المساعد الشخصي الرقمي

مشاهدة النسخة كاملة : لو ربنا فك عقدتك.. واتخطبتي.



الصفحات : [1] 2

حتة سكرة
17-01-2006, 08:30 PM
آنستي العزيزة.. لو ربنا فك عقدتك.. واتخطبتي..:hey: :hey: فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
;)
أجمل ما في الخطوبة العزومات الرومانسية:k: .. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف:eat: يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك..:no: ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه...:notme: .

3- الشوووربة.. أبوس كعب رجلك.. :notme:
بند الشوربة ده مهم جدًاااا.. الشوربة تتشرب من غير صوت خالص.:sh: . ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..:no:
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة.:evil: . وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..:eat:

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. ;)
قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..:notme:

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....:hey:

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..
آل يعني بتمسحي بؤك..;)
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا :hey: :hey:

loooozaaaa
17-01-2006, 08:43 PM
طبعا ياهانم دي نصائح تخرب البيت من يوم الدخله وبعد كده هنيجي كلنا نمسك زمارو رقبتك هتعملي ايه بسبب نصائحك الجميله
مه احترامي لسيادتك الهانم متجوزه
او مخطوبه

حتة سكرة
17-01-2006, 08:47 PM
طبعا ياهانم دي نصائح تخرب البيت من يوم الدخله وبعد كده هنيجي كلنا نمسك زمارو رقبتك هتعملي ايه بسبب نصائحك الجميله
مه احترامي لسيادتك الهانم متجوزه
او مخطوبه


والله يا أخت لوزة سؤال حضرتك أحم أحم محرج شويتين لسة والله الي مامتو دعيا علية مجاش :'( :'(

بنت شرقيه
17-01-2006, 08:48 PM
ههههههههههههههه
و الله انتى فعلا حته سكره *3*
بس قولى لى كدا
بينى و بينك يا حته سكره
فى حد اداكى حاجه علشان تبهدلى البنات كدا ؟ :sad:
لا مش رشوة لا سمح الله *7*
دى اكراميه *14*
هديه *21*
عربون محبه *29*
أى حاجه
بس شكلك كدا حد مأجرك علشان تبهدلى فى البنات *65*
صح ؟

بس بجد
موضوعك راااااااااااااااااائع *97*
و أعدت اضحك لما قلت يا بس *89*
شكرا حبيبتى على كلامك الجميل :f2:

loooozaaaa
17-01-2006, 08:52 PM
بكره يجي وايه ويتحايل عليكي كده وابقي اتكسفي لي بقى ياهانم

mekyman
18-01-2006, 10:28 AM
عسولة واللة

Hesham Nassar
18-01-2006, 12:56 PM
عقبال ما ربنا يفك عقدتي انا كمان ..http://www.egyptsons.com/misr/images/smilies/080402cool_prv.gif

حلوه النصايح يا سكره ..http://www.egyptsons.com/misr/images/smilies/050103gig_prv.gif

و مستني النصايح الرجالي بقى ..http://www.egyptsons.com/misr/images/smilies/old/thumbsup.gif
http://www.egyptsons.com/misr/images/smilies/smile.gif

ديدي
19-01-2006, 11:18 AM
هههههههههههه
ليه بس كدا يا سكرة
بس حقيقى موضوع لذيذ

eslamko_86
19-01-2006, 11:39 AM
هى سكره جالها عريس ولا ايه هههههههههههههه

حتة سكرة
19-01-2006, 03:42 PM
شكرااااااااااااااا لكل الي شاركو هنا وعلقو على الموضوع بجد ردودكم زي حتة السكرة

وعلى الله نكون قدمنا حاجة تخدم البنانيت الحلوين

وياريت اي واحد راجل هنا دخل وشاف الموضوع دة كأنة مسمعش ولا قرا عشان ميحصلوش اغتيال

