.com/^/aiw/wink.gif

4- إيه أكتر موقف محرج حصل معاكي في المنتدى ؟http://smilies.sofrayt.com/^/aiw/blush.gif

5- و أخيراً .. لما بتكوني متضايقه أو مخنوقه إيه اللي ممكن تعمليه عشان تطلعي من الحاله دي ؟

و ربنا ما يجيب مضايقه و لا حاجه و نسمع عنك كل خير ...http://smilies.sofrayt.com/^/aiw/biggrin.gif

و لو في وقت هيكون ليا عوده من تاني .. http://www.egyptsons.com/misr/images/smilies/1110.gif
و مره تانيه منوره الكرسي يا ست الكل ..http://members.lycos.co.uk/el7orria/____/getsmile.tmp000456075.gif

ابن البلد
27-01-2006, 02:58 PM
أنا بسجل حضور بس وإن شاء الله أجي أسئل كتير :d

ana3sola
27-01-2006, 03:07 PM
اهلا يا نوسه يا ننوسه
انا سمعت انك على كرسى الاعتراف حبيت اخد بيدك
ربنا يعينك
ههههههههههههههه
انا بعفيكى من الاسئله
بصراحه هما ماسابوش اى سؤال
ماشالله دول ما صدقوا
باين عليهم بيحبوكى موووووت

ربنا يوفقك
ارق تحياتى

سـلـوى
27-01-2006, 03:39 PM
هييية هيييييية
نوسة نوسة
:hey: :hey:
*15* *15* *15*
تستاهلى يا نوسة
ربنا يكرمك دائما
و يزيد حب الناس ليكى و حبك للجميع
:f2: :f2:
انا داخلة اشجع و اتفرج
:4:
كفاية عليكى
:d
ربنا معاكى

سيد جعيتم
27-01-2006, 04:13 PM
الأبنة العزيزة / نوسة
مرحباً بك فوق كرسى التعارف . لن أسأل ولكنى استمتع بالأسئلة والأجابات . اختيار الأخت بوكى بوكى دائماً موفق

MaTR|X
27-01-2006, 05:10 PM
ربنا يعينك يا نوسه

شدى حيلك

أنا مش هسأل دلوقتى

كل الاسئله اللى على بالى اتسألتلك

ربنا معاكى :d:d:d

ميمة اسلام
27-01-2006, 05:53 PM
السلام عليكم علي كل اللي في المنتدي وبالاخص الاخت نوسة اللي بصراحة معرفهاش كويس بس انا اعجبت بية جدا من الكلام اللي قريتة عنها وفعلا افضل حاجة كرسي الاعتراف عشان اتعرف عليها اكتر انا مع الاسف لسة جديدة في المنتدي ولو اني اعتبر مسجلة من فترة فية لكن برغم كدة مكنش عندي الفرصة الكافية اني اتجول فية بسبب دراستي اللي مطلعة عيني بس انا الايام دة في اجازة واناشاء الله حتابع كل المواضيع عشان اتعرف اكتر علي الناس الحلوة ربنا يحميكم وبجد منتدي رائع وجميل و حستني كل اجاباتاك من غير ما اسال عشان اتعرف عليكي اكتر

Samir Aser
27-01-2006, 06:36 PM
بسم الله الرحمن الرحيم

تحياتى واحترامى للأخت الفاضلة / نوسه ........... ولجميع الأعضاء لهم منى خالص الود .

كنت أود المشاركة ؛ ولكننى يكفينى أن أتعرف على الجميع من خلال الأسئلة والإجوبة .

دمتم بعز .... دمتم لمصر .

eslamko_86
27-01-2006, 07:10 PM
هاىىىىىىىىىىىىى نوسه ازيك اول مشاركه ليه هنا قولت لازم تكون ليكى لما عرفت انك قاعده هنا :y:




من هو الفريق الذى تتوقعيه أنا يحصل على كأس الام الافريقيه فى مصر 2006؟

من هو فريق الذلى سيتوج فى كأس العالم 2006 بألمانيا ؟

مفيش أحسن من كده أسئله روشه وسهله اهه

نوسة
27-01-2006, 07:27 PM
نحن السابقون . وانتم اللاحقون يا نوسه:1:


منوره كرسى التعارف .. وربنا يكون فى عونك :2:


