المساعد الشخصي الرقمي

مشاهدة النسخة كاملة : نوسة علي كرسي التعارف



الصفحات : 1 2 [3] 4

نوسة
31-01-2006, 12:02 PM
ازيك يا نوسه و دايما يا رب فى تقدم و ازدهار و عاوز اسألك سؤال لو ليكى حد قريب منك اوى و زعلك و عمل حاجه ما كونتيش تتوقعيها تتصرفى ازاى


الحقيقة يا خالد سؤالك صعب اوى خصوصا لما يكون زعلك من شخص قريب ليك وانة يعمل حاجة مش متوقعة
انا عندى مقولة بتقول
جرح الحبيب يجرح اكثر من جرح العدو ...... لكنة يشفى اسرع من جرح العدو
وهذا الكلام ينطبق على اقرب شخص ليك سواء صديق او قريب
طبعا اول شىء هعاتبة الاول وافتح معاة الكلام او استفسر لية عمل كدة او كان يقصد اية لانى ممكن افهم قصدة غلط و يكون هو بيقصد حاجة تانى ودة هيحصل طبعا مع اى شخص سواء قريب لو لا
لكن لما بيكون الشخص مقرب بيكون عزيز عليك اكترهتعاتبة وتفهم وجهة نظرة قبل ما تحكم على اى امور
لكن لو الشخص مش بيهمنى اوى برضوا هعرف وجهة نظرة وبعدها اقرر استمر ولا هسيبة وينتهى ويروح لحالة وخلاص
بس على فكرة انا مش ببيع بسرعة لانى بصراحة من النوع الصبور شوية يعنى مش من النوع اللى يزعل بسرعة وخصوصا من اصدقائى المقربين ممكن افوت مرة وعشرة ومليون لكم ممكن مرة تقفل معايا وابقى خلاص على اخرى هنا بس ممكن اقطع علاقتى بية على طول او احد شوية من التعامل معاة يعنى تبقى المعاملة بحدود وعلى اضيق النطاق
وربنا ما يجيب زعل ولا خصام بين الناس

شكرا لحضورك يا خالد اسعدنى كثيرا

نوسة
31-01-2006, 12:26 PM
ابنتى \نوسة
اول تعارف بيننا كان مفاجاة لى
فقد تلقيت منك كارت معايدة بمناسبة العيد رغم انه كانت اول مرة لى اقرا اسمك ولاسيما اننى جديد على المنتدى
هذا الكارت كان له مردود طيب جدا بالنسبة لى
ورغم انى اب لكثير من البنات فى المنتديات الاخرى الغير مصرية الاانه البنت المصرية لها روح خاصة بها كمصرية تجعل الانسان يشعر انها فرد من افراد اسرته
وعلى سبيل المثال وجدت هذا الشعور مع عصفورة الشرق ومع بنت مصر ومعك
والحمد لله اصبح لى ثلاث بنات بعد ان كنت محروما من نعمة البنات
انا كنت امر مرورا عابرا وعلمت من كلامك انك قبل عضويتك فى المنتدى كنت تعانين من مشكلة الانطواء الىان انعم الله عليك بنعمة المنتدى
وانا اقول لك احمدى ربنا انك وجدتى هذه النعمة
فانا مثلا عشت شبابى كله منطويا ولم يكن متوفرا وسيلة مثل وسيلة النت الذى لم امارسه الا بعد ان تقاعدت من عملى واصبحت فى حاجة ماسة الى ناس اتفاعل معهم
قبل ان انهى كلامى
كل واحد فينا يا نوسة تفكيره مشغول باشياء هامة بالنسبة له يريد ان يحققها
فياترى مالذى يشغل تفكير نوسة؟



الاب الفاضل عمو مدحت
اولا بشكر حضرتك على كلماتك الطيبة
وبشكرك كثيرا على ابوتك الرائعة وانى اكون بنت لحضرتك دة شرف ليا كتير


انا كنت امر مرورا عابرا وعلمت من كلامك انك قبل عضويتك فى المنتدى كنت تعانين من مشكلة الانطواء الى ان انعم الله عليك بنعمة المنتدى


الحقيقة ان مشكلة الانطواء كانت محببة ليا جدا رغم انى اعيش فى اسرة مترابطة ويعمها الود والمحبة و مترابطة عائليا لان اهل ابى هم اهل امى ونعيش كلنا مع بعض فى عمارات متلاصقة ودائما العائلة حريصة ان نجتمع سويا على مائدة الطعام على الاقل مرة يوميا الا اننى انا الوحيدة التى كنت احب انفرد بنفسى وكمان كون لى حجرتى الخاصة دة ساعد انى اكون وحدى اكثر مع انى كنت لغاية ايام ثانوى رياضية امارس رياضة الجمباز وكذلك كرة اليد وكان عندى حرية انى اذهب للنادى وقتما اشاء يعنى مكنش عندى اى ضغوط تجبرنى على ذلك ولما اتعرفت با الكمبيوتر اصبحت اقضى ساعات علية اخرج من حجرتى للاكل فقط وكمان بخرج مجبر اخاك لا بطل

كل واحد فينا يا نوسة تفكيره مشغول باشياء هامة بالنسبة له يريد ان يحققها
فياترى مالذى يشغل تفكير نوسة؟



الحقيقة انا معنديش طموحات كتير الحمد لله وخصوصا بعد ان تزوجت لكن اكتر حاجة بتمنى احققها هى مشروع ملجا وحضانة
لكن اصبح ما يشغلنى حاليا هو ارضاء الله عز وجل

نوسة
31-01-2006, 01:52 PM
:f:
يا الف اهلا وسهلا بيكى على الكرسى منوراة


:f2: *8* *8*

ندخل فى الاسئلة على طول
هو سؤال واحد وبس
لو فى فعلا امكانية انك ترجعى بالزمن للماضى ... ايه هى التصرفات الى كنتى هتغيريها ؟
وهرجع تانى
لو سمحتى طبعا


اهلا وسهلا يا سى ولف
انت اللى منور الموضوع بجد

ندخل فى الاسئلة على طول
هو سؤال واحد وبس

اتفضل


لو فى فعلا امكانية انك ترجعى بالزمن للماضى ... ايه هى التصرفات الى كنتى هتغيريها ؟
وهرجع تانى

كنت هغير كتير من تصرفاتى
كنت هكون اجتماعية اكتر وكنت هفضل رياضية لانى توقفت بدخلولى الجامعة
كنت هدخل كلية فنون جميلة قسم ديكور
او كان زمان نفسى اكون مضيفة طيران
مكنتش هبقى طيبة ههههههههههههههههههههههه
انا مسرفة جدا كنت هحاول اكون معتدلة فى مصاريفى
على فكرة هغير حاجات كتير اوى وبلاش فضايح بقى هههههههههههههههههههه
وميرسى على حضورك
اسعدنى كثيراااااااااااااااااااااااااااااااا

نوسة
31-01-2006, 02:05 PM
مع إني جديد على المنتدى لكن لاحظت تميز العزيزة نوسة .. لك الأحترام والمحبة أيها الأخت العزيزة ودمت لمصر والعروبة.


اهلا يا ابن صابر
مرحب بيك فى المنتدى منور منتدانا الجميل
وشكرا لكلاماتك الجميلة

اسعدنى حضورك كثيرااااااااااااااااااااااااااا

نوسة
31-01-2006, 02:51 PM
نوسة - أذيك يا قمر ؟؟ و أذي قطتك
عودة قوية لموضوع كرسي التعارف بأختيار شخصية متئلقة و ليها شعبيتها في المنتدي - جميل يا بوكي
أنا هسأل الجه علي بالي و انا بكتب
1- يا تري ايه هواياتك المفضلة ؟؟ و هل مواظبة علي ممارستها ؟؟
2- تربيتك لأبنك بتعتمدي فيها علي أي مبدأ ؟؟ ويا تري بتواجهك مصاعب في تربية الأطفال ؟؟

منورة الكرسي يا جميل
و ردي بسرعة بقي احنا متشوقين لمعرفة نوسة عن قرب
خالص تحياتي :f2:

اهلا يا اميرة

ازيك انتى يا برنسس وانا قطتى جميلة وامورة ومفيش احلى منها فى كل الدنيا ههههههههههههههه
وميرسى لكلماتك الجميلة

أنا هسأل الجه علي بالي و انا بكتب

اتفضلى يا قمر


1- يا تري ايه هواياتك المفضلة ؟؟ و هل مواظبة علي ممارستها ؟؟

الحقيقة يا ميرة انا هوايتى المفضلة كانت القراءة والسباحة

يعنى القراءة ما زلت بمارسها لان عندى كتب شيقة فعلا والمجلات بحب اوى مجلة نصف الدنيا وحواء دول لازم كل يوم احد افتح عينى عليهم وكنت بقراء معاهم روز اليوسف بس قليت قراءتها من زمان بسبب موضوع لبسنت لكن مقدرتش امنع دخولها البيت
دة مع الجرائد اليومية والاسبوعية والفضل فى القراءة بيرجع لماما من واحنا صغيرين كانت بتجيب لينا قصص ومجلات وكانت بتعملنا مسابقة مين اشطر واحد هيحكى القصة اللى قرائها ودة خلق فينا تنافس للقراءة ومازال اخواتى بيعمولوا كدة مع ابنائهم والحمد لله
اما السباحة فى الصيف مع ان الكمبيوتر اخدنى من الاتنين
2- تربيتك لأبنك بتعتمدي فيها علي أي مبدأ ؟؟ ويا تري بتواجهك مصاعب في تربية الأطفال ؟؟

الحقيقة يا اميرة اى ام للمرة الاولى بتكون حريصة انها تقراء اى حاجة عن تربية الاطفال
وانا اول حاجة عملتها وانا حامل انى اشترى الكتب دى ونزلت لقيت المكتبات عامرة بهذة الكتب العربية والاجنبية بس انا طبعا جبت المترجمة هههههههههههههه لان ثقافتى المانى
طبعا كنت حريصة انى اقراهم كلهم وعرفت منهم ان الطفل من عمرة 6شهور بيفهم العقاب
وانا بتعامل من المبدا دة لان مهم العقاب بجانب التدليل ودايما وهو فى حضنى انا بعقبة ولما بقولة لا على اى حاجة مش بغير موقفى مع انة بيبقى صعبان عليا وهو كمان لما بقولة لا بيغضب وبيعمل حركة جميلة بمناخيرة وشفايفة ببقى هتجنن وعايزة اكلة اكل هههههههههههههههههه
ولما بعاقبة دائما بعدها اقولة انا بحبك والحمد لله متفقين انا وزوجى على العقاب واتفقنا لو انا بعاقب هو يسكت ولو هو بيعاقب انا بسكت يعنى محدش فينا يتدخل فى عقاب الاخر وربنا يستر احنا لسة بنقول يا هادى لان عمرة سنة

اكيد فى صعاب فى التربية عموما لانك دائما تريدى ان يكون طفلك افضل من جهة كل شىء
بس هو الحمد لله هادى جدا ومش طفل نكدى الحمد لله دائما يصحى من النوم مبتسم نادرا لما يبكى ومش فاكرة انى سهرت بية يوم او ازعج نومنا
ودة لانى كنت منظمة الرضاعة كل 3ساعات من لحظة الولادة ودة طبقتة من احد الكتب اللى قريتها وقابلت معارضات كثيرة لكنى كنت مصممة ان اربى ابنى بطريقتى التى افضلها ولا يتدخل احد فيها
وفعلا هو كان بينام ويصحى على ميعاد الرضعة كما لو كان منبة ههههههههههههههه وينتظرنى تانى با الكتير 5 دقايق ثم يبكى على خفيف ودة نظم امعائة كثيرا ولم تواجهنى اى مشكلات والحمد لله
يعنى الحمد لله لدلوقت لسة مفيش اى صعاب الصعب بقى لسة جاى

ارجوا ان اكون افادتك

شكرا لمرورك اسعدنى كثيرااااااااااااااااااااااااااااااااا

نوسة
31-01-2006, 03:12 PM
اهلا اهلا منور يانوسه
الحقيقه انتى ليكى حضور قوى فى المنتدى واعتقد ان الكل اجمع على احترامك وتقديرك بفضل شخصيتك المحترمه والظريفه جدا وكمان الرياضيه :f2:



اهلا اهلا يا محمود منور انت الموضوع كلة
وشكرا لكلماتك الجميلة بجد فعلا الواحد مكنش يعرف كل الحب دة من اخواتى الاعزاء جميعا ربنا يخلينا كلنا لبعض ويجمعنا فى منتدانا الجميل دة على طول


اهو اهم موضوع قرأتيه فى المنتدى واعجبتى به ؟

الحقيقة السؤال دة اتسألتة كتير وجاوبتة بس هجاوب تانى
موضوع للعزيزة ماجى اسمة قطار السيرة احجز الاماكن محدودة عجبنى الموضوع نفسة جدا
عجبنى سرد ماجى للاحداث جدا
عجبنى انك تشعر وانت تقراءة انك داخل السيرة اوى خصوصا لما ماجى بتدخل اسم كل شخص بيقراء الموضوع ويرد علية
عجبنى وهى تصف الاحداث بدقة متناهية وياريت الكل يقراة فعلا
ماجى بجد رائعة لو سيناريوهات الافلام اصاغتها ماجى هتفرق كتير فهى كاعظم سيناريست بجد