وقد أعذر من أنذر

أحمد ناصر
19-01-2006, 03:46 PM
*109*
شكرا لك يا حتة سكرة

Neferteti
20-01-2006, 02:46 PM
شكرا يا حتة سكره
الموضوع بجد جامد اوى اوى اوى

اسكندرانى
20-01-2006, 03:18 PM
لو عاوزه ابن الحلال اللى فى بالك
نصيحة من مجرب
اعملى عكس كل اللى قلتيه ده
على الاقل اذا رضى بك كده يبقى الحمد لله مش ممكن يتراجع ابدا
وده افضل من الصدمة اللى بعد الزوج
على فكره انا اتجوزت بعد ما شفت مراتى بتاكل فسيخ فى المنتزة
تخيلى انتى بقى الشكل كان ايه
ربنا يرزقك وكل البنات بعرسان ولاد حلال ويسترها معاكم يارب

الدكتورة نسيبة
20-01-2006, 03:24 PM
ههههههههههههههههههههههههههههههههههه

تحفة يا حتة سكرة موضوع عسل قوى زيك

تسلم ايدك يا حبيتى

حتة سكرة
20-01-2006, 05:48 PM
أحمد ناصر
ونفرتيتي
وأسكندراني
وأحلى ميرا في الدنيا
شكرا لمروركم وتعليقتكم الجميلة

zizo2000
22-01-2006, 01:55 PM
مساء الخير
موضوع جميل جداً ودمه خفيف اوى بس عايز اقولك حاجة عن اغلب الرجالة وهى انهم بيحبوا الست تكون على طبيعتها خالص بدون اى تكليف
وشكراً

حتة سكرة
22-01-2006, 06:56 PM
ههههههههههههههههههههههه شكرا على مشاركتك معانا
وعوزا أقولك على حاجة بس دة موضوع خفيف وفي نوع من الكوميديا ومش دي حقيقة البنات
وبس

جرجير طازة
22-01-2006, 08:33 PM
يخرب عقلك خفة دمك جامدة جدا قعدت اضحك لحد ما معدتى وجعتنى و ناديت اللى فى البيت كلهم علشان يقروا الموضوع و اتبسطوا منه جدا
على العموم موضوعك فيه نصائح مهمة جدا و خاصة ان الواحد بيحب ياخد راحته فى الاكل
لكن كله يهون علشان خاطر اللى بالى بالك
فى انتظار مواضيعك القادمة بنفس خفة دمك ادامها الله عليكى

loooozaaaa
22-01-2006, 08:37 PM
شطوره ياسكره انا كنت فاكراكي بتتكلمي جد
بس عاوزين المره الجايه نعرف الرجاله بتعمل ايه ..........................ياما تحت السواقي
ههههههههههههههههههههههههههههههههههههههه

semsema11
22-01-2006, 08:56 PM
:f:
ههههههههههههههههههههههههه
والله عسل يا حتة سكرة بس عيزة افهم لية كدا بهدلتى البنات لية كدا
عموما هو موضوع لذيذ موت:y:

أسماء طلعت
22-01-2006, 10:18 PM
جميل يا حتة سكرة
أنا شايفة ناس مش عاجبها الموضوع
بس أنا عجبني أوي مووت
ومالو الاتيكيت وحش؟
أنا عن نفسي بحبه
ربنا يكرمك ومتعمليش حاجة من اللي قولتي عليها ههههههه
تسلم ايديكي

free_bird
22-01-2006, 10:28 PM
ههههههههههه

مسنال
22-01-2006, 10:55 PM
هههههههههههههههههههههههههههههههههههههههههههههههه


الله يعينكم على التعليمات

ما راح تاكلون ابد راح تجوعون طول فترة الخطوبة

والرجال ياكل بيده ورجله

النمر الاسود
22-01-2006, 11:19 PM
ههههههههههههههههههه عسل والله


بس على ايه البهدلة دى... انا عن نفسى هعزمها عند بتاع الفول اللى بفطر عنده كل يوم وانا رايح الشغل
اصلها لو قعدت تاكل بالشوكة والسكينة وتعمل اللى قلتى عليه انا هتسوووووووووووح واحتمال كبير اوى اطلقها فيها