ميرسى يا عصفور ربنا يخليك



وأحب أستثمر الفرصه الجميله دى للتعرف عليكى أكثر واكثر .. واليكى بعض الاسئله

ربنا يستر



1-
ايه الدعاء اللى دايما بتحبى تدعيه فى صلاتك؟


اللهم استجب لدعائي انك الغفور الرحيم





2- هل أنتى سريعة الضحك .. أم سريعة البكاء؟


الحقيقة يا عصفور انا سريعة الضحك وسريعة البكاء

دموعى اقرب ممكا تتخيل وضحكتى كذالك وممكن اضحك وابكى فى نفس الوقت

3- ماهى أكبر النجاحات التى حققتيها فى حياتك حتى الان؟


الحقيقة مش عارفة لكن انا اكتر حاجة بعتبرها انجاز انى دائما حريصة على ترابط افراد اسرتى كلهم ببعض ودائما اسعى لتواجدنا مع بعض ودائما اسعى لانهاء اى خلاف سريعا ونجحت فى هذا كثيرا وكسبت ثقة الاخرين ممن يحتكمون لى فى اى امر عائلى والحمد لله

4- عرفى نفسك من خلال بيت شعر .. او أغنيه ؟
زى مثلا ((أنا بعشق البحر )) وهكذا



يعنى زمان كان ليا فى الشعر وبحب اوى شعر نزار قبانى وعندى كل مجلداتة الشعرية
لكن من وقت معرفتى با النت قلت قرائاتى للكتب
فى الاغانى مليش اوى بس فى اغنية ليارا اسمها اتوصا فيا الحقيقة الاغنية دى بحبها اوى ولمست مشاعرى جدا وليها معايا ذكريات حلوة اوى لايمكن هتمحى من فكرى
اتوصا اتوصا فيا عاملنى بحنية يا اللى عايش فيا على طول
من غيرك ما فيا غنى ولا غنية لعيونك عنيى بتقول
جرب يا حياتى شيلك من حياتى امشى وانسى كل الذكريات
بلاقيك بعينى حدى وحوالى من غيرك مش حلوة ها الحياة
اتوصا اتوصا فيا عاملنى بحنية يا اللى عايش فيا على طول
لو مهما قالولى لو عنك حكيولى بقلهن مش معقول حكايات
بعرف بعرف قلبى عليا مش بيخبى صعب انسى صعب الذكريات
اتوصا اتوصا فيا عاملنى بحنية يا اللى عايش فيا على طول
من غيرك ما فيا غنى ولا غنية لعيونك عنيى بتقول
بندهلك يوميا
طلك طل عليا
راح تسمع عنيى بتقول من غيرك ما فيا غنى ولا عنية لعيونك عنيى بتقول
اتوصا اتوصا فيا عاملنى بحنية
يا اللى عايش فيا على طول


وأخيرا السؤال التقليدى الذى أسأله لكل ضيوف كرسى التعارف


على فكرة دة سؤال صعب مش سهل :'(

طيب مفيش اختيارات



املأ الفراغ بالعضو المناسب ((مع مراعاة عدم اختيار المحاور عصفور الشعر.. لملء أى فراغ ))

لا اكيد انت ليك فى الفراغات



عضو يعجبك اسمه ..........


نهر الحب



عضو تحسه هادىء .........

ام احمد


عضو تتمنى تشوفيه .........



عمرو صالح وبوكى بوكى




عضو نفسك تهديه باقة ورد


بسنت وابن البلد



عضو مشااارك وفعال .......


عبدو باشا وعصفور الشعر



عضو مجنون شويتين .......



ماد بوى



عضو رقيق جدا ..............



ديدى




عضو يستاهل الضرب .......


هو عارف نفسة




عضو تحسه مرتب جدا في مواضيعه



دراجون شادو و اوشا



عضو بسرعة يغضب ........



بصراحة من خلال قرائاتى للردود مهندس جمال الشربينى





عضو تحب تتابع مواضيعه...