هل تمنيتى ان تكونى شخصيه مختلفه عن شخصيتك الحاليه ؟



لا بصراحة بعد كل الحب اللى شفتة من اخواتى هنا لا خلاص انا نوسة وبس



سؤال رياضى هل تتوقعى فوز مصر بكأس الامم الفريقيه ؟ فى دى ادعى كتير يانوسه علشان ربنا ينفخ فى صورتنا

بصراحة يا محمود انا طبعا يهمنى وبدعى ربنا لمصر تاخدة خصوصا بعد ماتش تونس

لكنى متوقعة للان الكاميرون ربنا يخيب ظنى وتاخدة مصر


كفايه كده ولى عوده ان شاء الله
تحياتى لكى وبالتوفيق دائما


شكرا ليك يا محمود ومنتظراك والبيت بيتك

وحضورك اسعدنى كثيراااااااااااااااااااااا

نوسة
31-01-2006, 03:42 PM
بنت مصر

السلام عليكم ورحمة الله وبركاته

أختي الحبيبة نوسة

ازيك وايه أخبارك يارب يكون الكرسي متنجد كويس
ومش تاعبك وانتي قاعدة عليه .. عموما لو عندك
أي شكوى فنية من الكرسي ياريت تبلغي ادارة
المنتدى وان شاء الله نتصرف في منجد *106*[/QUOTE]
وعليكم السلام ورحمة الله وبركاتة

اهلا يا بسبوسة ازيك انتى وحشانى
عموما هو الكرسى متنجد كويس تقدرى تقولى علية كرسى وثير ههههههههههههههه
بس مكنتش متخيلة كم الاسئلة دى لانى بصراحة اول مرة ادخلة لانى مش بعرف اسال حد
لكنة لذيذ بس واخد كل الوقت




عموما انا جهزت شوية اسئلة واتمنى انها ما تكونش تقيلة عليك
من أكثر عضو(ة) تحسي معه(ها) بالتفاهم في المنتدى؟


الحقيقة انا ليا اصدقاء كتير من المنتدى وماسنجرى عامر با الكثيرين وخلاص بيقفل

لكن اكثر عضوة باحس ان فى تفاهم او بنتكلم كتير هى بوكى بوكى

واكتر عضو باحس ان فى تفاهم او بنتكلم كتير هو عمرو صالح




ما هو أكثر موقف احراجا قابلتيه في حياتك ؟


الحقيقة يا بسبوسة مش حاضرنى ولا موقف نهائى حاليا



ما هي نوعية الكتب التى تحبي قراءتها؟


الحقيقة انا بحب اوى الكتب الادبية وخاصة
القصص والشعر

تقدرى تقولى انى قريت لادباء كثيرين نجيب محفوظ ويوسف ادريس والعقاد وانيس منصور واحمد رجب
يوسف السباعى ودول لانهم موجودين فى مكتبة ماما
وقريت لكتير من الشعراء لكن بحتفظ عندى بمجلدات نزار قبانى وبعتبرهم ثروة قومية

وحاليا اتجهت للكتب الدينية اكتر



من المحيطين حولك تلجأين اذا رغبتي في الفضفضة؟


فى الحقيقة ماما اقرب صديقة ليا هى واخواتى وكمان عمتى اللى هى حماتى ممكن احكى معاها كل مكنونات قلبى
من اصدقائى ليا صديقة مقربة جدا اسمها رشا دى تقدرى تقولى عليا انا وهى سر بعض هى انتيمى الوحيد

كمان بابا كتير اوى احب افضفض معاة ربنا يخلية

شكرا يا بسبوسة على اسئلتك الجميلة
وحضورك بجد بجد اسعدنى كثيراااااااااااااااااااااااااااااااااااااااااااااا ااااااااااااااااااااااااااااا

المفكر
31-01-2006, 04:59 PM
أنا الظاهر أتعودت أوصل متأخر:o
معلش بقى :notme:
بس فعلا انبسطت لما لقيت نوسه (الكابتن نوسه) هيا اللي على كرسي التعارف
ندخل على الأسئلة
1- ليه أختارتي اسم نوسه بالتحديد
2- مين اللي زرع فيكي حب الرياضه لأنه يستاهل جايزه
3- متى تشعرين بإنك قليلة الحيله ومتى تشعرين بأنك في غاية القوة
وكده كفايه :sh:
وأخيرا نورتي الكرسي وشرفتيه لأنك تستاهلي كل تكريم

نوسة
01-02-2006, 10:03 AM
بعد اذن الاخت العزيزه نوسه


سأقرأ الاسئله والاجوبه منعنا للتكرار

بس بأذن الله فى مناسبه بأذن الله سعيده


لو عزمتى حد من المنتدى ومنهم انا طبعا


ايه اللى حيكون على المائده واوصفى برحتك وبحبحى خالص


اهلا اهلا يا حسام
اولا منور الموضوع
ثانيا يا ريت كل الاسئلة زيك لانى بحب اوى المطبخ و كنت بعتبرة حجرة المعيشة بتاعتى ههههههههههههههه
طبعا لان المنتدى غالى عليا اوى وكل اعضاءة غالين عليا وفعلا بتمنى اليوم اللى ممكن اعزمكم كلكم عندى وبما انكم كلكم اخواتى ههتم اعرف كل واحد بيحب اية وصدقنى دى مشاعرى مش مجرد كلام
بس انا هقولك بصراحة انا دائما بحب اعمل اية
اولا اساسى شوربة لسان العصفور دة طبق رئسيى على مائدتى سواء فى ضيوف او لا
ثم محشى ورق عنب
بحب اوى اعمل بط محشى ارز با الخالطة ودة باالمكسرات طبعا بس بحب اوى الزبيب يكون اكتر من المكسرات او فريك ودائما بفضل المكسرات اكتر من الفريك
قيس علية بقى استبدلة بحمام او رومى بس الحمام هيبقى محشى فريك والرومى ارز با الخالطة
بحب اوى اعمل جلاش با اللحمة المفرومة او مكرونة بشاميل او كانلونى اى منهما
لكن لو حد بيحب حاجة وغيرة لا منهم ممكن اعملهم كلهم ودة حسب الطلب هههههههههههه وبكون مبسوطة اوى وانا بعمل كدة ومش متكدرة
الحقيقة يا حسام انا بحب النواشف سواء مشويات او مقليات بحب اوى البوفتيك او الفراخ البانية بس بقيت بكتر فى البانية لان امير بيحبة وسهل علية اكتر من البوفتيك ولو انى منعتة بسبب انفلونزا الطيور
مليش لاسف فى الخضار المطبوخ لكن لو ملوخية خضراء او قلقاس ممكن اكل منهم كتير
فممكن اعمل طبق خضار كدة على الماشى
طبعا طبق السلطة دة اساسى كمان بحب اعمل مع ورق العنب سلطة زبادى
لو جينا بقى للحلو مش بحب الحقيقة يا حسام الحلويات الشرقية او التورت بعد الاكل دة لكن ممكن اقدمها على الساعة 5مع الشاى
لكن بحب اقدم سلطة فواكة فراولة وموز وتفاح وبرتقال ممكن لو فيها كانتلوب اوك مفيهاش خلاص بس دى انواع الفاكهة اللى بحبها فيها وبقدم معاها كريم شانتية للى يحب او ايس كريم لبن انا بفضلها با الايس كريم بتبقى تجنن لكن كل واحد واختيارة حسب ما يحب ياخدها سادة او با الكريم او با الايس كريم
المشروبات الساقعة والسخنة متوفرة كل حسب مزاجة
ياااااااااااا والله يا حسام دة لو حصل هيبقى يوم عيد عندى انكم تشرفونى

شكرا ياحسام لتواجدك اسعدنى كثيراااااااااااااااااااااااااااااااا

نوسة
01-02-2006, 10:25 AM
اهلا يا نوسة

سؤالي ما هو البلد الي حابة انك تزوريه؟


اهلا يا نوراء
منورة الموضوع
الحقيقة يا نوراء انا فعلا نفسى اسافر واتفسح بس انا عندى عقدة الطيارة مع انى كان نفسى اطلع مضيفة
ومع ان اسرتى بتحب السفر لكن سبحان الله انا الجبانة اللى فيهم ومن كام سنة كنت مسافرة قبرص وعلى اخر اللحظات وقبلها بيوم من كتر خوفى رجلى وقفت ومكنتش قادرة امشى وكان زى شبة شلل بس الحمد لله كان نفسى وبعد ميعاد السفر مشيت عادى زى الجن ههههههههههههههههههه

لكن لو بحب اسافر يبقى برضوا قبرص وهقولك حكاية ظريفة وقتها فكرت اسافر با البحر اتعرض فيلم تايتنك وشوفتة وقولت لا مفيش سفر هو العمر بعزقة
فكرتينى بحاجات فطستنى من الضحك
شكرا يا نوراء لتواجدك اسعدنى كثيرااااااااااااااا

مظلوووم
01-02-2006, 04:41 PM
اولا اساسى شوربة لسان العصفور دة طبق رئسيى على مائدتى سواء فى ضيوف او لا
ثم محشى ورق عنب
بحب اوى اعمل بط محشى ارز با الخالطة ودة باالمكسرات طبعا بس بحب اوى الزبيب يكون اكتر من المكسرات او فريك ودائما بفضل المكسرات اكتر من الفريك
قيس علية بقى استبدلة بحمام او رومى بس الحمام هيبقى محشى فريك والرومى ارز با الخالطة
بحب اوى اعمل جلاش با اللحمة المفرومة او مكرونة بشاميل او كانلونى اى منهما
لكن لو حد بيحب حاجة وغيرة لا منهم ممكن اعملهم كلهم ودة حسب الطلب هههههههههههه وبكون مبسوطة اوى وانا بعمل كدة ومش متكدرة
الحقيقة يا حسام انا بحب النواشف سواء مشويات او مقليات بحب اوى البوفتيك او الفراخ البانية بس بقيت بكتر فى البانية لان امير بيحبة وسهل علية اكتر من البوفتيك ولو انى منعتة بسبب انفلونزا الطيور
مليش لاسف فى الخضار المطبوخ لكن لو ملوخية خضراء او قلقاس ممكن اكل منهم كتير
فممكن اعمل طبق خضار كدة على الماشى
طبعا طبق السلطة دة اساسى كمان بحب اعمل مع ورق العنب سلطة زبادى
لو جينا بقى للحلو مش بحب الحقيقة يا حسام الحلويات الشرقية او التورت بعد الاكل دة لكن ممكن اقدمها على الساعة 5مع الشاى
لكن بحب اقدم سلطة فواكة فراولة وموز وتفاح وبرتقال ممكن لو فيها كانتلوب اوك مفيهاش خلاص بس دى انواع الفاكهة اللى بحبها فيها وبقدم معاها كريم شانتية للى يحب او ايس كريم لبن انا بفضلها با الايس كريم بتبقى تجنن لكن كل واحد واختيارة حسب ما يحب ياخدها سادة او با الكريم او با الايس كريم
المشروبات الساقعة والسخنة متوفرة كل حسب مزاجة

حرام عليكى يا نوسه جوعتينى ههههههههههههههههههههههههههههههه :d


ياااااااااااا والله يا حسام دة لو حصل هيبقى يوم عيد عندى انكم تشرفونى
هههههههههههههههه انا جااااااى طبعا رسمى :)
ربنا يعينك يا باشا على الاسئله ويقدرك على الاجابه *15*
وربنا يزيد الاخوه والمحبه ليكى يا نوسه اكتر واكتر
ويجعلوا عاااااااااامر بيكى دايما
انووووووووبيس

لميس الامام
01-02-2006, 07:49 PM
نوسة الغالية

طبعا بيتهيألي كده انه الأسئلة كتيرة قوي وانت قدها وقدود وواثقة انا من قدرة تحملك لينا كلنا .. علشان الكل بيحب نوسة والكل عاوز يسأل ممكن انا احظ سؤالي؟ اكيد انت موافقة وشكرا ليك يا نوسة على تعاونك معايا وانت عارفة ليه :no:

سؤالي هو:

ما رأيك بالحرية الشخصية؟ هل هي ان افعل ما أشاء؟ وكيفما أشاء؟ ومتى أشاء؟ أم انها مقيدة .. لماذا ومتى ؟ وكيف ؟ ما رأيك ؟ اسأل هذا السؤال لشابة في مثل عمرك وفي الظروف الراهنة التي يحياها الشباب الايام دي..*149*