اصلى مدهول اوى فى المواقف دى

بس بجد ضحكتينى اوى وانا بقالى كتييير ما ضحكتش كدة

شكرا على خفة دمك

فى حب مصر
22-01-2006, 11:20 PM
السلام عليكم

نصيحة اخرى
لا ترتدى حزاء كعب عالى
لكى تكونى خفيفة الحركة عند دفع الفاتورة
هو فية شاب اليومين دول معاة ياكل خطيبتة كل الانواع دى
يبقى هيغسل الصحون لازم تهرب هى بسرعة قبل ان تشاركة اعباء الحياة
ههههههههههههههه
موضوع زى العسل
فكرتينا بان لسة فى لحمة وبطاطس وشوربة
واللة الدنيا بخير
اخوكم
عمرو
المنوفى

khaled4
22-01-2006, 11:23 PM
فعلا حته سكره بجد موضوع جامد جدا جدا بس الحقيقه موره

LORDKAZA
22-01-2006, 11:32 PM
خيانه بتضحكوا علينا
بس والنبي اوعي تنصحى الرجاله هههههههه

فارس الأندلس
23-01-2006, 02:36 AM
بجد بجد موضوع سكرة من حتة سكرة
انا اول مرة اضحك كده وانا بقرأ موضوع على المنتدى
مش عارف يمكن السبب انى بعيش الايام دى دلوقتى لأنى خاطب
فى الحقيقة خطيبتى معملتش كده بس قعدت اتخيل كام حاجة للقيتها ممكن تحصل وفى حاجات حصلت
زى انها ما تكونش اكلت حاجة وتحط لى ايديها على بطنها قال مش قادرة من كتر الاكل
هههههههههههههههههههههه
شكر يا حتة سكرة على الموضوع اللى زى العسل ويار يت تكترى من فضايح البنات اللى مستخبية عشان خبرتنا تزيد

keliopatra
23-01-2006, 02:43 AM
ههههههههههههههههههههههههههههههههههه


انا مش عارفة اقولك ايه يا سكرة


بجد ربنا يحميك يا قمر

malkro7y
23-01-2006, 02:54 AM
هههههههههههه هايل يا سكره كده لما اتخطب هدبسه في حتة عزومه محترمه بس دوري ليه علي اكل غير الجمبري اصلي مبحبوش

دمك عسل يا سكر دايب

حتة سكرة
23-01-2006, 06:47 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه
والله انتم الي ردودكم سكر ضحكتوني اكتر من الموضوع نفسة
وشكرا على مشاركتكم معايا واحد واحد نفر نفر نفراية نفراية

daria
23-01-2006, 09:15 PM
هيا اصلا لو طريقة اكلها كدة
يبقى لازم تتدرب في البيت كويس ههههههههههههه
من ناحيتي شخصيا هوه اللى لازم يتدرب اصلا
انا مش باعمل كل المصمصة والشوربة اللى من السلطانية والكلام دة

لو الاكل عاجبني باكل ببطء ومزاج
ولو مش عاجبني
جعانة بحط كله على كله ومخلل يضيع الطعم وخلصت
لو مش جعانة مش باكل
وساعتها ليلته الوان
لأني حاقعد اراقبه وابصله بصة ياااااااااااااااااااااي
عامل كدة ليه دة
واقوله انت بتاكل دايما بالمنظر دة :n:

عيب عليك:1:

حتة سكرة .. كل دة فضايح في هيئة موضوع
بس بصراحة ضحكتيني
:good:
تسلمي
إيمان

عـزالديـن
02-02-2006, 02:56 AM
نصائح حلوة وطريفة :no1:

حتة سكرة
21-02-2006, 07:10 PM
أي خدمة يا أستاذ عز بس ابقى خد بالك كويس
أديك عرفت اسرار البنات

kalecoper
25-02-2006, 05:19 AM
3la fekra entty mesh sokar wala haga
:-s
:-s
:-s
:-s
:-s
:-s
:-s
:-s
:-s
enty zay el 3saaaaaaaaaaaaaaaaaaaaaal
accept my greetings*67* *67* *67* *67*

kalecoper
25-02-2006, 05:27 AM
3la fefkra modo3ek dah 3mally fde7a fe el beet 3shat ana areto 7awaly 6 el sob7 wkont msa5sa5 3la nafsy men el de7k
thank u again
*122* *128* *128* *128* *128* *128* *128* *128* *128* *128* *128*

حتة سكرة
25-02-2006, 03:08 PM
3la fefkra modo3ek dah 3mally fde7a fe el beet 3shat ana areto 7awaly 6 el sob7 wkont msa5sa5 3la nafsy men el de7k
thank u again
*122* *128* *128* *128* *128* *128* *128* *128* *128* *128* *128*