احمد ناصر


عضو ما بتشوفوش بالمنتدى الا نادرا ونفسك يشارك على طول



محمد فاروق مومان سابقا وشودى



عضو يحب الخير لاخوانه بالمنتدى


ماما زوزو





عضو يحب يجادل كثير



عصفور الشعر

مفيش موضوع مش بلاقيك فية وبحب اقراء مدخلاتك كلها



عضو تحب تغير اسمه


مظلوم نفسى يغير اسمة لمحبوب هههههههههههههه


الحقيقة كتير فى اسامى ملهاش اى معنى او اسماء غريبة لا بعرف انطقهاولا بعرف معناها
ويمكن علشان كدة انا كتبت موضوع لية سميت نفسك فى المنتدى با الاسم دة ويمكن الموضوع انا شوفتة فى منتدى تانى زمان ونسيتة لكن لما لقيت اسماء غريبة افتكرتة بس صيغتة بأسلوبى انا
واتمنى فعلا ان الموضوع يجد اقبلا من الكل وطبعا كتير دخلوة وعرفنا لية اختاروا الاسم لكن اتمنى الكل الجداد او اللى اسمائهم غريبة يدخلوا ويقولوا لية سموا اسمهم كدة

مع تحياتى وتقديرى


تحياتى وتقديرى لك واسعدنى حضورك كثيرا


خوكى


توت :f:


دمت لى اخا عزيزا

نوسة
27-01-2006, 07:42 PM
يا ميت اهلا وسهلا بالباشا ام ميرو *8* *8* *8*
داخل بس اهنى الباشا بمناسبه دخوله على كرسى التعارف *9*
وان شاء الله تبقى فتره جميله ووقت سعيد لشيخ حاره المنتدى والمنظم الرسمى لاحتفالات المنتدى العميد نوسه :good:
يالا يا باشا جاوب على الاسئله وانا ماعنديش اسئله دلوقتى بس حبيت اخش اشمت :d يووووووه قصدى اتفرج :)
ويجعلوا عاااااامر بيكى دايما يا نوسه باشا *8*
اخووووووووكى
مظلووووووووم

محبوب باشا قصدى مظلوم باشا ههههههههههههههههههههههههههه

يا ميت اهلا وسهلا بالباشا مظلوم وداخل تشمت كدة ومشمر ههههههههههههههههه
عموما منور فعلا يا مظلوم ويجعلوا عامر وتعال اتفرج على راحتك البيت بيتك
ومنتظرة اسئلتك
اسعدنى حضورك كثيراااااااااااااااااااااااااااااااااااااااااااااا اااا

LORDKAZA
27-01-2006, 08:22 PM
اختى العزيوه نوسه ممكن اسهل من هم القراء المفضلين لكي في المنتدى

عصام كابو
27-01-2006, 08:23 PM
انا كنت ماشى قلت ادخل اسلم يا نوسة......
معنديش اسئلة فى ذهنى دلوقتى:-s ....
بس سيبينى افكر شوية عشان أسألك شوية اسئلة (عقر):eat: ........
اخواننا فى المنتدى ما يتوصوش سألوا معظم الاسئلة........
ده فى هنا وحوش:nooo: ......
على العموم راجع تانى ان شاء الله:shit: .......

نوسة
27-01-2006, 09:45 PM
نوسة أخت فاضلة وكريمة .. حبيت أدخل أحييها على تواجدها الجميل والطيب في منتدى أبناء مصر .. وممكن أقول لها ألف مبروك مرور سنتين في المنتدى *8*


اهلا يا استاذ صعيدى
شكرا لك على كلماتك الجميلة وبجدانت فعلا اخ فاضل ومحترم ومحبوب من الكل
والله يبارك فيك على مرور سنتين بجد كانوا اروع سنتين فى حياتى



ياترى بعد مرور سنتين بين أبناء مصر .. إيه أكبر استفادة شايفة انك استفدتيها من المنتدى .. ده كده سؤال مؤقت .. وراجع تاني ان شاء الله *8*