لميس الامام

*169*

عصام كابو
01-02-2006, 11:49 PM
اولا اساسى شوربة لسان العصفور دة طبق رئسيى على مائدتى سواء فى ضيوف او لا
ثم محشى ورق عنب
بحب اوى اعمل بط محشى ارز با الخالطة ودة باالمكسرات طبعا بس بحب اوى الزبيب يكون اكتر من المكسرات او فريك ودائما بفضل المكسرات اكتر من الفريك
قيس علية بقى استبدلة بحمام او رومى بس الحمام هيبقى محشى فريك والرومى ارز با الخالطة
بحب اوى اعمل جلاش با اللحمة المفرومة او مكرونة بشاميل او كانلونى اى منهما
لكن لو حد بيحب حاجة وغيرة لا منهم ممكن اعملهم كلهم ودة حسب الطلب هههههههههههه وبكون مبسوطة اوى وانا بعمل كدة ومش متكدرة
الحقيقة يا حسام انا بحب النواشف سواء مشويات او مقليات بحب اوى البوفتيك او الفراخ البانية بس بقيت بكتر فى البانية لان امير بيحبة وسهل علية اكتر من البوفتيك ولو انى منعتة بسبب انفلونزا الطيور
مليش لاسف فى الخضار المطبوخ لكن لو ملوخية خضراء او قلقاس ممكن اكل منهم كتير
فممكن اعمل طبق خضار كدة على الماشى
طبعا طبق السلطة دة اساسى كمان بحب اعمل مع ورق العنب سلطة زبادى
لو جينا بقى للحلو مش بحب الحقيقة يا حسام الحلويات الشرقية او التورت بعد الاكل دة لكن ممكن اقدمها على الساعة 5مع الشاى
لكن بحب اقدم سلطة فواكة فراولة وموز وتفاح وبرتقال ممكن لو فيها كانتلوب اوك مفيهاش خلاص بس دى انواع الفاكهة اللى بحبها فيها وبقدم معاها كريم شانتية للى يحب او ايس كريم لبن انا بفضلها با الايس كريم بتبقى تجنن لكن كل واحد واختيارة حسب ما يحب ياخدها سادة او با الكريم او با الايس كريم
المشروبات الساقعة والسخنة متوفرة كل حسب مزاجة
ياااااااااااا والله يا حسام دة لو حصل هيبقى يوم عيد عندى انكم تشرفونى





ريحة صوانى مفحفحة.......... وكوستليتة مشوحة
وباميه خضرا مسبكة......... وضلمة فيها اه مستكة
:smilie_keks: :smilie_keks: :smilie_keks:
انا اول واحد جاى يا نوسة
:eat: :eat: :eat: :eat: :eat:

نوسة
02-02-2006, 11:20 AM
بسم الله الرحمن الرحيم

الغالية أم أمير ..

مررت لإلقاء التحية عليكِ ..

و أسأل الله أن يكون الكرسي مريحاً .. :2:


و لي عندك سؤالين .. و لن أزيد .. :) مؤقتا..!

السؤال الأول ..

إذا وقفت أمام مرآتك .. و نظرت إلى عينيك .. ماذا تقولين لنهى.. أم أمير ؟


السؤال الثاني ..

رسالة مطوية .. و زهرة وردية .. لمن ؟ و ما محتوى رسالتك ؟؟

هذا فقط .. و قد أعود .. :h:

خالص احترامي و ودي و عميق حبي ..

:f2:




غالية الغالين انفال
اشكرك لمرورك الجميل وتحيتك الاجمل
واهو الكرسى يعنى اجمل ما فية هى محبتكم بجد
منورة يا انفال اية رأيك ادلعك فوفا

و لي عندك سؤالين .. و لن أزيد .. مؤقتا..!

اتفضلى يا قمر


إذا وقفت أمام مرآتك .. و نظرت إلى عينيك .. ماذا تقولين لنهى.. أم أمير ؟

الحقيقة سؤالك يا انفال اصعب سؤال واجهتة ويمكن قعدت يومين مترددة اكتب اية وبسببة وقفت امام مرآتى
كتير ههههههههههههههههههههههههههههه

اول حاجة هقولها اولا الحمد لله على نعمة الخلق

ثانيا هقول لنهى
ان شاء الله حكون عند حسن ظنك يا نهى

ان شاء الله حبذل جهدى كى يرانى الناس كما ارانى
اخر حاجة هقولها لنهى خدى بالك من صحتك دى امانة وخدى بالك من امير ومن اسرتك
السؤال الثاني ..

رسالة مطوية .. و زهرة وردية .. لمن ؟ و ما محتوى رسالتك ؟؟

جميل سؤالك يا انفال رومانسى بدرجة جميلة
رسالتى المطوية وزهرتى الوردية ............لاسرتى الصغيرة
محتواها ....................... بحبكم وربنا يقدرنى واسعدكم بقدر ما اسعدتمونى
هذا فقط .. و قد أعود ..

خالص احترامي و ودي و عميق حبي ..

خالص احتلرامى وودى ومحبتى لك ايضا

اسعدنى حضورك كثيرا يا انفال

أسيرة الصبر
02-02-2006, 02:17 PM
السلام عليكم
حبيبتي الغاليه هسووووووووووون عامله ايه
مستعده:good:
يله نبتدي
وكل مافتكر سؤال هرجعلك

من هي نوسه؟

كيف تعرفت علىمنتدى أبناء مصر؟

المستوى الدراسي...؟؟؟

كيف كانت طفولتك؟

متى فكرت دخول الشبكة العنكبوتية ولماذا ؟


أين تجد نوسه نفسها؟

منتدانا هو بيتنا الثاني ماالذي ينقصه في اعتقادك؟؟

صفه تتمنى ان تكون فيكٍ وصفه اخرى تتمنى ان تتخلصي منها ؟

موقف مضحك مر عليكي؟؟

اكله مبتحبيهاش؟

موقف محرج؟؟

ماهو جدولك بالكامل من يوم ما تقومي الى ما تنامي؟؟

شو هو ترتيبك بين اخوانك؟

متى انضربتٍ آخر مررة .. ليش .. ومن ضربك؟

ما هو أفضل اسم ولد عندك؟..وافضل اسم بنت؟

اختاري عشر اعضاء من بنات وشباب تاخديهم معاكي رحله تختاري مين؟

عضو وعضوه قريبين لقلبك؟

أعضاء ترتاحي لوجودهم بالمنتدى؟

انا عارفه كترت بالاسئله بس استحمليني وعندي كمان اسئله كتيييييييييير بس صعبت عليا وحطيتلك بس السؤالين اللي فوق ياهسووووون:y1:

هريسه

boukybouky
02-02-2006, 04:22 PM
السلام عليكم و رحمة الله و بركاته

نوسة يا قمر بجد مش قادرة اقولك اد ايه انا سعيدة بكلامك عن علاقتنا

ربنا يديمنا يا رب اخوات متحابين فيه ...

سبحان الله فاكرة زمان لما قلت لك انت مش بتتكلمي كتير ليه و اعدت أفكر يا تري فيه ايه

لغاية ما عرفتيني انك في البداية بتبقي محرجة في التعامل و بعد كده بيكون عادي التعامل سبحان الله بجد

لما بفتكر اقول فعلاً الواحد مش يحكم علي العلاقة بين اي اتنين بصرف النظر عن نوعيتها غير بعد فترة

ربنا يوفقك يا رب و تحققي كل ما تتمني و يقدرك علي فعل الخير دايما

و يا جميل قررنا مد فترة جلوسك علي الكرسي حتي يوم السبت و هي تكون 10 ايام بك إفتتحنا

المدة الجديدة للجلوس علي كرسي التعارف هههههههههه

يلا بقي شدي حيلك شوية

في رعاية الله ،،

نوسة
02-02-2006, 05:11 PM
الاخت الرقيقه نوسه ام امير
وجدتك معصورة بين الاسئله
فاقبلى ارق تحياتى
كل الاسئله جميله
وكل الاجابات تدل على انسانيك وكرم اخلاقك وطيبتك
اتمنى لك دائما التوفيق والنجاح
واسأل الله لك ولى وللاخوه
العفو والعافيه فى الدين والدنيا والاخرة
واقبلى تحيتى لك

اهلا يا اسكندرانى

شكرا لكلماتك الجميلة والرقيقة
هو صحيح انا معصورة فى الردود بس كلة يهون من اجل الاحباء اخواتنا الاعزاء
وشكرا على دعائك الجميع ويارب يكون من نصيبى ونصيبنا جميعا
لك كل تحياتى
حضورك اسعدنى كثيرا

شكرا للور دة

نوسة
02-02-2006, 05:45 PM
بسم الله الرحمن الرحيم


معلش دى اول مره ادخل على الكرسى بتاع التعارف :y:

بجد ايه كميه الاسئله صعبتى عليا يابسبوسة

انا بردو عندى سوالين صغيرين كده

1- انتى ايه الصفه الى مش عندك ونفسك تكون عندك ؟
2- ايه احب اكله ممكن نوسه تاكلها ومتزهقش منها وايه هيا الاكله الى مش بطيقها ؟
3- نفسك تعملى ايه وانتى لسه محققتهوش ونفسك تحققيه ؟

ثلاث اسئله اهم بسيطين علشان العصر الى كان فوق ده ربنا يقويكى يابسبوسة


:f: تقبلى فائق التقدير والاحترام :f:

اهلا اهلا يا زيزووووووووووووووووو


بسم الله الرحمن الرحيم



معلش دى اول مره ادخل على الكرسى بتاع التعارف


بجد ايه كميه الاسئله صعبتى عليا يابسبوسة

انا بردو عندى سوالين صغيرين كده

انا كمان زيك اول مرة ادخلة
ولا يصعب عليك غالى بس فعلا مكنتش متوقعة كم الاسئلة دى
ودول 3 اسئلة يازيزوووووووو هههههههههههههههههه

1- انتى ايه الصفه الى مش عندك ونفسك تكون عندك ؟

انا بصراحة نفسى اكون مش متسرعة لانى على اد ما هو بالى طويل الا انى كتير بكون متسرعة فى امور كثيرة وبرجع اندم بس بعد فوات الاوان
نفسى اكون متأنية كتير


2- ايه احب اكله ممكن نوسه تاكلها ومتزهقش منها وايه هيا الاكله الى مش بطيقها ؟

الاكلة اللى ممكن اكلها ومزهقش منها هى البط والجلاش

والاكلة اللى مش بطيهقا وباكلها مجبر اخاك لا بطل هى الكبدة هههههههههههههههههه

3- نفسك تعملى ايه وانتى لسه محققتهوش ونفسك تحققيه ؟

السؤال دة جاوبت احمد ناصر وعمرو صالح علية وهجاوبك برضوا بس برضوا كوبى وبست


الحقيقة انا بحب الاطفال جدا جدا وكان نفسى اوى افتح حضانة للاطفال ويمكن الموضوع نام شوية لكن الدكتورة نسيبة ميرا الجميلة عملت موضوع اسمة عندك كام سنة فى لقائات فى حب الله
وكانت بتقترح فية ايه رايكم لو كل واحد يقترح علينا اقتراح نقدر بيه نفيد دينا ونعلى من كلمته او حتى قول انت عملت ايه عشان ترفع من كلمة الاسلام او حتى نفسك فى ايه وعايز تعمله وحاسس انك ممكن تفيد الاسلام
وهنا بدأ حلمى مرة اخرى يتجدد وفعلا اتكلمت مع عائلتى ان ندرس الفكرة مرة اخرى بس انا كنا الاول بفكر فيها كمشروع استثمارى لكن بعد موضوع ميرا اتغيرت الفكرة لمشروع لله ويكون فى ملجأ بجانب الحضانة
اتمنى من الله ان يحقق هذة الامنية
ثلاث اسئله اهم بسيطين علشان العصر الى كان فوق ده ربنا يقويكى يابسبوسة


ميرسى يا زيزو طول عمرك حنين ربنا يخليك
فائق تقديرى واحترامى لك

حضورك اسعدنى كثيراااااااااااااااااااااااااااااااااااااااااااا

نوسة
02-02-2006, 06:24 PM
الأخت نوسة

احنا يمكن ما اتعارفناش قبل كده بالرغم من اشتراكى فى المنتدى من مدة طويلة ،
لقلة مشاركاتى ( للأسف)
مش هطول عليكى فى الكلام .... لكن الحب اللى شوفته من اخواننا ليكى اكيد يخلينى اعرف قدرك عندهم
واكيد انا كمان برده مش هقل عنهم

سؤالى ليكى هو

ايه الموقف اللى مريته بيه وحسيته انه ابتلاء كبير وجه بعده خير كتير؟
واستفدتى منه ايه؟

اخوكى ابراهيم.