ههههههههههههههههههههههههههههه
لابنا يخليك أكيد الي في البيت قالو بيضحك دة على اية قاعد مع عفاريت بيزغزغووووووو

شكرا ليك على مشاركتك معانا

BABA ZABADI
28-02-2006, 01:50 AM
كل الكلام حلو تعالى بقى بعد الجواز ملاية لف وجرى ايه يااااااااااااا عمــــــــــــــــــــــــــــ .....
والرقة تروح وبيتزا هت تستبدل بالمسمط وعك وربك يفك
الموضوع مش عايز كل ده وربنا يستر الولايا ويسترنا احنا كمان ويفك الازمة ده وتقولوا لبابا يهز المهر شوية وبلاش الطلبات اللي تقطم الضهر عدوها وسهلوها خليكوا تتجوزوا ونتجوز يالا باي .....

loooozaaaa
28-02-2006, 06:33 PM
ههههههههههههههههههههههههههههههههههههههههههههه ه هي المشكله فينا يعني ياعم اجري روح كده اجري العب مع الاسد ما انتوا كمان ثلات تربعكم بيغش في الاسلوب والمعامله .بس الحمد لله ان ربنا بيستلاها قبل ماتقع الفاس في الراس
واحنا كمان مش عارفين نتجوز منكم فكوها بقى وبلاش شغل حلق حوش ده
ولا ايه رأيكم يابنات بذمتكم مش بيحصل كده

soldier
01-03-2006, 01:16 PM
موضوعك جمل أوى وفى إنتظار الجزء الثانى ( نصائح للشباب الخاطب ) عشان تكملى على البلد ونقعد ننش كلنا

soldier
01-03-2006, 01:32 PM
وعلى فكرة أنا خاطب وإن شاء الله هتجوز قريب ، فياريت تتأخرى شوية قبل الجزء الثانى أحسن أتجنن فى دماغى وأعمل بنصائحك الذهبية

حتة سكرة
26-03-2006, 07:16 PM
لا تعليق

faysad
30-03-2006, 09:13 AM
:good: طب كويس عشان يتجوز بسرعة لانها بتوفر ليه لا تاكل كتير ولما يتجوز ممكن تاكله هو وعائلته وممكن تدور عليكي وساعتها هتعملي ايه لو جت ليكي
هههههههههههههههه

loooozaaaa
01-04-2006, 01:16 PM
هههههههههههههههههههههههههههههههههههههههههههههههههه هههههههههههههههههههههههه
طفاسه بقى هههههههههههههههههههههههههههههههههههههههههههههههههه هههههههههههههه

شلبي سلوفان
21-04-2006, 06:38 PM
ريلي حتة سكرة

زيدينا مرحا زيدينا 000

أرجوكى رجاء حارا انتقلي لنصائح للرجالة فورا 00

رانيا عمر
21-04-2006, 10:09 PM
اووووف النصائح دي صعبة
علي راي الفنانة ماجدة في زمنها
اكل و اكتم يعني ههههه
شكرا يا قمر علي الموضوع

بنت شهريار
22-04-2006, 01:42 PM
كدا بردو يا سكرة هو احنا وحشين اوى كدا..
دا احنا كلنا ذوق ورقة وعلطوووووووووول شبعانين ومش قادرين ناكل..
من غير تمثيل يا شباب والله..
والله لاوريكى يا سكرة..كنتى تكسبى ثواب اكتر وابعتى لينا النصائح فى رسايل خاصة
بدل الفضايح قدام الشباب كدا
كدا هيكشفونا علطووول..
تسلم ايدك يا عسل..تقبلى تحياتى..

حتة سكرة
24-04-2006, 03:11 PM
شكرا لمرورك يا رانيا

بنت شهريار هههههههههههههههههههههههههههههه والله انتي حتة سكرة وبلااش حكاية حتوريني دي عععععععععععععععععع عوووووووووو (( دة عياط ))

شكرا يا جميل على المرور والمشاركة

loooozaaaa
29-04-2006, 07:19 PM
وانا ياسكره نسيتينى

loooozaaaa
29-04-2006, 07:20 PM
سكررررررررررررره انتى فين


Photo Gallery