الحقيقة انا استفدت كثيرا من المنتدى
فى المنتدى اتعرفت على اشخاص واصدقاء بجد كانوا نعم الاخوة والاصدقاء واستفدت كثيرا من المنتدى انة خرجنى من انطوائيتى لانى دائما كنت احب وافضل الجلوس لوحدى ويمكن اسلوب تربيتى ساعد فى كدة لانى اتعودت يكون ليا غرفتى الخاصة ومكتبى وجهاز الكمبيوتر الخاص بى واشيائى الخاصة فمكنتش بحب اخرج من حجرتى الا وقت تناول الطعام ودة كان مجبر اخاك لابطل لان ماما كانت بتصر على تناول الطعام كلنا مع بعض ومع ان الوقت كان بيبقى جميل وظريف والجميع يشتركون فى احاديث جميلة الا انى كنت دائما ما اتناول طعامى بصمت وادخل حجرتى على طول
لكن المنتدى فرق معايا كتير اسفدت منة فى التعرف على مواضيع وحوارات وبرامج ومسابقات وانا بفتكر لما اشتركت كان فى موضوع مازال موجود اسمة امثال شعبية انا بحب الامثال اوى وكنت لما ما اعرفش مثل اسال ماما او اعمل تليفونات وكنت مشغولة اوى با الامثال ولقيت ماما بتقول كويس النت خرجها من سكوتها وبعدها بقيت اشاركهم بموضوعات من المنتدى او يسمعونى بضحك
فبصراحة انا مديونة للمنتدى بكتير من تغير فى حياتى
واصبح المنتدى محور حياتى كل يوم لازم ادخل واشوف مين اعضاء جديدة ارحب بيها مين عيد ميلادة ادخل اهنية او اعمل لية عيد ميلاد
وواحدة واحدة كنت بتعرف با الاعضاء واصبح كثيرون من المنتدى اصدقاء ليا وبجد بحس فعلا انهم عائلتى
ولما بيغيب عضو وميدخلش بحس ان فى حاجة غايبة واسعد اوقات يومى اللى بقضيها فى المنتدى
اتصفح او ارد او العب فى المسابقات او اتعلم من البرامج

شكرا لتواجدك اخى الصعيدى سعدت كثيراااااااااااااااااااااااااااااا

Basio
27-01-2006, 10:02 PM
مبروووووووووك يانوسة كل الود اللى من الاعضاء ده *8*
لكي مني مثله *8*
ربنا يعينك على الاسئله

hmoda
27-01-2006, 10:14 PM
بسم الله الرحمن الرحيم
التهنئه وشكلر للاخت نوسه
على الكلامه الجميل
ام عن الاساله
هل التعارف بين العضاء
هو يكفى ان الاعضاء
يكتب البيناته فقط
فهل ممكن تقبلينى صديق
محتاج الى انسان صادق
ومخلص
ليكون موجه له فى المندى
ممكن تقبلين تكونى انتى
اكون اسعد انسان
واشكرك

khaled4
28-01-2006, 12:51 AM
ازيك يا نوسه و دايما يا رب فى تقدم و ازدهار و عاوز اسألك سؤال لو ليكى حد قريب منك اوى و زعلك و عمل حاجه ما كونتيش تتوقعيها تتصرفى ازاى

مدحت زيدان
28-01-2006, 06:42 AM
ابنتى \نوسة
اول تعارف بيننا كان مفاجاة لى
فقد تلقيت منك كارت معايدة بمناسبة العيد رغم انه كانت اول مرة لى اقرا اسمك ولاسيما اننى جديد على المنتدى
هذا الكارت كان له مردود طيب جدا بالنسبة لى
ورغم انى اب لكثير من البنات فى المنتديات الاخرى الغير مصرية الاانه البنت المصرية لها روح خاصة بها كمصرية تجعل الانسان يشعر انها فرد من افراد اسرته
وعلى سبيل المثال وجدت هذا الشعور مع عصفورة الشرق ومع بنت مصر ومعك
والحمد لله اصبح لى ثلاث بنات بعد ان كنت محروما من نعمة البنات
انا كنت امر مرورا عابرا وعلمت من كلامك انك قبل عضويتك فى المنتدى كنت تعانين من مشكلة الانطواء الىان انعم الله عليك بنعمة المنتدى
وانا اقول لك احمدى ربنا انك وجدتى هذه النعمة
فانا مثلا عشت شبابى كله منطويا ولم يكن متوفرا وسيلة مثل وسيلة النت الذى لم امارسه الا بعد ان تقاعدت من عملى واصبحت فى حاجة ماسة الى ناس اتفاعل معهم
قبل ان انهى كلامى
كل واحد فينا يا نوسة تفكيره مشغول باشياء هامة بالنسبة له يريد ان يحققها
فياترى مالذى يشغل تفكير نوسة؟

sea_wolf
28-01-2006, 07:45 AM
:f:
يا الف اهلا وسهلا بيكى على الكرسى منوراة


:f2: *8* *8*

ندخل فى الاسئلة على طول
هو سؤال واحد وبس
لو فى فعلا امكانية انك ترجعى بالزمن للماضى ... ايه هى التصرفات الى كنتى هتغيريها ؟
وهرجع تانى
لو سمحتى طبعا

إبن صابر
28-01-2006, 10:07 AM
مع إني جديد على المنتدى لكن لاحظت تميز العزيزة نوسة .. لك الأحترام والمحبة أيها الأخت العزيزة ودمت لمصر والعروبة.