اهلا اهلا يا ابراهيم يا اجيبشيانى منور المنتدى برجوعك مرة اخرى ومنور الموضوع

ايوة انا عارفة انك من مدة فى المنتدى كنت بشوفك واحنا فعلا متعرفناش بس ادينا بنتعرف وانا رحبت بعودتك فى موضوعك لما رجعت للمنتدى


مش هطول عليكى فى الكلام .... لكن الحب اللى شوفته من اخواننا ليكى اكيد يخلينى اعرف قدرك عندهم
واكيد انا كمان برده مش هقل عنهم

متشكرة جدا يا ابراهيم على كلماتك الجميلة وربنا يديم المحبة والاخوة بينا جميعا

سؤالى ليكى هو

اتفضل يا ايجبشيانى



ايه الموقف اللى مريته بيه وحسيته انه ابتلاء كبير وجه بعده خير كتير؟
واستفدتى منه ايه؟

الحقيقة يا ابراهيم انا مريت باكتر من موقف منهم موقف كان حادثة سيارة يمكن انا حكيتة فى موضوع للصديق عمرو صالح اسمة الرسائل الربانية فى قاعة لقاءات فى حب اللة انا ممكن اجيبة كوبى وبست لانة طويل بس بصراحة الموقف دة برغم من انى نجوت فية ولم يحدث معى اى اصابات لكن حسيت بعناية الله ورعايتة لى ولاسرتى والخير اللى بعدة كان اتجاهنا جميعا لله سبحانة وتعالى

طبعا لو حكيت عن ما يحدث معى من مواقف ربانية عايزة صفحات وصفحات
بس بيحضرنى حالا حادثة حدثت لى منذ سنتين
كنت فى عودتى من القاهرة حوالى الساعة 2صباحا وكنا عدد كبير من العائلة وكان المفروض اننا هنرجع تانى يوم ففكرنا ناخذ سيارة فان بتاعتنا هى زى الميكروباس بس ملاكى ونكون مع بعض افضل من ان نتحرك باكثر من سيارةونسافر ونرجع مع بعض وكنت جالسة بجوار زوجى وهو كان بيقود السيارة
وفجأة وبدون اى مقدمات وجدنا السيارة تتلوى وكانها ثعبان وسالت زوجى فى اية قالى غالبا فية حاجة بتزحلق فى الارض وطبعا احنا كنا 15فرد غير الاطفال وانا وقتها دعيت ربنا يحفظنا وينجينا ولم اشعر بعدها بشى غير انة عنيى حدث بها زى ما تكون نورت وطفيت كما لو انها لمبة كهرباء بتولع وتطفى ولم اتذكر اى شىء اخر
طبعا اللى عرفتة ان السيارة اتقلبت 3مرات وربنا ستر مع ان السيارة اتقلبت على جنبها اللى انا فية وطبعا على جهة الباب اللى جنبى واللى وراياوباب السيارة الخلفى اللى زى شنطة العربية اتفتح لكن الحمد لله ولا حد فينا اتنطر من السيارة على الطريق السريع لكن السيارة استقرت فى الجزيرة بين الطريقين بسبب ان احدى طارات العربية راحت وزوجى فرمل على الاخر فطبيعى السيارة تقلب
خرجنا منين من السيارة لا ندرى ومحدش خرجنا انا احسست بجسد زوجى فوقى ووجدتة بيقولى متخافيش قولتة مش خايفة وكذ لك الباقين بدأنا نفوق وراء بعضنا طبعا كانت فية اصابات خفيفة لما حدث با السيارة
والحمد الله الاطفال لم يصيبهم سوءالاغلبية كانت كدمات خفيفة واتنين بس جرحوا فى رأسهم وبدون مقدمات نجد عربيتين اسعاف مارين من جنبنا احنا افتكرنا حد من الطريق بلغ لانة طريق سفر وعرفنا بعدها ان السيارتين راجعين من القاهرة فارغين وحملوا المصابين وتقريبا الكل مشى معاهم وبقيت مع زوجى بجانب السيارة منتظرين اهلنل يوصلوا لينا لانى بلغتهم با التليفون اننا عملنا حادثة
المهم فى الموضوع انة جاءت عربية شرطة وسألونا عربيتكم دى قولنا ايوة وقالوا ومين كان بيسوقها
رد زوجى انا وباستغراب شديد الضابط سألة ومين كان جنبك قالة المدام
الضابط شاور على السيارة وقال العربية دى انتم خرجتم منها طيب ازاى
وطبعا انا وزوجى كان فينا كدمات طفيفة ولما كلنا عملنا اشاعات الحمد لله محدش فينا كان عندة اى كسور او شروخ والاتنين المصابين كانت اصابتهم خفيفة لكن منهم بنت نزفت كتير والولد برضوا الخوف كان من النزيف لكن ربنا انقذهم
من وقتها وانا حسيت بحماية الله الذى استودعتة انفسنا
حدث نفس الامر مع زوجى فى سيارتة السيارة راحت خالص واتكهنت لكن الحمد لله لم يخرج منها باى خدش او حتى كدمة
ووقتها مرة اخرى اتاكد من حفظ ورعاية الله لنا
ليحفظنا الله جميعا ونكون فى رعايتة


شكرا يا ايجبشيانى لتواجدك الذى اسعدنى كثيرااااااااااااااااااااااااا

فاى
03-02-2006, 02:07 PM
ماذا تعلمت نوسة من نوسة انا ابدى اعجابي برقة كتابتك وواقعيتك ممتزجة في كلامك وخفة الظل عندك تجعلنا كلنا شرف انتي بيننا فاى

meriam
03-02-2006, 03:36 PM
سلام نوسة بتمنى تقبلوني عضوة وفية معاكو هالمرة رح أكتفي بالتعبير عن مدى فرحتى بيكي و معاكي و المرة الجاي بآ نبتدي بالأسئلة أوكي*21*

و السلام أحلى ختام حبيبتي*3* *3*

بحر الهوى
03-02-2006, 04:12 PM
السلام عليكم
نوسه الاموره
ماذا يعنى لك مفهوم الصداقه ؟
وهل تمرين بمرحله صداقه صادقه؟
من اعز الناس على قلبك ؟
وكيف ترين العالم من حولك؟
ما سبب نجاحك فى الدنيا ؟
وكيف تستطيعى ان تعبرى لشخص ما عن حبك واحترامك له او لها؟

ضابط شرطة
03-02-2006, 05:51 PM
يا أهلا وسهلا بنوستنا الجميلة على كرسينا الجميل :eat:

اختيار موفق للاخت بوكي بوكي :y:

بسم الله نبدأ :eat:

1- ايه اللي مش عاجبك في المنتدى :-s

2- ايه أجمل لحظة في حياتك :love:

3- ايه شعارك في الحياة :smart:

4- ايه رأيك :)

بس كده وربنا يعينك بقى

و السلام أحلى ختام :)

علاء الدين فوزي
03-02-2006, 08:05 PM
العزيزه نوسه

انا كنت داخل الموضوع ومشمر دراعتى وهبدأ فى الاسأله

لكن لقيت كم من الاسأله ما شاء الله ربنا يعينك عليه

والاعضاء ما شاء الله ما سبوش اسأله نسألها

لكن انا فى النهايه ادعيلك ان ربنا يرزقك حبه وحب من يحب وحب كل عمل يقربك الى حبه

وان يحقق لكى امانيكي وانك تشوفى امير عريس وتفرحي بيه وباخواته

وربنا يجعلهم من الذريه الصالحه ويكونوا بارين بيكي وبوالدهم

تقبلى تحتي

أدام الله علينا الحب والود والاخاء
,
,
علاء الدين

نوسة
04-02-2006, 04:45 PM
[QUOTE=khalody]:good: نوسه : ذات الست والعشرين ربيعا .. مرحبا بكِ فى دائرة الضوء ..
بالبداية أعتذر لكِ ولزملاؤك عن التقصير فى التواصل معكم عبر المنتدى لأنشغالى وضيق الوقت..
وأستحينى العذر فى توجيه بعض الأسئلة والتى اتمنى ان يروقنى ردك .. وذلك لنقترب أكثر من عضوه
محبوبه من الكل .. كما وضح لى من ردود زملاؤك ..


[SIZE="4"]اهلا يا خالد منور المنتدى ومنور الموضوع
وقبلنا اعتذارك بس بشرط تكون متواجد معنا فى المنتدى ولو على اضيق النطاق
وافضل واسأل زى ما انت عايز


.. ولكن برأيك هل دائما الشيء يلزمه مقدمات؟ وهل ينطبق ردك بـ (نعم) عن الحب
أيضا أم انه يغزونا بلا اتفاق مسبق .. وبين عشية وضحاها نجد أنفسنا (اسرى) لهذا الغزو؟


اعتقد يا خالد ان اى شىء يلزمة مقدمات حتى الحب
قد يولد الإعجاب في دقيقة، لكن التقدير والحب يكونان عادة أكثر تدرجاً ويتوقفان على ما هو أكثر من مجرد انجذاب جسدي. ينبغي إرضاء أحاسيس أخرى غير حاسة النظر وحدها - تريد الأذن أن تمتليء بلهجة ممتعة، ليس التعارف بالكلام ضرورياً للحب لأن عواطفه تأتي في غاية الشوق فلا تستطيع انتظار من يعرف إلى قلب الحبيب إلى حبيبه رسمياً، بل تندفع من خلال تيار مغناطيسي إلى قلب الحبيب مباشرة حتى ولو كان لايزال غريباً. ولاشك أن الحب من النظرة الأولى هو من الأحداث النادرة، وعندما يكون الحب صحيحاً يحلق بسرعة كبيرة، فإن الحكمة عند ذلك تدعو إلى القول أن هناك قطبي مغناطيس عثرا على بعضهما بعضاً في نهاية المطاف.


وهذا يعيدنا الي سؤال ذو دقة أكثر .. ما هو الحب ؟ وهل هناك انواع للحب ؟ وان وجدت فماهى؟

طبعا للحب تعريفات كثيرة وتختلف من قلب الى قلب
الحب هو هذا الاكسير الذى يصنع العجب فى النفوس عندما تغذيها بهذا الحب
كنت مرة قرأت مقولة فى معجم وبستر الشهير بتقول
الحب عاطفة وجدانية تنبع من العقل ويثيرها هناك جما وتقدير من أي نوع كان .
لكن الحقيقة يا خالد أنك لاتجد بين الناس واحداُ أكثر جهلاً أو أكثر ذكاء من أن يتأثر به
الحقيقة أن السعادة تتبخر دونما حب ولا يمكن حتى للثروة مهما بلغت أن تستطيع شراء ما يأتي به الحب. ذلك أن الحب إحساس ينبع من الروح، ولامجال لاستبداله بأي شيء آخر إن الحب سمة للكرامة والقدسية والحق إنه مفتاح السر لما هو أفضل في الحياة التي نعيش.


اما انواع الحب
الحقيقة انواع الحب كتيرة لكن اعظمها حب الله سبحانة وتعالى

الحب هو تضحية وعطاء و رحمه ودة بيتمثل فى حب الوالدين

الحب هو وفاء وصدق نجدة فى الصداقة

والوفاء والصدق عمله نادرة جدا في هذا الزمان .

وطبعا فى الحب العاطفى هو قمة السعادة عندما يطرق احد باب قلبنا من دون اي موعد

ويملئه بالحب والحنان ليصبح هو الملك على ذلك القلب الصغير


- وكيف لى التفريق بين الحب الحب الحقيقى و(المزيف) ..!!


الحب الحقيقي صعب جدا جدا الحب ليست مجرد كلمه تقال اذا لم تكن تعرف معنى كلمة احبك فلا تقلها

الحب الصادق هو الذي يشعرنا بالسعادة رغم عذابه...يحفزنا على التقدم دوما...يجعلنا نضحك ونبتسم كلما تذكرناه...والحبيب الصادق قد يغضب ...لكن لا يرحل..
هو الحب المبني علي اسس و اسباب مقنعة تدفع للحب
فمثلا حب المراهقين انا اعتبره وهم و كذبة كبيرة يعيشها المراهقين بدليل انها تنتهي بمرور الزمن
هو الحب المبني علي اسس و اسباب مقنعة تدفع للحب
فالحب هو شعور روحاني متدفق صادق ينبع من قلوب صادقة في المعنى صافية

في المظهر والمجهر 0 إنها معادلة صعبة هذه الأيام ، أليس كذلك000؟




الحب المزيف هو شعور كاذب فلا نسميه حبا ....لأنه قد يكون إعجاب أو مصلحة ليس إلا...
فالحب أسمى وأرفع من تلك الحروف الأربع
الحب ليست كلمة سهلة تقال لغرض أو نزوة أو رغبة
الحب التزام وعهد وعقد موثق وليس هنا على ورق



ينتهي بأسرع وقت وهو موجود


- لو قدر لك رحلة الي الفضاء او الى غابة فايهما تختارين؟ ومن من الاعضاء تودى ان يشاطرك الرحله؟
واي الكتب ستحملينها معكِ؟


لو قدر لى رحلة اختار الغابة لانى بخاف من الفضاء والطيران هههههههههههههه

هختار من الاعضاء وبدون تردد الجميلة بسنت لانى احب اتعرف عليها عن قرب

هاخد بقى كتب كتير ما احنا فى غابة يعنى مفيش كمبيوتر ولا نت هههههههههههههههههههه

بس على رأسهم طبعا هاخد كتاب الله




- ماذا يعنى الوقت لـ نوسه ؟ وهل تنظمين اوقاتك .. وهل دائما يجدك من ينتظرك بالموعد او قبله او بعده؟

الحقيقة يا خالد انا مش هدعى المثولية واقول حاجة مش عندى ههههههههههههههههه
انا الوقت عندى فى الضياع واعيش اوقاتى بهوائية تامة وللاسف مش عارفة اغير الطريقة دى


وهل تنظمين اوقاتك

بحاول اكون منظمة بقدر الامكان فى اوقاتى مع انى منظمة فى كل جوانب حياتى الاخرى



وهل دائما يجدك من ينتظرك بالموعد او قبله او بعده؟

انا بقى فى المواعيد التى اعطيها للاخرون لا بكون منضبطة جدا واتعلمت الحقيقة الامر دة من بابا علمنا دائما عندما نكون فى اى زيارة ان نذهب قبلها ولو نتتظر فى السيارة حتى الوقت المحدد و اتعلمت ان لا اعطى ميعاد لاحد غير وانا متاكدة من تنفيذة واذا حدث امر تعطيل للابد ان اعتذر قبلها بيوم على الاقل ولو فى فرصة قبل كدة بعتذر قبلها طبعا
لا اذهب لموعد بعدة ابدا دائما اذهب وانتظر حتى لو فات ميعاد من انتظرة دائما التمس الاعذار واقدر انة ممكن اى ظروف تاخرة


-
لمن تهدين كلمات (أيا هائما )الرائعه للصوت الملائكى (فاطمه زيدان) والشاعر الكبير أبن عبود؟

هههههههههههههههههههه الحقيقة يا خالد انا لا اعرف من هى فاطمة زيدان
ولا الشاعر الكبير ابن عبود
بس اوعدك هدور عليها واسمعها ولو حلوة ههديها لكل اعضاء المنتدى




- تغيير الدستور ـ النتخابات البرلمانيه والرئاسيه .. التوريت .. الاخوان المسلمين .. فساد أدارى.. بطاله والسؤال أين نوسه من المتغيرات السياسيه التى تمر بها مصر ؟


الحقيقة انا حاليا مبتعدة عن السياسة تماما


- فى هذا المساحة أحكى لى عن من هى نوسه .. اتفلسفى براحتــك :


السؤال دة با التحديد مش هعرف اجاوبة ممكن اى حد يجاوبك غيرى


لمن قلتى هذه العبارات :
- حسبى الله ونعم الوكيل ..

