المساعد الشخصي الرقمي

مشاهدة النسخة كاملة : هنشجع ونقول.. مصر في قلوبنا على طول!



نوسة
20-01-2006, 05:31 AM
هنشجع ونقول.. مصر في قلوبنا على طول!
لو كنت بتحب الكورة ولاّ حتى مابتحبهاش..
أكيد أكيد اليومين دول عارف إن مصر هتستضيف على أرضها بطولة الأمم الإفريقية الخامسة والعشرين لكرة القدم..
هتفتح التليفزيون هتلاقي "هشام عباس" بيتنطط بالكورة وبيغني لـ"كوروكونيل" التمساح النيلي أبو دم خفيف اللي اختارته تميمة للبطولة..
http://www.eyelash.ps/up/uploads/3c405c7a34.jpg
هتلاقي كل الجرايد والمجلات مخصصين صفحات خاصة للحديث عن البطولة..
وعندنا احنا كمان في المنتدى هنعمل ملف جامد جدا عن كأس الأمم هتمشي في الشارع هتلاقي صور ضخمة لمدربنا الوطني "حسن شحاتة" ومعاه كام لاعب من المنتخب واقفين وبيصوا بصة كلها حزم وإصرار على إحراز اللقب إن شاء الله..

يعني الجو كله حماس ونشاط والبطولة لازم تنجح إن شاء الله مهما كان فيه سلبيات لازم نتفوق عليها..
وكلنا طبعا ورا المنتخب الوطني.. واللي هيقدر فينا يروح الاستاد عشان يشجع المنتخب هيروح وهيهتف بأعلى صوته.. واللي فينا يقدر يروح مباريات الفرق التانية هيروح برضه عشان شكل بلدنا يبقى كويس..

اليومين دول مفيش حاجة اسمها أهلي وزمالك..
اليومين دول مفيش حاجة تانية غير..
مصر..
طيب ما تيجوا نستفيد من الجو الحماسي الحلو السخن ده.. ونسألكم كده كام سؤال..
ليه مصر بس اليومين دول؟!
ليه كلنا هنبقى واقفين ورا علم مصر في الاستاد وقدام شاشات التليفزيون وجنب سماعات الراديو؟
لاحظوا إننا بنتكلم عن المصريين اللي بجد اللي همهم بلدهم في الأول والآخر..
مش بنتكلم عن اللي عاوز المنتخب يخسر عشان يظهر هو في الصورة..
بنتكلم عن المصريين الجدعان..
عنكم يعني..

وبرضه نرجع نسأل نفس السؤال..
ليه قلبك هيبقى بينط من الفرحة لما مصر تجيب جول..

http://www.eyelash.ps/up/uploads/f523b7e346.jpg
وليه بتكون قاعد على أعصابك "أيوه مطلعها من جواك وقاعد عليها!" لما مصر تكون مهزومة؟
ليه ممكن تقعد مستني مباراة مصر يمكن لأكتر من 3 ساعات في قلب الاستاد.. وإنت مبسوط وعادي خالص ومش حاسس بأي وقت.. وفي لحظة نزول اللعيبة الملعب بتهتف ليهم ولمصر بأعلى صوتك؟
ليه ممكن تلغي ميعادك -بمنتهى البساطة- مع "الجو" بتاعك عشان "ماتش مصر النهارده الساعة 7 ولازم أتفرج عليه!"؟
ليه حتى لما تيجي تلعب FIFA الجديدة على الكمبيوتر بتختار مصر؟
عشان بتحب مصر...؟
صح؟!
طيب ليه بقى.. حبنا بيظهر لمصر بشكل واضح قوي بس.. في أوقات مباريات كرة القدم؟!
ليه مش بيظهر بنفس القوة والحماس والنشاط في الحاجات التانية؟
ليه مش بيظهر خوفنا على مصر وعلى مصلحتها إلا في الكورة بس؟
وخدوا بالكم
احنا بنقول "مش بيظهر"..
معنى كده إن الحب والخوف على مصلحة البلد موجودين عندنا كلنا..
بس للأسف مش بيظهروا إلا في الكورة..
وبيستخبوا في الحاجات التانية..
في الشغل.. وفي المذاكرة.. "مش بنشتغل بذمة، وبنذاكر تحصيل حاصل"
في وسائل المواصلات.."لا حد بيحافظ عليها.. ولا هي بتحافظ على حد!"
في الانتخابات.. "ربعنا بس اللي اهتموا بإنهم يعطوا أصواتهم"
في التعامل مع الآثار.. "مش بيحلى لينا نرسم سهم كيوبيد إلا على قفا أبو الهول!"
في كل حاجة مرتبطة بحياتنا ومرتبطة بمصر..
http://www.eyelash.ps/up/uploads/b1e20c9e2a.jpg
http://www.eyelash.ps/up/uploads/73ec80822c.jpg
احنا عارفين إن كذا واحد فيكم هيتخنق من الكلام ده وهيقول لنا وهو آخر زهق:
"ناقص بقى تشغلوا لنا أغنية ماتقولش إيه ادتنا مصر قول هندي إيه لمصر!"
لأ يا سيدي مش هنشغلها "عشان هي بس مش موجودة عندنا!"