Amira
28-01-2006, 10:33 AM
نوسة - أذيك يا قمر ؟؟ و أذي قطتك
عودة قوية لموضوع كرسي التعارف بأختيار شخصية متئلقة و ليها شعبيتها في المنتدي - جميل يا بوكي
أنا هسأل الجه علي بالي و انا بكتب
1- يا تري ايه هواياتك المفضلة ؟؟ و هل مواظبة علي ممارستها ؟؟
2- تربيتك لأبنك بتعتمدي فيها علي أي مبدأ ؟؟ ويا تري بتواجهك مصاعب في تربية الأطفال ؟؟

منورة الكرسي يا جميل
و ردي بسرعة بقي احنا متشوقين لمعرفة نوسة عن قرب
خالص تحياتي :f2:

محمود زايد
28-01-2006, 10:55 AM
اهلا اهلا منور يانوسه
الحقيقه انتى ليكى حضور قوى فى المنتدى واعتقد ان الكل اجمع على احترامك وتقديرك بفضل شخصيتك المحترمه والظريفه جدا وكمان الرياضيه :f2:

ندخل على الاسئله
ماهو اهم موضوع قرأتيه فى المنتدى واعجبتى به ؟
هل تمنيتى ان تكونى شخصيه مختلفه عن شخصيتك الحاليه ؟
سؤال رياضى هل تتوقعى فوز مصر بكأس الامم الفريقيه ؟ فى دى ادعى كتير يانوسه علشان ربنا ينفخ فى صورتنا *36*

كفايه كده ولى عوده ان شاء الله
تحياتى لكى وبالتوفيق دائما :f2: :f2:

بنت مصر
28-01-2006, 11:15 AM
السلام عليكم ورحمة الله وبركاته

أختي الحبيبة نوسة

ازيك وايه أخبارك يارب يكون الكرسي متنجد كويس
ومش تاعبك وانتي قاعدة عليه .. عموما لو عندك
أي شكوى فنية من الكرسي ياريت تبلغي ادارة
المنتدى وان شاء الله نتصرف في منجد *106*

عموما انا جهزت شوية اسئلة واتمنى انها ما تكونش تقيلة عليك
من أكثر عضو(ة) تحسي معه(ها) بالتفاهم في المنتدى؟

ما هو أكثر موقف احراجا قابلتيه في حياتك ؟

ما هي نوعية الكتب التى تحبي قراءتها؟

من المحيطين حولك تلجأين اذا رغبتي في الفضفضة؟

حسام عمر
28-01-2006, 11:17 AM
بعد اذن الاخت العزيزه نوسه


سأقرأ الاسئله والاجوبه منعنا للتكرار

بس بأذن الله فى مناسبه بأذن الله سعيده


لو عزمتى حد من المنتدى ومنهم انا طبعا


ايه اللى حيكون على المائده واوصفى برحتك وبحبحى خالص

نوسة
28-01-2006, 01:36 PM
نوسة على كرسى التعارف

؟‍‍
ومن لا يعرف نوسة؟؟
أختى الغالية نوسة عشرية بطبعها
كل أعضاء المنتدى تقريبا أصدقاء لها
فهى دائما مرحة ومجاملة
ودائما موضوعاتها جميلة وتتلقى التفاعل من باقى الأعضاء

شكرا يا ناصر على كلماتك الجميلة بجد اخجلتنى وعلى فكرة يا ناصر انت اول صديق ليا فى المنتدى واصبحت اخ عزيز وربنا يديم الاخوة
والحمد لله فعلا اغلب اعضاء المنتدى اصدقائى



أتذكرين يا نوسة منذ سنتين تقريبا؟
كنا دفعة واحدة تقريبا
حيث سجلنا فى المنتدى على فترات متقاربة
وكان معنا أيضا محمد فاروق ووليد والكينج أبو وليد
وكنا بنهزر دايما مع محمد شحاتة
وكانت لنا مشاركات تفطس من الضحك فى فك التكشيرة
أيام فعلا جميلة ونفتقد محمد شحاتة ومحمد فاروق بشدة
ووليد وحتى عمرو إمام بيشارك على فترات متباعدة
لكن عزائنا إن المنتدى ملىء بالأصدقاء الرائعين