الحقيقة مقولتهاش لاى حد


أنها غلطه وماراح تتكرر..

لزوجى


- آسفه ..

بقولها كتير لما بكون غلطانة


وما ظلمتهم ولكن كانوا انفسهم يظلمون ..


بقولها فى سرى كتير لنوسة
ولشخص عزيز عليا



- كرهتك وكرهت اليوم اللي عرفتك فيه ..(سواء أنثى أو ذكر سيان )..


لالا مقدرش اقولها اولا لانى مش بعرف اكرة فعلا

وثانيا لانى مقدرش اجرح اى حد واقولها لالالالالالالا كلمة صعبة


- جيت لغايه عندك وندمانه بس الظاهر مفيش فايده ..

هقولها فى سرى ايضا دون علانية ولشخص عزيز


- متى سالت دموعك ؟ وأى أنواع الدموع مؤلمة؟

كتير فانا سريعة البكاء ودموعى اقرب مما تتخيل واى حاجة ممكن تبكينى

انا با النسبة لى دموع الفراق مؤلمة سواء فراق حبيب او فراق بفقد الحياة هى دموع تخرج مكتوية من القلب جربتها فى فراق كتير مما فارقوا الحياة


- هل تندمين؟ وماهوالتعريف الدقيق للندم ؟

كتير واعتقد انة مفيش اى انسان لم يندم سواء على قول او فعل لاننا لسنا معصومين من الخطاء
لكن الصعب انك تعمل غلط ولا تشعر با الندم
وقد يسأل البعض عن شكل هذا الندم وطريقة التعبير عنه ... والندم من الممكن أن يكون دمعة تسقط من عينك أو اضطراب في قلبك أو صلاة طويلة وسجدة تبكي فيها بين يدي الله .... وأدناه أن يهتز قلبك ... ولكن لا يصح أن ينطق لسانك بالندم دون أن يستشعره قلبك ...
ولابد من الثبات على التوبة والندم الذي يلازم المذنب ويعيش معه حتى يتطهر مهما طال به الزمن ونرى رحمة الله الواسعة وتقبله لتوبة عبده النادم ...



- ايهما اقوى واشد وقعا على النفس .. غربه الأوطان أم غربة النفس ؟

اكيد غربة الاوطان صعبة جداااااااااااااااا

لكن غربة النفس اقوى واصعب ففى غربة النفس انت تائة فى كل شىء ولابد لكى نسترد غربة انفسنا ان نتصالح مع انفسنا اولا وبقليل من الصداقة مع النفس وكثير من التقوى والصلة بالله
واكتشاف الذات هنا تسترد غربة النفس



عندى الكثير من الأسئله التى سنقترب أكثر من نجمة يحبها ويحترمها الجميع ولكن هو نداء العمل الذى
أنتزعنى من موضوعك أنتزاعا .. فأنتظرينى بباقة أسأله أخرى وحتى هذه الحظه كونى برعاية الله يحفظك
ويحمييكِ أنتى وكل زملاؤك !





شكرا يا خالد على اسئلتك ارجوا ان اكون افدتك فى الاجابات
وشكرا لحضورك اسعدنى كثيرااااااااااا

badry_1986
04-02-2006, 05:02 PM
ربنا معاكى يا نوسه ويعينك يارب
انا مش هطول كفايه سؤال وهرجع تانى بشوال اسئله

شئ نفسك تتعلميه ؟؟؟؟؟؟؟؟؟؟؟؟؟؟؟؟؟؟؟

bedo_ic
04-02-2006, 05:07 PM
على فكرة ايه سبب التوقيع بتاعك
(( كل سنة وانتى طيبة يا قطتى )))

نوسة
04-02-2006, 05:08 PM
السلام عليكم
حبيبتى نوسة ...... ازيك عاملة .......ايه .......يارب تكونى بخير
طبعاً شئ جميل إنك تكونى على كرسى الأعتراف........ حتى يزداد تعارفنا بك ...فأنتِ فعلاً من الأعضاء المميزين فى المنتدى
أنا الحقيقة ليس عندى أسئلة لكى كثيرة ..... ولكنى لاحظت إنك قلتى إنك خريجت (كلية الأداب ) ولكن هل قلتى ......أى قسم (أداب تاريخ &جغرافيا & انجليزى &....... &يارب تكونى تاريخ ) لأنى احبه
وسؤالى الثانى ....... هل عندك أخوات .... ؟؟؟ وكفاية كده
ولى إن شاء الله معكِ عودة

وعليكم السلام ورحمة الله وبركاتة

اهلا اهلا يا دعاء
منورة بس انتى فين مش متواجدة الايام دى كتير
وشكرا يا دودو لكلماتك الجميلة وربنا يخلينا كلنا لبعض


أنا الحقيقة ليس عندى أسئلة لكى كثيرة ..... ولكنى لاحظت إنك قلتى إنك خريجت (كلية الأداب ) ولكن هل قلتى ......أى قسم (أداب تاريخ &جغرافيا & انجليزى &....... &يارب تكونى تاريخ ) لأنى احبه

الحقيقة يا دعاء درست فى قسم الوثائق والمكتبات بس تخصصت مكتبات والحقيقة انا ما اخترتش القسم بمزاجى لانى كنت افضل قسم علم النفس وكان مجموعى يوهلنى لذلك لكن انا كتبت الرغبات متأخرة لان الكلية كانت بتعلن قبل الدراسة عن كتابة الرغبات وانا مكنتش اعرف وكتبتها فى بداية الدراسة فكان قسم علم نفس كمل ومعرفتش احول من وثائق ومكتبات كان قدامى قسم واحد لغة عربية وانا مش بحب النحو هههههههههههههه قولت خلاص خليها وثائق ومكتبات
اما التاريخ انا بقى من عشاق التاريخ وللان احب اذكر للاولاد فى العائلة تاريخ بخليهم يجيبوا الدرجات النهائية وعلى فكرة انا جبت فى التاريخ فىالثانوية العامة 39 من اربعين وحزنت كتير على الدرجة اللى راحت وقعدت كتير اراجع الامتحان علشان اعرف هى راحت فين هههههههههههههه
ولسة زعلانة لانى كنت صمامة وحافظة الكتاب برقم الصفحة والسطر ههههههههههههههههه



وسؤالى الثانى ....... هل عندك أخوات .... ؟؟؟ وكفاية كده


الحمد لله عندى اخوات بشكر ربنا عليهم كتير احنا 3بنات وانتين اولاد
والحمد لله عائلتنا فيها ميزة اننا بنتربى كلنا اولاد وبنات الاسرة اخوات يعنى متلاقيش حد بيقول ابن عمى او بنت خالتى لكن الكل بيقول اختى واخويا
دة على مستوى الاسرة

لكن على المستوى العام ليا اخوات كتير ورائعين بشكر ربنا فعلا عليهم وانتى واحدة منهم طبعا عرفتيهم
هم اخواتنا هنا فى المنتدى الحمد لله كلهم احسن من بعض
ربنا يخلينا كلنا لبعض [/B][/SIZE][/COLOR]

ولى إن شاء الله معكِ عودة

انتى تشرفى فى اى وقت والبيت بيتك

شكرا لتواجدك يا دعاء اسعدنى كثيراااااااااااااااا

eslamko_86
04-02-2006, 05:35 PM
بايرن ميونيخ بطل الدوري الألماني وحامل اللقب مركزه في صدارة البطولة لهذا الموسم




نوسه أنا كنت أقصد اللى هيحصل على كأس العالم مش كأس المانيا بس تعرفى باين عليكى متخلبطه خالطه بسببب كتر الاسئله على العموم شكرا للرد بتاعك

نوسة
04-02-2006, 08:01 PM
انا جيت تانى انا لسه عندى امتحان بركة بردوا بس قولت اسالك هو سوال واحد خفيف كده هههههههههههههه ماذا تعنى هذة الكلمات لنوسه الخير . الشر.التفائل,التشائم , الصداقه .الوفاء, الخيانه .الحب ,القسوة ,البغض , الحنان , الدنيا .الدار الاخرة . ما تفعلى وما شعورك عندرؤيه ضحك ابكاءطفل ونفس الاحساس مع رويتهم فى ام ام اب لخصتتى شخصتيك فى جمله بس ههههههههههههههه عايز اسال كتيرررررررررر بس لى عودة دى حاجة كده بنقول يا هادى هههههههههههههههههه لى عودة ان شا ءالله من اختك وردة النيل انى احبك فى الله وصحيح ياستى الكرسى مش يغلى عليكى خديه وعلى ضمانتى ههههههههههههههه بس يارب بقى ابن البلد مش يدفعنى حقى انى احبك فى ا لله


اهلا يا وردة منورة
دة برضوا سؤال خفيف يا وردة ههههههههههههههههههههههههههههههه:o عموما ميرسى لمحبتك وانا مبسوطةانك رجعتى تانى :k:


ماذا تعنى هذة الكلمات لنوسه

يا مسهل يا رب هههههههههههههههه


الخير

الخير هو النور دائما مثل الشمس لاتغيب بل فقط تحتجب عن الانظار


الشر

الشر هو الظلمة في اعتمادها على غياب النور، يعتمد على غياب الخير للمحافظة على هويته،
الشر لا يعرف معنى الخير أصلاً لكي يملك قوّة المقاومة للخير فقط يأتي بأفعال تناقض نظرته الموهومة لطبيعة الخير ولذلك فإن أفعاله تجسّد الافتقار الدائم لمعنى الواقع الحقيقي

التفائل

المتفائل هو شخص حالم يتوقع الافضل دائما وقد قرأت حكمة منذ فترة للنبى سليمان الحكيم ودائما ما اضعها نصب اعينى تقول
ان الانسان كما يتوقع فى نفسة هكذا يكون
بمعنى انى لو توقعت خيرا سيحدث وان توقعت شرا سيحدث وجربتها كتير عندما اصحوا واقول النهاردة يوم جميل وملىء با الخير بيحدث فعلا
وانت توقعتة يوم ما يعرف بية غير ربنا بسخط فعلا بيكون يوم صعب


التشائم

المتشائم هو الشخص الذى لا يرى غير الجانب المظلم من الحياة التشاؤم هو توقع الأسوأ دوماً..وإلغاء الأمل فى أي شئ..وفي كل شئ فى حياته سابقا..وعن خبرات سابقة..تجعله يتوقع الخير أو يتوقع الشر..في كل أمر مستقبلي
في الواقع .أنا لست متشائمةاً..ولست متفائلة..ولا أحبذ هذه المفردات..ولا أرى أنه من الجائز أن نطلق على شخص ما..لقب متفائل..أو متشائم..ولنسأل أنفسنا حقا..لماذا يرى هذا الشخص الأمور من هذه الزاوية المنيرة..ويراها الآخر من الزاوية الأخرى المظلمة..؟

الحق أنني أرى أن كل منهما يعبر عن تجاربه الشخصية..عن أحداث مرت عليه

الصداقة

الصداقة قيمة إنسانية أخلاقية ودينية عظيمة سامية المعاني والجمال كبيرة الشأن بها تسمو الحياة وترتقي وبدونها تنحدر 0الصداقة من الصدق ، والصدق عكس الكذب. والصديق هو من صدقك وعدو عدوك . إنها علاقة وثيقة بين شخصين أو أكثر علاقة متبادلة وانسجام كامل في المشاعر والأحاسيس وهي بالغة الأهمية في استقرار الفرد وتطور المجتمع 0
علينا اكتساب الأصدقاء والعمل على المحافظة عليهم كما قال الإمام أمير المؤمنين عليه السلام في حديث له:

( عليك بإخوان الصدق، فأكثر من اكتسابهم، فإنهم عدة عند الرخاء، وجنة عند البلاء) 0


الوفاء


الوفاء بالوعد صفة أخلاقية من أجلّ صفات الإنسان
قد اكون وفية معك دون وعد ولكنة الوفاء لوجة الله
الالتزام الذاتي . .
فالإنسان عندما يقطع عهداً أو وعداً على نفسه إنّما يُنشئ عقداً والتزاماً وإلزاماً ذاتياً لنفسه ، فيكون مسؤولاً عن الوفاء به .