واحنا عارفين إنه بالقدر اللي لازم تديه لمصر لازم تاخد منها..
واحنا مش بنطلب منك المستحيل..
بس كل اللي عاوزينه..
إن حبك وحماسك ونشاطك اللي بيكونوا واضحين قوي في الكورة،
يكونوا كده برضه في كل حاجة تانية
ينفع؟

شاركونا بأفكاركم في الموضوع ده
وقولوا لنا ازاينحول حبنا لبلدنا إلى نشاط دائم وأصلي وحالة مستمرة..
مش نشاط ثانوي بييجي لما مصر تلعب كورة بس..
ازاي نهتف في الملعب ونقول من قلوبنا مصر مصر
وازاي تفضل مصر برضه في قلوبنا على طول..

http://www.eyelash.ps/up/uploads/d759d28843.jpg
هتفكروا وهتكتبوا
ولاّ نشغل لكم الأغنية إياها؟!!!

LORDKAZA
20-01-2006, 05:50 AM
تحيه لاحلى نوسه مصريه بجد على هذه الروح الجميله والانتماء العالي تحيه مني اليكي واسمحي لي ان اكون اول المصوتين
امتياز موضوعك ايتها المصريه

المفكر
20-01-2006, 09:36 AM
موضوع جميل يا نوسه
فعلا المفروض اننا مش بس بنحب مصر في الكوره ونيقى بنحبها في الكلام وبس
كل واحد ممكن يثبت حبه عملي في مكانه
كل الشكر للكابتن نوسه

محمود زايد
20-01-2006, 10:39 AM
ايه الموضوع العبقرى ده يانوسه انتى رياضيه من الدرجه الاولى والله
كلنا وراء المنتخب وبنسانده بكل قوى ويارب ينصفنا ويرفع راسنا مش بنطلب حاجه كبيرة عاوزين الكأس وخلاص وربنا يوفقهم النهارده فى الافتتاح
انا نفسى كلنا نبقى فالحين فى عملنا ومجالاتنا زى ماحنا فالحين فى الكلام عن الكرة اكيد هانبقى حاجه كويسه بس نبطل كلام ونشتغل فعلا باخلاص ونحاول نرد دين مصر علينا ولو جزء بسيط
المصريين اهمه حيويه وعزم وهمه
شكرا يانوسه على الموضوع الجامد

عصام كابو
20-01-2006, 01:08 PM
نوسة اية العقلية الرهيبة دى *128* *128* *128*
انا قرأت الموضوع وعلى الرغم من انة طويل لكننى والله لم اشعر باى ملل على الاطلاق..
موضوع جميل جدا من مصرية معجونة بالتراب المصرى.....:y1: :y1: :y1:
عندك حق جدا فى كل كلمة قولتيها...........:good: :good:
ولازم كل واحد يبدا بنفسة فى كل المجالات (مش بس فى الرياضة و ماتشات الكورة) ويضع صورة مصرنا امامه و يعمل بما يرضى الله ..........
والله الموفق...........

eslamko_86
20-01-2006, 01:12 PM
موضوووووووووووووع جميل يا نووووووووووووووسه وانشاء الله هنكسب الكأس :no1:



:good: *35* *35* *35* *35* :good:

bedo_ic
20-01-2006, 04:33 PM
ياستى نوسة الموضوع جميل جدا بس انت عارفة انى فى ليبيا وعارفة ايه اللى ممكن يجرى لى
وعلى العموم المنتخب المصرى حديد

زهرة الحنين
20-01-2006, 05:43 PM
هانشجع ونقووووووووووووول شيبساااااااااااوي علي طول:4: :4:

(المصري علي طوووووووووووووووول):4: :4: :4:


موضوعك زي العثل يا قمر


يسلموووا الايادي


حنين

نوووونه
20-01-2006, 07:54 PM
مصر جابت 2 صفر

عصفور الشعر
20-01-2006, 08:11 PM
مبرررررررررررررررووووووووووووووووووووووك لمصر

وشك حلو يا نووووووووووووووووووسه


وعقبال الماتش الجاى

حسام عمر
20-01-2006, 08:26 PM
موضوع رائع يا نوسه


من كل قلبى

بقول

مصروووووووووووووووووووووووووووووى

علطوووووووووووووووووووووووووووووول

سومه
20-01-2006, 08:51 PM
موضوع جميل جدا يانوسه:y:
انتى عارفه انا بحب الكورة جدا بس علشان خفت على صحتى من السكر والضغط بطلت اتابعها وخصوصا ماتشات المنتخب
لانى لو اتفرجت على ماتش للمنتخب وخسر دماغى بتكون فيها حريقه وصداع بسبب الخسارة:eek: :uff:
بس بعد كلامك ده انا زعلانه انى متفرجتش على ماتش مصر والمغرب:'( :'( :'(
بس خلاص عوده للمتابعه باذن الله
والف مبروووووووووووووووووووووووووووووووووووووووك لمصر ام الدنيا :good:
وان شاء الله الكاس لمصر:no1:

نوسة
22-01-2006, 06:54 PM
تحيه لاحلى نوسه مصريه بجد على هذه الروح الجميله والانتماء العالي تحيه مني اليكي واسمحي لي ان اكون اول المصوتين
امتياز موضوعك ايتها المصريه

اهلا يا هانى
شكرا يا هانى على تحيتك ومش انا وحدى يا هانى اللى مصرية كلنا مصرين وبنحب مصر اوى وشكرا على تميز الموضوع
وبأذن الله نتفائل جميعنا خيرا لمصر
تحياتى اليك

نوسة
22-01-2006, 06:59 PM
موضوع جميل يا نوسه
فعلا المفروض اننا مش بس بنحب مصر في الكوره ونيقى بنحبها في الكلام وبس
كل واحد ممكن يثبت حبه عملي في مكانه
كل الشكر للكابتن نوسه

اهلا يا مفكر
اكيد يا مفكر لابد ان نثبت حبنا لمصر فى كل المجالات
مش فى الكورة وبس
بس فى الكورة مصر بتبقى تجنن
كابتن نوسة تحيك

نوسة
22-01-2006, 07:08 PM
ايه الموضوع العبقرى ده يانوسه انتى رياضيه من الدرجه الاولى والله
كلنا وراء المنتخب وبنسانده بكل قوى ويارب ينصفنا ويرفع راسنا مش بنطلب حاجه كبيرة عاوزين الكأس وخلاص وربنا يوفقهم النهارده فى الافتتاح
انا نفسى كلنا نبقى فالحين فى عملنا ومجالاتنا زى ماحنا فالحين فى الكلام عن الكرة اكيد هانبقى حاجه كويسه بس نبطل كلام ونشتغل فعلا باخلاص ونحاول نرد دين مصر علينا ولو جزء بسيط
المصريين اهمه حيويه وعزم وهمه
شكرا يانوسه على الموضوع الجامد


اهلا يا محمود هو انا رياضية بس انتم طبعا درجة اولى
با التاكيد كلنا وراء المنتخب قلبا وقالباواة احنا عايزين الكاس وخلاص ههههههههههههههههههه
متواضعين احنا خالص
وباالتاكيد يا محمود على المدى القريب او البعيد هنكون فالحين فى كل حاجة بأذن الله
بس الامور محتاجة الامانة كل فى موقعة
تحياتى اليك

نوسة
22-01-2006, 07:16 PM
نوسة اية العقلية الرهيبة دى *128* *128* *128*
انا قرأت الموضوع وعلى الرغم من انة طويل لكننى والله لم اشعر باى ملل على الاطلاق..
موضوع جميل جدا من مصرية معجونة بالتراب المصرى.....:y1: :y1: :y1:
عندك حق جدا فى كل كلمة قولتيها...........:good: :good:
ولازم كل واحد يبدا بنفسة فى كل المجالات (مش بس فى الرياضة و ماتشات الكورة) ويضع صورة مصرنا امامه و يعمل بما يرضى الله ..........
والله الموفق...........