طبعا يا ناصر مش ناسية ولا حاجة وفعلا احنا كنا مسجلين فى فترات متقاربة ومش ناسية ابد المهرجانات اللى كنا عملينها خالص وكانت اوقات جميلة وفعلا انا بفتقد مومان ووليد ومحمد شحاتة وشودى كمان كان عامل موضوع الدكتور شودى بتاع من اى شجرة انت وكان موضوع جميل
وفعلا زى ما انت قولت عزائنا ان المنتدى ملىء با الاصدقاء الرائعين



أسئلتى :

هههههههههههههههههههههه اهلا يا ناصر



1-ما هو أكثر موضوع أعجبك فى المنتدى حتى الآن؟

طبعا مواضيع المنتدى كلها رائعة وبجد فعلا تحتار تكتب اية ولا اية
لكن من قريب وجدت موضوع اكثر من رائع اسمة احجزوا في قطار السيرة - الأماكن محدودةوهو موضوع لاخت غالية اسمها ماجى فى قاعة لقاءات فى حب الله موضوع اكثر من رائع وعجبنى جداجدا وحجزت والحمد لله وتوليت وظيفة كمان فية



2-ما هى أكثر القاعات التى تفضلينها بالترتيب؟

حاليا التهانى والتعارف ثم المسابقات ثم فك التكشيرة ثم لقاءات فى حب الله ثم المناقشات تم العامة وبعدها اتجول فى المنتدى كما يحلوا لى او الاقى موضوع على الشريط يشدنى عنوانة او يكون اخر تعليق احمد ناصر ادخلة على طول هههههههههههههههه



3-ما هى الأمنية التى تتمنى أن تتحقق ولم تتحقق حتى الآن؟

الحقيقة انا بحب الاطفال جدا جدا وكان نفسى اوى افتح حضانة للاطفال ويمكن الموضوع نام شوية لكن الدكتورة نسيبة ميرا الجميلة عملت موضوع اسمة عندك كام سنة فى لقائات فى حب الله
وكانت بتقترح فية ايه رايكم لو كل واحد يقترح علينا اقتراح نقدر بيه نفيد دينا ونعلى من كلمته او حتى قول انت عملت ايه عشان ترفع من كلمة الاسلام او حتى نفسك فى ايه وعايز تعمله وحاسس انك ممكن تفيد الاسلام
وهنا بدأ حلمى مرة اخرى يتجدد وفعلا اتكلمت مع عائلتى ان ندرس الفكرة مرة اخرى بس انا كنا الاول بفكر فيها كمشروع استثمارى لكن بعد موضوع ميرا اتغيرت الفكرة لمشروع لله ويكون فى ملجأ بجانب الحضانة
اتمنى من الله ان يحقق هذة الامنية



4-نفسك أمير ميرو يطلع إيه لما يكبر؟

الحقيقة يا ناصر انت بقيت أب واى أب او أم بيهمهم ان ابنهم او بنتهم يكونوا افضل انسان فى الدنيا
ومسألة يطلع اية دى بقيت متروكة ليهم حاليا بس انا كنت احب يكون صيدلى هههههههههه تجارة برضوا
انا نفسى ينشأ فى خوف وطاعة الله وبعدها يختار هو طريقة



5-بتحوشى مهر لبنى ولا لأ؟

يا سيدىمهر لبنى جاهز والحمد لله بس انت توافق




شكرا ليك يا ناصر ولآسئلتك الجميلة

اسعدنى وجودك كثيرااااااااااااااااااااااااا

نوسة
28-01-2006, 02:07 PM
اهلا يااهلا يانوسة
منورة الكرسى

اهلا يا صلادينوا دة نورك



معنديش اسئلة علشان مش محاور
تمنياتى بالمررو من الاعترافات الجبارة المنتظرة

على فكرة انا زيك واول مرة ادخل كرسى التعارف هنا لانى برضوا مش بعرف اسأل او احاور
بس طلع الموضوع لذيذ وبجد انا فعلا اسفة انى مدخلتش وسألت اخواتى او حتى سجلت حضور

شكرا لتواجدك صلادينوا اسعدنى كثيرااااااااااااااااااااااااااااااا