[QUOTE]الخيانه


الخيانة أمر مذموم في شريعة الله تنكرها الفطرة وترفضها الطبيعة السوية إن الله لا يحب الخائنين و إن الله لا يهدي كيد الخائنين إن الله لا يحب كل خوان كفور
الخيانة مش بس خيانة احياء او ازواج
خيانة الأمانات كلها حرام
وهناك خيانة بالقول وبالعمل كأن يوهم احد الناس أنه أهل للأمانة وهو ليس كذلك أو يخون بالعهود فليس من شيم المسلم أن يؤتمن فيخون بل تلك صفة المنافق .وليحذر كل راع مسؤول عن رعيته من خيانة ما استؤمن عليه. الخيانة من صفات المنافقين ،والأمانة من صفات المؤمنين ،فاختر أي الطريقين شئت، وتخيّر أى الوصفين تريد
.قال صلى الله عليه وسلم: لا إيمان لمن لا عهد له ،ولا دين لمن لا عهد لة
الحب


يمكن يا وردة انا رديت فى سؤال عن الحب ابقى اقرية لكن هنا هقولك
الحب ليس فقط مجرد إحساس ، انه حياة .. الحب .. هو مفتاح كل ما هو عظيم إن الحب يغير الإنسان
هقولك على مقولة كنت قرأتها ودونتها فى كشكولى بتقول
قيل لبعض العـلماء : إن ابنك قد عـشق ! فـقال : الحمد لله !
الآن رقت حواشيه و لطفت معانيه و ملحـت إشاراته و ظرفت حركاته و حسـنت عباراته وجادت رسائله وجلت شمائله فواظب المليح وجـنب القبيح.


القسوة

القسوة تبغض وتنفر وتزرع الأحقاد ودائما الشخص الفظ غليظ القلب يفض الناس من حولة . فالرحمة قوة جاذبة والقسوة قوة طاردة القسوة خلق شيطانى تركب ذوي النفوس المريضة والشاعرين بعقدةالنقص من الجبابرة وظالمي أنفسهم وغيرهم و وتعلم الحقد والكراهية والضغائن والثأر والانتقام


البغض

البغض ما هو الا صورة الكراهية وصورة لكل ما هو سىء

فالمرء عادة قد جبلت ذاته على حب الخير على الأعم وهذا يعني أن الكراهية شعور طارى عليه يأتيه جراء أسباب غائرة في النفس أو محيطة أحياناً بالسلوك الاجتماعي العام


الحنان
الحنان هو عطف الانسان على الانسان وكما يحتاج الانسان للهواء والماء والطعام فهو في أشد الحاجة إلى الحب والحنان
والانسان الذى لا ياخذ قدر من الحنان قد يتعرض لنوع من عدم الاطمئنان ويصبح أكثر عدوانية
وحتى في وسط يوم مليء بالمشاحنات نجد ان تعبير بسيط ودقيق قد يكون سببًا في شروق الشمس من جديد وسط الغيم


الدنيا


هذه الدنيا ما هي إلا مرآة عاكسة لصورة تعاملنا فيها فمن كان فيها جميل الفعل ، انعكس ذلك الجمال فيما يلقاه ، ومن كان فعله قبيحا فكذلك انعكاسه ، وقد صدق الشاعر في قوله
أيا هذا الشاكي وما بك داء كن جميلا تر الوجود جميلا

الدار الاخرة

الكلام هنا كتير واخشى ان لا اوفق لكن هقولك جملتين ارجوا ان تتقبليهم منى
فنحن خلقنا لنعبد في الحياة الدنيا وننال اجر عبادتنا في الدار الاخرة فالاصل في الدنيا الفناء وقد قيل ان الدنيا ساعة فاجعلها طاعة والاصل في الاخرة هو الخلود اما في الجنة برحمة الله واما في النار والعياذ بالله فحصاد الخلود هو من زرع الفناء

فالاصل فينا هو البقاء والخلود اما عن الموت هو عبارة عن مرحلة انتقالية تفصل الحياة الدنيا عن الاخرة اذن فالاصل فينا هو البقاء والخلود وكما ذكرت اما في نعيم برحمته عز وجل واما في شقاء ونعوذ بالله منه
وان اصبت فمن الله وان اخطئت فمن نفسي والشيطان


ما تفعلى وما شعورك عندرؤيه ضحك ابكاءطفل ونفس الاحساس مع رويتهم فى ام ام اب


انا الحقيقة ضحكة اى طفل تسعدنى كثيرا
اما بكاءة يزعجنى كثيراااااااااااااااااااااااااااااااااااااااااااااا ا



لخصتتى شخصتيك فى جمله بس ههههههههههههههه


كنت هسيهالك تكتبيها هههههههههه
بس هقولك كلمة انا طيبة ومحبة للحياة والحمد لله


عايز اسال كتيرررررررررر بس لى عودة دى حاجة كده بنقول يا هادى هههههههههههههههههه لى عودة ان شا ءالله من اختك وردة النيل انى احبك فى الله وصحيح ياستى الكرسى مش يغلى عليكى خديه وعلى ضمانتى ههههههههههههههه بس يارب بقى ابن البلد مش يدفعنى حقى انى احبك

لا كفاية حرام هههههههههههههههههههههههههه سوالك بعشرين سؤال

انا كمان احبك فى الله كثيرا
واسعدنى حضورك كثيرااااااااااااااااااااا

نوسة
04-02-2006, 08:12 PM
مرحبا بيكى يا نوسة على كرسي التعارف
حتابع الاسئلة وحستنى شويه قبل ما اسأل علشان التكرار
لى عودة ان شاء الله
:f2: :f2: :f2: :f2:


اهلا اهلا يا رشروشة يا جميلة وحشتينى جداااااااااااااااااااااااا

نورتى الموضوع كلة
منتظرة عودتك

وحضورك اسعدنى كثيرااااااااااااااااااااااا

نوسة
04-02-2006, 08:39 PM
يالله
نوسة على كرسي التعارف

عارفة اول ما شوفت اسمك قولت ايه

" ياختي كميلة "
طبعا انتي وقطتك حاجة سكر كدة في المنتدى

تعرفي كذا مرة افتكرتك .. صباح الخير يا قطتي .. مساء النور يا قطتي

واقعد اضحك

انتي اصلا اول حد حبيته في المنتدى لله في لله كدة
وبعدها ما شوفت ردودك وموضوعاتك حبيتك خالص
عشان زي ماقالوا عشرية وطيبة ودمك خفيف :good:

الحاجات دي مش كتير موجود دلوقتي

انا دايما بحب ادخل باسئلة
بس الاسئلة كتير
صعبتي عليا
بس طبعا لو جاوبتي عليهم
انتظريني
اوك ؟؟
ربنا يديم عليكي كل خير فيكي
ويديكي اكتر

ويخلي مظلوم فعلا يغير اسمه :y:
عجبني اقتراح محبوب دة


واحدة بتحبك من بعيد لبعيد
إيمان *105*



داريا حبيبتى عندنا يا مرحبا يا مرحبا

اهلا اهلا يا داريا منورة بجد وكلامك جميل وانتى كميلة خالص

طبعا انتي وقطتك حاجة سكر كدة في المنتدى

تعرفي كذا مرة افتكرتك .. صباح الخير يا قطتي .. مساء النور يا قطتي

واقعد اضحك


انا بقى قطتى هى اللى حاجة سكرة ومسكرة وبحبها موت

ولازم اصبح عليها الصبح وادلعها ولازم اقولها تصبحى على خير وادلعها

انتي اصلا اول حد حبيته في المنتدى لله في لله كدة
وبعدها ما شوفت ردودك وموضوعاتك حبيتك خالص
عشان زي ماقالوا عشرية وطيبة ودمك خفيف

الحاجات دي مش كتير موجود دلوقتي

ياااااااااااااااة كلمتك جميلة اوى يا داريا بجد اسعدتنى ومع انى عارفة محبة اخواتى هنا اد اية لكن محبتك كمان فرقت معايا كتير
انا كمان حبيتك كتير من كلام الاعضاء هنا فى الردود عنك ومكنتش اعرفك
بس حبيت كمان تشجيهم ليكى اوى
ولما انتى رديتى عليا لما سألت على مومان مكنتش اعرف انك اختة
ولما عرفت انك اخت مومان الصديق الجميل اللى انا بثق فية جدا وكنا بنعمل مهرجان هنا فى المنتدى
حبيتك اكتر
امانة تبلغى سلامى لمومان وانى زعلانة منة ومفتقدة اخوتة جداااااااااااااااااااااااااااا
انا دايما بحب ادخل باسئلة
بس الاسئلة كتير
صعبتي عليا

فيكى الخير يا داريا حسيتى بيا هههههههههههههههههههههه
تعرفى مدوا 3ايام اضافى والنهاردة السبت اخر يوم ولسة عندى ردود كتيرة

ربنا يخليكى


ويخلي مظلوم فعلا يغير اسمه
عجبني اقتراح محبوب دة



هو بصراحة محبوب جدا ويلا خلية يتشجع ويغيرة ونشوف مكتوب مظلوم سابقا

واحدة بتحبك من بعيد لبعيد

انا كمان بحبك بس خلاص بقى لازم نخليها من قريب مش كدة ولا اية
انا يسعدنى يا ايمان نتعرف ونكون اصدقاء
متشكرة لكل كلماتك الرقيقة

حضورك اسعدنى كثيرااااااااااااااااااااااا

وردة النيل
04-02-2006, 08:41 PM
:f: :f: بجد بقى والله اجابتك فوق الرائعه وكمان فتحت ذهنى على حاجات كتيرة بجد ماشا ءالله عليكى ربنا يباركلك يارب يا احلى نوسه فى الدنيا وانا بقى ان اتحتى لى الفرصه انى الخص شخصيتك فى جمله هتكون فيها زيادات كتيرة على جملتك فانت رقيقه شفافه حساسه وكمان عندك نزعه من الحكمه بجد حكيمه ماشا ءالله عليكى ربنا يزيدك من كل خير و تفضلى شفافه كده على طول وخلا صيا ستى ههههههههههههه كفايه عليكى كده الى عايزة اسهولك هساله بردوا بين ى وبينك مش هسيبك اصلك كنز كده لازم ننهل منه الكثير بجد :good: :good: وربنا يسعدك دايما يا رب من اختك وردة النيل انى احبك فى الله :h: :h: :f2:

نوسة
04-02-2006, 08:42 PM
نورتي الكرسي يااختي العزيزه نوسه ليس لدي سؤال البركه في الاخوان والاخوات سبقوني .... كل مااقوله ربنا يحقق لكي جمييييييع امالك ويبارك في المتحقق منها ويسعدك في الدنيا والاخره

اهلا بك اخى العزيز العمر ساعة
منور المنتدى ومنور الموضوع كلة
ومتشكرة على كلماتك الجميلة والرائعة وعلى دعوتك الاجملويارب تكون من نصيبى ونصيبك ونصيب الجميع بأذن الله

اسعدنى حضورك كثيرااااااا

نوسة
04-02-2006, 09:06 PM
[QUOTE=mshmsh73]نوس نوس حببتى على الكرسى يا مرحبا يا مرحبا
انا مكنتش بدخل المنتدى من فترة معذرة للتأخير
على فكرة انت شخصيه لذيذة جدا ومحترمه جا



اهلا اهلا يا مشمشة يا ممشمشة

ميرسى لكلمتك الجميلة وانتى كمان يا مشمش اللى يعرفك عن قرب يحبك جدا انسانة خلوقة ومحترمة ومتدينة بجد كل الصفات الحلوة فيكى وكفاية اهتمامك وسؤالك عليا وانا تعبانة متشكرة جدا على اخوتك الرائعة وبصراحة مش بلاقى ولا مناسبة انتى مش بتشتركى فيها ربنا يسعدك ويهنيكى

1- ايه سبب حبك للقطط

الحب ملوش سؤال يا مشمش لله فى لله وقطتى انا فعلا بحبها وبموت فيها هى قطة مقطقطة ومكلبظة وعسولة خالص وبغن
يلها دايما قطتى المشمشية حلوة بس شقية هههههههههههههههههههههه
انا بموت فى شقوتها

2- احكلنا عن موقف طريف حصلك بسبب القطه

مواقف قطتى كتير وتفطس من الضحك
اولا هى بتغير من امير اوى مع انها بتحبة اوى
ولما امير يمسك ايدى هى تضربة على ايدة ههههههههههههههههههههههههه
لما اكون برة البيت وارجع لو نايمة تصحى وتجرى على باب الشقة
وبيقولولى لما بخرج بتعيط ههههههههههههههههههه