اهلا يا كابوا
اشكرك لاجل كلماتك الجميلة جداااااااااااااااااااااااااا
وصدقنى لو كل واحد بدأ بنفسة هنكون فى احسن حال
المهم فعلا ان نعمل بما يرضى الله
شكرا لتواجدك

نوسة
22-01-2006, 07:24 PM
موضوووووووووووووع جميل يا نووووووووووووووسه وانشاء الله هنكسب الكأس :no1:



:good: *35* *35* *35* *35* :good:


اهلا يا اسلامكوااااااااااااااااااااااااااااااا

شكرا لتواجدك الجميل وانشاء الله نكسب الكاس بس مش طماعين ولا عايزين حاجة تانى
الحمد لله

تحياتى اليك

نوسة
22-01-2006, 07:28 PM
ياستى نوسة الموضوع جميل جدا بس انت عارفة انى فى ليبيا وعارفة ايه اللى ممكن يجرى لى
وعلى العموم المنتخب المصرى حديد


اهلا اهلا يا بيدو
منور القاعة فعلا ولا يهمك فى لبيا او فى غيرها احنا برضوا بنخاف
اوعى تصدق من خاف سلم ههههههههههههههههه
والاهلى حديد والمنتخب حديد
شكرا لحضورك

نوسة
22-01-2006, 07:32 PM
هانشجع ونقووووووووووووول شيبساااااااااااوي علي طول:4: :4:

(المصري علي طوووووووووووووووول):4: :4: :4:


موضوعك زي العثل يا قمر


يسلموووا الايادي


حنين

اهلا اهلا يا هشام يا سليم هههههههههههههههه

اهلا يا زهرة
اكيد هنسيب الشيبسى دلوقت ونقول مصر على طول
ونرجع بقى للشيبسى
شكرا لحضورك الجميل

نوسة
22-01-2006, 07:35 PM
مصر جابت 2 صفر


خبر جميل يا نوووووووووووووووونة
شكرا لحضورك ولخبرك الحلو

تحياتى اليك

نوسة
22-01-2006, 07:42 PM
مبرررررررررررررررووووووووووووووووووووووك لمصر

وشك حلو يا نووووووووووووووووووسه


وعقبال الماتش الجاى


اهلا يا توت
الله يبارك فيك ومبروك لكل المصرين
وبأذن الله نكسب الباقى
تحياتى اليك

نوسة
22-01-2006, 07:46 PM
موضوع رائع يا نوسه


من كل قلبى

بقول

مصروووووووووووووووووووووووووووووى

علطوووووووووووووووووووووووووووووول

اهلا يا حسام يا زملكاوى على طول
ميرسى يا حسام ربنا يخليك والموضوع حلو بيكم طبعا
واكيد كلنا من قلوبنا معاك بنقول
مصرررررررررررررررررررررررررررررى
على
طووووووووووووووووووووووول

تحياتى اليك

نوسة
22-01-2006, 08:04 PM
موضوع جميل جدا يانوسه:y:
انتى عارفه انا بحب الكورة جدا بس علشان خفت على صحتى من السكر والضغط بطلت اتابعها وخصوصا ماتشات المنتخب
لانى لو اتفرجت على ماتش للمنتخب وخسر دماغى بتكون فيها حريقه وصداع بسبب الخسارة:eek: :uff:
بس بعد كلامك ده انا زعلانه انى متفرجتش على ماتش مصر والمغرب:'( :'( :'(
بس خلاص عوده للمتابعه باذن الله
والف مبروووووووووووووووووووووووووووووووووووووووك لمصر ام الدنيا :good:
وان شاء الله الكاس لمصر:no1:

اهلا يا سومة منورة يا جميلة
شكرا لكلماتك الجميلة
لالا فى الماتشات الوطنية ننسى الصداع والضغط والسكر ولازم نكون كلنا وراهم حتى ولو فى بيوتنا
والف مبروك لمصر ويارب كملها با الكاس
شكرا لحضورك

عمرو صالح
29-01-2006, 12:48 AM
نوسة
ايه الموضوع الجميل ده
الموضوع متكامل من حيث الفكرة والتنسيق والتنفيذ

كل فتره مستواكي بيرتفع حقيقي
واصبحت مشاركات فعالة ولها جماهيرية كبيرة
اعذريني بسبب التأخير في المشاركة بسبب عدم تواجدي اصلا في المنتدى باستمرار بسبب الاجازة
مبروك لمصر الصعود لدور الـ8 وعقبال الكأس

LORDKAZA
29-01-2006, 01:06 AM
نوسه العزيزه الف مبروك الفوز لمصر والمزيد من التألق ليكي
ويا رب ناخد البطوله