اخر موقف يفطس من الضحك انها فى الفترة الاخيرة بتعيط كتير وبدون اسباب لدرجة بقيت مزعجة
ولما وديتها للدكتور الدكتور قال انها عايزة تتجوز ههههههههههههه
بس انا مش لاقية فصيلتها ولسة بدور عندك عريس يا مشمش


3- ايه هى امنياتك بالنسبه لابنك

الحقيقة يا مشمش امنياتى كتير
بس اكتر امنية شغلانى انة يكبر فى خوف وطاعة الله وبعدها اى حاجة هتسعدنى




4- امتى اخر مرة وقفت مع نفسك وايه السبب

الحقيقة يا مشمش انا بقف كتير مع نفسى فى امور كتير ودايما كنت احاسب نفسى كل يوم واقعد اكتب اية السلبيات واية الايجابيات واحاول اعدل من سلبياتى ولو غلطت مع حد اعتذر ولو زعلانة اجى على نفسى واسامح يعنى بحاول فى جهاد النفس كتير

ويمكن فى حاجة وقفتنى مع نفسى اوى وخلتنى اراجع حساباتى لما اتعرضت لموت حقيقى ودخلت العناية المركزة هنا فكرت بعلاقتى مع الله وازى لازم اكون ملتزمة فى كل حاجة
واسعى جاهدة لهذا
وان كان عندى امر من الامور مش عارفة لسة اقف ضد نفسى فية صعب جدا ولكن اطلب وجهة الله عز وجل فية للخير
وربنا الموفق



كفايه كدة يا نوس نوس وانتى شرفتى الكرسى ونورتى

ميرسى يا مشمش انتى اللى نورتى الانترية كلة ههههههههههه

اسعدنى حضورك كثيراااااااااا

نوسة
04-02-2006, 09:09 PM
سؤال صعب

لو خيرتي بين نوسه ونهي ايهما تختارين ؟؟؟؟؟؟؟؟؟؟؟؟؟؟؟؟؟؟؟؟؟؟؟


منور يا رسول الغرام

لا ولا صعب ولا حاجة ههههههههههههههههههه
هختار نوسة لان نوسة هنا لها اخوة واخوات كتير ملين عليها حياتها وبحبكم وبتحبونى فى الله

نوسة
04-02-2006, 09:22 PM
[QUOTE=kh_almasry_ma]معلش يا نهى أنا عارف اني اتأخرت في المشاركه :notme: بس انتي عارفه الظروف:smart:
أنا بشكر كل واحد شارك بأسأله جميله وفعليه :hey: ومحرجه;):l2:
وشكر كبير أوي لشيخ الحاره بس اللي من الجنس اللطيف واللي هي بجد أختنا الكبيره طبعا
ده لأني مش أدها في السن وعلى كبار السن مراعاة فروق التوقيت;)


اهلا يا خالد منور ولا اتاخرت ولا حاجة
وشكرا لكلماتك الجميل وانت صديق رائع بحد


)يا ترى ايه هو أحلى موقف في حياتك وايه اتعس واحد

احلى موقف يوم ولادة امير وعمة كان شايلة على ايدة ومولود لية ساعتين وعمة شاور لية بميدايلة مفاتيح راح بعنية وراء ايد عمة والكل كان مستغرب

اتعس موقف لما عرفت انى حامل فى تؤائم مع انة كان نفسى فيهم بس ظروفى الصحية حاليا مش متحملة


)ايه الصفه اللي بتكرهيها أوي في أي واحد (الكدب,الخيانه,وغيرها


الاتنين وممكن تقرى تعليقى فى الرد على وردة النيل


)ايه أفضل حاجه بتعمليها لما تكوني مدايقه



افضل حاجة حاليا بعملها لما اكون متضايقة هى الصلاة والدعاء لفك الكرب


وشكرا أوي لجميع القائمين على الموقع والاعضاء


شكرا ليك كتير يا خالد

وحضورك اسعدنى كثيراااااااااااااااااااااااا

نوسة
04-02-2006, 09:23 PM
ردك رائع سومه

بجد انتي انسانه زوق وقمه في الاحترام والنضج

وفر تقديري ومحبتي ليكي

في حفظ الله دوما

حنين

http://www.egyptsons.com/misr/images/smilies/gpalacea22.gif


ميرسى يا زهرة يا جميلة اسعدنى ردك كثيراااااااااااااااااااااا

نوسة
04-02-2006, 09:37 PM
أخذت أفتش في ذهني عن اسئلة فطال بي البحث

فقلت أولى و أجدى من البحث أن آتي لتحية الإنسانة الرقيقة ذات اللمسات الإنسانية الخالصة .. و اللفتات الاجتماعية النبيلة ..

فلها لمسات لا يسابقها فيها أحد

تحية خالصة يا نوسة

و أدام الله عليك الود الخالص لوجهه


استاذى الفاضل الاستاذ فاضل

بحق تشريفك للموضوع وسام جميل وينم عن اننا بجد عائلة واحدة

ومتشكرة جدا لكلماتك الجميلة فهى وسام اخر اعتز بة اشكرك لتحيتك الجميلة وما اقوم بة اقوم بة من كون اننا عائلة واخوة فى الله

وادام الله علينا جميعا المحبة الخالصة لوجة الله والود الخالص ايضا

حضورك اسعدنى كثيراااااااااااااااااااااااا

نوسة
04-02-2006, 10:02 PM
[QUOTE=مظلوووم]ههههههههههههههههههههه
ربنا يخليكى يا نوسه ويديكى الصحه
وان كان اسمى يبقى محبوب فا دا علشان كل القلوب النقيه الجميله والاصدقاء الرائعون اللى قلما انسان يلاقيهم فى مكان واحد وهوا منتدى ابناء مصر *3*

اهلا اهلا يا محبوب هههههههههه
ربنا يخلينا كلنا لبعض فعلا منتدى رائع وا وخوة رائعة ما يميز منتدانا عن المنتديات الاخرى منتدى ابناء مصر


وجيه وقت الاسئله ؟

اتفضل


اولا ايه اكتر خبر فرحك فى المنتدى واكتر خبر زعلك ؟

اكتر خبر فرحنى لما لقيت مستوى المنتدى بيرتفع فى مستواة بين المنتديات ولما بشوف جنب اسم ابناء مصر كلمة نشط فى اعلانات المواقع بجد بفرح جدا

اكبر خبر بيزعلنى لما الاقى المنتدى واقع

ثانيا شخصيات تاثرتى بيها فى المنتدى . مين ؟ وازاى ؟

اكيد اتأثرت كتير بشخصيات كتيرة من المنتدى لان بجد كلهم رائعين

مين وازاى يعنى هحتفظ بالاجابة دى دلوقت لو سمحت


ثالثا قاعات بتحبيها وقاعات ما بتحبيهاش . اذكريهم

لا الحقيقة بحب كل القاعات بس طبعا بتجول كتير فى المنتدى وكل وقتى فية
لكن الاول لانى بكون لسة صاحية من النوم بدخل على التهنئة اشوف مين جديد ارحب بية مين عيد ميلادة اعملة مين محتاج تهنئة اهنية
وبعدها بدخل على المسابقات العب شوية علشان اضحك وافوق ثم فك التكشيرةثم لقاءات فى حب الله
ثم المناقشات واتجول بقى ههههههههههههههههه

رابعا كلمه او رساله تحبى توجهيها لمين من الاعضاء ؟

الحقيقة احب اوجة كلمتى لاحمد صلاح ابن البلد الجميل اشكرة على مجهودة الرائع فى تطوير المنتدى وتعبة فى خروج المنتدى بهذة الصورة واقولة شكراااااااااااااا

نفس الكلمة بوجهاها للجميلة بسنت ولنفس الاسباب واقولها شكرا
نفس الكلمة بوجها للاستاذ فاضل لمجهودة الرائع فى المنتدى وحفظة على الاسلوب الراقى للمنتدى وحذف كل كلمة تسى للموضوعات او للمنتدى واشعر بة وكانة الجندى المجهول الذى يعمل فى صمت

كلمة اخيرة بوجها لكل الاعضاء ربنا يخلينا كلنا لبعض لاننا عائلة بحق جميلة



شكرا لتواجدك يا مظلوم اسعدنى كثيراااااااااااااااااااااااااااااا

نوسة
04-02-2006, 10:08 PM
اختي الغالية / نوسة :f:
بصراحه مش عارفه ابتدي ازاي بعد تقصيري معاكي وتاخيري على مشاركتي معاكم ....
بس والللهي والهي يا نوسه ربنا اعلم بالفترة دي ازاي... ويااااا ريت تسامحيني...:2:
بصي يا ستي دي اول مشاركة ليه في موضوع التعارف عموما ... وطبعا يسعدني انها ليكي...
انا قريت الاسئلة الكتيييييييييير ولقيت سؤالي موجود فيهم علشان كده هفضل اتابع معاكم... واشوف ردودك الجميلة الطيبة... وانشالله بالتوفيق دايما :good:
ع فكرة قططك زي السكر ابقي سلميلي عليها ههههههههههه

:f2: :f2:



اهلا يا ولاء منورة يا حبيبتى
ومفيش تقصير ولا حاجة كفاية انك منورة الموضوع ومسمحاكى هههههههههههههههه

انا كمان زيك اول مرة ادخلة وانا سعيدة ان اول دخولك هنا ليا ولو انى ندمت كتير انى مدخلتش من بدرى لكل اخواتى وشاركت معاهم
وكويس ان سؤالك موجود ههههههههههههههههههههههههه
وقطتى اللى زى السكر بتسلم عليكى

ومتشكرة جدا يا ولاء لتواجدك

حضورك اسعدنى كثيراااااااااااااااااااااااااا

نوسة
04-02-2006, 10:15 PM
السلام عليكم ورحمة الله وبركاته
أختي الفاضلة نهى
دخلت فقط لأحييكي وليس لدي أسئلة ، كان الله في عونِكِ حبيبتي .. آمين.

وعليكم السلام ورحمة الله وبركاتة

اهلا يا نانيس
منورة بس انتى فين من بدرى متغيبة مش شايفاكى ارجوا ان تكونى وفقتى فى امتحاناتك

وشكرا لتحيتك الجميلة وشكرا على رقتك
وفعلا كان الله فى عونى شكرا لدعوتك
سعيدة فعلا بتواجدك يا نانيس
حضورك اسعدنى كثيراااااااااااااااااااااا

نوسة
04-02-2006, 10:20 PM
واتضح الآن ان نوسه تتمتع بجماهيريه جارفه بين الاعضاء
لان مواضيعها لذيذه وخفيفة الدم وجميله
وانا من هنا اعلن نوسه انت فعلا متميزة جدا

معلش اصلي اتحولت وانا بسأل
السؤال بقه ايه حكايه قطتك

اهلا يا هانى انا ضميت المشاركتين هنا للرد

اولا شكرا لكلماتك الجميلة واية الجماهيرية دى ههههههههههههههههه

شكراااااااااااااااااااااااااااااااااااااااااا

اما حكاية قطتى ههههههههههههههههههههه
هى قطتى محيرة لية كل الناس
حكاية قطتى هتلاقيها فى الردود

تحياتى يا هانى
حضورك اسعدنى كثيرااااااااااااا

نوسة
04-02-2006, 10:31 PM
[QUOTE=عصام كابو][COLOR="Blue"][SIZE="5"][FONT="Tahoma"]السلام عليكم يا اخت نوسة.......
انا عندى كام سؤال.......1-


[B]اهلا يا كابو منور

واتفضل اسئلتك


ما هى نقطة ضعفك؟

الحقيقة نقطة ضعفى هى طيبتى الزيادة ومش بيهون عليا اشوف حد بيبكى قدامى ايا كان


2- ما هو الحدث الذى تعتبرينة نقطة تحول فى حياتك؟

الامومة بكل ما تعنية هذة الكلمة واروع اسم ممكن اسمعة فى الدنيا هى كلمة ماما
ربنا ما يحرمش حد منها ويرضى الجميع ولو طفل واحد امين يا رب


3- من هو الشخص الذى تلجأين له فى وقت الضيق؟

الله هو خير من الجأ الية



4- من هو اول شخص تخبرية بخبر جميل يخصك؟

اصدقائى المقربين


5- من هو مثلك الاعلى؟


ابى وامى هم مثلى الاعلى اعطاهم الله الصحة والعافية وبارك لنا فيهم



كفاية كدة بقى عليك مش عايز اكون ضيف ثقيل

شكرا يا كابو وانت اخ مش ضيف يعنى صاحب بيت

حضورك اسعدنى كثيراااااااااااااااااااااا

نوسة
04-02-2006, 10:43 PM
[QUOTE=Abdou Basha]نوسة العزيزة ... :)

أهلا بيكي في قاعة تحت دائرة الضوء..
عايز أسألك كام سؤال كده.

اهلا ياعبدو باشا اخويا الكبير الجميل
اوعى تكون نسيت انك اخويا وليا عندك مصروف شهور هههههههههههههه
وانت تسأل اللى انت عايزة



- إنت ليسانس أداب قسم إيه ..؟؟


انا كنت قسم وثائق ومكتبات واتخصصت مكتبات



- مين الشخص اللي بتحسي إنك مديونة ليه بحاجات كتير..؟؟

بابا لانة الحقيقة شخص ملتزم فى كل امور حياتة واتعلمت منة كتير جداااااااااااااااا



- كنت بتحبي مواد إيه لما كنت بتدرسي ..؟؟


كنت بحب اوى التاريخ والمواد الفلسفية فى ثانوى علشان كدةاخترت ادبى

وفى الجامعة كنت بحب مادة المراجع العامة وكانت عبارةعن دراسة لجميع المراجع ودوائر المعارف اللى ممكن تتخيلها فى كل الدنيا ولانى كنت بحب القراءة كنت بحب اوى اخد منهم معلومات كتير

بس تخيل ان المادة اللى مكنتش بحبها هى الحاسب الالى هههههههههههههههههههه


كفاية كده بقى ..
وأحب أهديكي ورده على إجاباتك الجميلة واللي بتنم عن روح رائعة .



ميرسى يا عبدو ربنا يخليك وميرسى على كلماتك الجميلة ووردتك الاجمل

حضورك فعلا اسعدنى كثيراااااااااااااااااااااااااااااا

نوسة
04-02-2006, 10:59 PM
[QUOTE=المفكر][COLOR="Blue"][FONT="Arial Black"]أنا الظاهر أتعودت أوصل متأخر:o
معلش بقى :notme:
بس فعلا انبسطت لما لقيت نوسه (الكابتن نوسه) هيا اللي على كرسي التعارف



[SIZE="4"]اهلا يا ابراهيم
منور الموضوع ولا اتاخرت ولا حاجة
والكابتن نوسة ترحب بكم هههههههههههههههههههههههه


ندخل على الأسئلة

اتفضل


1- ليه أختارتي اسم نوسه بالتحديد


الحقيقة انا شرحت الموضوع دة فى موضوع لية سميت اسمك فى المنتدى با الاسم دةفى قاعة التعارف

لكن بايجاز هقولك وانا بسجل اتصل بيا بنت خطيبة احد اقاربى اسمها ايناس وكلمتنى فى التليفون وهى بيدلعوها نوسة ومع انى مكنتش بحب الاسم وبحسة بلدى اوى لكن انا كنت بحب البنت دى علشان كدةلقيتنى بكتب نوسة
بس خلاص ههههههههههههههه


2- مين اللي زرع فيكي حب الرياضه لأنه يستاهل جايزه


اخواتى الولاد ومنهم واحد اهلاوى متعصب والتانى زملكاوى متعصب ههههههههههههههههه

بس انا كنت بميل للاهلى اكتر وحبيت الكورة والرياضة وانا كنت رياضية من صغرى

فى ابتدائى كنت بلعب جمباز
فى اعدادى كنت بلعب جمباز والعاب قوة وكرة يد
فى ثانوى نفس الامر وكنت بلعب كرة سلة وفولى بول بس كانت المفضلة كرة اليد
وكنت بلعب بطولات وباخد ناياشين وجوايز كتير
فى الجامعة توقف نشاطى الرياضى


3- متى تشعرين بإنك قليلة الحيله ومتى تشعرين بأنك في غاية القوة

بكون قليلة الحيلة امام بكاء اى مسن او مريض

بكون فى غاية القوة لما اقول كلمة حق وانا لا اخشى قول الحق اى كان من اقول لة




وكده كفايه
وأخيرا نورتي الكرسي وشرفتيه لأنك تستاهلي كل تكريم


شكرا ليك يا ابراهيم على كلماتك الجميلة واذا اتكرم عضو بينا اكيد كلنا بنتكرم معاة

حضورك اسعدنى كثيراااااااااااااااااا

boukybouky
04-02-2006, 11:39 PM
نوسة حبيبتي عارفة إننا تعبناكي علي الآخر هههههههههههه

كل الشكر لك بجد بجد أمتعتينا بردودك الجميلة الي زيك

و العشرة أيام مروا سريعاً لم نشعر بهم

أخواني و أخواتي شكراً لتواجدكم و في إنتظار ضيف جديد

علي كرسي التعارف تعلنه لكم أم أحمد غداً إن شاء الله فانتظرونا

دمتم بكل خير

في رعاية الله،،،

نوسة
05-02-2006, 11:32 AM
حرام عليكى يا نوسه جوعتينى ههههههههههههههههههههههههههههههه :d


هههههههههههههههه انا جااااااى طبعا رسمى :)
ربنا يعينك يا باشا على الاسئله ويقدرك على الاجابه *15*
وربنا يزيد الاخوه والمحبه ليكى يا نوسه اكتر واكتر
ويجعلوا عاااااااااامر بيكى دايما
انووووووووبيس

يا عينى يا مظلوم جعت هههههههههههههههههههههههههههه
طيب اتفضل كل اهى عزومة مراكبية بجد
ربنا يزيد الاخوة بينا كلنا ويخلينا لبعض
ويجعلوا عامر

eslamko_86
05-02-2006, 11:45 AM
[quote=نوسة][quote]


اهلا يا ابراهيم
منور الموضوع ولا اتاخرت ولا حاجة
والكابتن نوسة ترحب بكم هههههههههههههههههههههههه



اتفضل




الحقيقة انا شرحت الموضوع دة فى موضوع لية سميت اسمك فى المنتدى با الاسم دةفى قاعة التعارف

لكن بايجاز هقولك وانا بسجل اتصل بيا بنت خطيبة احد اقاربى اسمها ايناس وكلمتنى فى التليفون وهى بيدلعوها نوسة ومع انى مكنتش بحب الاسم وبحسة بلدى اوى لكن انا كنت بحب البنت دى علشان كدةلقيتنى بكتب نوسة
بس خلاص ههههههههههههههه




اخواتى الولاد ومنهم واحد اهلاوى متعصب والتانى زملكاوى متعصب ههههههههههههههههه

بس انا كنت بميل للاهلى اكتر وحبيت الكورة والرياضة وانا كنت رياضية من صغرى

فى ابتدائى كنت بلعب جمباز
فى اعدادى كنت بلعب جمباز والعاب قوة وكرة يد
فى ثانوى نفس الامر وكنت بلعب كرة سلة وفولى بول بس كانت المفضلة كرة اليد
وكنت بلعب بطولات وباخد ناياشين وجوايز كتير
فى الجامعة توقف نشاطى الرياضى


بقلك يا نوسه خلينا صحاب أحسن وبلاش عنف ولا تهور العاب قوى قال

ملعبتيش كوووووووووووره ليه يعنى لعبتى كل اللعب ماعدا الكوره كويس علشان ملقيش ليه منافس على الساحه :hey:

نوسة
05-02-2006, 06:13 PM
نوسة الغالية

طبعا بيتهيألي كده انه الأسئلة كتيرة قوي وانت قدها وقدود وواثقة انا من قدرة تحملك لينا كلنا .. علشان الكل بيحب نوسة والكل عاوز يسأل ممكن انا احظ سؤالي؟ اكيد انت موافقة وشكرا ليك يا نوسة على تعاونك معايا وانت عارفة ليه :no:

سؤالي هو:

ما رأيك بالحرية الشخصية؟ هل هي ان افعل ما أشاء؟ وكيفما أشاء؟ ومتى أشاء؟ أم انها مقيدة .. لماذا ومتى ؟ وكيف ؟ ما رأيك ؟ اسأل هذا السؤال لشابة في مثل عمرك وفي الظروف الراهنة التي يحياها الشباب الايام دي..*149*

لميس الامام

*169*



غالية الغالين لميس


اهلا بيكى منورة الموضوع
وشكرا ليكى انتى لحضورك وشكرا لكلماتك الاجمل

سؤالي هو:


اتفضلى


ما رأيك بالحرية الشخصية؟ هل هي ان افعل ما أشاء؟ وكيفما أشاء؟ ومتى أشاء؟ أم انها مقيدة .. لماذا ومتى ؟ وكيف ؟ ما رأيك ؟ اسأل هذا السؤال لشابة في مثل عمرك وفي الظروف الراهنة التي يحياها الشباب الايام دي..


ما رايك با الحرية الشخصية ؟
الحرية الشخصية هي أثمن ما يمكن أن يمتلكهالإنسان لذا فأن المحافظة عليها اصعب
المراد من الحرية الشخصية أن يكون الشخص قادراً على التصرف في شؤون نفسه وفي كل ما يتعلق بذاته آمناً من الاعتداء عليه في نفس أو عرض أو مال أو مأوى أو أي حق من حقوقه على أن لا يكون في تصرفه تعدى على غيره
في نطاق الحرية المنضبطة، توجد أنواع من الحرية، منها الحرية الشخصية، حرية الإرادة، وحرية الفكر، وحرية إبداء الرأي، وحرية الاجتماع، وحرية العقيدة، والحرية السياسية.


هل هي ان افعل ما أشاء؟ وكيفما أشاء؟ ومتى أشاء؟ أم انها مقيدة .. لماذا ومتى ؟ وكيف ؟ ما رأيك ؟

الحرية هى ليست كما يراني البعض أعيش كما أشاء وأفعل ما أشاء..لكل شئ حرية ولكن محدودة بحدود الحرية ليست فى أن تفعل ما تشاء وتعيش كما تشاء..ولكنها فى أن تفعل ما يجب فعله ولكن تقوم بعمله وأنت مدرك أن ما تفعله هو الحرية المطلقة لأنه الصواب..وهو السعادة التي تريد الوصول إليها..ولكن حين لا تود فعل ما هو الصواب والواجب تجد نقسك مقيد وحريتك مقيدة وتشعر أنه ليس لك الحق في فعل أي شئ..لأنك أنت وحدك من أعتقد أن ما هو واجب شئ يعجز الحرية ولا يجعلك تفعل ما تشاء..لماذا تريد أن تحكم أرض أو أن تعيش بلا أي حد؟؟..أنت أناني..ما الفائدة إذا عشت تحكم أنت نفسك وعالمك ولم تجد أحد يحبك؟؟..
الحرية المطلقةهل هى ان تفعل ما تشاء كمثل لطائر الذي حاول أن يظل يحلق ولا يعرف حدود لطيرانة وأخذ يحلق ويحلق طيلة النهار ويرتفع ويرتفع حتى أهلك فسقط ومات أو كسر..بعكس الحرية الحقيقية ?هي التي كمثل الطائر الذي يحلق بحرية ويجمع الطعام لصغاره ويعود يحتضنهم بحبه وعشه وداره وينام مرتاح البال سعيد لأنه يدرك أنه حر وأنه حقق أهدافه وتعلم حدوده..
أدرك أن حريتي ولله الحمد في طريقى السليم ستجد الكل يستجيب لها..لأني أفرض الرأي السليم ولست أبحث عن الجري وراء المستحيل وحياة الضوضاء والغير منظمة
:hey:

وانا شخصيا الحمد لله سعيده بما منحه اهلي من حريه
لثقتهم بي ..وانا على قدر من المسؤوليه لتحمل هذه الثقه........ولو كان بيدي مجال اوسع لما خرجت عن النطاق الديني او مايخالف عادات المجتمع الذي اعيشه....وكذلك لو كنت اعيش بين اهل لاسمح الله من الذين يهملون بناتهم ولايعلمون عنها شيئ ...لقلت نفس الكلام ...لاني انسانه بطبعي اعرف الخطا واعرف الصواب والتزم بما هو مناسب لمجتمعي واخلاقي وديني..........واصبح هناك وعي من كثره القصص التي نسمع بها وكثره ماتتعرض له الفتاة من امور تدمر مستقبلها لاستغلالها هذة الحرية فى ايذاء نفسها

فلا يقع الإنسان في إدمان الخمر أو المخدرات أو التدخين، ويتلف صحته وإرادته، ويضيع ماله فيما يضره. ويقول أنا حر!.. كلا ليس هو حرا فيما يجلب له الأذي. فصحته وديعة في يديه لايملكها وحده بل يملكها أيضا المجتمع الذي رباه ورعاه والذي هو مكلف بخدمته وأداء واجبه نحوه.. كذلك ليس الإنسان حرا في أن يقتل نفسه أي ينتحر بطريقة ما. فحياته ليست ملكا له وحده.
ذلك لأن هناك بعض الناس يسمون أنفسهم أي متحررين، وهم يسيرون حسب هواهم في طريق خاطيء، يتحررون فيه من القيم والثوابت..!

أما الحرية الحقيقية، فهي ان يتحرر الإنسان من كل فكر خاطيء، ومن كل طبع رديء، ومن كل شهوة منحرفة ومن كل مايسىء الية والى اسرتة والى مجتمعة

مثل هذا الإنسان إذا منح الحرية فإنه سيسلك فيها بأسلوب سليم نافع له ولغيره..

لذلك علي طالب الحرية، ان يتحرر أولا من الداخل من داخل نفسة ومن قيود نفسة لان الحرية تنبع من داخل الانسان .. وبهذا يمكنه ان يستخدم الحرية للخير.

ارجواان اكون قد جاوبت وافدت

شكرا لحضورك يا لميس اسعدنى كثيرااااااااااااااااااااااااا